رواية في ظلام مغتصبي الفصل السادس بقلم توتة
تعبنه الوكت واحنه بعمر ماعابر العشرين ..💔
>>>>>>>>>>>>>>>>>>>
_ لا لا الله يخليك عوفني عوفني لا دمر حياتي
اترجاك لااااااااا
ادم/ بقت اتصيح بالسياره وهيه نايمه السايق وكف السياره
كفاح/ عيني بنيتي اگعدي امي اكعدي كابوس هاذه
گعدت واني احس صدري مقبوض اخذت نفس قوي بشهكه قويه احسها زرفت گلبي زرف.
كفاح/ اسم الله اسم الله شبيج حبيبتي
عركانه كلششش وجهي يصب عرك وكلهم يتباوعون عليهه الكل انتبهه عليه موو طبيعيه والحلم خلاني اتخبل.
_ عموو اريد مي اذا ممكن.
السايق/ صار بابا
وكف السايق السياره نزل جاب بطل مي بارد حيل شربته كله اتگول جنت بصحراء اشرب واسحب نفسس عبالك شخص يركض وراي فحطانه وجهي عركان.
السايق/ اجيبلج شي بعد
_ لا تسلم وين وصلنه
ادم/ شويه ونوصل لبغداد
كفاح/ تعالي نامي عل جفتي مبينه تعبانه تُعباُنٌهْـ
_ تسلمين خاله بس هم تعرفين عنوان دكتوره بغداد
كفاح/ ليش
_ محتاجتها فدوه
كفاح/ اني دكتوره
_امم زين اني ما اكدر احجي هنا
كفاح/ ماشي من ننزل اخذج وانحجي
بقيت صافنه عل الطريق وين اروح وين طريقي بعد كل هل عذاب شراح يصير بيه اني هسه مجهوله محد الي كلها تبرت مِڼـّي.
…………
موده/ كعدو الفجر لبسو حاتم وسعد وجواد والولد عرفو بحر ماكوو شارده.
سعد/ شنووووو شردت شلووون شردت فهموني هيه ماتگدر تتحرك.
حاتم/ وين اتروح ما تكدر تبتعد خلونه نطلع لاتصخم وجوهنه گدام الناس.
معاذ/ ما تلكوها.
حاسب ببتسامه همس / بشر عمي
معاذ/ بعد عمك يمي انه خليتها تطلع
حاسب/ ابوس رجلك اني عل هل سالفه المعدله خليهم يحيرون هسه.
الجد/ دورو المحافظه كله عليه اكلبوها كلاب وين تروح يعني اكيد خاتله بزاويه.
موده/ طلعو كلهم حته معاذ والولد كعدنه اني وام حاسب ندعي انوو تكون رايحه لبغداد ومايلحكون عليها.
ام حاسب بهمس/ وين وصلت هسه هم حاجيتها.
موده/ الحسين وفاطمه الزهراء تحفضها انشالله مايلگوها مادري خيه هيه شعدها حته اعرف وين وصلت.
غرام/ عمه امي الصبح الصبح حصرتني وصارت تسأل بيه وتگلي تدرين بيها من طلعت ومنوو شردها بس اني ماحجيت شي.
موده/ لا تحجين غرام استري علينه حبيبه.
غرام/ ابد والعباس ماحجيت حرف
معاذ/ تعبنه ورجعنه اني وحاسب ويزن صعدنه بسياره عود ندور رحنه للكوفي تركينه واجينه ههههه.
…………
بحر/ وصلنه لبغداد واني ما اندل بس لافه شالي عليه مغطيه وجهي كله حته من شربت مي غطيت روحي بعبايتي
كفاح/ شبيج خايفه
ادم/ امشي وياي ورجال الي يوصلج
_ اگدر اثق بيكم
كفاح/ والله ثقي وانتي مغمضه عيونج امشي ماما.
صح الثقه بسرعه غلط بس ثقيت اني بيهم ماعرف ليش حسيتهم راح يساعدوني اجت سياره طبكت بصفهم
ميثاق/ عمي ادم ياهلا والله يلا اصعدو.
كفاح/ يالله بنيتي ما عرفت اسمج
_ بحر اسمي
كفاح/ شهل اسم الحلوو هذا
ادم/ يالله اصعدو.
صعدنه ورحنه وصلنه يم عماره نزلنه لولد خله وراح بس طول الطريق يتباوعلي بالمرايه وعاقد حواجبه مستغرب صعدت لشقه اتخبل من هذول المرتبات المكان جدا نضيف وحلوو معنه الكلمه.
ادم/حياج الله ادخلي بويه.
دخلت المره نزعت عبايته لابسه مانتو هيه مو جبيره تقريبا 35 سنه يطلع عمرها.
كفاح/ انزعي عبايتج وشالج لا تخافين من شي.
نزلت بس عبايتي وهيه اول شي انصدمت بعدين ابتسمت بكل لطف
كفاح/ بسم الله شهل جمال هذا
نزلت عبايتي بس العم دار وجهي عرفه ملابسي كله دم لان لبست تراك بيجي ما جنت ادري فاقده ومادري بروحي شلبست شخليت علئ جسمي.
كفاح/ تعالي وياي.
بحر بدموع/ شهكت اريد اريد اسبح وابدل فدوه
كفاح/ هذا الحمام اسبحي ورتاحي.
ركضت للحمام سديته ونفجر بجي بصوت حيل وقوي بقيت هوواي ابچي واندب حضي ليش صاار هيج وياي هسه اني مالي احد محد يريدني كلها عافتني امي " ابوي " اعمامي " الكل.
سبحت وبدلت حته جنطتي دخلته وياي لبست اسود وطلعت ارجف موو برد لا وجع
ادم/ تعالي احجيلنه شصاير وياج حته اگدر اساعدج
جنت كلش خجلانه شحچي شكول واني ماعرف شخص بيهم وخايفه بنفس الوقت خايفه يطلعون يجذبون عليه.
او يسوولي شي بقيت مدنكه راسي وافرك باديه بتوتر.
كفاح / لاتخافين امي ولله احنه نريدد نساعدج لان حالتج كلش أثرت بينه طول الطريق انتي موو طبيعيه وصراخج ودموعج تشكي حالتج.
ادم / ثقي بالله بويه ماراح نسويلج شي احجي وانتي مرتاحه.
_عموو اني متعرضه للغتصاب اول البارحه
كفاح/ لا حول الله شلون صار هيج
_جان عدنه وفاة مرت عمي وطلعت نص اليل حته اسمر الزباله وخطفني واحد ماعرفه وعتده عليه ما گدرت اعرفه منو
ادم/ يعني الدم من اثر النزف.
صخنت من الخجل وغصت بهدومي مَآعِرَفتّ شحجي بهل لحضه احس جسمي كله يرررجف.
كفاح/ تاخذنه ادم.
بحر بخوف/ وي وين وين تاخذوني ??
كفاح/ للعياده مالتي لازم افحصج هناك حبيبتي لآزٍمٍ اشوفج حالتج مينسكت عنهاا اكيد عندج نزف قوي هسه.
_عليج الله انتي ما تخطفني وتبيعين اعضائي موو
ادم بضحكه/ههههههههه اي ابيع كلياتج
_ ءأ ..ء اسفه عموو بس والله خايفه اول مره اطلع وحدي وماعرف احد هناا.
ادم/ حقهم يابه عل هل جمال والعيون البنفسجي شلون يعوفونج بحالج.
كفاح/ هاا ادم هاا اتخوني وكدام عيني تغاز ابنيه كد بناتك كسرت گلبي ههه
اخذه بحضنه ويبوس بيه من خدوده وهوه يضحك بقيت بس ارمش بعيوني مَآعِرَفتّ شسوي.
ادم/ ولج بكل الدنيه ما ابدلج والله شعندي غيرج اني.
كفاح/ يااا استحي يارجال البنيه كدامك عيب
اني من يمي استحيت دنكت راسي مابقيت اباوع عليهم اعصر باديه.
كفاح/ يالله كومي ماما خلينه نشوفج.
ادم/ يالله
كمت وياها انطتني غير عبايه لبسته حلوه وطلعنه بقت السياره تمشي اهواي نزلنه يم عياده كلش حلوه وبيه ناس اهوااي مراجعين.
كفاح/ ام سالم لا دخلين عليه احد هسه لمن افصح هاي البت ماشي
ام سالم/ صار دكتوره.
دخلنه اني كلشي ما اعرف عمري كله ما دخلت لمستشفئ ولاحته طالعه لمكان لوحدي حته من اتمرض عادي اطيب وحدي محد بحالي ولاشخص يفكرر بيه.
كفاح/ اصعدي هناا وتمددي وفتحي رجليج
_ شراح اتسوين خاله ??
كفاح/ لا تخافين بس افحصج شويه
_ خاله خايفه والله
كفاح/ اصعدي يروحي بنتي انتي بعد اريد سلامتج والله اذا تبقين هيج تتأذين اكثرر يلا امي اصعدي.
عمري كله محد كالي هل كلمه الحلوه مره غريبه كالته الي اول مره بحياتي احس شخص يحبني ويخاف عليه.
صعدت بالفعل وسويت كلشي اتريد لبست اكفوف واجت يم رجليه.
كفاح/ لا تتشنجين ولا تتحركين تتاذين ابقي مسترخيه وخليني اعرف شغلي.
هزيت براسي ب اي واني احس الخوف سيطر علئ كل جسمي.
كفاح/ فحصته صدك صدك تعجبت اول مره بحياتي اشوف هيج وحشيه .. ماما شمسوي بيج هاذه النذل
_ دكتوره وجعتيني حيل كافي فدوه
كفاح/ ماما انتي منتهيه مشككج حيل حييل شضال بيج عزا بعينه كووون.
بجيت بقله حيله طبعا تأذه اذا هوه اخذني بوحشيه احس سجاجين بيه والنزف ابدد ماوكف.
كفاح/الله لا يوفقه ليش هيج شحجي هسه شگول حته الله مايرضه بالي مسوي عسه تطلع بخواته.
_خاله اهواي دم نزل مِڼـّي وجاي اتأذه والله
كفاح/ اتحملي مجبوره اخطيج
_شهكت بخوف بس يوجع واني م̷ـــِْن غير شي جسمي كله يوجعني عوفيني هيج
كفاح/ راح اخليلج مخدر ماخليج تحسين بشي بس ارتاحي تمام.
_ماشي شكلت كانونه اول شي الي وضربتني ابره ما حسيت عل شي دخت و نمت
كفاح/ متاذيه كلش والله كسرت خاطري بعدها طفله.
ام سلام/ منين تعرفينه دكتوره تقربلج.
كفاح/ اقاربي ومتعرضه للغتصاب واهله شردوها عندي واني هسه مسؤله عنهاا.
ام سلام/ خطيه شذنبه هسه بعدها بعمر الورد الله لايوفق كلمن جان السبب بحالتها هاي.
كفاح/ حسبي الله ونعم الوكيل عل ضالم عسه حبوتها تطلع بعرضه.
ام سلام/ هم فحصتيها خو مو حامل.
كفاح/ ما ادري وما يبين شي هسه خليها هسه بعدين نعرف شيصير وياها.
ام سلام/ زغيرونه دكتوره خطيه ديري بالج عليها
كفاح / بنيتي شلون مادير بالي عليها.
……………
اسمر/ صار شهر ونص عل حادثه ماكو كل خبر واني ليل هذا ما غمض عيوني ولا نمت اغمض اشوفها
كدامي ترفس وتصيح ما شايف شكله بس گلبي گلبي ما اعرف شبي اتغيرت 180 درجه. حيييل حاس بالذنب صوتها مايطلع من فكري.
رضوان/ شبيك اسمر مو عل بعضك هل ايام وحيل متغير صاير شي وياك.
اسمر/ لا ماكو شي بس واجبات وتعب وتدري بيه مامرتاح.
رضوان/ اني عمك رابي عل ايدي شبيك احجي اني صارلي فترا منتبهه عليك ومغلس منتظرك تجي وتحجيلي.
عارف/ اتغيرت من شهر عاشك شنوو.
اسمر/ ههه لا خويه عاشك شنوو بس شويه ارهاق وتعب مجاي اگدر انام زين بس هيج والله لايضل بالكم.
عون/ انشالله مثل ما تكول.
………
اكرم/ طول هل فتره بحر اختفت حته عمي من صدك قلق عليها مانعرف اي معلومه عنهاا دورنه ميسان شبر شبر مالگينها.
معاذ/ كتله خابريني بس تلكين اي موبايل بس لحد هسه ماخابرت معقوله صارلها شي ?
يزن/ عمي وين بيا حال هيه هسه ما نعرف ميته عدله وين تلگالها تليفون وتخابر هيه شريحه منين دبرها.
معاذ/ما ادري والل اكلكم اروح ادور عليهه
حاسب/ وين عمي ادور تدري هيه وين هسه ?
معاذ/ كتله روحي لبغداد اكيد هسه هيه بغداد اذا اروح الكاها.
حاسب/ شنو بغداد زغيره ياعمي استغفر الله.
معاذ / جا شلون نضل هيج
يزن / خلينه نصبر بعد جم يوم ونشوف بلكي تخابرنه لْـۆ نعرف معلومه عنهاا.
وعمي هسه اذا تواصلنه وياها جدي راح يعرف بالسالفه ومتاكد بس يعرف مكانها يكتلها.
معاذ / اخخخ يابحران ياعمي جمره بگلبي.
…………
مر شهر ونص و اني عد بيت عمو ادم ولا احسن من هيج ناس يعني والله شما احجي قليل بحقهم خو الدكتوره.
ماكوو الطف واحن منهاا تحبني هوواي ومعتبرتني بنيتها.
هيه بالبيت لبسه اشكال انواع اني استحي كله كلبيات
كفاح/ العصر اطلعين وياي ماشي
_وين ??
ادم/ تروحن للسوك تشترن ملابس مكياج اي شي محتاجاته.
بحر بخجل/ لا تسلم عمو كافي كاعده عدكم.
كفاح/ ازعل عليج والله اني موو گتلج انتي بنتي تردين امج.
ادم/ بعد صرتي بتنه انتي واحنه مسؤلين عنج بويه ماريدج تفكرين بيوم انوو ضايجين من وجودج ويانه احنه ماعدنه جهال والله رزقنه بيج.
_ تسلم عمو ما تقصر بس اريد اطلب منك طلب صغير.
ادم/ امري يبوي
_ لا استغفر الله ما يامر عليك ضالم اريد اشتغل ماريد ابقه گاعده.
ادم/ شنوو ليش بويه ناقصج شي مقصرين وياج.
_لا والله ابد ما ناقصني خالتي ما مقصره ابد وانته هم بس اني اذا اشتغلت هيج اخذ راحتي حته بالطلعه وي الدكتوره وما اتقيد.
ادم/ شنوو تشغلين يبوي
_ اي شي مطعم او صالون عياده اي شي المهم اطلع واشتغل مابقه گاعده.
ادم/ ماشي تعاي وياي بالمطعم مالتي اتشغلي
كفاح/ اي والله وهيج اني اامن عليج بيد ادم وتغيرين جو وتتغير نفسيتج.
_تمام موافقه اشكرك عمو
ادم/ تمام باجر اخذج وياي ونشوف شنو تعرفين تسوين.
_كلشي اعرف اسوي اطبخ وانضف اي شي
ادم/ لا ما اتعبج اخليج بالطابق الثاني هذا الطابق للناس الي شباعنه كلش ومرات يصير بي اجتماعات قليل الشغل بي اخليج تشتغلين شي بسيط كلش.
_ حالي حال العمال عموو.
ادم/ ماشي
كفاح/ بس دير بالك عليه الناس ما ترحم. ومطعمك كله زلم خليها كدام عينك
ادم/ يمي
عرفت بهل لحضه من صدك الدنيا بعده بخير وربك ما يكطع بعبده كل هل مده ولا يوم سمعت منهم كلمه غلط.
ولايوم حسيت نفسي ثكيله عليهم او منغثين مِڼـّي
يطلعون الصبح هيه للمستشفئ وهو للمطعم يرجعون الظهر يلكون الاكل جاهز مرات ما تقبل اطبخ تكول لاتعبين نفسج وقنعها لان اضوج ابقه بس اصفن لوحدي.
كفاح/ بحر سؤال
_ امري جواب
كفاح/ راح يصير شهرين ولا مره حجيتي عل اهلج امج ابوج وين يتيمه انتي ?
كلش ضجت من السؤال نزلت راسي عيوني دمعت والحزن غيم عل كلبي احس انقبض صدري.
كفاح/ احجي فضفضيلي احسبيني امج.
_والله ماعرف شحچيلج امي ما اتريدني اتكلي انتي اكبر غلطه بحياتي.
فرقتيني عن حبيبه وابوي ما يريدني بسبب المشاكل وي امي اخر شي تطلكو واني ضليت بين هذا وبين هذا شفت المر عشيت ايام حيل صعبه وياهم من امي البسط الصوندات كلشي دكتوره.
ومن ابوي الضرب والاهانه وهوه تزوج مرته اكثرر من امي تعذبني.
كفاح/ كملي.
_وابوي لا يحل ولايربط يطلع الصبح يجي للغده يطلع ويجي للعشه جنت اسمع امي اربع وعشرين ساعه تخابر بالزلم شكد نصحته كتله يمه اني وياج انروح بيه وبعدين اني يعيروني بيج وطلعين موخوش گدام الناس.
بس جانت بكل مر تضربني وتغلط عليه وتكولي اني بكيفي اتصرف محد يحكمني.
كفاح/ استغفر الله.
_ ما سمعتني وطلكو وقبل ما تخلص العده مالتها راحت و اتزوجت حبيبه جبير بس مو راحه ابد وابوي اتزوج ومرته خيرته بيني وبينها گلتله لو اني.
كفاح/ ليش
_ لان امم ..ء شفته نايمه هيه واحد بغرفه ابوي ماكو وهيه خافت احجي تطردني واني ما عندي دليل حته موبايل ما عندي ولا عمري عرفته شنوو الموبايل.
ادم/ كل هذا شفتي بويه وسكتي
_ اي واكثر والله عمو بليله الغتصاب مرت ابوي اتهمتني بشرفي وكالت اكيد صاحبه وسوه وياها هيج
كفاح/ زين شلون شردتي من البيت منوو ساعدج.
_بفضل عمي ومرته ومرت عمي الجبير شردوني همه جانوو يحبوني مصدكيني.
كفاح/ شعجب طلعت منهم وانتي تكولين اهلج مايحبونج.
_لا همه هواي يحبوني و ما عدهم شك ولا يشكون بيه ابد لهيج ساعدوني لان جدي كال تكالوها الصبح.
كفاح/ اجت اتكمل حجي فجأه ركضت للحمام ركضت وراها خايفه .. بيج شي.
واني داحجي فجأه لعبت نفسي حييل ركضت للحمام ذبيت كلشي بطني من عشه
كفاح/ شبيج ماما
_ ما اعرف لعبت نفسي وحدي
كفاح/ بلعت ريكي بخوف ادم ممكن دقيقه تروح
ادم/ اكيد.
كفاح/ شكد صارله ما جايتج الدوره ??
_ بلعت ريكي قبل قبل الغتصاب 10 ايام تقريبا وبعدها لحد هسه.
