رواية خدمت حماتها ولكن كامله جميع الفصول بقلم ايسو إبراهيم
كانت بتاكل بعد لما خلصت طبخ، وحماتها واقفة قصادها وبتقول: مش عارفه ليكي نفس تاكلي إزاي وجوزك زمانه تعبان في شغله، مش بتستنيه ليه لما يجي، احنا كنا بنقعد
نستنى أزواجنا لما يرجعوا من شغلهم ونغديهم ونشوف طلباتهم وبعدين كنا نقعد نتغدى بعدهم، لكن الظاهر أمك مش علمتك كدا
عجبي عليك يا زمن الستات بقت ولا هاممها راحة أزواجهم كل اللي يهمهم كرشهم وبس وهما يولعوا
وسابتها ومشيت، لكن رشا الدموع اتجمعت في عينها وسابت الطبق من إيدها وطلعت شقتها
بقلم إيسو إبراهيم
كانت حماتها قاعده في الصالة، وبعد لما طلعت بصت بقرف وقالت: في داهية، الواحد بيشوف ستات عيال سلفتها بيتحسر عليهم عارفين الأصول وقوانين البيت لكن دي بلوة يلا نصيب ابني كدا
المفروض أكون مرتاحة بعد لما أتجوز، وقولت مراته هتخاف عليه وتحمل همه لكن مفيش خالص الكلام دا
قعدت رشا تعيط ومش عارفه تعمل إيه تتصل بأهلها وتشكيلهم ولا تستنى لما جوزها يجي وتعرفه باللي بيحصل معاها
رجعت تاني في قرارها وإنها ماتعرفش حد وتعمل مشاكل وحطت في دماغها إنها تبعد عن حماتها وتتجاهل كلامها
عشان تخف خناق معاها
بالليل رجع جوزها من شغله لقى والدته قاعده في الصالة مستنياه أول ما حست بيه فتحت النور وطلعت تنادي عليه
وقف باستغراب: وقال مساء الخير ياما، إيه اللي مصحيكي لغاية دلوقتي تعبانة ولا مالك
والدته: ادخل بس احنا مش هنتكلم من عالباب
دخل معها وهو مستني يعرف في إيه وطريقة كلامها بتقول إن في حاجة
والدته: بص طريقة المحروسة مراتك مش عجباني، وبترد عليا الكلمة بعشرة
منصور باستغراب: حصل إيه يعني ياما، وبعدين فاتن بنت أصول ومحترمة أكيد حصل سوء تفاهم ما بينكوا
والدته بعوجة بوق: أنت هتحامي ليها يا ابن بطني بدل ما تقولي هتقطع لسانها وتكسر عضمها عشان ما ترفعش حتى عينها فيا
منصور بحيرة: ياما مش بتحامى بس دي مراتي بردوا وماينفعش أسمع منك وهي لا
وهطلع دلوقتي أسمع منها ولو ليكي حق هاخده ليكي بس بردوا بالأصول
دي بنت ناس ولازم نعاملها كويس ومراتي وهتبقى أم عيالي، وكمان واخد عهد على نفسي إني أحافظ عليها وأنا حاطط إيدي في إيد أبوها
ياترى هترد عليه بإيه
