رواية ذيب الشامخ الفصل السابع بقلم توتة
⠀⠀⠀⠀⠀⠀
⠀⠀⁞ 𝕨𝕖𝕝𝕔𝕠𝕞𝕖 𝕥𝕠 𝕞𝕪 𝕡𝕣𝕠𝕗𝕚𝕝𝕖 -
اللهم أنت السند حين يغيب الجميع"
>>>>>>>>><<<<<<<<<
بقيت حاير اتصلت بيها شي 10 مرات ٱڅڑ مكالمه
انفتح الخط وجان يجيني صووت مو صوت رباب ستغربت منوو هاي
ذيب / الوو حبيبتي وينج
ساره / منو انته ??
ذيب / انتي منوو رباب وين
ساره / هاا ذيب هاذه انته رباب مريضه اخذناها صبح للصدليه علكولها مغذي تعبانه م̷ـــِْن لبارحه منايمه
عبالها بيك شي ليش مغلق جهازك.
ذيب / شبيهااا شصاار.
ساره / خافت عبالها بيك شي
ذيب / جان عندي شغل ولله ونسيت جهازي مغلوق وينهاا هيه يمج اريد احچي وياها.
ساره / لا ولله نايمه هسه. تريد اگعدها
ذيب / لا خليها ترتاح شويه اني جاي لبغداد اشوفها
ساره / وييين تجي لاتسويلنه مصيبه ابوي اذا يعرف يموتها ولله
ذيب / انتي گوليلها وبسس اريد اشوفها.
سديت الخط منهاا وطلعت بدون. علم شخص حته المسؤل ماخذت أذن م̷ـــِْن عنده
سقت بسررعه. بهل موقف كلشش كبرت بعيني رباب حبيتها اكثرر واكثرر م̷ـــِْن عرفتها تخاف تخسرني
واني بالطريق اسوق اتصل جهازي كانت رباب. فتحت عليها بسرعه واني ملهوف اسمع صوتها.
رباب / ذيب
ذيب / يروح ذيب شبيج شصاير
صارت تبجي ب گوه تحچي
رباب / انته وينك ليش مغلق جهاززك عبالي صارلك شي ليشش ماترد عليه
ذيب / اسف يروحي جان عندي شغل ولله وممنتبهه للجهاز
رباب / انت تعرف شصااار بيه خفت عبالي بيك شي منوو اسال شلوون اعرف ليشش ليشش هيج
ذيب / اششش كافي حبيبي هايني جاي لبغداد اريد اشوفج لاتبجين
رباب / ماكدر اطلع ليش اجيت
ذيب / عادي حته لْـۆ بالباب اشوفج م̷ـــِْن بعيد المهم مارجع بدون ماطمأن عليج.
رباب / لاتخاف مابيه شي بس شويه تعبت واخذت علاج هسه زينه لايضل بالك
ذيب / حت لْـۆ اريد اشوفج
رباب / لاتجي ماكدر اطلع ولله
ذيب / تمام يروحي
رباب / ذيب. !!
ذيب / يروح ذيب
رباب / احبك
ابتسمت ورديت عليها. / واني هم احبج.
سديت م̷ـــِْن عدها لفيت سياره ورجعت طول طريق هيه دزلي بصمات ورسايل تتطمن عليه وين صرت وين وصلت
فكرت بكلامها صح اذا صارلي شي منوو راح يكول لرباب عني اني شغلي خطير كلش
وبأي لحضه امووت اذا متت شلوون راح تعرف بيه
بهل أثناء واني افكرر خطر علئ بالي باقر اقرب صديق الي
وهوه يعرفها بسس هيه ماتعرفه لآزٍمٍ اعرف رباب علئ صديقي باقر حته اذا اني غبت او صارر شي لاسامح لله هوه يكون موجود وينطيها اخبار عني.
اتصلت باقر.
باقر / الوو هلا ذيبنه شلونك
ذيب / وين انته
باقر / حالين خلصت واجب واريد انام شويه ليش محتاج شي
ذيب / يومين واني جاي لبغداد عندي موضوع وياك اريدك تساعدني بيه.
باقر / تدلل يابه.
سديت منه وكفيت طريقي رجعت لگيت المسؤل گالب الدنيه عليه. تجاهلته ورحت. علئ شغلي
___________________________
رباب.
رجعنه للبيت اني ومرت عمي واختي طول طريق نسوالف بذيب وشخصيته
سهام / مبين خوش ولد مؤدب
رباب / مو كتلج خوش رجال ذيب
ساره / هسه احنه شفنه منه وعجبنه ترا بعدج كلشي مشايفه لاتنغشين رباب.
رباب / صح صارلي فترا قصيره م̷ـــِْن تعرفت عليه بس صدكيني ذيب انسان هادئ وحباب بشكل. لاتشوفي هيج معقد وقليل يحچي بس م̷ـــِْن تحجين وياه كلش حلوو كلامه واسلوبه.
ساره / ايي نشوف
نزلنه علئ بيت جدي يصير بالفرع الثاني من بيتنه. عايدنه جدي وجدتي وبقينه عدهم للعصرر
اتصل ابوي بينه وگال ارجعو ويه ابن عمج ستار.
رجعنه للبيت لگيت البيت مخبوص ماعين والصاله ولاستقبال. كله وصخ من جهال الي جانت عدنه
تلاگت ويانه امي.
ام رباب / يلا ست الحسن بسرعه نضفي.
رباب / بس يمه هسه وصلنه خلينه نرتاح
ام رباب / ساره اصعدي بدلي ودرسي اختج. وانتي انزعي ورتبي كلشي.
رباب / شنووو بس اني انضف كل هاذه
ام رباب /غصبن عليج مو بس علئ الدياحه تركضين
بقيت مصدومه م̷ـــِْن كلام امي شبيها ليش هيج تعاملني هيه صح عصبيه ومتتحاجه بس متفرق بينه هل مره فرقت.
سكتت مارديت عليها نزعت الجبه مالتي واخذت سله لميت بيها. خطوط الجكليت والكلانس.
جبت مسحوق غسيل ونضفت الارضيه وعطرتها. رشيت عطر جوو. صار الاستقبال يلمع. قصص وروايات عراقية
رتبت. التخم والمخاد وكنست الزباله الموجوده. رحت علئ المطبخ لگيت تل مال ماعين حته تضايقت م̷ـــِْن شوفتهن.
سلمت امري لربي وغسلت لاحد ماخلصت احس ضهري انكسررر وامي ولاجت يمي ولاساعدتني بس اني افتر هيج وهيج
عود طلعت وبقت هيه بالبيت.
خلصت كل الشغل. احس ضهري مكسور هستوني طلعت جابت امي جراجف.
ام رباب / هاج اغسليهن جهال ام محمد وصخوهن.
رباب / يمه ولله انكسر ضهري خلي ساره تغسلهم.
ام رباب / ساره تقري بأختج يلا هاج رايحه اصلي اني ومن تخلصين عود ركبي عشه مابيه حيل.
رباب / ولله ماركب شي احس ضهري مكسور شنوو بس اني هناا.
ام رباب / تريدين اكول الابوج عليج.
رباب / شبيج ماما. ???
ام رباب / اشتغلي بدون نفسس يلا.
عافتني وراحت علئ غرفتها بقيت صافنه يالله شبيها امي وياي شمسويه اني.
رحت غسلت الجراجف وركبت عشه اخذت جهاز لگيت ذيب مراسلني. بقيت اراسل بيه واني اتبسم.
ذيب م̷ـــِْن نوع كلشش هادئ ماعرف خجل او هوه هيج شخصيته.
صاار اليل صبيت العشه نزلت ساره هيه واختي زهراء عندي اخوو صغير م̷ـــِْن مرت ابوي الثانيه.
هم عدنه كلش احبه عمره 10 سنوات. اسمه عمر
عمر / ريحت الاكل تخبل طلعتي طباخه
رباب / شعبالك لعد اختك محترفه بكلشي هههه
ساره / يااا رباب بعدج ملابسج شنوو
رباب / ولله اسالي امج ماعافتني م̷ـــِْن رجعت لاحد هسه اشتغل وانتي ختلتي بالغرفه. ماجيتي ساعدتيني شويه.
ساره / ولله مادري بيج عبالي كاعده وامي گالت درسي زهراء باجرر عدها امتحان ومن خلصت منهاا بقيت اراجع بدروسي.
رباب / ايي. يلا روحي صيحي امي خليها تجي تتعشه.
زهراء / اني رايحه اصيحها.
هزيت راسي بأيي. راحت زهراء تصيح امي احنه كاعدين يم السفره منتضرينهم يجون شويه واجن گعدنه كلنه سويه وتعشينه
خلصنه عشه باوعت امي علئ ساره وگالت
ام رباب / ساره ماما سوينه جاي وانتي رباب اغسلي المواعين
ساره / لا ماما خطيه رباب م̷ـــِْن العصر تشتغل اني اغسلهم وزهراء تسوي جاي.
ام رباب / تريدينها تحترگ تعرف تشغل طباخ زهراء كوومي يلااا.
بقت ساكته ساره وتباوع عليه غمضت عيوني الهااا معنه ميخالف.
گمت م̷ـــِْن مكاني وشلت الصحون اخذتهن. للمطبخ شويه واجت يمي ساره تسوي جاي
ساره / شبيهاا امي شايله خشمها علينه.
رباب / ولله مادري خصوصا اني محاربتني بهل شغل.
ساره / عوفيها يمكن تعبانه هاج اخذي سوي جاي خليني اغسل مكانج
رباب / لا ميحتاج اني اكملهن اخذي جاي الهاا. اخلصهم واصعد اسبح متت.
ساره / تمام.
سوت ساره جاي واخذته وطلعت اني هم كملت غسل وصعدت بسرعه لغرفتي گبل لاطلعلي امي شغل سبحت وبدلت وطلعت.
گعدت علئ جربايه واتصلت بذيب بقينه نسوالف هوايه لاخر اليل حسيت بيه نعس وهو عنده شغل واجب فأ ميكدر يشبع نوم.
خليته ينام. واني هم نمت.
بعد مرور 10 تيام "
مرت الايام واني وذيب مستمرين بعلاقتنه. تعلقت بيه كلشش صرت احبه اكثرر م̷ـــِْن نفسي
طول هل فترا امي تغيرت عليه صارت متحبني ابددد وتفرق بيني وبين اخواتي.
تروح للسوگ تشتري الهم واني تغلس عليه اني ممعتازه بس انهضم انو تعزلني عنهم.
ساره هم انتبهت عليها ومستغربه م̷ـــِْن امي صايره عصبيه كلشش ومتتحاجه وابوي صايرر يسمع كلام امي.
وينفذ كلشي تگوله متعجبين م̷ـــِْن هل تغيرات الي صايره.
المهم. بيوم كنت بالدوام خلصت ورجعت للبيت گعدت صبح ماحجيت ويه ذيب لان مالحك هوه يدري بيه بأ المدرسه.
رجعت للبيت الضهر. لگيت امي منتضرتني علئ شغل بدون كلام نزعت ملابسي ورحت للشغل والتنضيف
حضرت الغده وصبيته الهم وصعدت لغرفتي. فتحت جهازي ملگيت ذيب مراسلني واخر ضهور اله م̷ـــِْن البارحه ساعه ب 5:30 العصر.
دزيتله رساله ماكوو خط واحد اتصلت عليه ع رصيد ماكوو جهاز مغلق
صارت نغزه بكلبي خفت كلش معقوله صايره شي هوه شغله خطير وكل فترا محافضه ياربي. دخيلك
كافي رباب شبيج تفاولين علي انشالله مابي شي #ڪــڔٰا̍ڕ
بقيت اتصل واتصل وماكوو ادز رسايل ماكووو كلبي احسه راح يطلع م̷ـــِْن مكانه م̷ـــِْن الخوف
اجت ساره للغرفه.
ساره / تعاي تغدي شبيج
رباب / ماريد روحي
ساره / يااا رباب شبيج وجهج مخطوف شصاااير احجي.
حجت ساره هيج بدون ماحس بچيت واني اديه ترجف لازمه جهاز. اجت بسرعه اخذت جهاز مِڼـّي. وگالت
ساره / شصااار احجي. ??
رباب / ذيب ماكوو اتصل بيه جهازه مغلق ممحاجيته م̷ـــِْن البارحه العصر وهسه صاار ضهر هوه ماكووو مو م̷ـــِْن عوايده هوه اول ميگد يراسلني معقوله صاير شي. ?
ساره / يمعوده وگفتي كلبي عبالي صااير شي شبيج خايفه انتي موو تعرفين طبيعه شغله اكيدد ميكدر يحاجيج هسه شويه ويفتح ليش مكبره الموضوع.
رباب / ساره ولله خايفه عليه هوه مره گلي. احنه بنص الموت نشتغل. گتله عوف شغل هاذه يكلي. فخر الي اذا اروح شهيد ماعوف شغلي
ساره / اششش كافي اهدي لاتسمعج امي م̷ـــِْن غير شي هيه متخبله علينه.
بقت ساره يمي تهدي بيه اني اتصل وماكوو صااار العصر وماكووو ذيب احس روحي انتهيت ياربي منوو اسال عليه شلوون اطمأن عليه
حته ماعرف اقاربه هوه محجالي عنهم بس رقمه عندي اتصل علي مغلق
مانزلت م̷ـــِْن الغرفه لليل اجت امي گالت تعاي سوي عشه شافت وجهي مخطوف اصفررر. ومماكله شي م̷ـــِْن البارحه صبح ماتريك اني وضهر هم مااكلت شي.
ام رباب / شبيج ?
گمت بسرعه حته متحس عليه وگلت
رباب / مابيه شي شويه مريضه فلاونزه.
عفتها ونزلت جوه سويت عشه واني اصفن دموعي تنزل وحدها اتخيل يجي شخص ويكلي ذيب صارله شي شيصير بيه امووت ولله
صارلنه فترا م̷ـــِْن ارتبطنه ياربي معقوله لهل درجه اني نحس واموت رجال.
ادعي بكلبي مايصيرله شي.
كملت العشه واخذته الهم وصعدت ماكلت شي اجت ساره توسلت بيه گالت بس اكلي شي موزين تبقين هيج.
مارحت وياها ويني وين الاكل تفكير راح يموتني.
طول اليل مخليه جهاز يمي فاتحته واباوع علي. بلكي يتصل ذيب ويفرحني
طلع الفجر واني گاعده عيوني صارت حمرر م̷ـــِْن البجي والسهر.
طول اليل جهاز بأيدي مخليته انتضر رساله م̷ـــِْن ذيب ماكوو.
صارت صبح اسمع اهلي كعدو وابوي جاينه غسلت وجهي ونزلت داااايخه وكوه افتح عيوني
گعدت يمهم كالت امي كومي سوي ريوك الابوج
كمت وكعت علئ وجهي وبعد ماحسيت علئ شي. فتحت عيوني بالمستشفئ معلگيلي مغذي. بأيدي احس عيوني بيهم رمل
هل حجي ساعه ب 10 صبح. شويه ودخل عليه ابوي وطلعنه م̷ـــِْن المستشفه ورجعنه للبيت
صعدوني لغرفتي ونمت. واني تعبااانه ماعرف شكدد مر وقت واني نايمه فتحت عيوني بنعاس كانت ساره كاعده يمي
اجت وهيه تتبسم وهمست بهدوئ
ساره / كوومي يل غبيه كاتله نفسج وذيب مابي شي قبل شويه اتصل وحجيت وياه
كمزت بسررعه حته نسيت المرض حجيت بلهفه واني دمعه تلمع بعيوني
رباب / متاكده ذيب الي حجه وياج ?
ساره / اييي ولله هوه وحته گال راح يجي يشوفج يطمأن عليج.
رباب / شلوون يجي ماكدر اشوفه
ساره / هاج هاذه جهاز اتصلي عليه وگليله لايجي
اخذت جهاز م̷ـــِْن ايدها واتصلت بذيب رن عنده احس رجعلي النفس ويه كل رنه كلبي يدك بسررعه
اول مَـرّھٌ بحياتي اخاف علئ شخص هل كد انفتح الخط واجاني صوته ماگدرت اسيطر علئ دموعي صرت ابجي واني احجي وياه وعاتبه ليش ميرد عليه ومغلق جهازه.
كال عنده شغل ومكدر يفتح جهاز واني هناا ميته عبالي صايره شي.
منعته كتله لايجي ماكدر اطلع واشوفه لان مريضه متاكده لْـۆ شنوو اسوي ميخلوني اهلي اطلع
بقينه نحجي احجي وياه واني احمد ربي لان طلع مبيه شي طول الطريق اساله شلونه واتاكد منه انو مبيه شي.
لليل نزلت تعشيت ويه اهلي واني زينه والدم رجعت لوجهي حته اخذني الواهس علئ الشغل
سويت جاي وغسلت الصحون ونضفت المطبخ ومسحت الطارمه
حته ابوي مستغرب الصبح حال وهسه حال كملت كل شغلي وصعدت للغرفه
راسلت ذيب شويه كال بعد يومين اجي لبغداد واعرفج علئ واحد م̷ـــِْن اقاربي اني دائما اختفي وشغلي ميسمحلي ابقه فاتح جهازي 24 ساعه واراسلج.
اذا فد يوم اني ماكوو تسألينه عليه هوه ينطيج كل اخباري.
كتله ماشي.
مرت الايام طبيعيه وذيب موجود وياي صرت كل ماكعد. ادزه رساله اتاكد منه فاتح نت او لا
م̷ـــِْن الكاه فاتح نت ارتاح ادزله كومه رسايل واروح لدوامي.
بيومها گال ذيب ليوم اجي لبغداد راح يبقه هناا فترا
كال راح امر علئ مدرستج واشوفج واعرفج علئ ابن عمي.
گعدت صبح واني نشيطه ليوم اشوف ذيبي رتبت شكلي كلش. ونزلت صبحت علئ امي وطلعت. لدوامي.
اخذت جهازي وياي اني بطبيعتي ماخذه بس ليوم اخذته حته اراسل ذيب
مر. الًيَوُمًِ طبيعي دروس وامتحانات خلصت دوامي اباوع علئ جهاز ماكوو ذيب
اتصلت بيه واني واكفه برا باب المدرسه فتح خط
ذيب / هاا حبيبي خلصتي
رباب / ايي وينك ??
ذيب / هسه دقايق واكون يمج منتضر هاذه السطل يخلص واجب
رباب / هههه تمام راح ابقه منتضرتك بالحديقه القريبه م̷ـــِْن المدرسه
ذيب / تمام اذا طولت ارجعي ماريد يصيرلج شي.
رباب / اوك.
سديت م̷ـــِْن عنده ورحت كعدت بالحديقه بقيت منتضرته شي نص ساعه.
شويه وشفت سياره سوده عاليه وكفت مقابيلي تشبهه سياره عمي هيثم
بلعت العافيه. انفتح الباب وكانـ......
