رواية سداد وبنت الفصل السابع بقلم الزهيريه
ما اصعب ان تحب شخصًا
(لا يحبك )
والأصعب ان تستمر بأقناع نفسك
بحبه
ألق/ طبعًا الثقة إلي مو بمحلها تخسر الإنسان خسارة ما تتعوض أبد واني بعد تجربتي اكتشفت انه الثقة أهم من الحب بألف مره الحب سهل بس الثقة أصعب لإن الثقه معناها أنه راح سلمين رگبتچ بيد الإنسان الي خليتي كل ثقتچ بي وهذا چان حالي ويه هيثم أنه ومن إتفق ويايه يجي يخطبني حالي حال اي بنيه يجي حبيبها شعور فرح على سعادة وظليت ساكته ما گلت لعمه نضال على ام هيثم راح تجي تخطبني
وساعة ب 11 بالليل ندگت الباب وكل مره آني دائمآ اطلع بس لكون أعرف منو ما طلعت رحت على عمه نضال گتلها الباب يندگ واخاف اطلع لان دنيا ليل
نضال/ وهو منو يجينه بهذا الليل غير جماعة عمچ نزار المشبوهين يجي يوم ويجيبلنه مصيبه وهسه تشوفين
الق / طلعت عمه نضال وگلبي يدگ بدقيقة الف وبعدها دخلت ووياها وحده لابسه جبه طبعًا لونها ما ينشاف لا هي سوده لا هي كحلي لان لونها بيتنجاني وبيها طگع عبالك ما مغسوله صار شهر ولابسه شال لونه حني وهذا الشال مو أحسن من حال جبه ولابسه تك نعال وتك شحاطة وتعلچ
عمه نضال/ تفضلي عيني
ام هيثم وهي تگعد / عيني اني جوارينكم الگبالكم مثل ما گتلچ وما صار هواي من سكنه بهذا البيت واني دائماً اشوف بنيه عدكم الله يستر عليها حلوه وعجبتني واجيتكم من الباب واخطبها لأبني هيثم وهو خوش ولد ومعدل وان شاء الله ما نقصر وياها
نضال/ عيني انتي نحچين صدگ اكو واحد يجي يخطب ساعة 11 بالليل شكو وغير تنطينه خبر واحنه نحددلچ موعد
ام هيثم/ عيني قابل احنه غربه شو احنه بباب گبال باب بعد شنو وموعد شنو قابل احجز يم دكتور
نضال/ عيني هسه اني كل شي ما اگدر اگلچ لان الحل والربط بيد عمها وهو هسه ما موجود ومن يجي أبلغه ونردلكم خبر
ام هيثم/ عيني صار 5 دقايق من گعدت شو لا شربت لا مي لا چاي هاي طرده تعتبر
نضال/ لا عيني بس احنه نايمين ومن دگيتي الباب گعدنه وان شاء الله على المره الجايه اضيفچ قابل إنتي غريبه اعذرينه نريد نرجع نكمل نومتنه
ألق/ وگامت وگفت عمه نضال وام هيثم من شفت تصرف عمه نضال هيچ خلت وگامت وطلعت وهي دردم وتگول مو زين من عدنه جايين نخطب من المنغوليين وحتى عمه ما طلعت وياها بس گالتلها
نضال/ عيني ام هيثم انتي وطالعه سدي الباب وراچ بلا زحمه عليچ
ألق/ عمه ليش هيچ سويتي وياها يجوز اني اوافق
ظلت تهز بيدها وتغمني نضال/ حبيبتي ترى من شكلها تبين مشبوهه احنه ناقصين مشبوهين عمچ نزار كافي علينه حتى نزار ما اگله آني اسد الموضوع من يمي واگللها عمها رافض وأكو ناس احنه منطيهم البنيه وخلي نخلص
الق / عمه مو بكيفچ لا تصرفين من يمچ اني موافقه وبلغي عمو نزار اني موافقه ازوجه
نضال/ يمه يمه يمه شلون عرامه بس تريد رجال آني متأكده هذا صاحبچ واني اگول لنزار اني شعليه يطبكم عرج
وراحت عمه نضال لغرفتها واني هم دخلت لغرفتي ورحت طلعت الموبايل من مكانه السري ولگيت أكثر من إتصال من هيثم بس رديت عليه ظل يحچي ويصيح على شلون هيچ مسوين بأمي المفروض تحترموها اني اجيت من الباب مو من شباچ شنو قابل جايه تجدي منكم
وظليت اهدئ بي لما سكت وغلقت الخط ويا الفجر ونمت وحسيت على عمي نزار يسب ويغلط گبل طفرت من فراشي وبس وصلت يم باب الغرفة أنفتح الباب بقوه بحيث وگعت بالگاع من قوة ضربة الباب بيه وهو شافني بالگاع سوها عليه وليه كل دفره تجيني منه ولا ثانيه بحيث الدفر مالته فر بيه الغرفة چنت وره الباب صرت بأخر الغرفة وأبويه وأخويه يعيطون من الخوف وعمي نزار/ يصيح عليه على جايبه صاحبها اي وآني أخلي أيدي بيد واحد مطيرچي ولچ نضال تگليله ما عدنه بنيه للزواج ومخطوبة اني نطيتها وهاي تخلين عينچ عليها واني اعرف المن انطيها
وعافنه وطلع وان شاء الله تطلع روحه نعنع اعظامي أريد اگوم من مكاني ما اگدر اگوم انوب اعظام القفص الصدري اذا احرك روحي احس بسچاچين وتنغز بيه بصدري ودخلت نضال يمي وبدت تتفلسف براسي
نضال/ يمعوده إنتي شلون توافقين عليهم ترى شكلهم مو راحة على شنو مستعجله هستوچ دخلتي ب 15 سنه
ألق/ كل البلاوي من جوه راسچ واخاف عبالچ حرضتي عمي عليه لا متوهمه هذا الشي لا يخوفني ولا يهمني
نضال/ حبيبتي ترى انتي على نيتچ عمچ نزار يعرفهم همه شنو لهذا رفض هو مو مثلچ معمي على عيونه
وراحت لغرفتها ودزوا خبر لاهل هيثم أنه احنه رافضين وأتصل عليه وهو يشجع بيه ويگلي / لا تهتمين ألق هسه ادز الهم ناس موجهه وعمچ ما يگدر يرفض
والايام الي بعدها بقينه بتوتر واهل هيثم حتى مختار المنطقه دزه على عمي نزار بس بقى جواب عمي واحد انه ما عدنه بنات للزواج وهيثم موقفه واحد انه يريد يقنع عمي نزار بزواجنه وطبعًا اي بنيه غيري شوف حبيبها يرفضوا وهو يبقه متمسك بيها تفكر حبيبها ما يگدر يعيش بدونها وهي اكيد على موقفه هذا ضحي بالغالي والرخيص على موده وطبعًا اي بنيه سوي هيچ هذا يعتبر قمة الغباء
وطبعًا بقى رفض عمي نزار لهيثم وبعدها بشهر إجى عمي نزار من المغرب والعجيب انه هو ما يجي ابد بهيچ وقت بس شنو وجهه أصفر وشلون وحده عدها ولاده متعسره هو نفس الوضع بس يفتر بالبيت الى ما حدود ساعه 1 بالليل هجموا جماعه على البيت وكلهم لابسين أسود وملثمين ومن دخلوا چان باب المطبخ مقفول والباب من فوگ جام ومن جوه حديد وهمه آول ما بلشوا كسروا الجام وسوه صوت الي نايم بسابع نومه يگعد كلها نرعبت بحيث صوت التكسر مال الجام ويه العياط مالتنه يثول أكثر وعمي نزار نزل من الدرج وهو يتوسل بيمن ما ينعرف بس الباب ما قاوم هواي ونفتح ودخلوا وهمه ما سووا النه شي لان هدفهم چان عمي نزار واجوي 3 أشخاص عليه واحد منهم جر الموبايل مال عمي نزار وطلع السيم كارت وكسره وضرب الموبايل حيل بالحايط وفلشه وخلوا ايد عمي نزار وره ظهره وكلبچوا وبعدها خلوا چيس اسود براسه وأخذوا وطلعوا وبعدها سمعنه شخطة السيارة الي اخذت عمي نزار
وبعدها الناس كلها التمت علينه وكلها تسال ليش اخذوا نزار ومن ضمن الدخلوا چانت كونه واني وعمه نضال ما نجاوب كونه جاوب بدل عنه مره تگول عيني هو يمكن منتمي للمقاومه ومره تگول يمكن مهربچي والناس كلها تگول الچن الله ومن ضمن الدخلوا للبيت ويه الناس هيثم وأهله وبس يتفرجون كل شي ما حچوا ومن خلصت الفرجه والتأليف كلها الناس تفرقت اتصل بيه
هيثم / شوفي ألق اني بعد ما اصبر اگعد أقنع عمچ الماعرف شوكت يرجع حتى نزوج يا بنت الناس اني بعد 3 ايام ارتب اموري وأروح لأربيل وأستقر هناك لان حصلت شغل تردين تجين ويايه بدون ما احد يدري آهلًا وسهلًا نعقد هناك واخليچ بنص عيوني وگلبي ساعتها صيرين زوجتي وعرضي ما تردين كل واحد يروح بطريقه
سداد / الثقة الزايدة الي مو بمكانها يمكن تخسرك حياتك وبيتك وحتى أطفالك الى ما تعرف الحقيقة يمكن يكون الوقت فات وطبعًا بعد الصار ويايه اقتنعت انه الغلطان مستحيل يعترف ويگول اني غلطان يعني اني في وقتها گلت هذا اكيد خطأ طبي يعني هذا العلاج الي كتبه إلي الدكتور خطأ وسوا بيه هيچي وآني لكون أحب آريا مستحيل اشك بيها ولا يجي في بالي يوم ذرة شك على آريا لهذا من طلعت من المستشفى چانت اريا خير ممرضه ورفيق برحلة العملية لما رفعولي الخيط وحتى أهلي من اجوي وشافوا آريا شلون مداريتني ومعتنيه بيه تعجبوا حتى امي گالت بعد ما يحتاج نبقى زوجتك قايمه بواجبك خير من عدنه احنه أهلك وبس رفعولي خيط العمليه اهلي راحوا
واني مديري انطاني اجازه 21 يوم طار منها أسبوعين بقى منها أسبوع وبهاي الأسبوعين تحسنت وردت أتقرب على آريا كزوجه بس المشكله نفس الوضع إي حركه جنسيه ما عندي وهذا يخبلني بالزايد وچنت ناوي أرفع قضية على الدكتور بس آريا اعترضت
اريا/ سداد عوفه احنه هنا مو بأربيل حتى ماكو سلطه فوق القانون هنا في بغداد الفساد متفشي عدهم وهذا الدكتور من ترفع قضية عليه راح يدفع رشوه للقاضي ويطلع منها واحتمال هو الدكتور يرفع عليك قضيه بتهمة التشهير واذا حولها لاربيل تعرف شنو حكم من يشهر بشخص وشنو عقوبته يعني قانون هنا ما عدهم
سداد/ بصراحة كلام آريا قنعني وگتلها والحل أبقى هيچ
اريا/ انت موضوعك مو طبي بدليل الدكتور گلك ما بيك شي احتمال علاجك يم سيد او شيخ شمعرفك
سداد/ وانتي كل عقلچ اريا تصدگين هيچ كلام وهاي الخرافات
آريا / وليش ما اصدگ طالما الدكتور آكد انه ما بيك شي واني تواصلت عن طريق وحده جيرانه إلي بصف بيتنه وگالت أكو علوية شغلها مضبوط
سداد/ آريا فضحتيني گدام الجيران
أويا/ العلاج ما بي عيب او حرام لهذا آني انتظرتك يتحسن وضعك وافتح وياك الموضوع اذا انت ما احير بيك بيمن احير
سداد/ طبعًا ثقتي بآريا ثقه عمياء بحيث عندي أستعداد أمشي مغمض وراه أريا واي شي تگوله أعتبره قران ما يتحرف أبد لهذا وافقت وهي راحت على جيرانه حتى تتفق وياها
آريا/ حبي ليسر خلاني ما عندي شعور اتجاه إي آحد الا هو كل شي بي يجذبني اله وحبي يوم بعد يوم يزيد ليسر شنو السبب ما اعرف صرت مثل المحبس بيده بحيث شنو يگلي اگله تآمر وكل كلامه يتنفذ حرفيًا اما سداد صرت ما اطيقه وأريد بس أبتعد عنه والعجيبه ذاك الحب الي چان بينه وين راح ما اعرف ليش مات حب سداد بداخلي ما أعرف المشكله اي اجابه لأي سؤال ما عندي بس الصار حرفيًا ويايه
ومن اتفق ويايه يسر على الزواج تعجبت شلون يمكن انه وحده تزوج وهي مزوجه
ويسر آكد أنه فتوه شرعية المتزوجه ويكون زوجها عاجز عن قيام بواجب العلاقة الحميمه يحق للزوجه أنه تتزوج زواج متعه لكن بشرط يتم الدخول شرعًا بالزوجه ولكن لا يحق له القذف داخل المراة حتى ما يصير حمل وينسب الطفل الى الزوج الأول ويكون بهذا الوضع خلط انساب وحرام
ما اعرف اني في وقتها چنت اريد خدعه أخدع بيها نفسي حتى أبرر لنفسي علاقتي بيسر وافقت على طلبه لكن رحت للمستشفى وبقيت الأيام البعدها كله مشغوله بسداد ومن چانوا اهل سداد موجودين ويانه بالبيت انتهزتها فرصه ودخلت للحمام وأخذت موبايلي ويايه واتصلت عليه وهو بسرعه جاوبني وبلغته انه سداد أفضل هسه
يسر / آريا هسه لا تنطي من العلاج بس يصير زين ارجعي انيطي بس اكثر من نقطين لا تنطي
آريا/ چنت مصوره راح نوقفه
يسر / مستحيل لازم نجمع كم فلس لحياتنه المستقبلية قبل ما تطلگين منه
آريا/ وشلون نجمع فلوس منه وخاف بي ضرر عليه
يسر/ لا حبيبتي اي ضرر ما بي بس بعد ما تنطي من العلاج يرجع طبيعي ما بي اي ضعف جنسي اما شلون راح نسحب منه فلوس هسه افهمچ عليها
آريا/ ومن فهمني يسر على الطريقة اقنعت بيها سداد بس بقت شلون عرفت گتله في وقتها من جيرانه وآني أصلًا اي وحده من الجوارين ما أعرف آحد لهذا گتله لسداد هسه أروح على جيرانه واتفق وياها وأرجع
ولبست جبه وخليت شال على شعري وطلعت أنوب اني ما أعرفها بس دگيت الباب اكثر من مره وطلعلي ولد يطلع عمره 11 سنه أكثر اقل الله اليعلم وطلبت منه انه يصيحلي ماما ومر شويه وقت وطلعت وحده وسطت عمر سلمت عليها وعرفتها على نفسي وظلت ترحب بيه وانه هي تعتذر مني لكون هي ما تختلط بالجوارين لهذا ما تعارفنه
آريا/ حبيبتي اني ابد ما اطلع كله زوجي يسوگ إلي وهسه هو مسوي عمليه اذا أمكن تگليلي سوگ وين لان ابد ما اندله وين گالت حبيبتي انه باچر اخذچ لسوگ واكثر من مره اروح وياچ وأنتي بعدها تندلين وتروحين وحدچ وظليت اسولف وياها مواضيع تافهه حتى يمر وقت أكثر وكل ما أتأخر أعصاب سداد تنهار أكثر وبعدها استأذنت منها ورجعت للبيت واول ما دخلت صار بوجهي
سداد/ هاااا آريا شسويتي
آريا/ اتفقت وياها تگول باچر اخذچ إلها بس سداد هاي تاخذ كلش غالي بس شغلها مضبوط
سداد/ يمعوده گدام رجولتي أدفع شگد ما تريد
آريا / مبدئيًا باچر لازم اخذ مليون ونص
سداد/ اذا شغلها مضبوط ادفع شگد ما تريد
سداد/ چنت نايم الصبح من آريا گعدتني تريد فلوس حتى تروح للعلويه على مود وضعي انطيتها المبلغ المطلوب وراحت ويه زوجة جيرانه وعرفت فيما بعد يصيحولها آم بسام واني بقيت يم اطفالي الى ما اجتي آريا وجايبه وياها بخور ومي وما أعرف شنو وظلت آريا بذاك النهار تحرگ وتبخر وانطتني مي وهذا المي مخلي ببطل وكل ساعه اشرب منه
ولليل اجتي يمي آريا ومن تقربت عليها حسيت برغبة قويه تجاه آريا وبالفعل بذيچ الليلة وصلت آريا وصل كامل وفرحت فرحه لاتوصف وحسيت بفرحة آريا هم
سداد/ اني اعرف هاي العلوية چان من البداية رايح عليها هاي اضبط من الدكتور إلي رحت اله
آريا/ اي كلش زينه بس خلي في بالك اذا رجعت مثل قبل لازم أروح عليها وكل مره ندفع مبلغ اكثر من
المره السابقه
