رواية عمر الديب صقر المخابرات الفصل السادس
بسم الله توكلت علي الله. وهو رب العرش العظيم
وبعدها بساعه ومن قصاد الكافية يجلس باسم في عربيتة وعمر يتجة ناحيتة بعد ما ركن عربيتة وقبل ما يقرب منه يجد عمر. فيروز تجلس خلف باسم في العربية وتخرج مشرط صغير وتقطع الاوردة اللي في رقبة باسم زي ما حصل مع عم خليل. فيتالم باسم والدم يغرق عربيتة بطريقة بشعة و عمر يبص للي بيحصل وهو مش مصدق نفسه ونزل من العربية جري رايح ناحية عربية باسم لكن فيروز خرجت من عربية باسم وركبت في عربية تابعها وعليها شعار الافعي و جاية بسرعه و بمنتهي الخفة والرشاقة. بقيت فيروز جوة العربية. ووقفت العربية علي مسافة وبصيت فيروز لعمر وقالت
صاحبك قدامة 15 دقيقة ويموت. عشان انا قطعت له اوردة فرعية في رقبتة مش اساسية. ياتري تقدر تلحقة. ولا تطاردني وتقبض علي الافعي اللي انت بتدور عليها.
انا الافعي يا عمر
اتحط عمر في موقف محير وبص بسرعه لباسم اللي ماسك رقبتة وبينزف بشدة وبص لفيروز وهي في العربية قدامة مستنيا وخرج الطبنجة الميري بتاعته ولكن فيروز اديت امر للسواق بانه يطلع بيها بسرعه وانطلقت العربية وضرب عمر نار علي العربية ولكنها كانت مصفحة فبص لباسم وركب في العربية بتاعته ولف حوالين رقبه باسم الكرفتة اللي كان لابسها عشان يمنع النزيف. وانطلق بالعربية باقصي سرعة علي المستشفي ،،،،،،،،
وبعدها بساعه ومن داخل اوضة في فندق يقعد ديفيد في البلكونة الخاصة بالاوضة وبجانبه تقعد سوريا وبتشرب مشروب ساخن ويرن موبيل ديفيد فيخرج ديفيد الموبيل ويبص لرقم المتصل فيفتح الخط ويسمع كلام يقال من الافعي في رساله صوتية وينعقد حاجبية ويغضب بشدة ويقول لنفسه
انا ما عملتش كدة
ويسكت تاني ويسمع كلام اخر يقال في رساله اخري فيغضب اكتر واكتر وتنتهي رساله الافعي لديفيد فيبص لسوريا ويقول بعصبية
خبير دة لازم يموت وبايدي انا
سوريا باهتمام
اية اللي حصل
ديفيد
خبير انتحل شخصيتي وهكر الموبيل بتاعي وبعت رسالة بصوتي لظابط مخابرات اسمه باسم بيعرفه انه البابا بتاع عمر الديب
سوريا باستغراب
هو عمر الديب يبقي ابني
ديفيد بعصبية شديدة
ودة وقت الاشتياق للماضي
سوريا بعصبية
مش عايزني اشتاق ل ابني. وخصوصا بعد ماعرفت هو مين
ديفيد
انتي مجنونه. عمر الديب دة العدو الاول لينا في مبني المخابرات بعد ما قبض علي دنيال وفايز وعطل مهمتنا تفتكري انه هايفرح لما يعرف ان الماما بتاعته جاسوسه وكمان يهودية
سوريا
بس دة ابني اللي اتحرمت منه سنين طويلة ازاي اعرف هو مين واسكت
ديفيد
انتي لازم تسكتي عشان المهمة تكمل والا. الافعي هاتخلص عليكي انتي فاهمة. المهمة دي حلم بتحلم بي المنظمة كلها ولازم تكمل وخبير لازم يتعلم الادب ويقف عند حدة بعد اللي عمله دة
سوريا وهي تقف قدامه وتبص له بمنتهي الشر
لو لمست شعرة من خبير هانسي انك ابني زي ما انت ناسي ان خبير البابا بتاعك
فيقف ديفيد ويزق سوريا ناحية سور البالكونة وبمنتهي القوة فتقع سوريا برة البالكونة فيمسك ديفيد ايدها ويبص لها في عيونها وهي خايفة جدا وبتبص للشارع اللي كان بينها وبينه مسافة 12 دور وقالت
الافعي مش هاتسيبك تعيش لو عرفت انك انت خلصت علية. انت محتاجني في المهمة
ديفيد بصوت خبيث
انا حذرتك مرة ودي المرة التانية المرة التالتة هانسي فعلا انك الماما بتاعتي وهاقتلك وهاخلي الافعي هي اللي تطلب مني كدة بعد ما اقول لها انك انتي كنت عايزا تروحي لعمر الديب وتترمي في حضنه وتعرفي انك الماما بتاعته
سوريا وهي خائفة من تهديد ديفيد
طلعني انا مش عايزا اموت
فيسحبها ديفيد ويدخلها الي البالكونة وتقعد سوريا علي الكرسي وهي بتلتقط انفاسها بالعافية. وبتقول
انت مجنون. مجنون
فيبص لها ديفيد ويخرج من البالكونة وهي بتبص علية وبتعيط، ،،،،،،،
ومن داخل احدي المستشفيات يقف عمر قدام اوضة الرعاية المركزة بعد ما تبرع بدمه لباسم علي امل انقاذة ويخرج من الاوضة الدكتور المعالج لباسم فيبص له عمر بلهفة شديدة ويقول
خير يا دكتور
الدكتور
ادعي له حالته حرجة
عمر
يعني ممكن يموت
الدكتور
الاعمار بيد الله. ممكن تروح انت دلوقتي لان وجودك هنا ملهوش لزمة. وكمان تغير هدومك اللي كلها دم دي
عمر وهو بيبص لبدلته اللي عليها دم باسم
انا مش هارتاح الا لما يبقي هو كويس. بس انا هاخرج هاروح مشوار وهارجع تاني. وانت معاك رقمي يا دكتور ياريت لو حصل حاجة تعرفني
وساب عمر الدكتور ومشي وهو بيغل بشدة وعامل زي المجنون بسبب كمية الاحداث الغريبة اللي عديت علية من بعد ما عرف ان خبير والدة. لكن اهم حاجة كان عايز يعرفها حكاية فيروز ازاي ماتت. وازاي بيشوفها وقرر انه يعرف الحقيقة، ،،،،،
ومن داخل شقة في عمارة من عمارات مصر الجديدة يقف عمر قدام باب شقة عبلة صاحبة فيروز ويرن جرس الباب فيفتح له والد عبلة فيقول لها
مساء الخير. هي عبلة موجودة
والد عبلة
مين حضرتك
عمر
قولها بس اسامة
والد عبلة
طيب اتفضل يا ابني
فيدخل عمر الي اوضة الضيوف ويجلس وتدخل علية
عبلة ومعها والدها فتبص عبلة لعمر وتقول
هو انت. وليك عين توريني وشك بعد ما كنت السبب في اللي حصل لفيروز
عمر بصرامه
من فضلك اهدي. وياريت بشكل ودي تدليني علي مكان فيروز
عبلة
فيروز ماتت
عمر بتهديد
اسمعي يا عبلة انتي صاحبة فيروز الوحيدة وفيروز صاحبتك متهمة في جريمة ممكن تبقي قتل او شروع في قتل فمن مصلحتك تقولي فين فيروز والا هايبقي في كلام تاني.
والد عبلة بعصبية
انت بتتكلم مع بنتي ازاي كدة. انت ماتعرفش انا مي،،،،،،،،،،
فيقاطعه عمر بمنتهي الحدة ويقول
تطلع زي ما تطلع. بنتك عبلة هي صاحبة فيروز الوحيدة. وفيروز دي ذبحت ظابط مخابرات مصري فاهم يعني اية ظابط مخابرات. ولا افهمك بطريقة تانية وانت عندي في مكتبي ومتعلق انت وبنتك
عبلة وهي تقف قدام عمر خائفة علي والدها وتقول
والله فيروز ماتت. ودة كل اللي اعرفه عنها. وادفنت في مدافن العيلة بتاعتها
عمر وهو بيبص في عينبها بمنتهي العصبية
فين المدافن دي
عبلة خائفا
هاقول لك، ،،،،،،،،،،
وبعدها بكام ساعه ومع حلول الظلام وصل عمر الي المدافن اللي فيها فيروز وكان مع عمر دكتور في الطب الشرعي يدعي عادل. و قريب فيروز اللي معه مفاتيح الجبانة اللي مدفونة فيها فيروز ويفتح قريب فيروز الجبانة ويستعد عمر لدخول الجبانة ولكن قريب فيروز يمنعه وهو يقول
رايح فين يا بية. دي العين الخاصة بستات العيلة وما ينفعش انت تخش
عمر بضيق
خلاص خش هاتها انت
ويدخل هذا الرجل الي الجبانة ويخرج جثة فيروز وطبعا مرفوع عن وشها الكفن ويبص لها عمر وهو هايتجنن لانها فعلا جثة فيروز فقال لدكتور الطب الشرعي
عايزك تشرح لي الجثة دي وحدد لي ماتت من امتي تقريبا وسبب الوفاة
فيبص عادل الي الجثة وهو يقول
لازم ننقلها للمشرحة عشان اقدر اشرحها
عمر
انقلها. وانا هاروح مشوار وهافوت عليك في المشرحة. عادل ما تروحش الا لما تكتب لي تقرير مفصل عن الجثة دي
قريب فيروز
يا بية فيروز اتشرحت قبل كدة والدكتور قال انها حاله انتحار بس،،،،،،،،،
فيقاطعة عمر بعصبية
انت هاتتدخل في شغلنا ولا اية. انا قولت يشرحها من تاني يبقي يشرحها ،،،،،،،،
ويخرج عمر من المقابر ويركب عربيتة وينطلق بيها مسرعا الي شقة خبير اللي مستخبي فيها ويدخل الي الشقة اللي كان بابها مفتوح فيلاقي خبير قاعد علي سجادة الصلاة وبيقرأ في المصحف فوقف عمر وراء منه فقال خبير من غير ما يبص
مستنيك بقالي كتير. عشان كدة سايب باب الشقة مفتوح
ويلف خبير نفسه ويبص لعمر اللي لسة ماغيرش هدومة ودم باسم علي بدلتة فقال له خبير
باسم عامل اية دلوقتي
عمر بنظرات شك قال
انت كمان عارف اني جاي عشان اسئلك عن باسم
خبير وهو بيقوم من علي سجادة الصلاة. يقول
انت جاي تسال. باسم ازاي عرف اني البابا بتاعك. وكمان فيروز معانا في المنظمة ولا لا.
فيتجة ناحيتة عمر بعصبية ويبص في عيون خبير وهو يقول
دة انت بتقرأ افكاري بقي
خبير ضاحكا
اصل انا مخاوي جن.
ويبص خبير لأيدة ويقول
تعرف ان الشعراية اللي انت خدتها وجعت ايدي لغاية دلوقتي. بس مش مهم المهم انك تتاكد اني انا البابا بتاعك
عمر باستغراب شديد
دة انت مخاوي بجد.
خبير
مش بقول لك.
عمر
طيب ما تسالي الجن اللي انت مخاوي وقولي فيروز ميتة ولا صاحية ولية كانت عايزا تقتل باسم
خبير
فيروز ماتت. وانت بيتهيألك انها عايشة. واللي كان عايز يقتل باسم هو ديفيد اللي عرف باسم اني البابا بتاعك
عمر
وانت عرفت دة كله ازاي
خبير وهو بيضحك
ما انا قولت لك انا مخاوي جن
فيهجم عمر علي خبير بمنتهي العنف ويمسكة من لاياقة القميص ويقول
سيبك من شغل الدروايش اللي انت عمله دة وعرفني انت، ،،،،،
وقبل ما يكمل الجملة تمد يد بحقنة مخدرة وتغرز الحقنة في رقبة عمر فيقع فاقد الوعي، ،،،،،،،،،،
وبعدها بكام ساعه ومع شروق شمس تاني يوم ومن داخل المشرحة يقف الدكتور عادل قدام جثة فيروز بعد ما تم تشريحها وشد علي وشها الملاية واتصل بعمر علي موبيلة اكتر من مرة ولكن عمر لم يرد فبعت له رساله صوتية وقال فيها
عمر بية انا خلصت من تشريح الجثة وفيروز فعلا ماتت منتحرة من حوالي 4 او 5 ايام. ودة نتيجة تناولها كميات كبيرة من الحبوب المخدرة. انا كدة عملت اللي عليا وهامشي. عشان انا ما نمتش من امباراح.
وانهي عادل الرسالة وخرج من المشرحة وطفي النور بعد ما رجع جثة فيروز للثلاجة، ،،،،،،،،،،
ومن داخل اوضة نوم عمر في شقة اللواء ابراهيم كان عمر ينام علي سريرة. وبيفتح عيونة بصعوبة بسبب تاثير المخدر وقام من علي السرير وهو دماغة تقيلة جدا ولكنة سمع صوت اللواء ابراهيم بيتكلم مع حد نفس صوته ففتح عيونة وهو مصدوم ونزل من علي السرير لقي نفسه مش قادر يدوس علي رجله وبقي مشلول حاول انه يقف تاني لكنة وقع مرة تانية وفضل يزحف لغاية ما وصل للباب وفتح باب الاوضة ولقي خبير قاعد مع شاب شبهه بالظبط وبيبص له وبيضحك وحاول عمر انه يتكلم لكنة مش قادر يتكلم وكانه بقي اخرس. وبيبص لهم وهو هايموت من الصدمة، ،،،،،،،،،،،،،،
