رواية عمر الديب صقر المخابرات الفصل السابع
بسم الله توكلت علي الله. وهو رب العرش العظيم
خلصت الحلقة اللي فاتت علي ان عمر الديب لقي نفسه في شقتة اللي اتربي فيها شقة اللواء ابراهيم وكان نايم علي سريرة بعد الحقنة المخدرة اللي خدها في رقبتة وفاق عمر من المخدر سمع صوت اللواء ابراهيم اللي مات في احداث الجزء الاول ولكن خبير كان هو اللي بيقلد صوت اللواء ابراهيم ونزل من فوق السرير لكنة لقي نفسه زي المشلول ورجلية مش قادرة تشيلة لكنة فضل يتسحب لغاية ما خرج من الاوضة وشاف منظر عمرة ما ينسا شاف خبير قاعد مع واحد شبه بالظبط استغرب جدا وكان هايتجنن من الصدمة وحاول انه يتكلم لكنة كان زي الاخرس وراح ناحيتة خبير وقال
حمد لله علي سلامتك يا صقر المخابرات
فيبص له عمر وهو عايز ياكله بسنانه لكن خبير قال وهو بيبص علي الشاب اللي شبه عمر
احب اعرفك بعمر الديب. اول استنساخ ناجح في علم هندسة الجينات الوراثية وأسمة الحقيقي ابرام.
اتصدم عمر وعمال يحاول انه يتكلم لكن خبير قاله
ماتحولش تتكلم عشان مش هاتقدر انت. مركز الاعصاب عندك ادمر . باخطر حقنة في العالم لتدمير خلايا المخ حقنة مخصوص للناس الخطيرة اللي زيك حقنة اشد من ميت قنبلة كيمائية. والافعي بس اللي تقدر تعالجك منها يعني عايزك. تتعود عشان هاتعيش فترة بالوضع دة. وكلها ثواني وايدك كمان هاتقف عن الحركة. ويحصل لك شلل كامل في اطرافك الاربعة. وساعتها.
ويبص خبير ل أبرام ويقول
عمر الديب يقبض عليك. وتلبس البدلة الحمراء
فيبص له عمر باستغراب شديد فيضحك خبير ويقول
عارف انك عايز تفهم هايقبض عليك ازاي. ركز معايا انت اتفرجت علي الفيلم الامريكي المشهور فيس اوف.
ويسكت خبير وهو بيبص لعيون عمر اللي كلها اسئلة وقال خبير وهو بيضحك
قال وانا مستنيك ترد. نسيت انك اخرس. بس عموما عندي ليك مفاجاة حلوة. وبعد كدة هاكمل لك حكاية موت صقر المخابرات
ويتوقف خبير عن الضحك ويكشر بطريقة مخيفة ويمد أيدة ناحية وشة ويخلع ماسك علي شكل خبير ويظهر تحت الماسك ديفيد وهو بيبص لعمر بغل شديد. ويقول
الاخ الكبير. انا ديفيد اخوك. طبعا صدقت اني خبير صح وصدقت ان فيروز عايشة وصدقت ان اللواء ابراهيم عايش. بعد ما سمعت صوتة. احب اعرفك اني شاطر جدا في تقليد الاصوات وفي عمايل المسكات والمكياج واي حد يصدقني في اي شخصية انا بلبسها لان دي شغلتي في امريكا وكل نجوم الاكشن يعرفوني
فيصدم عمر وعيونة بتصرخ من اللي شايفه وديفيد يمد ايدة يمسكة من شعرة ويقول
انت اة الاخ الصغير ليا. بس بكرهك علشان انت مسلم عربي حقير وانا أفضل منك. ان من شعب الله المختار. انا خليفة الله في الارض. أنا اليهودي.
ويضحك ديفيد. ويكمل قائلا
خبير كان فاكر انه ممكن يحميك مني ومن اللي انا ناوي اعمله فيك مايعرفش اني ما صدقت رجعت مصر عشان اخد حقي منه ومنك. خبير اللي اختارك واختار انه يبيع ديانتة اليهودية عشان يكون جنب اللي اسمها فاطمة وساب ابنه ومراتة يتعرضو للموت لولا الافعي اللي انقذتنا من ايدين الحكومة المصرية. علشان كدة اول ما جيت مصر بعت لك رسالة بعرفك فيها ان خبير يبقي البابا بتاعك عشان ابدأ اهز ثقتك في نفسك يا صقر المخابرات. لا وكمان اخليك تشوف فيروز عشان تتلغبط وتفقد تركيزك في قضية الافعي وتعيش في صراع نفسي رهيب بين انك انت ابن جاسوس. وبين الذنب بان فيروز قتلت نفسها بسببك ولسة اللعبة هاتحلو طالما خبير بعت لباسم رسائل بصوتي عشان يحميك مني ويوقع بيني وبين الافعي. لكن مايعرفش اني كنت سابق بخطوة ومراقبة وسايبة يلعب وجه الوقت العب انا كمان واضرب خبير في مقتل وابكي عليك ومن بعدك فاطمة.
ويترك ديفيد شعر عمر ويقف ويلبس جوانتي وهو يقول
طبعا عايز تعرف انا ناوي اعمل فيك اية. هاعرفك كل حاجة ما تقلقش.
ويخرج ديفيد من شنطة امامه. ماسك اخر لوش خبير معمول بمنتهي الاحتراف من مادة تشبة الجلد الطبيعي ويروح ديفيد بهذا الماسك ناحية عمر ويقول ديفيد ل ابرام
ابرام كتفة كويس
ويمسك ابرام عمر بقوة وديفيد يضع ماسك خبير علي وش عمر وهو يقول
من سوء حظك انك في نفس جسم خبير زيي بالظبط عشان كدة. ناوي اخليك تبقي خبير والحقنة المحملة بالفيرس هاتسبب الكرشمة لجلدك واللي يشوفك يحس انك كبير في السن ومن بعدها اسلمك للمخابرات المصرية وهما بقي يعرفوا شغلهم معاك ويلبسوك بدلة حمراء تليق عليك ويبقي قدام الافعي خبير مات بايد الحكومة المصرية لكن الحقيقة اني انا اللي هاكون قتلتة بايدي وفاطمة تتفرج علي مشهد نهايتة وابقي نمرة واحد عند الافعي وفي المنظمة كلها
كل هذا الحوار يدور وديفيد يقوم بتثبيت الماسك لعمر بمنتهي الاحترافية وعمر عايز يفلت لكن كل اعضاء جسمة رفضت الطاعه له واكمل ديفيد كلامة وقال
وبعد كدة. ابرام هايكون عمر الديب و هايدخل مبني المخابرات بمنتهي السهولة ويجيب لنا الشريحة اللي خدها انت من فايز ودنيال وبعد ما الشريحة تكون في ايد الافعي المرض هايحل ببلدكم مصر وهاتقوم ثورة كلها موتي ودم ونظام بيقع وحاكم بيتقتل وفوضي ما بعدها فوضي وتنتهي دولة اسمها مصر. بعد ما تتقسم لكذة دولة. مش عارف انا لية حبيتك وبقيت ارغي معاك بس ممكن علشان هاتتعدم وعايزك تتعدم وانت عارف اية اللي هايحصل بعد موتك
ويضحك ديفيد ويضحك ضحكات كلها شر، ،،،،،،،،،
ومن داخل المستشفي المحجوز فيها فاطمة تقف ملك قدام منها وتتابع حالتها اللي اصبحت في تحسن وتقول ملك
الحمد لله انتي النهاردة احسن من امبارح بكتير
فاطمة بحزن
الحمد لله.
ملك وقد لحظت حزن فاطمة فقالت لها
مالك صوتك حزين لية كدة
فاطمة
هو عمر ابني ماجاءش يطمئن علية لية
ملك وهي بتقعد جنبها
ماتعرفيش ظروفة
فاطمة
ظروف اية بس. بقي كدة أهون علية مايسالش فيا. دة انا ماصدقت اني لقيتة
ملك
اكيد هايجي. ما تقلقيش
فاطمة
يارب يا بنتي.
وتعيط فاطمة فتاخذها ملك في حضنها وتقول
كدة غلط عليكي احنا مصدقنا انك بقيتي كويسة
فاطمة وهي بتبص لها
اصلي مالحقتش اشبع منه. انا اتحرمت منه سنين كتير واول ما لقيتة اتحرم منه تاني
ملك
طيب بطلي عياط. وانا هاتصل بي اشوفه ماجائش لية،،،،،،
وبعد مرور كام ساعه ينتهي ديفيد مما بدا في ويصبح عمر شبة خبير بالظبط بتفاصيل ملامح وشة والتجاعيد اللي عندة ماسبش ديفيد اي غلطة وراء ووقف وبص ل ابرام اللي كان بيسقف وبيقول
عظيم عظيم. انت موهوب ديفيد
ديفيد
طبعا. انا الاول والافضل في عالم المخابرات. ودلوقتي بقي مش فاضل غير اننا ننقله في شقة مفروشة بعقد قديم مكتوب باسمة. ونبلغ عنه ويعيش اللي فاضل في حياتة بيسمع اللي بيتقال وبيشوف نهايتة بايدة
كل دة بيدور وعمر باصص له بعيون حادة مليئة بالغضب وديفيد بيقول
طبعا عايز تقول وابرام هايتعامل ازاي علي انه عمر الديب. انت. احب اعرفك ان فيروز زرعت ليك كاميرات في اخر الحاجب اليمين بتاعك.
ويخرج ديفيد من جيبة علبة صغيرة جدا وملقاط صغير ويفتح العلبة ويخرج كاميرا صغيرة جدا علي شكل شعرة الحاجب وحطها قدام عين عمر وقال ديفيد
اللي اتزرعت عندك شبة دي بالظبط نقلت لينا كل تفاصيل حياتك صوت وصورة. وكمان نقدر نعرف انت بتقول اية وانت في مكتب السيد كامل. يعني اخبارك واخبار الجهاز اللي انت في اتنقلت لينا وخصوصا ان الكاميرات دي بتقدر تنغرز في الجلد وتلصق في بطريقة متقنه زي الشعرة الحقيقة وما يقدرش اي جهاز تتبع يكشفها. تكنولوجيا ونقلة في عالم التجسس. الدول المتخلفة اللي زيكم يستحيل توصل لها
ويتصدم عمر ويقرب ديفيد بودانة من بوق عمر وكان عمر بيتكلم ويقول ديفيد
بتقول اية امتي عملت كدة. يوم ما راحت معاك عند دكتور زميلها تشيل الرايش اللي دخل في عينك و اللي احنا كنا السبب انه يدخل عيونك الجميلة
ويمسكه ديفيد من شعره كمان مرة.وهو بيقول
وانت كنت فاكر انك بتلعب علي فيروز مع ان الحقيقة فيروز هي اللي كانت بتلعب عليك ومن ساعتها وبقت كل تحركاتك تحت عينيا. وبنراقب كل خطوة ليك. بس بصراحة ماعرفش لية الافعي سيبتك تقبض عليهم لكن مش مهم. المهم هو اللي جاي. عاملين نفسيكم اذكياء وانتم اغبي شعوب الارض
ويبص ديفيد ل ابرام ويقول
حضر نفسك يا عمر عشان تقبض علي خبير.،،،،،،،
وبعدها بساعة ومن داخل مبني المخابرات المصرية يجلس السيد كامل في مكتبة ويرن الموبيل الخاص به فيرد السيد كامل ويقول
ايوة يا صالح
صالح
لقينا باسم يا فندم
السيد كامل باهتمام
فين،،،،،،،،،،
ومن داخل المستشفي اللي فيها باسم يقف السيد كامل مع الدكتور المعالج لباسم ويساله علي حاله باسم اللي بدات تستقر الي حدا ما فقال لة الدكتور
اللي قطع له الاوردة بتاعت رقبتة حد محترف عارف هو بيعمل اية ما كنش عايزه يموت
السيد كامل باستغراب
اومال كان عايز اية بحركة زي دي
الدكتور
مش عارف الصراحة. بس قطع الاوردة ماكنش بطريقة عشوائية
السيد كامل
ممكن اشوف هدوم باسم اللي كان بيها ساعة الحادثة واي حاجة كانت معه. ممكن اوصل لدليل يخليني اعرف مين عمل كدة
الدكتور
اوي اوي. هابعت لحضرتك الممرضة بكل متعلقات السيد باسم
السيد كامل
اكون شاكر ليك جدا، ،،،،
وبعد مرور كام دقيقة كان السيد كامل يجلس علي كراسي الاستقبال ويقلب في بدلة باسم بتركيز شديد الي ان يقع الموبيل تحت ايد السيد كامل فحاول فتح الموبيل ولكنة احتاج لبصمة الوجه الخاصة بباسم ودخل السيد كامل اوضة باسم وحط الموبيل قدام وجه باسم وانفتح الموبيل وبدا يبحث السيد كامل في الموبيل عن اي خيط يوصله للي عمل في كدة ولقي اسم عمر في خانه اخر مكالمة صادرة وايدة خدتة لرسائل الوتس وشاف صور عمر مع خبير. في المقابر وسمع الرسائل الصوتية انصدم بشدة وبرق من الدهشة وقال
عمر ابن خبير. طيب ازاي
وفي هذة اللحظة يرن الموبيل الخاص بة فيرد قائلا
ايوة يا عمر
ابرام بصوت عمر
عندي ليك يا فندم خبر بمليون جنية
السيد كامل
قول اللي عندك
ابرام
لقينا خبير
السيد كامل باهتمام شديد
برافو عليك ياعمر. انت فين ابعت لك قوة من الجهاز تساعدك في القبض علي خبير
ابرام
هابعت لك العنوان في رسالة يا فندم
السيد كامل
خلاص ما تتحركش من مكانك والقوة هاتكون في الطريق ليك
وينهي السيد كامل المكالمة وهو يبص لصور خبير وعمر بضيق شديد، ،،،،،،،
