رواية ذيب الشامخ الفصل التاسع بقلم توتة
ماعرف شكدد مرر وقت گعدت علئ ضربه علئ كتفي.
فزيت مرعوبه. شفتها بنت عمي مروه تباوعلي بنضرات كلهن حقد وكرهه.
رباب / شبيج فززتيني
مروه. / شصااير بالدنيا اليووم رباب عدنه لازم مسويتلج سالفه جبيره وطردوج موو.
رباب / لاعبالج كل الناس مثلج. شنوو حرام اجي علئ بيت جدو
مروه / موو سمعت عمه سهام تحجي لبيبي تكولها ابوج كاضح مجنزج من الكتل
ضجت كلشش فوك قهري وضيمي جايتني مروه تكملها عليه.
عفتها وطلعت من الغرفه واني ضايجه نزلت لگيت بيبي وعمتي سهام گاعدات سويه باوعتلي عمه سهام وگالت
سهام : هاا رباب گعدتي تعاي حبيبتي
رحت گعدت يمهم
الحجيه. : شبيج بيبي وجهج شاحب ومابي روح شجاج
_مابيه شي بس راسي يوجعني ماكوو علاج
سهام. : تعاي اكليلج شي موزين تشربين علاج بدون اكل.
هزيت راسي برفض بس عمتي اصرت اله تكومين تاكلين كمت وياها ورحنه للمطبخ سوتلي لفه وطلعتلي عصير. اكلت شويه مالي نفس اكل.
سهام : لاتضوجين حبيبتي اهلج يريدون مصلحتج وحقه ابوج يخاف عليج.
_عمه ابوي ماخاف عليه ابوي شك بيه وكل هل شي صاار بسبب امي هيه الي حچتله ماعرف شبيها هل فترا صايره ابددد ماتحبني وتفرق بينه خصوصا اني متحاربه وياي علئ كلشي.
سهام. : انجبي شنوو هل حجي امج تحبج وماتفرق بينجن بس من خوفها عليج گالت هيج وهسه يلا اكلي ولاتحسسين شخص انو انتي بيج شي
هزيت راسي بأي وسكتت.
اكلت شويه وطلعت گعدت بغرفه جدتي اخذت جهازي واتصلت علئ ذيب...
رن مره ومرتين وميجاوب اففف وينه ليش ميرد.
عفت الجهاز علئ ميز وطلعت من الغرفه رحت كعدت وياهم شويه واجو اعمامي 2 ميثاق وهيثم.
هيثم. : سلام عليكم
الكل. : وعليكم سلام.
هيثم. : هلا عمي رباب شلونج
رباب. : الحمدلله زينه انته شلونك عمو
هيثم. : الحمدلله جايه وحدج ساره زهراء ماجن وياج.
رباب. : لا عمو ماجن اني اجيت ويه عمه سهام وباجر ارجع للبيت.
هز راسه بأي وسكت راحت عمه سهام تحضر الغده الهم رحت وياها اساعدها شويه وطبت علينه عمتي حرير مدري وين جانت شكدد فرحت من مالگيتها بالبيت.
حرير. : يمه هلا بنت الغالي هنا
درت وجهي عليها ورحت بوستها وسلمت عليها
رباب. : شلونج عمه شخبارج
حرير. : زينه شجابج موعندج دراسه لوو تردين تعيدين السنه حته ماطلعين من الاعداديه.قصص وروايات عراقية
_لا عمه اصلا اني باجر راجعه للبيت مابقه هنا لاتخافين.
حرير. : اي احسن خطيه مخليه شغل بس ؏ ساره وامج.
حچيت بگلبي. صايره حنينه ؏ امي ولله يالله
حرير. : شگلتي ??
_ماگلت شي رايحه سمعت بيبي صاحتني.
عفتها ورحت مالي خلگ احچي وياها هيه هيج كلامها كله بزز واذا ابقه اراددتها تسوي سالفه تافهه ونتعارك.
سمعت صوت جهازي يتصل رحت بسرعه للغرفه لگيت مروه تريد تفتح رحت بسرعه سحبته من ايدها
_جيبي. منوو سمحلج تاخذين جهازي
مروه. : ؏ كيفج عيني شبيه حته هيج انرعبتي من اخذته.
_معليج.
سديت الخط هو جان ذيب يتصل مسجلته بأسم وحده من صديقاتي حته اذا شخص صدفه شاف جهاز يصيحني عليه
بقت تباوعلي مروه بنضرات غريبه عافتني وطلعت رحت سديت الباب مال الغرفه ورجعت اتصلت ؏ ذيب.
من اول رنه فتح الخط
ذيب. : هاا حبيبي شبيج ليش سديتي الخط
_اسفه جانت مروه بنت عمي يمي وماگدرت افتح انت وينك اتصل عليك ومتجاوب
ذيب. : بالواجب اول مارجعت منج بوجهي للشغل وهسه خلصت واتصلت عليچ
_هاا ماشي عبالي بيك شي
ذيب. : لاتخافين ماكوو شي. شوفي راح ادزلج رقم صديقي باقر اذا اني صادف يوم مفاتح نت او ماجاوبج راسلي او اتصلي علي واخذي اخباري منه تمام
_تمام
ذيب. : راح ادزه الج ؏ واتساب
_ماشي.
ذيب. : ليووم خاف شخص حس عليچ من تأخرتي. ?
حچيت بگلبي لوو تعرف شصاار بيه حصلتلي كتله مرتبه من ابوي.
ذيب. : الووو رباب
_هاا شنوو گلت
ذيب. : انتي وين بالچ گتلج خاف اهلچ شكوو بيج ليووم من تأخرتي بالرجعه
_هاا لا ماحسو ؏ شي ..
ذيب. : دير بالج بويه لاتخلين شخص يشك بيج ماريدهم يأذونج خلي بس اخلص شغلي واتقدملج حته تصير علاقتنه علنيه وگدام الكل بس هسه الي اريده من عندج تكونين حذره ..
واذا تشوفين شخص يراقبج ان كانت عمتج او بنت عمج دير بالج تتصلين بيه لاتخليهم يلزمون عليچ سالفه. ويخلون اهلج يكرهونج
يحچي واني صافنه صح كلامه اذا عرفت عمتي حرير او مروه تدمر حياتي ولله بحيث عمتي متخلي مخلوق متگله بالسالفه ومروه تجيها فرصه تبقه تعيرني بهل موضوع ...
ذيب. : بعدج وياي. ??
_هاا اي لاتخاف اني ماخذه حذر من عمتي وبنت عمي لأن اعرفهن يريدن بس حجه حته يدمرن حياتي
ذيب : لاتنطيهن فرصه يحچن عليج.
_انشالله
ذيب. : احبج بويه
_ههه ليش تگلي بويه ?
ذيب. _لأن من صدك احسج بنيتي فرق كلش جبير بينه بالرغم انتي موهل كد ناعمه زينه بس وجهج طفولي واحسج طفله.
_ههه الكل يگولي هيج صديقاتي يكولن عندج خدود محليات وجهج
ذيب. : ايي خدود تگول كيك مال عض
_ههههه
سهام. : رررباااب وينج ابوج هنااا يريدج
يمه سمعت ابوي هناا اختفت الابتسامه من وجهي ورجعت تذكرت الي صاار.
_ذيب اني ..
ذيب. : سمعت روحي بويه من توصلين دزيلي رساله او اتصلي
_تمام
سديت من عنده وطلعت لگيت امي وابوي گاعدين بالصاله وياهم عمي هيثم وعمتي سهام وبيبي ومروه يعني كل العائله متجمعه المهم رحت گعدت وياهم نزلت راسي وبقيت اطكطك بأصابعي
ابو رباب. : يلا بويه حضري نفسج خليني اوصلجن انتي وامج للبيت واروح عدي شغل
هيثم. : خليها هنا ليوم باجر اني اوصلها الكم
ابو رباب. : لا بعد اني جاي اخذها وياي وهيه عدها دراسه وامتحانات هل فترا موو
باوعلي بخزره هزيت راسي بأي وسكتت اني ماريدد اروح يالله هسه احصلي كتله لْـۆ رزاله من ابوي لأن طلعت بدون علمه
بقينه شويه گاعدين كام ابوي وسلم وكال يلا خلينه نروح رحت لبست شالي وجبت جنطتي ورجعت وياهم.
بالسياره استلمني رزايل وسب وغلط حته علئ عمتي سهام غلط لأن اخذتني بدون علمه
وامي وياه تحچي تگلي كيفتي تريدين تشردين خاف اكلج نضفي لْـۆ اشتغلي
يحجون همه واني ساكته ودموعي تنزل بصمت
وصلنه للبيت نزلنه وهو راح ؏ مرته الثانيه دكينه الباب فتحته اختي ساره #ڪــڔٰا̍ڕ
ساره. : هاا يمه جبتو رباب وياكم
ام رباب. : لعد شعدها باقيه عدهم شنوو مشايفتهم لوو بس تريد تگعد وترتاح وتخلي شغل علينه يلا موو كيفتي ؏ دياحه روحي سوي العشه
ساره. : يممه شبيج وياااها فوك كتلت ابوي اليووم انتي هسه
ام رباب. : انتي انجبي ولانفسس روحي اقري بااجر عدج دوام
عافتنه وراحت ساره تتأفف اني هم نزعت شالي ورحت للمطبخ حضرت العشه لگيت المطبخ كله مواعين مال الغده مغاسليهن
غسلتهن ونضفت الكاونتر والارضيه مسحتها كملت العشه خليته ؏ ناار هادئه حته يتهدر ورحت توضيت وگعدت اصلي وادعي ربي
احس نفسي مخنوكه وكلبي ممترتاح ماعرف شبيه...
خلصت صلاه رحت علئ الاكل خليته ؏ سفره.
شويه واجت امي واخواتي گعدنه سويه تعشينه خلصنه وشلنه الصحون اني وساره
ساره. : شعجب رجعتي
_شسوي لعد ابوي گال عدها دراسه ماگدرت ارفض
ساره. : هسه عوفج من هاذه كله صدك ليوم شفتي ذيب شصار حجيتو
ابستمت واني اتذكر شون باس راسي ولزم ايدي
ساره. : هيي وين صفنتي ههه
_مصار شي بس عرفني علئ واحد من اقاربه حته اذا اختفه او مارد عليه بيوم احجي وياه وهو ينطيني اخبار عنه ..
ساره. : هاا زين دير بالج بعدد تشوفينه قريب من المدرسه لايشوفج شخص من اقاربنه وتنفضحين
هزيت راسي بأي كملنه غسل نشفت ايدي وصعدت لغرفتي نسيت اتصل بذيب
اتصلت بيه وبقينه نسوالف ..
بعد مرور اسبوع ..
مرت الايام طبيعيه تعرفت ؏ باقر ابن عم ذيب كلش حباب ومؤدب اعتبرته مثل أخوي
دائما اساله عن ذيب. لان مرات ذيب يتأخر عليه بالرد او ميفتح نت لان بطبيعه شغله مايگدر يلزم الجهاز هواي.
وباقر شغله ثابت مكان واحد يعني عادي يكدر دائما يرد عليه
بيوم ذيب اختفه ومارد عليه يومين كاملين اتصل ؏ باقر هم ماكوو.
_يالله شبيهم ليش محد يرد عليه
بقيت افتر بالغرفه اروح وارجع اريد افهم ليش محد يرد ذيب جهازه مغلق
بليل ساعه ب 1 اتصل جهازي گمزت فرحانه عبالي ذيب طلع باقر.
باقر. : هاا رباب متصله عليه جان عندي شغل اعتذر
_لا عادي بس اريد اسألك عن ذيب صارله يومين مختفي. بيه شي. ?
باقر. : لاتخافين مابي شي بس عنده شغل هل يومين ومايگدر يفتح جهازه
_ماتكدر تحچي وياه هسه وتگوله يفتح حته لو بس 5 دقايق اريد احچي وياه موضوع
باقر. : تمام راح اتصل علي شوي ورجعلج.
سد م̷ـــِْن عندي بقيت گاعده كمت رحت نزلت جوه غسلت وجهي سويتلي نسكافي وصعدت لغرفتي لگيت باقر يتصل بسرعه فتحت علي.
_هاا شصار
باقر. : يگول ماكدر باجر انشالله يفتح ويحاجيج.
_اوك اشكرك
باقر. : او طلب مِڼـّي صوره الج گال خليها دزها الك واني ارسلها اله ...
_صوره ??
باقر. : اي هوه هيج گالي يريد صوره الج اعتقد يريد يراويها الامه مدري اخته
_بس هوه عنده صوري.
بقيت افكر ليش ذيب يريد صورتي يمكن يريد يواريها الامه وهو قبل فترا گلي بس اخلص شغلي اتقدملج
باقر. : الووو بعدج وياي
_اي دقيقه هسه ادزلك صورتي.
سديت من عنده وكلبت صوري كلهن موهل كد حلوات رتبت شعري. وخليت شويه مكياج وصورت ودزيتها باقرر ...
