رواية عشكت جنوبية الفصل التاسع بقلم نسرين الاسدي
وصل هيثم لبيتهم وهو فرحان لأن طلع دگ الباب فتحه فهد
ضحك وعيونه مدمعة وحظنه بلهفة وگال : الحمدلله على سلامتك خوية ..اشتاقينالگ هواي
حظنه هيثم وگال: وانا اشتاقيتلكم اكثر خوية فهودي
دخل للبيت تلگوه امه وابوة وهمة يبجون حظن ابوه وباس گصته وايده
وراح لأمه حظنته وگالت وهي تبجي: يمة هيثم ماتدري شصار بينه ..الله لا ينطي ذاك المدير ولا يوفقه ان شاء الله
بوس اديها وگصتها مسح دموعها وگال: ولا يهمج يمة انا هسة اجيت وهذا ليث الله موجود وراح ياخذلي حقي منه لأن انا بريئ وهو سجني ضلم
شوية واجله حياة وليلى يركضن حظننا وبجن حيل
استغرب هو وسألهن:
حياة ليلى ..شبيجن ؟!...ليش هيج تبجن؟ !...جاوبني
باوع لكل البيت
ما شاف هنادي ..بعدن هنه عنه شوية وحجن وهنة يناشقن من البجي: هيثم. ..هنادي راحت
فتح عيونه متعجب وگال: راحت؟ !..وين راحت؟ !
حياة: مديرك الحقير خذاها
ليلى : ولمن سافروا يلا رجعك النه
ألتفت هيثم لأهله وگال: صحيح هذا الكلام بابا؟ !
يمة صدگ انطيتوا هنادي لذاك الكو...
من شافهم ساكتين عرف هالشيء صدگ
صاح: شلووون ..شلون ترضون وتنطوها لواحد سافل مثله؟ !..هذا واحد ميخاف الله وماعندة ذرة مستحه ..واحد ساقط ..وماعنده رحمة ..من سجني عرفته على حقيقته
ليييش بابا ..ليش رضيتم؟ !..يمة؟ !..فهد؟ !..ليش؟
سامر: لأن ماجان عدنا حل ثاني ابني ..هو راد يسجنك سنين لو ما راضين على شرطه وهو ننطي ختك
بس لا تخاف بوية احنه ماراح نعوفها عنده بس نجمعله الفلوس نرجع بتنا لأن هو اصلآ ما انطانا المهر بعده ليهسة شاك الفلوس عدنه
صاح هيثم: بابا انا ما ماخذ اي فلوس بيش تريدني احلفلك جيب القرآن خل احلف عليه هو واحد جذاب واتبلى عليه
ومو بعيدة تطلع سالفة الفلوس كلها حيلة بس حتى ياخذ هنادي لأن طلع مراقبني وعارف كلشي عني قبل لا اشتغل وياه
بس انا ماراح أگعد واسكت مستحيل ..هسة اروح ورا واجيب اختي وارجعها منه غصبآ عنه وعن الخلفوه
راد يطلع ولزم ابوه ايده وگال: لا تتسرع ابني هو بعده عنده شيء ضدك واذا سجنك هناك ابغداد انا شيوصلني الك وشلون ارجعك بعد ؟! واليدخل السجن ينحسب ميت
أگعد بوية واستر علينا ..احنة ما عولنه على طلعتك كل احنة ماراضين على هذا الزواج بس لازم من انروحله مكملين فلوسه حتى لو جذب بس احنة ننطيهن اله ونرجعها غصبآ عنه
والله سبحانه وتعالى ويانة وراح ينتقم منه ويتأذئ مثل ما أذانا
گعد هيثم بالگاع وضل يردد :انا السبب انا الي خليت هنادي بهاي المشكلة ..هسة الله يعلم شلون راح يعامله هذا النذل
خلة ابوه ايده على جتفة وگال: ان شاء الله ما تطول ابني احنة بس خن نشد حيلنا ونحاول نجمع فلوسه بأقرب وقت ونتخلص منه ومن شره
فهد: لو بس اگدر اوصل اله والوحه وحق الحسين الا اكسرله خشمة وطير غروره الا اخلي اهله يترحموله
سمية: بسكم من سيرته يمة وانت وليدي هيثم ادخل للحمام وانا راح اجهزلك الأكل اكيد ما ماكل شيء بالسجن سودة عليه
هيثم: ان شاء الله يمة ..وانته لا تهتم بابا انا بس خل يصير العصر راح اتوكل على الله واروح ما اخلي مكان ما ادور بيه شغل وما ارجع للبيت قبل لا الگاه
**
هنادي: فتحت الباب وحدة محجبة وسمينة شوية ابتسمت بفرحة وگالت: اهلا اهلا استاذ ليث نورت البيت والله
ليث: هلا بيج ام وسام... ولزمني من ايدي ودخلني
هي ضلت تباوع عليه متعجبة ..انا تقدمت الها حتى
اسلم عليها
هو لزمني من زندي حيل وجرني خزرني وبعدين باوعلها وگال : ام وسام صعدي الغراض فوگ
هي ما گالت شيء خذتهن وصعدت
ألتفتلي وگال: مو اي شخص تشوفيه تسلمين عليه مفهوم؟ !
شوية واجوا اهله مبين من لهفتهم عليه والشبه الي بينه وبينهم جانت امه مسوية شعرها گصير وبيه لون ثاني ولابسة دشداشة گصيرة طالعات رجليها منها ونص ردن انا من يمي استحيت شلون هي تلبس هيج گدام ابنها
تقدمت هي ألنه وگالت: يا اهلا ببني حبيبي تعال مشتاقتلك
وگال ابوه: هلا بليوثي ..هسة ردت روح البيت
هو بتسم وگال: واني مشتاقلكم اكثر...وتقدم حتى يحظنهم
بس من شافوني ضلوا بمكانهم وبس يباوعون عليه مستغربين مني
گالوا سوة : منو هاي؟ !
انا خفت من نضراتهم ورجعت ليورا وضليت حاطة عيوني بالگاع ما شلتها
گال: ماما بابا اني جنت أريد احجيلكم قبل لا اجي بس ما جان الوقت مناسب ..اني ازوجت وهاي هي مرتي هنادي
همة چنهم انصدموا وگالوا: شنووو ..مرتك؟ !
گالت امه: ليث انته شلون ازوجت ومنو هي منو اهلها غير تفهمنه؟ ..انته شنو ما تفكر ما تگول عندي اهل لازم يعرفون ولا تحاول تقنعني هاي قصة حب لأن أبني واعرفك كولش زين مو مال حب انته لهلسبب احجيلي كولشي وگلي شلون ازوجتها وليش؟
گال ابوه: اسراء اهدي شوية عيني خن نفتهم منه احجي ليث شنو القصة؟ !
انا خفت وصرت وراه لزمته من سترته حسيت چنه هو الوحيد الي يحميني
ألتفتلي هو ولزمني من ايدي وسحبني حتى أوكف يمة وگال: بابا ماما انتم كلامكم صحيح اني غلطت لأن ما گتلكم من البداية بس انا حر بحياتي صحيح؟
والبنية هسة مرتي ماراح ارجعها
ضحك ابوه وگال: الله عليك استاذ ليث ..يعني هسة تريد تقنعنه انته خلال العشرة ايام الي رحت بيهن للبصرة حبيت البنية وخطبتها وازوجتها واحتمال هسة تطلع حامل واحنة كولشي ما ندري
وگالت امه: على الأقل اتصل بينا وگول حتى اجهزلك عرس واعزم خوالك وعمامك ليش هيج تجينه فجئة جايب مرتك وياك ويصير عرسك سكاتي ..لك ليش ليث؟ !
وانته تدري اني شكد جنت منتضرة هذا اليوم وشلون جنت مخططتله
گال هو: ماما حبيبتي اني توني راجع من طريق بعيد وتعبان لذالك ارجوج خلينا نأجل النقاش بعدين اني ازوجت وانتهى
شوية ونزلت وحدة لابسة تراك وشعرها اصفر مفتوح اجت تركض وحظنته وگالت: حبيبي ليوثي اشتاقيتلك
گال هو: هلا حبيبتي لبونة شلونج
شوية هي ألتفتتلي وضلت تباوعلي من فوك ليجوه وگالت وهي تأشر بيدها عليه: هاي منو؟ !
ابتسم هو وگال: مرتي ..يلا عن اذنكم هسة اريد ارتاح لأن البارحة كله منايم
هي ضلت تباوع مصدومة
گال وهو لازم ايدي ويمشي صوب الدرج: حبيبتي لبنى ماما وبابا راح يفهمونج
صعدنه عالدرج وانا اباوعله شكد حلو ومرتب مو مثل درجنه وبنهايته ثلث غرف مبينات كبار
فتح هو الباب ودخل وانا ضليت اباوع للبيت من فوگ
صاح هو: يلا دخلي
كمزت ودخلت ورا عالسريع شفت الغرفة فتحت عيوني على كبرهن جانت تخبل جبيرة وبيها قنفات والأخشاب والجرباية كلش حلوات وبيها حمام
نزع هو سترته وخلاها على القنفة وفتح دكم قميصه باوعلي وشافني اباوع بالغرفة
گال: گعدي.. هنا واني هسة بس ادخل الحمام حتى اجيبلنا أكل اكيد انتي جوعانة
تربعت انا وگعدت بالگاع ولفيت العباية عليه
صاح عليه صوت رجف گلبي وگال: لج هاي وين گاعدة؟ !..كومي گعدي عالقنفة لو عالجرباية
انا ردت ابجي من صياحه عليه بس حبست دموعي وگلت: ماريد ..اريد اضل هنا
نفخ حيل وگال: خربـ.... لج گومي ولا تعصبيني ونزعي العباية والحجاب هماتين محد يمج هسة
واني داخل اذا طلعت ولگيتج بعدج مثل ما انتي راح تشوفين شيء مايعجبج مفهوووم؟ !
دخل وسد باب الحمام حيل وانا ضليت خايفة منه گمت گعدت عالقنفة بس ما ارتاحيت بالگعدة گمت رحت للجرباية گعدت وصارت البرودة على وجهي
غمضت عيوني وحسيت براحة
خذيت عبايتي ونمت غطيت نفسي بيها ورغم بالي مشوش ومية فكرة ابراسي بس لأن البارحة مانايمة ماحسيت على روحي واله انا نايمة
**
لبنى: اني اسفة ماما بس ليث أكيد اتخبل شنو هاي البنية ويزوجها؟ #ڪــڔٰا̍ڕ..انتم ما شفتوا ملابسها وشكلها اصلآ هي مو من مستوانه ولا تناسبه
سامر: لبنى اخوج ازوجها هسة والكلام بعد ميفيد بس احنة لازم نعرف منو هي ومنو اهلها واصلها وفصلها وشلون ازوجها هيج فجئة ..اني شاك اكو انه بالموضوع
ضربت اسراء خدها وگالت: ليكون ابنك مسوي وياها المكسورة وجابها لو عباله وحدة من بنات الشارع وطلعوا اهلها وتورط ..الله لا يگولها ..شيخلصنا من كلام الناس وقرايبنه شراح يحجون؟ !
لبنى: اوه هالشيء خلاني اكرها اكثر معرف ليش بس مامرتاحتلها هاي البنية لازم تطلع من بيتنه عالسريع وانتو لازم اطلعوها
**
طلعت من الحمام لابس بس الشورت وجاي انشف شعري
باوعت لمكانها ما لگيتها ألتفتت للجرباية لگيتها نايمة بنصها بدون مخدة ومغطية نفسها بعبايتها
ضربت گصتي شكد غبية ياالله
تقربت عليها حركتها ما فزت مبينة رايحة بسابع نومة
ردت اتركها واروح البس ملابسي
بس شفت التبريد قوي اكيد راح تبرد هسة ونومتها اصلآ مو صحيحة
رجعت رفعتها وخليتها عالمخدة وسحبت العباية حتى اغطيها باللحاف
طلعت الدشداشة مرفوعه ورجليها طالعة كولش حلوات
سحبت الغطى وغطيتها وتقربت لوجها حتى اسحب منها الحجاب
سحبته بهدوء وطلعت رگبتها ومقدمة صدرها واضحة من فتحة الدشداشة
تقربت منها وتمددت يمها على كيف وشميتها وبست رگبتها حسيت كأنها تجذبني الها وضليت اصعد ابوس خدودها وحنكها
لحد ما وصلت لشفايفها جانت فاتحتهن شوية كأنها تصحلي دنگت عليها وخذيت شفايفها ابوسة هادية أول
بس بعدين صارت اقوة حسيت لازم أگطعهن بسنوني
تحركت هي وفتحت عيونها بتعب ولمن شافتني فزت ورادت تبعدني
بس لزمت اديها عالسريع خليتهن يم راسها وگلت: اشش ..خلينا نبدي ليلة عرسنا لأن بعدها ما كاملة واني انطيتج فرصة يوم كامل
دمعن عيونها وگالت: لا ..انا ماريد ..عوفني فدوة ..انا
انا خايفة ..عوفني
ضحكت وگلت: شنو خايفة عيوني انتي مرتي وهذا حقي ..ليش انتي شعبالج اني ازوجتج لسواد عيونج يا حلوة
بجت اقوى وضلت تتحرك جواي وتصيح: ماريد عوفني ..انا خايفة اريد امي
عصبتني عطت بيها: لج لا تخليني افقد اعصابي واضربج ..سكتي وخليني اشوف شغلي بدون صوت
شكيت الدشداشة بسرعة وهي ضمت نفسها وصاحت: عوفني ..عفية ..حباب .. لاااا
