رواية مهرة والزين الفصل السابع
مهرة كانت شبه مستسلمة لـ زين لكن فجأة حصلت حركة بره الاوضة خلتها تبعده وهي بتبص على
مهرة كانت شبه مستسلمة لـ زين لكن فجأة حصلت حركة بره الاوضة خلتها تبعده وهي بتبص على باب الاوضة زين ساعدها في قفل زارير القميص و هو بيقول بنبرة غيظ/ ما مان ويانا الليل بطوله يا فجر انتي
مهرة ضربته في كتفه وبعدها زقته و كملت هي قفل الزراير و هي بتبص على نفسها في المرايا / انت اصلا قليل الادب و مكنتش اعرف انك كده
خلصت تظبيط لبسها وبعدها رحلته و قالت له /استنى عندك
سالها /في ايه ؟
مهرة بنبرة مغوية/ شفايفك
زين ابتسم وقالها بغمزة من عنيه / وحشوك ؟ للدرجة عجبوكي ؟
مهرة ضحكت وهي بتمسح دله شفايفه اللي كلها روج و بتقوله/ لا يا خفيف بس شكلك مبهدل من الروج
زين شاور بايده و قالها/ لسانك عاوز حشه يابت انتي
مهرة خبطته في كتفه وقالتله/انا مش بت
زين رد عليها بوقاحة وقال/ لا بت اني لسه مدخلتش عليكي تبجي بت ولو عاوزاني ابطلها الكلمة ديه يلا بينا ندخلوا
زين حضنها اوي ومال بيها لدرجة كانت هتقع على السرير بس هي تماسكت وقالتله / يخربيتك احنا في اوضة ستك اوعى يا مجنون
جدته دخلت لاقيتهم في الوضع ده بصتلهم وقالتله/ الله الله بجى انت اهني واني الفلفك عليكوا الدار حتة حتة اتاريك زانج البت اهني لا وعلى سريري يا فاجر ؟
مهرة اتعدلت وظبطت هدمها و قالت وهي بتتحامى في جدته / الحقيني يا تيتا من قليل الادب ده
جدته/ وطلع قمان جليل ادب يا دكتور زين
زين ببراءة/ وهو بيرفع كفه/ حد الله يا ستي ما شوفتها قلة الادب ديه ولا اعرف شكلها
جدته بهزار / وه وه كسفتنا يا ولد الهواري ؟
زين بثقة/ لا اطمني اني بس اخد فرصتي و بعدها كل شئ هينكشف ويبان
جدته بعدم فهم / كيف يعني و ليلة امبارح ديه كانت إيه
زين / اهي ليلة امبارح ديه كانت شكل جملة الصيت ولا الغنى اكستي يا ستي خلينا جافل خشمي احسن خلاص.
مهرة بتحاول تهرب وهي بتقول/ طب عن اذنكم بقى
زين لحقها و قالها بجدية مصطنعة/ كان في خاجة كنت رايد اعرفهالك جبل ما اسافر
مهرة مسكت في جدته وقالت بتوسل/ لا تيتا خليكي معايا
الجدة استغربت توسلها و انها خايفة من زين و هي من دقايق كانت في حضنه و في وضع حميمي زين شد مهرة برفق وقالها / تعالي متخافيش اني خلاص همشي بس عاوزك تتطلعي غيار جديد
مهرة بعدم فهم/ وهو انت مش لسه واخد شاور من شوية هتطلع تاخد تاني ليه ؟
زين بهمس / كله منيكي يا حلوة
مهرة ببراءة/ مني انا ؟
زين وهو بيحاول يخليها تطلع على السلم براحة من غير ما حد ياخد باله انه بيشدها وفعلا طلعت بسرعة بس جدته وقفته تساله/ العربية يا زين جاهزة كده هتتاخر على السفر يا ولدي
زين / هنأجلها لـ بليل يا ستي
دخل زين الاوضة وفك زارير القميص وبعدها البنطلون و وهنا مهرة كانت بتبلع ريقها رفعت صباعها وقالت له / احنا اتفقنا انت هترجع في كلامك ولا ايه
مهرة جت تهرب منه لحقها وحاوطها بين ايده و قالها/ في نار جوايا لازم اطفيها وبعدها نكمل اتفجنا
مهرة بتهرب منه وهو مكنش معاها اصلا هو كان غارقان في ريحتها اللي خطفت انفاسه وهي بدات تضعف وهي بتميل راسها لوار وبتقول بضعف/ زين احنا اتفقنا عليه ايه زيـ..
زين مكنش حاسس بنفسه اصلا ومال بيها على السرير وبدا يوزع قبلاته هلى وشها وجسمها وبعدين بصلها وقالها بصوت كله اثارة / هنعملوا نص دخلة
مهرة بصوت ضعيف / ازاي
زين متكلمش وبدا يعرفها بشكل عملي هو يقصد ايه و هي كل ما تبعده بتستغرب هي ازاي بتقربه مش بتبعده اصلا .
في الصالة تحت كان الجد قاعد مع الجدة بيشرب القهوة وفاهم ان خلاص زين اتحرك من بدري بص في ساعته لاقها الساعة ستة اخر النهار حط الفنجان على التربيزة وقال/ هكلم زين زمانه دلوجه وصل القاهرة
الجدة ضحكت وقالت/ متتعبش حالك زين لساته فوج
الجد بعد فهم/ كيف ديه ؟ ديه جالي انه هيروح النهارده وبعدها يرتاح لمدة تلات شهور ماهينزلش فيهم مصر ؟
الجدة/ ماهو بردو يا حج مينفعش عريس يفوت عروسته ليلة دخلته و يسافر شهر بحاله
الجد / وهي عروسته هتطير ولد الكلب ديه ما هو اللي حدد كل حاجة ديه عقود بملايين هيضيعها علينا عشان مزاجه ولد المحروج ديه ؟
الجدة بتحاول تهدي وبتقوله/ متجلجش هو بيجول هيروح في الليل خلاصك بجى ليل من نهار مش هتفرج
الجد قام من مكانه وقال/ ليل اكتر من كده ايه اني هطلع دلوجه اعرفه شغله
الحدة قامت بسرعة وقالت/ استنى بس يا حاج
الجد وقف وقال/ في ايه ؟
الجدة/ ديه عريس ولساته داخل عشية امبارح مفيهاش حاجة لما يجعد له يومين ويا عروسته سيبوا يتهنى بيها
وتتهنى بيه
الجد / يا ولية بجولك عقود بملايين وتجولي عريس جديد !
طلعت الجد بعد ما اقعنته بالعافية تطلع هي بداله خبطت على الباب براحة وقالت / زين يا ولدي
زين اصدر صوت من مناخيره وهو بيقول / طلاج تلاتة حد باصصلي في ام الدخلة دي
مهرة انسحبت براحة من السرير لكنه مانعها وهو بيرد على سته/ خير يا ستي
جدته/ جدك يا ولدي مش ساكت واصل وبيجول انك اتاخرت
زين بضيق / يا ناس اني عريس سبوني ادخل
جدته مش فاهمة حاجة فسالته/ تدخل فين يا ولدي بس ولا تخرج منين هم بجولك جدك عاوزك تحت
زين / طب يا ستي ادلي انتي دلوجه واني هاجي واركي
بعد مرور خمس دقايق
مهرة بتحاول تهرب منه ومش راضية تخليه ياخد حاجة منها اكتر من اللي قال عليها حسب اتفاقه فبيحاول يضحكها فقالت بدلغ / بس بقى يا زين كفاية قلة أدب
زين بابتسامة/ اني اصلا مشوفتش رباية
جد زين خبط على الباب / انت با ولد الكلب انت جوم شوف مصالحك وبعدها ابجى تعالى عشان اوريك الرباية اللي على حج
