رواية عمر الديب صقر المخابرات الفصل الاول
لعشاق قصص المخايرات
تعمل اية لما تكون ظابط مخابرات مصري والمطلوب منك تقبض علي اتنين جواسيس والاثنين دول ابوك وامك.
بسم الله توكلت علي الله. وهو رب العرش العظيم
من كام سنة ومن جوة احدي السجون المصرية يسجن جاسوس في الاربعينات من عمرة يدعي خبير في زنزانه خاصة و كان يكتب علي حائط الزنزانة بمسمار صلب اسم فاطمة. وعمر. وكتب اسمهم اكتر من مرة وقعد يبص
للأ سمين. باشتياق وقال
انتو اكتر اتنين ما حبهمش يعرفو حقيقتي
وفجاة يسمع صوت انفجار شديد في السجن وينقطع نور السجن تماما ويفتح باب الزنزانة اللي هو فيها ويدخل رجل يرتدي لبس القوات الخاصة وعلي وشة قناع وفوق القناع يرتدي نظارة روية ليلية وبص لخبير وقال
يالا.
خبير وهو يقف
اخيرا. نويت تساعدني
الرجل المقنع وهو بيدي لخبير نظارة اخري للروية الليلية قال
مافيش وقت للكلام دة. البس دي و يالا قبل النور ما يرجع
ولبس خبير النظارة وخرج بسرعة من الزنزانة ومعه الرجل المقنع.،،،،،،،،،
وتعدي سنين كتير. وبقينا في 2019.
و من جوة قاعة افراح كبيرة في فندق 7 نجوم ويوجد في القاعة معازيم كتير والكل بيرقص وفرحان وفي الكوشة تقعد عروسة في العشرينات من عمرها وهي دكتورة في علم التشريح وتدعي فيروز حلوة جدا من اصول عربية . لكنها عايشة في مصر من زمان. وجنب فيروز في الكوشة يقعد عمر الديب العريس وكانت فيروز هي بنت دكتور في علم الجينات يدعي فايز. وكانت فرحانة جدا وماسكة ايد عمر.وعمر بيبص لها في عينيها وهي كانت بتقول له
أنا مش مصدقة نفسي امتي بقي الماذون يجي يا اسامة وابقي مراتك رسمي
عمر
هانت يا حبيبة قلب أسامة
وباس ايدها وهو بيبص بمكر الثعالب علي فايز والد فيروز اللي كان واقف مع راجل ملامحة تدل علي انه أجنبي وهو دكتور امريكي صهيوني يدعي دنيال وكان بيتكلم مع فايز وعمر عمال بيبص عليهم من تحت لتحت. ويدي فايز لدنيال كاس به شربات والكاس علية شريحة الكترونية عليها بحث يخص علم الجينات الوراثية فيمسك دنيال الكاس وينظر للشريحة اللي كانت تبان للانسان العادي انها رسمة مطبوعة علي الكاس. ويقول دنيال
برافو فايز. انت راجل مخلص لمنظمة الافعي والافعي هتقدر كل اللي بتعمله دة بفلوس كتير وهاتعلي كمان وكمان في منصبك العلمي. ولو عايز تاخد نوبل هتاخدها
فايز
مش مهم عندي نوبل انا المهم عندي ان الافعي تكون راضية عني
في هذة اللحظة يقف عمر قدامة وهو يقول
مش الافعي بس اللي راضية عنك. كلنا راضين عنك
فايز باستغراب
اسامة. انت بتقول اية
عمر وهو بيمسك الكاس من ايد دنيال
احب اعرفك بنفسي انا عمر الديب ظابط في المخابرات المصرية
اتلخبط فايز وحاول دنيال انه يهرب لكن عمر شاور لكام راجل من رجال المخابرات المصرية واللي كانو وسط المعازيم علي انهم اهل عمر. وقال عمر
رايح فين بس يا خواجة. دة احنا مصدقنا انك وقعت في ايدنا
دنيال
انا مواطن امريكي ومعايا الجنسية. وجواز سفري يحميني ومن مصلحتك انك تسيبني امشي والا هاتحصل مشكلة كبيرة
عمر
انت باين عليك ما تعرفنيش. أنا بعشق المشاكل
في اللحظة دي تقف فيروز وراء عمر بعد ما شافت هي وكل الحضور اللي حصل وقالت
اسامة. هو اية اللي بيحصل في فرحي
عمر بقلة ذوق
الفرح دة كان مجرد كمين عشان اقبض علي بابا يا حبيبة بابا
فيروز وهي عيونها بترغرغ بالدموع
يعني اية. بقالك سنة مفهمني انك بتحبني وانت بتعمل دة كلة عشان تقبض علي بابا
عمر
اعمل اية بس
ويحط عمر ايدة علي كتف فايز ويلف حوالين منه وهو بيقول
بابا فايز جاسوس بيبع ابحاث قام بيها علماء مصريين. في مجال الجينات الوراثية. لحساب منظمات تانية معادية لينا وماكنش في طريق دخول للعالم بتاعه الا انتي عشان كدة لعبت عليكي دور العاشق لغاية ماوصلت للي انا عايزة
فتتوجع فيروز وتبص لوالدها فايز وتقول
الكلام اللي بيقوله اسامة دة حقيقي. انت فعلا كدة
فيبص فايز في الارض مش قادر ينكر كلام عمر لانة صح فقالت فيروز
يارب كنت موت قبل ما اعرف انك انت جاسوس. وبتبيع بلدك بشوية فلوس
وبصت فيروز لعمر وقالت
وانت بقي. حسبي الله ونعم الوكيل فيك. كنت اختار اي طريقة توصل بيها لبابا. الا قلبي. علشان انا حبيتك بجد ومش هاقدر اعيش من غيرك.
وتعيط فيروز وهي بتقول
حرام عليك. اذيتني
وتنهار من كتر العياط وتاخذها واحدة صاحبتها في حضنها وهي تقول
اهدئي يا فيروز. مش كدة
عمر بجحود لرجالتة
يالا يا رجالة انا مش فاضي لمحن البنات دة.
فيرور وهي بتبص علي عمر وهو بيخرج من القاعة
امشي. وربنا قادر يجيب لي حقي منك.
وياخذ عمر رجالتة وهما قابضين علي فايز ودنيال ويخرج بيهم من القاعة ويتحول الفرح الي ميتم، ،،،،،،،،،
وبعدها بيوم ومن امام العمارة اللي ساكن فيها عمر مع والدة اللواء السابق ابراهيم الديب. يقف عمر بعربيتة قدام مدخل العمارة ويلاقي عربية جارة رامي ركنة في نفس المكان اللي هو بيركن في فبص ناحية بواب العمارة وهو يقول بحدة
انت يا زفت
فيقف البواب قدام عمر ويقول
نعم يا بية
عمر بعصبية
انا كام مرة اقول لك ماحدش يركن مكاني
البواب بخوف شديد
معلش يا عمر بية دي عربية استاذ رامي وهو طلع يجيب والدة الاستاذ توفيق عشان تعبان جدا وهايروح بي المستشفي
عمر بنفس العصبية والتعالي
وانا بقي المفروض افضل مستني كدة في الشارع مش عارف اركن فين لغاية ما رامي باشا ينزل. هو مش عارف ان دة مكان الركنة بتاعتي
البواب
يا عمر بية. هو عارف. وانا قولت له بلاش يركن هنا. لكنة استسمحني يطلع يجيب والدة وينزل علي طول
فينزل عمر من العربية وهو لايزال عصبي ويقول
بقي كدة. انا بقي هاعرفة ازاي يركن مكاني
ويذهب عمر ناحية عجل العربية ويخرج سلاح صغير يشبة المشرط ويضرب عجل العربية بمنتهي الغباءة لدرجة ان الاربع عجلات نامو علي الارض والبواب يقول
حرام يا عمر بية.
ولكن عمر ينظر للبواب من فوق لتحت ويقول
لما ينزل رامي عرفه اني انا اللي عملت في العربية بتاعته كدة عشان يحرم يركن مكاني تاني
ويدخل عمر الي العمارة والبواب يبص ناحية العربية وهو بيقول لنفسه
يا اخي طالع فيها لية كدة اكمنك ابوك لواء وعارف ان ما حدش هايقدر ياخد معاك لحق ولا باطل. ربنا علي الظالم
ولا يمر سوي ثواني معدودة ويخرج رامي من العمارة وهو شايل والدة توفيق علي كتفة وراح ناحية العربية وانصدم لما شاف العجل نايم بالشكل دة وقال للبواب
يا عبدة.
فيقف قدامة عبدة فيقول رامي
اية اللي عمل في العجل كدة
عبدة البواب
عمر بية
رامي بضيق
وطبعا عمل كدة عشان ركنت مكانة. هو اية كان اشتري الشارع. اطمئن علي ابويا بس وبعد كدة يبقي ليا حساب معه.
ويبص يمين وشمال باحثا عن تاكسي ولكن الشارع ماكنش في ولا تاكسي فقال لعبدة البواب مسرعا
هات لي تاكسي من تحت الارض يا عبدة. بابا تعبان جدا،،،،،
ومن امريكا تجلس امراة في حديقة فيلتها وهي في الستينات من عمرها وتدعي سوريا وامام منها يجلس عماد او ديفيد كما يسمي في امريكا وهو ابنها والاخ الاكبر لعمر الديب وتقول سوريا
دنيال وفايز اتمسكو
عماد
عرفت. والافعي طلبت اننا نرجع مصر بنفسنا عشان نكمل مهمه دنيال
سوريا
وانت اية رايك
عماد
مش متخيل ان بعد السنين دي كلها هارجع مصر تاني
سوريا
لازم ننفذ تعليمات الافعي
عماد
طبعا انتي عايزا ترجعي مصر من زمان وخصوصا بعد ما عرفتي ان خبير هرب من السجون المصرية. ورجع لمراتة الاولي وحبيبتة فاطمة ام عمر
سوريا بنرفزة
عمر ابني انا. وانت عارف ان خبير سرقة مني وكتبه باسم فاطمة عشان يرضيها بعد ما ابنها نزل ما بطنها ميت وهو خاف علي زعلها. و خبير لسة جوزي وحبيبي
عماد باستهزاء
الام سوريا لسة بتحب خبير بعد كل اللي عمله فيها
سوريا غاضبا
عماد
عماد بغضب شديد
اسمي ديفيد. وانتي عارفة اني ما بحبش اسم عماد دة عشان بيفكرني بمصر واللي فيها وانا ماكهرش قد مصر واللي فيها وخصوصا جوزك خبير. وعمر ابن فاطمة
سوريا وهي تلف أيدها حوالين رقبة عماد وتخنقة وتبص في عينية بصه تخوف وتقول
عمر ابني. وانا بحذرك اياك تقول تاني انه ابن فاطمة
فيبص لها عماد وهو بيضحك ويمسك ايدها ويبعدها عن رقبتة وهو يقول بصوت بارد مخيف يشبة فحيح الثعابين
لولا انك امي كنت كسرت ايدك. وعمر ابن فاطمة زي ما قال خبير
ويضحك بمنتهي الشر وهو بيبعد عنها وهي بتبص علية بغضب شديد، ،،،،،،،،،،
وبعدها بكام ساعة ومن داخل مبني المخابرات العامة يجلس مدير المخابرات العامة السيد كامل وامام منه ظابط مخابرات عامة يدعي باسم وكان يقول باسم
يا فندم ارجوك اعفيني مع الشغل مع اللي اسمة عمر دة. دة بني ادم مغرور وديما شايف الناس اقل منه وانا
ما بحبش طريقتة دي.
السيد كامل بصرامة
باسم. الشغل مافيهوش عواطف وكون انت بتحب عمر او بتكرة فدة برة الشغل ولازم تحط ايدك في ايد عمر عشان نعرف لية الافعي هاتبعت عماد او ديفيد. ووالدتة سوريا ودول اثنين من اخطر عناصر منظمة الافعي وفي دلائل توكد ان واحد منهم هو الافعي نفسه وماحدش منهم هايعرف التاني انة الافعي عشان يفضل متحكم في المنظمة كلها
باسم
ولية يافندم ما يكنش خبير هو الافعي وبيدير المنظمة من جوة مصر. وخصوصا بعد ماهرب
السيد كامل
كل شي جايز. المهم دلوقتي نعرف مين الافعي. وعماد وسوريا راجعين مصر لية. وطبعا نوصل للمكان المستخبي في خبير
باسم
انا ممكن اوصل لكل دة ومن غير عمر
السيد كامل بحدة
باسم انت هاتشتغل مع عمر بالامر المباشر ودة اخر كلام عندي.
فيبص له باسم ويسكت ويسمعو صوت خبط علي باب المكتب فيقول السيد كامل
ادخل
فيفتح الباب ويدخل عمر فيقول له السيد كامل
تعالي يا عمر
فيتجة عمر ناحية المكتب ويجلس علي احدي الكراسي ويبص لباسم من تحت لتحت ويقول
ازيك يا باسم. بقالك كتير قاعد مع السيد كامل وطبعا بتحاول تقنعه انك تقوم بالمهمة دي لوحدك. لكن صعب عليك تنجح من غير صقر المخابرات.
ويشاور عمر علي نفسه بغرور شديد ويقول
عمر الديب. أنا
يبص له باسم بضيق شديد ثم يبص ناحية السيد كامل فيقول السيد كامل
ممكن بقي نركن مشاكلكم مع بعض علي جنب ونركز في شغلنا انتم اكفأ اتنين ظباط عندي في الجهاز. ومحتاج لكم انتو الاتنين عشان نحل لغز المهمة دي بمنتهي السرعة ونعرف مين الافعي اللي بتدير المنظمة دي وعايزة اية بالظبط من مصر وديفيد وسوريا حجزوا لية تذاكر طيران عودة لمصر.
عمر بغرور
حصل يا باشا وأنا لوحدي اقوم بالمهمة دي
فيبص له باسم وهو هاين علية يضربه، ،،،،،،،،،،
وبعدها بكام ساعه ومع حلول الليل ومن داخل بيت صغير في منطقة شعبية يجلس خبير وقد اصبح في السبعينات من عمرة وامام منة تجلس زوجتة فاطمة وهي امراة في اواخر الخمسينات من عمرها اصيبت في حادثة جعلتة مشلوله. وفاطمة هي حب خبير الاول والاخير وكان خبير يجلس امام فاطمة وياكلها ويبص لها ويبتسم وهي تقول له بصعوبة
تعبتك معايا قوي يا خبير. سنين كتير وانت في خدمتي
خبير وهو بيبوس ايدها
اوعي تقولي كدة انا اعيش عمري كله خدام تحت رجليكي ويبقي علي قلبي زي العسل
فاطمة وهي بتبص له
حبيبي يا خبير. بس لو تكمل فرحتنا ونلاقي ابننا عمر
فيبتسم خبير ابتسامة حزينة ويحمل فاطمة ويذهب بيها ناحية السرير بتاعها ويضعها فوق السرير ويقول
يلا. عشان تنامي وترتاحي شوية
فاطمة وهي مش عايزا تنام
لسة بدري. عايزا اقعد معاك شوية
خبير
فاطمة الدكتور قال اية
ويغطيها خبير وهي تقول
طيب اقرأ لي قران
خبير وهو يضع ايدة علي راسها
حاضر
فاطمة
سورة الرحمن
فيقرأ خبير سورة الرحمن بصوت جميل وعذب حتي تنام فاطمة ويخرج خبير من الاوضة ويقفل الباب وراء منه بشويش ويخرج من الشقة وينزل للدور الارضي في البيت ويبص ناحية العداد بتاع الكهرباء ويمد ايدة خلف العداد ويضغط علي زر خفي فيفتح سرداب في الارض فينزل خبير في السرداب ويفتح تحتة اوضة خفية ويقف قدام جهاز ارسال واستقبال ويضغط علي زر الاستقبال فيسمع صوت مش واضح وهو يقول
ديفيد وسوريا جائين ليك. نفذ اللي اتفقنا عليه. وفي اقرب وقت تكون المهمة تمت.
خبير يرد
تمت الرسالة. وانا من خدام الافعي الاوفياء وجاهز لتنفيذ المهمة، ،،،،،،،،،،،
