رواية خفايا القدر الفصل السادس 6 بقلم انين الروح

للفجر رجعت البيتي دخلت غرفتي 

شو كاعده 

انتظرك 

شعندج تنتظريني 

اريد افض سالفه العصر 

ازهار انه تعبان 

انت دومك تعبان من اريد احاجيك 

شرايده الخاطر الله 

رهف 

هم رجعنه ع طاري رهف 

بويه انتي ماتملين انتي شني من بشر ماينفع وياج كتل ولا اهانه ولا طرد ماتكوليلي اشتردين

 سمعي يازهار كلامي هذ ماعيده بعد

البنيه غريبه جتي فتره و راحت واني ماحبيتها ولا جنت خالها في بالي واذا اريدها ماتصعب عليه هسه اروح وجيبها انه

وخلي في بالج ماجنت امفكر بيج زواج 

بس ازوجت الخاطر امي واختي رباب ما ردتها تتعب

ردت اجيب وياها اليساعدها وانتي جنتي اختيار الوالده فلا كل يوم اسويلج طبل

وجيبين طاري البنيه احترمي حالج وسكتي اذا عاجبج اتعيشين وياي

انه مالي خلكج انتي همات زين يابنت قحطان

.وليش اجيب اسم ابوي ع السانك الله يرحمه 

.

ليش ضجتي ....انه اكلج ليش جبته لان هو الورطني بيج وامي ما صدكت اخوها هداج الي لزكتلي خوش لزكه حتى ماشفت دربي بعد بيها

.ف خليني لاعن ابليسي وساكت ولا اطككين روحي عليه يله نامي 

.............................

.ها يمه شكلتي فدوه اروحلج

والله البنيه ماطلعت من بالي ابد من يوم الراحت عنه ورجعت بغداد وانه بس افكر بيها 

.

والله ياايوب انه هم اتمناها الك هي خوش ابنيه واحد يحجيها لله مؤدبه وحبابه وماشفنه منه العيبه

.فدوه يوم احجي وي جراح وي ابوي خل نمشيلهم والله طكت روحي عليها انه رايدها يايمه صدكي ما نايم اليل من راحت لو بس طريق بغداد زين اله اكابلهم واكعد اباب بيتهم 

.بسك لاتون راح احجي وي ابوك ونشوف رده 

.جراح اووووووف شبساع صار سنه ونص من عفتينه يارهف جا هم امر ع بالج انه لو نسيتيني هم تذكرين ايام طيبه مني 

اكيد نسيتي جراح ونسيتي شكله

هسه شلون شكلج صار وهم كلبج سكنه واحد

ااااخ يا الله ليش انه دوم افكر بيج وتخيلج وليش ماطحتي عن بالي ولو لحظه

معقوله انه كدام كلبج وحسنج وحبج اضعفت انه جراح حتى الصخر تاخذلي نوبه تنكسر من افوت اكبالها 

اووف يارهف تعبتي اعصابي وفكري وكلبي بس بعد كافي كل ما اكول نسيتج ترجعين تظهرين اكبالي 

رحت للبستان دخلت ع احصاني الكاسر اني كل ما اضوج وضايق اخذ الحصان ونروح المكان بعيد وحجيله البكلبي لان هو اليسمعني وما ينطي بسري 

تعرف يكاسر اني حبيت اي انه 

انه جراح يكاسر 

انه الماتهزه الريح كلبي هزته بغداديه بس ياكاسر هي ماتحبني تأذيت بحبي الها

ليش مكدرت انساها سنه ونص عايش ع ذكراها متعششه كلبي وعقلي 

بس لا كافي بعد كافي هجر خلي اجيبج يمي ورتاح 

لازم اجيج البغداد وشوفج بعد كافي صبر لازم اتكونين حلالي جنتي صغيره وستخطيتج بس هسه صار عمرج ١٨ يعني كبرتي وحلويتي لازم اخذج الي قبل لا احد يخطفج مني 

.............................

صارت الساعه ١ الظهر وكت رجعت امي 

اني قبل لا ترجع فتحت بيبان البيت كلها سويت هيج لان متقبل اعوف باب المطبخ والكراج مفتوح تتخبل عليه بس اشوفهن مفتوحات دخلت والعياط من الكراج 

.اش رفيف اسكتي هي ترعد هيج وبعدين تسكت اتعلمت عليها 

.ولج العوبه الثوله وينج عايفه البيبان مفتوحه متكولين احد يفوت ويخطفج لج انتي تردين تموتيني ويننننننننج 

.لا لا لا ماصدك 😳😳😳😳😳😳😳 ولج هاي منو

.يمه ماما ماما اصحي خرب رهف ركضي جيبب مي راح اتموت 

.ماما هاج اشربي مي.

ولج رفيف هاي انتي يايمه سوده عليه 😭😭😭😭😭😭 وينج كل هاي الفتره 

.كومي ماما فوتي جوه واني احجيلج كلشي 

.كوميها وياي رهف 

.كومي ماما امشي تره طه موجود وتعاي شوفي حفيدج ياسر

.هله يمه طه وخذته بالحضان 

.هله عمتي شلونج 

.صرت زينه بشوفتكم يالماخذين عمري بغيابكم

.كعدنه سولفت الامي كلشي صار ويانه وشلون الامريكان محاوطينه ولا شغلا ولا عمل حياتنه متوقفه .

رهف يله وينكم الغده صبيته .

يله ماما كومي ناكل 

.

جيبي حبيبي يمي .

فدوه العمره يجنن هذا الطفل طالع عليج رفيف من جنتي اصغيره .

صدك ماما لعد اعيالي يكولون كله ابوه 

لالا عندي صور الج من انتي اصغيره عيونه خشمه فديته الحبيب بيبي 

تغدينه وشربنه جاي اجه حمودي وهم اتخبل ع شوفه رفيف ويبوس ويبجي وملخ يسوري من التعضعض خدوده ورمت خطيه

كامت ماما جابت البوم الصور شوفتنه رفيف هي صغير وكاعده بحضن بابا الله يرحمه 

ظلينه انسولف ونضحك لليل تعشينه وفرشت لاحمد والطه بالهول 

واحنه بالغرفه نمنه امي سلمت حالها لنوم من الساعه ٩ باليل

احنه اشويه لعبنه وكرزنه صارت ساعه ١١ كمنه للفراش 

دخلنه اني ورفيف الغرفه .

اي رهف احجيلي وين رحتوا بالحرب والله اني جان كل فكري يمكم لان وضعكم جان يخوف والرمي جان كله في بغداد المحافظات مصار بيها رمي

.اي صحيح احنه طلعنه من البيت رحنه ويه بيت ام علاء البيت اهلهم للبصره

بيت اهل ابو علاء استقبلونه اجمل استقبال

ظلينه تقريبا اسبوعين ورجعنه

صدك اهناك ماجنه نسمع رمي ولا حسينه اكو 

حرب اصلا

.اي سولفي شلون عشتي اهناك

.اسكتي هم فلاليح بس واصلين كلهم عدهم مهندسين واطباء وضباط بيتهم يجنن تكولين قصر هذا بيت الجد وحوله بيوت اصغار .

احنه ظلينه ابيت الجد كلهم طيبين اورود من الله بس واحد عدهم غثيث ومغرور بشكل خشم يابس ومتعجرف شايف حاله عليهم كلهم

وهمه هم الكل اتهابه وتخاف منه اذا حجه لازم الكل تطيعه طبعه طبع جدهم الله يجرم ولا حبيته ولا جرعته 

جان بس يتأمر عليه لطلعين لتلبسين حطي شال ع راسج لبسي عبايه 

واني كوه اسمع كلامه ما اتحمل يتأمر عليه 

.

وعدهم ايوب صدقه شاب و انسان طيب وخلوق ومحترم فدوه العينه جان يوميه يجيبلي نستله لان يعرفني احب الحلا 

تدرين رفيف رغم المتعجرف الموجود جراح

اله حبيت المكان والعيشه والمه ابينهم شكد حلو لازم كلهم الاخوه ينجمعون ابيت الجد

محد يطبخ ابيته الطبخ ابيت الجد والكل تجي تاكل شكد حبيت الالفه

ابينهم عود مثلنه عم واحد وصارلي بالسنه مشايفته ولا سائل علينه وله العمات صدقه 

ولا جن عدهم ولد اخوهم وبعدنه عايشين 

.رفيف حبيبتي رهف الله ليعوزكم عليهم همه من زمان مجانوا يحبونه موعاد هسه الله يخليج

.اكلج رهف عود الباجر نطلع نشتري غراض لطفل لان كلشي ما مشتريه بعدني

.اي ان شالله بس منطلع وحدنه امي متقبل 

.لا شلون وحدنه مخبله انتي غير طه ويانه يجي ولساعه ٤ الفجر يله نمنه لان سوالف وذكريات اوووو كومه حجي 

.صحينه الصبح سويت مخلمه بيض بالطماطه لان رفيف اتحب هاي المخلمه من يدي وطه راد بيض عيون وجبن طلعت عالمحل القريب يمنه اشتريت مربه مشمش وقشطه ورجعت 

خدرنه جاي 

وكعدنه نتريك والله واجمل كعده صارت صار بالسنه واكثر ما ملتمين هيج وكاعدين هيج كعده في لحظه طارت روحي للبصره وتذكرت لمتهم وكعدتهم وسوالفهم عالفطور وشكد حلو لازم الكل يشرب حليب الجاموس واني اتعزز عليهم لان ما احبه 

الله ياذكريات 

بعدها كلنه الامي عالطلعه كالت خلوها العصر من ارجع نطلع

نظفنه البيت ورفيف شوتنه سمج بالفرن واني حضرت المقبلات

طه طلع هو واحمد جابنه لبن وخبز حار

جتي ماما اتغدينه

وشويه نامت امي صارت بالاربعه سويت جاي وكيك 

وبعدها طلعنه للاسواق القريبه علينه افترينه وشترينه ملابس وشغلات للاطفال 

ورفيف اخذتلي كم غرض الي ايضا جهزت رفيف لان هي مجهزتها بالطفل الاول جبنه عشه ويانه فلافل 

رفيف طلبت كالت غدانه جان دسم 

رجعنه لعبنه ورق لان الامريكان منطين لجهال وماعرف احمد منين ماخذها 

لعب ونصب وغش وضحك صارت ونسه من العمر فعلا 

رفيف ..رهف هسه انتي لا دوام ولا شي شلون كاضيه وكتج 

يمعوده انظف واطبخ ومرات تجي يمي رشا لو مها نكعد نرسم لو نخيط لو نصنف 

هنه مزوجن 

بس رشا اخذها ابن عمها هم بالبصره وهي تدرس معهد تجاره تدرس ومها اعدادي و تارا متوسطه 

ماشالله كبرانات 

اي ومرات اني اروح يمهم وينتهي الوقت 

اكلج صار يومين مطالعين خلي باجر نروح نزور الكاظم حيل عاجبني 

اي صدك باجر جمعه خل نسوي غده وهناك نتغده 

اني الصبح اروح اجيب سلك ونسوي دولمه شتكولين 

اي والله طيبه 

متفقين لعد ونمنه 

صحتني امي وكتلها ما اعترضت 

طلعت جبت سلك من يمنه محل قريب 

طبخناها وصارت ساعه ١١ ونص طلعنه بسياره طه كلنه كاعدين 

وصلنه ودخلنه للحضره سلام الله عليه مكان بس ريحته اجنن 

زرنه وصلينه ودعينه طلعنه نصبنه سفرتنه وتغدينه 

للمغرب طلعنه افترينه بسوك الكاظم وشترينه كم حاجه ورجعنه للبيت ساعه ٩ بليل 

وتقريب ساعه عشره جتي ام علاء وبناتها 

كعدنه اني ورفيف ومها ورشا سوالف وضحك وحب شمس الكاع صارت ابساط من الكشور 

لساعه ١٢ كامن وراحنه البيتهم 

واني ورفيف نمنه سوه ع فراش ماما جفي من التعب

اجمل اسبوع مر في عمري وبعدها رفيف رجعت البيتها اخذنه رقم تلفون طه مشتري تلفون اسمه كال طابوكه 

................................

.جراح وينك تعال .

اني اهنا 

.يمعود فريت عليك البيت شبر شبر .

خيرك شكو ليش ادور عليه 

.محتاجك ابموضوع 

.اي كول

.اريدك اتقنع ابوي نروح البغداد 

.ليش شعندك ابغداد مو تعرف الوضع موزين 

.جراح ردتك عون موش فرعون 

.هو غير يحجي حتى اعرف شرايد ايوب افندي

.اريد اخطب 

.وهاي منو عيوني ساكنه بغداد ورايح تخطبها .

رهف 

.يارهف 

.رهف اشبيك الجت يمنه بدايه الحرب مصدك شكد احبها ورايدها زوجه الي تكون 

من راحت لليوم انه ما ناسيها كل يوم افكر بيها واحبها اكثر واكثر 

اني ماصدكت السمعته نصدمت صدمه عمري عود ليش البنيه الحبها عقلي وتعلق بيها كلبي اخوي هم يطلع يحبها 

تلثمت ماعرف شحجي 

ايوب .اشمالك جراح شو اسكتت 

جراح ..خوش والله ومالكيت اله هاي البت .

اي والله يخوي سكنت عقلي وكلبي راح اموت ع شوفتها يخوي اسعفني اروحلك فدوه 

.خاب دنجب شنو تروحلي فدوه كله هذا الخاطر ابنيه 

.جراح اريدها من شاربك انه اخوك

.يله كوم منا عود احجيلك ويه الوالد والله كريم . 

خلي اكوم ابوسك من راسك 

.وخر وخر ماحب هالسوالف لاتضعف ابسبب عشك مره 

طلع ايوب وانه المفهم حالي محد حب مثلي ولا راح احد يحب رهف غيري 

عصر كلبي ايوب من طلبها مني ..ليش يخوي تحب الحبيتها انه قلت النسوان ما تختار اله بنت كلبي يحضي 

اووووف خايب يا ايوب ماتحله مره بعينك اله حبي 

.ايوب اطلعت وكلبي فرحان اصلا يريد يطير من الفرح واخيرا راح اشوفج يارهف كلبي 

ميت ع شوفتج ربي يصبرني 

.جراح ..خاب انت عفت بنات الديره كلهن وما حبيت اله البت الحبيته انه

ياخوي كسرت ظهري ابطلبك هاذ

مرات الزمن ماينصف ويه الناس واخاف من الزمان وياك يخذلني 

مااكلك أبالغ من اموت. ...عليك 

بس الأيام تمشي وبيها. ..جربني 

لحد كطع النفس راح أبقه انه اهواك 

وغيرك للأبد بالدنيه. .....ميهمني 

أمنيتي اسعدك يااغلى وأعز انسان بس اشلون وآنه الزمن. ..ظالمني.

شلون تكون زوجه الك وانه الجنت رايدها الي وحابه اوووف يانار كلبي شراح يطفيج 

صعبه علي انه الحبيتج وانتي تكونين زوجه اخوي

و.مره الايام وايوب كل يوم يجي ويكلي حجيت ويه الوالد وانه اتهرب منه اريده يقلع ويكطع عن موضوع رهف ويختار وحده ثانيا بس شينسه هو صار سنه ونص مشايفها وما نساها 

جاي هسه انه اكول ينساها

صار شهر وكل يوم اقدم الايوب عذر 

واليوم حصرني اله احجي وي الوالد

رحت لديوان شفته كاعد ويمه عمي ولد عمي جاي يسولفون ع مشروع

دخلت الله بالخير

.الله بالخير عضدي انه وابوي جن اصدقاء كلمتنه وحده ما نثنيها ابد 

ابو جراح .تعال يالعضد اسمع عمك جايب خوش مشروع النه بس كونك نخلي في بغداد 

.جراح شنهي مشروعك ياعمي سولف 

.سولفلي عفي الفكره عجبتني وصح ما تصير اله في بغداد

لان هي جبيره وسكانها يستهلكون

.بويه انه اوافق عمي و ولد عمي الراي هذا مشروع يكسب ذهب 

.جاخوش انه هم كتلهم خل انشوف راي جراح بالاول اذن ع بركه لله اختارونه يوم نروح بي البغداد 

.جان زين يبو جراح احنه نترخص منكم 

غالي ابوفهد

.انه هم خل اكوم اغسل وصلي المغرب .

جراح يابه انه محتاجك بموضوع ابخصوص ايوب

.اشماله ايوب

.خير يابه بس الولد يريد يزوج صار عمره ٢٤ سنه وحاب هسه يشوف حياته 

.ابوجراح اي عالخير عليه خلي ينكي من بنات عمامه التعجبه وانه حاظر .

لايابه مايريد بنات عمامي

.جا المن يريد بس لاتكلي وياه بالجامعه 

.هم لا 

.بوي ماتحجه اخوك المن يريد 

.بنت بغداد 

.خاب جا حجيت من الاول يريد من بنات عمك علاء .

بويه يريد رهف

.ياهو هاي رهف هم من بنات عمك لو منو . 

بنت جار عمي ابو علاء الاجت اهنا قبل سنه ونص وعاشت يمنه فتره بيام الحرب

.ابو جراح وهاي اشنعرف عنها يجراح 

.بوي هي موسكنت ويانه ما شفنه عنها شي وبيت عمي يكون جارهم 

ابو جراح ..بنت بغداد ماتكدر تعيش ويانه احنه اهل ديوان وديوانه مفتوح وجدرنه مايفرغ ماتكدر ع حياتنه يجراح وانه 

والاعرف بنات بغداد وكحات يبني 

انه احجي وي بويه وسجين جاي تذبح وتكطع شراييني وتمزك كلبي تمزيك 

.يابه موكل اصابعك سوه بيهن الزينه وبيهن الشينه واحنه راح نروح البغداد ونسئل عليهم لاتكسر ابخاطر ايوب 

جا انت هيج تكول 

اي يابه لاتكسر بخاطره 

.خوش من نسافر علمود الكاع نمر البيت عمك ابو علاء ونعرف رهف منو تكون وبت من

والبي خير ربك يقدمه يله خليني اكوم اصلي فاتني المغرب

.كمت ورا ابوي فتت للبيت تعال وراي

.ها يخوي شسالفه

.انه حجيت وي الوالد وكال من نمشي البغداد نسئل عنها

بس انت لا تجي

.ياخوي هو انه كاتل نفسي ع شوفتها شجاي تحجي انت ماصدكت ابوي وافق اريد بس المحها صدك تحجي ياجراح اليوم اله اذبح ذبيحه 

.ع كيفك لا تتخبل ياايوب اشمالك مامصدك .

والله ما توقعت ابوي يمشي ويريد يسئل عالبنيه اليوم اني طاير رجلي ماتحط عالكاع يجراح

وبعد مرور اسبوع قررنه نمشي البغداد واليوم الفجر راح نطلع البغداد وايوب ماكدر يتحمل اله يجي ويانه وصارت الساعه ٦ الصبح طلعنه وتوجهنه انه وابوي وايوب وعمي ابوفهد وفهد هم نشوف موقع المشروع وهم ابوي يفظ سالفه ايوب و رهف 

.................................

.يله ماما السياره تنتظرنه

.اي اي جيت .السلام عليكم 

.هله خاله وعليكم السلام

.اكلك يمه هو انت تندلهم 

.اي خاله غير همه بيت عمتي ودزوني عليكم حتى اخذكم الهم

.اي ماما قابل يدلون الغريب علينه

.زين يمه الطريق شلونه امان

.اي خاله امان وماكو شي لا تخافين بس كولي يا الله وطمني

.كافي يوم تره وترتينه 

.يمه احمد مو بيدي والله بس راح استغفر

.ماما خطيه هسه رفيف شلونها اكيد تعبانه هم ياسر بعده اصغير وهم هذا الطفل الجديد الله يكون ابعونها 

.عيوني ام علاء احنه ماشين الخانقين رفيف جابت صارلها يومين وخطيه محتاجتلي خاف احد يمر علينه كليله مشو الخانقين كم يوم ويرجعون

.ام علاء ترجون وترجعون بالسلامه

احبيبه

وهم سلمينه ع رفيف وياج والف الحمدلله ع سلامتها يتربه ابعزها

.ربي يسلمج عيوني يله انه اترخص 

.غاليه ام احمد

.يمه حسين دك ع ابوك بلتلفون العنوني كله اشوكت يوصلون عمامك

.اي يوم راح ادكله

.هله يابه هااا باليل يوصلون كل الهلا بيهم .

يمه ابوي يكول باليل يوصلون 

.اي زين يله ماماتي تعالوا نحضر العشه عمامكم جايين البيتنه بلكي رشا جايه وياهم.

مها .. .اي ماما انتي حضري واحنه جايات

.رشا ازوجت ابن عمنه قاسم شاب حلو ومحترم وفقير ماعنده اذيه ويمكن اليوم هم عمامي جاين يخطبون وحده منه لو اني لو يارا

بس كون يارب جاين ع يارا لان اني ماحب حياه الريف و المزرعه والحلال والتقيد بالعادات

والتقاليد اتخبل منها اني اريد واحد من بغداد ماعرف اعيش اهناك طبعهم يختلف عن طبعنه حيل كون الله ما جايين عليه ظليت ادعي من الله ما يكون واحد منهم جاي يخطبني الولدهم

يارا .. اكلج شنو صدك اليوم عمامي جاين علينه 

اي ماما كالت 

زين ليش يجون شكو ومنو وياهم 

ماعرف يمكن ع شغله جايين 

زين وياهم ايوب 

ماعرف يمكن 

انتي غير تسئلين ماما 

هاي اشبيج شكو خل يجون ونعرف منو جاي 

لج مها اني اريد يجي وياهم ايوب 

عود شمعنه ايوب 

هااااا لا هيج 

احجي شكو ليش اله ايوب 

مو تعرفين اني احب اسوالفه 

امممممممم سالفتج مو خاليه يا يارا تخوفين 

دروحي بكلشي اتخلين انه انتي وتفكيرج النكس 

..............................

.وصلنه الخانقين محافظه حلوه شماليه كل الفصول بيها اجنن وصلنه العصر دخلنه البيت طه

امي سلمت ع ست فوزيه جانت صديقتها الماما بالمدرسه 

ونقلت ابسبب الحرب شفنه رفيف صارلها يومين من جايبه ولد ثاني سمته عبدالله

بس طفل كمر ايه من الجمال والحسن طالع ع بيبيته ام ابوه اشكر ابيض

.الحمدلله ع سلامتج رفيفه .

شكرا حبي ربي يسلمج يوم زواجج وافرح ابمولودج الاول

.يمعوده يازواج اني اريد اقنع امي ع رجعتي لدراسه

حرامت والله رفيف اني خامس وشاطره وجان حلم اروح مختبرات 

.رفيف ان شالله اتكملين حلمج حبيبتي وتكونين اكبر دكتوره تحليلات الشرق الاوسط

.ههههههههه ولج شنو قابل اني استثمار حتى اكون بالشرق الاوسط 

.اي غير دكتوره اصيرين 

.خل بالاول امي توافق يمعوده وان شالله اكون مثل ما تردين والله يارفيف هذا الحلم ابد ما ابطل منه واله ارجع لدراسه لو اعرف اموت والله 

دنجبي ولا تذكرين الموت ابد 

..........................

.وصلنه البيت عمي ابوعلاء باليل بس تعشينه ونمنه من التعب الطريق بدل عشر ساعات صار علينه ٢٠ ساعه ابسبب الامريكان رتل ورا رتل فايت كدامنه وع كيف يمشون ردت اكفر بيهم وحق العباس بس اصبر ابحالي كوه

تعشينه وفرشولنه الفراش خليت راسي عالمخده وهاك استلم تفكير يجر تفكير شلون راح اشوف رهف بعد هالغيبه وهي متغيره لا راح تذكرني انه حيل اتغيرت بهاي الفتره 

اووف يارهف تمنيت مشيتنه هاي الي وانه الجاي اخطبج النفسي بس قسمتي وياج ماجاي تكمل اووووف ياكلبي شتحطم 

من سولفتلك ع العشك

خليت روحي 

     الماتحب بنسمات

حبك طايره

والروح بيك تعلقت

عافتني يمك صايره

     يالكتلك احبك

من صدك شو فركتك

       ما صايره

الدنيه دولاب الهوه

      اليوم منداره علي

باجر عليك الدايره

متعذبه روحي بغيبتك

 ذبلانه حيل وحايره

بس والله باجر تستقر

وتحط يروحي الطايره

اوووف يارهف جا تصورين انه الحبيتج من صدك اليوم جاي اطلبج الاخوي 

شنو هذا قدرك وياي يازمن شلون هيج العبتها 

  وغفيت وماحسيت ابد النه ساعه ١٢ الظهر .

عمي جراح صحي النوم جنك ما نايم طول عمرك .

اي والله خايبين التعب السايق موش عالكاعد تعرف شنو تكون ورا الستيرن وكدامك سلحفاه تمشي

.يا سلحفاه يمعود .

الامريكان ليش اكو غيرهم 

.غير كل اشويه يصير اكبالنه رتل وكوه يمشي تكول طفل يحبي وحق الحسين موتوني 

.صدك همه مزعجين حتى اهنا داخل بغداد كون ما تكرب يمهم كبل يرمونك 

.ااااي اي هاي وين جانت عايزتنه 

ياام حسين جنتي ابوحده صرتي بثنين 

.يله خايب سويلي طريق خل افوت اغسل 

.فوت بنات لا تطلعن جراح راح يفوت للحمام بس حضرن اكل اله 

.الله شكد حلو السبح من تطلع عبالك ازيح عن كاهلك تعب السنين كله .

وينكم علاء حسين .خويه اهنا تعال للاستقبال 

.خايبين شدسون

.جاي نتغده غير يله تعال شاركنه الكمه 

.اي جاي لعد وين ايوب 

.طالع وي حسن يفترون بغداد

.هذا صدك يحجي مو يدري الوضع مو زين راح يدمرني هالطايش ولا جن اخوي وانه المعلمه 

.خلك منه وكل.... تره ما تلحك ويانه 

.بالعافيه 

.تعاي مها يارا صبن زايد

.مها مارحت اني لان اعرف من يشوفني جراح راح يرزلني شو ع شنو لو ع حجاب لو لبس لو شي ما اعرفه لو يخليني اباله ويخطبني الاخوته 

.صبيت جفنه ثريد باميه ودزيته بيد يارا 

.خرب اله اني ادزيني بسيطه مها اني اعلمج هو اني ارجف من جراح عيونه اتخوف شكله حيل عصبي الله يساعد زوجته عليه

.دكيت الباب 

.تعاي فوتي 

.فتت وخليت الجفنه اكبالهم 

.جراح هاي مني الوسط لو الصغيره 

.حسين هاي الصغيره مو يكلك اصغرهم خادمهم هي مبتليه بينه هههههه. 

صدك تحجون خايب شكد كبرانه والله ناسي شكلها 

يارا تدلل اخويه الورد .

تسلمين ياروح اخوج انتي 

.عزه متت ابدمي من فتت والنوب حسين حاجاني ياكاع انشكي وبلعيني 

.هاي اشبيج عوبه تحجين ويه نفسج 

.لا ولج يانفسي غير متت من الخوف والخجل

.ليش 

ولج جراح صاير يموت شكله حيل متغير عن كبل صاير يموت والنبي 

.اي عادي روحي خطبي طلبي يده ههههههه

.دنجبي اني اكلج صاير حلو مو اكلج اني احبه

.مها ثوله اضحك وياج هو اصلا مزوج ازهار لو نسيتي 

.اكلج همه ليش جايين 

.مها ماعرف بس لو يحلون فد اطلابه لو يخطبوج

.ليش عيني يمه يخطبوني خو يخطبوج الج احسن . اني كلت هيج بس كدامها بس الصدك اي اتمنى يخطبوني لبن عمي فديته 

مها ..لاحبيبتي لا

اني ما ارضه بيهم اني اريد ابن بغداد

.اني هم ما ارضه بيهم اريد اكمل دراستي

واصلا شفهمت من حياتي حتى كبل ازوج عفتهم الج انتي كبرتي ولازم تزوجين كافي مها الحد الان ما ازوجتي 

.ولج اسكتي لا اجيج والنبي 

.وين الجاي بنات

.اي صار تعال حسين اخذه 

هاجن الصينيه .جيبها وتعال 

هاك الجاي 

.ام علاء اوكف حسين جراح مكال ع شنو جايين 

.لايمه ماحجه شي لحد الان .

خايب دسئله

.لا يمه عيب احتمال جايين يشوفونه

ويطمنون علينه وبس 

.اي صح هم صدك روح روح خلي الجاي 

.حسين الله بالخير 

.جراح الله بالخير 

.زارتنه البركه 

.البركه اتعم دارك ابو علاوي 

.حسين والله فرحانين ابشوفتكم 

.تسلم ياطيب 

.شخباركم شغلكم .

تمام نحمدالله ع كل حال

.الحمدلله 

.السلام عليكم 

.هله بالشباب شلونك ايوب 

.الحمدلله شلونكم انتوا .

زينين .

ايوب ...جراح ابوي وينه 

.انه المفروض اسئلك وين ابوك 

.انه ماعرف لان طلعت وي حسن من الصبح والكل نايم بس مره عمي جانت صاحيه 

.يمكن لعد طلع وي عمي ننتظره والله كريم 

.صارت الساعه ٢ الظهر رجع ابوي وعمي حجينه عالمشروع وموضوع ايوب وصار .......

الفصل السابع من هنا