رواية ليليان الفصل السابع 7 بقلم زينب نور

شيسوي هذا هنا ..

ياربي ماناقصني هو بعد ..

ماريد احد يعرف بيه ولا اعيش ويا احد غريب ..

                                

حسام ،، ابن عمتي بلبصره عايش ..

شنو هلصدفه هنا جاي ..

بس شنو هلتغير ..

                                

الستايل شي و الشعر ..

ولا عبالك هو بس اعرفه ..

                                

عيون عسلي والشعر اسود سرح ..

اكيد مسويله كيراتين ولابس مناظر هم ..

                                

هو اسمر حنطي ..

ولابس لون اخضر فستقي ..

طالع بي صاك لاول مره ..

                                

ضل يباوع وكعد ويا ولد ..

شبي هذا مايسلم كبرر ..

                                

عفته وضليت اباوع ع العالم ..

الولد والبنات اشكال لابسين ..

                                

كاعدين يسولفون ويضحكون ..

واني كاعده بوحدي ماعرف اذا ادخل للمحاضره او لا ..

                                

خابرت جمانة وغيرت مودي ..

شويه وكمت افتريت بلكليه وسألت ع قسمي ..

                                

طبيت المحاضره متأخره كلش ..

اتعجبت ماسألني الاستاذ شي ..

                                

رحت كعدت ، بصفي بنات ثنين وكعد يشرح ..

لان همه صارلهم كم يوم مداومين ..

                                

ضليت اباوع عليه بملل ..

حسيت بثكل مو طبيعي ..

                                

عيني اريد اغمضهه ..

صدك راح اتخربط ..

                                

لزمت ايد الي بصفي ،، وخربت ..

كعدت والمي ع وجهي ..

                                

فتحت عيني وعدلت كعدتي ..

راسي ، صداع موتني ..

والكل يمي ..

                                

- أماني .. انتي بخير ؟؟

                                

- رفعت راسي وباوعت عليهه ،، بخير 

                                

ضليت اباوع عليهم ..

خرب بعدني اول يوم ..

شنو هلموقف ..

                                

- أماني .. امشي نطلع ، هنا خنكه شويه 

- اوك ..

                                

كمت ورحت وياهه ،، ويانه بنيه ثانيه صديقتهه ..

طلعنه ورحنه للحديقه ، راحت جابتلي مي ..

شربت شويه وارتاحيت ..

                                

- شهد .. شسمج؟

- ليليان وانتي؟

- شهد وهاي اماني 

- اشرفت بمعرفتكم 

- احنه اكثر ..

- اماني .. شبيج تخربطتي ؟

- متعوده وماماكله شي الصبح ..

- اي بس ميصير هيج 

                                

ضلينه نحجي شوي ..

وكامت اماني وكالت ..

                                

- امشي خلي نروح ناكل تره اني كلش جوعانه ..

- شهد .. شبيج اسمج جوعان!!

- اماني .. والله ما ماكله 

- ليليان .. يله اني جعت امشي ناكل

- اماني .. شفتي يلبومه ..

                                

رحنه كعدنه ناكل ونسولف ..

بس اني قليل احجي ..

تعرفت عليهن شويه اكثر ..

                                              

                                                    

ودخلنه محاضرات سوه ، كضيناهه تسخت ..

اخر شي قررت اكولهم اني مريضه وبس ، ماكلت شي ثاني ..

احس هذا الشي مكتوم بداخلي وديأذيني ..

                                

ضلينه نحجي وماحسينه بلوقت ..

انقهروا عليه بس اني ماردت شفقه ..

ردت بس احجي الي ابداخلي..

                                

تغيرت نفسيتي ، للظهر رجعت للبيت ..

اكلت شويه ونمت ..

كعدت حجيت ويا امي ع حسام ..

                                

- ماما اكلج هذا حسام شفته بلجامعه ، شيسوي هنا ؟

- شنو ، لا متوهمه وين اكو !!

- شبيج يمه داكلج شفته بعيني وهو هم ضل يباوع عليه بس حته ماسلم، شايف نفسه ..

- عززه بنتي !!!

- شكو ماما اسم الله ..

- حبيبتي كمتي تتوهمين ؟

- هههه يوو يمعوده ، ايجوز شبهت بشخص ميصير يعني ..

- اي دكومي لعد سوي ويايه عشه ..

- اي كمت 

                                

كملنه عشه وديته للصاله ..

لبابا واخواني وميان ..

                                

واني وامي كعدنه نسولف لأول مره ..

رحت جبت فاكهه وكعدنه ناكل ونحجي ..

                                

- شكو ماكو بلكليه ؟

- ماكو شي ، اتعرفت ع بنات ثنين ، اماني وشهد 

- اهااا زين ، الباجر ترحين؟

- اي اروح احسن من البيت 

- الحمدلله ، اريدج تكونين قويه 

- ان شاء الله 

                                

صعدت ونمت لان عندي بعد دوام ..

بدت معاناتي ويا الدوام والنوم ..

                                

💎💎💎

                                

- سامي ... اسمي سامي عمري ٢٤ ..

تخرجت قسم تحليلات مرضية من كلية أهلية ..

                                

طلعت من السادس بمعدل ٦٤ ..

جنت كله مخلي خصوصي ..

                                

سوالي واسطه ابويه ودخلني تحليلات اهليه ..

ماجان الي واهس بشي واصلاً ماردت اكمل ..

بس ابويه رادني هيج ..

واكيد كل اب وام يتمنون كل ابنائهم اشخاص ناجحين بحياتهم ..

                                

جنت بلكوه اقره ومانجح ..

ادفع فلوس لحته انجح ومرات مامتحن دور ثاني ..

عادي هذا الشي صار ابلدنه ..

                                

ابويه هم محلل وماخذ دكتوراه واله معارف هواي ..

عيني بمستشفى بمدينة الطب بمكانه ..

وخله كل شغله بلمختبر مالنه ..

                                

هذا شغلي اما حياتي الخاصه ..

فأمي خاطبتلي بنت خالي اسيل ..

                                

هيه تحبني بس اني ماحبهه ..

وبما انو هيه بنت خالي فما كدرت ارفض ..

                                

اسيل كلش شكاكه ومضوجتني ..

اكضي اغلب وقتي ويا اصدقائي ..

                                

واشتغل بلمختبر مال ابويه اكثر ..

اتهرب منهه وماتقبلهه هواي ..

                                

تدخل بكلشي حتى بطلعاتي واصدقائي ..

واني اضوج من هذا الشي ..

افكر افسخ الخطوبة بس ماريد اكسر كلبهه ..

                                            

                                              

                                                    

اعرف شلونه الشعور..

من واحد تحبه وهو يكسر كلبك ..

                                

جانت ويايه بلكليه بنيه اسمهه مينا ..

حبيتهه كلش واحنه اصلاً ع علاقه ..

                                

بس وراهه عافتني وهذا الشي صدمني ..

عفت الحب واني اصلاً ماعندي علاقات بس وحده ويا مينا..

رغم شكلي حلو وانيق ..

                                

اخويه مرتضى اكبر مني ..

متزوج عنده بنيه و ولد اصغار ..

زوجته هديل كلش حبابه ويايه..

                                

اختي سرى وآيه اصغر مني ..

سرى مزوجه وآيه بعدهه طالبه رابع ادبي ..

                                

حياتنه عاديه ماكو مشاكل ..

واني اغلب وقتي بره ..

                                

محد علاقتي بي قويه من اهلي ..

عندي صديقي ياسر علاقتي بي قويه ..

صيدلاني نفس عمري وبمنطقتي ابغداد ..

وجان ويايه بنفس الجامعه كذلك ..

                                

شغلي كل يوم نفسه ..

بس هذاك الاسبوع جان يختلف ..

مادري بي راح يغير حياتي ..

جنت اداوم بلمستشفى صارلي شهر اقل ..

                                

جنت ضايج لان مينا ازوجت بس داومت ..

اجاني تحليل كلعاده ..

لفتني نظره هلمره الاسم ..

اسم ليليان ، غريب ..

                                

سويتلهه تحاليل عامه حسب الي مكتوب الي..

اني مجنت اسوي نوع من هذني التحاليل بس سويته..

                                

استغربت يمي هذا النوع ..

ايجوز هواي تحاليل بلمختبرات الثانيه..

وانطونياه الي ..

                                

طلعت عندي النتيجه ايجابي ..

عادي سلمتهه بس ردت اشوفهه ماعرف ليش ..

لان نتيجتهه ايجابي انقهرت عليهه وهيه بعدهه صغيره ..

                                

جانت تعبانه بس حلوه ولو ماحلوت بنيه بنظري من بعد مينا ..

عفت اهلهه و وجوهم ماتتفسر ، متعود ع هذا الشي ..

رحت وكملت يومي عادي ..

                                

وره يومين بنفس الاسبوع ..

اجتني نفس البنيه ..

                                

جنت ضايج لسعني من وره مينا ..

سويتلهه نفس التحليل من وره خشمي ..

                                

حته امكن تأذت بلسحب ..

بس مجنت داير بالي ..

ولا هيه انطت تعابير ..

                                

حسيت كل البنات هيج مثل مينا ..

كأنو انتقم منهن من خلال هاي البنت المسكينه ..

                                

فوك ضيمهه اني عليهه ..

شكد انقهرت بيومهه من رجعت واستقرت حالتي النفسيه..

                                

راحوا واخذ اخوهه النتيجه وهم انصدم ..

ماعرف شبيهم يعني عادي الكل يتمرض بهذا المرض ..

ولو هيه صغيره بس شنسوي بعد ..

                                

جنت كل يوم اذكرهه ..

اذكر نظرتهه الكلهه خوف وقلق ..

                                

واكول ايجوز هم تجي ع التحليل ..

وراح اشوفهه مره ثانيه ..

                                

بس شفتهه بغير مكان وزمان ..

متوقعت هناك راح اشوفهه ..

                                

وره فتره بليل خابرني صديقي ياسر..

جنه متفقين ع طلعه الصبح كالي..

                                

- الباجر ماروح لان حروح ويا اخويه يوسف للجامعه !!

- يا جامعه ؟!

- شبيك مو انقبل بلجامعة التكنولوجيه ، حروح اشوف البنات هناك ..

- اهاا اي 

- تجي ويايه تغير جو ؟

- لا يمعود شروح مالي واهس 

- اسمعني زين الباجر امر عليك الصبح ماشي ؟!

- اي هاهيه شيخلصني منك

                                

كعدت الصبح ورحت وياهم ..

ضلينه نفتر وبعدين رحنه للنادي ..

                                

دخلنه دنشوف وين نكعد ..

وشفت بنيه تشبه ليليان ..

                                

ركزت زين ، هيه نفسهه ..

ضليت اباوع عليهه وهيه هم ..

                                

امم عرفتني واني لابس مناظر ..

شلون جاي اداوم هنا ..

شنو هلصدفه ..

                                

صاحني ياسر وكعدت ..

شفتهه بوحدهه كاعده وبعدين خابرت ..

شكد تحجي يالله ..

                                

وره فتره راحت ..

عبالي راح اشوفهه مره ثانيه..

                                

بس خابرني ابويه بشغله ضروريه بلمستشفى ..

رحت بسرعه اشوف شكوو ..

استغربت شكو شصاير يريدني هناك ؟!! 

                                

🎵🎵🎵🎵

                                

آرائكم بالقصة وشنو توقعاتكم بعد ماعرفتوا سامي ؟؟

الفصل الثامن من هنا