رواية لأنها اختي الفصل السابع بقلم فاطمه حمود
مو صوجكم
حنينه درب الله بـ دمع
خضر حچينه ألچان امس
يغفى ويفز يغفى ويفز
فوك أعلى شاطي رموشكم
معقوله شو ما مش ذچر ؟
والغيمه لو فزت تحن
تثغب چفي ..
وآنتوا وفشل ليهسه ما حنن نوگكم
مو صوجكم
صـوج الصور ما بللنها آعيونكم
ل ✍️ماجد_ألزبيدي🍁
1_____6
............
ملاك :- شوف حامد حباب اتفهم الموضوع وافهمني مريم جايين عليها ناس وهي موافقه على الولد ورايدته وهوه رايدها وعمو مجان يعرف بيك انت رايدها واليوم عمه كالت اله ترا حامد خطبها قبل فتره لان هي ما عاجبها الولد وعمو متخبل لان ما كايلين اله و كال القريب أوله من الغريب وما مستعد اخسر ابن اخويه علمود بنيه وهي بقت على موافقتك تقبل انو تنطيها لو لا شتكول انت
صفن ب وجهي وبلع ريكه ما يعرف شنو يحجي
حامد :- ملاك راح اسألج سوال بس أريد اجابه صريحه بدون لف ودوران وبدون جذب
1 تع
خفت من حجايته كانو عرفت شنو يريد يسألني
ملاك :- ماشي اسأل حامد
حامد :- شنو اليثبت انو مراح تجذبين عليه ؟
ملاك :- ما توثق بيه ؟
حامد :- اريد اجابه حقيقه تعبت اني بـ؏ــد اخوج
3 تع
ملاك :- ماشي وغلاتك وغلات ماما وبابا وعافيتهم اجاوبك ب الحقيقه اذا اعرفها
2 تع
حامد :- الولد الي متقدم المريم على علاقه وياه هي
سكتت ما جاوبت خفت وهوه دا يسوق خاف يصير قدر او شي
حامد :- احجي ولا تخافين وانتِ خلفتي ما تجذبين
ملاك ؛- صف السياره وخل نحجي
حامد :-هممم يعني على علاقه بي ، الي معذبه كلبي وحاركته ب نارها تحبه الهذا موو
حامد :- كتلج جاااااوبي تحبهههه مووووو
ملاك :- أي اي تحبه اي بس هدي فدوه الكلبك راح تسويلنا قدر حباب حامد هدييي
سكت حامد بس بس عيونه حمررر صارن واعصابه والاورده مال رأسه كلها برزت كلش
ويده الي ضاغطة على الستيرن كانت كفيلة انو تعبر عن غضبه الخوف سيطر عليه
صار يسوق ب سرعه مع انو بيت عمي قريب بس حسيت الطريق مدا يخلص ابدا الخوف سيطر عليه
1 ت
اخويه راح يتخبلل من عرف وهوه نار مشتعله ب مكانه ساكت بس اعصابه بانيه نفسه العالي يخلي المقابل يخاف يحجي
قربنا من بيت عمي واخيرا بلعت ريكي ب خوف ما أ؏ــرف شسوي شنو اتصرف ياربي
ملاك :- ها حامد فدوه هدي دا تخوفني والله
حامد :- كدام عيني سنين وكلبي مولع ب نارها وب جمالها مولع ومشتعل بيها كلبي مثل الاعمه يمها
ما يشوف بس ضحكتها ولمعه عيونها سنينننننن اتمنه الحجايه زلمه مشورب يتمنه حجايه من بزر زره
اي هذا اني سنينن اخاف من كلمه لا اتاذيهااااا سنييييين متولع ومحترك حرك وساكت لا سنه ولا سنتين هاي سنينننننن
وهسه تطلع عاشكه غير كلبي حابه غيري حالي ب عينها غيرررري ااااااااااااااخ
يا وجعات كلبي يااااااابويه تعال شوف ابنك يا بووويه اشتعل ب ناااره ياااابووويه ( كال كلماته الاخيره وهوه يضرب على الاستيرن )
ملاك :- تحبه حامد شلون وتوسلت بيه اقنعك حامد
حامد :- لج شلووووووون سهله تحب غيري شلللون
ملاك :- تريده حامد تمنعها لو تاخذها غصب وهي ما تريده
حامد :- تالي اخذ الي اتمنها تطول وتكبر غصببب !!!!
ملاك :- لعد شنو راح تسوي فدووه خليها تروح للي اختارته تحبه دا اكولك
حامد :- اااااااه يا شعووووطه كلبي يابويه اااااه يا شعوطه كلبي ولج صدكي ما تتهنه بي نفسي بيها من لمن ولدت تعرفين شنو نفسي بيهاااااااااا
1 ت
ملاك :- حامد ما تريدك تريده وهي تحبه
كنت أ؏ــرف هل كلمه شكد اتاذي وتزيد وجعه جانت مثل لمن تحط ملح على جرح جديد هيج تحرك حرك
1 ت
جانت كلمه تحب غيرك ب نسبه اله واني جنت احط المللح حتى السعه اله ويطيب ويعوفها
1 تع
ما جنت أ؏ــرف هيج حب ما ينسي ولو شما لسعناه يبقه مشتعل ب صاحبه شعل
1 تع
حامد :- تحبه !! وإني مثل الاثول منتظرها سنه كامله سنهههههه كاااااامله ضابط ومتخرج
وزلمه الزلم تتراجف كدامي بزر زري ضحكت عليه سنه كاااااااامله وتكلولي تهوووون
وتحب غيرررررك واني ليل ما انامه لان حاير شلون راح اسويلها عرس الكل تحسدها علي حايرررر
شلون ابقي عيونها تلمع ب فرح حاااااير ب ضحكتها وراحتهااااا وتكلولي هسه تحب غيرررك
5 تع
ملاك :- خل تروح للي اختارته حامد عوف هاي الأفكار فدوه الكلبك عوفها تحبه تحبه ليــش مدا تستوعب
حامد :- شلون اخليها تروح شلووون اكلج نفسي بيها اهواها تفتهمين (ب صوت عالي) مشعوط كلبي منها وبعدني اريدهااا دا تفهميننننن عليه مااا اكدر نفسي هيييي نفسييييييي ما اكدر ب دونهاااا
1 ت
ملاك :- وكف السياره وكف ترا اذب نفسيي والله اسويها حامددد
حامد :- تريدين تقنعيني اخليها تروح الغيري واقبلللللل لــچ تتوسد ضلوووووعه عاددددي عدكم بس اني مو عاااادي ما اتحمل احد غيري يشمم عطرها واني سنين مصبر نفسي سنينننن
2 تع
ملاك :- بس هي ما تريدك خويه ما تريدك هاويه غيرك وتحبه وكاتله روحها عليه ومتخبله هم علي
مثل ما انت هاويها وتموت عليها هي هاويه هذاك وتعشك التراب اليمش عليها دا تفهم الي دا احجي
عااااااشكتتتته الهذاااااك عااااشكتتتته هسه اذا انت ما خليتها تتزوجه كل ظنك راح تقبل بيك ما تقبل
لو تبقه اخر رجال ب دنيه ما تقبل بيك هاي اذا ما تخبلت لان ما راح تنطوها الهذا وحتى ممــكن تسوي شي ب نفسها تتحمل انت ذنبها ؟؟؟
لــوو شنو انت تظن ها عبالك اذا غصبتوها وقبلت بيك راح تحبك لااااا لان راح تكون جسد بلا روح
بس جسمها يمك وبالها وعقلها وكلبها يم غيرررررك دا تفهم الي دا أحــچي حاااامد
حامد :- ليش دا ادافعيلها ليش كاعد تقنعين بيه حتى اخليها تنزف الغيري ليششش هينه عندج تشوفين اخوج هيج مشعوووط من وراها تقبليهااااا
3 تع
ملاك :- اذا توثق بيه ولو ذره وحده اتأكد انو مراح اسوي شي يضرك و مريم ما تصحلك ولا ترهملك ابدا ولازم انت تقبلللل انو تزوج هذاك لان هذا الي لازم يصير
حامد :- هي دزتج وقنعتج هيج تحجين مووو
حامد :- خوش ماشي على عيني يجرالها ما دام هي دازتج تقنعيني حتى تزوج الأفندي يجرالها بس ها كليلها يكول حامد ما تتهنين وياه وحق الي خلق السماوات والارض لان نفسيييي بيج ورايحتله منفوسهههه
2 تع
سكتت ما حجيت اي شي انتبهت انو احنا متعدين بيت عمي وهوه هم انتبه لاف ورجع البيت عمي
وصلنا طبك سياره ودخلنا سلمنا على بيت عمو كعدنا كلنا ما صعدت اني يم مريم اريد اكون شاهده على الكلام وعلى الي راح يصير
ابو مريم :- بنيتي ملاك روحي يم مريم عندي حجي وي حامد
حرجني عمي ب كلامه جبرني انو اكوم
ملاك :- تومر عمو من رخصتكم
صعدت فوك المريم اول ما فتحت الباب طفرت عليه وهي باين الخوف عليها
مريم :- بشريني كليلي راح اموت من الخوف حجيتي وي حامد ما قبل مو ؟؟؟
ملاك :- على شنو يابه تموتين من الخوف ترا مكبره الموضوع هواي انتِ حجيت وياه وعادي مصار شي كال ترمر بنت عمي ويجرالها
حامد ما راح يعترض على خطبتج وكتله انو تحبي كال الله يهنيها
غصيت ب الحجي الي حجيته واني اتذكر رد اخويه وحركه كلبه بس استصعبتها اي حسيتها ثكيله اخلي اخوي هيج مذلول وصغير يمها لان يحبها حسيتها صعبه كلش عليه اذا احجيها
2 تع
مريم :-رحمه من قبل الف الحمدالله وشكر بس مكان لازم كتيله انو اني احبه العلي
ملاك :- لعد شلون لازم اكوله حتى يقبل
مريم :-اوووي ما ادري المهم انو قبل يمه هسه ارتاح كلبي
ملاك :- اي عيوني خلي يرتاح كلبج وهاهيه سدي سالفه وشوفيلنا اهلج حتى اذا تنخطبين نشوف ونجهز شنو نلبس العرسج وموتت اخويه ( حجيت اخر كلمتين ب همس )
1 تع
مريم :- شكلتي ب نهايه
ملاك :- ما كلت شي كلت اتاكدي حتى هم يلا نتجهز
مريم :- عمي كل شي سهل ويهون بس خل يوافقون وعود نبدي نجهز ونسوي والله لسوي حفله رنانه تحجي بيها العالم كلها قابل كم مره اتزوج اني
مريم:- شوفي مو مهم اذا احبه او لا بس المهم انو علي هوه الانسان الي راح ينقذني وانتي تعرفين قصدي
يعني ب مختصر اني هسه مصلحتي يمه ف اريده وقابله بس هم ما أنكر واكول انو ما عندي مشاعر اله
عندي بس ما اعرف اذا مشاعر حب او لا بس اظن اعجاب لــأ اكثر بس الاهم من كل هذا علي هوه الانسان الوحيد المناسب الي هسه ولازم يتم زواجي منه
ملاك :- والله حيرتيني ســآ؏ــة حب ســآ؏ــة مصلحه ساعه اعجاب ساعه مدري شنو تثبتي على شي وخلصيني
مريم :- صدكي كل هاي الامور مو مهمه
ملاك :- والله ما ادري شنو تفكيرج بس يلا عمي المهم سالفه حامد وبهاي ال لحضه انسدت الف الحمدالله بـ؏ــد انتِ ب كيفج
مريم :- اي الحمدالله
ونزلت بس هي ما نزلت وياي كنا كل مره من انزل عين حامد تبقه معلكه ب درج عسى ولعل يلمح طولها
بس هل مره عينه ما رفعها وبقت نازله وما دور طولها اخويه كام وكف على حيله تسالم وي عمي وطلعنا حجيت ب توتر
ملاك :- ها شصار
حامد:- الي رادته الخانم صار
ملاك :- شحجيتو شكلت العمو ؟
زمخ عليه ب قوه
حامد :- ملاااااك سدي الموضوع
سكتت وصعدت ب سياره الهدوء كان مسيطر على الوضع كسر هذا الهدوء صوت اشعار مال رساله شفته نيار دازها على رصيد
نيار:-وينج ليش ما فاتحه نت صار فوك الساعه هااا ؟؟؟؟
الي ما سكت وكل دقايق معدوده يرجع حامد يورث جكاره جديد اله قبل ما تخلص الجكاره
البين شفايفه كانو كالو اله كل ما تبقه هل جكاره بين شفايفك يخف وجعك وهوه هيج صار
ذباني يم الباب وشخط السياره وراح دخلت للبيت هدوء صعدت الغرفتي
سديت الباب مرت خمس دقايق واندك الباب مال غرفه
ملاك :- منو
حسن :-اني حسن
فتحت اله الباب وكفت ب استغراب
ملاك :- ها حسن تريد شي؟
حسن :- شعدكم رايحين البيت عمي ؟؟
ملاك :- وصلك الخبر ؟
حسن :- يا خبر شصاير ؟
ملاك :- جايين ناس على مريم وعمو راد حامد حتى يحجي وياه خاف بعده رايد مريم ومريم دخلتني حتى اقنع حامد انو يخليها تزوج هذا الولد وهذا الي صار
دنك راسه حسن وهوه قابض ايده ب قوه
حسن :- همم وحامد شكال
ملاك :- سألو تريد مريم وبعد الحجي مالتها كال لا ماريدها
حجه ب حده
حسن :- حامد وين هسه
ملاك :- ما اعرف بس شخط سياره وراح وين ما أ؏ــرف بس من رحنا منا كان ب عصبي وحاول يفرغ عصبيته ب الصياح وهيج بس من رجعنه كان هادء ما اتصرف او سوه شي بس كان عصبي كلش
حسن :- شنو
ملاك :- صاير شي
نيار:- هم زين اتذكرتي تردين عليه ست ملاك
ملاك :- كنت طالعه وي حامد عند بيت عمو
نيار:- بس لا حامد تعارك يريد بنت عمج ؟؟؟؟
ملاك :- لا تخاف ما تعارك بس
نيار "-بس شنو أحــچي بسرعه
ملاك :- مريم راح تزوج وسألو اذا تريدها هوه كال لا بس هسه خايفه علي لان ما ادري وين راح وشخط سياره وحسن من عرف راح بسرعه خوفني اكثر
نيار :- لا تخافين اجاني للبيت خابرني قبل شويه وكال جايك
نيار :- لــأ تخافين بزونتي اخوج بعيوني وهذا اخوي ترا شلون ما اعوفه ب عيوني ب مصيبته
سكتت ما رديت علي بقيت كاعده لليل ما غمضت عيني الا ان سمعت صوتهم صعدو حسن وحامد بسرعه طلعت شافوني وجهي اصفر ضحكو
حسن :- شوفها شوفها منتظرتك ترجع الا ترتاح
حامد :- اي طبعا غصب ما عليها مغزر بيها دلالي مو مثلك ومثل هذاك ابن خالك ما غزرن عزايمي بيكم
3 تع
ضحكت ب وجهم تمشيت نحوهم فتح الي ايده حامد حضنته وضل يضحك وياي وصلوني للغرفه وراحو الغرفهم ينامون
1 تع
مرت الايام يوم ورى يوم قربت الامتحانات ما بقه شي الها خوف وتوتر ورهبه ورعب ب هاي الايام كلهن دا اعيشهن ب اقتراب موعد مال الامتحانات بس مع كل هاي المشاعر كانت اكو ايام حلو ايام فرح
اما حامد التحق صار سبوع ما نازل اتخذ دوامه حجه حتى يهاجر ويبعد عن بغداد وعن وجعه
دكت عليه مريم طلعت الها كان أخوها ضرغام هوه الي راح يوصلنا
ملاك :- هلا يابه هلا ب العروس
مريم :- هههه هلا بيج أخت العروس
ملاك :- غصب ما عليج شايفه لو مهر وحده غيرج فلا احضر هوه اكو واحد يحضر حفله ب هل زلك وضغط مال المراجعه
مريم :- لــأ والله هم عايزه ما تحضرين خانم ملاك
ملاك :- ولج ما بقه سبوع ونص المتحاناتنا المثلي هسه غاركه ب الكتب واني رايحه وي مريم للصالون 😂
مريم :- ولج لا تذكريني اني بعدلي كتابين ما فاتحتهن ولا مراجعه شبيهن ما بيهن هاي ما عدا النواقص العندي الكوووووومه
مريم :- ديلا عيني الي يشوفج يكول طبيه حطلعين
ملاك :- رجاءاً صيدلة اريد مو طبيه
ضرغام :- تكافي الي يشوفجن يكول بس هنه وبس وهنه جمع من طرح ما يعرفن دوختنا من صباحيه الله
ملاك :- سكتنا ابن العم بس لا تعصب ما النا خلك عركه من صبح
وصلنا للصالون دخلنا مرت نص ساعه واجتي دانيا وبدأ مشوارنا
ب تجهيز بدينا نجهز مريم وتدقيق على أدق التفاصيل
كملت مريم كل شي كانت طالعه اميره كامله الجمال والكمال الله
كانت لابسه فستان بنفسجي على ماروني غامق وهي بيضه
كملنا كل شي خابرت مريم على ضرغام اجا أخذنا رجعنا البيت عمو اول ما دخلنا استقبلونا ب الهلاهل راحت مريم كعدت على الكوشة وأني بسرعه رحت البس فستاني
كان عباره عن فستان حد الركبه لونه زيتوني والصدر تول والردان كامله وكلها تول شغل وشعري كيرلي مسويته
2 تع
دا أجهز ب نفسي ومستعجله لأن اهل علي جايين ب طريق ب نص هل هوسه اسمع رنت تليفوني
سحبته ع سريع كل ظني نيار دا يدك بس شفته حامد انقبض كلبي بلعت ريكي ب صعوبه
خفت علي شحال كلبه هسه وهوه اخر مره كال مشعوط كلبي ها خويه بعده مشعوط كلبك لــوو صار رماد
انت هناك ب دوامك معلعل كلبك والله يدري ب حالك وهنا احنا دا اندك ونركص بس شبيدي عليك يا خويه
حامد :- اجا خطيبها
ملاك :- ب طريق چايين
طوط طوط انسد الخط خفت من رد فعله بسرعه دكيت على نيار لأن هوه يعرف كل شي كان وياه طول هذيج الفتره وما عافه ابدا
1 ت
نيار :- الوو هلا ب العروس واخيرا تفرغتي ودكيتي
ملاك :- يا عروس نيار شبيك
نيار :- ليش مو العروس لو اني متوهم ولو هوه الي يشوفج ويشوف خبصتج يكول انتي العروس
ملاك :- هممم أي يمكن عن قريب أكون العروس انت شمدريك
نيار :- شنو تريدين ليش خابرتي حتى تحركين أعصابي هسه انتِ
ملاك :- اووو نسيتني نيار حامد خابرني يكول اجا العريس وإني خايفه وسده ب وجهي كلبي نار علي صار
نيار :- عوفي لا تخافين علي ما بي شي بس هسه كاعد يحترك سبوع شهر وتهدئ النار شويه ويتعود عادي كلش
1 تع
ملاك :- شنو العادي شبيك نيار منو يكول ما بي شي !!! اني اكول لو تخابره احسن شويه تلهي وتنسي حباب
نيار :- حتلو اخابره إلهي ساعه نص ساعه بس لمن اسده راح ترجع مواجعه وشنو الفايده ؟
1 ت
ملاك :- اهووو مو صوجك صوجي اني الي دكيت يلا اني اترخص وها ترا ب الليل أريد اكولك شي مهم عووود بس طلعت ما تستاهل
2 ت
ملاك :- كول والله تخابره ؟؟
نيار :- أي وعيونج اخابره بس كولي وخلصيني شعندج
ملاك :- هممم نيار اني
نيار :- انتِ شنو كولي وخلصيني يلا اريد اروح ادك ع اخوج المشتعله صفحته
ملاك :- اني احبك
9 ت
بسرعه كلتها وسديت الخط وإني الابتسامه مرسومه على خدي ونفسي سريع كنت مخططه ب الليل
1 تع
من نبدي سوالف اكول اله انو اني حبيتك بعد أكثر من سنه من لمن كولتلي اريدج احبك بعد ما عاشرتك
وشفت جانب الحلو ب شخصيتك واطباعك احبك بعد ما حسيت نفسي صرت طايره ب حبك وكل شي
3 تع
متعلق بيك عرفت ب حبي الك بعد ما صرت احضن المخده الي كانت وهوه يمنا
وبعد ما صرت أريد احضن عطرك الفواح الي يعلن وصولك قبل لا تدخل انت عرفت ب حبي الك من بـ؏ــد ما شفت وكفاتك وي اخواني وانت تسندهم كبرت ب عيني وكبر حبي الك هم
فصل تفكيري صوت الهلاهل الي هزت البيت بسرعه عفت الحمره على سريع وأخذت شاله وجبه خاف علي جوه لأن الفستان مو مستور ونزلت
كان بعده علي ما داخل رحت يم مريم ب الكوشة
مريم :- لج وينج وين جنتي راح اموت من خوف كلبي يدك سريع تعالي شوفي
ملاك :- من شنو تخافين عيوني هوه علي راح يدخل ويلبسج الحلقه الي تعبر عن ملكيته الج وما بيها شي
مريم :- اجا اجا
ملاك:- ههه أي خل البس شالي
اجا علي وبدت المراسيم حفله المهر اشوف مريم خجلانه وفرحانه ب نفس الوقت وهوه يهمس ب اذنها لبسها حلقتها ولبسته الكل ب مكانه كاعد بس امه علي وأم مريم واكفين يم العرسان والمصوره تصور وتوثق اللحضات
علي :- مرحبا اني علي لاعب كره قدم والدي متوفي أو ب الاحرى مقتول
لأن كان صاحب منصب ب دولة انقتل من لمن كان عمري 10 سنوات
وعمي الي ربانه واعتبره مثل ابوي اني مكمل سادس إعدادي
انقبلت هندسه اتصالات بس ما داومت كليه السبب ال طوبه (كره القدم )
لأن اعشقها من صغري واجتي الفرصة الي ف قبلتها وما ردت افوتها
كملت حفله المهر وبدت حفله مالتنا احنا البنات كانت أجمل حفله
الكل فرحان مريم طايره ب فرحتها
لأن صارت من نصيب علي وبعد الي كاتبه ربي يصير أما اني كانت فرحتي غير فرحتي انو اليوم اني اعترفت
النفسي وا نيار ب حبي وما ضميت علي
دزيت رساله النيار
ملاك :-رجعت للبيت
1 ت
نيار :- الي كلتي الي الظهر صحيح ؟؟؟
1 تع
ملاك :- هممم ليش قابل اني مكذبه عليك قبل حتى هسه يطلع كلامي مو صحيح ؟
نيار :- زين من شوكت
ملاك :- لمن صارت سالفه حامد قبل فترا اني كنت متأكده انو احبك
نيار :- بزونتي كبرتي وصرتي تحبين
1 ت
ملاك :- ههههه لعد قبل شنو كنت اني حتى هسه كبرت
نيار :-جنتي بزونه صغيره ما مفتحه عيونها بعد بس هسه لا
كبرتي هسه تغير الوضع كلها فترا قصيره وتتاكدين انو انتي كبرتي وهواي كبرتي
نيار :- لــأ تغشمين نفسج احبك كوليها
ملاك :- احبك
27 ت
ظل الليل كله هوه كل ساع كايل الي كوليها من جديد كانو ما مستوعب الي دا أحــچي واني اضحك علي
2 تع
مر اليوم ومرت الأيام يوم ورى يوم وإني طايره ب الهوء غركانه ب الحب بحيث صرت انتظر وقت الاستراحه على نار حتى احجي وياه حتى أغرك ب كلامه الي ينطي طاقه غريبه الي لمن اقرأ وي دكات كلبي إلي تزداد شي ورى شي والابتسامة الي ترسم على شفايفي
بدون ما ادري كانت كفيلة تعبر عن الطاقه آلي دا اكتسبها من كلامه
بديت ب الامتحانات والضغط يوم ورى يوم دا يزيد ضغط عليه
اليوم عندي امتحان إحياء ونايمه ب 10 وكاعده ب 2 ب الليل
كمت من الفراش وإني نوم ب عيني أخذت كتبي وكمت
حسن:- صباح الخير
ملاك :- صباح نور اكولك حسن
حسن :- ها محتاجه شي
ملاك :- تليفوني لمن كعدت وكع وما اشتغل بعد ومحتاجه تليفون علمود المرشحات وهاي الأمور
حسن :- ها شوفي اكو تليفون دانيا القديم ب جراره الي يم جربايه
أخذي الج الحد لمن تكملين امتحانات وتستلمين النتيجة أحدث تليفون راح يكون يمج هديه لعيون ملاكي
3 تع
ملاك :- يعمري انت اروح فدوه الأخوي تسلم عيونك هوه انت وجودك يمي هديه
حسن :- اها بس باعي اكو بي صور مال قضيه عندي وحافظهن بي لا تمسحيهن ترا كللللش مهمات ب نسبه الي
كمت بسرعه أخذت التليفون وعفت بس السيمكارت مالي نزلت
الفايبر بسرعه طمنت نيار عني ورجعت اقرأ طلعت مرشحات وبديت اراجع بيهن
مرت أيامي يوم ورى يوم خلصت امتحاناتي وحددو عرس
مريم وإني طايره ب جو بس لا بد انو اوكع وينكسر اجناحي هذا قانون الحياه ماكو فرحه دوم ولا حزن يدوم
3 تع
يوم 28 ب شهر ساعه ب 3 الظهر
كاعده اجا حسن
حسن :- ملاك صور الي ب جهاز ال 5 بسرعه دزيهن الي ضروري ع سريع
ملاك :- ب عيوني هسه ادزهن
راح حسن وإني دزيت الصور اله مرت 10 دقايق وأجا حسن هم
حسن :- ملاك الصور الي حفظتهن ب جهاز وين
ملاك :-هدي شويه ملازمنا هسه ثواني وادزها الك بس اشوفها
حسن :-شوفي الج البين ما اكل واسبح لمن أكمل كون أنتي دازه صوره الي مفهووووم
ملاك :-مفهوم سيدي
حسن :-غزاله ترا ما دا اضحك دا احجي جد
ملاك :-اهووو افتهمت حسن والله افتهمت هسه اشوفها وادزها الك
عافني وراح رحت دخلت للغرفه وإني خايفه خاف يجي ياخذ التليفون مني
حتى يشوف صوره ويدز نيار والله اروح بيها حتلو هوه ابن خالي بس اعرف بيهم ما يقبلون
راسلت صديقتي منى
ملاك :-ولج تعالي هذا زوجج لعب بيه طوبه
منى :-ههه ولج وين زوجي ابتليت على عمري كلتلج زوجيني اخوج الصاك
ملاك :- ههههه مو بعيده عن ربج يمكن من قسمته
منى :-ولج اني وين وهوه وين هسه تلكي غارك ب العسل وي الي يحبها
ملاك :- هههه لا ولج دا يأكل المكرود وين ولج هسه المهم نسيتيني سالفتي
منى :-شكو يا ستار شصاير
ملاك :-ولج هذا زوجج مبقي يمي صور مال قضيه مدري شنو ف الصور
موجودات بس وحده ماكو يمكن ماسحتها ب الغلط وهسه لعب بيه طوبه يريدها
منى :- ولج اكو برنامج يرجع صور المحذوفة بس يشلع كلبج
ملاك :- ولج انطيني اسمه خل يشلع كلبي لا زوجج يشوي كباب وتكه على راسي اذا ما الكاها
ملاك :-ماشي هسه اشوفه
بسرعه نزلت البرنامج فتحت بدت تحمل الصور كعدت ادور
أعلى صوره لكيتها الفرحه ما ساعتني بسرعه أخذت سكرين الها ودزيتها الحسن
بس لفت انتباهي صور مو مالاتي وصور قديمه الي كنت
ماخذتها ب التليفون لمن كان تليفون دانيا اختي
كعدت اشوف بصور شفت صور ايام جامعه مال دانيا صور
الها وال قيس زوجها اكيد كانت على علاقه وياه علمود هيجي تخلت عن كلشي علموده
اشوف ب صور طلعت الي صورة استغربت اتفاجئت لمن شفتها
ب حديقه ومسويه اديها على شكل نصف قلب ويمها أي يمها
هذا نيار أي نيار وهم مسوي ايده على شكل نصف كلب
ما اعرف شنو اسوي حسيت أذني صوفرت الإحساس الي دا أحسه
ما اعرف اوصفه ابدا بطني مغصتني بعدت التليفون بعد ما كنت
5 تع
مركزه على صوره وأحاول انو احذف هاي الأفكار الي دا تخطر
على عقلي حسبت عيونه ضلمت بسرعه سندت نفسي
ب الفراش مال جربايه اجا شعار على تليفون شفته كان من نيار
ما اعرف شنو الي دا افكر بي بس بدون وعي دزيت
ملاك :- البنيه الي جنت اتحبها قبل 4 سنوات هي دانيا مو
