رواية بديلة اختي الفصل الحادي عشر بقلم خاتون الكعبي
تذكير
شاهين : يابة فضنة اريد انولي
عماد برود: متروح منو لازمك ومرسلين اني ارجعهة اذا تريد مو مرسلين
مرسلين : اباوع علة شاهين عيونة صارت بكصتة من العصبية كتلة لا مشكور واخذت منة نونة واول ما صرنة كدام بيت جدو صحت علة شاهين وكلت بصوت خافت
مرسلين : شاهين انتظر اشوية
شاهين بعصبية مكتومة : شكو
مرسلين : خل ندخل البيت جدو
شاهين وهوة رافع حاجبة بستغراب : ليش
مرسلين بهدؤ : مو حجيت وياك قبل اسبوع بموضوع الطلاك وبسبب المشكلة الصارت أجلتة وهسة مطول اني وياك كدام بيت جدو خل ندخل وكول الجدو تريد اطلكني ومتكدر تتأقلم وياي او اني ازغيرة عليك وطلكني كدامة فضت وراح كل واحد يروح بطريقة
شاهين بستهزاء : هه لا والله خاف متقبلين
مرسلين برود : لا اقبل ليش مأقبل
شاهين بسخرية : وذا مقبلت اشراح اسوين مثلاً
مرسلين : بسيطة اني ادخل الجدو واكولة حفيدك المصون مزوج وسكير تقبل ازوجني الهيج واحد وساعتهة اكيد حيخليك اطلكني بعد القرار يمك يا اما اطلكني برضاتك يا اني اصرف
شاهين : هههههه شنو يعني تهدديني
مرسلين : احسبهة مثل متريد
شاهين : خوش لعد هذا بيت جدج وادخلي وكليلة واني وراج
مرسلين : هاهية لعد سهلة كلت هيج ورحت البيت جدو فتحت الباب ودخلت شفت جدو بيبيتي وعمو وياهم كاعدين بالستقبال دخلت سلمت عليهم وشاهين وراي استغربو لمن شافونة سوة وبانت الفرحة علة ملامح جدو وبيبيتي كعدت بصف بيبيتي وشاهين وجدو اكبالي ضليت افرك ايدي بتوتر معرف ليش لمن توصل للواقع اصير جبانة وخوافة اباوع علة شاهين يباوعلي بسخرية وكأنما يعرفني مراح اكول الحد مشجعت روحي واتحمحمت وكلت
مرسلين : احمم جدو بس ردت احجي وياك بموضوع
الجد ببتسامة : كولي بعد جدج
مرسلين بهدؤ : مو قبل فترة كلت مستحيل اخلي واحد يأذيجن واني اشم الهوة ومستحيل ارفضلجن طلب صح
الجد وهوة يباوع علة شاهين بستغراب ويرجع عينة علة مرسلين ويكول : صح بوية احجي
مرسلين : زين تقبل وحدة من حفيداتك تزوج واحد مزوج واكبر منهة بهواي وكلبة معلك بوحدة غيرهة
الجد بعصبية وهوة يباوع علة شاهين : شهل حجي بوية شنهو مزوج شاهين صدك هل حجي
شاهين وهوة يباوع علة مرسلين بحدة ويرجع عينة علة الجد ويكول بكل برود : اي جدي صح زواج مؤقت وطلكتهة بس تعرف بعد النسوان يحبن يكبراً السالفة
الحد بهدؤ : حتة لو بوية ميصير هل حجي وما اريدة يتكرر
شاهين ببتسامة : تأمر جدي وما يصير بخاطرك الة طيب كال هيج وهوة يكوم ويبوس راسة ويباوع بمكر علة مرسلين الي شبه مصدومة
مرسلين : اباوعلة بصدمه اشون لاف السالفة بأقل من دقيقة وجدو ولا حجة ولا عصب واني عبالي حيرزلة ويعيط عليه وربي حصرتني البجية جان بنسبة الي هوة اخر امل الي ممكن يخلصني من شاهين بس مستحيل استسلم وخليهم يهدمون مستقبلي وحياتي كدامي ورجعت عيني علة شاهين يباوعلي بكل نذالة الحقير شلت عيوني منة وكلت
مرسلين بتردد : جدو عادي احجي وياك بموضوع خاص اباوعلة هز راسة واشرلهم يطلعون بقت بس بيبيتي كاعدة واول مطلعو كمت كعدت كدام جدو ولزمت ايدة وكلت
مرسلين بقهر : جدوفدوة خلي شاهين يطلكني اني وانته نعرف انو يحب اختي هدى ومستحيل ايحب غيرهة وقبل يزوجني بس حتة ينتقم من الي سوتة بي
الجد بحدة : شهل حجي بنيتي حرام تحجين هيج هدى صارت مرة مزوجة وشاهين ابن عمج ورجلج واخذيهة مني بوية مستحيل شاهين ايفكر بيهة بعد كل الي سوتة بي
مرسلين بدموع : زين واني
الجد : شبيج انتي
مرسلين : يعني تقبل ازوج الواحد اكبر مني بهواي وطريقة تفكيري غير طريقة تفكيرة تماماً وفوك كول هذة جان خطيب اختي
بيبية مرسلين : يا حبوبة شهل حجي شنهي اكبر منج ولولد توة دخل بالثلاثين جا الله يساعدنة كبل يزوجون الواحد بكد ابوية و..
مرسلين قاطعتهة بعصبية وهية تكول : بيبي فدوة لا تقارنين وكت هسة بقبل وعوفي العمر الله عليج بيبي اتقبلين تزوجين جدو بعد ما جان خاطب اختج
بيبية مرسلين : لا رد
مرسلين بدموع وستهزاء : ها شو سكتي معندج جواب صح
الجد بعصبية : مرسلين سدي السالفة ورجعي البيتكم وحسج عينج اسمعج راجعة فاتحة اسالفة
مرسلين : هزيت راسي ومسحت ادموعي ورجعت شلت نونة واول مفتحت باب الستقبال صار بوجهي شاهين اباوعلة عيونة تجدح نار وقابض علة ايدة بعصبية اول مشافني جرني من زندي ورجع دخلني للستقبال وكف كدام جدو وباوعلي وكال
شاهين بصوت جهوري : انتي طالك وتتحريمن علية من هل لحضة
مرسلين : كال هيج وعافني وطلع ضليت واكفة ابمكاني مصدومة لا اخذ ولا انطي ما انكر اكو شي بداخلي فرح بس بنفس الوقت معرف ليش دموعي كامت تنزل بغزارة معقول زعلت لأن طلكني حركت راسي بنفي من كل افكار وكلت هوة هذة الحسن والجان لازم ايصير من البداية اباوع علة بيبي مصدومة وجدو ابأي لحظة يمكن ايكب ابوجهي من العصبية عفتهم بلة ما احجي اي كلمة ورجعت البيتنة دكيت الباب وفتحتلي يا امي شافنتني وعقدت حاجبهة بستغراب وكالت
ام مرسلين : شنو شبيج جنتي تبجين
مرسلين برود : لا
ام مرسلين : لعد علة شنو كول هل دموع
مرسلين : ادموع الفرح
ام مرسلين بنفاذ صبر : شنو اجرجر منج كلمة كلمة ادموع الفرح مال شنو
مرسلين بسخرية : مال طلاكي
ام مرسلين بصدمة : شنوو
مرسلين : هههه مثل مسمعتي اطلكت
ام مرسلين بعدم تصديق : تحجين صدك لو تشاقين
مرسلين : ههه لا صدوك كلت هيج وحطيت نورة بحظنهة وصعدت فوك دخلت الغرفتي وبوجهي للحمام ونزعت جبتي وشالي وفتحت الدوش وصرت جوة المي ينزل ودموعي رجعن ينزلاً ويا الحد الأن مدا استوعب الي صار مسحت وجهي بعنف وكلت هوة هذة الصح كافي شاهين صفحة سودة وانسدت بحياتي وان شألله بعد متنفتح نهيت كلامي واني امسح اخر دمعة نزلت من عيني وكملت سبحي بسرعة واول مطلعت من الحمام شفت بوجهي اختي هدى كاعدة علة جربايتي باوعتلي وكالت بفرحة طاغية علة ملامح وجهة
هدى : عود صدوك شاهين طلكج
مرسلين برود : اي ليش
هدى بفرح : ها لا هيج بس سمعت من مامة وحبيت اتأكد منج بس مو شوية غريبة
مرسلين : شنو الغريبة
هدى : طلاكج
مرسلين بسخرية : هه ليش محسستني صارلي قرن مزوجة اني ويا وعدنة درزن جهال ترة مجرد عقد قرأن وانفسخ
هدى : ليش هوة طلكج بثلاثة
مرسلين : لا بس كال طالك يعني بعد بس نفسخ عقد السيد وتنسد السالفة وكول واحد يروح بطريقة
هدى : هاا زين هوة طلكج من وحدة لو انتي طلبتي منه
مرسلين برود : هدى تعبانة وعندي دراسة
هدى : اوكي لعد حنزل جوة مامة خطية صعد ضغطهة واتصلت بابة والولد وحيجون
مرسلين : هلة بيهم كلت هيج واني اوكف كدام المراية ومشط ابشعري اباوعلهة اتأففت وكامت طلعت من الغرفة زفرت انفاسي بتعب ولميت شعري ذيل احصان واول ما طلعت جنطتي دك مبايلي كلت اكيد هاي تقى رحت اخذتة وشفت صديقتي نهى داكة علية عقدت حاجبي بستغراب هاي شذكرهة بية هسة وفتحت الخط وجابوتهة وكلت
مرسلين : الوو
نهى : الوو هلوو حياتي شلونج شخبارج
مرسلين بستغراب : هلوات حبي تمام وانتي
نهى : تمام يعمري بس ردتج اسئلج علة شغلة
مرسلين : اسئلي
نهى : اليوم جنت راجعة اني ومامة من السوك وشفتج تمشين انتي واحد لابس عسكري معرف بس اخذني الفضول حتة اعرف منو هههه
مرسلين : ها هذة ابن عمي
نهى : همم زين شنو اسمة
مرسلين : اسمه شاهين
نهى : هوة نقيب بالشرطة مو
مرسلين : اي لش
نهى : لا بس حبيت استفسر زين عادي ادزيلي رقمة
مرسلين : هههه اهنا الحجي وليش مو عندج حبيب
نهى بمكر : ههه فدوة اروحلج تفتهميني ولا تركتهة هذاك خل يولي
مرسلين : ليش اسوالج
نهى : مسوة شي بس حيل مايع مرات احسة هوة البنية مو اني وانتي تعرفيني احب الرجال الهيبة والرجولي
مرسلين بنزعاج : قصدج مثل ابن عمي صح
نهى : ههههه بالضبط وهسة دزيلي رقمة فددوة
مرسلين برود : اسفة معندي رقمة
نهى : لا صدوك تحجين زين فدوة حاولي تاخذين رقمة من اخوانج لو ابوج
مرسلين : اوكي احاول وهسة اترخص ديصيحولي
نهى : مرخوصة يعمري باي
مرسلين برود : باي كلت هيج وسديتة كبل الحقيرة تريد رقمة صدوك متستحي شمرت تليفوني علة الجرباية وطلعت كتبي وبدية احضر ع الجدول الحد ما سمعت صوت اعياط جوة عرفت ابوي اجه والولد ولا نزلت كملت ادروسي بهدؤ الحد مصعدتلي مرت اخوي وكالت ابوج يريدج هزيتلهة راسي ولميت كتبي ونزلت جوة دخلت للصالة وشفت الكل كاعد مجموعين وميبن العصبية بوجه ابوي كعدت بصف امي وبدة العياط ورزالة وكول ما اريد احجي وبرر عن نفسي يسكتني واحد منهم ويكلي انتي السبب وانتي الخليتي ايطلكج فضلت السكوت الحد ما دك جدو علة ابوية وكلهم يجونة كامو بسرعة وراحولة ابستمت بسخرية علة حالي وباوعت علة امي الي جانت تباوعلي بلوم وكأني اني الغلطانة وقبل لا تحجي اي شي عفتهة ورجعت صعدت فوك طبعاً الشخص الوحيد الفرحان ومرتاح بهل عركة هية هدى الي الأبتسامة ولا فاركت وجهة طول الكعدة فعلاً مرات احسهة هية عدوتي مو شخص غريب هه وخرت كل هاي الفكار من عقلي وشمرت روحي علة الجرباية بتعب ضليت فترة اتكلب بمكاني الحد ما غفيت و.........
______________
اوتار
اوتار : احمم مامة بخصوص موضوع الولد التقدملي اخذت قراري وموافقة علي بس اول شي اريد اشوفة واتفاهم ويا علة كم شغلة بخصوص دراستي وكليتي
ام اوتار ببتسامة : حقج يمة وان شألله بعد اشوية احاجي ام رعد وتفاهم وياهة والله يتمملج ياهة علة خير
اوتار : تسلمين يعمري كلت هيج ورفعت عيني علة محمد اباوعلة عيونة بكصتة من كثر ل العصبية وعروك ايدة وكصتة ناطات باوعلي وخزرني خزرة بعمري مراح انساهة وكام بسرعة من السفرة وترخص وطلع عقدت حاجبي بستغراب هسة هاي شيسموهة غيرة لو انانية مستحيل بيوم اكدر افهمة او افهم طريقة تفكيرة وترخصت من الكل وطلعت ورة شفتة راكب سيارتة ومنتظرني ركبت ويا وكلت
اوتار : ليش ما خليتني اكمل ريوكي ترة بعد وكت علة الدوام اباوعلة اجاهلني وشغل السيارة وبدة يسوق بكول سرعة كمشت يدة السيارة من الخوف وكلت
اوتار : محمد هاي شبيك صدوك تحجي يمعود خفف اسرعة حتموتنة
محمد : لا رد
اوتار : هاي شبيك محمد ترة وربي خفت فدوة خفف اسرعة احجي اريد بس ماكو فايدة ولا مهتملي سكتت وكمت ادعي لحتة بس نوصل بسلامة والف الحمد لله وصلنة واول ما نزلت من السيارة عافني وشخط السيارة ورح عقدت حاجبي بستغراب وين راح مو علة اساس عدة محاضرات اهواي اليوم يمكن نسة شغلة ورح ايجيبهة كلت هيج ورحت القاعتي دخلت وشفت صديقتي فجر بوجهي سلمت عليهة ورة دقايق دخل الدكتور وتناوبنه المحاضرات علينة بشكل عادي بس الغريبة محمد ولا بين حتة بمحاضرتة كالو اليوم الدكتود محمد مموجود دكيت علي اكثر من مرة ردت بس ماكو الحد مخلص الدوام وردت ادك علة اخوية عادل حتة يجي يرجعني بس شفتة صاف سيارتة كدام الكلية وكاعد بيهة استغربت وروحت ركبت ويا وكلت
اوتار : وينك اليوم وصلتني وختفيت ودكيت عليك اكثر من مرة وماكو
محمد برود : جان عند شغل وخلصتة
اوتار : سكتت والتفتت علة الجامة الحد موصلنة البيتنة ودخلت وشفت الكل مجموعين بصالة سلمت عليهم وباوعت علة مامة الي شكلهة مبينة مزعوجة سئلتهة شبيج بس مردت باوعت علة بيبيتي بمعنة شكو اشرتلي اسكت هزيتلهة راسي ودخلت ابدل اشوية ودخلتلي امي شفتهة ورحتلهة رئسن وكلت
اوتار : شبي اليوم الحلو ضايج منو مزعلة
ام اوتار : محد بس
اوتار : بس شنو
ام اوتار بنزعاج : اليوم ورة مرحتي الكليتج خابرت ام رعد وبلغتهة بموافقتج بس ا...
اوتار : مامة شبيج ترة خوفتيني دحجي
ام اوتار : بس كلتلي رعد رفض ويريد بت عمة
اوتار : ههه علة هيج زعلانة عادي يا مامة والله يتممهة الة علة خير
ام اوتار : يعني مزعلتي
اوتار : ههههه وليش ازعل يا يمة قابل احبة لو عندي علاقة بي كلت هيج واني احظنهة وابوس راسهة وكلت
اوتار : وهسة يلة متردين تغدينة ترة جعت
ام اوتار : خسة الجوع بنيتي دقايق والغدة يكمل
اوتار : ابتسمت وطلعت وراهة صبينة الغدة تغديت وغسلت المواعين وية البنات ورجعت الغرفتي لزمت مبايلي وكعدت اكلب بي الحد ممليت وطلعت كتبي وبديت اقرة و...........
______________
شاهين
اشرف بهمس : هذاكة الباشا وما يحتاج اوصيج هدي وغيري مزاجة وكل ما تريحي اكثر كل ما ازيد افلوسج
: تأومر من عيوني تدلل انته والباشا
اشرف : يلة شوفي شغلج
: هزيتلة راسي ورحت لليسمو الباشا اوكعة اوكعة ابتسمت بمكر واني اكعد بحظنة ووخر كاس المشروب منة وكلت
: شعجب منورنة الباشا
شاهين برود : وخري مالي مزاج
: بست ركبتة علة كيف وهمست بذنة
عادي ارجعلك المزاج
شاهين بستهزاء : وتتحملين
: ههههه مو عيب عليك اشون ما اتحمل تمارة اني مو اي وحدة
شاهين بصوت عالي : اااشرف
اشرف بخبث : أمرني
شاهين برود : احجزيلي ياهة
اشرف بمكر: مو تدلل بس مؤقت لو .. قاطعة شاهين وهوة يكول
شاهين : مؤقت
اشرف ببتسامة : ماشي لعد حروح اضبطلك الوراق
شاهين برود : روح كلت هيج واني اطفي كطف الجكارة ربع ساعة وعقدت عليهة وصارت مرتي بعقد مؤقت لمدة شهر اخذت نسخة العقد وكلت
شاهين : حضري نفسج منتظرج بالسيارة كلت هيج وطلعت من الشقة بعد ما دفعت فلوسهة وركبت سيارتي اشوية وجت ركبت وسقت الشقتي و............
_______________
محمد
حيدر ( صديق محمد) : وهسة شنو راح اتضل هيج
محمد برود : ليش شبيهة احد شاكيلك عن حالي
حيدر : من الأخير خوية اولي لو تسمعني وما اضل تمسلت من كيفك
محمد : ولي
حيدر : ولة تولك ان شألله عار ما عليك عتب
محمد : ههه عليك غير
حيدر : يول لا تخليني اطلع فضايحك اهنا وهسة كلي اذا انته متحبهة مثل ما كلت شكو رحت ضربتة للولد التقدملهة
محمد برود : ما احبهة صح بس تبقة بت عمتي ويتيمة وخاف عليهة من ولد الحرام وهذة الولد اعرفة سرسري وسافل
حيدر : هههه حمودي علينة اني وانته نعرف انك تحبهة بس واهم نفسك بحب بت عمك الي من سابع المستحيل اصيرلك مرة فشوف حياتك وتحرك ترة حتة هاي راح تخسرهة بسبب تصرفاتك
محمد : خلصت
حيدر : انجب ترة ما جاي اشاقة وياك وهسة يلة اترخص اروح اكعد وية مريتي وجهالي ولا اكابل خلقتك السد النفس
محمد : ولي كلت هيج وعفتة ورحت ركبت سيارتي ورجعت للبيت دخلت وشفت اوتار كاعدة بالحديقة ابتسمت ورحت كعدت بصفهة وكلت
محمد : شنو زعلانة لأن رفضج
اوتار : ههه اي كولش زعلانة وحبجي من القهر
محمد : لازم تحبي
اوتار : كولش
محمد : منوة
اوتار : التقصدة
محمد : يعني تحبين رعد
اوتار : لا احبك
محمد : اعرف
اوتار : ههه بس مدري اديصير وياي شايف النار المشتعلة واذب شرار هيج جان حبك بكلبي بس احس هنا اشوية اشوية دا تخف لهيبهة ودتطفة
محمد : يعني شنو
اوتار : ههه كتلك مدري بس اتوقع اني بطلت او دا ابطل اني احبك
محمد : ههههه مستحيل هل شي
اوتار : ليش مستحيل مو بعيدة عن ربنة تعرف بلشت ادعي كول يوم انو يشيل حبك عن كلبي بعد ما جنت ادعي انك تحبني وتبادلني نفس المشاعر
محمد برود : يلة تصبحين علة خير
اوتار : اجميعن كلت هيج وكمت دخلت جوة و...........
____________
تقى
مر هل اسبوع علية مثل الجحيم واني عايشة بحالة رعب من فكرة انو تجي مرة ثانية وتاخذ مكان مامة بس مستحيل اقبل بهل شي اموت وما اخلي وحدة ثانية اصير ابمكانهة والمخوفني اكثر بابة الي جنة مقتنع بسالفة بس خايف ايصارحني والمشكلة الأكبر هية المرة اليريد يزوجة يريد يزوج اخت عمة ام مسلم هاية المطلكة وعدهة ابنية الله ما يجرعهة لا هية ولا بتهة وبيبيتي موافقة وهية الي حطت فكرتهة براسة وقنعتة واعرف اذا ما صرفت من هسة وحطيت حد الهل موضوع حيزوجهة ويجيبهة للبيت ومجان كدامي غير مسلم اكيد بس هوة الكدر اعتمد علي بهل شغلة حتة يساعندي كلت هيج واني اشجع نفسي وادك باب غرفتة ودخل شفتة كاعد علة الجرباية ويشتغل ع الحاسبة شافاني وعقد حاجبة بستغراب ونزع نظاراتة وكال
مسلم : هلة بتقى اليوم منورتنة خيرج بوية
تقى بتردد : هل بيك بس ردت احجي وياك بموضوع
مسلم بهدؤ : احجي اسمعج
تقى : اكيد سمعت بموضوع زواج ابوية من خالتك صح
مسلم : اي سمعت
تقى : زين وشون رئيك
مسلم : والله اذا هل شي راح يريح ابوج ويسعدة فعادي ليش لا
تقى بعيون مدمعة : مراح يسعدة ومستحيل اخلي مرة ثانية تجي ابمكان امي واني وانته نعرف اشكد خالتك وكحة وما تنجرع هية وبتهة فا اريدك اءء..
مسلم : ترديني امنع هل زوج مو
تقى : اي فددوة امنعة بس انته التكدر تخرب هل زواج وتمنعة
مسلم : ماشي بس بشرط
تقى بتسائل : شرط شنو
مسلم :................
_____________
مرسلين
مر هل اسبوع والبيت كولة بحالة توتر وعصبية ومامة وبابة ميحجون وياي وكالبين وجهم علية لأن عرفو اني الطلبت الطلاك وما شألله لمن راحو الجدو جدو مطلع شاهين مثل الشعرة من العجين وحط الوم كولة بية بحيث اجو اخواني وابوي ويومين وهمة يرزلون بية ويعيطون بس عوزهم يضربوني علة موده وهم طلعت مرة اخوية حسين حامل يعني واكيد حترجع تكعود ومرسلين الي تخدم بيهة ومرة محسن بعدهي بيت اهلهة يعني خوش راح اكل تبن وصارت الكعدة علة مود سالفة حيدر والحمدلله رضو اهل الولد بفصل وتنازلو عن حقهم بقة بس ايدفعولة كفالة ويطلع وطبعاً هل شي يأخذ شهر او اكثر اما هدى فمن جهة فرحانة بنفصالي عن شاهين ومن جهة لوخ زعلانة بخبر طلعو حيدر وشاهين مسمعت علي اي خبر او شفتة من بعد ما طلكني بس سمعت من اخوية محسن انو هوة راد اجيب السيد ويجي اطلكني رسمي ويفسخ عقد السيد بس جدو مقابل لهيج مأجل الموضوع واليوم كعدت من الصبح كراب وتنظيف عود اليوم عطلة وكلت حشبع نوم بس وينة وامي تركض وراي ادري لمن جانن جناينج موجودات مكربتيهن هل كراب هذة وربي انكسر ظهري من الستة الحد مصارت بالوحد الظهر بحيث صعدت الغرفتي واني احس ظهري منقسم نصين شمرت روحي كبل علة الجرباية من كثرل التعب ونمت ما كعدت الحد مصارت بالخمسة العصر وكمت سبحت ولبست برمودة خفيفة ونزلت جوة شفت الكل مجموين بصالة ما عدة بابة رحت كعدت بصف اختي وحطيت نونة بحظني دقايق ودخل بابة وبيدة تليفونة كعد علة الكرويتة وكال
ابو مرسلين : خابرني جدكم استوة وكال بعد يومين عرس ابن عمنة ابو مالك ولازم اروحلة كلنة فضبطو شغلكم علة هل اساس وحسين بس انتة التبقة ادير بالك علة الشغل وهم مرتك حامل وطريقنة للبصرة طويل مو زين عليهة
حسين : حاضر يابة
ام مرسلين : يعني كلنة راح اروحلة حتة البنات ويانة
ابو مرسلين : اي عمي عازم الكل وابوي كال لازم اروح فمن هسة حضرن نفسجن ترة الفجر نطلع
مرسلين : بابة بس اني عندي مدرسة مكدر اروح حبقة بالبيت وية حسين وسن
ابو مرسلين : ماكو الكل يروح وبوية حسين يوم الأحد روح المدرست اختك واخذلهة اجازة
حسين : ماشي بس مو تتأخرون
ابو مرسلين : لا ما نتأخر شغلت يومين تلاثة ونرجع
مرسلين : اباوع علة امي وهدى كامن يحضرن بنفسهن من هسة اووف وربي ولا بية حيل اروح وكابل خلقت شاهين كلت هيج وترخصت منهم وصعدت فوك ودخلت الغرفتي وطلعت جنطة ازغيرة وحطيت بيهة اشكم قطعة ملابس بيتية وفستانين مال حفلة وشالات وكل مستلزماتي الحتاجهن ونزلت جوة سويت عشة اني واختي تعشينة وغسلنة المواعين ولملمنة البيت وصعدت فوك اتصلت بتقى وكتلهة حروح للبصرة بعرس كرايبنة وضليت احجي وياهة ونسولف الحد ما نعست واترخصت منهة وحطيت تليفوني علة الشحن ونمت للفجر اجتي امي وكعدتني فزيت واني بعز نومتي غسلت وصليت ولبست فستان طويل اسود مخصر من ناحية الصدر ومن جوة منفوش بتول جان شكلة بسيط وحلو ولبست ويا شال وردي فاتح ومسكارة وحمرة خفيفة واخذت جنطتي ونزلت جوة صبحت علة الكل وشفت اختي هدى كاعدة تمكيج وابوي يباوعلهة ويستغفر شربت جاي واول مردنة نطلع امي لزمتنة اني واختي وكالت منكول الحد علة سالفت طلاكي شفت اختي هدى تأففت وكلتلهة ماشي واني هزيت راسي وطلعت حطيت جنطتي بسارة اخوي محسن وركبت ويا ليورة وسامر ونور كعدو بصفي واختي هدى بصدر ومامة وبابة بسيارتهم ورة فترة ركب اخوية محسن وبدة يسوق ابتسمت واني اشوفة لابس دشداشة وجراوية وكلت
مرسلين : زهراء تجي مو
محسن : اي تجي وية اهلهة
مرسلين : اباوعلة خطية مثل الضاج واعرفة ايريد يحجي وياهة بس معاند وهية هم اضرب منة بالعناد وضالين هيج ان شألله تنحل مشكلتهم ونكظي هل روحة علة خير كلت هيج ورجعت راسي علة الكشن ضليت صافنة ع الجامة الحد ما غفيت للصبح يلة فزيت علة صوت هوسة ورمي قريب علينة اباوع علة نونة خطية كامت تبجي شلتة حطيتهة بحظني وكلت
مرسلين : هاي شكو صوت الرمي والهوسة
محسن : اكيد جدي وعمامي وصلو قبلنة وهمة عدهم اهنا هيج يستقبلون الضيف
مرسلين : رفعت حواجبي متعجبة والتفتت علة الطريق ايجنن كولة خضار وشجر سئلت اخويه شنو هاي كالي هذي بساتينهم ورة فترة وصلنة البيتهم وشفت زلم كومة ملتمين اكبال البيت همة وسلاحهم عبالك ساحت معركة وجدو وشاهين وكل عمامي بعدهم واكفين يسلمون عليهم صف السيارة اخوية شوية بعيد عنهم وكال
محسن : بسرعة نزلاً ودخلن للبيت
مرسلين : كنالة ماشي وشلت نونة ونزلت من السيارة وهدى لزمت ايد سامر ونزلت وراي ودخلنة كبل للبيت سلمنة علة بنية واكفتنة بالباب ودخلتنة المكان جبير مثل الديوان او اصالة وشفت نسوان عمامي وامي وبيبيتي كولهن كاعدات اشرتلنة امي انسلم علة النسوان وهدى راحت اسلم واني وراهة الحد ما وصلنة البنية جبيرة تقريبن بكد هدى سمرة وملامحة حادة شكلة جداً حلو اباوع علة هدى سلمت عليهة برود وراحت كعد واني هم سلمت عليهة وكعدت ورة فترة من اوسالف والحجي كالت امهم الجبيرة
الحجية ام مالك وهية تأشر علة مرسلين : هاي خطيبة شاهين مو
بيبي مرسلين : اي مرسلين
مرسلين : اباوع علة الحجية باوعت علة هاية البنية وحركت اعيونهة بعدم اعجاب والبنية التفتت علية وخزرتني حصرتني الضحك بس لا هم تحب شاهين وعود غارت مني ابتسمت بوجهة بسخرية واول ما داشرب المية كالت
رهام : جا جده مو مجيوز تخطبولة ياهة بعد ما جان خاطب اختهة
بيبية مرسلين : وليش جدهة ميصير انتي كلتيهة خاطبهة مو مزوجهة
رهام : ولله بعد معرف بس هاية تعتبر عيبة عدنة بديرة
مرسلين برود :..........
