رواية عمر الديب صقر المخابرات الفصل الثامن
بسم الله توكلت علي الله. وهو رب العرش العظيم
ومن داخل شقة مفروشة في منطقة وسط البلد يقف ابرام قدام عمر الديب وعمر في صورة خبير وكان معه ديفيد وبيقول له
تعرف ان البدلة الحمراء هاتبقي لايقة عليك. سلام يا عمر اشوفك في جهنم
ويبص ديفيد لي ابرام ويقول
انا لازم امشي دلوقتي. علشان لما القوة تيجي تكون انت لوحدك. وهاكون معاك علي اتصال ديما
ويمشي ديفيد ويجلس ابرام قدام عمر ويقول له بنفس صوت وطريقة عمر والهنجية
حتي يصدق اني انا من جيناتك. لكني هاخلص عليك. اعمل اية لازم انت تموت عشان يتولد عمر الديب جديد. انا،،،،،،،،،
وبعدها بساعتين ومن داخل مكتب السيد كامل ينام عمر في صورة خبير والسيد كامل ينظر له ولحالتة الغريبة فعمر ما فيش حاجة بتتحرك في الا عينية فبص السيد كامل ل ابرام وقال له
هو اية اللي حصل له
ابرام بصوت عمر بالظبط
ماعرفش يا فندم. انا وصلت له وهو بالحاله دي.
فيخرج السيد كامل موبيل باسم وفتح الصور بتاعت عمر مع خبير وخلي ابرام يشوف الصور وقال
غريبة يعني مع انه هنا كان ماشي علي رجله معاك
اتصدم ابرام من الصور اللي شافها وقال
ممكن يكون اتعرض لصدمة او حادثة خليتة يبقي كدة.
فساب السيد كامل الموبيل وراح وبص في عيون عمر وقال
خبير. انت سامعني
فحرك عمر عينية فقال السيد كامل
لازم اعرضة علي دكتور متخصص وهو اللي يقدر يعرفنا اية اللي عنده دة.
ويرفع السيد كامل سماعه التيلفون وقال
تعالي يا صالح
فلايمر سوي لحظات حتي يدخل علية صالح مدير مكتبة فقال له
تحت امرك يا فندم
السيد كامل وهو بيبص لعمر
خد خبير واعرضة علي دكتور مخ واعصاب واعرف لي اية سبب الحاله اللي عنده.
وشال صالح. عمر وخرج بي من المكتب والسيد كامل بص ل ابرام وقال بمكر
عرفت ان باسم كان هايتقتل
ابرام
عرفت وانا اللي نقلتة المستشفي
السيد كامل
طيب ما تعرفش مين لي مصلحة في قتل باسم.
ويقرب السيد كامل من ابرام اكتر ويقول
غيرك
ابرام بضحكة سخرية
انا اقتل باسم طيب لية.
السيد كامل وهو بيشغل الرسالة الصوتية اللي اتبعتت لباسم ويقول
عشان عرف اللي ما ينفعش حد يعرفة.
ويلف السيد كامل حوالين ابرام ويقول
ان خبير يبقي والدك
ابرام وهو مرتبك
انا مستحيل اقتل صاحبي
السيد كامل
من امتي وباسم صاحبك يا عمر
ابرام
سيد كامل انت شاكك فيا
السيد كامل
واحد والده يبقي خبير لازم يكون محل شك. ولا اية
ابرام
انت اكتر واحد تعرفني ممكن اكون بختلف مع باسم في الشغل. بس مش هاتوصل لدرجة اني اقتلة
السيد كامل
هانشوف. بس بعد ما يتم التحقيق
ابرام
افهم من كدة اية
السيد كامل
انت موقوف عن العمل ومتحول للتحقيق لحين اثبات برائتك سلم ملف الافعي لصالح لانه هو اللي هايكمل المهمة مكانك انت وباسم
ابرام
الافعي دي قضيتي انا ومن حقي اكملها
السيد كامل
انت بقيت مصدر شبهة بعد اللي اتعرف عنك. تقدر تقوم تمشي
ابرام
يا فندم ان،،،،،،،،
السيد كامل بحدة
مع السلامة يا عمر
قام ابرام وخرج من عند السيد كامل وهو غضبان جدا وبدا يكلم ديفيد اللي كان شايف وسامع كل الحوار دة عن طريق الكاميرات اللي بتتزرع في الحاجب وقال ديفيد
كدة كل الخطة باظت ومش هانقدر نوصل للشريحة. انا مش عارف السيد كامل دة وصل للرسائل لية دلوقتي
ابرام
كان لازم الرسائل دي تتمسح من علي الموبيل
ديفيد بعصبية
مش مهم. لسة احنا برضو اسياد اللعبة
ابرام
تقصد اية
ديفيد
ادخل مكتب عمر واسرق الشريحة من الملف
ابرام
ولو حد شافني
ديفيد
قول انك بتجهز الملف عشان تسلمه لصالح زي ما قال لك السيد كامل
وبالفعل يتجة ابرام الي مكتب عمر ويفتح باب المكتب بالبصمة المزيفة اللي في صباعه وهي بصمة تخص عمر ويدخل الي المكتب ويقفل الباب وراء منه بحذر شديد ويتجة ناحية الدرج اللي فيها ملف الافعي ويخرج من الملف الشريحة ويبص لها ويدخل علية صالح فيخفي ابرام الشريحة مسرعا ويبص صالح ل ابرام ويقول
عمر. السيد كامل بلغك بان ملف الافعي. ،،،،
فيقاطعة ابرام بضيق ويقول وهو يرمي الملف علي المكتب امامه
عرفت والملف قدامك اهو
ويقف ابرام ويروح ناحية صالح وهو بيبص له فيقول له صالح
عايز تقول حاجة
فيبتسم ابرام ابتسامة خبيثة
خلي بالك من نفسك علشان ماحدش مسك الملف دة والا
والافعي خلصت علية
صالح وهو بيبص في الملف
ما تقلقش علية انا قدها
ويلاحظ صالح عدم وجود الشريحة ولكنه ما بينش اي حاجة وساب ابرام يمشي وهو بيبص لي بصات كلها شك، ،،،،،،،
وبعدها بساعه ومن داخل شقة خبير يجلس خبير ويبص لصورة فاطمة وهو يقول
واحشتيني اوي يا فاطمة يا تري انتي عاملة اية. ولية عمر ما رجعش تاني ليا عشان يطمئني عليكي.
ويمسك الموبيل بتاعه ويتصل علي موبيل عمر ولكنه كان مغلق وفي هذة اللحظة يكسر باب الشقة ويدخل ديفيد وفي ايدة سلاح ابيض وبيبص لخبير ولصورة فاطمة اللي في ايدة ويقول
وحشتك. ماتقلقش انا هاخدك ليها وهاعرفها انك جاسوس وبعد كدة هاذبحك واذبحها
فيبص له خبير وهو يبتسم ابتسامه صفراء ويقول
تفتكر ان الافعي هاتسيبك بعد ما تقتل البابا
ديفيد وهو بيقرب من خبير والشر في عيونة ويقول
اللي انت ما تعرفهوش ان خبير مقبوض علية دلوقتي والحكومة المصرية هي اللي هاتعدمة. وانا برئ من دمة
خبير باستغراب وهو مش فاهم حاجة قال
ديفيد ابني بقي لي في الفوازير
ديفيد
انا مش ابنك. انت مسلم وانا يهودي. وماينفعش ليهودي ان مسلم يبقي البابا بتاعه
ويهجم ديفيد علي خبير ولكن خبير يتفادي هجومة ويقول
افتكر ان السلاح مش هايشفي غليلك في موتي.
ديفيد وهو بيرمي السلاح
فعلا البابا يموت بايدي أحسن. وزي ما اتمنيت طول عمري
فيقف خبير ويتجة ناحية ديفيد ويلكمة في وشة لكمة قوية ولكن ديفيد يضحك فيلكمة خبير كمان لكمة ولكن ديفيد يرد بنفس رد الفعل وهو الضحك ثم يقول
البابا بقي يضرب زي الحريم. انت كبرت بابا
وضربة ديفيد بالرجل في بطنة فوقع خبير علي الارض وهو بيتوجع وبيبص لديفيد بغل شديد لكن ديفيد ضربه بالرجل في وشة وهو بيقول
انت ما تعرفش انا فرحان قد اية خلصت علي ابنك. والنهاردة هاخلص عليك
فيبص له خبير وهو بينزف من بوقة ويحاول انه يقف لكن ديفيد يضربة كمان مرة بالرجل في وشة فينزف اكتر واكتر ويتالم بشدة ويمد ديفيد ايدة ناحية رقبه خبير ويخنقة وهو بيرفعه لفوق وخبير يحاول الخلاص والدم بدا لا يصل للمخ ووشة احمر وبيختنق فيقول ديفيد
ابنك هايموت بذنبك ويدفع تمن كل خطيئة انت عملتها. لما تروح جهنم وتشوفه اطلب منه انه يسامحك. هو وفاطمة بعد ما هاخلص عليها قدامك
ولكن في هذة اللحظة تقف خلف منه سوريا وتضربة بصاعق كهرباء في رقبتة فيسقط ديفيد فاقد الوعي ويقع خبير علي الارض فتتجه ناحيتة سوريا وتقول
انت كويس
خبير وهو يستنشق اكسجين ويكح بسبب الاختناق يقول
ما كنتش اتوقع انك تخلصيني من ايد ابنك. بعد ما رضعتي كره ليا ولعمر وفاطمة
سوريا
انا فعلا ما بحبش فاطمة. علشان خدتك مني. بس مستحيل اكره عمر ابني. او اكرهك يا خبير وانت عارف انا بحبك قد اية. وكمان ديفيد بقي عامل زي الكلب المسعور ما بيفكرش غير في الانتقام. لدرجة انه بقي بيفكر يقتلني
خبير
انتي اللي خلتي كدة. كلب مسعور
سوريا وهي تقف وتساعد خبير علي انه يقف
مافيش وقت للكلام دة لازم نهرب بسرعه قبل ما يفوق وساعتها مش هايرحمنا احنا الاثنين
خبير وهو بيقف
ابنك عمل اية في عمر
سوريا
ماعرفش. بس انا شوفته خارج من الاوتيل ومعه ابرام
خبير وهو بيخرج من الشقة مع سوريا
ابرام. المستنسخ من عمر
سوريا
ايوة
خبير بعصبية
غبي. ابنك ديفيد دة غبي. ابرام دة وحش وهايبقي اشرس من ديفيد بمجرد مالجينات بتاعت عمر تتكاثر جوة منه وساعتها مش هانقدر نقف قدام شر ابرام
سوريا وهي بتركب عربيتها مع خبير وبتنطلق بالعربية
والحل
خبير
لازم اوصل لعمر واحارب بي ابرام
سوريا
ونوصل له ازاي بس
خبير
مافيش غير اني أعمل مصيبة كبيرة تخلي المخابرات المصرية تشك في خبير اللي تحت ايدها وتبدأ تتحرك
سوريا
وبعدين
خبير
نوصل احنا ساعتها للحقيقة وننقذ ابننا عمر ، ،،،،،،،،
وبعدها بيوم ومن داخل مستشفي خاصة بالمخابرات ينام عمر في السرير وكالعادة لا يتحرك ويقف قدام منه الدكتور المعالج ومعه السيد كامل ويقول الدكتور
خلايا المخ والاعصاب اتعرضت للضمور بشكل غريب ومفاجئ يعني بفعل فاعل مش حادثة عادية
السيد كامل باستغراب
بفعل فاعل يعني اية
الدكتور وهو بيبص في الاشعة وتحاليل الدم الخاصة بعمر
ويقول
في اثر لبقايا عقار في الدم. عقار بيحمل خليط من أشرس فيروسات عرفها العلم الحديث بتستخدم في الحرب الكيمائية وبصراحة اللي مستغرب له. ازاي راجل عجوز يكون جهاز المناعه بتاعه بالقوة دي ويستحمل كمية الفيروسات دي
فيحرك عمر عيونة وكانه عايز يقول
الدكتور بيتكلم صح انا مش خبير انا عمر الديب. لازم تصدقوني. ولازم اخرج من هنا البلد هاتخش في حرب. تدمر كل اهالها وناسها
ويسمع الدكتور وهو يكمل قائلا.
الخليط من الفيروسات دي ما يستحملهاش راجل عجوز والا كان مات. لانها واضح انها دخلت جسمه عن طريق حقنة ودة باين من الاحمرار اللي في ايدة مطرح سن الابرة
فيبص السيد كامل لعمر ول ايدة ووشة اللي كلها تجاعيد ويقول
يعني افهم من كلامك ان دة مش راجل عجوز
الدكتور
دة اللي باين قدامي في التحاليل والاشعة.
فيستغرب السيد كامل مما يقال ويبص لعمر كمان مرة ثم يبص للدكتور
بص يا دكتور حاول تعالجة علي قد ماتقدر عايزة علي الاقل يتكلم عشان اقدر استجوبة واعرف منه لية منظمة الافعي بعدت اخطر اعضاها لمصر
في هذة اللحظة يرن موبيل السيد كامل فيخرج السيد كامل الموبيل الخاص به ويرد قائلا
ايوة يا صالح
ويسكت قليلا ثم يقول بعصبية وهو بيبص لعمر
انت بتقول اية خبير نايم قدامي علي السرير
ويسكت كمان مرة ثم يقول
طيب اقفل انت
وفتح النت علي موبيلة ودخل علي رسائل الواتس ولقي رساله من صالح عبارة عن مقطع فيديو لخبير وهو بيسيب شنطة جنب كنيسة خالية من الزوار وتنفجر هذة القنبلة فيغلق الفيديو مسرعا ويبص لعمر كمان مرة وهو هايتجنن والدكتور قال له
مالك يا فندم
السيد كامل
خبير فجر كنيسة دلوقتي
اتصدم عمر وبرق وهو عايز يتكلم ويقول كلام كتير، ،،،،،،،،،،
