رواية ليليان الفصل الثامن 8 بقلم زينب نور

                          

ليليان ،، كعدت الصبح بنشاط وبدلت ..

كعدت ميان وخبلتني ، اثنينه نتعارك ع المرايا ..

                                

اخير شي ضجت ورحت لغرفه ماما ..

خليت مكياج خفيف ولبست شالي ..

                                

اجه بابا يريد يبدل ..

كعدت ماما وطلعنه ..

                                

- ماما منو راح يوصلني ؟

- هسه اشوف مراد

- شنوو!! مراد لا يمعوده دخيلج ، يعني يومي كله مصخم

- انجبي وين تلكين مثل اخوانج

- هسه اني شكايله بس اريد جود حبابه 

- اي هسه اروح اكعده 

                                

نزلت وشربت قهوة وانتظر جود يكمل ..

تأخر صعدتله فوك ..

كاعد يتعطر ويرتب شعره ..

ضليت اباوع عليه واني بلباب ..

                                

- جود .. شبيج واكفه مثل البومه ؟

- انت البومه ولك منو راح تباوع عليك

- ولج انتي منو الراح يباوع عليج 

                                

- أشر ع نفسه وكال .. شوفي الحسن والجمال !!

                                

رحت ادفع بي حته ينزل ، أخرني ..

نزلنه واني ساعه انتظره بلسياره ..

وصلنه دانزل ، صاحني ..

                                

- دير بالج ع نفسج ، لا تسمعين كلام احد ولا تثقين بيهم 

- اي ادري 

- زين ديله ولي عاد 

                                

ابتسمت ورحت ، اتصلت بشهد ..

                                

- وينكم ؟

- قريب ع النادي 

- اشوفكم بلنادي اوك 

 - اوك 

                                

رحت وكعدت ، باوعت منا ومنا ..

ماكو حسام او اصدقائه الي جانوا وياه ..

                                

- اماني .. ع منو ادورين جكمه ؟

- انداريت عليهن ،، فززتيني يا عوبه !!

- اماني .. ليش عيني ، اشفتي شبح ، جني ؟ 

- لا ولج مو جنت ..

- شهد .. ع الكبل ؟!

- كبل مال امج ، شكد ثولات ياالله 

- شهد .. اي راح تبدي المحاضره عيني

- اي خلي نروح لعد ...

                                

رحنه طبينه للمحاضره ، شفت واحد من الي كاعدين وياه ..

اتعجبت شو ماكو وياهم الباقين ، وين راحوا لعد ..

                                

هذا جان روتيني كل يوم داوم بس مالي واهس اقره ..

كله اسخت محاضرات واسولف ويا البنات ..

                                

اما الولد مبتعدين عنهم ..

بس مرات هواي اشوف حسام من بعيد.. 

                                

وره فتره ...

بيوم من الايام جان يوم خميس ..

                                

كملنه محاضرات الظهر واتفقنه نطلع ناكل بمطعم بره ..

جنت خايفه ، مامتعوده اطلع بوحدي لبعيد ..

                                

بس البنات لحوا عليه ورحت ..

نزلنه لمكان مابي مطاعم ولا أي شي ..

                                

شارع كله مختبرات ..

للحظة خفت ، نزلنه وسألتهن ..

                                              

                                                    

- هاي وين احنه ؟

- شهد .. باعي لوله احنه حبيناج وانريد مصلحتج ، صحيح مو هواي نعرف بعض بس انريد مصلحتج !!

- اي وراح نسوي تحليل مره ثانيه موو؟

 - اماني .. اي عفيه يا شطوره 

                                

رحنه طبينه لأحد المختبرات بشارع المغرب ..

انتظرت ، ازدحام ،، رحت اخذوا مني دم ..

                                

انعاد الشريط نفسه للمره الثالثه ..

ضليت ادعي بلكت غلط التحليل جان ..

                                

انتظرنه اني وصديقاتي وضلن يصنفن ويحاولن يغيرن الجو ..

صاحوا اسمي ليليان ،، راحت شهد وجابته ..

فتحت الظرف ووجهه تغيرت تعابيره ..

                                

عرفت نفس النتيجه ايجابيه ..

راحت اماني وشافت النتيجه ..

                                

بس هاي الخبله فرحت وعود شهد اتريد تنصب عليه ..

انطتني الورقه ، صدك حسيت كلبي وكف لثانيه ..

                                

ضليت مبتسمه مثل المخبله طول الطريق ..

الفرحه ماوسعتني ، شفت حياتي شلون جانت .. 

                                

نزلنه بشارع فلسطين ورحنه لمطعم ناكل زنجر وكعدنه..

فكرت اني شكد جنت عايشه مظلومه ..

                                

تندمت ندم مو شديد وتغير وجهي ..

ياريتني سمعت كلام اهلي وعدت التحليل بره مو بلمستشفى ..

ياريتني ،، جان ماعشت احله ايامي ،، اول ايامي بلكليه هيج ..

                                

صحيح اني كضيتهه ونسه بس جنت اعرف نهايتي هي الموت ..

وماكو غير هاي الحقيقه اذا تفوقت بدراستي او لا ميصير هو الموت وبس ..

                                

- شهد.. باعي اماني فوك ماهيه جكمه انوب كالبه جهرتهه .. ولج ضحكي شبيج معبسه ،، هستوج جانت الابتسامه مامفاركه وجهج ..

- اماني .. كبر هيه غير عينج الحوله تحسد ، حسدتيهه ع هاي الضحكه امداج شهوده ..

- ضحكت ،، هههه لا بس تندمت لو مسويه تحليل مره ثالثه ..

- شهد .. شنسوي الي صار صار بعد ولاتفكرين بهذا الموضوع ،، واهلج شكد راح يفرحون هم 

- اي صحيح اهلي بس ارجع اكولهم ..

- اماني .. اي صحيح كلامكم بس مايشبع بطني هههه

- شكد جوعيه ياربي 

- شهد .. لو تاكل الف سنه ماتشبع وضعيفه ياحظي مثلنه

- اي مبخته هاي امونه 

- اماني ،، يمه منج شهوده عينج تصيب لا اروح اسمن غير انتحر اذا صرت مثلكم .. بس دقيقه احنه سوينه الي علينه وهسه ليلو هم !!

- شلون يعني ؟!

- شهد .. ههههه المصاري 

- هههه تدللون 

                                

اكلنه ورجعت للبيت ، طبيت تقريباً العصر متأخره ..

نسيت اتأخرت بس عندي دليل التحليل ..

                                

دخلت كلهم موجودين بلصاله ..

سلمت وكعدت ..

                                

- هلا حبيبتي شلونج ؟

- بخير .. 

                                

كلهم يباعون ع الفلم ومندمجين وياه ..

                                

- ناديت .. بابا !!

                                            

                                              

                                                    

- باوع عليه ، انطيته الظرف وكال .. شنو هذا ؟؟!

- كتله افتحه وشوفه شنو !!

                                

فتحه وابتسم ، ردة فعله باردة ..

ماظنيت هيج راح تكون رده فعله ..

                                

- كتله .. بابا انطي لماما !

                                

انطاهيا ،، اجتي حضنتني ..

وراهه شافته ميان واجتي هم حضنتني ..

                                

- بابا كالهم .. الحمدلله كلشي مابيهه ليليان بس هم نروح نسوي نتأكد ..

- اكيد بابا 

                                

الكل فرح واجوي حضنوني .. 

سعاده ماتنوصف ..

                                

💎💎💎 

                                

سامي ... بسرعه كمت ، صعدت بسيارتي وتوجهت للمستشفى ..

هاي شبي ابويه شصاير ،، كمت افكر اني شمسوي خلال هاي اليومين ..

او الفتره الفاتت ..

                                

ازدحامات وره وين وصلت ..

نزلت وخابرته ابويه ..

                                

- انت وين ؟ 

- يم أستاذ حسن مديرك فوك ..

- اي جاي اني ..

                                

خفت شكو ،، رحت ودكيت الباب ..

                                

- كالي المدير ،، اتفضل !

                                

- السلام عليكم 

- أستاذ حسن .. وعليكم السلام ابني اكعد ..

                                

- كعدت وكلت.. خير شصار خما اكو شي ؟

- استاذ حسن .. اخذوا راحتكم ، راح اشوف الشغل ..

                                

انداريت ع ابويه، شفته عصبي ..

هو طلع مديري انفجر بيه ..

                                

- ولك انت شنو ،، اربع سنين تدرس ، شتدرس انت شتقره ولك ،، شسويت بيه وبلمرضى ولك ،، انت شنو من بشر دمرت حياه ناس ،، شوهت سمعتي انت شلون ابن !!!

                                

- لزمته وخليته يكعد ،، بابا شكو ، خوفتني ليش هيج تحجي عليه ؟!

                                

- رجع كام ،، ولك كلب حقير الله لا يوفقك ، اني بعد لا تعرفني ولا اعرفك امشي اطلع بره وماكو شغل هنا ولا مبيت بلبيت ..

                                

- بابا بس فهمني اني شسويت ، شلون هيج اتكول ، شلون ينطيك كلبك ؟؟!

                                

- تعبت عليك يا حقير اكثر من مرتضى ، ولا ساعدته بيوم مثلك ،، دشوفه شلون رافع راسي وانت نزلته ،، اني الدكتور هنا الي سمعتي وانت ابني تحمل سمعتي من وراي هيج اصير بلكاع 

                                

اول مره اشوف هيج ابويه مكسور ومحروك ..

بس اريد اعرف ع شنو ، ليش هيج يحجي..

                                

سكتت ماحجيت شي ..

هدأ وكالي ..

                                

- هسه اذا اهل البنيه اجوني يردون فصل ، يحبسوك الك ، يعرفون اني اسويت علمودك شلون ، انوب اني انحبس بلسجون تالي عمري 

                                

- يا بنيه هاي ؟ 

- ماعرف شسمهه بس هاي ليان مادري شسمهه !!

                                

اذكرت ليليان ،، وجان نوع تحليلهه بس هو اني مسوي مره وحده ..

شبيهه يعني ، ليش هيج ، هو غير يحجي بلتفاصيل ياربي ..

                                

- اي كمل 

- اي طبعاً اكمل صخام وجهك ، فضحتني ، ولك انت بعد ماتبقه هنا ، هذا احسن حل 

- يابه استهدي بلرحمن وكولي السالفه كلهه تره طلعت روحي 

- جهاز تحليل الدم بلدماغ يا فهيم هذا بي خطأ برمجي يعني التحليل الي سويته حضرتك جان غلط ..

                                

بلعت ريكي ،، فتحت عيوني ..

شنوووو ، عززه ..

                                

- يابه صدك تحجي ؟

- لا اشاقه وياك ، مو انت مادارس ماتعرف شي 

- لا بابا اني دارس بس ..

- هذا خصم الحجي الي حجيته ، ماكو الك مكان هنا افهمت؟!!

                                

عافني وطلع ..

ضليت مصدوم شلون يعني اني شراح اسوي ..

وين راح اروح وهذوله اهل البنيه شلون ..

                                

ياربي شنو هلمصيبه الي وكعت بيهه ..

شلون مانتبهت ع هذا الشي ، كله من وره مينا ..

جنت حاير بيهه ، اووف ..

  الفصل التاسع من هنا