رواية بديلة اختي الفصل العاشر 10 بقلم خاتون الكعبي

حيدر بخوف: هلة بيك سيدي

شاهين : خيرك شو منورنة اليوم بالمركز 

حيدر بتوتر : والله سيدي ممسوي شي جنت جاي اسوق وطلع بوجهي و.. قاطعة شاهين وهوة يكول برود

شاهين : اهدة وهسة الشرطي يحقق وياك ويسجل اقوالك وان شألله خير 

حيدر : حاضر سيدي 

شاهين برود : حسين سجل اقوالة واقوال الويا 

حسين : تأمر سيدي 

شاهين : اباوعلة خايف ويفرك بيدة من التوتر ابتسمت بسخرية واشرت لحسين يأخذهم من كدامي و.......

_____________

مرسلين

هدى بدموع: بابة.. حي.. حيدر داعملة واحد والشرطة اجت.. اخذتة.. يكو.. يكولون يم. يمكن ميت

مرسلين : اباوع عله بابة انخطف لونة وطلعو يتراكضون هوة ولولد صاحت علية امي حتة اروح اجيب الهدى مي هزيتلهة راسي بخوف وركضت للمطبخ طلعت بطل مي ورحت شربتهة يا اباوعلهة ترجف ودموعهة ع خدهة 

كعدت مامة تهدي بيهة الحد مأجة بابة والولد وكالو اخذو للمركز اليداوم بي شاهين ولولد الداعمة بالمستشفة وضعة صعب اباوع ع هدى انهارت من كلامهم 

عقدت حاجبي بستغراب يعني هية مو اتريد اطلكة ليش هسة هيج خايفة وتبجي علي صحتني من تفكيري امي 

وهية تعيط علية حتة اصعد هدى وياهة فوك ركضتلهة وسندتهة وية مامة وصعدناهة فوك دخلناهة الغرفتي وكعدناهة ع الجرباية ومامة سحبت بطل المي وغسلت وجهة واني جبت نونة لأن كامت تبجي وضليت اهز بيهة ومامة ضلت يم هدى الحد ما هدت يلة نزلت جوة واخذت نونة تنومهة وياهة واني بقيت كاعدة كدام هدى وصافنة بوجهة وهية تباوعلي الحد مكالت 

هدى بصوت مبحوح : شبيج ليش تباوعيلي هيج 

مرسلين : ماكو شي مستغربتج يعني قبل يومين جنتي تتوسلين بس حتة يطلكوج منة وهسة تبجين علي بهل طريقة 

هدى بتعب : حتة لو ردت اطلك منة هل شي مو يعني صرت اكرهة يبقة زوجي وابو جهالي 

مرسلين : ومدام انة رجلج وابو جهالج مثل مكلتي ليش تردين تطلكين منة وتخربين حياتج وحيات جهالج 

هدى : شوفي اني صح ممجبورة ابررلج بس ححجي ووضحلج الي صار واول شي اني فعلاً جنت احبة قبل لا نزوج وزاد هل حب بزواجي منة بس راح كول هل حب بخيانتة الي وما دام ماكو حب بالعلاقة فشي اكيد حيخرب الزواج واصير بي مشاكل فالحسن للطرفين هوة الأنفصال 

مرسلين : وجهالكم 

هدى برود: اشبيهم اشو بيتنة فرق عنهم بشكم بيت يعني يكدرون كول ميشتاقولي يمرون علية 

مرسلين : يعني وانتي متشتاقيلهم ميحترك كلبج عليهم وانتي اشوفيهم يتربون بعيد عنج 

هدى بنزعاج : اكولج لا تركضين وراي ع الكلمة شي اكيد اشتاقلهم ماكو ام ما تشتاق الجهالهة وهسة طفي الضوة اريد انام 

مرسلين بستهزاء : تأمرين عيني كلت هيج وكمت طفيت الضوة ونزلت جوة مستحيل اتحمل اكعد وياهة بنفس المكان دخلت للصالة ونجطلت علة الكرويتة وشغلت التلفزيون وكعدت اتابع فلم الحد ما غفيت ابمكاني للصبح حسيت ابأمي تكعدني فزيت من نومتي وشفت الساعة بسبعة حركت ركبتي بوجع من نومة الكرويتة وصعدت فوك غسلت ولبست ملابس المدرسة واخذت مصرفي ومريت ع تقى ورحنة اني وياهة للمدرسة ومر تقريبن فوك الأسبوع ع هل حالة بين مدرستي ومشاكل البيت مخلصة يومي واخر شي سمعتة من ابوية الولد الداعمة صاحي بس مضرر حيل من الحادث وحصير كعدة عشائرية ويمكن يطلعون حيدر بكفالة بعد معرف بس ان شألله خير لأن جهالة كولش متعلقين بي وأمه خطية منهارة علة ابنهة اما هدى فتقريبن كامت تمارس حياتهة بشكل عادي ولا كأنو رجلهة بسجن ومرت اخوية حسين رجعت بس مرت اخوية محسن بعدهي عود زعلانة والة اخوية يروح ايراضيهة واخوية وين لو يموت ميروح يعني هية تعاند وهوة يعاند وابنهم صار بين الأثنين بس وربي اشتاقيتلة وميتة علة شوفتة اول مرة هيج يبعد عنة والحقيرة لمن اندز علي مترضة ادزة الة احنة اروحلهة واني وين لو اموت ما اروحلهم وهذاك العكرة شاهين موجود واليوم صادف يوم سبت كاعدة العصرية ضايجة ومعندي شي اسوي وامي كاعدة اكبالي اتخابر بخالتي ومرت اخوية بغرفتهة واختي فوك اتأففت بملل واني اسد مبايلي بعد مراسلت تقى وباوعت ع اختي هدى الي نزلت علة الدرج وهية ادكم بدكم جبتهة فتحت اعيوني بصدمة ع شكلهة حرفين جانت طالعة عبالك عروسة بمكياجهة وعدساتهة وحتة العروس متمكيج بهل طريقة وهم امي عقدت حواجبهة بستغراب وهية اشوفهة وسدت المكالمة كبل وية خالتي وكالت 

ام مرسلين : شهل مكياج وين حضرتج امولية ما تكعدين وتنجبين مو رجلج مسجون اشعدج طالعة تفرفرين

هدى بأملل : مامة شهل كلام مو عيب وبعدين ضجت قابل حيوانة صارلي فوك الأسبوع محبوسة بالبيت ورجلي ان شألله فترة ويرجع يعني مظال للأبد بالسجن

ام مرسلين بشك : وين تردين تولين 

هدى : امر ع بيت عمو ابو شاهين طاك كلبي علة علاوي اريد اشوفة وهم اشوية ارفه عن نفسي 

ام مرسلين : علاوي مو تكعدي وانجبي ماكو روحة 

هدى : مامة شقصدج شهل حجي كتلج مشتاقتلة وريد اشوفة قابل مجذبة 

ام مرسلين : اكعدي واسكتي ابوج ميقبل تروحين البيت عمج ابو شاهين 

هدى : قبل اشوية خابرتة وافق اروح وبنسبة الشاهين فعتقد مموجود يعني ماكو داعي تقلقين 

ام مرسلين : لعد اخذي مرسلين وياج وروحي 

مرسلين : ما اريد اروح تعبانة 

هدى بفرح : شفتيهة متقبل يلة حروح قبل لا يصير المغرب 

ام مرسلين بعصبية : ماكو لو تروح مرسلين وياج لو ماكو روحة 

مرسلين برود : واني مستحيل اروح وشاهين موجود 

ام مرسلين : وليش عيني رجلج وغصبن ما عليج ترحين اشوف بلة اليوم ياهي اتعاندني 

مرسلين : مامة وربي تعبانة ومبية حيل اتحمل مغثة وشوفتة من وحدهة اجيب الغثة خليني كاعدة اهنا احسلي لا اشوفة ولا يشوفني 

ام مرسلين : اختج هدى كالت يمكن ما موجود وهوة بهيج وكت بشغلة روحي وياهة ورجعن قبل لا ايأذن اذان المغرب مراح تخسرين شي وهم شوفي ابن اخوج مو كتيلي البارحة مشتاقتلة  

مرسلين : هزيت راسي بضوجة وصعدت فوك لبست جبتي فوك التراك وشال ماروني وحمرة خفيفة ونزلت شلت بت اختي نور وطلعنة اني وهدى الي ضلن فوك الربع ساعة يتعاركن هية وامي ع المكياج الحد ما خلتهة تخففة اشوية وصلنة البيتهم ودكت اختي الباب طلع عمو سلم علينة ودخلنة جوة معرف ليش احسة مثل الأستغرب هوة والبنات ومرت عمي بشوفتي بس حقهم لأن من يوم الطلعو بيت واليجاي مزايرتهم حتة بعرس اخوي مرضيت اجي وضليت بالبيت اباوع علة هدى دخلت وعينهة تتلفت بكول البيت وشفت علوش لو ردتلي روحي كمت حظنتة وبوست اخديداتة يعمري اشكد مشتاقتلة وكعدتة بحظني ومرت اخوي قدمتلنة العصير وكعدت يمنة حاولت اقنعهة انو ترجع بس ماكو فايدة ميبسة راسهة ورة فترة سمعت  صوت هورن قوي بالباب صاح عمو اكيد اجة شاهين وكل الأبنه الثاني مصطفى ايكوم يفتحلة الباب باوعت علة اختي هدى وهمست بذنهة يلة خل نمشي بسرعة اشو هاية عاندت وضلت كاعدة بمكانهة الحد مدخل مصطفى وراه شاهين الي عقد حاجبة لمن شافنة وكال.......

_______________

اوتار

اوتار بسخرية وصدمة : هه اسفة دكتور مجنت اعرف حضرتك بوضع حميمي وية الدكتورة اعتذر

محمد بجمود : اعتذارج مرفوض وحتتعاقبين علة دخولج بهل طريقة المكتبي وهسة تفضلي بررة 

اوتار : هوة يحجي واني عيني علة الدكتورة سهى اشون تباوعلي بشماتة انملت اعيوني بالدموع من كمية الحقد بكلامة وطلعت بسرعة قبل لا ينزلاً دموعي وبين ضعفي كدامة ورحت للحمامات دخلت وانتظرات الحد ما طلعت اخر ابنية يلة طكيتهة بالبجي ابجي وصوت شهكاتي يعلة احس روحي مختنكة وكل ما اذكر نظرات الشماتة بعيون الدكتورة ازيد بالبجي ما انقص الحقيرة اشون تباوعلي لا وهوة قابل وفوكاهة يرزلني كلت هيج واني افتح الحنفية وغسل وجهي بس حتة اهدة فوك العشر دقايق واني بالحمام الحد ما شفت بنات دخلن يلة طلعت ورجعت القاعتي دخلت وكعدت بصف فجر الي اول مشافتني شهكت وكالت 

فجر : لج اشبيج شنو جنتي تبجين 

اوتار بتعب : لا ليش 

فجر : لج باعي اعيونج اشون صايرات حمر عبالك مكتولة 

اوتار : هه رحمة الدينج فجر مناقصتج اسكتي خل اخلص هاي المحاضرة علة خير حتة اطلع اختنكت من الكلية بحالهة

فجر : ماشي حياتي براحتج 

اوتار : ابتسمتلهة ورجعت راسي ع الأستيج الحد مدخل الدكتور وكملت محاضرتة بشكل عادي وسلمت علة فجر وطلعت انتظرتة بالكراج اجة وركبت ويا وطول الطريق واني ساكتة ردتة يحجي ايوضح بس ماكو فايدة ولا كأنو شي صاير الحد موصلنة للبيت نزلت بسرعة ودخلت سلمت علة بيبيتي وامي ودخلت غسلت وبدلت وصليت صاحوني علة الغدة كتلهم ما اشتهي وشمرت روحي علة الجرباية حاولت انام بكول الطرق وابطل تفكير بي بس كل ما اغمض اعيوني تجي صورتة هوة والدكتورة علة بالي وترجع ادمع اعيوني الحد مطردت كل هاي الأفكار من راسي وكمت شربتلي منوم يلة كدريت اهدة ونام وللعصر يلة اجت كعدتني امي كمت ونعس بعدة بعيوني غسلت وجهي وشربت جاي وكعدت احضر الأمتحاني اصكطت من كثرل تعب الحد مصاحوني علة العشة يلة كملت يعني عوزي بس مراجعة كلت بالليل اراجع وكمت صبيت عشة وية البنات تعشينة وخلصنة ورحت سويت جاي وكعدت اشوية وية البنات نسولف للعشرة يلة ترخصت منهن ورجعت الغرفتي حتة اراجع وما خلصت مراجعة الحد ما صارت بثنعش ونص ااه احس جسمي متكسر من كثر الكعدة كمت احرك بركبتي وادية بتعب وجريت شالي وطلعت كعدت بالحديقة وصفنت بالسمة معرف ليش بس احس نفسي بهاي الحركة انو بابة ديشوفني او اكدر احجي ويا بعدهي هاي الفكرة ابالي من طفولتي لمن امي تكولي ابوج ديشوفج من السمة وكبرت وعيت بس ضلت هاي الفكرة ابالي وحتة لو جذبة حبيتهة لهل جذبة لأن الطريقة الوحيدة الكدر اتواصل بيهة وية ابوي ابتسمت وكمت احجي وافضفضلة عن كل البداخلي احجي ودموعي علة خدي احس نفسي فعلاً بهل وقت مشتاقتلة مشتاقة اسمع صوتة احظنة انام بحظنة مثل قبل فعلاً الأب سند مع انو اخوي عادل ممقصر ولا مامة الي جانتنة ام واب بس يبقة فراغ بداخلج لمن اشوفين صديقاتج اشون يحجن علة ابهاتهن او اشوفين ابنية هية وابوهة شعور اشكد ما احجي محيحس بي الة الفاقدلة يا تنهدت برتياح واني امسح ادموعي فعلاً ارتاحيت بعد محجيت وطلعت كول البداخلي واول مدا ادخل شفت محمد منتجي علة الباب ويباوعلي كمزت اول مشفتة وكلت 

اوتار بخوف : خررب خوفتني بربك بلة هاي اسواية غير اطلع صوت اتحمحم 

محمد برود : استوني طلعت وشفتج ليش بعدج منايمة 

اوتار : مأجاني نوم وهسة نعست يلة تصبح ع خير كلت هيج واول ما اجيت ادخل للبيت سمعتة يكول 

محمد بهدؤ : هية اجتي المكتبي وجاوزت احدودهة وانتي دخلتي وشفتينة ومدري وين راح بالج بس خلي يكون بعلمج اني احب وحدة ومستحيل اخونهة 

اوتار : ههه مدري افرح مدري ازعل وعلة كولاً هاي حياتك الخاصة وماكو داعي تبررلي 

محمد برود : مجاي ابررلج بس وضحتلج سوء التفاهم الصار 

اوتار بقهر : عمي شكراً علة التوضيح والله يكثر من امثالك يله اترخص 

محمد : انتظري اشوية 

اوتار : هاا 

محمد بتوتر مخفي : احمم ردت اسئلج ع هذة التقدملج رديتيلة الجواب لو بعدج 

اوتار بستغراب : ليش تسئل 

محمد : هيج مجرد فضول 

اوتار بمكر : ان شألله باجر اكول الأمي موافقتي وذا الله راد بنهاية الشهر الخطوبة اباوعلة ضل صافن ابمكانة بس يرمش بعيونة معقولة غار وربي ما اصدك حركت ايدي كدامة وكلت 

اوتار : وين رحت 

محمد بفزة : ها لا هيج ومبروك 

اوتار : الله يبارك بيك يوم الألك علة التحبهة كلت هيج ودخلت هه واني العوبة عبالي غار علية ويحبني مسحت الدمعة النزلت من عيني ودخلت الغرفتي و......

_______________

شاهين

راجع من الخفارة مال يومين واني احس جسمي مكسر من التعب دخلت للبيت وياريتني ما داخل شفتهة بوجهي كاعدة وتباوعلي بكل ابتسامة وثقة معرف اذا اسميهة ثقة فعلاً او وقاحة ودرت عيني علة مرسلين وعقدت حاجبي بستغراب اشعجب اجتي اول مرة تدخل البيتنة اعرفهة بكل مرة مترضة تجي حتة لمن يجونة بيت عمي تحمحمت وسلمت عليهم وكعدت بصف ابوي وهنة اكبالي اباوع علة مرسلين لازمة علاوي وتلاعب بي وهوة يضحكلهة معرف ليش بس بالحظتهة تمنيتهة ترفع راسهة حتة اشوف اعيونهة ابتسمت علة شكلهم بس اختفت ابتسامتي وحل مكانهة البرود واني اشوف هدى مركزة عيونهة علية وصحت علة اختي اجيبلي كلاص مي جابتلي واول ما جاي اشربة كالت مرسلين 

مرسلين ببتسامة : يلة عمو نترخص حيصير المغرب وياريت تقنع هدى ترجع البيتهة وتبطل اعناد ترة كولش مشتاقيلهة ومشتاقين العلوش 

شاهين برود وهوة يحط اكلاص المي علة الطاولة : وليش ما اخوج هوة اليبطل اعناد ويجي يعتذرلهة ويراضيهة 

مرسلين بهدؤ : عفواً منك خوية بس هذة الموضوع بيناتهم وهمة يحلو واحنة لازم انهدي الموضوع مو نشعلة لأن بيناتهم طفل ازغير وممكن بسبب اعنادهم يروح برجلين صح 

شاهين بحدة : صح بعد اخوج ليش مو صح بس السوا اخوج المصون ما ينسكت علي وما ترجع الحد ما يجي يعتذر منهة ورجلة فوك راسة 

مرسلين بستفزاز : ان شألله خوية اذا اختك وياهة الحق ليش ميجي يجي ورجلة فوك راسة مثل مكلت بعد تعرف احنة احفاد الحجي شاهين وما نرضة بالغلط  

شاهين برود : وهذة الحجي المضبوط 

مرسلين : يلة لعد نترخص 

هدى : انتي اخذي نور ورجعي اني حبقة بعدني مشبعانة من علوش 

مرسلين : اوكي يلة لعد حروح كلت هيج وكمت بوست البنات وعمة وحظنت علوشي واول مأجيت اطلع عاط علية الغثة شاهين وكال 

شاهين بعصبية مكتومة : انتظري وين امولية بهل مغربية اني اخذج 

مرسلين : لا مشكورة ماكو داعي وبعد وكت وبيتنة قريب 

ابو شاهين : لا بوية اكو داعي بهل مغربية ومطلعين بناتنة مو عيب شتكول علينة الوادم يابة شاهين اخذ بت عمك وصلهة البيتهم

شاهين : حاضر يابة يلة تعالي

مرسلين : كلبت عيوني ابملل واول مأجيت اطلع وراه رجعت وكلت 

مرسلين : اكولج زهراء فددوة خل اخذ علوش وياي بس اودي المامة خطية طاك كلبهة علي ويرجع وية شاهين 

زهراء (زوجت محسن ) : عادي حبيتي اخدي وسلميلي علة عمة 

مرسلين بيتسامة : يوصل ان شألله يلة علوش تعال اباوعلة اجاني يركض لزمت ايدة وباليد الثانية شايلة نونة واول مطلعت وشافنة شاهين اشر العلوشي يجي عاف ايدي وراحلة بسرعة شالة وباسة وبدة يمشي واني ورة اباوعلة شكلة فعلاً هيبة بالبدلة العسكرية بحيث ما مرينة من يم واحد اذا موكف وسلم علي وهوة يرد علي بكول برود تحسة مغرور او ايرد بستعلأ كرهت هذة الشغلة بي وهوة معرف اشبي يمشي ويستغفر كل ما نمر من شلة شباب ويعيط بية حتة استعجل الحد ما دخلنة بفرعنة وشفت عماد واكف ابابهم اتففت بملل متأكدة هسة حصير سالفة تعبانة وفعلاً اول ممرينة من يم بابهم كام وكال 

عماد : السلام عليكم 

شاهين برود : وعليكم السلام  

عماد ببتسامة : يابة مرسلين اشلونج 

مرسلين : تمام الحمد لله 

عماد : يا روح عمهة مشتاقلهة بلة انطيني ياهة 

مرسلين : مديتلة نونة اخذهة مني وبدة يبوسهة اباوع علة شاهين مثل الضاج او عصب بس ما بين وضل واكف الحد ما عاط بعماد وكال 

شاهين : يابة فضنة اريد انولي 

عماد برود : .............. 

_________________

اوتار

كعدت اليوم من وكت غسلت وصليت وراجعت امتحاني ولبست فستان طويل وردي فاتح وشال بيجي وحذاء باتة بيضة ومكياج خفيف واخذت جنطتي وملازمي وطلعت شفت الكل كاعد صبحت وكعدت اتريك اشوية ونزل محمد بس امبين علة ملاحة العصبية كعد وكام يعيط علة الريوك مبقة واحد معيط علي ابتسمت بسخرية وتحمحمت واني اباوع علة مامة واكول 

اوتار : احمم مامة بخصوص موضوع الولد التقدملي اخذت قراري و..........

الفصل الحادي عشر من هنا