رواية لأني عاقر الفصل التاسع بقلم مريم خفاجة
عيناكَ
بغدادً و نسائمُها
واحدة الُمتنبي
والأخرىٰ ساحة التحرير
وأنا الثائرِ!
الذي يُطالب بهم
عيناكَ بغداد الصغُرىٰ
بريقهُما كنصب الحُرية يَشع .
#لأني_عاقر
#البارت_التاسع
صوتوا للبارت+تعليق بين الفقرات+متابعة
لحسابي
ـــــــــــــــــــــــــــــــــــــــــــــــــــــــ
...
دك جهازي فتحت الخط:-ها حبيبي
كمال:-بعدج بالشغل؟
ملاك:-اي بعدنه اليوم هواي والبنيه الي ببدالي متاخرة فـ راح اتأخر اليوم
كمال:-ماشي اليوم العصر امرلكم
ملاك:-هلا بيك
وضليت اشتغل لحد ال2
تكسرت لمن اجت البنية دگيت ؏ سايق
وگال انتضريني وهم اتأخر
اليوم كلشي متعسور متت تعب ؏ ما
أجة طلعت أعرج من التعب لزمت راسي بنص
الشارع والشمس تصگع بية مشيت ؏ كيفي
وصعدت بالسيارة
؏ ما وصلت سبحت وبدلت وصليت
وتغديت صارت الأربعة ردت انام وتذكرت
كمال ضليت انتضرة شوية وأجة
دخلت للاستقبال وانطيته عصير
شربة كله دفعة وحدة ضحكت:-؏ كيفك لاتغص
كمال:-غاص بجمالج اني حبيبي
ضحكت ولفيت ايدي حول رگبته:-هممم جاي مشتاق لو عندك سالفة؟
كمال:-الثنين
ملاك:-نبدي بيمن؟
كمال:-اول شي مشتاق
جرني ويبوس بيه ويتغزل
بعدته عني وكتلة:-يلا شنو سالفتك
حك حاجبة وكال:-احنه مو گلنه لمن نحدد موعد الزواج تبطلين من الشغل؟
بلعت ريكي وخليت شعري ورا اذاني:-اي بس بعدنه ممحددين غير؟
كمال:-اي بس اني حددت
همست بخفوت:-شوكت؟
كمال:-يوم 15 بالشهر الجاي
ملاك:-يعني بعد 17 يوم؟
هز راسة:-بس بعدني ممجهزة شي ومادري بالموضوع كمال المفروض تاخذ رأيي
كمال:-وهسه كتلج مگايل لاحد اني بس انتي ملاك تأخرنه حيل راح نطب السنه الثالثة والله گلبي مشتعل تدرين لو لا گلت لمن اجمع فلوس وصارن وعگبن جمعت اكثر من اللازم بعد شنو اليوگفنه
اذا عندج شي كولي؟
حكيت خشمي ودنگت وحجيت
بقهر:-لا هذا هو باجر اروح وانطيهم خبر وابطل
مسد ؏ خدي وهمس:-لاتضوجين
باوعت لگدام:-الله كريم
شوية وراح وهو يهديني دخلت للمطبخ
گعدت ؏ كرسي وخليت راسي بين ادية
مادري احس مامستعدة للزواج جنت مكيفة بشغلي
دخلت أمي وسمعت صوتها:-شبيج يمه
ملاك:-مابية ، بس حددنه موعد العرس
بفرحة كالت:-اي شوكت
ملاك:-يوم 15
اجت باستني بگصتي وهمست:-الله يهنيكم يمة ، شبيج هسه أنتِ؟
ملاك:-تعبانة مالي خلك لاتكعدوني ؏ عشة
عفتها وطلعت وهي تصيح بأسمي وراي
دخلت بالفراش وضليت افكر ليش ضايجة اني؟
ليش انقهرت؟ ؏ شنو؟ لازم ارضى بالي كتبة رب العالمين وماعترض علي
نمت ل11 يلا گعدت اكلت وكملت ورحت گعدت
بالحديقة
وضليت اخطط شنو اسوي وشنو البس
ومستقبلي كله رسمته
لحد ماتعبت وصعدت نمت
كعدتني امي الصبح كمت غسلت وتريكت
وصعدت اباوع شلبس عيني وكعت ؏ فستاني
الأزرك اتلمسته وابتسمت اخذته
ولبسته وشالي الأبيض ذبيته لورا
ويا حذاء رياضية بيضة لبستهن وطلعت للسايق
صبحت علي وصعدت والطريق كله
بالي شارد وأفكر لحد ماوصلنه واني مادري
لمن سمعت صوت السايق نزلت
مشيت وصار گبالي واحد ستوة طالع
من المختبر رفعت عيوني علي وهو يباوعلي
ماوخر واني روحي طاگة رحت لغير جهه
ودخلت صعدت ذبيت عبايتي وكعدت بصف حوراء
وبالي بقة مشغول قبل لا اطلع
گلت لحوراء دمعت عيونها وشبگتني:-يالله تعودت عليج سنتين مو شوية
ملاك:-اني هم والله مقهورة كلش من امس لسة بس افكر روحي طلعت
حوراء:-يا حبيبتي الله يوفقج ويسعدج بحياتج راح اروح اگول للدكتورة
ابتسمتلها وهزيت راسي وهي طبت
شوية وصاحتلي دخلت مستحية
الدكتورة:-هلا ملوكة هلا تعالي
بوستني وباركتلي وانطتني راتبي وفوكاه
زيادة:-ميحتاج والله
الدكتورة:-اعتبري هدية زواجج
ابتسمتلها وتشكرت منها:-جنتي خفيفة ظل صدكي مستحيل اخلي شخص لامتخرج ولا متعين بهذا المجال وروحي سألي بأي مكان منو يقبل يعين بس يا ملاك اول يوم شفتج بي حبيتج لاتعتبريها مجاملة بس لو عندي ولد بگدج لو اكبر منج وانتي مامخطوبة جا اخذتج جنة الي بدون مافكر
ضحكت:-حبيبتي تسلميلي مشكورة وانتوا هم ماقصرتوا واتمنى لو اضل بعد وياكم اكثر بس بعد لكلشي اكو نهاية
دكتورة:-عمري ماقصرتي الله ينور دربج بحق الحبيب محمد
ابتسمت وطلعت وحوراء تحضن بية وتبوس بية كبال العالم طلعت وباوعت للبناية ودموعي بعيني
صعدت بالسيارة وخلص انتهى كلشي...
وكل يوم صرت اروح للسوك نتسوك ماخلينه شي
رجلية ماتن صارن خيوط
وبيوم جنه طالعين اني وأمي
دخلنه لمحل
ملابس طلعات ومدري شنو
احنه مقسمين الأيام يعني مو كلشي نشتري
سوة
دخلنه وأفتر ماحس اله وحدة
ورانه سلمت درنه وجوهنه وأمي رأسا
شبگت البنيه وسلمت عليها
اجت البنية وبوستني واني بس واكفة
أيمان:-شلونج يمة شخبارج
_الحمدلله خالة بخير انتو شلونكم مشتاقيلكم
أيمان:-اي والله حتى اني مشتاقتلكم الحمدلله احنة بخير
رغد:-يا حبيبتي
وتمشن يحجن سوة
دخل ولد صاح بصوت ناصي:-رغد
رغد:-ها غيث تعال اني هنا هاي ام جاسر
دخل وبيدة طفلة
غيث:-هلا خالة شلونج
أيمان:-هلا بعد أمك
وأمي خذتهم فلاحة ملاجة ونستني
وراها اريد اجرها من عبايتها واطلعها برة بس ميفيد
امي ولكت واحد يعرفها تاكله اكل بالسوالف
وهمه ذولة اسم الله عليهم مايسولفون هواي
يمة متت تعب ضليت اباوعلهم وساكته
شبيدي التفتت علي البنيه وهمست:-انتي بتها الجبيرة مو؟
كتلها اي ابتسمتلي وسكتت
واني مدنگة العب بالردان مال عباية
ولا رفعت راسي شوية وراحو سلمو وعافونه وطلعو
وقبل لا يطلعون البنيه البيد الولد ابتسمتلي
وأشرتلي باي
ضحكت وهمه طلعو:-يمه بعد ما فرشتي وكعدتي وياهم اكلتي ودگيتي سوالف شنقضية
ضربتني بجتفي:-ولج احبهم ذولة الله يخليهم
ملاك:-يعني هذا زوجها؟
أيمان:-لا ولج اخوها
ملاك:-منين تعرفيهم انتِ؟
أيمان:-صديق جاسر هذا وهاي اختة
ملاك:-الله وأكبر
شوداج شعرفج والله عبالي شو منو ولد اختج ولد اخوج واحنه مندري داگة فج وياهم
أيمان:-انجبي جا مثلج خوثة
باعي ذاك القميص حلو؟ لبسي بالصباحية
ملاك:-دمشي يمة امشي يفشل المحل كلة مو حلو
أيمان:-امدة ذوقج اي والله
ملاك:-؏ اساس ذوقج دمشي لا اعضج
ضحكت وكرصتني
وطلعنه نفتر من خلصنه
دخلنه لمحل البدلات اختارينه وحجزناها بأسم كمال
وطلعنه ومر يوم يسحل يوم
والأيام تركض ركض...
فتحت الباب ابتسملي
وبيدة علاگة البدلة
دخل وتقرب راد يبوسني امي عاطت:-ولككك
كمال:-أهووو هم انتي
أيمان:-هاي عليمن اهو ادبسز يلا يلا اطلع
كمال:-عمي مرتي الله وأكبر
أيمان:-باجر تصير مرتك حبيبي يلا روح اطلع
كمال:-حبابة بس وحدة عاد منا لباجر تصبرني
أيمان:-اطلع اطلع
وهي تدفع بي وتضحك وهو يحرمصلها بـ حبابة
واني اضحك عليهم دفعته وطلعته برة
صاح من ورة لباب:-اني اعلمج عمه اريد اشوف منو يجيبها الج
أيمان:-غير اسحلها سحل
كمال:-خلي نشوف اني وياج والزمن طويل
أيمان:-ههههههه أمشيي ولك أمشي
اختفة صوته واني ضحكت:-خطية
ايمان:-خلي يتحمل منا لباجر
دخلت بيدي العلاگة همست امي بحزن:-روحي لبسيها أشوفها
أخذت نفس ودخلت ايدي ترجف
واني البس بيها
جانت نازكة حيل اكتافها جانن سلاسل فضة
والباقي كله سادة
جنت رايدتها هيج لان سعرها أقل وبسيطة أحلى
حتى مو منفوشة كلش صحت لأمي
دخلتلي عيونها حمر
هلهلت بصوت عالي ودموعها تنزل
ركضت حضنتها حيل
وأباوع نجلاء صعدت وبناتها وخواتي مدمعات
نجلاء:-الله شو خلي اشوف
وخرت عن حضن أمي امسح بدموعي
ضليت ادور واراويهم البدلة تجنن جانت
گلبي يدك بسرعة شعور العروس حيل متعب
افكار مشوشة تصير ماعرف بشنو نحير نفكر
بلبسنه وبمكياجنه الخاف يخربن او شي يخرب العرس
بوداع الأهل
بالشي الراح يصير بعد العرس
بالمستقبل المجهول
وشنو حياتنه راح تكون؟
شي مرعب صراحة
يمكن من افشل اللحضات الجاي احس بيها
حالياً مستحيل اگول حلو
ومستحيل اتحمس لباجر اريد الساعة تمشي
؏ كيف اريد اشبع من أهلي
بهاي اللحضات لو شما نسوي مراح نشبع من اهلنه
وكأنما نحس انو خلاص انتهىٰ كلشي مراح نشوفهم
كل السنين والأيام والدقايق
الفاتت واني مو يم أهلي اتندمت عليها
جنت أتمنى لو ما نام لو مادرس لو ما التهي في
سبيل اضل يمهم
شعور الندم ضل ياكل بية
خاف قصرت؟ خاف تأذو بسببي واني فعلاً
هواي أذيتهم
أكثر الضربات الينضربن بيها خواتي
وأمي اني سببها
وهلشي موتني وتعبني التفكير قلقني صرت ابجي
بس اريد انام
نزلت بسرعة وفتحت غرفة أمي
صاحت بصوت عرفتها جانت تبجي:-تعاي ريم ابوج مو هنا راح لنجلاء
رحت يمها دخلت بحضنها
فزت بسرعة وباوعتلي وفتحت الضوة اليمها
أيمان:-ملاك شبيج يمه؟
شهگت ودموعي ضلت تمطر
اخذت ايدها ابوس بيها واشبگها حيل
واشم عطرها الماينشبع منه
بست راسها وكل انحاء وجهها
شبگتني حيل وبادلتها ودي اضل حاضتنها
طول عمري:-أحبج يمة ماريد اعوفج
أيمان:-أششش يمة اهدأي يبعد امج هي هاي سنة الحياة لو تضلين يمي ميت سنة تزوجين تزوجين
شهگت وغصيت بدموعي وهي تمسح
بوجهي:-يمة آسفة عفتج هواي اني
يمكن عفتج تتأذين ونمت يمكن عفتج تشتغلين وتتعبين يمكن احتاريت بروحي وعفتج تتأذين آسفة نضربتي هواي بسببي آسفة راح اعوفج يم هذا الوحش
يمة احس روحي راح تطلع والله
ماجاي اكدر اتحمل اعوفكم شلون شلون
ضحكت ودموعها تجري وياي
ورجعت شبگتني:-اششش اسكتي كافي
ضلت تهز بيه وتمشط شعري بأيدها
وتقرة آيات اسمعها وتصلي على محمد
لحد مانمت ؏ ايدها
والصبح گعدت ؏ هوسة
فتحت عيوني خواتي يگعدن بية
ابتسمت بسرعة وبالعادة
جنت اذا اسمع صوت يمي اكوم اصيح
واكتلهن
بس هسه اختلف كلشي فتحتلهن أيدي
بسرعة نامن فوگاي
ملك:-شلون راح نعوفج
ملاك:-اني شلون راح اتحمل بدونكم
ملك:-يمكن تلتهين زوجج وحياة جديدة وحلوة
بس احنه نبقة نتذكرج ونشتاقلج
ملاك:-صح بس مانساكم اكيد دائماً أجي
ريم:-ملاك بعدج زغيرة ليش تتزوجين
غمضت عيوني وفتحتها وهزيت راسي:-مو بيدي
ريم:-تدرين اني ماحب كمال
ملك:-ولا اني
ضحكت وضربتها بكتفها:-ادبسزيات شو تحجي ؏ زوجي كبالي
ضحكن وگالت
ملك:-يلا كافي خلي نگوم نعدل ونرتب ملاك حبابة گولي لأمي نخلي مكياج
ريم:-اي حتى اني اريد اخلي حمرة حمرة
ضحكت وكتلهن ماشي
كومني ثنيناتهن دخلني للحمام فرجنه سنونه
سوة واحنه نتغالب ياهيه التخلص اول
وسنونها انضف
وكالعادة ملك تغلبنه
غسلنه وجوهن وطلعنه واحنه لابسين نفس التراكات
بس اني غير لون وهنه يشابهن
ينزلن گبالي واني وراهن أبتسم
نزلنه وجاسر جان بيدة الريموت ويصيح:-يمه
مايشتغلن مايشتغلن والكعبة مايشتغلن أشارة ماكووو
وأمي تصيح:-أكوو أكووو بس انت فاهي
جاسر:-والله ماكو تعاي شوفي عمي اني اجذب
أيمان:-واذا اجيت وصارن اركعك ميت نعال
جاسر:-دتعاي يلا
اجت أمي اخذت الريموت منه بعصبية
وداورت وطلعت قناة أناشيد
ضحكت وهي شمرت الريموت علي
وملخت شعرة:-اخخخ اخخخخ
دار وجهه علية وضحك:-هلا بالعروس هلا
ذبيت نفس ورحت حضنته شالني وهو اطول
مني
ملاك:-اني اكبر منك بخمس سنين وانتي اطول مني بعشر سنين
جاسر:-زقوج
ملاك:-ذاك اليوم هالكبرك شبسرعة تطول انت كش
ريم:-باع شواربة يكول هتلر
ملك:-اي والنبي بس الزك شعرك هيج
جاسر:-اي بعد عيبن عيبن بنات أيمان شترجة منجن
أيمان:-وللككككككك جا شبيهههههننننن بناتتتتت أيممممااااان
جاسر:-يخبلن غير خلن الزلم تتناطح بالشوارع من جمالهن
أيمان:-اي عبالي تعالو تريگو يلا
ضحكنه ورحنه گعدنه ؏ طبلة
التهيت اباوعلهم وماكلت
مناگر ملك وجاسر ؏ آخر صمونه
أمي ودلالها لآخر العنگود حتى وهي جبيرة
تسوي لفات لريم وتحط بحلگها وريم تبتسملها
ابستمت وسألت:-نجلاء وين؟
جاسر:-راحت قبلج للصالون
ملاك:-الله واكبر
أيمان:-صدك نسيت يمه استعجلي
تمر عليج رندة وتاخذج للصالون ب٩
ملاك:-جا انتي ماترحين ويايه؟
أيمان:-لا يمة وين اكدر بعد تنضيف وتعديل
ملاك:-لا يمة عليج الزهرة بعدها ب8 ننضف بسرعة
احنه امس مو نضفنه عليج الله شلون اروح وحدي غير انتي وياية حبابة
أيمان:-يا والمعازيم وخالاتج وعماتج وكرايبنه اليجون منو يستقبلهم ريم؟
ريم:-جا شبية اني
أيمان:-انتي انجبي المهم يمه روحي ولاتخلين ببالج ولاتخافين
ذبيت نفس بضوجة واني اباوعلهم
باوعتلي امي وهمست:-اكلي
ملاك:-ماريد
أيمان:-تضلين جوعانه جا تعاي يمي تعاي
گمت وكعدت بصفها وتسويلي لفة الي
ولفة لريم واني اباوع لعيونها الكلها حزن
كملت اكل وشلت الغراض ويا أمي ماقبلت كالتلي
روحي جهزي نفسج بس اصريت
اساعدها ساعدتها
وصعدت لبست بنطرون وقميص قصير
وشعري شلته ولبست حجابي
واخذت جنطتي ونزلت
ردت أدخل للصالة سمعت أمي وملك
ملك:-يمة كافي والله ميصير تبجين هواي عليها
أيمان:-ولج ماگدر احس گلبي يوجعني ولج صارلي يومين مانايمة مامرتاحة احس روحي راح تطلع
ملك:-كافي لاتجي تسمعج وتضل تبجي
أيمان:-هي الليل كلة تبجي ونامت يمي ياللهي صبرنه
ملك:-عمي يكول موديها ندفنها يمه شنو السالفة
أيمان:-انتي انجبي معليج
ملك:-بلا اني اذا ازوج هم تبجين هيج عليه
أيمان:-سبع حجارات وراج
ملك:-ليشششششش ليششششش
ضحكن واني دخلت
سويت روحي ماسمعت شي بس كلبي نار
راحت أمي
تشتغل وتباوعلي
لحد ما ندگت الباب بوست أمي وحضنتها حيل
طلعت لرندة صعدت بالسيارة
سلمت ؏ زوجها وحماتها وياها
ضليت طول الطريق بالي مو براسي اصلاً
وصلنه للصالون نزلنه
صعدت همزين دوري جان لان حاجزين قبل
غسلتلي شعري ونشفته الي
اجت وحدة ثانية سحبته وگصت أطرافة حددتهن
بديت اختار التسريحة و رندة وحماتها ويايه
ملاك:-بس ماريدها هيج عاليه راسي يأذيني يضل
ولاء"حماة رندة":-حبي هي هيج تساريح العرايس جا شتردين
باوعتلها بتك عين:-ماريد هاي
ولاء:-اووو سالفتها طويلة
اجت ام الصالون راويتها البدلة
ضلت صافنه تفكر رجعت فتحتلي الدفتر
طلعتلي تسريحة ذل حصان عالي كلش
وكالت نخلي اكستيشن نطول شعرج
ونخليلج تاج ناعم وياه كرستالات
وافقت شو حسيته يطلع حلو
ضلت تسوي وتسحب شعري
ونوب رفعن شعري كلة بس شنو احس
جلد شعري كله نضب وكام يوجعني راسي
بالزايد بس طلع حلو حيل
بدن بالمكياج
خلصنه كلشي تقريبا ب3 ساعات
احس راسي صدع وهنه 3 واكفات فوك راسي
ورندة وحماتها خلصن طلعن حلوات هم
لبست بدلتي
وصفنت بالمرايا اني اليوم عروسة؟
شعور غريب
ابتسمت لشكلي كلش قبلت بي
لفيت البرگع وفوگاه العباية وطلعت امشي ؏ كيف
ولاء لازمتني من كدام
ورندة من ورا
طلعت جان كمال گبالي
ابتسمت جوة العباية أكدر اشوف بس شوية
جان شكلة حلو لابس قاط نيلي
صعدت ورا ورندة يمي و ولاء بالصدر
صعد ودار وجهه:-بروح الحسين بس خلي اشوفها
رندة:-ههههه لا لا ميصير بالعرس شوفها حبيبي
كمال:-اشتعلو اهلج شيوصلني
واني اضحك وهو يرگص ويهز ركبة ويا الموسيقى
وصلنه وهو دار من جهتي ونزلني
الزلم تهلهل وتصفك وتهوس
دخلنه لبيتنه سدن باب الشارع نزعت البرگع والعباية
اخذتهن ولاء دخلت لجوة
وتلكني خالاتي بالهلاهل والجكليت
طلعت أمي اول ماشافتني هلهلت
ودموعي تجري
حاولت احبس دموعي علمود ميخرب المكياج
لزمت أيدي ودخلتني
واجن خواتي لابسات بدلاتهن ويضحكن ويركصن
فرحانات
شفت وردة اجت تركض تهلهل
من بعيد وتغني وترگص طفرت شبگتني فرحانة
وردة:-تتذكرين تتذكرين من كتلج راح تصيرين مرت اخوي وتحقق كلشي يمة فديتنييييي المفروض نص مهرج الي لان اني جمعتكم بالحلال
ملاك:-دمشي ولي لج راح اوگع لزميني
وردة:-يمه جمالج اللهم صل على محمد
ابتسمت وامي و وردة لازماتني
دخلت للاستقبال النسوان كامن وأصوات
الهلاهل وأصوات الفرح مبينه
جانت اجواء حلوة حيل
الكسر فرحتي الحزن بعيون خواتي وجاسر
جانو مكسورين حيل
امي متحط عينها بعيني تركص وتصفك
لو تحجي ويا النسوان في سبيل تلتهي وماتباوعلي
وخواتي وردة ملهيتهن تركص وياهن واني اباوع
مبتسمه
الديكور جان خُرافي
كلة ابيض بحيث حتى حيطان بيتنه مامبينه
لان كلة بردات بيض طوال مغطيات كلشي
جانوا جايبين مصممه تصمم البيت
وحبيت الفكرة والكوشة مزينه بلون ابيض ونيلي
استغربت كلت ليش ماخلو غير لون ويا الابيض
بس اتذكرت قاط كمال نيلي
ركص وهوسة وهلاهل وتوزيعات واصوات
الاطفال وحزن وفرح بنفس الوكت
صوت المله وهي تقرة
حطينه الحنة وشدتلي أمي ايدي
بشريط أحمر ابتسمت
وسولي الجلوة ولزمنها البنات اليردن يتزوجن
اول وحدة طفرت بيهن وردة
بعدها گامن خالات كمال وخالاتي
يگفلن ويهوسن:-سبع وليدات وبنية
وذنيج يردن وراها
اجتني وردَ:-ولج اذا جتج بنية سميها بأسمي
ملاك:-ليش يمة
وردة:-جا غير اني زوجتكم من دعاااائي
غميتها وضحكت وهنه يكررن نفس الكفلة
وامي فاتحة اديها وتدعي
شوية وسمعنه صوت الطلق تعلن اجت زفة العريس
أبتسمت وكمت
عدلت فستاني الأبيض
ومسكتي الوردية بيدي جنت منتضرته بخجل وبنفس الوقت
جنت متحمسة شون راح تكون ردة فعلة بهذا ترتيبي
دخل كمال متوتر تلگنه
يهوسن ويرگصن:-نزعو القوط يا اهل القوط كمولي لبس قاطة
جان خجلان حيل يبوسهن ومستحي
باس امي من راسها وأيدها وحضنها
وأمه كذلك وردة طاحتله دك بوس لحد ماخزرها
ودفعها
وهي تضحك وتصفك
التقت عيونه بعيوني وتذكرت اول مرة شافني
بعرس رندة
واليوم هو عرسي؟
وهو زوجي؟ وصار عندي إيمان كامل
بأنو الصدف مرات تصنعلنه حياة كاملة واحنه مو منتبهين
يمشي وهو يباوع لعيني مبتسم
كأنما ماكو احد غيري بهالمكان
لزم خصري وباسني بگصتي وهمس:-اليوم أنتِ عروستي
رفعت عيوني مبتسمه:-أول مرة شفتني بدون حجاب وبمكياج شوكت؟
كمال:-أحلى يوم عرس رندة من سابع المستحيلات أنسى
انتِ دنيتي وعالمي كلة روحي انخلقت لروحج
وهو لازم ايدي ورجع باسني بگصتي
بدلنه الحلقات واحنه عيونه اكلت بعض
لزم خصري وگصتي ؏ گصته
والمصورة تطگلنه صور ضل يتلمس
شعري ويهمسلي كلمات غزل
وگعت عيونه ؏ گلادتي الي جابها الي
بيوم نجاحي من السادس
دنك اخذ الكلادة وباسها وجانت لقطة بالتصوير
تجنن
امي تجيب وتخلي ومخبوصة
لبسوني البرگع وكالو يلا نطلع
واحس روحي طلعت قبلي شبگت أمي وبوست
اديها وابجي وهي تبجي وتهدي بيه
وخواتي يبجن سحبني جاسر
من حضن امي وباسني بگصتي وهمس بخنكة:-الف مبروك حبيبتي راح نشتاقلج
هو كالي هيج لو الدنيا طلعت من عيني
جلبت بسترته وضليت أشهك
لزمني كمال وخرني عنه:-كافي ملاك تأخرنه
ملاك:-ماريد اروح ماريد
أيمان:-أخذها ماما كمال مكياجها سال
ملاك كافي يمة شو باوعيلي
باوعتلها واني امسح بدموعي وهي تعدلي
المكياج:-تؤ خرب المكياج ليش هيج
سكتت وهي ورندة يعدللي
أيمان:-ماما ماطايرين احنه هاي شمرة عصى
وتصيرين يمنه واحنه هسه جايين وراج
باجر نجيج
وراها نعزمج مراح تروحين لبعيد
ملاك:-ماگدر اعوفكم
أيمان:-كافي يا حبيبتي
بوستها وطلعنه
ضربو طلق بالجو وجدي اجة باسني براسي
وأبوية باسني من ورة خشمة
حتى ماسلم ؏ كمال خوالي كذلك وعمي هم
جاي
الكل يرگص وفرحان
جنت فرحانه بس كلبي يوجعني اريد ارجع
روحي ضلت كلها يم أمي
صعدنه بالسيارة مشت واني اباوع لورا
لحد ماطلعنه من الفرع ذبيت نفس
باسني بخدي وأمير "ابن خالي عصام"
هو الزفنه بسيارته
فرينه المحافضة فر نزلنه بالاستوديو وصورنه
ورجعو يفترون وخبصو الدنيا بالطلق والهوسات
والهورنات
جانت سيارات شرطة الي همه اصدقاء كمال
كل ساعة يسدون الشارع وينزلو
يرگصون كلهم ويهوسوله
اخر شي شفته رفع ايدة وضرب طلق
وهو يباوعلي مبستم وجانت عيونه
تلمع فرح احس لمعة عيونة تيهتني
خلتني اتيهه العالم كله
واباوعله بس هو
ابتسمت لأناقته وكشخته من بينهم كلهم
رجعلي ورجعو يفترون بينه
لحد مادخت لل8 يلة رجعونه للبيت
واني كل ساعة اباوع للجامه لسيارة امي وخواتي
نزلوني بباب البيت ذبح جدي جوة رجلي
غمضت عيوني ولعبت روحي هو اني
منا بالفرة دايخة ونوب شفت الدم
لزم كمال ايدي حيل
ودخلنه وكذلك الهلاهل ماوكفت دقيقة
ضلو شوية يركصون ويهوسون
والبنات يركصن كبالي واني دايخة
شوية وبدو ينسحبون وبقو بس أمي
وخالاتي وام كمال
صعدني لفوك ورتبني وأمي توصني
وتهدئ بية واني كلبي بالزايد يدك
نزلن كلهن وجلبت بأمي:-ها هم ترديني اضل وياج
ملاك:-بس شوية ضلي يمي
أيمان:-اوف منج
ضلت يمي انطتني جكليتة ومي بارد
دخل كمال شاف أمي:-يالأسلام انتي شوكت اخلص منج
ضحكت امي:-يا ادبسز غير بتيي
كمال:-صارت مرتي مرتتتتتيييي يلا عيني يلا بلا مطرود مثل ماطردتيني امس
ضحكنه ثنينه وهو ضل يشاقة ويا امي
طلعت امي وهي تكله:-اذا الصبح شفت
بتي مو زينه اخذها منك
كمال:-دمشي امشي شطولج
ضحكت وضربته بزندة
نزل وياها واني ضليت بالغرفة
رجعلي سد الباب ؏ كيف
وهو يهمس:-الحلوة ببيتي صارت
كمت وكفت من التوتر اجه لزمني من
زندي وهمس:-الف مبروك حِلوتي
دنگت راسي وهمست:-الله يبارك بيك
واني العب بدكم قميصة
كمال:-ها متحمسة شو تلعبين بالدكم
ضربته ببطنه وهو صاح:-اخخخ ليش تردين تموتيني واليوم ليلتي
ملاك:-هيلك
كمال:-حلوة الهلاكة وياج
ضحكت وكتلة:-يلا اطلع خلي ابدل
كمال:-شعرج خلي هيج لاتفتحي
ملاك:-تدري جلد راسي كله احسه نضب
عيوني احسها راح تطلع
كمال:-بس حلو
ملاك:-لا ماگدر يلا يلا
كمال:-خلي اضل
واني ادفع بي:-لا لا حبيبي لا يلا عيني برا برا
كمال:-حبابة
ملاك:-امشيي
قفلت الباب واخذت نفس قوي
البدله جانت سحابتها من يم الصفاح فتحتها ودخلت للحمام الداخلي ذبيت ماي بارد
بعد هذا التعب هلاك هلاك مستحيل التعب
كارثي
ضليت جوة الماي شوية وطلعت
لبست ثوب نوم أبيض صح قصير بس شوية مستور
لان فوگاه روب
لعبت بيهن لعب جانن يردن يخللي مشلخ
وردة الادبسز بس امي كالت عووفنها
بعدين تتعود
لبسته وجان تعلاگة ودلعة الصدر كافية
مشطت شعري وعفته مفتوح
كلت شوية عاد ارتاح
رجعت لبست الكلادة وخليت مكياج وتعطرت ترست روحي
وطلعت ردت انزل وتذكرت خالتي و وردة
استحيت رجعت للغرفة
رجعلي كمال يصوفر ضل يباوعلي
مبتسم:-شنهاي شنهالحلاوة هاي
ضحكت:-شنو جنت جوة
كمال:-اي محد جوة حبي البيت النه اليوم
وهو لازم خصري وضام راسة برگبتي:-لعد خالتي و وردة وين
كمال:-طردتهن لبيت جدي
ضحكت وخرته عني
وحاوطت رگبته:-اممم شلون طالعة اني اليوم؟
كمال:-شحلاتج وهو وين اكو واحد بحلاتج
ملاك:-ادري
كفخني ؏ راسي ونزلنه سوة ناكل
ونضحك جانت مفتوحة نفسة بحيث أكل
هواي ويضحك ويسولف وياية
خلصت ردت اعزل المطبخ ماقبل
فرجت وهو ضال يمي لازمني من
خصري يتلمسه ويهمس:-مو خصر منحوت نحت
ابتسمت
اخذني من أيدي ودخلنه للغرفة
حط خشمة بصف خشمي
وانفاسة الحارة تضرب بخدي
كمال:-اجة اليوم الاحلم بي من
