رواية ليليان الفصل التاسع 9 بقلم زينب نور

                                                    

ليليان ... نمت وكعدت المغرب ونزلت ..

                                

- يله ليلو بدلي حته نروح نسوي تحليل .

- اي هسه ابدل ..

                                

- عاطت ميان ،، واني عيني ماروح وياكم ؟!!

- هههه دمشي يله ..

                                

بدلنه ورحنه ، مو بعيد قريب بلسوك ..

دعيت كل الطريق ان شاء الله تكون النتيجه نفس مال اليوم ..

                                

طبينه ومثل العاده سحبوا مني دم وننتظر النتيجه ..

حسيت ماكو بعد قطره دم بيه ، هذا التحليل بعد مصيري ..

                                

- كالتلي امي ،، امشي نفتر شويه نستغل وقت ..

- اي امشي ماريد انتظر هنا !

                                

رحنه افترينه واشترينه اشياء بسيطة وميان كلسع مطلعه شغله تريد تشتريهه عبالك جان عدنه حصار ..

هم زين اريد الهي نفسي وامشي وقت ..

                                

رجعنه للمختبر واخذت امي النتيجه .. 

راحوا يطلعون ..

رحت وراهم يتمشون ..

                                

- شنو ولكم احجوا !!

- ميان .. عمرج طويل حجيه خانو 

- انجبي .. يعني صدك تحجين ؟؟

- امي .. اي امشي ، شتريدون اشتريلكم بهلمناسبه ؟

- ميان .. آيس كريم حبابه ماما !!

- امي .. ولج دنيا بارده يا موطه هاي تردين تتمرضين !

- ميان .. اووف 

- لا ماما خلي ناكل ، اشتهيتهه 

- امي .. امري لله بس معليه اذا تتمرضون مابيه حيلكم 

- ميان .. لا مايصير بينه شي لا تخافين 

- اي ام لسان حجيه موو؟

- ميان .. ههههه اي 

                                

ضلينه نحجي اني وميان عن الكلية وصديقاتي ..

اذكرت صديقتهه سرور ..

                                

- كتلهه ،، شلونهه سرور وياج ؟

- يعني بس سلام 

- اي زين ع الاقل اكو سلام 

                                

رجعت للبيت وتحضرت لباجر ..

اول يوم بحياتي الجديده كله تفاؤل وامل حلو..

                                

واخيراً حياتي راح تكون مثل قبل واحسن ..

مثل كل البنات الي ويايه اعيشهه براحتي ..

هذا ماتصورته ..

                                

كلت لازم ابدي اقرا واتميز بدراستي ودرجاتي بلكليه ..

جنت ما دايره بال وماقره بس هسه بدت حياتي جديه ..

                                

كعدت ثاني يوم ، سعادة وحيوية شديدة ..

صدك الصحه والعافيه نعمه لازم نشكر الله عليه كل دقيقه ..

ماجنت حاسه بيهه ..

                                

يمه بارد الجوو شراح البس ..

ماكدر اكوم اصلاً ..

                                

- مياااان ، ميااان كعدي ب ٦ اله ربع صارت ،،، ميااااااان كافي نوم راح اتأخر من وراج ..

                                

كمت بسرعه شغلت المدفئة الكهربائية ..

كعدت يمهه ، هاي ليش هيج الجو بارد اليوم مو مثل البارحه ..

                                            

                                              

                                                    

غسلت بلكوه ، كسل مو طبيعي ومنا بارده ونعسانه ..

صليت وبدلت وميان لسعهه نايمه ..

                                

جريت البطانية وكعدتهه ، ياربي شكد نومهه ثكيل ..

وهيه ماتحب تنام خطيه ..

                                

عفتهه وجهزت نفسي ،، لل ٧ اجاني الخط ..

شكد كمت اكره الخط من وره البنات ..

                                

من الصباحيات بس يلغن ، كارثه صار شهرين ..

اريد اخلص منه بس وين بعد الكي خط اهم شي الامان وياه ..

                                

وصلت للكليه وخلصت محاضرات ويا شهد واماني ..

حياتي صارت اجمل وياهن ، وبسببهن اني تغيرت حياتي ..

                                

ماجان عرفت اني بخير ومابيه شي لو مو هنه ..

والدوام كله يهون بسوالفهن وشقاهن ..

                                

كعدنه بنهاية الدوام بلحديقه ندرس عدنه اختبار باجر..

ع اساس نقره ونشرح لبعض بس كله سوالف ..

                                

- لا بنات كافي بعد خلي نقره 

- شهد .. اي راح نقره بس باعي عليه يخرب من الضحك 

- اماني .. شكد سخيفات شبيجن ع شنو اتضحكن ؟

- هههه انداري وشوفي ، ع هذاك ولج ماخله بنيه مازحفلهه خطيه ، كبلي وياه انتي امونه ؟!

- اماني .. يمه ، لا تخبلتوا انتوا

- شهد .. هههه اي يستاهل هو دشوفي شلونه شاروخان براد فديته 

- اماني .. ههه كبلي انتي وياه لعد 

- شهد .. لا والله اني البرنسيسه شهوده اكبل ويا هذا الاغبر غير انتحر 

- من ترسبين باجر عود انتحري 

                                

قاطعنه صوت شخص ..

                                

- السلام عليكم !!! 

                                

هذا منو .. اندارينه عليه ..

واخيراً كسرت حاجز غرورك وسلمت عليه ..

                                

💎💎💎

                                

 سامي .. ضليت حاير شسوي ..

طلعت ورحت يم ياسر ..

                                

- هسه شلون شسوي اني ؟

- ياسر .. ماعرف ارجع للبيت وشوف شلون 

- ولك شرجع ، كلي مالك مكان بلبيت 

- هلا بيك يمي 

- طبعاً هله بيه ولك بس السالفه شلون قابل اضل هيج 

- اي بس اكلك شو ابوك بسرعه باعك ههه ؟؟

- هههه اي والله ، اني حروح اشوف امي واخويه 

- ههههه بشرني عود ، الله وياك 

- اوك يسوري 

                                

رجعت للبيت ، ماكو احد ..

معقوله نايمين ، لا بعد وكت ب ١٠ ماصايره ..

                                

رحت لغرفتي بدلت واكلب بلابتوب ..

انفتحت الباب ، رفعت راسي ، امي ..

                                

- كاعد هنا ولا ع بالك 

                                

اووف انوب امي عليه ..

امي يعني حساب يعادل الف حساب ..

                                

- شبيكم ، كلكم عليه تره اني ماسويت شي غلط هو عادي يعني غلط برمجي مو بسببي 

                                

- سدت الباب واجتي يمي .. اسمعني مو يعني اني مافهم بهلشغلات يعني ماعرف شصار وشسويت 

                                

كمت وحضنت امي ولو اعرف مراح اهديهه بس اذا هدأت شوي ابويه راح يسمعهه ..

                                

- حبيبتي امي العزيزه انتي روحي وعمري 

                                

- دفعتني ع كيف .. من شوكت هاي ؟ اسمعني اني راح احجي ويا ابوك ونحاول متكبر السالفه انت متعرف هسه الناس شسوي بس تريد زله علمود الفلوس 

                                

- بستهه من راسهه .. اي تسلميلي ياغاليه 

                                

راحت ، جبل انزاح ..

هههه يا سامي هذا اكبر همك ..

                                

بعد البنيه شلون ،، خطيه حياتهه نفسيتهه ايجوز ادمرت من ورايه ..

شسويلهه طبهه مرض ..

                                

نمت مرتاح ، كعدت الصبح ..

جسمي مكسر ، كلش تعبان ..

                                

اذكرت ليليان ،، لسعني اذكر اسمهه ..

اوف هاي شنو ليش هيج هذا الشعور ..

تأنيب الضمير ،، هذا الي اريده ..

                                

كمت كلت خلي احجي وياهه خاف لسعهه ماتدري ..

انوب خطيه عبالهه لسعهه مريضه ..

شكد حقير اني ..

                                

كمت بدلت بسرعه وطلعت ..

رحت لياسر ، ادك بلباب ماكو احد..

اتصل مايجاوب ..

 ليش نايم مو عنده دوام ..

                                

- خيرك من الصبح!!

- اخوك يوسف راح للجامعه ؟

 - اي ليش ؟

- هيج اريد اروح وياه 

- امم اخابر عليه هو يلتقي بيك اباب الجامعه ، ماشي ؟!

- ماشي 

                                

رحت بلكوه وصلت ..

ازدحامات وهوسه ..

                                

طبكت السياره ونزلت شفت يوسف ..

دخلت وياه ورحنه ع نفس النادي الي شفتهه بي ..

بلكت موجوده هم هناك ..

                                

دورت ماكو ، يوسف راح عنده محاضره واني ضليت كاعد..

بعدين كلت هيه مو وياه بنفس القسم ، اني شكد غبي ..

                                

جان هسه شفتهه ، رحت لكيتهم طالعين ..

شنو هلحظ ، كمل الدوام بس لا راحت ..

                                

أيست ، اخير شي رحت اتمشى بلحديقه ..

دورت شفت بنات ، كلت بلكت وحده منهن هنه ..

                                

تقربت ، اي هيه ليليان ..

عبالك طفل فرحان ،، امده حظي ..

تقربت يمهن وقاطعت حديثهن وكلت ..

                                

الفصل العاشر من هنا