رواية لأني عاقر الفصل الثامن بقلم مريم خفاجة
غمضت عيوني
عاضة ؏ شفتي درت وجهي لغير جهه
حسيت بأيدة الحارة بسبب حرارة الكلاص
كمال:-ملاڪي
بلعت ريكي وباوعتله:-چان أملي بيك
كمال:-سألتني وردة وكتلها لا مگلتلج؟
ملاك:-تؤ ميحتاج هسه عرفت الجواب
تحتاج شي؟
كمال:-وين؟
ملاك:-تعبانة أصعد اسبح وأنام
كمال:-براحتج اني هم رايح
ملاك:-تصبح على خير
عفتة ومشيت جرني من أيدي
وكعت بصدرة لزمت تشيرته
حييل وبجيت وهو يهمس:-ماگدر ملاك
ماگدر
ملاك:-لشنو ماتگدر لشنو ؏ فلوس اروح اي جامعة حكومية تقبلني ؏ ملابس عندي كومة ؏ مصاريف اروح مشي وارجع مشي بس اريد اكمل بس اريد ادخل جامعة
واني أشهك وهو يضغط
؏ خصري ويبوس فروة راسي
كمال:-هيَ ؏ فلوس عيوني اشلعهن الج
وغيرتي تتحمليها؟ ماگدر كتلج ملاك ماگدر اتحمل غيري يشوفج وتفترين ويباوعولج؟؟ أموت والله أموت وأموتج وياي وماخلي غيري يشوفج
ملاك:-اني أحب ادرس
كمال:-ميخالف شو باوعيلي
باوعتله مسح دموعي وباس راسي:-جهالنة درسيهم و وصليهم
ضحكت:-حيييل
كمال:-عليمن حيييل بعدج صغيرونه حتى 20 ماطابة
ابتسمت ودنگت راسي
بلع ريگة ورفع راسي وباسني بعمق
ابتعد وابتسملي:-هاي تعويض
ضحكت وضربتة بصدرة
سلم وطلع صعدت فوك ودخلت بفراشي
ماكدر بعد ابجي احس طاقتي خلصت
خليت ونمت
گعدتني امي الصبح وهي تباوع لعيوني
ملاك:-صباح الخير
أيمان:-صباح النور شبيهن عيونج؟
ملاك:-شبيهن؟
باوعت للمراية
من بجي البارحة أكيد
سكتت
لزمت ايدي دنگت راسي ومسحت وجهي
أيمان:-شبيج أُمي احجيلي شكو
ملاك:-ماخلاني اكمل جامعة
أيمان:-جا وهيج تسوين بروحج ؏ كيفج ويا روحج حبيبتي اكو هواي نسوان تزوجن و ورا الزواج قنعن رجولتهن اهم شي هسه هو يحبج وصاينج
هزيت راسي وگمت
غسلت والروتين يتجدد
يوم يشبهه يوم
وبيوم...
ملاك:-شنو جاي تسوين يمه؟
أيمان:-هذا البيت الگبالنه دارو بي الناس مسويتلهم نزلة تجين وياي
ملاك:-خلي البس واجي
باوعتلها مسوية صينيه مرتبتها بالأكل
لبست ونزلت باوعتلي وگالت:-خاف كمال ميقبل
ملاك:-يمة شنو السالفه هي هاي وياها امشي امشي
مشينه وهو بس فتحنه بابنه
دگينه بابهم
طلعتلنه بنيه شابة:-السلام عليكم تفضلي خالة
دخلنه للبيت
واجت المرة رحبت بينه وكعدتنه
ضلينه نتعارف والبنيه گاعدة قريب مني:-متزوجة؟
ملاك:-لا مخطوبة
ابتسمت وكالت:-الله يتمم ؏ خير
اسمي حوراء
ابتسمتلها وتعارفنه
ومن يومها سبحان الله يگول
رب العالمين يريد يطيب خاطري بالناس
الحلوة
جانت لطيفة حيل تعرفت عليها
وهاي كاتله روحها علية
ضليت يا أما اني اروحلها يا أما هي تجي
وأكيد بعلم كمال
وفد تونس وسوالفها حلوة
ضليت اطگطگ بأصابعي والليل مانمته
من القلق والتفكير الموضوع
صار اربعة ايام اريد احجي لكمال واتراجع
كلش تعبت ردت بس امل زغير
يخليني اتجرئ وأگله
وثاني يوم اجة جان ستوة نازل من دوامه
بعده بملابسه مال شرطه
بيدي گلاص المي قدمته وگعدت بصفه
هو شاف أمي طلعت وجرني بصفه اكثر
وباس شعري
كمال:-يممه شلون بيه يممه
ضحكت:-شلونك؟
كمال:-زين يا بعد لوني انتِ
ابتسمت وهو يبوس بية:-شنو هاي هيج مشتاقلي
كمال:-اموت عليج اموت بدونج وعلي
كلت مادام هو مابي شي ومو ضايج
خل احجي
مديت ايدي ارتب بالبدلة:-كمالي
كمال:-بحلگج سالفة احجيها حبيبتي
بلعت ريك كتله:-تتذكر صديقتي حوراء
هاي الأسولفلك عنها
كمال:-ياهيه؟
ملاك:-هاي الگبالنه شبيك
كمال:-اي اي تذكرت شبيها
عدلت گعدتي تربعت گباله وخليت
شعري ورا اذني:-يا ستار تربعت
ضحكت:-خلي اسولف
كمال:-اي شبيها تردين تخطبيها الي موافق
ملاك:-يمممممة كمال متخلي انت واحد يسولف لازم تقاطع
كمال:-يلا يلا احجي
ملاك:-لاتقاطعني
هز راسه وهو يباوعلي مبتسم
ملاك:-هيّ تشتغل بمختبر محلله هيّ
فـ رادو شسمه وياهم مثل المساعد تمام؟
كلتلي انو اشتغل وياها وهاي
كمال:-اممم
ملاك:-اي يعني انت شتگول
كمال:-منين طلعتيلي بهاي السالفة
لزمت ايدة خليتها بحضني:-لحد مانتزوج حباب والله من نتزوج اصلا من تحدد موعد الزواج اني ابطل
كمال:-زين شتسوين يعني اريد افتهم هسه
ملاك:-مادري هي كالت بعدين اعلمج
كمال:-اشوف الله كريم
ملاك:-بس اريد اطلع اختنگت من البيت
كمال:-عمت عينج ان شاء الله
ضحكت ذبيت نفس عمييق
احس هم ونزاح
وكالعادة الأمل يتجدد كل فترة
رحت لأمي ابتسمت وكالت:-واذا ماقبل لاتلحين علي هواي خوش؟
ملاك:-لا بلكي يقبل
سكتت واني ادعي بگلبي
بليل اخذت موبايل أمي
ودگيت علي اجاني صوته النعسان:-ألوو
ملاك:-همممم نايم؟
كمال:-اي وعلي تعبان
ملاك:-الله يساعدك روح لعد كمل نومتك
كمال:-صوتج رن بأذني وأنام؟ عليها حشم
ملاك:-هههههه
كمال:-أموت عليج
نگلبت ؏ بطني والمخدة جوايه
وصوتي ناصي حتى خواتي ميسمعن:-شگلت ؏ مشروع اليوم
كمال:-يا مشروع؟
ملاك:-ياااا
كمال:-اي مدي بعد بالكلمه مديها وشعوطيني
ملاك:-ولك اليوم الكتلك عليها ويا صديقتي
كمال:-هاي عليمن ولك ادبسز
ملاك:-يمه يربي شلون راح اتحملك
كمال:-غصباً ؏ راسج
ملاك:-بس شوية صحصح السالفة مال الشغل بالمختبر
كمال:-شتسوين بالشغل ياعيني تجيبيلنه العين والأثر
ملاك:-لاتصير مثل أمي اروحلك فدوة
كمال احجي بجدية صدك صدك عوف الشقة مو وكته
كمال:-يلا هسه شنو
ملاك:-انطيني كلمة اي لو لا
كمال:-يعني اذا كتلج لا شتسوين
ملاك:-أطلگك
كمال:-هاااا، وأذا گلت اي؟
ملاك:-ابوسك يلا عليك الزهرة احجي راح امووت
كمال:-اسم الله ؏ گلبج بنيتي
غمضت عيوني بعدم صبر ادري
بي من يماطل معناها ماموافق:-كمال والنبي ترة ازعل حتى لو وافقت احجي
كمال:-لبس مستور
ملاك:-تم
كمال:-مكياج ممنوع
ملاك:-اني حلوة ما احتاج
كمال:-انجبي ماترحين
ملاك:-لا لا عليك العباس اشاقة وياك غير انت زوجي وحبيبي
كمال:-سطرج العباس بجاه هو العباس
ملاك:-يلا والله اسوي كلشي تريدة
يابة اطبك جاروبتين وشالين واغشي وجهي حباب
كمال:-هاي هيج كاتله روحج
ضحكت بفشله:-والله مو قصة فلوس
بس محتاجة فد شي يكسر الروتين
المهم هسه اكيد موافق؟
كمال:-والله مادري شو محتار
ملاك:-لا لا يلا شبيك هو كم شهر واگعد
كمال:-الله كريم
ملاك:-يعني موافق؟
كمال:-اويلي ؏ التلح كتلج مادري
ملاك:-انت تماطل كول اي لو لا وفض السالفة
ضلينه نحجي شوية وراح
واني منتضرة منه كلمة دقيقه حتى مايخيب أملي بعدين واتدمر
ثاني يوم اجاني
گال يلا
گتلة:- وين؟
كمال:-غير نشتريلج ملابس
ملاك:-للشغل مو قبلتتتتتت
ضحك وهز راسة واني طفرت
شبگته شالني وحاوطت رجلية خصرة
ملاك:-اموت عليك احبكككك احبككككك
كمال:-اي مو مصالح
ملاك:-لا لا والله احبك تعال ابوسكك
بسته بخدة حيل ونزلت ركضض
لأمي بشرتها وصعدت بدلت جسمي يرجف
من الفرحة
واضحك ويا خواتي تخبلت رسمياً
اول مرة بحياتي
يصير شي مثل ما اني اريد
مثل ما أتخيل
اول مرة أملي مايخيب
حمدت رب العالمين وطلعنه للسوك اني
وياه
هو صح جزعني ومرمرني وطيح حضي
وكرفني مشي
وايدي صارت زرگه من التگرص
بس يلا عادي عادي يمون
اخر شي تعبت حيل گعدت ؏ كرسي بالمول
وهو راح يجيبلي مي وداير مدايري العلاليك
اباوع اشكال والوان
لدرجة عبالهم جاي ابيع من كثر
الشغلات المشتريتها
هو يمشي ويگول انعل أهلج ؏ هذا الدرب
اجاني فتحلي بطل المي شربته
سمعنه صوت ورا كمال:-بس من رخصتكم
كمال:-أهلاً وسهلاً تفضلي
_بس البنيه اريد اقيس هذا الثوب فدوة
بنتي قياسها ؏ گدج
ملاك:-أي دللي
_فدوة رحتلج
گمت وياها
ورحنه لغرفة القياسات
دخلت لبسته
الثوب جان مرتب ومستور
لونه أزرك حيل حلو
_اللهم صلِّ على محمد وآل محمد
جاي فيت ويا لون عيونج لايگلج حيل
ملاك:-حبيبتي كلش حلو عاش ذوقج
_ماعتقد يصير عليها انتي اضعف وارتب
صار من نصيبج
ملاك:-هسه زوجي يطلگني ؏ كد الملابس
_ههههه والله لو تشوفيني اني صار عندي احفاد واموت ؏ ملابس
ضحكت وهي راحت
وتنصدمون اذا اكللكم هذا احلى فستان
من الاشتريتهن كلهن
كلش حلو وعجبني تنسقة
مديت راسي اريد كمال يشوفني بس جان
داير وجهه نزعته
وبدلت ولبست عبايتي وطلعتله
وبيدي الفستان
كمال:-ها؟
ملاك:-اخذته اني هههه
كمال:-يا.....
ملاك:-اي يا شنو؟ كمل
كمال:-ياحلوة الحلوات شو لونه خلي اشوف
راويتهيا وهو يباوع لعيوني
ويأشرلي عليهن هزيتله راسي شنو؟
كمال:-نفس لون عيونج
ملاك:-اييي حتى المرة كلتلي
يلا روح ادفع فلوسه
كمال:-الله ياخذج
ضحكت وهو اخذه من ايدي وراح
وضليت اباوع ورا الفستان شكد حبيته
ومادريت ورا هالفستان قصة ، قصة عضيمة
تختلف عن قصتي هاي
دفع واجاني شال الغراض كلها
وماخلاني اشيل علاگة
واحنه نمشي والعالم تباوعلنه
واني اقرة المعوذات
رجعنه للبيت اكلتلي رزالة من امي
؏ كد الملابس:-يُمه ترة هو ماقبل كال بس ذني تلبسيهن لان عراض
أيمان:-خسرتي الرجال وهو ستوة مستلم راتب لمي روحج يغبرة لاتضيعين الفلوس على هاي السوالف الماصخة
ملاك:-لا لا مو ماصخه اصلا احس براحة نفسيه
أيمان:-راحة نعلية
هنه ملابس يوم يومين ينذبن بالكنتور
ضحكت بصوت عالي:-اي قابلة حتى لو راحة نعلية هسه دگليلي مو حلو هذا الأزرك؟
أيمان:-حلو أنيق
الكُل اتفق ؏ جماله
انطتني فترة اتدرب بيها ؏ سحب الدم
يبووو وماخليت واحد ماسحبتله دم
جاسر هو ونايم شديت ايدة
فز:-اهووو شلون بلوة هاي
ملاك:-حباب حباب خلي اشوف
جاسر:-عمي خلصتي دمنه
ملاك:-ماخلصته باوع وجهك احمر متروس دم
دمغني وسحبتله أذيته
ورجعت سحبت مرة الثانية صارت ايدة
زرگة:-يمه هاي شنهاي
جاسر:-شنو
ملاك:-ليش صارت هيج
جاسر:-هي هيج تصير كافي لخاطر مكه
عمي والزهرة تعرفين وحق هذا الله راح ينطوج امتياز ؏ كد ماسحبتي دمنه وطيحتي حضنه
ملاك:-يلا يلا ارجع نام حبيبي
بسته بخدة وضليت اضحك وصعدت
خوب كمال
كل مايجي اسحب دم من عنده
ملاك:-خلي اشدلك كانونة
كمال:-ادري مالتيش تشديلي حاطيني حقل تجارب
وتعلمت واتقنت الموضوع صار شي عادي
يعني بس هذا اسوي
وهي گالت تعلمني بعد
وهو دخلت واسطة من يمها لأن مستحيل
يخلون شخص مو اختصاصه هذا
ثاني يوم اخذني كمال
دخلنه للعيادة جانت الجوة صاله
يگعدون بيها المراجعين وفوك هو مكانه
اول ماوصلت لگيتها
ملاك:-صباح الخير
حوراء:-هلا عيني واني اگول العيادة منورة
ضحكت بخجل ودخلت يمها
انطتني تعليمات عن الألتزام وجربت اسحب
دمها عجبها شغلي
انطتني لابكوت لزمته وايدي ترجف
نزعت عبايتي ولبسته
وباوعت للمرايا شگد تمنيته!
غمضت عيوني وماردت شي يعكر مزاجي
طلعت وگعدت ؏ كرسي وگبالي ميز
ضحكت:-والله حلو الشعور
ابتسمتلي
وضليت اشتغل وهي تراقب شغلي
وشلون اسحب دم واشكل كانونات
ضبطت الشغل نوعاً ما
صارت الساعة 12 ونص كالت يلا طلعي
دكيت ؏ كمال گال جاي
طلعت انتضرة برة
شوية و وكفت سيارتة صعدت:-ها حبيبي شلونك
كمال:-ليش واكفة بالشارع؟
ملاك:-غير جنت منتضرتك
مسح ؏ وجهه وايدة ترجف وحرك
بدون مايحجي لزمت ايدة:-شبيك كمال غير جنت انتضرك
كمال:-يعني ماتعرفين تدخلين جوة ومن اوصل ارمش عليج؟
بلعت ريكي وهمست:-نسيت
كمال:-هاي بدايتها
درت وجهي لغير جهه واخرت نفس وذبيت
حتى واني فرحانه؟
يارب صبرني
اتجاهلت في سبيل ماضوج وماخلي يعصب
ضلت عيني ؏ طريق لحد ما وصلنه
نزلت بدون لا احجي وهو راح
باوعت ورا بس التراب
تمشيت للبيت دخلت
وجهه امي المُبتسم ردلي روحي
ملاك:-سلام عليكم
ضحكتلي وكالت:-هلا حبيبتي شلونج اليوم؟
ملاك:-زينة الحمدلله
أيمان:-شلونة الشغل
ملاك:-زوين بعدني مامتعلمة
ابتسمت ورحت صعدت بدلت وتمددت
لحد ما غفيت حتى بدون اكل
نمت...
لحد ماحسيت شواربة الخشنة ؏ خدي
ملاك:-كمال وخر
كمال:-شنو زعلانه؟
ملاك:-شصعدك انتَ لهنا؟ بيش الساعة؟
كمال:-بالخمسة
ملاك:-العصر؟
كمال:-جا قابل الضهر اكيد عصر
سكتت ورجعت راسي:-شو باوعيلي
ملاك:-ما
كمال:-لج
رفعت متوني أمنعة يخلي شواربة برگبتي
ملاك:-وخر متستحي
كمال:-حلالي يابة
ملاك:-حلالك تصيح علي؟
كمال:-طالعة واليمر يباوعلج تردين اضحكلج؟
ملاك:-كمممال لاتكبر الأمور مو لهالدرجة توقعتك تغار اي بس مو هيج
كمال:-هاي اني كتلج من الهوى اغار
ملاك:-لا بالله؟
رفع حاجبة وهمس:-هاي جديدة؟
ملاك:-تؤ وخر عني أخواتي ليجن
كمال:-محد يصعد
ملاك:-اهلي وين؟
كمال:-كلهم جوة بالصالة
ملاك:-شلون تصعد كبالهم يمة شكد فشلة
كمال:-صاعد لمرتي غير
عدلي راسج شو باوعيلي
واني اماطل ويا تالي زعل واني راضيتة
وهاي احنة ضالين يزعل واراضي لو انا ازعل ويراضيني
وبعد فترة جدو عزمنة ؏ غدة رحنة كلنة..
گاعدة بالصالة ويا البنات
صاحتني وردة:-ملاك
گومي نجيب الأماعين من بيتنه
ملاك:-خلي أسأل كمال واجي
وردة:-طالع كمال امشي ميگول
رحت وياها كتلها انتي تتحملين المسؤلية
وصلنه للبيت كالت:-روحي جيبي الاماعين من الصالة
ملاك:-شيسون الاماعين بالصالة؟؟
وردة:-امشي جيبيهن معليج
هو اني مشيت ونجريت من خصري
نزيت بسرعة واني بين ادين كمال
ملاك:-خرعتني خرعتني يمة كلبي وكف
كمال:-اموت عليج
ضربتة بصدرة وهو لازگني بالحايط
ملاك:-هاي الجلبة متفقة وياك موو
كمال:-جا شعدنة غير وريدان علم
وردة:-ديلا لاتضلون تمطگون بساععع خلي تجي تساعدني
كمال:-ادبسز
شالني وصعدني لفوك:-كمال شدتسوي لاتحس امي اني رايحة ترة ماگتلها
كمال:-معليج حبيبي اراويج غرفتج
سكتت واني مبتسمة أباوعلة
نزلني للغرفة باوعتلها ديكورها حلو وفخم
نضيفة تلمع حط راسة برگبتي وهمس:-شرايج نجرب الجرباية؟؟
ضربتة بعكسي ببطنة ضحك بصوت عالي
ملاك:-حلوة تجنن ، ذوق منو اعترف؟
كمال:-رندة
ملاك:-عرفتهاا شكد ذوقها حلو اتذكر العقد هي هم رتبت الاستقبال
كمال:-هو اني رحت افتريت 3 ايام اني افتر هي جانت عدنة تالي كالت خلي اروح وياك وصدك اختارت عبالي متعجبج
ملاك:-لا حلوة كلش
واني اباوع للمرايات وافتر جرني من ايدي
ودفعني ؏ الجرباية صحت:-لاااا
كمال:-اش لج
وهو محاوطني بين ادي:-احبج تدرين
ملاك:-اي ادري بس غيرتك تخليني اكرهك
كمال:-اششش
وهو حاطة راسة برگبتي ويشم بية
ايدة تضغط ؏ خصري
وخشمة يمشي ؏ وجهي، رگبتي، شعري لحد ماستقر بصف شفتي:-انه أعشگج واحبج واموت عليج شتردين توصفيني وصفيني شايفة من نصير سوة بجرباية وحدة ؏ مخدة وحدة لخليج نفس ماتتنفسين
ضحكت:-مو هيج
جرني من ايدي وصرت فوگاه:-شنو المو هيج احبج تعرفين شلون يعني احبج
ملاك:-افتهمت افتهمت هههههه
رجع گلبني ورجعنة لنفس الحالة
هو فعلاً يحبني لا ومهووس بية بعد ماجنت افسر الحب البعيونه هو حُبة حُب حقيقي يريدني اله افتهمت هو يحبني بأمتلاك ميحب احد يشوفني يلمحني صرت انطي العذر بسبب حُبة المُبالغ بي لهاي الدرجة
گمت عنة وجهي نار واهفي بأدية
عدلت شعري وسحبت شالي وطلعت اركض
لاگتني وردة ؏ درج متخوصرة:-صارلي ساعه اصيح وينكم؟
ملاك:-هنا جنة نسولف
وردة:-اي صح مبين حلگج مورم من السوالف
ضميت شفتي وضحكت
نزلت غسلت وهو نزل وراي
وردة:-دگول اختك ماتحبك
كمال:-اموت عليج وعلي
ضحكنه وشلت نص الغراض
كلمن بيدة شغلة گبل لنطلع لشارع باسني بخدي
ابتسمت بخجل
وطلعنه دخلنة سوة للبيت واشوف امي بالباب
مو اكللكم اني الفرحة متلوگلي
هي ومرت خالي يسولف رفعت حاجبها وباوعتلي
أيمان:-وين جنتي؟
وردة:-وياي عمة نجيب الغراض
أيمان:-اها ليش مكتيلي؟
ملاك:-نسيت
دخلت بسرعة واني اشرد بنضراتي عن امي
باوعلي كمال وضحك:-خوب ترزلنة
كمال:-عادي
ضحكت واخذت الغراض منه
تغدينة وضحكنة ونونسنة
واني كاعدة بصف كمال نشرب جاي ونسولف
صاح جدو بأسم كمال:-شوكت ناوين الزواج
باوع لخالتي رادت تحجي بس كمال سبقها:-شوية فترة حجي فشلة من خوالي
الجد:-هم صح
ذبيت نفس براحة
عبالي يقدمة شوية وگمت ويا البنات
سولفت وتونست ومن ردنه نطلع سمعت صوت جدو
وكمال
واسمع صوت جدو يگلة:-بوية اذا ماعندك اني انطيك
كمال:-مشكور وعلي ماتقصر بس اني جاي الم بيهن شوية شوية
جدو:-جا تضلون انتوا معلگين لا للسما ولا للكاع هم ميصير
كمال:- والله فاتحتها بالموضوع اكثر من مرة وكتلها اذا تردين نستعجل بالزواج عندي استعداد اليوم قبل باجر وهي ترفض
جدو:-انتَ غلطت من خليتها تتعين
كمال:-خطية جا هم حالها حال البنات ماكدر اضغط عليها حتى لتگول حابسني وخانگني مليها التريدة يرخصلها
جدو:-هذا هو بوية التشوفة صح سوي شريد منكم الله يسعدكم ان شاء الله
كمال:-تسلم حجي متقصر ، وبيني وبينك انت ماشفتها من كلتلي شوكت تحدد موعد الزواج وجهها انخطف يكول حددنه اعدامها
جدو:-هههههههههههههههههه
ضحكت ونوب طلعنه ورجعنه كمال
وفعلا مرت شهور وماحددنة موعد الزواج واني مرتاحة هيج
وبمرور الأيام حبيت الشغل كسر روتيني
وتمنيت لو اني جامعة هسه واطلع واطب
وادرس واكمل احلام
بس مو كل الاحلام تتحقق...
بيوم جنت فوك كاعدة اسولف ويا حوراء
دك جهازي فتحتة جان "جاسر"
ملاك:-الو ها حبيبي
جاسر:-ها حبيبتي اني جوة تعاي
ملاك:-خير اكو شي؟
جاسر:-تعاي
ذبيت الجهاز ونزلت امشي ؏ كيفي
بالدرج
بيومها جنت لابسة ثوبي الأزرك
ولابسة كعب عالي واخاف اوكع وانفضح كبال
العالم
نزلت وعيوني تدور ؏ جاسر
عگدت حاجبي من شفتة نزلت وصلت يمة
ملاك:-ها يروحي بيك شي؟؟
جاسر:-لا مابية شي بس صديقي متخربط
باوعت للولد وجهه اصفر
ملاك:-خرعتني عبالي بيك شي
رجعت صعدت واخذت الأبرة ونزلت اسحبلة دم حتى احلله:-بس ارفع التشيرت
رفعة سحبتلة دم صاح اخ
باوعتله:-أذيتك
_لا كملي
انزعجت من عيونة ردت بس اخلص بسرعة
سحبت الدم واخذت القلم والدفتر:-اسمك شنو؟
_غيث... غيث مالك
عگدت حاجبي:-يعني اسمك غيث غيث مالك؟
غيث:-لا بس غيث مالك
ملاك:-تمام نص ساعه ويطلع التحليل
صعدت واني شايلة فستاني وامشي ؏ كيف
اخاف
شوية وطلع التحليل نزلت
واخذت وصفة العلاجات وانطيتيهيا طلعت ويا
جاسر لازمة ايدة واسولف وياه والولد راح ركب بالسيارة عافني جاسر وراح وياه
رحت كملت شغلي
ومن رجعت للبيت رحت لأمي أسولفلها
وهي گالت:- اجاج جاسر وصديقة مو؟
ملاك:-اي اي اجو
أيمان:-خطية الولد اتخربط عبالي صار بي شي من ورانه
ملاك:-ها يعني جان هنا
أيمان:-اي اتغدة يمنه واتخربط
ملاك:-بس ترة هو ملطلط مبين
أيمان:-لا ولج حباب الولد صديق جاسر
ملاك:-لو شايفة شلون صفن بوجهي يكول اول مرة يشوف مرة كش اموت من هيج نماذج
ضحكت امي وهم رحت رزلت جاسر
وهيج مرت الأيام بهدوء....
