رواية الضابط والجميلة الفصل السابع بقلم زيزفون
___
فـدوه لكلبكم ليـش المشـاهدات عاليـة وتصاويـت ربع المشـاهده شدو حيلكم ياعيني واللـة ماينقص منكم مـن تحطون تصويـت(النجمه) + تعليقـاتكم تهمني حَيـل، النشـر بيـن يوم ويوم ❤️
_____
طَـب سلـَم ومطفى ويـا اني مدنكة كالتلة عمتي يوم الالك كللهه اللة يسلمچ رفعت راسة الضحكة بحلكه ولابس زي خليجي وعكال و موبايلة بيده اجن عيوني بعيونة ونزلتهن راسـا
قحطان: يلا يمة توكلوا باللة وانشاللة البنية صايره لمصطفى عمهه صديقي كلش ونشاللة محلولة
ام احمد: يلا ماما دكي علة عمار يجي ياخذنة
قحطان: شنو سالفة خالتي اني اوصلچن
ام مريم: لا خالة متكفي السيـاره عمـار يوصلنة عليمـن
قحطان: خالة مصطفى يـاخذچن
ام احمد: لاخالة عموري يوصلنة
قحطـان: براحتكم خالة متقصرون
ام مريم: واجبنة هذا يمة نشاللة يوم اللالك ونفرح بيك
رد علة امي وطلع حور خابرت عمـار طلعنة سوه كليتنة موچ و خالتي بسيـاره وية قحطـان مصطفى ماراح ضل بالبيـت و اني و حور و امي وعمتي وي عمـار صعدنة ويـا ونزل سلم ع الولـد واچة صعـد عيونة تحولـن لموچ ودار وجهه وتـافف اكيد بينهم شي هل اثنين ماعرف شنـو
باوعـت لحوراء تباوع لمصطفى الي واكف يم البـاب ويخـابر ويضحك والدموع بعيونهه نزَلت عيونهه الي والدمعة نزلت
دارت وجهه بسـرعَة ومسحت دمعتهه حطيـت ايدي ع كتفهه باوعتلي ونضراتهه تريـد تنزل اشرتلي علة البـاب وهمست بـاذني
حوراء: مريم ماتحمل بعد ماطول عمار ممحرك فدوه خلي انزل
باوعتلهه مابيهه مچـال تهده حتفضحنه هـاي
مريم: عمار اوكف لاتمشي
عمار: شكو
حوراء دنكـت راسهه واني ساندتهه
مريم: اا خالة حوراء تخربطت مدري شبيهه خلننزل
ام احمد: ياا يمة شبيج شوو باعيلي
ام مريم: شبيج حبيبتي
حوراء بدموع باوعت لامهه : ماما بطني توجعني
عمار: شبيج شو باوعيلي
ردت الحگ الامور هسة شكول ها اي صح اجت بالي هل سالفة راسا غمـزت لعمتي
عمة مابيها شي ،شي عادي شبيج يلا حور كومي ننـزل اني ويـاچ
حوراء ومريم نزلن، نزلت وراهه ام احمـد اجتهه وكفت يمهه
ام احمـد: يممة ابقة يمج فشلة من المره روحي خدريلج شي دافي كلي الاسيل هيه تعرف واسبحيلج بمية دافية و نامي هسة صيرين زينة
حوراء: لا يمة مابية شي واللة حتة انتي مريم روحي
مريم: لاحبيبتي ضالة هنا
حوراء: مريم روحي حبابة خلاص مابيه شي ونبي
مريم: بس
ام احمد: امشي حبيبتي اني هسة اوصي اسيـل عليـهه
اخذتهه عمتي ام احمد من ايدي وراحن اني تنهـدت وصعـدت اشرت لامي انو الشهرية جايتهه
عمـار: هسة بس اريد اعرف تره هية خطبة ولو اي لو لا يرحون الكبار انتن شكوو
مريم: عمار اول شي لاتدخل وشبيهه روحك بطرف خشمك ثاني شي ترره الشغلة منتهيه والموافقة اكيد وشي عادي من نروح
ام مريم: اشش اسكتي مريم بلا قله اددب ليـش تعلين صوتج
اني درت وجهي اچتي عمتي صعدت اضن ذولاك وصلو خرب حتة مانندل احنه اشوف عمار كام يتافف ههذا شبي روحة بطرف خشمة لا هايههيه خاف عايزه مخابيل اني
صعـدنة والكل سـاكت خـابر قحطـان علة عمـار وگـام يدلي ع الطريق فعلـت نت ع الخط وكمـن اراسل بحور متـرد يربي هسة اني شجابني ليـش مابقيـت يمهه
ضليت اكل بروحي
دلا قحطـان ع الطريق وصلنـة للشـارع العـام وهمه بالفرع اني حسـبالي قحطان رايح و اني مغنـدبه ومالي خلگ هم مـن عمـار وهم علة حور
شارعهم ضيگ منكـدر نطب نزلنـه ع الشـارع وعمـار خـابره ضـاههر
گـال
عمـار: يلا انزلـن اني لازم اروح مـن تكملون خابروني
نزلنـة سوه بيتهم قـريب ع الشارع بس الشارع مابي احد شفـت سيـاره قحطـان واكفة وخالتي وموج موچـدات يم السياره الضـاهر مطبو منتضرينة بـس قحطان وين
وصلنـة يمهم نزل قحطـان مـن السيـاره راسـا لبـدت وره امي
ماعرف ليـش بس والللة صارت رهبه عنـدي منـة
وصـة امة علـة شچم شغلة موچ كلتلي وين حور كتلهه شوية تخربطت وراحـت
طبيـنة لبيـت البنية وهمه عـدهم خبـر الضـاههر
استقبلونـة باستقبـال حَلـو الصـراحة كعدنة بالاستقبـال كليتنة وبدت سوالف النسـوان العـاديه اني وموچ ساكتيـن
شويـة واچتي بنيـة البنيـة شكلـهه خايفة وترچـف البنيـة ملامحهـا كلش حلـوه وبيـضة وعيونهـا وسـاع ومبيـن الخچـل عليـهه عرفتتهه ههيه هـاي سلمت علينه وضيفتنة وكعـدت يم خالة ام قحطـان
بعديـن كـالت خالتي ام قحطـان
خية احنة جاينكم بطلب وانشاللة ماتردونة واكيد عدكم علم ابني الصغيـر مصطفى وي بتـكم بالكلية وابني يكول اللة شاههد من كثر اخلاقهه والتزامهه حسيتهه موالمتني الولد رايدهه علة سنة اللة ورسولة ونشـاللة بس يخلصون كليـة يزوچـون وبعـد الراي رايكم وابـو جعفـر(اخوهه الجبيـر)يعرف قحطـان زيـن وبعد الراي الكم خية
ام راشـد: والنعم منكم خية ومن اصلكم ونشـاللة خيـر الراي راي اخوهه وابـوهه ونشـاللة يصيـر الي اللة رايـده انشاللة اطونة وقـت ونردلكم الخبـر
ام قحطـان: اللة يسلمچ حبيبتي انشـاالة يصير البي صالح النـة والكم ، براحتكم خية اخذو وقتكم
مريم: امم هيه مبينه السـالفة تصير خطية اذا تحبه ويحبهه انشاللة يصير مـن نصيبـهه بالي ضـل يم حور اراسلـهه مَتـرد شويـة وخالتي گـالت يلة نترخـص اني طلعـت كبالهن شفت سيـاره قحطـان يم الحـايط الي يم البـاب شفته مـاهوه والشـارع مابي احَـد
رحَت وكفت كبالهه السيـاره مضلله كمـت اعـدل بشالي بـالمرايـة واعـدل شالي شوية ونـزلت المراية
چفلت وشهكت وبعـدت عن السيـاره بسـرعة
شفتـه باوعلي وابتسـملي يمة ضليـت مصنمة كبالة بسـرعة رحَـت وكفت بالبـاب واسمع حجيهن لسة بالطـارمة طبيت يمهن ابتسمـت لموچ
حطيتت ايدي علة كلبي واحَـسة يـدگ بسـرعة
اترخصـن منهن وطلعـنة شفتـه واكـف يَـم السيـاره دنگتت راسي كال هاشصار كالتله خالتي انشالله خير يمة
ام احمد: يمة مريومه خابري عمـار خل يجينه موبايلي نغلـق
مريم : ماشي عمة
قحطـان: خالة شنـو السـالفة عليمَـن يچي الوَلـد؟ يلا اصعـدوا بالسياره شنو السالفة يلا اصعـدوا
ام قحطان: داده لاتعتبرن روحچن غربة شنوسالفة اتفضلن شنو تستحـَن من قحطـان يلا اصعـدن
اوف ربي شيصعدني ويـا ونبي استحي مَـدري شبيـة صعـد بالسيـاره وصعـدت عمتي وامي نوب موچ
شفت مجال قليل الي باوعتله هسة شيكربسني هنـا اني صعدت اريد اكعد مكو مچـال قليل حاولن يدنن عني شنوهيه مجاال ضيگ هيه بس امي وعمتي ماخذات نص السيـاره
مريم: ماما راح اخـابر عمار يجيني روحوا انتو
اندارلي وبـاوعلي: وعليمـن تزحميـن الولَد انزلي موچ وخلتصعـد وانتي اصعـدي
ام قحطان: اصعدي ياحبيبتي هيه خمس دقايق
صعَـدت وصعـدت موچ وسدت البـاب
قحطان: هسة تمام خو ما متضايقة ست مريم تره احنة نخـاف منج بعـد بت النقيب هيمن الوحيـده
كال هل جملة ووجه المراية الي وباوعلي وضحگ
ابتسمت وباوعت للمراية والبقية يضحكـون دنكت بخچـل وضحكت ضحكة خفيفه شوية وكال لامة
قحطان: اي يمة شصار
ام قحطان: انشاللة خير يمة بعد الشور شور ابوهه واخوانهه والله البنيه تخبـل ومبينه حبابة وهادئة
ام احمد: اللة يجعلهه مَـن نصيبة واللة خوش نـاس
صارو يحچون سوه التفت لموچ ونحچي اني ويـاهه شوية ودكك عمـا. علية بـاوعت للمتصل وراحت ابتسامتهه مَـادري شنو قصتهم ذولا شلتـه وحچيـت بههدوء
هـا عمـار
لا لاتچي بالطريق احنـة
تمـام بـاي
سديتـة منه والتفت لامي وعمتي
عمـار بالشغل هسـة راد يجينـة وكتلة احنة بالطريق
التفت الموچ وكتلهه
انتي شايفـة شلَـون اللة يغير ادواحد سبحان مغير الاحوال عمَـار الي جان شعره كوه يمشطة صـاير يشتغـل
باوعتلـهه ابتسمتلي ودنكـت لا بلعبـاس اكو شي ولازم اعرفة
نزلت راسي وانتجيت علة كتف عمتي راسلت حور مچاوبت ضل بالي يمهه راسلـت اسيـل كلتلي نايمة اففف باوعـت ع المراية منزلة عليـة شفته عين يباوعلي وعيـن علطريق
دنگت راسي بسرعة وكلبي يدك بسرعة
عزه هذا شبي عود ليش هيج يباوع.
فززني صوت موبـايلة شالـة وكام يحجي ويـا ويكلة
اي هسة مسافة الطريق ماتاخر
شفته زاد بالسـرعة نهه الاتصـال وكالتله امة
ام قحطان: هم مهمه
قحطان: اي واللة يمة هسة خابروني ولد صغير رايح للمخـبز يجيب صمون ومـراچع وهسة منتضريني
بدو يحچون عالهزمن والخطف الجاي يصيـر اني دنكت علة موبايلي واشوف بي وموچ مدري وين سارحة وصلنة نزلنة
اني رفعت ادية وعدلت جسمي بتعـب باوعلي وخزرني عدلت نفسي
خالتي ام قحطان جلبت حتة نجي وياهه ماقبلن خالي وامي واتشكرت منهن ، اجة هو هم تشكر منهن وباوعلي وراح
رحَـت لبيـت عمو دكيت البـاب طلعلي عمَـار
اجن هنه وراية طبينة لكينه الكل موجود حتة بابا اليوم جاي من وقـت سلمت عليهم وضـاهر موچود هَم
ضاهر: حور وينهه اليـوم
مريم: هسة حروح اشوفهه اني
كمـت صعـَـدت لغرفتهه طبيـت لكيتهه ضلمـة تقربـت يمهه نـايمة مبينه فتحت الضوه لكيـت چباسة ونسـاتل واشكال والون وحاطة اغاني ونـايمة بالعرض ضحكـت علة شكلها هل بنية شما تنقههر
حور حور اكعـدي
وج حور اكعدي شوو يلا
حور: بت المطي راح اكوملج واللة
عززززه ياااحقيررره سووت هيمن مطي كومي لجج اكعدددي
حور: مرررريممم وخررري عننني
امم متردين تعرفين شصار علة خطوبة مصطفى
حور: مريم عوفيني اللة يخليج حرام افكر بلولد بعد حيزوج اصلا
عفية عليج عوبة كومي اني ادبرلج عريس
حور: اريد انام
ولج كلهه تسال عنج كومي
حور: ليش منو بحالي ههه
ضاههر سال عليج كومي
حور: اهو شيريد الفاههي تدرين ليوم رزلني
هههه ليش تره عمار هم وتعاركت ويا
حور: وج يكلي شعدج رايحة لكيته يم اختة بالبيـت ويكلي هله هله لابسه احمر واللة عمي لارداد ولاسداد نوب الة شوية اشمر علة الطاوه 😂💔
خرب يومج واللة مينلامون احنة منكعد راحة
حور: دطيري شوووفي الناس بس احنة حضنة عزززه وجج كومي بعد مالحك بقت 3 اوراق ملامستهن
عززه لج اني هم نسيـت الامتحان اريد اراجعة
حور: ولاكلج تره موشههري هو شوكعدي
ولج كومي تره احنة وزاري كومي خننزل وشوية ونقره سوية
حور: اي خل ابدل وانزل
كامت حوراء لبسـت فوك تراكهه روب طويـل لان تراكهه مفضوح 😂 رفعت شعرهه ولبستت شال بس شلون لبسته كلاوات 😂
نزلنـة سوه كعدنة نضحك ونسـولف سوه وعمـار بغير عالم افف شبي ههذا واللة شـاغل بالي
كمنة وي اسيـل اني و حور لازمه موبايلهه وتكنك
ساعدتـهه بالعشـة شوية وسمعنـة نكره ضاههر وحور
اسيل: لاهايههيه بلشو ذولا شيخلصهم اليوم
مريم: ههههه خل اشوفهم وجيج اصبري
حور: انت عود ليـش مضغوط هـا شبيك وياي
ضاهر: مو انتي نعـال وانضغط منه
حور: افففف استتتغفراللة واللة اني ررردت اقصفكك بس للاسف القنـاص غالي والههدف رخيص داده -وغمزت-
ضاههر: عمي ماسككت بتك لسانهه شطوولة
عمار: لسانج حورراء وانت الثااني شععدك ويااهه خليهه كاعده تنبـل يلكت تطك تصير سمينه ومحد يزوچـهه
ابو احمـد: مسكتـون شوية كومي حور ساعدي البنـات
حور بدموع: بس بابا
ضاههر غمزلهه : يلا كومي وصيري خوش مره
اباوع لحور طلعتت وتتوعد لضاههر ضحكت عليهم من الصغر ضاههر وحور عرك شكد ضاههر ههادئ ححيلل بس يمة وي حور ينكلب وحش 😂
اجتي وطلعت لحركة باسيـل
حور: اخوج بس يتامر مدري شبي هسه شحارك دمةةة اذاا اكعد واكنك هها لوو اليووم ححاب ياااكل منن بين ادية اصبرررولي وباوووعووا شرراح اسووي بي انني اعلمـة بسيططةة
ضحكنـة عليـهه و كعـدت تكنك بالمطبـخ شوية واحنة كملنـة صبيـنة نريد نروح نودي اشو حور اخذي طاسة بيهه مرك وكالت خلوهه الي ههـاي اني اشيلهه
اني عرفت راح اتسوي شي 😂 ضحكت عليهه ورحت اودي اللاكل اجوي الولـد اخذو الاكل شفت حور حطت طاسة يم ضاههر 😂😂😂 شمسويةة ههـاي يربي
كعدنة احنة كبـالهم كامو ياكلون وعيون حور علة ضاههر شفت ضاههر حط مرك علة التمن احسة شحط الولـد كمزت حور
ههاك مممي اخخذ اشرب لاتغص
باوعلهه وخزرهه واخـذ المي ويشرب ومـاكو كللهه چدو. اكل شبيك الولد نحرج وياكل ويشرب مي
كلت ههذا شبي اباوع لعيون حمـر صارن وياكل كوه ونوب كام ياكل بس تمن بيبي كاعده يمه
الجده: اي وشبيك جده تستحي ههاك ههاك اكل
حطت المرك علة التمن اله انوب الولد اشوفة ياكل والعيون دممم صارن ويكحكح
حور: شبيك جنك طفل بس تغصغص اكل عدل
صاح بيهه احمـد نخلسـت 😂😂
بقت شوية مرك بالطـاسة مديت ايدي اخذتهه ضربتني حور علة ايدي مرديت عليهه كلت لازم اشوف شكو اول ماضكتهه غصيت بالمرك
يمةةة حححححححاررررر علةة مالحح
كامت تضرب بضههري حور وخايفة لا اكول كمت اشرب مي وكلهم يكلولي شجاج
اخذت نفس واحس وجهي صار احمر باوعتلهه وكتلهه بهمس
طاحضج علة هاي العملة زين ما مات ابن عمي
الجد: شجاج بوية
مريم: ماكو شي عمو بس غصيـت
باوعت لضـاههر يباوعلي وضحك ضحكة خفيفه باوع لحور خزرهه خزره جنهه خزره قحطان ضحكت عليهم وكرصت رجلهه
هيه خلت وكـامت 😂
اني ضليـت بس ارزل بيهه وهيه تضحك وتكلي يستاهل كتلهه واللة اذا لـزمچ
صـارت السـاعة بـ10:30 كال بابا يلا مشينـة لبيتنة اني كعدت اقره ل1 يلا نمَـت
نمت علة الفراش وذكرت ضحكتة ضحكت ويـاهه بشكل لاارادي طلعت صفحته ع الانستـكرام وكمـت اكلب بيـهه شفتـه نزل استوري چـديد ستوه صوره لاركيلة ودخـان و كـاتب شعـَر كلش حلو مضمون الشعر انو الواحد خطية يبقة منتضر شخص مستحيل يصير الة
سـديـت موبـايلي وصرت اذكر ضحكتة ومشيته ولبسـة كلشي حَلو بي
نمـت و اني ماحـاسة علة نفسي كعـدت علة صوت امي وهيه تكعدني
ام مريم: ولج يمة اخذتنة النومة كومي السـاعة بـ7
عزززه يووم ليش هيج ليش ماكعدتوني
ام مريم: شسوي ياماما كومي بسرعة بدلي خل اجهزلج الريوك
لبسـت صدريتـي عالسريـع الثانية ولجو بارد لبـست چاكيت كابوي عريض فوكـاهه شعري مكفش ممشطتة بس لفيتـة ولبست شيلة سوده شلون مچان لفيـتهه لبست جنطتي وحـذائي وكتاب الاحيـاء بيدي ونـزلت
لكيت بابا نايم لان ب2 دوامة اليوم ، ماما محضرتلي ريوك ملحكت اخذت لفة بيدي وطلعـت شفت شعري بسياره بابا طالع عززه صارت ونص خل اروح وهسـة اعدل اذاا اني مليـانه غراض دگيـت البـاب علة بيـت عمَـو طلعلي عمو وحور صبحت عليهم
جا وين عمار عمو
ابو احمد: عمي اليوم مدري شبي كال ماداوم تعبـان
صار بوجهنه قحطـان هو و موچ باوعتله اجة لعمو سلم علية كلة عمو اريد اوصل البنات
قحطان: ابو احمد اتوكل بالله انت اني اوصلهن وي اختي روح لدوامك لاتتاخر والطريق موطريقك
ابو احمد: ازحمك خـاف
قحطان: صدك چذب بطريقي ابو حمـودي
ابو احمد: اللة يسلمك حبيبي يلا بابا اصعدن وي اخوجن ياخذجن اني رايح
صعَـدنة اني وحور بالسياره وصبحنة علة موچ
موج: لعد عمار وين
حور: مدري شبي تعبـان
مريم: ولجن جوووعانه اني خل اكل
صعـَـد قحطان وباوعلي خزرني اني نسيـت سالفة الحچـاب اني جنت بالكرسي الي ورا اكل لان اعرف تصير عندي فوبيا الصبح اذا ماكل واعلچ هـاي دائمـا كملتت تنفست براحة طلعت العلچ اريد احطة بحلكي شفته خازرررني بالمررراية
اني ضجت ههذاا شبي باوعتله بنضره عدم فههم اشررر علة شالي والعلچ
باوعت الشالي عزه نص شعري طالع صدوك
ضليـت اعدل بشالي علة المراية ونسيت نضراتة حطيت العلچ بحلكي خزرني بس غلست
موچ: مريم شقريتي من ههذا كلشي مافههمت منة
حور: اني تركتة ههذا مابية حيل الة
مريم: لا ولج كلش مهم بي ههواية تعاليل وتعـاريف جيبي خل الخصلچ
موچ: وج كلشي مافهمت منه يربي شنو اسم ملزمتج انتي
مريم: ماعتمد علة ملزمة وحدي اقره يولي تلخبط الملزمة
اخذتهه منهه واشرتلهه التعاليل وصلنة للمـدرسة نزلن البنات واني اشيل بغراضي 😂😂😂 اللفة الي بقت و الجاكيت نازل والشال نصه بالكاع والكتاب والجنطة
قحطـان: بويةةةة انتتي شبيج اننني شكتلجج وخري ههل علجج من حلكس وعدلي روحج وانزلي شبيج مبههذلة جنج طفلة
هو بس كالي هيج اني غوركت عيوني بالدموع وبرطمـت باوعتله ونـزلت بسرعة طبيتت وي البنـات واني روحي ماطايقتهه ومالي خلك مدري شلون امتحنـت وخلصت الدروس
كلما انسا انسا وبس اذكره ابرطم وعيوني ادمـع
خلص الدوام وطلعنة كليتنة وكفنة بالبـاب ونضرات السواق تلعب النفـَس
انتضرنة انتضرنة نَـص ساعه واچانة عمَـار شعره مخربط و صـاير اسمَـر وعيونة حمر
باوعلنة وبـاوع لموج بنضرات متتفسر كَـال امشن خلي نمشي مشَي اليـوم
مشـة كـدامنة واحنة ورا وكلسـاع يلتفت النـة اجينة نريد نعبـر الشارع كال اوكفن صـار بنصنه بيـن موچ وبيني اني وحور عبرنة سوه
وصلنة موچ طبت لبيتنة كلي تعاي مريم امج موجوده يمنة لاترحين
هزيت راسي وطبيـت لكيت جدو وبيبي نايمين و عمتي وامي واسيـل كاعدين والبقية بالدوام عمـار خلة وصعد ينـام كال كعدوني حتة اروح للشغـل عجيبة هل ولـد شكد متغيـر
تغدينه اني وحور وصعدنة بدلت منهه ونمنه سوه ماكعدت غير بـ4
نزلت الكل نـايم بس امي وعمتي كتلهه
ماما اريد اروح للبيت اجيب ملابسي و موبايلي وكتبي
ام مريم: وحدج ترحين
اي ماما شبيج شنو صغيره نطيني المفتـاح خلي اروح اجيبهن واجي
ام احمد: داده خلتروح ماعليهه شي
ام مريم: يلا بس بسرعة لاتتعطلين
صعدت لغرفة حور نايمة لسا لبست بشت من عدهه ولبست جنطتي وحذائتي وطلعـت دامشي وشفت سيـارتة اچتي
استغفراللة شلون بيـة ونبي راح اكل رزالة اضني صارت بية خرعة
مشيت صفح يم الحطيـان وصلت لباب بيتنة تقريبـا شفته نـَزل مَن السياره باوعتله بلعمـت الشارع مابي احَـد خفت واللة
مشيـت بسرعة مشة ورايـة وصلت لباب بيتنة چاي افتح بالباب وكع المفتـاح منَي دنكت باوعتله وراي بلعمت والتفت
خوية الي يشوفنة شيكول ليش واكف وراية اللة يخليك روح منـا اذا متخاف علة سمعتك خاف علة سمعتي
باوعلي ببغضب وركع التيبلام الي يمة وكال بههمس غاضب
قحطان: لج انتي شخليتي وراج هههااا اكوو وحده تطلـع وحدهي بهالضهرية شوفي شتردين وامشي ارجعي هو الصوج موبيج بالمطيج مجال
زعك بية باوعتله والدمعة نزلت مسحتهه بيدي شفته استغفرالله و دار وچـهه فتحت الباب وطبيـت للبيـت
دموعي تنزل واحجي بيني وبين روحي
اي اي بس يرزل هاي الفالح بيهه هو شعليه بس اريد اعرف شدخلةة شنوهاي اللة غاضب عليه
جنت بالصالة سمعـت صوت بالغرفة بلعمت نوب اريد اطب لغرفتي ماكدر طبيـت لكيت ماكو شي يمة نزيت
داتخيـل اني طبيت اخذت كتبي وخذت تراك طويل شتوي وياية وطلعـت حسبالي رايح طبع واكفلي صفح
يمة نززني باوعتلة خزرته ومشيـت شفت سيارته مصفوفه باب بيتهم الضاههر صافهه وچاي
قحطان: ههاي العيون افكسهه بعد اذاا خزرت هيج شنو ههازه كاروكي حضرتج
قحطان اتجفة الشر الكامرات محطوطة بكل مكان رجااااءا
قحطان: طاحض استغفرالللةة
شفتة مشة كبالي وراح لذيج الجهه اني هم شايله جنطتي وامشي عثرت بالبشت لان طويل ووكعت
اخ ايدي اجلخت كمت هو مشافني بس من كمت ومشيت دار وجهه باوعلي واني متربة وانكث بملابسي والبشت وايدي مجلخة
اشرلي بعصبية علة رجلي سديت البشت وتنههدتت استغفرالللة وصلت لبيت عمو راسا سديت البـاب وطبيت
رحت للغرفة حور حطيت موبايلي علة شحن وطبيت سبحت ولبست تاركي وايدي موتتني حرك خرب يومـهه
كعدت اقـره شوية وكعدت حور نزلنـة ثنينه كمنة نسولف ونضحك شوية وطلعنة كليتنة بالحديقة وبيبي وجدو وسوالفهم يموتونة ضحگ وعمـار طالع لشغلة ومن يجي يلزم الكتاب ومنشوفة
شوية وندك الباب كامت حور طلع ضاههر وامـة وعمو
طبـو وكعدو ويـانة واحنة كمنة حطينة شال علة راسنة واجينة ويـاهم
نسـولف ونضحك شوية وخـابرو عمو حَسـام طلع هو وعمو حَسـن سوه ماعرف شعدهم واحمـد طلع لمكتبة وعلي ومرتة نايمين
ضاهر ضل كاعد ويشرب جاي وبسكت
ضاهر: حور كومي شيلي الستكاين يلا
حور: شنووو شنووووو ويتـامررر ههههمم حضـره الدكتور خاب دكوم واللة ولاشيلهه
الجده: يمة يمة ولكم هاي الفرخة نچره ابن عمج يكلج كومي شبيچ
حور: خاب اسكتي واللة ولاكوم يتامر ابن الوزير
ضاههر: لج الوزير جا احسن من ابوي واللة راح اصيح منا للخمسة اذاا ماتجين اكوملج
حور: ننن ولي وااللة ماكوم
ضاههر بده يعد باصابعه وحور نخلست بين عمتي وبيني
عمتي تكلهه ولج كومي وهيه ولاتكوم
صاح ضاههر 5 وكاملهه هيه لبدت وره عمتي وجدي وبيبي يكلوله حيل وياهه
كعد بمستواهه واخذ ايدهه وعضهه ححيل ضل مجلب بيهه واحنة نضحك وهيه تبجي
عمتي وخرتة منهه واحنة نضحك عليهه
حور: واللة الة اكل لابوي اني اعلمك -وتبجي وتفرك بالعضة-
ضاههر وكعد بمكانة: حتة مره ثانية توبين ومتحطيلي ملح ومدري شنو الحار بالمرك لا وفوكاهه ترادد
الجده:عزه بعينج حويريه مال الوجع شعدج وي الولد
حور وهيه تبجي :بيبي شفتي شسوه بس يغثني
ام احمد: موعيب ولج اني اعلمج بس يجي ابوج
حور وكفت باب المطبخ تريد تطب وكالت وهيه تباوعلة
الة اخذ ابرره تكززز لان جلب مجلوب عضني
هيه بس كالت هيج و ضاههر وراهه احنة متنة ضحك عله حجايتهه نسمع ركضهم بالبيت وصايحهم واحنة نضحك
شوية و شفت موبايلي
موچ يتصـل رفعتة وحچيـت بههمس بـس اچـاني صوتة يرررعـد اللهم طولج ياروح خير شصـاير
بالعبـاس ههذا مكانة موهنا ونبي بالشماعية
