رواية عمر الديب صقر المخابرات الفصل التاسع
بسم الله توكلت علي الله. وهو رب العرش العظيم
ومن داخل المصنع المهجور اللي كان محجوز في عم خليل اللي كانو بيقومو علية بالابحاث والتجارب يقف خبير وسوريا قدام الاوضة الزجاج اللي كان عم خليل محجوز ويقول خبير باستغراب
الراجل اللي كان هنا راح فين
سوريا
ممكن هرب
خبير
يهرب ازاي بس والاوضة الازاز مقفولة
فيتجة خبير مسرعا الي الشاشة المتصلة بكاميرات المراقبة ويرجع الشريط لليوم اللي انذبح في عم خليل ويتصدم لما يشوف نفسه وهو بيذبح عم خليل وبيمسك الموبيل وبيبعت رسائل صوتية لباسم بصوت ديفيد فقالت سوريا باستغراب
لما انت اللي قتلت الراجل بتسال علية لية
فبص لها وقال
دة الشيطان ديفيد ابنك
سوريا وهي بتبص للفيديو تاني وخبير بيكمل كلامه وبيقول
بعت صوري لما كنت مع عمر لباسم زميل عمر وقتل خليل بمنتهي الوحشية
سوريا وهي مش فاهمة
صورك مع عمر. انت اللي بعتها لباسم من موبيل ديفيد احنا ساعتها كنا قاعدين مع بعض وقال لي كدة وكان زي المجنون
خبير
دة ملعوب من ديفيد
سوريا
وديفيد لية يعمل كدة
خبير
علشان يوصل للافعي اني انا ما بنفذ التعليمات واني هاكون السبب في فشل المهمه وساعتها طبعا الموت يبقي هو جزاتي. لكن الكاميرا صورته وهو ما كنش يعرف علشان ربنا اراد انه يتكشف لينا. او هو تعمد انه يعرفني انه هو اللي عمل كدة
سوريا
ابنك بقي خطر وما بيفكرش الا في موتك انت وعمر
خبير ضاحكا
كل الترتيب بتاعه هايروح علي مافيش. بعد ما فجرت الكنيسة وصورتي بانت للكل
سوريا
انا لغاية دلوقتي ماعرفش غرضك اية من وراء اللي انت عملته دة
خبير
الحكومة المصرية قبضت علي خبير. فلما تلاقي خبير تاني في الشارع هاتتحرك علشان تعرف الحقيقة فين. واللي زي السيد كامل هايفكر يصطادني بخبير المزيف
سوريا باستغراب
انت بتقول اية
خبير
ماهي دي لعبة ابنك الجديدة واللي انا فهمته من كلامة ان الحكومة المصرية قبضت علي خبير. ولو انا توقعي صح يبقي عمر بقي خبير وديفيد بلغ عنه علشان يتعدم مكاني وانا اتقتل علي ايدة وبكدة يبقي خلص مننا احنا الاثنين بضربة واحدة
سوريا
دة تخطيط شياطين
خبير
لو كان ديفيد شيطان فانا البابا وقادر اخليه يلف حوالين نفسه، ،،،،،،،،،
وبعدها بكام ساعه ومن داخل الفندق اللي قاعد في ديفيد تقف عربية علي احدث موديل وينزل من العربية ابرام ويطلع للاوضة اللي فيها ديفيد ويخبط علي باب الاوضة فيفتح له ديفيد اللي كان باين علية التعب ويبص له ابرام وهو يدخل ويقفل الباب وراء منه وبيقول
عرف يهرب منك
ديفيد وهو بيقعد علي السرير
هي اللي هربتة انا استحملتها كتير ونهايتها هاتكون مع نهاية خبير بس اعرف مكانهم
ابرام
تفتكر الافعي لو عرفت باللي حصل هاتسكت
ديفيد
الافعي مش هاتلحق تعرف حاجة لان المهمة هاتكون خلصت طالما الشريحة بقيت معانا.
فيمد ابرام ايدة في جيبة ويخرج الشريحة ويديها لديفيد وديفيد يبص لها ويقول ابرام
اظن انا كدة ماليش دخول تاني لمبني المخابرات
ديفيد
طبعا طلما السيد كامل شاكك فيك. انت لازم تختفي خالص
وترن نغمة رسائل الواتس علي موبيل ديفيد فيفتح ديفيد الموبيل ويفتح الرسالة فيلاقي فيديو تفجير الكنيسة وخبيرة يظهر في الفيديو بمنتهي الوضوح فيصدم ديفيد ورساله صوتية. بصوت غليظ ملهوش ملامح وهي رساله من الافعي وتقول
عايز افهم اية اللي بيحصل والا هايتم الخلاص منكم كلكم
فيخاف ديفيد ويقول بصوت مرتعش
انا ماعرفش حاجة كل دة من تدبير البابا خبير وهو اللي خرج عن الخطة الموضوعه وهايكون سبب في فشل المهمة. انا من خدام الافعي الاوفياء لدرجة اني وصلت للشريحة بمفردي
فتاتي رسالة اخري
الشريحة لو معاك ابدأ في تنفيذ المهمة بمنتهي السرعه
وعايز تقرير مفصل ازاي خبير مقبوض علية وازاي يفجر كنيسة
فيبص ديفيد ل ابرام ويقول في رساله صوتية
خبير بيلعب بينا كلنا. لازم الخلاص منه
فتاتي رسالة اخري
بعد ما تخلص المهمة. اخلص منه. وقبل اي شي خبير المزيف يتم الخلاص منه بطريقة نظيفة في خلال 24 ساعه والا هايكون عقابي ليكم شديد
وتنتهي رسائل الافعي ويرمي ديفيد الموبيل بمنتهي العصبية ويقول
سيئات خبير كترت والنار بقت اولي بي
ابرام
وهانعمل اية في موضوع خبير المزيف
ديفيد
هانقتله طبعا
ابرام
ازاي وهو في قلب مبني المخابرات المصرية
ديفيد بخبث
خبير المزيف هو اللي فجر الكنيسة
ابرام بضحكة
ودة نوصل له ازاي
ديفيد
انت ناسي اننا نعرف مكان فاطمة. وعن طريق فاطمة توصل لخبير
ويضحك ديفيد وابرام، ،،،،،،،،،،،
ومن داخل مبني المخابرات المصرية يجلس السيد كامل علي مكتبة وامام منه صالح وبيقول له
يا فندم الملف اهو قدام حضرتك في كل حاجة عن الافعي ماعدا الشريحة.
السيد كامل بعصبية
ازاي بس. راحت فين الشريحة دي
صالح
ماحدش دخل مكتب عمر الا هو حضرتك
السيد كامل
تقصد ان عمر هو اللي سرق الشريحة
صالح
قدام حضرتك حد تاني تشك في
فيقف السيد كامل ويلف حوالين مكتبه كذا مرة ويقول لصالح
صالح حط لي عمر الديب تحت المراقبة 24 ساعه. وعايز تسريب بصوتي يلف مبني المخابرات وانا بقول ان الشريحة اتعدمت بعد ما اتعرضت علي المتخصصين. وان الشريحة اللي كانت في الملف مزيفة. وملهاش اي قيمة.
صالح
واحنا كدة يا فندم هانستفيد اية
السيد كامل
نصدر القلق لعمر واللي معه. ونشوف هو سرق الشريحة علشان بقي مع الافعي ولا في حاجة تانية احنا مش فهمنها
صالح
تمام يا فندم
السيد كامل
وكمان خبير اللي في المستشفي يهرب. وبعد مايهرب يتصور فيديو لي بالغلط
صالح
تقصد اية يا فندم
السيد كامل وهو يمسك ورقة وقلم ويرسم الخطة
تخيل معايا كدة مذيع واقف قدام عمارة في المعادي فيها معمل تحاليل مشهور وبيصور برنامج وهو بيعمل لقاء تيلفزيوني يبان وراء منه كام واحد وهما شايلين خبير وداخلين بي العمارة دي. وتتقطع اللقطة دي وتنزل علي كل مواقع التواصل الاجتماعي وتبقي راي عام. ومهما ياكدوا احنا نكذب الخبر
صالح باستغراب
لا. سامحني بقي يا فندم انا محتاج افهم لية هانعمل كدة
السيد كامل
انا شاكك ان خبير اللي فجر الكنيسة هو اللي احنا بندور علية من سنين وفجر الكنيسة وبين وشة في كاميرات المراقبة علشان يوصل لنا رسالة معينة. ان خبير اللي تحت ايدينا مزيف
صالح
ازاي بس مزيف. دة عمر قبض علية بنفسه. ولو دة مش خبير هايكون مين
السيد كامل
هايبان مين هو. بعد مايهرب خبير. اللي تحت ايدينا ويتسرب خبر
صالح
خبر اية يا فندم
السيد كامل بمكر التعالب
هروب خبير من مبني المخابرات المصرية علي ايد فرقة مختصة من فرق الافعي والمشتبة به يختبي في منطقة المعادي. وجاري البحث عنه وبعد كدة نطلع نكدب الخبر لكن الفيديو المتسرب واللي خبير طالع في. وهو بيدخل عمارة المعادي هايكون طعم واللي هايقرب من الشقة اللي فيها خبير هنصطادة
صالح
يعني نقبض علية وهو في الشقة
السيد كامل
غلط. لازم نسيبة يخرج بخبير من العمارة ونراقبة. ونعرف هايروح بي لفين وبكدة نكشف لغز محير وهو مين اللي تحت ايدينا طالما مش خبير ، ،،،،،،
وعند دقات الساعه 12. بعد منتصف الليل يتسلل ديفيد ومعه ابرام الي المستشفي المحجوزة فيها فاطمة ويبحثوا عن اوضتها حتي يصلو لها وقبل الدخول الي الحجرة يغطوا وشهم باقنعه مطاطية ويفتح ديفيد باب الاوضة بحذر شديد ويدخل ومن خلفة ابرام فيلاقو ملك عندها وبتديها حقنه فيقف ديفيد خلف ملك ويخرج سلاح ابيض ويضعه علي رقبتها ويقول لها
لو سمعت صوتك هاقتلك
ملك خائفه
انت مين. ودخلت هنا ازاي
ديفيد
مش شغلك
وبص ل ابرام وبعد كدة بص لفاطمة وقال
هاتها
فيروح ابرام ناحية فاطمة اللي كانت هاتصرخ قبل ما يحط ايدة علي بوقها ولكن في لحظة وفي اقل من لحظة وقع ديفيد علي الارض وهو مغمي علية فبص ابرام ناحيتة لقي ضربه قوية من لكمة حديدية فوقع هو كمان فاقد الوعي فبصت لهم ملك وهي بتعدل هدومها وفاطمة بصت لها باستغراب شديد لان ملك هي اللي ضربتهم بقوة كدة وقالت فاطمة
انتي اية
ملك
مافيش وقت للاسئلة دي لازم تهربي حالا
وشالت ملك. فاطمة وحطتها علي الكرسي بعجل الخاص بها وخرجت بيها من الاوضة بمنتهي السرعه وفاطمة عماله تبص لها مش مصدقة انها ضربت اتنين رجالة بمنتهي القوة ، ،،،،،،،،،
