رواية خفايا القدر الفصل الثامن 8 بقلم انين الروح

ولا تفتحين مواضيع نعرف منو جان اله اساس بزواجكم 

شنو يعني تقصدين جده .قصدج اني جنت اضغط ع عمتي 

كتلج ازهار سكتي ولا تخليني احجي موضوعج تره الكل يعرفه 

جراح من الاول مجان غاويج

ولا رايدج مره اله 

بس الله يسلمها ام جراح هي رهمت موضوعه

جده .تره ما اقبل ع كلامج وراح ازعل وتعرفين زعلي 

ونجبي ولصمي حلكج لا والعباس اكومن عليج بالعوجيه 

خايبه اذا تشوفين عمتج ساكته عنج تره انه غير يبنت قحطان 

انه الجده وكلمتي عالبيت كله ومايكصها السيف لا تخليني اعكس وياج

يله امشي من جدامي و روحي دلفي الغرفتج ولا تحاجيني 

جراح ..طلعت من البيت واني مطايق حالي 

صح موضوع الطفل بيد الله

 بس انه ما جنت راغب اخلف من ازهار اوووف يانار كلبي شيطفيج حتى من جانت تكلي خل نروح لدكتوره ماجنت اقبل 

تعال علي يادهر وخل اكعد وحاجيك 

سوالفك ماتنحمل خلهن مو ....وكتهن

خاطر....احجيهن...يجيني. ..الليل

واكعد...وانفرد بيهن...وافتح...بابهن 

فتحه...جناح الطير 

واراويك ....الجروح ألما مراويهن.

خلهن مو وكتهن. حتى اسولفهن. 

اطلع ضيم گلبي من اطلعهن

چثيرات الجروح.... وصعب اشدنهن

و اعز من روحي ذاك الي مسببهن

يجي يوم. انتلاگه وينكشف سرهن

خلهن مو وكتهن ....حتى اسولفهن

اشوكت راح ترحمين بيه يدنيا اشوكت راح يحس بيه الحبيب الغافل عني اسنين 

انه جراح الذيب الماهزته الريح ولا حركت كلبه شراع 

انه التفك للمايهابون

انه جمر النار لليخربون 

بس انه وياج ياطيف كلبي جسر للماكدرو يعبرون 

ولج جن البارحه انه شايفج ومحاجيج 

ولا جن سنه ونص عنج غايب وحك ربك الكون عني ماغبتي ولا يوم 

انه الصدك الكالوا عنه بطيوفج تغمض العيون 

يمته اشوفج يانبض كلبي ...وبكلبي ادفنج ومنه ما ارضه تطلعون 

صارت ساعه وحده باليل ارجعت للبيت بس جنت اتمنى الكه ازهار نايمه 

دخلت وتفاجاءت بوجود زينب اختي 

هله وميه هله بخوي الغالي 

هله بيج ورده والله مشتاكلج 

واني مشتاكتلك بكد رحمه الله 

ولج زينب انتي ليش ما تجين يوميه النه 

والله ياجراح تعرف بيت العيال والزوج ما الحك والله والنوب هاي احبالتي مطلعه روحي جن بس انه الحامل شثكل حركتي بيها 

الله يكومج بالسلامه 

ربي يسلمك ياعمري ..تعال سويتلك عشه يجنن 

فدوه الكلبج ياورده بس صدكي ما اشتهي اكل 

ادري بيك ماتشتهي بس اكيد جوعان 

لا وعيونج ماجوعان بس تعبان

تعال ولا تردني سويتلك حميسه لحم من هاي التحبها 

ولج يكعد ع كلبي 

لا ماكو شي يكعد ع كلبك مادام انه وياك يله اكعد خل ناكل انه وانت سوه 

يله صبريلي خل اغسل 

كعدنه اني وزينب وسالفه تجر سالفه 

......؟ياخوي انت ليش مارحتلهم بعد البنيه جانت اكبال عينك وانت تعاملت وياها بخشونه من الاول وما افتحت الها كلبك ليش ياجراح انت ليش 

قاسي ع حالك 

زينب تعرفيني اني خشمي يابس وماحب اركض وره ابنيه هاي السوالف مو من عمري انه الف واحد يهاب من كلمتي ترديني اروح لبنيه وكللها انه احبنج 

جراح اليهابك هذك بالديوان وي كعدت الزلم والفصول 

بس هاي لا ......هاي ابنيه مايحوز هي تجي الك وتكلك انه احبك 

هاي تطلع منك انت ياخوي 

ما يفترض مني اصلا اجي اكلك لازم انت تعرف هالامور 

اعرف يازينب بس شسوي الشخصيتي المتعبه احس الكلمه مني اذا طلعت مو ابمكانها انه ما اسوه شي

جراح هذا حب مو قرار يخص السلف 

اوووف يزينب تمزك كلبي الف قطعه 

جراح لاتسكت روح وحجي وي ايوب وكله رهف حب نبض كلبي ولا تسكت بعد 

لازينب امشي عليج العباس لا تحجين ولا تكوليله شي عني وعنها 

يكفي انه انحرمت من حب حياتي ماريد احرمه من حبه الها 

بس جراح انت هيج جاي تحرك روحك بروحك راح اصير اكبالك وكدام عينك وقريبه يمك بس هي مو الك 

زينب انه اتحمل هاي شبيج انه ما ابقه بالبيت اروح اكعد ابستاني انه جراح الذيب 

اعرف ياخوي وهذا الجنت خايفه انه منه تعرف بيتك وتروح 

هذا مو بيتي بيت ابوي والكل يعيش بي انه بيتي بالمزرعه 

لاتكول هيج هذا البيت ما يمشي اله ع حسك وحس ابوي 

اعرف يزينب 

شتعرف يجراح شتعرف بس الى متى تبقه تتهرب من حبك 

النهايت العمر زينب وخليها في بالج وحق الحسين

اذا اسمعت كلمه منج طالعه عليها الايوب او واحد ثاني ما احاجيج طول العمر 

وعتبرج ميته ومايطخ الساني بلسانج فهمتي 

اي خويه لا تشيل الهم انه سرك وبيرك 

يله خل اكوم الساعه ٢ صارت باجر وراي طريق 

وين رايح ...انودي الفاكهه للمحافظات 

ليش انت مو مسلم هالامر الرضا 

اي بس اريد انه اروح الباجر وياه اريد اشوف الطريق شلونه مأمن الهم لا 

تروحون وترجعون بالسلامه ياخوي 

ربي يسلمج ورده 

..................

يحجون واني اسمعهم 

وطعناتهم بكلبي ما تمنعهم 

دموعي عالخد تجري 

ولا واحد منهم حمل صبري 

اووووف ياكلبي هم ترجع وتذكرهم 

لو كافي بعد منريد خاطرهم 

تجويت ابنار سوالفهم 

ولا جن اليحجون عنه جان ولفهم 

دم عيوني صبت 

والف اااه ابصدري نبتت 

وانه الصافن على دهري 

هم يجي يوم وبكرهي افاتحهم 

وكشف المضموم سنين 

وخلي دموعهم سيول اصير 

اوف ياكلبي شكد تحملهم

كافي علاء تره كوه دا اتحمل وجودك انت متعرف شيصير بيه من اسمع انك جاي البيت اهلك 

رهف تره اني هم جاي اتعذب مو بس انتي 

لا علاء انت كذاب انت رحت وزوجت شيماء وعفتني 

وحجتك جانت اني صغيره 

رهف تره اني ماكذبت عليج الف مره كتلج شيماء بنت صديق ابويه وقبل لا يموت الرجال هو خطبني البنته لان جان يعرف بنته مالها احد 

غيره ابوها هو

هي يتيمه ام وقبل لا هو يموت راد يزوجها حتى يرتاح 

وتعرفين اني شكد اتحديت والدي مو حتى اطلعت من البيت وعفته الهم شهر وما رجعت اله بالتواسيل 

اي علاء رجعت بس شنو حققت رحت وزوجتها 

رهف بعد مكدرت اعارض والدي اكثر اني ماريد اخسر ابويه 

بس تخسرني عادي مو 

ولا اخسرج بس اني صرت في امر محرج منا ابويه ومنا صديقه بحاله حرجه ويريد يموت ومنا شيماء ومنا انتي 

  فهميني شسوين في ساعتها 

رهف ..اي حقك والله 

صح اتخله عن حبي وحب اسنين واروح ازوج انسان ما اعرفه وعادي اعيش وياه واخلف منه اثنين 

رهف خلي في بالج انتي حبي الاول ولاخير 

وشيماء زوجتي وام بيتي وام جهالي 

علاء .انت هسه جاي تحجي ويايه شتريد مني ليش اصلا جاي تحجي ويايه انت شفت حياتك وخلص موضوعك 

رهف اني طلبت اشوفج وردت احجي وياج بموضوع 

شنو موضوعك 

رهف اني اسمعت بيت عمي جايين وطالبين ايدج ..

رهف ارفضيهم تره ماينفعوج بالاخص ايوب 

اي صحيح ..واني وافقت بيهم ودزيت الهم خبر 

صدك تحجين 

اي ما اكذب عليك اني صادقه مو مثل بعض ناس

 كل كلامهم ويايه كان كذبه حتى حبهم الي طلع كذبه 

كافي رهف طكت روحي لا اني اول واحد ولا اخر واحد يحب ومايزوج حبيبته 

صحيح كلامك مو شرط نزوج النحبهم 

وهاي اني وافقت ع ابن عمك لان انسان حبني من غير ما احبه اني

واجالي وتقدملي واني موافقه بي

يطبج مرض انتي حره عبالي اجي وقنعج ما توافقين لان حياتهم بالنسبه الج صعبه واني اعرف الناس ابولد عمي 

اشبيهم مو خوش ولد تقصد 

لا مو هذا القصد بالعكس شباب وزلم ونعمه الزلم

بس كتلج حياتهم صعبه بالنسبه الج 

عادي علاء لتشيل همي اول وتالي اتعلم ع اطباعهم وعاداتهم مو غريبه

شيماء وتعلمت عليك 

كافي رهف كل احجايه وجاييه طاري شيماء 

لا بس حبيت اذكرك شيماء من غير مله ومن غير ناس وانت ازوجتها 

يعني شي عادي الغرب ياخذ الجنوب مو شي صعب 

انتي مراح تفهميني ولا راح تفهمين شقصد في كلامي 

علاء اني كضيت كل ايام حبي الك وانت اتكلي مراح تفهميني ماعرف شنو شتريد وشلون افهمك ههه

😏😏😏 زهكتني حتى بطريقه فهمك 

اي رهف اني العليه جيت وكتلج ابيت عمي مايرهمولج وبقت يمج 

زاد الله فضلك اخويه علاء 

هااااا هسه صرت اخ مو ست رهف 

اي اكيد انت اخويه وتعلم ع هاي الكلمه لان يمكن راح نلتقي اهواي ابيت عمك 

تصبحين ع خير رهف 

تلاكي الخير علاء 

عفته ورجعت البيتنه والدمعه بعيوني والحصره بكلبي ومختنكه اريد بس اعيط بس ابجي بس اطلع واركض ونهزم من هالعالم المر 

عالم كله خداع وكذب وفلسفه بالكلام 

بجيت😭😭😭😭 الحدما اتعبت 

اشرجعك يا علاء ما صدكت نسيتك ليش ارجعت دكيت بابي اني كوه طلعتك من كلبي وعقلي ليش ارجعت ظهرت اكبالي ليش يا علاء

تدري اسويت بكلبي اليوم 

كل ضني جاي وتكلي كلمه حلوه اترجع نبض كلبي الي الفكدته من ازوجت قبل سنتين اووووف ياكلبي المكسور 💔💔💔💔💔 شيردك ويلحمك 

طبعا متعرفون اني كنت حيل احب علاء ابن ام علاء هو صح اكبر مني بخمس سنوات بس اني عشكته عشك مجنون عشك مراهقه كنت اني اراقبه من يطلع من يفوت اعرف كل حركاته مشيته حبه للاغاني وللاكل للسفرات هو كان خامس اعدادي واني اول متوسط 

كانت مدرستهم تبعد عن مدرستنه بشكم متر فقط 

كنت انتظره والله بالشارع حتى يمر من يم مدرستي واظل امشي وراه اني وصديقتي 

صدك كنت متيمه بحبه صرت مجنونه بي

صار هو كل حياتي حتى صديقتي سمر كانت تضحك عليه

تكلي طلع كلبج جنت اسمي كلبي 

وبيوم كان راجع من مدرسته وصرت اني اكباله انثولت عثرت من غير ما انتبه ع حالي وكعت وصرت كلي تراب هو شافني ساعدني وشال جنتي هو يعرفني اني اكون جارته بس هو حيل ثكيل ولان وكعتي كانت قويه حيل بحيث رجلي صارت بيها رضه قويه حتى ورمت ابوكتها قرر هو يوصلني البيتنه 

شال جنتي ولزم كف يدي وظلينه نمش كوه بالطريق 

وهنا كنت اتمنى اكله اني احبك لا مو احبك وانما متيمه ابحبك 

بس مكدرت خجلت منه وبعدها تحسنت رجلي وصرت كل ما اطلع من مدرستي اشوفه اكبالي يبتسملي وامشي وراه

الفديوم اشرلي عالكاع انتبهت اكو ورقه رحت شلتها ومن ارجعت للبيت ممصدكه هاي رساله منه 

افتحتها والبهجه مرسومه ابوجهي رسم الفرحه اكبر من الدنيا كلها 

افتحت الرساله وكاتبلي بيها عن احساسه اتجاهي واعجابه بشخصي واخيرا كاتبلي اني احبج 

ماصدكت القريته مصدكون اذا اكللكم رسالته الحد هسه ضامتها ومغلفتها بغلاف وجيس حتى متخرب وظل محافظه ع قوامها وحبرها 

وصارت ابينه علاقه حلوه نظيفه مابيها اي خدش او اي احراج

حبنه حب عفوي حب جميل طالت علاقتنه سنتين وبس اخته رشا كانت تدري ابحبنه

لان هي كانت المرسال ابينه وهي اصلا صديقتي

وكانت حيل تحبني وتتمنى اكون زوجه اخوها بس حلمي تهدم بلحضه وبيوم كنت ما اصدك السمعته ما مستوعبه الصار معقوله كان يكذب عليه ابحبه الي

معقوله كان يشوفني طفله ويضحك عليها 

مريت في اصعب مرحله بعمري مرحله الخيانه والغدر والكذب مرحله متنسي اتمنى شريط حياتي يعود وكصها من سنه ٢٠٠١ الحد سنه ٢٠٠٣ 

حتى ارجع رهف الفقيره الفطيره المتعرف شي بالحياه غير العابه والملاعيب 

يمكن راح تكلون اسكتي انتي بعمر صغير وحبيتي 

بس اني اكللكم صدكو ماكنت

اعرف شنو معنى الحب 

اني كنت اشوف علاء مثل اب كنت اتمنى انرمي بحضنه واحس ابحنانه تره الفاكد اب هو وحده اليعرف هالشعور 

كنت من اشوف صديقاتي اباهم يجون للمدرسه ياخذوهم او بجتماع اولياء الامور يجون اني كنت ابجي وحدي احس بالنقص احس فاكده الدنيا كلها

وعلاء هم جارنه وقريب بيتهم علينه وطيبته كانت ويايه حسستني هو والدي الفكدته حبيته حب اعمى حب ماينوصف 

يمكن تكلون هذا حب ابوي .اني اكللكم يمكن كان بالاول حب ابوي 

بس وراها لا صار حب عاطفي حب رومانسي حب مجنون 

بس بعد شيفيد كل هذا الكلام صار مجرد كلام مو اكثر

هو بعد ازوج وخلف واني هم لازم ازوج وانساه بعد للابد

قبل الحرب بشهرين ازوج علاء من بنت صديق ابوه 

شيماء واول ما ازوج طلع منهم وعاش ابيت زوجته لان كان ابو شيماء وضعه حرج ومو مال واحد يعوفه الحاله فقررو يزوجون ويعيشون يمه 

وهو اصلا بيت شيماء لان هي الوريثه الوحيده للبيت 

يعني من صارت الحرب علاء ما اجه ويانه البيت جده للبصره

بقه ابيته ويه زوجته وعمه ابو زوجته وبعد الحرب بخمس شهور

سمعت ابو شيماء مات واني كنت كل ما اسمع علاء يجي البيت اهله اموت الف موته بالدقيقه 

طبعا رحت مع بيت ام علاء الكرايبهم حتى انسه ابنهم وما افكر بي لان اني مريت بأزمه عاطفيه جدا حرجه عليه

حتى امي في وكتها كانت حيل خايفه عليه بس كنت اتحجج بالحرب وخوفي من الحرب صح عشت ابيت كرايبهم وتعرفت ع ايوب الشقاوجي اليحب يشاقه وينكت وتعرفت ع جراح العنيد القوي الشخصيه كنت ساعات احس بي يتقصد اذيتي وساعات احس بي طيب حنون عليه

كانت مشاعري ما اعرف شلون اوصفه الكم ظليت افكر بكلام علاء اليل كله اسرحت بخيالي وسترجعت عشكنه وسوالفنه الحلوه واحلامنه الورديه بس صحيت بواقع مر 

شــحـــجيلك بعد ما ظـــل حجـي الينگـال

اظــــــن خــيـــــــر الكلام وياك مــا قــــله

لان اشما اســــــــولف انتـــــه بيـــه تلوم

وعلى ابــــــسط احجــــــــاية اتدور الزلــة

مو هيج العشگـ احســبها مـــــــرة وشوف

وخــــل گـلبــــــــــك

يدلك انـــــته لـــدله

راح تشوف زيـــــن وتـــعـــرف الــموضـوع

اليعشگـ صدگـ مـــــــــــا يجرح بخـــــــله

ممنــــــــون على جرحك هذا حظي وياك

وشـــكرآ عـــل الحــــــزن و اااه ياخله

امي ردت خبر البيت جراح بالموافقه وكالتلي الناس اليوم يجون ويطلبوج من عمج 

راحت امي ع عمي وكالتله وكاللها خل يجون البيتي هو كاعد بالعطيفيه اني قبل موعد جيتهم بيومين رحت البيت عمي

لان عمي طلب يشوفني ويحجي ويايه 

وفعلا اخذتني امي وبقيت يمهم واليوم جمعه الكعده مال الزلم 

حضرت حالي ورتبت نفسي لان جاين ام العريس وخواته ايضا وهاي كاعدين ننتظر جيتهم النه

.......

يارا ..كل ما اكول راح اروح الرهف احجي وياها تطلعلي شغله تنسيني الموضوع 

وذكره بس باليل وما اكدر اطلعلها محد يخليني اروحلهم باليل

بس اليوم قررت اطلع الظهر واروح احجي وياها ع ايوب ان ترفضه لان اني احبه وما اسمح الوحده تاخذه غيري 

طلعت دكيت الباب مره مرتين ماكو 

ردت ادخل البيتنه بس هم رجعت دكيت الباب اخر شي رجعت وشفت ابنهم احمد يمكن راجع من شغله وكفت سئلته 

شلونك احمد

اهلا يارا 

شنو ماكو احد ابيتكم 

لاوالله امي اخذت رهف وراحت البيت عمي محتاجه شي 

لا سلامتك شكرا 

اهلا يارا

مع السلامه ...الله وياج 

شوف الحظ يوميه ما اذكرهم واليوم لان اذكرتهم يطلعون همه ماكو بالبيت 

.......

جراح ابوي اخذ عمي الوسط وابنه فهد وفياض وعمي الثاني سعد وعمي ابو علاء حتى يخطبون الايوب وراحت وياهم امي والبنات 

بس انه ما رحت مكدرت كلبي توجع حيل ماريد اشوفها تنخطب الاخوي 

صدك مخطوبه يفلانه 

وصدك باجر يزفونج 

عسى لا يجي باجر وشوفن دمعه عيونج

.....

رهف ..جوي الناس وتمت خطبتي ع خير وابو الولد كال باجر نطلع نكطع مهر حتى ما نطول بالزفه لان الوضع والشارع ميطمن 

بس عمي طلب منه ينطينه وكت فد يومين ثلاث ع المهر حتى يستعدون 

ابو جراح .ما عارض عمي ابو طه يجرلك بس اعذرني انه بعد ما اجي ولا المره اخلي ايوب هو واخوه يجون 

لان تعرف انت الوضع 

لا تهتم ابو جراح يكفي جيه ايوب وبس هو بعد صار ابنه 

..

طلعوا الناس بس اني بقيت ابيت عمي مرجعت للبيت ماعرف ليش احس روحي مقبوضه والدمعه ساكنه بعيني 

...

يارا .رجع بابا شفته لابس دشداشه بيضه وغتره طالع صدك شيخ كلبي شكبره صار من شفته بهالشكل الحلو

رحت ع امي اسئلها وين جان بابا بهلبس 

والصدمه الي خلتني افقد وعي ونضرب راسي بقوه بالمحجر 

نزلت غرفتي وصار بابا بوجهي مشت وراه امي اشرتلها توكف 

ماما وين جان بابا وهيج طالع كمر

حبيبتي يوم الج ..جان ابيت عم رهف اليوم جانت خطوبتها ع ايوب ابن عمج جبار 

اني من سمعت الخبر حسيت ظلمت الدنيا بعيوني وفترت غفل وبدت الكاع تتقرب الي اكثر واكثر واكثر محسيت اله ع طبه قويه ورجعت غمضت عيني 

....

فتحت عيوني بالمستشفى امي كالتلي صاير عندي انهيار عصبي ورتفاع بالضغط ولازم اخف من العصبيه لان موزينه هاي الحاله تنعاد 

ظليت ابجي واني عالفراش

امي ظلت تتوسل بيه بس تريد تعرف شنو صار بيه وليش هيج انهاريت

بس مفتحت حلكي ولا حجيت شي

لان شحجي شكول 

اكللهم حبيبي اختار وحده ثانيه وراح يزوجها لصمت حلكي وسكتت افضل 

حيل صعب من اتعيش الحب والتحبه يكون مو الك 

تمنيت رهف ماكو او ايوب ما شايفها 

تمنيت ايوب جاي خاطبني 

تمنيت السمعته ماكو منه صحه 

تمنيت وتمنيت وتمنيت 

الفصل التاسع من هنا