رواية في ظلام مغتصبي كامله جميع الفصول بقلم توته
الكتمان شبيه بالنزيف الداخلي لا أحد يراه ولاكنه يهلك صاحبه 🖤
>>>>>>>>>>>>>>
سناء : بحر اتنزلين لو اصعد اكسرج والله
_ گعد ولله گعدت شلت راسي شفت الساعه وين هففف ساعه بالسته الصبح والله بعد وكت يمااااا مكعدتني اعوعي وي الديج شنوو
سناء/ راح اصعد اكسر اضلوع بنت القندره انزلي
_سحبت نفس بقهر و نزلت لان اتعاقبني ما تخليني اروح للمدرسه مو ام غضب.
سناء/ نزلتي ست الحسن والجمال هم زين وشفنه طولج.
_ نزلت وعلي نزلت بس لا تضربيني راح اغسل مواعين ونضف المطبخ من ارجع من المدرسه اسوي غده بس كافي
سناء/ امشي ولي الله بلاني بيج وابوج مادري شوكت ارتاح منكم.
_ستغفرت ربي ورحت للمطبخ من الخوف تعاقبني والله اذا ما خلتني اروح للمدرسه تجويني اذا ماسمعت كلامها غسلت مواعين عزا دهر دهرني ولا كانو 3 نفرات بالبيت مخليه مواعين حته النضيف اغسله شهل ضلم يربي.
سناء/ والله اذا لگيت ماعون واحد مضموم وماغاسلته اموتج حته لو نضيف تغسلي فهمتي.
_ تره حته مرت ابوي ما تعلمني هيج اسوي كلامج حافظته ميحتاج تعيدين.
سناء بعصبيه/ ولج قندره بلا مرادد تره والله تعرفين شسوي بيج.
_ سكتت صميت حلكي غسلتهن كلهن من ل6لحد ماصارت ساعه بـ 7 وربع و اني اغسل اباوع علئ
الساعه عزا راح اتاخر غسل اديه شلون ما كان من التايت صعدت فوك لبست قميصي وتلبيسه وجواريب بيض وحذاء صار اله سنتين عندي امي وابوي ابدد مايفكرون بيه ولاكانو بتهم ويشترولي شي
اخذت جنطتي وركضت واركض بالشارع 8 اله3 دقايق راح يدك الجرس الناس تتباوع عليه العمال صاحب المحل عمو ابو جاسم الي دائما نشتري منه
ابو جاسم/بحر لج بابا لا تركضين لاتوكعين امشي مشي بويه.
_عمو تاخرت ولله مالحك بعد
ابو جاسم/ الله يهدي امج وابوج عليج
_ وصلت لباب المدرسه الهث الهث من التعب دخلت للصف ودك الجرس حمدت ربي وشكرته وصلت بالوقت المناسب دخلت مدرسه الرياضيات حاطه دوبها من دوبي علئ كلشي تحاسبني واني ممسويه شي ودائما بدروسها اكون محضره.
المدرسه/ كومي بحر مناف
_ نعم ست
المدرسه/ حلي هاي المسائله بسرعه
_خفت كلش وكف دمي اني ما قاريه رياضيات رغم شاطره بي بس واحد لازم يقره كمت وطباشير بيدي ارجف ..
اول رحله بوارق ورونق اخوات هنه صديقاتي يحبوني كلش وحده منهم صارت تكتب عل رحله بيده اتغششني دخيلك يبو الحسن تعرف معناتي بديت احل المسئله طويله اخذت نص الصبوره حته ايدي خدرت من كد الكتابه.
بوارق/ يالله بحر اشرت اله اخر نقطه اتحله كتبت عل رحله الي الحل
_ شفته الحل كتبته ورجعت ارجف لا ريوك ولا عشه البارحه حقي اهلي شبعانين فلوس ابوي موضف بالنفوس وامي خياطه عبي وملابس هههه بس ولا مره خيطت الي دشداشه ابدد عمرها كله ماگالت بنتي خليني اذكرها بشي.
خلص الدرس بالف يا علي گالت المدرسه ارجعي رجعت للرحله واني كوه اجر نفس تعبانه وجسمي يرجف.
بوارق / شبيج خايبه ليوم كلشي مامحضره
_ تعرفين ما داعي احچي ما قريت البارحه التهيت انضف واشتغل.
رونق/ الله علئ ضالم الله عل ضالم شبيهم اهلج صدك جذب
بوارق/ وجهج اصفر يمعوده لازم ما ماكله شي
_هزيت راسي اي واني عيوني مدمعه
رونق/ امشي تعالي اشتريلج لا تموتين من الجوع
_ ما اريد بس اريد اقره احياء ولله خايفه ارسب هل سنه وانتي تدرين بيه شكدد تعبت حته وصلت لهل مرحله.
بوارق/ لاحكين علئ القرايه امشي يلا
_كمت من مكاني و مشيت وياهم رحنه للحانوت اشترلي لفه فلافل وبطل مي گعدت اكل اتكول صارلي سنه ماكله شي.
بقو بوراق ونورق يباوعن عليه بحزن اني انتبهت علئ نفسي اكلت شويه شويه
بوارق بدموع/عمت عين امج خايبه اني امي تجيني نص اليل اتشوفني اكلت لو لا رغم. كدامه اكل واكوم ولله امج حرام تنحسب ام حالها حال كل النسوان.
نزلت عيوني و بجيت اي بجيت لان عمري كله امي ما كالتلي بحر لو بنيتي كله قندره وغضب ونعاله وتغلط بت .. وبت.
رونق/ بوارق شبيج اتهيجين وجعها كافي اسكتي
بوارق/ كسرت خاطري ولله يعني ماكوو هيج ناس شوفي حالتها ماجنها عدها اهل.
_ ذبيت الفه وركضت للحمام ابجي اموت اموت ولا واحد يشفق عليه احس بالذل والقهر بقيت هواي ابچي واندب حضي ليش من دون البنات اني هيج حالتي الي يشوفني يگول يتيمه ماعدها اهل.
مسحت دموعي وطلعت م̷ـــِْن الحمامات رجعت للصف
اجه الدرس الثاني دخلت علينه ست مناضر اتموت عليه عكس مدرسه لرياضيات.
ست مناضر/ بحر بس يخلص الدرس تعالي للاداره اريدج. ماشي
_ حاضر ست خلصه درس الاحياء ورحت لاداره اشوف شتريد مِڼـّي وصلت للاداره دكيت الباب ودخلت
ست مناضر/ اني اعرف ضروفج بحر واعرف امج وابوج وعداوتهم وياج.
من گالت هيج نزلت راسي بخجل مَآعِرَفتّ شنوو احجي شگول هسه حته المدرسات عرفو بوضعي شجعت نفسي وگلت
_منو كالج ست
ست مناضر/ وصلني الخبر صارلج سنين عندي وملابسج نفسهن نفسهن مراقبتج ليش هيج يعني شنوو حته مايصرفون عليج.
_لا ست ماكو هيج حجي بس ..
ست مناضر/ اعرف ما تگدرين تحجين حته ما احد ينضر الج نضرت شفقه اني جبت الج هذول اعتبريهن هديه مني ماشي
جايبه علاگه شكبرها مدري شبيه اعتقد ملابس صار عندي فضول اعرف شبيها
_شنو هذول ست ?
ست مناضر/ بحر اني الله ما زرقني جهال ومن اتبنيت ولد وبنيه عافوني والولد اتزوج واخذته مرته والبت اتزوجت واخذه زوجه من شفت حالتج حسيتج مثل
بنتي جبتلج هذول الملابس الج للمدرسه حالج حال بوارق ورونق البسي ما دام انتي من المتميزات تستاهلين تلبسين احسن لبس وانتي حلوه يلوگن عليج ولله.
_اني اسفه ست ما اگدر اخذ اذا اخذت راح اتعاقب ولله.
مناضر/ منو راح يعاقبج ??
_ امي وابوي ميقبلون راح يعاقبوني اذا عرفو اخذت شي منج اسفه ست اعذريني
حجيت هيج وخليت وطلعت ركض ومر اليوم عادي خلص الدوام ورجعت ركض للبيت حته الحك اخبز وسوي غده اذا تاخرت شويه وماسويت شي احصلي كتله زينه من امي
وصلت للبيت واني احس نفسي مكطوع م̷ـــِْن الركض دخلت تلاكت وياي امي
سناء/ يالله ابوج راح يجي بسرعه سوي الغده
حته ما نزعت ملابسي ابد. گبل رحت طلعت سمج من الثلاجه وبلشت احمس بي واسوي زلاطه لبين ما تستوي السمجه.
خلصت تكلاه خليتهم علئ الكاونتر و اخذت القنينه مالت الغاز وخبزت الخبز خلصت كلشي اباوع علئ امي
تخابر وتضحك وكله حبيبي وعمري وحياتي غمضت عيوني بقهر الئ متئ تضل هيج.
اخذت كلشي. خليته گدامها عفتها وصعدت لغرفتي سبحت بدلت ملابسي و نزلت جوه لگتيهم متغدين ابوي وامي مخلين المواعين بمكانهم
حته سمجه ما مخليلي ولاكانو اني عايشه وياهم رحت لگيت خبز والزلاطه وشويه سمجه ضاله اكلت احسها عسل عسل واخيرا شي دخل المعتي بي فايده خلصت اكل و گمت غسلت مواعين.
سالم/ سوي جااااي
_ بغرفته ويصيح مرات ادعي عليهم من كل كلبي لأن من صدك تعبت منهم ومن عذابهم الي
ستغفرت ربي ورحت سويت جاي صبيتله واخذته اله حته شكرا ماگال رجعت غسلت مواعين ونضفت الصاله والمطبخ صعدت حطيت كتبي وبقيت اقره.
شويه واجت امي وهيه ضايجه كتفت اديها بعصبيه وگالت.
سناء/ خلصتي سج السجاجه عل اساس اطلعين عل ابوج قاضي محكمه ولله يالله كومي يلا
_ خير يمه المطبخ نضيف والمواعين غسلتهن بعد شكوو.
سناء/ انزلي نضفي الستقبال راح يجون اخوالج علينه يلا بسرعه
_وخالي مراد يجي ??
سناء/ خلخل عضامج المن جاي مراد لو عاشكته عيني
استغفر الله نزلت نضفت الستقبال وعطرته اموت عل خالي مراد هو خالي من غير ام يعني ابن جدي بس كلش يحبني للعصر واجن خالاتي 3 وبناتهن وياهم امي گاعده وياهم وبس تتامر
سناء/ جيبي عصير وضيفي الكل يالله
شكد اضوج من تتامر عليه گدام بنات خالاتي اتسويني خدامه كدامهن وهنه البس شلون ارقه لبس كله بناطري وما يسمنه بنطرون جينز مثقفات وحلوات كلش واني الي يشوفني يگون مجدايه.
مهئ/ بحر عيني شبيج شوو لا لبسه بيه خير لا مكياج كلشي ماكوو.
_ ما اخلي مكياج بس المتزوجات يخلن مكياج
مهى/ ههههههه شكد قديمه انتي بعده تفكيرج علئ الناس القديمه الوضع تغير وتطور صار شويه ثقفي نفسج.
ماعجبني كلامها عفتهم ودخلت للمطبخ كل وشويه اتصيحني سويت عشه دولمه شرطن شرط اله دولمه واني الضيم وكع علئ راسي اطبخ وانضف واغسل وامسح.
وداد/ معقوله بحر هيه شايله شغل البيت كله شنو هل شطاره.
سناء/ اي عيني جاا اجيب واحبل واطلك. واتعب وتالي اني اخدم واشتغل هيه تخدمني غصب عليها.
وداد : بس بعدها صغيره خطيه هم عاونيها.
اني طبب منا وطلع منا خليت بلم كزاز احنه نسمي بلم انتو مدري شتسومو بلهجتكم.
خليت بيه الدولمه وقدمته الهن وخبز وطرشي وزلاطه وتسممن.
نور/ تعالي تعشي بحر
بحر/ تسلمين صاعده اقره عندي امتحان باجر وممحضره شي
نور/ اساعدج بشي احلج واجب.
_لا شكرا اني احله
عفتها ورحت لغرفتي طلعت كتبي وبقيت ادرس واراجع واجباتي ياربي دروس كلش صعبه.
كملت واجباتي خليتهن بالجنطه وكمت طلعت م̷ـــِْن غرفتي.
نزلت جوه لا حياة لمن تنادي نضفت المطبخ وصخهن الي خلنه وراهن وراحن 12. خلصت. احس ظهرس انكسر
وهيه نامت ولا يهمه ابوي عل كولتنه حديده عن الطنطل لا يحل ولا يربط ملتهي بس بالكح*** يخابر بيهن النهار كله
وامي تخابر بالزلم النهار كله وصايره خرطي
وبحر الها الله صعدت سبحت وخلصت لفيت راسي ونمت گعدت ثاني يوم الصبح عل الانذار الصباحي صوت امي الي يگعد الميت من كبره كعدت واني امغط بجسمي رياضه بالنسبه الي بدلت اهدومي علئ السريع ونزلت
سناء/ سويلي سم.
مناف/ مرت عمج موده اتريدج مري عليها وشوفيها
لو ما يكتلوني كمزت من الفرح ممصدكه راح اغير جو واروح علئ بيت عمي صارلي شكدد مرايحه عليهم بالرغم همه موو بعيدين علينه مسافه.
امي شافتني فرحانه لان راح اروح علئ بيت عمي فجأه گالت.
سناء/ ماكو طلعه ماتروح
ابوي ولاكانو يسمعها كام م̷ـــِْن مكانه وگالي.
مناف/ عمج معاذ يمر عليج اليوم للمدرسه ياخذج تمام
_بحر ببتسامه .. تمام صبيت كلاص جاي اكلت عل سريع خبزه وجاي.
وطلعت لدوام خلص الدوام عادي مثل كل يوم طبيعي. بقيت انتضر عموو يجيني ياخذني الهم شويه وطبكت سيارته ييوو ودي اكمز بالشارع من الفرحه شكدد احبهم واحب اروح عليهم.
معاذ/ ام عيون بنفسجيه الكاطعه بعمها شلونها الحلووه.
رحت بسرعه ركضت كمز علي وحضنته وهو اخذني بحضنه
_عموو ليش هيج متسأل عني ولاتجيني.
معاذ/ اني لو انتي بربوك ناسيه عمج
بحر/ انته ما تسال عليه وتعرف الكهنه الي عندي ماتخليني اطلع.
معاذ/ ههه صدك كهنه تمشين وياي موده اتريدج وجدج يريدج وعمج جواد. كلهم يردون يشوفونج.
بحر/ ياااي مسوين حمله جماعيه اليوم. عليه
معاذ/ هههه. اي يالله امشي.
رحت صعدت بالسياره مالته دخل هوه وساق اباوع علئ الشارع واني
طايره طايره من الفرح الان راح ارتاح اليوم ماشتغل ولاسوي شي وراح اشوف بيت جدي.
بعد سايقه وصلنه لبيت جدي تلگوني محمد ومهند وحاسب ولد عمو جواد بس كبار شباب يعني حاسب حضني ويبوس بيه وهوه يشاقه وياي.
حاسب/ بربوك ما تجين علينه كاطعه ويانه فدمره
بحر/ انتو ما تسالون عليه ليش اجي عليكم هاا
مهند/احنه تعرفين ما نگدر نجي عليكم بسبب امج لأن ماترضه انتي شنوو الي يمنعج.قصص وروايات عراقية
_اي موو علئ اساس انته ماتدري بأمي ماتخليني اطلع.
فلتت روحي منهم بصعوبه ورحت لجدو حضنته بوسته وطفرت عل موده مرت عمي. احبهاا هواي وهيه هم تمووت عليه.
موده/ يهلاا بالعزيزه بحرتي هلا و 100 هلا
_ شكد احبج واموت عليج.
موده/ هههه يعمري والله اني هم احبج اموت عليج.
بقيت حاضنتها بنت شيوخ صار سنه من اتزوجو هيه وعمو بس ما صار عدهم جهال خطيه.
حاتم/ ابقي عدنه ليوم عمي
_ياريت عموو بس تعرف ما يقبلون هذول الكهنه يكتلوني ولله.
حاتم/ ههه يا عمي شسوي اخذتج مرتين ورجعوج
_ اتحمل عل ما يجي ابن المطي ياخذني واخلص منهم ومن شرهم.
معاذ/ صايره وكحه ودور ابن المطي هاا ولج جنج تفكرين تزوجين.
موده/ ما تخليني اني اخذج لبن اخوي ولله يدللج
_ اي عمتي موده ولكتله حرف عليه ما اريد اكمل دارسه واصير محاميه ودافع عن حقوق المرأه واحقق احلامي ماتزوج هسه.
مهند/ ياريت وتجين وياي وتباهه بيج واكول بت عمي ام عيون بنفسجي محاميه فديت ولله
معاذ/ صدك عموو خو عيونج ما يحركنج
بحر/ لا زينات معاذووو.
اعرفكم عني وعن عائلتي .. "
اعرفكم عني وعن عائلتي .."
اسمي بحر عمري 15 سنه طالبه ثالث متوسط من محافظه ميسان شكلي عادي مثل كل بنيه. بس الي يميزني عيوني ملونات الوحيده الاهلي ماعندي لاخو ولاخت ورغم اني الوحيده امي وابوي ابد ميحبوني ومعيشني بضيم #ڪــڔٰا̍ڕ
لأن قبل لاتزوج امي جانت تحب شخص وابوها عارف بالموضوع ومنطيها الابوي مناف وجان ابوي ميحبها بس جدي الي هوه ابو ابوي مصر عليها
ومخلي ابوي متزوجها غصب وهمه واحد حقد علئ الثاني بالرغم صار سنين علئ زواجهم ولايوم تفاهمو وثنيهم واحد يخون بالثاني.
عندي اعمامي 4 جواد معاذ حاتم و سعد. 3 من اعمامي متزوجين عمو جواد ومعاذ وسعد متزوجين وحاتم بعده ممتزوج جدي بعده عايش ..
عمي سعد الجبير عنده 3 جهال 2 ولد وبنيه
يزن وعباس وغرام ومرته اسمها مرام عباس متزوج ويزن وغرام بعدهم ممتزوجين شباب
عمي الثاني جواد عنده 2 ثنين ولد وثنين بنات مهند واكرم وسرا ومنئ.
عمي الوسطاني معاذ ماعنده جهال خطيه هواي راجع هوه ومرته ومصار شي عدهم نرجع للحضار.
سرى/كومي بحر خلي نواريج ملابسنه الجدد راح نخطب لعمو حاتم
_صدك عموو
حاتم/ انشالله
_واخيرا يعني انفتحت الجبسه مالتك هههه
حاتم/بربوك ما تصيرلج جاره
منى/كومي يالله خاله موده جابتلج فستان يجنن
_ شكرا عمه
موده/ ولو انتي بنيتي تدللين.
صعدنه اني والبنات انشوف الملابس طبعا عمو حاتم ازغر واحد بالعائله صح هوه عمره بـ 30 بس ما متزوج جان يحب وحده وما صارلته بس هسه
الحمد الله قبل دخلنه لغرفه سرى ومنئ شفت ملابسهن اتجنن ومرت عمي جايبتلي فستان يخبل رصاصي لونه
_الله شكدد حلوو
منئ/ ذوق موده تره.
بحر/ اصلن ما اعرف شلون اشكرها كلش خجلانه منهاا.
منئ/ هذا بنطرون مني الج
سرى/واذا قميص مني
بحر/ بس المن فستان عندي اهوااي
منئ/احنه بالخطوبه انبدل لازم اتبدلين ويانه ما تبقين بالفستان هاذه
بحر/ حضنتهن هنه اكبر مني بسنه يدرسن اهلي.
موده/بحور منئ تعالو اتغدو يالله
_اجينه عمه نزلنه جوه كلنه ويانه اجه عموو سعد ولده وبناته
علي/بحر اهنا شعجب داده
_فتحو سجن المحكوم اليوم
سعد/شونج عموو
بحر/الحمد الله عمو زينه انته شلونك
غرام/لله بحوره سمنانه صايره اتموتين ثلج خدودج فدوه.
معاذ/قل اعوذ برب الفلق عمو غرام شبيج
غرام/ههه والله احبه عمو.
بعدني هستوني مديت ايدي علئ الاكل اريد اكل دخل ابوي وهوه عيونه صايره بكصته خزرني خزره خلتني جمدت مكاني ...
