رواية ليليان الفصل العاشر 10 بقلم زينب نور

                                                    

ليليان .. منين طلعت الشمس !

بصفتي اني بنت خاله جاوبت اول وحده ..

                                

-ابتسمت وكلت ، وعليكم السلام ..

                                

باعن عليه صديقاتي ..

اول مره اسلم ..

                                

كلما يسلم احد علينه هنه يجاوبن ..

تفاجئن اني جاوبت ابدالهن ..

                                

- سامي .. 

                                

هاي شبيهه كبل سلمت عليه ..

سوالف البنات ، هنا تحجي وبلمستشفى جانت خرسه ..

ولو هيه بيا حال جانت ..

                                

- انتي ليليان موو؟ 

                                

ليليان .. كبر لعد متعرفني ..

- اي ليليان وانت حسام مو؟

                                

- سامي ..هاي شبيهه حسام منو ..

- عفواً ، منو حسام ؟!!

                                

- ليليان ..استغربت ،، ليش انت مو حسام ابن عمي ؟ 

                                

- سامي .. ابتسمت وكلت ،، لا اني اسمي سامي !

- اهاا اني اعتذر عبالي حسام ابن عمي ..

- لا عادي ..

                                

- شهد .. تفضل اكعد !

- سامي .. لا تسلمين بس اريد احجي ويا ليليان اذا ممكن !!

                                

- ليليان ..هذا شيريد مني ..

شمعرفه بيه ،، اروح لا ..

يله خلي اروح ..

                                

- اي تفضل اسمعك 

- لا بوحدنه نكعد احسن ، عادي ؟!

- اوك 

                                

رحنه رجعنه للنادي وكعدنه بي ..

كلسع وحده تتصل بيه ، تريد تعرف منو وشيريد ..

                                

طبعاً هو احلى بهواي قريب ..

عيونه لونهن يجنن ..

                                

توترت وعرفت نفسي راح اتلعثم بلكلام وياه..

مامتعوده احجي ويا ولد استحي حتلو احجي وياهم بلجامعه قليل وويايه البنات ..

بس اني مقرره اتغير ..

                                

هسه هذا شبيه مايحجي ..

كاعد يباوع عليه لو يريد يحجي ..

                                

فكرت وكلت خلي اكطع الطريق واسده ..

                                

- كتله .. تفضل خويه 

                                

- سامي ،، خويه كبر شنو اميت عليج ..

                                

- اريد احجي وياج بخصوص سالفه من جنتي بلمستشفى!

- بلمستشفى ؟ 

- اي ، ليش انتي لسعج ماذكرتيني ؟

- لا منو انت ؟!!

- اني ...

                                

هاي لسعهه ماتعرفني ، اعلس لو تكول ، خاف تحجي لهلهه عليه واصير سالفه طلايب وعشاير ..

                                

- انت شنو ؟! داسمعك ، ولو اني هم شايفتك قبل اذكر 

- ايي

- بلمستشفى ؟

- تقريباً 

- شلون تقريباً يعني ؟

                                

سامي .. شلون موقف هسه ..

                                

- تشربين شي ؟ 

- عفواً ؟! 

- يعني عبالي تشربين شي 

- لا شكراً وياريت لو تكولي شتريد تحجي لان صديقاتي عفتهن واني لازم ارجع للبيت 

- اهاا آسف ، اخذي راحتج لعد 

- اوك اني حروح ، باي 

- دقيقه تردين اوصلج ؟

- كمت اخذت جنطتي ،، لا تسلم ماكو داعي 

- براحتج 

 

                                              

                                                    

عفته ورحت ، ع شنو جابني هنا مادري ..

شنو هلناس قليلين ذوق .. 

                                

رحت للحديقه ماكو ، خابرت أماني ..

                                

- وينج ؟

- رجعنه اني وشهد عبالنه راح تتاخرين ويا..

- ويا منو ؟ انتي مخبله ولج اصلاً ماعرف ولا حجينه شي ،ماعرف ع شنو راد يحجي ويايه

- مخبل هذا ؟!

- اي يله اني حرجع باي 

- باي لونه 

                                

طلعت من الجامعه ورحت صعدت بلخط ..

بدت اللغوه الزايده ياربي ..

اني راسي راح ينفجر انوب هذني ..

                                

تأخرت يله رجعت ..

شفت سيارة بلبيت ..

تفاجأت منو جاينه ..

                                

طبيت سلمت ع ماما بلمطبخ وضايجه ..

شبيهه ، راحت واجتي ميان ..

                                

- سألتهه ،، منو يمنه ؟

- ميان .. هاااا ، هيج هذوله اصدقاء بابا 

- بس امي ضايجه ليش ؟

- مادري بس هيه مو ضايجه عادي ماكو شي

- اوك اني صاعده 

                                

رحت بدلت ونزلت اريد اعرف منو ..

نزلت سمعت صوت عاليه شوي ..

شكوو ...

                                

- شلون يعني ولكم حراام عليكم اريد احجي وياهه 

                                

هاي منو ديحجي ..

                                

- بابا .. مستحيل بعد كل هاي السنين هسه اذكرتوا 

- امي .. اني هم ماقبل بهذا الشي 

                                

جرتني ميان من وره ..

                                

- شبيج داسمع ، عوفيني

- ميان ..انجبي عيب 

- لا والله عيب دروحي من يمي خلي اسمع 

                                

بعد الصوت ،، اتقربت اكثر ..

                                

- احنه رايحين بس راح اتصير السالفه غير شي 

- بابا .. الله كريم 

                                

- ميان !!

- هاا

- شبيهم شصاير ، منو هذوله ؟

- مادري ، شمعرفني بيهم 

                                

راحوا وماما اجتني تكمل شغل ..

عفتهه كلت بعدين احجي وياهه ..

                                

سويتلي اكل واكلت ..

كملت رحت يمهه ..

                                

- حبيبتي منو الي اجونه؟

                                

ماجاوبتني ، اخذت مواعيني تغسلهن ..

اكو شي لازم اعرفه ..

اول مره اشوف هيج اهلي عصبيين ع غرباء ..

                                

رحت يمهه اخذت منهه المواعين وسديت المي ..

                                

- ماما شكو احجي ؟! 

- تعاي ويايه للغرفه 

                                

رحت وياهه ..

                                

- اكو شي لازم تعرفي ، انتي صرتي جبيره بعد وتفتهمين والحمدلله مابيج شي ..

- اي شكو ؟! 

- هذوله الي جوي لازم تعرفين همه منو .

- اي داسمعج ماما احجي 

- همه يقربون الج هواي 

- صدك ، شلون يعني ؟ قصدج كلنه يقربولنه 

- لا الج انتي بس 

- اشمعنه اني بس ؟

- لان انتي ..

                                

💎💎💎

                                

- سامي .. عافتني وراحت ..

اي خلصت ع الاقل ..

بس ابويه شلون امي ..

                                

رحت خابرت صديقي اعرفه ويايه بلمستشفى ..

وعزمته ع غده ويايه ، اضوج اكل بوحدي ..

ومنا اشوف شكو ماكو وشكال المدير عليه وع شغلي ..

                                

اتغدينه وحجينه وماكو شي بلشغل نفسه ..

عباله مامداوم اني بأرادتي ..

                                

رجعت مريت لياسر ..

                                

- ها سويت ؟!

- ولك مكدرت احجي 

- شنو ، مفهمت ؟ 

- رحت لليليان !

- ليليان منو ؟

- هاي البنيه شبيك 

- يا هو .. ها اايي كمل 

- مو ويا يوسف فردت احجي وياهه ومكدرت 

- ليش مكدرت؟ 

- ماعرف هيه اصلاً ماعرفتني عبالهه ابن عمتهه 

- هههه مو احسن بعد 

- اي لهذا تراجعت 

- خوش لعد انحلت السالفه 

- اي بس شنو ولك صابره حلوه

- صدك !! اكولك هيه مو جانت بلمستشفى يمك شبيك يحظي لعد ؟!

- شمدريني بس هيه متغيره مو نفسهه يعني اخر مره شفتهه بلكليه جانت ضايجه مو مثل اليوم ..

- اي معلينه بله امشي نروح نفتر ضوجه 

- ماشي 

                                

رحنه افترينه وكعدنه بلكوفي ويا اصدقائنه الباقين ..

رجعت بليل ورحت ادور ع امي احجي وياهه ..

                                

دخلت ابويه بوجهي ،، شكد حظ فكرر

                                

- هلا يابه

- خير ان شاء الله 

- كل الخير ، انحلت السالفه

                                

- اجتي امي وكالت ،، شلون ؟ 

                                

- حجيت ويا البنيه وهيه اصلاً ماتعرفني ولا تتذكر شي 

- بابا ،، يعني بأعتقادك هذا حل ؟ 

- اي طبعاً لان همه مايعرفونه 

                                

- اندار ع امي وكالهه .. هذا ابنج عود ردته يصير مثلي 

                                

راح واستلمتني امي محاضره ، متفقين اليوم عليه عادي ..

كملت ، رحت بدلت وتمددت ..

                                

اني قابل شبيدي اسوي ..

اووف ليليان ..

                                

منو هاي انوب ..

اسيل ،، هذا الناقصني ..

                                

- هلو حبيبتي 

- هلو حبي شلونك؟

- تمام وانتي ؟

- بخير سيمو اريد اكولك شي !

- كولي ..

- خلي نزوج ؟!

- شنوو !! نامي اسيل تره روحي طالعه 

- شبيك حبيبي قابل اني شكلت 

- مالي خلكج 

- ليش ؟

- ماكو شي 

- زين شوكت تجي مشتاقتلك ؟

                                

مشتاقلج ملك الموت ان شاء الله ..

                                

- سامي .. مادري 

- تعال اريد اشوفك

- الله كريم باي 

- باي عمري 

                                

دروحي شكد لزكه ..

ياربي يعني اله اسيل ..

ماحبهه كوه هيه..

                                

اني لازم اخلي حد واوكف الموضوع ..

اي احجي ويا امي باجر ..

                                

ولو هيه شراح يقبلهه وهمه هسه كلهم ضايجين مني ..

اجرب واشوف ..

  الفصل الحادي عشر من هنا