رواية عشك الشاهيين كامله جميع الفصول بقلم مجهول
شاهين
ولج. اتحصر. صرت على شوفتج حنيت لعطرج مثل طفل مفطوم.
غرام
اليوم اخلق الف حجه وغايه وسيله حتى اشوفك خلص مابقه بروحي صبر. مر سبوعين. كافي بعد شاهين لا أني زعلانه ولا انته خلص بس اشوف اعيونك وهايه
بعد مرور تسع سنوات
شاهين
اي هاي هيه نفسه. نفس العيون كلشي بيه متغير بس نفسه عيونه ذيج هيه
غرام
اي هذا هو. اوووف. ربي اخذني. وخلصني.
صرت اكره كل مكان كل صدفه ممكن يجمعوني بهل شاهين
وعشگت الشاهين
وجانت غرامي
اللحضات. الأيام السنين. لو مرت. ترى ماتغير. شي مجرد وقت ومر اليعشگ من صدكً البعد يزيده. شوگ ماينسيه. لا الم. لا حنين.
بس يكره لحضات ضعفه من يحن
#zahraa_Rk
#للكاتبة زهراء رزاق
#البارت الأول
﮼تدري..؟
من تشبگ إيدينك
وي إيديني
نسد فراغات السنين العذبتنه.!
بغداد الساعه. ٢:٣٠ صباحًا
تدخل للمستشفى بعد ما اجاها اتصال طارىء من الدكتور الجراح انو هو كلش محتاجه حاله خطره وماكو مخدرين خفر تدخل وهيه مستعجله دخلت ركض لغرفه العمليات. ويه الجراح دون متتعرف اسم المريض ولا شنو حالته ولا حتى اشوفه كل همه تشوف شغله خاصه انو الدكتور زين جراح معروف وصارم. كلش اذا جان الموضوع يخص الشغل وره ساعتين طلعو من العمليه. ودخو المريض للعنايه المركزيه ولازم يبقى تحت المراقبه لمده ٢٤ ساعه.
طالعت بعد ماكملت شافت مره ب 50 من عمره كاعده باب صاله العمليات ودموعه بعينه. طبعًا وياها. ناس هواي مبين المريض شخص مهم ومبين الناس الي وياه مو بغدادين. من لهجتهم وبيهم لابسين الزي العربي. من لهجتهم مبين من أهل الجنوب. هيه ماهتمت. كملت وطلعت . باجر ترجع وتشوف المريض
أما المره الي جانت كاعده. مسحت دموعه وكالت
ام علي
صگر يمه اخوك. شاهين شخبارهه
صگر
خابرته يمه كال جاي بالطريق فدوه العمرج خلي اوديج للبيت ترتاحين
ام علي
هه صگر الي مدد بين الحياة والموت ولك هذا ابني ابن الشيخ حسن وتريد اعوفه وروح انام
صگر
وراسج كلشي مابي. هسه الصبح يصحه ويرجع مثل الأسد
ام علي
إنشاء الله ابني علي وين
صگر
يمه واكفً ويه عمامي. واصدقائنه زحمه كلهم اهنانه
ام علي
ممنوع جدك يسمع بالي صار لفهد لحد مايصحه وناخذه ونرجع للبصره. سمعت
صگر
تامرين ام علي من عيوني.
اني الشيخه حسنه ام علي. بت شيوخ ومرت شيخ وأم شيوخ جنت مدلله عد أبوي واخوتي. ومن خطبني ابو علي وازوجنه عاملني مثل الورده. وخايف تذبل. جبتله اربع اسود. علي وشاهين وفهد وصگر. واحد يگل للثاني أني. معدل اكثر منك. زلم من ضهر زلم. وتربات شيوخ ومضايف. امشي بين العالم وراسي مرفوع بيهم. احجي بهيبه من اكول افلان ابني.
عمي ابوحسن الي هو شيخ العشيره. جان ومازال يكلي انتي اكثر قرار صح اختاريته بحياتي. من خطبتج لحسن
رغم أني الجنه الوحيدة الغربيه بجناينه كل جناينه هنه بنات اخوته بس أني غريبه
يكلي. كل ماتولدين واحد من هل اسود أني. افخر بقراري اكثر
المهم توفى حسن وصگر عمره سنتين موت حسن جان كسره الي وراه عشت بقهر جان مو بس زوجي لا اخوي وأبوي وحبيبي رغم جان زواجنه تقليدي بس هو من اول يوم حبني وخلاني مثل التاج الي يتخله عل راس
لذالك من مات حيل تاذيت بس الحمد لله الشيخ مظفر ابو حسن وجد ولدي ماقصر وياي وكال بيت الشيخ الجبير لام علي ولده هيه الشيخه وهنانه كبرت المسوليه عليه بالأكثر.
ولدي جانو مطيعين وبارين. بيه أني وجدهم. حيل جنت افرح من اشوف الشيخ يأخذهم وياه للديون وهمه أطفال جبيرهم. عمره ثمن سنوات
كبروً الأطفال وعلي صار محامي اله اسمه. وينحسبله احساب وبعده ذاك ابني الي مايوم. خالف شوري وشور جده
ومن قرر يتزوجً. هههه طلبتله بنت اختي بس هو رفض وكال لا شيخه هاي عشره عمر مو يوم ويومين أني كلبي. هاوي بنت عمي وهيه رايدتني
صح بالبدايه ماجنت عاجبتني. بس ما بينت هل شي وكلت أني اعرف اليحب. مايكدر ينسه ويريد اليحبهً وياه بكل الوسائل عاد رحت للشيخ وسولفتله نخطب لعلي بنت عمه زهراء
شيخ مظفر طار من الفرح وسوهه عرس سولفت بيه كل البصره
وراها كبر الشاهين. هذا مايشبه اخوته. طاعني أني وجده وماعله صوته عله جبير احترم الصغير كبل الجبير بس الشاهين الوحيد من خوته عذبني بترباته. من صغره طبعه صعب. من صغرهه اعاصبه بركان الشاهين من صغره يكول أني شيخ العشيره. من صغره ينصب خيمه بالحديقه ويلم اخوته ولد عمه ويكلهم أني الشيخ
الشيخ مظفر جان من يشوفه يكلي ام علي. تدرين شكثر احبج والله شاهد علي انتي بمعزت بناتي. بس من اكلج احبج زود عن الكل ترى بويه هل سبب هو الشاهين.
الشاهين الوحيد من اخوته ترك البصره ودرس طب بغداد صار ابني الي طوله الحاله هيبه دكتور. وصرت اكول اني ام الدكتور
وعلى ساعه تروح كل ذيج الفرحة. من كال اريد احول عل جيش والطبابه العسكرية. وأصير ضابط
محد كدر. يخلي يغير قراره استسلمنهً لامر الواقع وصار الشاهين دكتور ضابط. وصرت اشوف ابني. بالشهر سبوع مو اكثر بس بعدهه ذاك الشاهين ابو كلب الطيب المليان حنيه. بعده ذاك الشاهين الي احس عيون البنات تريد تاكلهً من يفوت بس عيون الشاهين بيهن لمعه حزن لليوم تحز بكلبي وامنيتي امحيه من عيونه
وهم كبر الفهد وصار شاب طول بعرض مايفرق عن اخوته علي وشاهين شي. صار مهندس بكبر الكون اشوفه. وجدهه سلمه كل شغل العائلة. وسلم رائسه الشركة وخلاه الكل بالكل ولد عمامه وعماته. وياه. ويساندونه. حيل اشوف روحي بالفهد
بس اوووف يا نار كلبي اليوم جان عنده شغل بغداد وعل طريق مسوي حادث بالسيارة. والله من وصلني الخبر احس روحي راحت. يكول الدكتور للصبح يصحه بس كلب ام ماكدر من سمعت الخبر لبست واجيت وكلت للشيخ اخوي مريض ومودينه لبغداد اخاف لايصير بي شي
هذا ورح الشيخ مظفر. حيل يعزه مافاركه من يوم الجبته ليوم حتى من صغره ينام يمه ماينام ويه اخوته
يارب يكوم بالسلامة ويرد على حيله وأكحل عيونه بطوله
وكبر الصگر وصار شاب جامعي ملعون وملعب وحيال مدلل جده مايردله الشيخ طلب هذا اقرب واحد باخوته عله كلبي كلهم اعزاز بس هذا اخر العنگود. ولسانه معسل يخلي اكبر واحد يحبه ويود قربه الحمد لله. السنه اخر سنه اله ويتخرج صيدلاني.
ولدي دنيتي بكبرهه. همه الهوى الي اتنفسه اذا صار شي لواحد منهم ماتحمل اكمل حياتي
البصره الساعه 10:00 الصبح
الشيخ مظفر
بويه زهراء علي ماخبرج شلون صار خاله
زهراء
يا خال جدي
من كالت يا خال حس الشيخ مظفر اكو شي وروحت ام علي هيه وعلي وصگر. مستعجله مو خاليه جان يضرب عكازته بالكاع وكال
الشيخ مظفر
جدي زهراء تعالي يمي
زهراء
خير جدي كول
شيخ مظفر
سولفيلي. وين راح رجلج وعمتج وابن عمج
زهراء
ها جدي لخوالهم غير
شيخ مظفر
(بغضب)
زهراء تجذبين علي تالي عمري يترباتي
زهراء
لا والله جدي بس همه خافو عليك وعلى صحتك مرادو يكلولكً
شيخ مظفر
الفهد شبي سولفي
الشيخ حسه كلبه فهد بي شي وهسه تأكد من عرف هو مسوي حادث سوه الي ميسوه بولده واحفاده شلون مايكللوله وجبرهمً ياخذونه. هسه لبغداد. جان تكول وحده من حفيداته وهيه مبين عليه الخوف والقلق كالت وهيه تلزم أيد جده وتهمس بذنه
مريم
شيخ اخذني وياك فدوه اروحلك
شيخ مظفر
بهمس
حبيبه وين اخذج مشوفين الوضع
هدت أيد جده ونزلت دمعته ورادت تروح صاح عليه وكال
الشيخ مظفر
مريمً جدي حضري روحج ترحين ويانه.
محسن (ابو مريم )
بويه وين تروح ويانه. المستشفى مكلوبه. كلاب وين ناخذه شسوي رايحه
الشيخ مظفر
نحتاجه بويه احنه راح نطلع فهد للبيت الي بغداد لبين مايرتاحً ونحاتج احد هناك مرت اخوك مره جبيره تكعد تخدمنه
ما كدر يحجي شي بعد ما ابوه الشيخ اصدر كلامه. طلعو لبغداد اول ما وصلو. سيارات كبار اخر مو ديل. هوسه صارت باب المستشفى. مبين شخص معروف اجه.
جانت راجعه للمستشفى حته تبلش دوامه وشافت هل موقفً. منو هذا الشخص الي هيجً دخوله. مهيب توه اتريد تنزل وطبكت سياره كدامه. بحيث ارتعبت. من الموقف جان كلش سريع ومستعجل نزل رجال مشافتً وجهه بس ضهرهه لابس زي عسكري وراح بكل سرعه عله الرجل الي نزل باس رأسه ودخلوً سوه هيه صفت سيارته ونزلت راحت للجراح شوف شنو عده جدول عمليات.
تتمشى بالممر وصوت الكعب يرن لابسه بنطرون جنز ازرق وقميص ابيض وستره اسود حجابه ابيض وحذاء كعب احمر مكياج عيون قوي وحمره احمر. وبيده تليفون وسويج السياه.
جانت محط أنضار. ومن ضمن هل انضار همه الي جانو ويه هذا الشخص المهيوب هيه اخر همه هل سوالف
التقت بدكتور زين. صبحت عليه كاله عدنه اربع عمليات اليوم. بس هسه لازم تروح شوف المريض الي خدرته البارحه
مرت من يم الكل. دون متنتبه عل مو جودينً تريد تدخل العنايه المركزيه. جان تكله ام علي
ام علي
حبيبه شلون صار ابني
.....
هسه حجيه اشوفه واكتب تقريري والجراح يفهمكم وإنشاء الله خير
امً. علي
زين يمه نكدر هسه نشوفه
....
دقايق يوم بس خلي اشوفه وأشوف وضعه
دخلت للغرفه بالحضه الي طلع بيه الولد الي لابس الزي العسكري وكعدً يصف ام علي وهو حاضنه
هيه بعد مافحصته وهو صحه كالتله
......
الحمد لله على السلامة
فهد
الله يسلمجً. شلوني شلون وضعي
...
كالأسد. لتخاف. وماشاء الله كل. الي موجودين يدعولك. دعائهم كافي حتى تشفى
فهد
الله يسلمجً بس منو موجود
.....
يمكن كل شخص تعرفه موجود
فهد
ههههههه لا مولهل درجه بس ذوله اكيد اخوتي ولد عمي وعمامي
بس عندي سؤال
....
اي كولً
فهد
امي. وجدي هنانه
...
هسه أني ماعرف اذا. المره الي يكلولهً. ام علي هيه أمك.
فهد
اي هاي أمي. وجدي
....
اكو رجال جبير مهيوب وحتى عنده مرافقه بزي عسكري وياه يمكن جدك
فهد
ههههه اي هذا جدي والي وياه مو مرافقه ذوله احفاده. واهاااااا يعني الشاهين اجه.
من كال الشاهين شاف تغيرت ملامح وجه وبسرعه فتحت ملفه وقرت اسمه بصدمه
.....
فهد حسن مظفر
فهد
اي هذا أني شنو تعرفيني
.....
لا ماعرفك بس سامعه بالاسم
فهد
اهاااااا. زين هسه اكدر اشوف اهلي
...
اي اكيد هسه اخليهم يدخلون
