رواية ثأر الشيخ مهران الفصل الثامن بقلم حوراء
هلا يلي بمشيته يمشي فاهي
يحط اذنه من اسولف يم شفاهي
دليلي چان راكد يوم شافاه
حي نزل يم الامعاء يحوس بيه
'للشاعر اياد عبدالله الاسدي'
____________________
غيداء:-
اليوم احلى يوم بحياتي كلها واخيرأ راح اصير بأسم الشخص الي حبيته اميري وحبيبي ماجنت متوقعه راح يجي هذا اليوم لان اعرف بجدو اذا قفل على شي مستحيل احد يغير رأيه خاصه بموضوع الزواج امير تقدملي مرتين قبل لايوافقون عليه بالاولى كالو الابنيه صغيرة ماننطيهة بوكتهة جان عمري 17 ومرة ثانيه كالو الابنيه بعدهي تدرس وماننطيهة واخر مرة اجه امير كال عادي اخليهة تكمل دراستهة ونطول بالخطبه مو شرط نستعجل ماادري شلون صارت ووافق جدو بليله الخطبه مكدرت انام ضليت للصبح كاعدة احجي وياه ونخطط لحياتنه سوة اثاث الغرفه، الذهب، البدله العرس، القاعه، الفندق كلشي خططنه اله واتفقنه عليه نمت ورة اذان الفجر وكعدت على صوت امي بالتسعه الصبح حته نروح للصالون اني وياهة وخالتي وغسق شكد تمنيت عمه سحر (ام غسق وايليا) تجي وياي للصالون بس مقبلت تجي لان لازم تحضر الاكل للمعازيم وهاي السوالف ايليا وماادراك وما ايليا لو عندي اخت من امي وابوي ماتوكف وياي مثل وكفتهة كلش تعبت وياي وهي الي حضرت الكوشه والبيت من الصفر واكيد طلعت الكوشه تخبل لان ايليا خبرة بهاي السوالف وصلنه للصالون وبدت الماكيرا تسويلي شعري ومكياجي طبعا بعد انتظار دام ثلاث ساعات ونوب يلا بدت بيه
_اجه علينه يزن رجعنه للبيت وهناك استقبلني بابا وهو بيدة دخلني للبيت
_دخلت سلمت على البنات والخطار بس الي انتبهت عليه ايلي وانفال وجوهم مخطوفه انقبض گلبي
غيداء:-تعاي انفال
انفال:-هاا حب
غيداء:-شبيهة ايلي
انفال:-مابيهة شي
غيداء:-لج شوفيهة وجهة اصفر
انفال:-غير عمتج المصون ضلت تحجي عليهة كدام النسوان على ابو ليش بعدج ممتزوجه والاصغر منج اليوم خطبتهة
غيداء:-اهخخ منهة هاي الحيه متسكت اله تغثهة بحجيهة
انفال:-عمتج وتعرفينهة
غيداء:-عمة العماهة إن شاءلله
بدة العقد وتسجلت بأسم حبيبي وشويه وكالو راح يدخل العريس يلبس الذهب
توترت حيل اول مرة راح يشوفني هيج بدون حجاب وبهيج فستان
دخل وبده يلبسني بالذهب ويه كل قطعه يتغزل بيه واني حرف مااكدر احجي من المستحه
امير:-شهلجمال ناويه تموتيني اليوم
رفعت راسي:-جمال عيونك حبيبي
امير:-اهخخ شوف العيون ونوب تكول حبيبي ناويه تجلطني بت جاسم
:-ههههه
امير:- اطلع اشرفلي لا ارتكب بيج جريمه كدامهم هسة
غيداء:-براحتك حبيبي
طلع امير وبدت الناس شوي شوي تخف وتروح وبقن بس الاقارب رحت بدلت البدلة ولبست قفطان مغربي لونه اوف وايت يرهم ويه مكياجي رحت ساعدت البنات بصب الاكل
غيداء:-ايلي الحب والحرب شمسويه اليوم عاشت ايدج الترتيب يخبلل
ايليا:-حبيبتي غيداء اهم شي عجبج
غيداء:-لجج متت بيه مو بس عجبني وبعدين شطالعه لج تخبلين اليوم
ايليا:-حبيبتي جمال عيونج
غيداء:-يلا خليني اساعدكم بصب الاكل
غسق:- روحي يم الناس واحنه نصب الاكل
غيداء:-تمام حبي
رحت يم المعازيم وبدن البنات ينگلن الاكل وانتبهت على ايلي حيل ضايجه
خلصنه اكل وصعدت بدلت ملابسي واخذت موبايلي وشفت امير دازلي رساله
"باجر نطلع للزيارة للامام الكاظم اني وياج واخوج يزن هم راح يجي ويانه"
رديت عليه
"شوكت اتفقتو"
شافهة وبسرعه اتصل
غيداء:-هلو حبيبي
امير:-هلا بيك باع قبل لا اطلع من الاهل اتفقنه وياهم
غيداء:-خوش حبيبي شوكت تجيني
امير:-حضر روحك الساعه ب8 الصبح اني يمك حته لانتأخر
غيداء:-نرجع بنفس اليوم لو نبات
امير:-لا وليدي نرجع بنفس اليوم لان عندي شغل
غيداء:-ليش تحاجيني بصيغه ولدد
امير:- ثضوج ابني؟؟
غيداء:-طبعا اضوج عبالك جاي تحجي ويه صاحبك مو خطيبتك شنو هذه
امير:-عيد اخر جمله كلتهة ابني
غيداء:-استوعبت شنو كلت وابتسمت وكلت خطيبتك شنو نسيت
امير:-اهخخ يصير ابوس هاي الكلمه
غيداء:-اي عادي يلا هسة اني لازم اروح حته اجهز اغراضي وانام لان حيل تعبت اليوم
امير:- مسوينه شي حته تتعب
غيداء:-لعد والكعده من الصبح والفرة وروحه الصالون هذا كله مينحسب تعب؟؟
امير بمكر :- هاي اشياء بسيطه من تعرف التعب المنتظرك شسوي
غيداء بفهاوة:-تعبيش
امير:-بعدين تعرف يلا روح نام لاتسهر اخاف على عيونك
غيداء:-تمام باي حبيبي
امير:-باي
غيداء من بعد ماسديت الخط كمت حضرت ملابس للطلعه ونوب دخلت للحمام سبحت ولبست دشداشه قصيرة ونمت كعدت على صوت التلفون شفته امير وجانت الساعه ب6
غيداء بنعاس:- الوو
امير:- روح الالو يلا حبيبي كوم بدل شوي واجي عليك
غيداء:-ترى الساعه 6
امير:- اي حبيبي حته لا نعلك بازدحامات بغداد
غيداء:-اوك كايمه
سديت الخط وكمت غسلت وجهي واخذت ملابسي وبدلت لبست فستان تسعيني لونه ازرگ ورهمت وياه جنطه وحذاء وقبل لا احط المكياج توضيت كملت مكياجي البسيط واباوع على الساعه شفتهة ب 7
غيداء:-عزةة تأخرت عليه
نزلت ركض شفت ايلي كاعدة بلمطبخ صبحت عليهة
غيداء:-صباح الخير
ايلي:-صباح النور حبيبتي
غيداء:- لج ايلي امير خابرني من السته وكال اجيتكم استعجلي وشوفي الساعه شكد هسة راح يموتني والله
ايليا:-هههههه ليش هيج خايفه عادي كاعد هو وجدو وعمو بالاستقبال وكلساع يزن يودي چاي ويرجع ليورة
غيداء:- يمهةة هسة تلكينه يسب بيه هههه
ايليا:-لج عادي اذا ماينتظرج ينتظر منو؟؟
غيداء:- هم صح
دخل يزن
يزن:-يلا يابه شنو نمتي الزلمه صارله شكد ينتظرج
غيداء:-كملت عيني
يزن:-يلا تعاي
غيداء رحت وياه ودخلت لاستقبال صبحت عليهم وردو الصباح كام هو وكال بصوته الجهوري
امير:-شيخ احنه نستأذن هم يلا نوصل لاسد بغداد نزورة ونرجع قبل الليل
الجد:-محفوظين بحفظ الرحمان دير بالك على بنيتي
امير:-بعيوني شيخ لا توصي
طلعنه وتفاجأت بيزن ضل كاعد ما طلع جليت صوتي وكلت
غيداء:-يلا يزن ليش بعدك كاعد
يزن:-مااكدر اروح وياكم
غيداء:-ليش؟؟
يزن:-خابروني من الشغل يردوني شويه ويجي عليه صاحبي ونروح سوة
غيداء:- هزيت راسي بأيجاب وطلعت لميته واكف يم بابا ويسولف وياه انتبه عليه وفتح الباب الصدر حته اصعد
صعدت وهو مدري شيحجي ويه بابا سلم عليه وصعد مشه بالسيارة مسافه قصيرة وابتعد عن البيت كسرت الهدوء الي بينه وكال
امير:-شبيج حبيبتي!!
غيداء بتوتر اول مرة نضل سويه اني وياه
غيداء:-مابيه شي
امير:-هاج
انطاني كلنسة باوعتله باستغراب
:-شسوي بيهة
:-امسحي الي حاطته على عيونج وشفايفج
:-شنو امير والله حاطه خفيف
:-بويه شلج بيه انتي من دون هذا اللبخ تشگين شگ
:-شنو هل الالفاظ امير
:-قابل مجذب عليج؟
:- حشاك بس عوف هاي الالفاظ مااحبهن
:-هسة عوفج من الفاظي امسحي الصخام الحاطته
:-ليش تصيح عليه؟
:-شايفتني گرن واقبل مرتي تحط مكياج وياهو الجاي والرايح يباوع عليهة
:- ليش تنظر للموضوع من هاي الجهة ترة مابيهة شي اذا حطيت مكياج وطلعت ويه خطيبي
:-زوجي
:-شنو
:- زوجي مو خطيبي انتي بأسمي شرعأ ومابقى شي وتصيرين بأسمي قانونيآ
:-غصب عني ابتسمت على طريقه كلامه
:-هسة يلا مسحي علمود خاطري
:-جيب أمري لله
اخذت الكلنس منه ومسحت المكياج
:-هاا هسة رضيت (حجيت بضوجه)
:-كلش هم وانزاح من كلبي
:-تحجي صدكك
:-اي والله كلش اضوج من اطلعين والولد يضلون يباوعون عليج
:-هسة الي يسمعك يكول ملكه جمال العالم
:-بنظري احلى منهة بشنو احسن منج ملكه الجمال؟؟
:-اويي فديت حبيبي تعال نطيني بوسه
من استوعبت شنو كلت تمنيت الكاع تنشگ وتبلعني
:-يلا منتظرج
:-درت وجهي ناحيته وشفته مقدم خدة عليه بوضعيه انتظار
:-ءء شسمه ترة مو صدكك
:-خليج كد كلمتج حبيبتي
:- ضليت ساكته ماجاوبته اخذت وضعيه الخرسه هو يحجي واني بس اهز براسي وصللنه البغداد بعد طريق طويل استغرق اربع ساعات توجهنه فور وصولنه لاسد بغداد (عليه افضل السلام)
قبل لا ندخل للامام نزل حته يشتريلي جادر مال صلاة لان مجنت لابسه عبايه انتظرته بالسيارة بين ما اشتراه واجه لبسته بالسيارة ونزلني منهة وراح يصف السيارة بالكرج مااتأخر شويه واجه
:-يلا نفوت حبيبتي
:-لزمت ايده وهزيت راسي بأيجاب دخلنه للامام الكاظم (عليه السلام) وافترقنه قبل لاندخل للتفتيش اتفقنه على نقطه نلتقي بيهة من نخلص زيارة
:-دخلت للامام وزرت وصليت وقريت الزيارة ودعيت رب العالمين يتمم عليه فرحتي ويحفظلي امير ورجعت زرت مرة ثانيه وكملت وطلعت للمكان الي متفقين عليه شوي وشفته يمشي بأتجاهي
باوعلي بأبتسامه وكال
:-زياره مقبولة
:-تقبل اعمالك
:-يلا تعاي اغديج
:-مااكول لاا لان جعت
:-يخسي الجوع شنو تردين تتغدين
:-اي شي اهم شي اكل
:- صعدنه بالسيارة ورحنه للمطعم
:-انتظريني اجيب الاكل واجي
:-تمام
:-نزل حته يجيب الاكل ربع ساعه ورجع فتح الباب الورة وحط العلاليك ورجع صعد ليكدام
:-ناكل بالسيارة؟؟
:-لا نروح لشقتي ناكل بيهة
:-عندك شقه ببغداد
:-مو بس الي اني واصدقائي منو من عدنه يصير عدة واجب ببغداد يجي يكعد بيه
:-وليش اني ماادري بيهة؟؟
:-يجوز لان انتي ماسألتني؟؟
:-عجيب امرك واني شلون راح يجي على بالي هيج سؤال
:- وهسة عرفتي شنو استفاديتي
:-باع انت ضابط وعندك شقه بغير محافظه ومحد يدري بيهة ترة سالفتك تثير الشبهة عليك شسوي بهاي الشقه هاا؟؟
:-ضربني بخفه على راسي وكال
:-صفي نيتج ترة اعرف شنو تقصدين
:- ليش شنو اقصد اني
:- تمام اشرحلج شنو تقصدين ماطول اني ضابط وعندي شقه بغير محافظه معناهة عندي سوالف مكسرة مو
:-خرب يومك شگد ذكي، لحظه واستوعبت اني شجفصت
:-اني شلون ويه السانج الي ميبطل تجفص
:-اسفه مو قصدي هسة عوفك من جفصتي كلي شلون عرفت اني بشنو افكر
:-اولأ هذا مو بس تفكيرج هذا تفكير الاغلبيه ماطول انت ضابط معناه انت مو خوش زلمه وعندك سوالف نسوان مثل شربه المي وهاا اربعه وعشرين ساعه تخون بمرتك هيج تفكيرجن لو اني غلطان
:-بس هذا المعروف عليكم
:-بابا شدخل ترى اكو هواي ضباط حاطين نسوانهم بين عيونهم ويخافون الله بيهم واكو العكس مااكلج الكل هيج لا بعيوني اشوفهم يسدون الخط من نسوانهم ويخابرون على حبيباتهم واحبج وام بيتي وروحي والخ اشكال الوان ومن تحجي وياه يكول يابه اريد اتونس اكله يابه حرام عليك مرتك مقصرة وياك بشي يكول لا لعد ليش تخونهة وتحجي ويه غيرهة يكول عادي مابيهة شي من اشوفه هيج انسحب من يمه لان هذا الانسان ميفيد وياه شكد ماتحجي ماراح يغير تصرفاته
:-ما يخاف منك
:-حبيبتي هو من الله مايخاف تردينه يخاف مني
:-استغفرالله شنو هلكلام
:-الخيانه حلال لو حرام
:-حرام
:-زين الي يسوي الحرام يخاف من رب العالمين
:-لاا
:-شوفي اني ما حاجي شي غلط
:-وانت من يا نوع حضرة النقيب امير
:-انتي شتكولين
:-شدراني ماطالعه وياك واجب حتى اعرف يانوع انت
:-ههههه كم مرة اروح واجب واريد اخابر عليك وضل ساعه اطحن بروحي طحن مشتاگ لصوتج تاليتي اخابر امي حتى تقرة عليه قرأن بلكت الشيطان الي براسي ينام
:-سكتت مااعرف شكول
:-هاا انبلع السانج هسة مو
:-شوكت نوصل تكسر جسمي من السيارة
:-ماضل شي ونوصل
:-مشه مسافه بسيطه ووكف السيارة يم عمارة
:-يلا يابه وصلنه
:-نزلت من السيارة وهو نزل الاكل وقفل السيارة ايد لازم بيهة الاكل والايد الثانيه لازم بيهة ايدي دخلنه للعمارة وصعدنه للطابق الثالث جانت الشقه ببدايه الطابق نزل الاكل بالكاع وطلع مفاتيح الشقه من جيبه وفتح الباب ونوب نزل ايدة وجاب الاكل ودخلنه للشقه وسد الباب
:- اخذ العلاليك ودخل للمطبخ دخلت وراه وشفته يطلع بالمواعين حتى يصب الاكل
:-غسلي ايدج وتعاي اكلي
:-تمام، وين الحمام؟؟
:-على ايدج اليسرة يم غرفه النوم
:-دخلت للحمام وغسلت ايدي وطلعت اجاني فضول اشوف غرفه النوم فتحت باب الغرفه واتفاجأت بجمال الاثاث الموجود بيهة الالون جانن عبارة عن لونين الاسود والذهبي جان فخم كلشش
:-عجبج
:-حجيت بأعجاب: كلشش
:- انته مختار الاثاث؟؟
:-الشقه كلهة اني اثثتهة
:-ما جنت ادري عندك ذوق راقي بالاثاث
:-چا شعبالج
:-والله للصراحه عبالي ذوقك مال شياب مقارنه لعمرك
:-كلت هيج ومااحس اله سحبني من خصري ولزكني بيه
:-شنو رأيج اشوفج الشايب شيسوي بيج
:-ءءشبيك تررى مو قصدي
:-مد ايدة على حجابي وفتحه لزمت ايدة
:-شجاي تسوي اميرر
:-اشش
:-وخر ايدي وجر الحجاب وحط وجهة بركبتي يشتم بيه رجف جسمي من حسيت بشفايفه على ركبتي حاولت ابعدة عني بس مكدرت ادفع بيه وهو عبالك حايط ولا يزحزح واخيرا وخر مني يباوع بعيون حمرة
:- هاي بس بشمه رگبه تخدرين چا لو اسوي اكثر شيصير بيج
:-شحدگ
:-ايباه لعد منو جانت خدرانه جوة ايدي قبل شويه؟؟
:-وخر من يمي اريد اكل جوعانه
:-امشي ام بطن
:-كعدنه ناكل خلصنه وشلت المواعين وغسلتهن وهو سوة جاي شربنه جاي
:-شوكت نرجع
:-هسة يلا كومي
:-كمت عدلت حجابي ولبست حذائي شويه وطلعنه طريق الرجعه جان اسرع 3ساعات ودخلنه للمحافظه وصلني للباب البيت وراح لان خابرو عليه
:-دخلت للبيت وسلمت على ماما ومرت عمو وصعدت فوك بدلت ملابسي وتمددت على السرير افكر بالي صار بيناتنه واحس فراشات بمعدتي
___________&&&&&___________
