رواية ثأر الشيخ مهران الفصل السابع بقلم حوراء
ايليا:
_راح اتخبل منو هذا الي يراسلني وشنو الي يريدة ومنين حصل رقمي اهخخ ربي عايزني مشاكل اني داومت ثاني يوم واني روحي طالعه حته ماقاريه ولا محاضرة بس داومت علمود الغياب دخلت للقاعدة وشوي ودخلت الدكتورة وراي
_دخلت تشرح بالمادة واني بغير مكان كلساع تنبهني حته انتبه وياهة بس الموضوع مو بيدي عقلي مشوش من هاي الرسائل
_كومييي اطلعييي برةةة (بصوت عالي)
_اشرت على نفسي
_اني دكتورة
_اي انتي
_بس ليش
_بدون ليش اطلعي بدون نقاش
_شلت كتبي واخذت جنطتي وطلعت مابيه اتناقش وياهة
_نزلت للحديقه وكعدت بالمكان الي دائما اني وانفال نكعد بيه
_واني كاعدة حسيت اكو واحد واكف يمي رفعت راسي وشفته اثير (ممثل القسم)
_السلام عليكم
_وعليكم السلام
_خيرج يول اليون وجهج مكلوب صاير وياج شي
_لا ابدد مصاير شي
_دحجي يول اني منتبه عليج اليوم مغنتبه وتزكحين بالدكتورة
_ابتسمت على كلامه اثير انباري كلش خوش ولد حباب كلشش ودائما يحب يسأل ويستفسر على الموجودين بالقسم سواء بنيه او ولد
_ترة انتي بمثابه اخت الي اذا عندج مشكله تكدرين تكولين
_والله وانت بمعزة اخ بس ماكو شي البارحه جانت الخطبه مالت بنت عمي وتعبانه لان الخطبه صارت بيتنه وبس ماكو شي ثاني
_حلو بالرفاه والبنين ويوم الج (حجاهة بضحكه)
_ابتسمت بوجه: تسلم
_يلا اني رايح واذا تحتاجين شي اني موجود خوش يول
_تمام
_مشه ضليت اباوع عليه شكد نبهتني غسق من ممثل الشعبه لان تكول ابو بنات وعوينجي بس الي شفته باأثير يختلف عن الكلام الي كالته
_شوي واجت انفال وجايبه وياهة اكل
_انفال: هاج اكلي
_ايليا: مااشتهي والله
_انفال: مااكلتي شي البارحه مو
_ايليا: توؤ
_انفال: ليش تسوين هيج ايلي انتي جاي اتأذين نفسج
_ايليا: اريد اموت واخلص من هاي العيشه الخ'رة والله ماجاي اتحمل
_انفال: انجبي ايليا لاتفكرين هيج شوفي الي سويته انتي بيه راح يخلي يفكر مليون مرة قبل لا يتقرب منج مرة لاخ
_ايليا: انتي عبالج اريد اموت لان تعبت من زيون لا غلطانه انتي ماتدرين بالمصيبه الي صايرة وياي
_انفال: خير لج شكو
_طلعتلهة الموبايل
_تقرة وتضرب بخفه على صدرهة
_عزه لج هذا منو
_ماادري
_بعدهي لازمه الموبايل واجت رساله من نفس الرقم
_لج ايلي تعاي شوفي شيكول
_'حفيدة الشيخ جابر مو حلوة منهة تكعد بالكليه ويه الزلم مو لو اني غلطان يبت الشيوخ'
_انفال: لج هذا شيقصد ويامن جنتي كاعدة
_ويه اثير
_ممثل القسم مالتنه؟؟
_اي
_باعي هذا وحدة من الاثنين لو هو مراقبج لو مخلي واحد يراقبج
_تدرين لو اكو واحد كلج
_شبيج وثول يعني انتي هم هيج تفكرين
_ليش اكو طريقه ثانيه حته يعرف تحركاتي بدون المراقبه؟؟
_لا ماكو
_لج اني الي مخبلني شلون وصله الفيديو مالتي من جنت اركص بالخطبه
_يجوز داز وحدة من البنات حته تصورج
_لج احنه ماعزمنه واحد غريب كلهم گرايبنه وصديقاتنه
_باعي راح اگول شي اني شاگه بوحدة
_منو
_غزل
_غزل تحجيت صدكك
_والله شبيج ما شفتيهة شلون جانت عينهة عليج طول الحفله واني اكثر من مرة شفتهة تصور
_يجوز تصور روحهة
_ماادري بس شلون انطلعهة من دائرة الشك
_عندي فكرة
_شنو
_تعاي وراي وانتي تعرفين
_صعدنه للقاعه لان هية تضل كاعدة بيه لكيتهة كاعدة ويه البنات
_هلاوو بنات
_هلا حياتي
_غزوله تعاي شوي اريد احجي وياج
_تمام حبي جايه
_وكفت باب القاعه انتظرهة وانفال واكفه يمي شوي واجت
_ها حب
_بس اريد موبايلج اخابر ماما اكللهة راح نتأخر اليوم ماعندي رصيد وهاي الثوله موبايلهة طافي ماشاحنته
_عادي حبيبتي
_طلعت موبايلهة ونطتني اياه وهمست لانفال
_سولفي وياهة وشغليهة عني
_تمام
_ انفال: غزوله دريتي شصار وياي
_غزل: لأ والله حياتي شصاير
_انفال: تعاي احجيلج
_اخذتهة بعيد عني حته اكدر افتش موبايلهة ورأستا على الاستوديو كلشي ملكيت ورحت ونوب رحت للواتساب لكيت رقم طلعت مبايلي وقارنته ويه الرقم الي يدزلي رسائل طلع هو نفسه
_خليت واتصلت بيه على الرصيد وضليت ساكته شوي واجاني صوت زلمه يكول
_منو وياي، الوو، اذا ماتردون المن تتصلون وسدة بوجهي ضليت صافنه مفهمت شي شلون رقمه عدهة وشلون ميعرفهة مااستفاديت شي
_رجعت الموبايل لغزل
_مشكورة كبد
_العفو حبيبتي مسويت شي
_يلا انفال تعاي ندخل راح يجي الدكتور
_يلا تعاي
_شصار
_مو هية
_صدكك
_بعدين احجيلج اجه الدكتور
_دخلت الدكتور ومتنه ملل منا لحد ما خلصت طلعنه سوة
_انفال: احجي بسرعه
_ايليا: رقمه موجود عدهة
_انفال: عزة بعينهة يعني تعرفه
_لااا
_شلون لاا ورقمه موجود عدهة
_لج اتصلت وضليت ساكته من ردة مبين ميعرفهة ورزلني هم
_هسة شلون
_والله العظيم مااعرف نوب مااكدر اطلعهة من دائرة الشك ولا اكدر اثبت عليه شي شلون دوخه هايي يالله
_انفال: تعاي اجه الخط خلينه نرجع للبيت وبعدين نفكر شلون راح نحل هلسالفه هاي
_رجعت للبيت وبدون كلام صعدت لغرفتي بدلت ملابسي وصليت ونمت ماما اجت عليه علمود اتغدة گذبت عليهة وگتلهة اگلت ويه انفال بالكليه عافتني ونزلت
______________
الشيخ مهران:
_مهيمن: شراح تسوي
_الشيخ مهران: اخذ ثار ابوي
_مهيمن: من بتهم؟؟
_الشيخ مهران: من طلعنه من ديرتنه لليوم اني مراقب الشيخ جابر وولده مايحب احد اكثر منهة
_مهيمن: وشلون راح يصير انتقامك
_الشيخ مهران: انزل روسهم بيهة
_مهيمن: تحجي صدكك لو تخبلت انته هااا مهران اصحى على نفسك الابنيه شعليهة وادخلهة بثأرك ويه اهلهة
_الشيخ مهران: هاي انته كلتهة اهلهة مو غربه
_مهيمن: لكك مهران لاتتخبل لاتسوي شي تندم عليه بعدين لاتنسه وانت هم عندك اخت لاتطلع حوبه الابنيه بأختك
_الشيخ مهران: چااا شلون اخذ ثأري واطفي النار المشتعله بصدري الصارلهة15سنه هااا
_مهيمن: الصوج مو منهم الصوج من اهل الولد الجذبو على ابوك الشيخ جابر وولده ماغلطو دافعو على نفسهم بس
_الشيخ مهران: انته شجاي تخربط شلون تصف وياهم ضدي
_مهيمن: مامسويهة ولا راح اسويهة واكف ضدكك انتي عضيدي واخوي واخاف عليك لا هاي النار تگب وتحركك
_الشيخ مهران: لاتخافي علي اني محتركك من زمان
_مهيمن: خويه خايف عليك لا نوب تعشقهة للبت
_الشيخ مهران: اعشق بت كتال ابوي؟؟
شجاي تحجي انته
_مهيمن: چا ليش خليت فهد ونزار يراقبونهة
_الشيخ مهران: حته اعرف كل تصرفاتهة
_مهيمن:-خوش يخوي بس دير بالك على روحك
_طلع مهيمن واني ضليت افكر بكلامه واهز راسي ينفي
الشيخ مهران باستنكار:-مستحيل اعشق بن كتال ابوي
____________
ايليا:-
_اخذته وهي طلعت رحت على جهات الاتصال وطلعت اسمه ودكيت من اول دكه فتح الخط واني ضليت ساكته مااعرف شلون عرفني شوي ونصدمت بكلامه
_ليش هيج جاي تحجي وياي؟؟؟
_ادم:-شلوننن ترديني احجي وياج وانتي طالعه بدون ماتنطيني خبر شنو اني رجل كرسي لو مو من مقامج ست نارة هاااا
_نارة ببكاء:-والله اني معليه هي عمه كالت تعاي نروح للسوگ نشتري ملابس واني هم ماعندي رقمك حتة اتصل عليك واكلك والله مو قصدي
_ادم:-ليش جاي تبجين
_نارة من كال هيج عبالك كلي ابچي زايد كمت اشهك بالبچي واسمعه يكول
_علكيفج بابا راح يوكف كلبج يلا كافي لاتبجين نارة جاي تسمعيني حبيبتي يلا تنفسي روحي تنفسي لاتسوين بروحج هيج
_بسبب كلامه هديت شويه
_ادم:-ها هديتي بابا
_نارة:-ايي
_باعي بابا مو قصدي اصيح عليج بس من اخابر واسأل عليج يكلولي طلعت ويه الحجيه واخابر على الحجيه وماترد عليه تدرين شصار بيه من الخوف عليجن لاتسوين هيج واني ماامنعج من الطلعه بس لازم تطلعين بعلمي خوشش
_نارة والشهكه بعدهة بلعومهة:-خوش
_روحي غسلي وجهج بمي بارد ودير بالج على نفسج
_نارة:-خوش
_ادم:-قبل لاترحين اكو واحد حاجاج او سوة الج شي؟؟
_نارة:-مثل منو
_ادم:-اني جاي اسألج لاتردين عليه بسؤال
_نارة ماحبيت اكله على الي سوته نور حته لايكولون اول ما اجت سوت مشاكل بالبيت جاوبته
_نارة:-لاا محد سوة شي
_ادم:-خوشش اني اسبوعين واجي وهاا خابرت مهران علمود اوراق المحكمه حته يجهزهة بس لازم الجنسيه مالتج جايبته وياج لو بعدهي عد ابوج
_نارة:-لاا عد بابا
_ادم:-خوشش اني اخابر نزار يروح للخوج ويجيبهة منه
_نارة:-براحتك
_ادم:-ديري بالج على نفسج
_نارة:-تمام
_ادم: يلا مع السلامه
_نارة:-الله وياك استودعتك الله
_ادم:-شنو عيديهة
_نارة:-شنو
_ادم:-الكلمه الي كلتيهة
_نارة:-الله وياك؟؟
_ادم:-لا الي وراهة
_نارة:-استودعك الله!!
_ادم:-اي شنو معناهة
_نارة:-يعني اأمنك عند رب العالمين
_ادم:-اهخخ عود ليش كلشي منج حلو
_نارة:-هااا
_ادم:-روحي بابا روحي ماراح تفهميني
_نارة:-سداه واني كلشي مفهمت منه بس ضلت ابالي كلمته علمود المحكمه يعني راح تصير صدكك شلون يربي والله خايفه
_رحت وديت الموبايل لرياحين
_نارة:-تفضلي حبيبتي
_رياحين:-بس لا رزلج
_لا بس چان عصبي شويه
_لج غير تخبل من يتصل على امي وما ترد كال بله صار بيهة شي اني شسوي ولجج شسويتي بأخوي حته هيج خايف عليج
_جنت اريد اجاوبهة بس اجانه صوت نور وهي تكول
_نور:- اكو فرق بين يخاف عليهة او يخاف منهة لا نوب تشرد وتصخم وجهة كدام الناس
_رياحين:-والله اذا سمعتج مرة ثانيه حاجيه هيج اله اكول لأدم عليج واخليه يطيح حضج
_نور:-اويي يمه اني شكلت حته تكولين هيج
_رياحين:-ماكلتي شي بس اكرمينه بسكوتج خوش
_نور:-سكتنه
_عافتنه ومشت
_رياحين:-معليج بيهة هاي تحجي من يمهة
_نارة:-هزيت راسي بأيجاب
_رياحين:-تعاي شوفيني شنو جبتي من السوك
_نارة:-تعاي اشوفج
_اخذتهة للغرفه وشوفتهة شنو جبت من السوك وشوي وسمعنه صوت عمتي تصيح بأسم رياحين
_رياحين:-اروح اشوف امي واجي خوش
_نارة:-خوش
_راحت رياحين واني لميت الملابس ورتبتهن بالكنتور خلصت الترتيب وضليت كاعده بالغرفه افكر شنو راح يصير وياي بعد أسبوعين
