رواية خفايا القدر الفصل التاسع بقلم انين الروح
امانه الله الينسخ وينشر قصتي بغير مكان
لا يحذف اسمي
رهف ..ثاني يوم رجعت البيتنه اني واهلي وسمعنه خطيه يارا نايمه مستشفى
العصر ماما اخذتلهم صندوق عصير وجيس جكليت ورحنه عليهم
خطيه كان مبين ع وجه يارا الشحوب والتعب حتى تحسها ضعفانه
فتت وسلمت عالجميع والبنات رشا ومها باركولي
بس يارا ابد مسمعت منها اي كلمه
تقربت عليها اريد اسلم وبوسها هي دارت وجها لصفحه الثانيه
اني استغربت هاي اشبيها ليش دارت وجها
شنو بيها شي يعدي وخافت عليه
التفتت ع رشا اشرتلي بيدها اعوفها
ارجعت وكعدت عالكرسي وبدن البنات يسئلوني عن التحضيرات وسوالف العرس
واني صح كنت احجي بس ماكنت احس بالسعاده عبالك الموضوع ميخصني
انتي شلونج رشا عالزواج مرتاحه
الحمدلله هو ماكو شي اسمه راحه بس هاي بعد سنه الحياه
صدكتي والله اوووف من هالسنه الي مكتوبه علينه ياريت ماكو هيج شي ونعيش احرار طول عمرنه ميحتاج نزوج ونتكاثر كافي الموجودين
ولج حرام كافي هيج تحجين هاي سنه الله هو الوحيد الي كاتب هيج تكون الحياه هو مو خلقج حتى تتونسين فقط
خلقج حتى تتعبدين وتشكرين وتتحمدين ع كل حال
الحمدلله والشكر ع كل حال
اي عفيه هيج اريدج
ولج وجع شنو احد كلج رهف كافره لو متحمد ربها
لا حبي انتي مؤمنه عالحتياط
انجبي اني اصلا ما افوت فريضه عليه
لا صدكتج ...وجع رشا كافي راح اكوملج
لج عوبه تعرفين شنو الي مفرحني بزواجج من ابن عمي
اي بله شنو
راح اتكونين يمي قريبه عليه اشوفج كل فتره انتي صديقتي ولاحكتني بكل مكان تكولين صمغ ولازكه بيه
هااا صرت لزكه اني زين لعد كتيلي حتى افصخ هسه
ههههههه غير لو تكدرين تفصخين
ليش عيني ما اكدر
انتي متعرفين بيت عمي اذا لزمو شي بيدهم مايهدوه اله يموت
لا عيني هذا زواج اذا شفت ابن عمج مينطاق ما ابقه وياه كبل افصخ
رشا ..رهف عود اخذي بدله دلع مو ردن تره محلوه تصير عليج
رشا هيج حجت وجان يارا اتعيط بينه كلنه كافي اسكتوا طلعوا من الغرفه
اريد ارتاح اني ☹☹☹
ماعرف شكو وليش يارا عاطت بينه
احنه حتى مازعجناها بالحجي
طلعنه رشا اشبيها يارا
والله ما ادري
وانتي مها هم متدرين
اي هم ما ادري ..بس يمكن تعبانه ومريضه والهيج متنحسه علينه
رهف ..الله يشفيها بسرع وقت
مها ..تعاي احجينه شلون قنعتي بيهم
اني مقنعت بس امي اصرت عليه وكالتلي اكمل دراسه يمهم وكدام نظر زوجي
شفتها فكره حلوه هم اتريح امي لان دووم شايله همي اني واخويه وهم اني اكمل دراسه
يعني انتي راح تزوجيه بدون ما اتحبي
اي طبعا اني ممفكره بي اصلا وحتى نسيت بيت عمكم ماعرف شذكرهم بيه وجولي
مها ..والله اصورتج اتحبي وقابله تعيشين وياه بالريف والبصره
لا والله حبيش مها 😏😏😏الحب ميوكل خبز
الانسانه من تفكر تزوج لازم
اولا تفكر شلون اتأمن ع حياتها مع زوجها
مو والله حبيته وهو عطاله بطاله
زين ازوجنه شلون راح نكمل حياتنه خلفنه الطفل ميحتاج لكثير امور
هذا الوكت مو مال حب وزواج
وكت تفكير ودراك للمستقبل قبل وقوع في مطب الزواج
رشا ..النوب صار مطب
اي هو عثره بس لو تكومين منها بسلامه وبدون اضرار
لو تتكسرين وظلين معاقه وتعبانه
والله تفكيرج يارهف يخوف
مو يخوف بس هو هذا المنطق الصحيح لو ازوج صح لو اصلا ما اورط حالي بالزواج وطفالي يكونون الضحيه
مها ..بس ع هذا كلامج محد راح يزوج
لا يزوجون ويخلفون ويرجعون يطلكون كومه اكو هيج عبالهم العرس بس بدله بيضه وزفه
رشا ..اي والله صدكتي هسه هذا حمايه لا شغل ولا عمل وتعال يوميه جاي
ع زوجوني اريد ازوج
وامه تكله اشتغل حتى تصرف عليها
يكللها انتي والوالد موجودين مايحتاج اني اشتغل
وتعاي شوفي يوميه كابه عدنه بالبيت
اي رشا هذا حماج كون يمي ودكه بالصونده وشوفه الله حق
من انت تريد تورط بنت الناس وياك غير بالاول تأمن حياتك انت بالاول لو هي بس عرسوني وزفوني
الانسان من يزوج تنفتح عليه باب من الطلبات وما تنسد بعد ابد
هذا بطران بس يورط بنات العالم وشهر تعالوا طلكوني والبنيه تكون حامل ويضيع الطفل بين امه وابوه
والله يارهف تفكيرج ذهب ياريت الكل يفكر هيج مثلج صدكي حتى طلاكات تقل
الله كريم لابد تنحل
شلونكم بنات
هله والله شيماء تعالي شاركينه الكعده
لا بس جيت اسلم عليكم لان راح نمشي
علاء مستعجل بس كلي يشرب جاي ويطلع لان راسه يوجعه
رهف ..اني اترخص
مها ..هاي وين تو الناس يمعوده
لا والله مها اريد ارتاح حاسه ابتعب بجسمي
ع راحتج رهوف والله نورتينه وسعدتينه وكلامج كان يجنن
تسلمون ياوردات سلمولي ع يارا هواي
علاء ..هاي منو يمنه ..رهف
اهلا ابو سجى شلونك
هلو رهف انتي شلونج ..هاي وين
اريد ارجع للبيت
ليش مو كاعدين وسوينه جاي
لا تسلم اريد ارجع والله
خاف ضجتي او خجلتي لان اني بالبيت ودخلت عليكم
😳😳😳 لا انت شكو ..اصلا انتوا كلكم مثل اهلي متعوده ع شوفتكم انت والولد حتى عمو والبنات ف ليش يعني اخجل منك
انتوا الولد مثل اخويه احمد اعتبركم والله ويمكن اعز
تسلمين ورده ..وانتي ايضا مثل خواتي مها ويارا
واني شو نسيتني
ها العفوا ورشا ايضا
تسلم ابو سجى
تسمحولي بعد
طلعت وبعيوني دمعتي حسيت عطره نمزج
ويه دمي ردت ابجي من كلامه
شكد حقير هسه صرت مثل اختك وقبل كنت اصعد وانزل بنفسك
شكد اكرهك ياحقير الله لا يجمعني وياك بعد حتى ما ارجع وفكر بيك
كلولة ما بيه كلمة عتب كلولة موش بعازتة
الاعمى لو ردلة النضر ينكر فضل عكازتة
اوووف ياعلاء نكرت وجودي وياك وبلحظه صرت اني اختك
حالي حال مها ورشا مع الاسف والله ضاع بيك الحب السكن كلبي ايام وليالي وشهور وسنين
..........................
جراح ..هايابه صحتني
اي وليدي اكلك الباجر تاخذ ايوب البغداد بس يعقد اخوك عالبت وترجعون انه ماريد ادزنه وحيد
يابه هو اشعليه اذا راح وحده
لا يابويه الطريق مايأمن وانه اخاف عليكم انتوا صح زلم واسمكم يهز الكاع هز بس الدنيا متتأمن اوليدي وهالتشوف وتسمع يوميه واحد انكتل واحد مات
يابه بس اني عندي
جراح بدون بس كتلك تاخذ اخوك وتروح هي حسبت يوم يومين خوما مكلفك بشي صعب
حاضر يابه تأمر امر ..يله اني رايح العلوه السمج
اكلك ..ها يابه ..عود جيب وياك شبوطه شو عاجبني اكلها عالعشه
عالعشه يابه
اي شكو ليش يعني مستغرب شني قابل ما ماكل سمج باليل انه
لا يابه ماكل بس هاي قبل مو هسه
ليش هسه شنو الصار
بويه انت كلبك مو تعبان والدهون مرتفعه عندك
وك كتلك اريد اشويها
ماتضر الشوي ع صحتي
انت حر يابه بس العليه انه كتلك
ولك خايب عوف نصايحك النفسك جاي يعلمني
شاكل صدك لو كالوا يطلع طير من خلفتك يعلمك عالطيور وشكالها
عباس ..وينك
ها حجي
ولك امشي سويلي استكان جاي وجيب من ابو فلاح جركه ام الجبن ابساع
تأمر حجي
والله هذا ابوي ورطني ورطه اكله ما اكدر اروح وهو يكلي لازم وماعرف شني
هسه هو زلمه خل يروح وحده شني انه بعد وجودي وياه
..اكعد اطش جكليت ع راسه يعني لو اهلهل اله
وتعال شوف هاي الماجاي تطلع من راسي
اشوفها فرحانه بخطوبتها والضحكه ماليه وجها
وانه من يمي اشب ونطفي
ايوب ..هاي وين شارد جراح
طاحضك هو هيج.... طلع صوت احجي
يابه شدعواك فزيت فتت وسلمت وحجيت بس انت الشارد وسارح الحالك
منو ماخذ عقلك
انت يلثول
اني ....؟....وبيش ماخذ عقلك كلي خل اسمع
ابوي توه يكلي اخذك ونروح البغداد تكطع مهر ونرد
صدك تحجي جراح خرب 😃😃😃😃😃 وانه جايلك هسه واريدك عود تحجي وي الوالد وتقنعه خل باجر نروح نعقد
اااااي واخيرا راح اشوفج ياملاكي
هاي اشبيك تخبلت شسالفه الزم نفسك اشويه قابل انت مراهق لو مامصدك راح تعقد
والله ياجراح لو تعرف وتعيش الفرحه والهفه الي بكلبي جان عذرتني
هو انه الما ادري انه كلي احساس بس انت الماجاي تفهم شجاي اسوي بيه انت
ولك جاي تذبحني بسجينه عميه وانه اخوك
هسه الحجي بس النفسي كلته
يله جراح اني رايح
وين وين اوكف
خايب جراح اريد اروح للحلاق وستعد الباجر
صدك انت تحجي والشغل والسمج هذا المكوم المن اعرفه
جراح والحمزه ما اكض شي اليوم
انه اليوم انسان ثاني اريد الحك عالحلاق وسبح وتعطر حتى اعيش ليله من عمري
جراح ..لك صير زلمه ولاتهزك مره
ايوب ..خويه عوفني بس اليوم انطلق ابعالم الهيام والحب عوفني اسرح وي شذا عمري و وجداني
روح وكافي تمسلت جنك ابن الخمسطعش راجع مراهق
بست راس جراح ونطلقت للحلاق
.......
ماما رفيف هم تجي
والله يا امي ما اعرف بس اني اكول عليمن جايه هي وجهالها والبهذله بالطريق والخوف خليها ابيتها احسن شو هي بس نعقدين وترجعين لا حفله ولا شي
بس ماما ميصير غير اختي تكون موجوده
امي حبيبتي بهذا الوكت كلشي يصير هي تعبانه وجهالها صغار مترهم تجي والطريق بعيد
عود ابعرسج خل تجينه قبله بشهر اهلا وسهلا بيها هي وجهالها
خوما اني ماريد جيتها بس لازم الواحد يفكر عدل تجي وتتبهذل وع شنو شو لا حفله ولا شي
ابكيفج ماما الترتاحيله سوي
الله يكملج بعقلج يابنتي
احمد ..يوم وينج
ها يمه رايد شي
اي يوم شو جوعان واحس روحي مايعه
هاي شكو مو توك اكلت كيك وجاي
ماعرف يوم شو صاير اجوع هواي وعطش هواي حتى اروح للحمام هواي
والله ياحبيبي ما اعرف يمكن لان جسمك كبر محتاج لتغذيه زايد
هسه حكوم اسويلك طماطه بالدهن
اي فدوه يوم ولجعيها زايد وخلي عليها سن ثوم فدوه
صار تدلل
..............................
ارجعت للبيت راسي ما متحمله من الوجع والدوخه يمكن رجعت صعدت عندي الزوجه مال الدم لازم ارجع اذب فد بطلين دم حتى ارتاح وهذا الضغط يهود اشويه والله تعبان محتاج فتره سفر وراحه
استقبلتني هاي
جراح انت شعندك رايح
وين رايح مو يمج اني هسه
لا باجر ليش تروح ويه ايوب هو زلمه يكدر يروح بغداد وحده
انتي منو كلج وليش تدخلين بامر ما يهمج
وانت شكو رايح وياه هو شنو ميندل الطرق
اكلج 😠😠😠😠😠اني راسي ساطرني مالي خلكج انتي تحجين سنه عبالج دقيقه وخري عن طريقي
جراح ماريدك تروح وياه
شنو عيدي مسمعت
اي لتروح
شوفي اني جراح الذيب ما امشي بشور احد مو عاد النسوان شي ميعنيج هذا
حطي السانج جوه حلكج وسكتي
عفتها ومشيت ....
بس اني اعرف انت عليش رايح
تروح تريد تشوفها
ارجعت التفتت عليها ورجعتلها الزمتها من شعرها بقوه وعتيتها
المن تقصدين بكلامج
اكو غيرها يعني ست الحسن والجمال
الي اكلت عقولكم انت وايوب والله اعلم المن بعد
وجبتها براشدي ولزمت فكها عصرته بيدي بقوه سمعيني لج
هذا حلكج اذا انفتح بعد وجبتي هالطاري كدامي او كدام من يكون صدكي وعتقدي بالله ثانيه وحده ماتضلين ع ذمتي فهمتي
البنيه شريفه وحبابه واني ما حبيتها ولا جنت مفكر بيها ولا هي الها علاقه بينه
واذا اريدها هي متبعد عني جان من قبل سنه اني مزوجها بس اني مرايدها
وياني اياج اسمعج بعد تحجين هالكلام قسما بذات الله السانج هذا اكصه ونطي لجلاب السود افتهمتي
هزت راسها بمعنى اي
اااخ اذيت فكي اشبيك انت
هاي كرصه حتى كلامج هذا مينعاد
روحي يله ولي عن وجهي ماريد اشوف جهرتج الزفره
عفتها وطلعت والنار كابه بصدري اطفائيات العراق كله ما تطفي ناري كوه الزمت نفسي عن تكسير ازهار
والحمزه غير لو حاجيه كلمه زايده اله اموتها ابمكانها
بس زين مني اصبرت وتماسكت بروحي
رحت لديوان عندي شغل كعدت اشتغلته ضبطت الوضع شلت راسي واشوفها ساعه خمسه الفجر
لميت الاوراق خليتهن بفايل سوتلهم خطه وطلعت الغرفه ايوب
ايوب اصحه يله كوم صلي وخلينه ننطلق ورانه طريق طويل
اي كايم بس عوفني خمس دقايق بعد
والحمزه اذا ماكمت هسه اني ابطل وما اروح وخلي ابوي يطيح حضك
لالا يمعود هاي كمت كلشي ولا توصل السالفه لبوي شيخلصنه بعد
يله كوم زلم متجي بالدلال اله بالكفخ
اكفخ اخوي ع راحتك منا الباجر
مراح اهتم اهم شي عندي هسه اروح البغداد واشوف مهجه حياتي
كوم يله راح يرجع يمسلت كدامي
هاي كمت ارتاح يجراح
صلينه ونطلقنه البغداد تقريب ساعه ٨ الصبح مرينه يم مطعم نزلنه تريكنه وايوب اخذ علبه كاكاو الخطيبته و ورد احمر الون
اني كل هاذ جاي بس اباوع وحرك بدمي حرك
وصلنه البغداد حدود العصريه
واني امشي ١٤٠ ..١٦٠ كل ما ازيد السرعه يصير رتل اكبال وجهي ورجع اخفف طفرت روحي
وصلنه البيت عمي ابو علاء استقبلونه احر استقبال
يارا ..كنت امدده ع جربايتي وكنت سرحانه بخيالي وذكر شلون كنت اكعد يم ايوب واسولف وياه وهو يضحكني ويشتريلي حلويات
ليش هسه هو مخطبني ليش خطب رهف
بشنو هي احسن مني
وسمعت البنات تسلم وتمرحب بخطار
دخلت مها تركض للغرفه
هاي اشبيج تركضين
يمعوده ماكو حجاب ع راسي ودخلوا جراح وايوب علينه
يارا ..منو اجه 😮😮😮
مو كتلج ايوب وجراح
كمزت من مكاني عدلت نفسي خليت شال ع راسي ونزلت اركض حتى قبل مها نزلت والله ردت انجبح ع وجهي لوما الله ستر والزمت المحجر
اريد بس افوت حتى اسلم وشبع عيوني بشوفه ايوب حبيبي
رحت الامي تحججت كدامها اني افوت المي الهم
اخذت الصراحيه والكلاص ودخلت سلمت ونطيتهم مي
وصلت امام ايوب ...هو ما منتبه الي جاي يحجي ويه ابويه
واني بعد سرحت بشكله طالع كيكه يجنن شكد حلو وشكد مهتم النفسه واني ادير المي فاض الكلاص ونجب المي ع بنطرونه هو فز
اني اسفه ايوب
لا عادي عادي لتشيلين هم هو مجرد مي اشويه ويبس
اعتذر ايوب
عادي عزيزتي
هي كلمه عزيزتي ذوبتني شلون اذا يكلي حبييتي
اووف يا ايوب لو بس تحس بيه ولو اشويه
ايوب ..عمي اسمحلي احنه هسه هم نكدر نطلع نكطع مهر
اي اكو دوام مسائي تكدر تاخذها وتروح المحكمه اليرموك
يارا ..من سمعته هيج يحجي تمنيت اخنكه وما اخلي يخطو هالخطوه شلون اسلمك الها يانبض كلبي
ايوب اني احبك حس بيه ليش هاملني
جراح .ماطول اكو دوام مسائي خل ناخذها وتكطعون مهر
ابو علاء دزنه خبر البيت ابو احمد خل البنيه تجهز حتى تروح ويانه للمحكمه
ام علاء وينج
ها عيوني ..يابه روحي ع ام احمد ونطيها خبر تجهز هي وبتها حتى يرحون هسه يعقدون
اي صار رايحه هسه الهم
يارا ...طلعت امي منهم وكفتها .....ماما اني راح اروح انتي ظلي
يله يمه خليهم يعجلون حتى يلحكون
طلعت واني كلي غيض وحقد ع رهف ماريد الله يتمم الها خطوبتها ولا فرحتها لان هي اخذت مني الاغلى ما بعمري
دكيت الباب عليهم طلعتلي ام احمد
شلونج خاله
هله حبيبتي تفضلي
وين رهف .رايدتها بموضوع
فوتي اصيحه الج
لالالا اذا نايمه عوفيها غير وكت اجي
لا مو نايمه بس امدده بفراشها
اتمنيت تطلع نايمه حتى ارجع عليهم وكللهم رهف متريد تروح هسه حتى السالفه تخرب بس اوووووف امها ماخلتني ارجع
رهف وينج..... يارا جتي عليج
اي ماما ..هلو يروو شلونج ..زينه
😒😒 عود حضري حالج انتي وامج حتى تطلعوا تعقدون هسه
هاي شنو ليش اجه ايوب
اي اجه هو يمنه وماعرف ع شنو مستعجل منو كله راح اطيرين
لو هي هم حضوض يامن تعب ويامن شكه ويامن ع الحاضر لكه
🙁🙁🙁 هاي شبيج يارا
مابيه بس احب اكلج حرامات يكون الج ايوب
عفتها وطلعت اركض
يارا اوكفي يارا شبيج ليش هيج تحجين
الام .شكو رهف ..والله ما اعرف شو حسيت يارا ضايجه مني ومن خطوبتي من ايوب
ماعليج منها حبيبتي شرادت منج هي صغيره ومتعرف شتكول
لا ماما كلامها بي تلميح وتلميح قوي ..
هي جتي شتريد منج
كالت حضري حالج راح نطلع هسه نعقد
اي بيها الخير بنتي يله لعد عجلي خل نبدل خاف العالم ينتظرونه
يارا ..فتت للبيت اركض وابجي اريد بس اموت داحس الناس جاي تركص ع جنازتي ياربي ارحمني لتخلي ايوب يزوجها
واني اركض منتبهت الكبالي منو نضربت بواحد شلت راسي ...اسفه جراح
اوكفي هاي ليش تبجين
هد يدي مابيه شي مجرد فات تراب
يا تراب وين لكاج احجيلي ليش تبجين
جراح عوف يدي ماكو شي بس تعاركت ويه مها
ايوب .يارا شو تبجين ...انت ميخصك لتحجي ويايه
عفتهم وركضت الغرفتي
مها شفت يارا تحجي وبصوت عالي وتبجي رحت وراها فتنه الغرفه
هاي اسويتي شلون تحجين هيج وياهم انتي متستحين
عوفيني مها مطايقه روحي وماريد اسمع شي من احد
لا لازم تسمعيني ايوب مو الج وانتي توج عمرج ١٣ سنه
لا 😠😠😠 اني ١٤ سنه
حتى لو كنتي ٢٠ سنه عمرج
ايوب محبج ولا اختارج هو حر بختياره الزوجته وشريكه حياته
مو انتي تجبري بأن يختارج
بس اني احبه مها افهمي هالشي
يارا انتي تحبي....! مو هو يحبج اهنا الفرق
هو محاس بيج وممفكر بيج من اساسه ليش انتي متعلقه برجل هو مو الج
كافي مها ما اتحمل اسمع بعد كافي وكامت تعيط
عفتها وطلعت ...هاي صدك مخبله ايييع هو شنو عيشتهم اهناك وانتي مجلبتلي بيهم صدك متفهمين وزعطوطه شوفي حال رشا شلونه بس خدمه وكراب وهاي رهف هم راح تلحكها همزين اني فكري وعقلي اكبر من هالشي هذا ولا احب زواج الحضريات من الريف🤨🤨🤨صدك بعض البنات بدون عقل يفكرا
ايوب رحت البيت ام احمد
شلونج خاله ...هله يمه انت شلونك
الحمدلله ها جهزتوا
اي ابني تفضل جوه اصبلك جاي
لا خاله خلي نلحك
رهف وينج ايوب عالباب
اي ماما جيت
طلعت عليهم وسلمت جراح هم جان موجود بس كاعد بالسياره ....السلام عليكم شلونك
اهلا
شو من رده الي السلام حسيته ضايج كوه سلم
تباوع بعيونه تشوفه متعصب ومطايق حاله
جراح ..هي صعدت لو صعدت روحي وياها شلون صاير متغيره وزايد حلاها اضعاف كلبي صار يدك الف بالحظه تمنيت انزل اشيلها من الكاع اشيول ولا اخلي جدمها يطخ الكاع لان صرت اغار من الهوه اليطخها
هاي شلون لو صار اكبالي بس مو الي الاخوي يمكن انه لو اكتلها لو اكتل نفسي احجي وي حالي وصافن ابحسنها 😶😶😶
تمنيت اخطفها منهم وروح بيه الديره مابيها بشر بس انه او وحيدي
شكد حبيت وسناء بس ما اجه حبي الوسناء كد حبي الرهف
هاي مو بنت هاي هاي كارثه طبيعيه عالارض
انه الماوكعتني اوحيده هي وكعتني انه الماعشكت انسانه هي خلتني انه اعشك
صعبه صعبه جثير عليه هذا الشي الداعيشه
صاعد بالسياره وهي وراي كاعده عيني بالمرايه وعينها عالشارع هي سرحانه وانه سارح واحدنه بديره تبعد عن الثاني دهر ماعرف بشنو هي تفكر ولا تعرف انه بشنو افكر اريدن ادخل تفكيرها وعرف شنو يدور براسها اريدن احس بحساسها
وصلنه ايوب يله خل ننزل
ما اسولفلكم من فتنه عالقاضي وسئلني هل تشهد ع زواجهم
اوووف في لحظه ضعف ردت اكله لا مموافق وما اشهدع زواجهم
هو يسأل وانه شارد
يحجون واني اسمعهم
وطعناتهم بكلبي ما تمنعهم
دموعي عالخد تجري
ولا واحد منهم حمل صبري
اووووف ياكلبي هم ترجع وتذكرهم
لو كافي بعد منريد خاطرهم
تجويت ابنار سوالفهم
ولا جن اليحجون عنه جان ولفهم
دم عيوني صبت
والف اااه ابصدري نبتت
وانه الصافن على دهري
هم يجي يوم وبكرهي افاتحهم
وكشف المضموم سنين
وخلي دموعهم سيول اصير
اوف ياكلبي شكد تحملهم
جراح القاضي يسئلك
اي اي انه وياكم لا تهتم
وك شهتم اكلك القاضي يشهدك ع عقدنه
باوعت عالقاضي وكتله بصوت حاد
بارت ..عاشر
جراح .بنبره حزن و الم ع عتاب
رديت اي اشهد اخذت القلم وقعت بيدي ع موت كلبي ونسحابه من ملعب رهف
رهف .عقدنه مهر وايوب باسني من راسي كدام اهلي واخوه
بس في لحظه جتي عيني ع جراح شفته ضرب ايده ع الكرسي وعصره وصار نفسه ينسمع قوي تشوفون الدمرات والشرايين كلها بجسمه وكفت وصارت واضحه وضوح الشمس
الشرار يطاير من عيونه لان حيل احمرت
ما اعرف
بس اني سمعته ونتبهت
لو الكل مثلي صدمني الموقف
هذا اشبي ليش اجه ويه اخوه اذا معاجبه يحضر مهر اخوه
والله يا الله شلون راح اكعد اببتهم وبنصهم وحضرته مشمئز حتى من روحه
كون ايوب ميبقه كبل نطلع ابيت وحدنه بلكي ابوه يسلمه بيت ونكعد بعيد عن وجي المغرور الشايف حاله ابو خشم يابس
اوووف شلون راح يكون اكبالي بالبيت ااااف
وبصوت حاد
يله امشونه شنو عاجبتكم الوكفه بالمحكمه
ايوب .اخذنه جراح فد مطعم نتعشه
🤨🤨🤨 جيت يمه وهمسه قرب اذنه انت تاليها وياك انتبه بسوالفك
ليش انه ماحجيت شي غلط
حجيت يبن الاوادم تكدر تاخذهم انت وتروح من دوني
لا والعباس ما اسويها اكل انه وانت موش يمي تنكص يدي ولا امد لكمه بحلي وانت ماكو
اسكت اسكت انه اكله ماريد اكلع وهو يكلي ما امد يدي واكل لكمه
رهف ..اكو شي
لا يله امشونه
اخذونه للمطعم كعد يمي ايوب وكام بيده يخلي كدامي اكل طلبنه بوكتها مشويات مشكل
ايوب خله كدامي قطعه مال كبد
لا مااحبها رجاءا شيلها ما اطيق اباوعها كلها دم
والله طيبه بس ضوكيها
ايوب صدك ما حب طعمه احسه بس دم
بداعتي ضوكيها الخاطري
جراح ..ايوب عوفها هي تاكل اضاهر عنيده هالبنيه
رهف .باوعت الجراح شفته ضايج يمكن لان ايوب جاي يوكلني وحسيت بأيوب خجل ...
اني بعناد جراح كتله يله جيب خل اضوكها بس بشرط انت توكلها الي
مدلي ايده غمضت عيني وجرعت طعمها
اشرت الايوب ع كلاص المي
بدون مضغها بلعتها بس ردت اشوف جراح
اني مو عنيده
واحترم رأي زوجي لان هو ماخذ نظره محلوه ع بنات بغداد وبالاخص اني
يكول عني دلوعه ومايعه اله وعنيده اشوفك منو هاي المايعه والعنيده
اطلبت ببسي ايوب قدمه الي ..وهذا سحبه من كدامي
يبنت الناس اشربي شربت لا تكضيها ببسيات هاي ثالث قوطيه تشربين
اني صفنت بوجهه 😐😐😐اصلا مشربت ولا قوطيه هذا منين جاب هالحجي
بس اني
لا تبسبسين اكو شربت اشربي
جراح .اني اعرف هي مشربت ببسي لان عيني من كعدنه الحد ما طلبت بس عليها والنوب اسرحت ويه خيالي من اسمعت هيثم اغنيه شيجيب باجر وصبر شلون كان بالمطعم مشغليها خزرتلها واشرتلها ع الشربت وعناد بيها طكيت القوطيه وصبيته بالكلاص وشربته كدام عيونها بس حتى احسسها بألم كلبي
ماعرف في ساعتها شنو انتابني غضب ع نار ع توتر كل اشويه و اريد انكومهم
بس استخطيت ايوب لان شفته فرحان ومنطلق بالسوالف وياها
رهف ..رجعنه للبيت حدود ساعه ٩ بليل
ام علاء اصرت علينه نفوت البيتها بالاول
طبعا هي جانت ويانه جايه للمحكمه
اول ما فتنه بيتهم هلهلت وطشت جكليت ع راسنه
وابو علاء باس ايوب وباركلي
الولد كذلك
مها ايضا
كعدنه يمهم بالعشر دقايق وجان نسمع العيطه طفرنه من مكانه مثل المخروعين
مها ..الف مبروك حبيبتي والله افرحتلج انتي تستاهلين كل خير
اشكرج حب يوم الج وخدمج بيدي
رهوف دقايق اصيح يارا تجي تباركلكم
لج يمه الحكي يوم يابه الحكونه
الكل طفر مكان الصوت
دخلنه غرفه البنات شفنه يارا امدده بالكاع وطالع من حلكها شي مثل الوغف ابيض لونه
صار العياط بالبيت ابفلس الكل عبالك نجمد ابمكانه محد يعرف يصرف
عاط جراح ..هاي اشبيكم خل واحد من اخوته يشيلها ونركض بيها مستشفى
ايوب ..رهف ابقي يم مها لتروحين للبيت
لا لا ما روح
خاله انتي ايضا ابقي يمهن خاف كلشي يصير
جراح بحيله شال يارا وركض السيارته لان شاف اخوته مصدومين الكل
متوقع يارا ميته لان مصاير هيج موقف وياها من قبل
هاي اول مره تصير عدها هيج حاله
ام علاء .اني اركض وياهم وابجي ع بنتي اخذناها لطوارئ
الله ينطي جراح ظل شايلها ع كلبه
نزلها بالسديه وبس اني فتت وياها للفحص
الدكتور سئل عن اي مرض مصابه
وماكو مرض بعدها سئل عن اكله ماكلتها او هيج شي ..ايضا ماكو
قرر الدكتور يسويله غسيل معده
الام .. اباوع وعيوني مابطلت بجي اشوف يطلع من حلكها مثل الحبوب او كبسول معرفت شي غريب عجيب كمت اعيط
امر الدكتور اطلع بره الغرفه
طلعت واني ادك والطم
حسين
يمه لتخافين والله مابيها شي هسه تتحسن
ان شالله
حبييي ..اكلك وين ابوك ولد عمك
كاعدين بالانتظار
وطلع الدكتور ..اختي لازم اسوين تعهد عالبنيه
حسين .شنو تعهد 😠😠
اخي هاي عمليه انتحار البنيه ناويه تنتحر ولو باقيه بعد ربع ساعه كان ماتت
ام علاء ..عزه وصخام الصخم وجهي ليش بنتي تنتحر
روح قدم افادتك للمركز حتى متتكرر الحاله
ام علاء ..لا فدوه رحتلك دكتور منريد هالدعوه هاي ابنيه او ولد عمها جايين ويانه والله بس يسمعون بيها منتحره همه يكتلوها ويخلصون منها
بس فهمني فدوه رحتلك
هي بيها شي احد يعني معتدي عليها
حجيه هذا سؤالج مو الي شوفو انتوا بالبيت بشنو مضايقيها او شلون حياه عايشتها
ماكو واحد يفكر ينتحر اله لسبب ما
اي يمه صح كلامك
خلي تسوي تعهد متعيدها بعد
يمه انه اتعهد ابمكانها ولا تحجي بيها والله واسم الله ياخذوها عمامها مني
حجيه العليه سويته هاي بنتج يمج وتصافي انتي وياها
ماقصرت دكتور ..مشكور
مشكور يمه كون الله يفتحها بوجها ويوكفلك ولد الحلال بطريقك
ومشه الدكتور
حسين ..يمه شنو هالخبر ليش يارا نوت تنتحر لازم مسويه شي وخايفه منه
هاي لازم اشوفها وكسر راسها تالي عمرنه تطمس راسنه بالطين
اكعد وسكت اني راح احجي وياها وفهم ليش نوت تنتحر بس انت لجيب طاري الابوك ولا الاخوتك فاهمني
طلعت ع ابويه والولد
ها حسين بشر
