رواية دخيله الشيخ زين العابدين الفصل العاشر بقلم أوتار حزينه
هيله
سمعت الردي كال
اافضحج ياهيله اكول عليج اجيتي برجلج
عليه
صحت به
كووول يبن الشيخ شعلان
وانا اكول والصيت يشهد وعلامه الخنجر الي بصدرك تشهد لي انا دافعت عن روحي من ردت تعتدي
عليه
هد عليه الولد لزمو ينفض روحو منهم ويصيح
هدوني ولكن خلوني اذبحها لهل العايقه خلوني اكسر عينها واعلم عليها
تتخسه وااانا هيله بنت العرب والله ماتلوح غير اسمي بشفتك تخسى تعلم عليه يالهامل يالردي يااعار الزلم
هد وگضبوة گوة وهم يصيحون علي
كااافي وش بلاك جنيت ياازين
حمد صاح به وزلمه الضخم جتفو وهو يصيح علي ويجسر
سريت لمهرة جريتها بقوه ما مشت جرحتها برجلها وصرخت بها
اااذبحج هينه يالعايقه اااسري
لزمتها من شعرها وجريتها للبره بالقوه طلعت بها ارجف من اعصابي وانهد من غضبي
الردي عبالو انا ماااكدر ادافع عن نفسي
عبالو يسوي الي بالو لااا والله
وانا هيله بنت مله حميد مااسلم روحي له واعلم
علي لو جان ابن السلطان
عگبت بها وانا اصرخ عليها لان حدرت عليهم وجابتلي البله امي وابويه لاحو من بعيد عدلت حالي وكلت مااخبرهم شي الا اذا هو حجه وبس يتكلم الا افضحو يم ابوه والعربان
وش بلاها لمهرة وشلون عفتيها بدون ماتربطيها زين
ابويه تكلم صفن عليه سال
وش بلاج تنهدين ووجهج غادي دم
مابي شي رگضت وراها وتعبت
سكت امي تكلمت
روحي اربطيها زين وغسلي وجهج
حدرت بها للمحصر ربطتها وهي تصهل صرخت
بغضب
اااش ياااهامله ااش يااساس البله شوداج له سريتي وجبتي البله اليه
عفتها تصهل وطلعت غاديه نار مشيت للحمام طبيت غسلت شلون مجان طلعت اريد اصلي عقلي تشتت من
الصار صليت الفرض وانا ساهيه كعدت على السجاده دعيت بحرگه گلب
وكلت
حسبي الله عليك يالردي الله ياخذ حگي منك ادكول افضحج و سريت برجلي عليك تريد تفضحني يالشين ،،،،تخسى والله
وتعگب مو انا الي اسويها والعلامه البصدرك
تشهد
🌿🌿🌿🌿
زين العابدين
هديت اريد اگبرها اذبحها حتى تبرد نار گلبي الولد لزموني حمد صاح
وش شبلاك جنيت يازين عش هيج سويت تتهجم على بنت عمك حميد ووتريد تصخمها
هدووني ولكم خلوني اذبحها وابرد نار گلبي
مالك وگف بصدري وصاح بيه
شسووت الك ااحجي وولك احنا شفنا كلشي انت علت عليها وردت تعتدي عليها
فلتت من ايد مالك وحمد رگضت لبره اجوي ورايه گضبوني صعب دفعني بقوه وصاح
تخبلت انت خما تخبلت ولك هاي حرمه وابوها رفيج ابوك لو يسمع بالسويتو ماراح يسكت الك
حمد سرى وراها،،،،هي تجر بمهرة وتضرب بها وتصرخ عليها
ااالزمج ولج ماترحين من ايدي الزمج ياهيله واعلم عليج وانا زين
صحت بجنون مالك سحبني هو وصعب گعدوني
بالگوة على كرسي كعدت جسمي كلو ينفض من الاعصاب
حمد عگب وره مشوار
وكال
ابوها تلاكاها هو وامها بس لاتحجي لهم الصار
خلها تتتتحجي
صحت بجنون نهضت وشلت الگرسي ورگعتو بالارض هديت وهم لزموني حمد انهد بيه بغضب
حمد صاح بيه
كااافي انت علت عليها جثير يبن الشيخ وولك شبلاك كرهك الها عماك عن الاصول كمت ماتعرف الحدود هذه موو اي وحده
ولك هاي بنت مله حميد وابوك يحسبلو الف حساب الو ولبنتوو
صعب تكلم بضوجه
موو هيج يازين البنت تعرفها وتعرف ابوها وان
جان مالها خاطر عندك جان حسبت خاطر لعمك حميد
🌿🌿🌿🌿🌿
حمد
صابنا ذهول من شفنا زين وهيله بالمحصر عرفنا هي اجتي وره مهرة من حدرت على هايل وعرفنا هو وش جان يريد منها وشيريد يعمل بها وماارضينا له بالسواه
ادحك الو غضبان وينهد من اعصابو يهد ونگضبو بالكوة مالك تكلم بصياح
غلط السويتو غلط يازين البنيه اجتي وره الفرس تريد ترجعها وانت علت عليها عيله كشرة
صحت به
صخمت وجوهنا من الله يصخم وجهك هساع اذا عرف عمي الشيخ وش راح يعمل بينا وبك
اااسكت ياحمد
صاح بيه بغضب صعب تكلم
جرحك كاعد ينزف
دحك لصدره جز على سنونه وصرخ
ووولج ااااخ علمتي عليه وووااانا زين
تخبل رعط الدشادشه من زيجو للذيال سرى للدار واحنا وراه مالك صاح
عووفو هذا تخبل والخبال دك بالراس
شراح نعمل اذا سمع الشيخ هو راد يصخم بنت رفيچو راح يلفنا معو بهل المصيبه واحنا مالنا ذنب
صعب حجه بخوف ماكو رد لا مني ولا من مالك دحگت للبعيد لدار هيله وانا دايخ من وره الصار
شفت الحارس لفه يثاوب عرفتو توه كاعد من النوم وماعرف شي من الصار
🌿🌿🌿🌿🌿
زين العابدين
دشيت داري وانا مااشوف طريقي من الغضب تخبلت والخبال دك بالراس وجرحي كام ينغز بيه رحت،،، للمرايه دحكت الو
مذبوح بنص صدري ومعلمه عليه هيله
جزيت على سنوني بغضب ضربت الغراض الي على الميز بأيدي وشمرتهن بالارض صحت
ااخ ووج مااسويت الي اريدو ولا برد نار گلبي گضبتج لجن طلعتي گويه
وعنيده عبالي اااعلم عليج تالي اانتي العلمتي عليه
ضربت جرحي بگوة وانا غادي نار لاهمني نزف ولا همني وجع القهر زاد بگلبي وكرهاا ويا كعدت لازم راسي والحال تردى بعد اكثر من صار الصار
يازين
رفعت راسي مالك طب هو وصعب وحمد
لاتحجون ولا چلمه
غلط السويتوو
فزيت بخبال من تكلم مالك انهديت به
ماااغلط مااغلط هي ماخلت اليه قدر مااحشمتني جدام ابويه ونزلت من قدري جثير
ووتسوي هيج تريد تصخمها يازين تريد تعلم عليها وانت تعرفها بنت من وشيصير ابوها لابوك
ااااي ياحمد اصخمها وانا اعرف من هي واعيدها لو گضبتها ايدي
مالك خزرني تقدم عليه دفعني بقوه من جتفي صاح بغضب
اانت شبيك نسيت نفسك نسيت الحد والعرف والاصول الشرب لحس دماغك وكمت ماتعرف الشريفه من الگحبه
لاااتدفع ولك
اادفع واكسر راسك مااادم راح تجيب البله النا والك ااصحى واعرف انت شجاي تسوي هاي غير عن الي نعرفهن هاي بنت عرب وشريفه شفتها شسوت بك
من ردت تگضبها بدون رضاها
دفعت مالك بقوه وتلازمنا الولد صاروو بينا صاح بيه من جره صعب وهو يغلط عليه ويجسر حمد دفعني وانهد بيه
كاافي شبيك انت جنيت يازين ترضااها لاختك ترضاااها لها بالشينه
ااطلع وولووو من جدامي مااريد احد يظل هينه
ادلفووو من وجهي عگبو لاااچتل واحد منكم واابتلي
خررب بك وبالسويتو
حمد جاوبني وسرى من يمي
🌿🌿🌿🌿🌿
مالك
طلعت بره صاير نار وكفت بالحديقه صعب اجه ورايه سياره اجت من بعيد حمد حجه من طلع يمنا
لااحد يحجي شي مشعل لفه هو والفلح لاتطلع السالفه ونبتلي
سلمو علينا ومشعل ظل يفر بعيونو علينا بس ماحجه شي طب للبيت صعب حجه بخوف
طلعت ياحمد هساع حجت لابوها الصار وهو راح
يخبر الشيخ شعلان وذيج الساع كلنا راح ناكل خرة من وره سوايتو لزين
خرب بي شبي هذا تخبل خما تخبل شلون كدر يعمل عملتو هاي وش بلاها كام مايفرق بين الشريفه والگحبه
حمد كعد لازم راسو صعب تكلم
كرهو عماه يامالك هالبنت داست بطنو جثير ورزلتو اكثر من مرة بس هم مااا يسوي السواه غلط غلطه جبيرة وراح تگع براسنا كلنا هالسالفه
شااحجي ولكم انضربت براسي اجيت انفه عن نفسي شويه يمو وشوفو هو شسوه راد يصخم بنت لوما تصير گويه وتفلت منو جان اا...
سكتت مسحت وجهي بقوه دحكت لبيتهم صحت بغضب
خرب بيك خرب بالساعه السوده من لفيت يمك
يامالك وش راح نعمل بهل المصيبه
حمد سالني صفنت علي كعدت مهدود حيلي
وعاجز عن التفكير صعب يحور يمي والخوف تارس ملامحو
حمد حجه
لازم نشوف البنت ونعتذر منها ونكول لها هو جان
شارب ومو بعگلو
كالت لابوها هساع ياحمد وراح يعرف الشيخ
مااظن ياصعب لو عرف جان شفتو هساع فوك راسنا
منو اليروح ويحجي وياها اني مااعرفها
رديت بضوجه
انا اروح لاحد يجي وراي خلوني انا اتصرف
حمد جاوب وسرى من يمنا
🌿🌿🌿🌿🌿
ليان
شغلت اغنيه فيروز نسم علينا الهوه واشتغل بالمشتل فرحانه كلش باايهم الي يوم عن يوم يثبت حبه اليه اهتمامه كلامه نظراته هدايا الحلوه والغاليه كلها خلتني اعرف الله رزقني انسان على كد نيتي الطيبه
جرس الباب اندك مديت راسي من وره شتله لبلاب جان هو ابتسمت وهو هم حجه
صباح الخير
صباح النور
ردت اتحرك كال
لحظه اوكفي
صفنت علي ذب علاكه بالگاع طلع جهازه ابتسمت وعرفته شيريد حجيت
خلي ارتب شعري
ابدا اصلا حلو وطالعه تخبلين
طك اكثر من صوره حجيت بضحك
هااا كملت
ااي
مشيت اله مد ايده بالجهاز شوفني الصور ضحكت وكتله
شعري مشابك بالنبته
صفن عليه وملامحه تضحك مد ايده عدل الكذله خجلت رجعت ليورة
وسالته
اليوم ماعندك دوام
لا عندي بس اخذت زمنيه اتريك وياج وارجع حلوو موو
ابتسمت وجاوبت
اي حلوة المفاجاه شتريد اسوي كهوة جاي
لا جاي حتى يفك الراس وهاا جبتلج گيمر وعسل وگاهي وصمون حار
هههه حالف الا اسمن
اي نعم
رتبت الريوك وكعدنا نتريك سالني
ليونه ابدي من هسه جهزي حالج تره ماراح اتاخر بالزواج بس اكمل صبغ بيتي
صفنت علي وسالته
بيتك
ابتسم وجاوبني
اي بيتي ليش تعجبتي
هاا مو اعرف انت هالواحد لاهلك يعني كلت نزوج يمهم
اني عندي اخوة من غير ام
فكيت عيوني وجاوبتو
ليش ابوك مزوج اثنين اشو ماادري
ضحك وجاوبني
ابويه جان ماخذ خالتي ولدت زهير ومن جابت اياد توفت اخذ امي الي تصير اختها جابتني اني وافنان وربتنا سوة هم تزجو وسكنو تركيا عبالهم يطلعون للخارج بس مارهمت وراح يرجعون عن
قريب
هاا مو اكول ماشفتهم بالمهر مالتنا
لاا هم حضرو بس بالكامرة ودزو تهنئه الج ماكال الج عمي ووسيم
لاا ماحجو ويجوز نسو
اي وهاا شلون نسيت مره زهير اوراس ومره اياد مي رادن رقمج حتى يحجون وياج ويباركولج على العقد ونسيت ادزه الهن
عادي دزه الهن
سكتنا سالته مبتسمه
ها بعد اكو شي ماااعرفه اخت منا منا خاف تطلع مزوج واني ماادري
هههه لا بس هذوله ومامزوج لان جنت انتظر الي يحبها گلبي من كل عقله
سكتت هو كمل
ولكاها وحبها بجنون
ظليت مبتسمه بخجل سالته
بيتنا وين
حلوة هاي بيتنا احسها طالعه منج وانتي فرحانه
صفن بعيوني مد ايده لزم ايدي كمل بصوت متغير
ليان احبج هوايه
گلبي من يشوف ايهم يفز بفرح واظل احس بشعور مااعرف اوصفه راحه امان
حب امتلاك عيونه تحجي تنطق بحبه اليه
سحبت ايدي منه تنهد وغير الموضوع
بيتنا بالشارع الوره اهلي يعني قريب عليهم اني ردت اكعد بي لان اخوتي راح
يرجعون ويكعدون وياهم
بين مايرتبون امورهم
هم شيشتغلون
ابويه عند مكاتب صيرفه وهم مشغلين فلوسهم ويا يعني يرجعون يشتغلون بهاي المكاتب
هههه يعني انتو طاكين
ضحك وجاوبني
اي رجلج غني ويلعب بالفلوس لعب
رفعت جتفي بدون اهتمام وجاوبته
مايهمني الفلوس
سكت سالني بتنهيده
اني اهمج موو
خجلت منه بس جاوبته
اي ايهم
الوجه تغير وحسيته ارتاح كملت بصوت ناصي
ايهم انت بهل الكم يوم خليتني اعرف انت شنو
اني شنو ليان احجي
تنهدت وجاوبته بخجل
انت الي اتمنى اكمل عمري ويا بالحلوة والمرة
لزم ايدي الاثنين لمها بايده جاوب بصوت متغير
تحبيني ليان
صفنت بعيونه جان يطلبها بتوسل هزيت راسي وجاوبته اي ايهم احبك
🌿🌿🌿🌿🌿
هيله
مااكدرت افگ ريگي من الصار الغضب ترس گلبي من ورة عملتو للعار جم مرة اريد اروح احجي لابويه السواه واعگب واكول راح يتخبل ويهد علي ويجوز يذبحو وتصير جبيره بينو وبين الشيخ شعلان وتضيع
الصداقه والاخوه الي بينهم من ورة وااحد ردي زين شأسوي اروح له لدارو واكلو بيني وبينو لاااا راح يفشل مني وبعد ماايكدر يخلي عيونو بعيوني ولا يكدر يچابل ابويه مثل الاول
اسري بالزرع واحجي وي روحي بغضب
هيله
رفعت راسي لاختي هاله من صاحتني وكالت
حمد يريد يتكلم معج
دحكت لذيج الجهه جان واكف ويدحك عليه
عكدت حواجبي هي تكلمت
وش به وشيريد منج
ظلي هينه اشوفو شيريد واعگب
سريت الو عرفتو جاي من ورة عمله ابن عمتو عبرت الگنطرة ووكفت مسافه عنو تكلم واشوفو ضايج
🌿🌿🌿🌿🌿
حمد
سريت ضايج من السوه زين ،،، صارلو فتره مدري وش به خال هيله بعگلو ويحجي بها اعرف البنت مو صحبه معه واعرفها داست بطنو جثير لجن من ايدو
هو الي يتحارش بها وهي تردو
بليل مالك تكلم عنها باعجاب لان شافها شلون حدرت بمهرة وتغزل بجمالها
ادحك لزين يشرب وهو عاكد الحواجب ومبين علي ضايج
اشرت لمالك،،،، يسكت وسكت وهو يضحك ماطوخنا بالشرب لان ما ظل عدنا
طولنا بالكعده للفجر ردنا نغفى سمعنا صوت هايل صهل وتكرر زين كام وكال
به شي
طلع يرگض علي سرينا وراه انا والولد سمعنا
هوسه وصياح رگضنا علي وتفاجأنا بالشفنا جان ناوي يصخم هيله الي ماخلتو واخذت حگها منو من ذبحتو بصدرو
من حدرت عليها كلت راح اشوفها تعبانه من الصار واثر الدموع بعيونها لجن من وكفت جدامي مااشفت اي شي من البالي سلمت وانا ضايج من الصار
گوة الله عزمج ياهيله
تكلم وش تريد مني
ااسمعيني زين يبنت الرجال الطيب واعرفي الصار من زين العابدين صار وهو
مو بعگلو جان شارب ومن وعى لروحو وعرف شسووه
راد يجي ويعتذر منج على السواه لجن احنا ماخلينا كلنا الحديدة حاميه واخاف
لو شفتي هم تعلك بينكم
ابتسمت باستهزاء وجاوبت
من يعتذر برق الشر
صفنت عليها كملت بغضب
شووف ياحمد روح كلو للشين الزلم انا مااراح احجي اي شي لابوه ولا لابويه تعرف ليش
ليش ياهيله
ماراح ااتكلم شي حتى ماايكع من عين ابوه بعد اكثر
صفنت عليها باعجاب وهالبنت خلتني احسها هي
مو مثل اي بنت رديت
عزة الله انت حرة وبنت اصول والصار منج خلاني اعرفج انتي مو مثل اي بنت
ااسمعني زين ياحمد
ااسمعج كولي
الصار هناك
اشرت على الدار وكملت
هناك مات وهناك اندفن ويشهد عليه ربي لو سمعت جلمه طالعه منكم انت وووربعك والهامل ابن عمتك ماتلومون غير ارواحكم دمكم مهدور عندي وانا هيله اخذ حكي منكم كلكم لو واحد حجه بشرفي بعاطل
لاااا عهد الله ماانحجي جلمه
ماالكم عهد ياشاربين العرك
سكتت وهي كملت بغضب
لجن اگضبگم بستر خواتكم وبأسم ابوك انت والوياك اگضبكم ياحمد بهل الشوارب الي خاليها
بوجوهكم وتحلفون بها لو حد داسلكم على طرف وغثكم
لزمت شواربي وجاوبت
وحك هالشوارب ماتطلع جلمه لا مني ولا من الولد
كلو للهامل الردي هيله ادكول لو گربت بعد حدي خنجري ماراح يجرحك لااا اجتلو بگاعو وخل شيريد يصير يصير
سكتت وهي عگبت بدون سلام
ظليت ادحك الها باعجاب هيله حلوه لجن گوتها ولسانها بعد احلى ومن تحجي ماتهاب احد وجلمتها توجع كلش وادك بالعظم
🌿🌿🌿🌿🌿
زين العابدين
غسلت بمي بارد اريداصحى من البيه وعي رجعلي شويه شويه نزلت جوة وانا عاكد الحواجب سريت للاستقبال وكفت من سمعت حمد
يحجي
اي مالك مثل ماسمعت كالت هذا الكلام كله لابن عمتك لو گرب مني مرة اللخ خنجري مارح يذبحو
لا اجتلو والي يريد يصير خله يصير
غلط السواه زين غلط
جاوبو وحمد كمل
ااخ يولو والله هالبنت عجيبه غريبه عبالي اشوفها تبجي مصخمه من الصار لجن من شفتها لفت يمي تخزر بيه وماكو اي اثر للدمع بوجهها ظليت ادحك الها بذهول
مالك رد
گويه هالبنت ماشفتها شلون جرحتو لزين
لميت قبضه ايدي بغضب ردت ادش عليهم لجن وكفت من حمد كمل
صفنت يامالك عليها من كالت انا ماراح ااتكلم شي حتى ماايكع زين من عيون
ابوه بعد اكثر
جزيت على سنوني دشيت شافوني مالك عكد حواجبه وسأل
عقلت لو بعدك مخبل
انت رحت لها
سألت حمد جاوب
اي رحت حتى الم السالفه قبل لاتكبر وتصل ابوك
منووو گلك
صحت بجنون مالك كام اجه ليمي يخزر بيه تكلم بغضب
ااعقل السويتو عيب
سكتت كمل
البنيه راح تسكت واريد من الله تحجي شي او تفضحها بالقران اني وصعب وحمد
نكف وياها ونشهد لها انت ردت تعتدي عليها
هيج الحجي يامالك
اي يازين ااني،،،،،افديك بروحي بس بالحگ مو بالباطل،، ،،،،فرق بين الشريفه وبين الي نعرفهن ولاتخلي كرهك الها يعميك
عن العرف والحدود وبعدين فهمني انت ليش خال عقلك وياها هي وين وانت وين جاهله وانت شكبرك تخلي عقلك وياها لييش
ماهي بجاهله ياامالك
حمد تكلم باعجاب صفنت علي كمل
ماهي جاهله والله السوتو والي سمعتو منها يخليك تعرف هيله موو بزر زغير
كلامها وفعلها مال وحده
عقلها جبير وحرة واصيله
التزمت الصمت وعرفت انا تجاوزت حدي وياها وكلت السويتو غلط وماارضه لاختي لجن الحقد ترس گلبي لان علمت عليه الجرح الي بصدري خله اثر بنفسي وظل يذكرني بالسويته بها والسوته بيه صارت هوجاس براسي وخفت اذا شفتهت مرة اللخ هم اغلط نفس
الغلط ابتعدت وبعد مالفيت يم الشاخه ولا حدرت صوب گاعهم التهيت بالنهار بشغل ابويه وبليل التهي وي دلع الي ظلت تروح وتجي عليه
🌿🌿🌿🌿🌿
هيله
وره ماتريكت وي ابويه طلعت بالحلال ارعى به مشيت وهنا جدامي ياگلن العشب عگبت الضحى عكدت حواجبي من شفت سيارات الشيخ صگبان
لافيه يمنا
طلعت بالحلال للمحصر وسريت للدار وانا متلثمه
ياااهيله
وكفت من سمعت صوتو للشويب
درت روحي دحكت الو جاي عليه من دارو الي يلفي بها من يجي
گوة الله عزمج ياهيله
هلا
جاوبتو مختصر امي طلعت ظلت ادحك علي وعليه حجه مبتسم
شلونج ياهيله عساج مرتاحه
الحمد لله ياشيخ مرتاحه ومن رخصتك اروح اصلي صلاه الضحى
سريت تكلم
على هونج تااتكلم معج عن الحلال
يعگب ابوي وتكلم معو ياشيخ
سريت وصاح بغضب
ااحاجيج ياهيله
وكفت دحكت الو امي حدرت صوبي ووكفت يمي تكلمت
ياشيخ يجي ابو هيله وتكلم معو
الحجي لبنتج زلمتج ما يسمع الجلمه
عكدت حواجبي دحگت الو بخزرة تكلمت
نعم ياشيخ وش تريد تتكلم
ااسمعيني زين انا طلبتج من اابوج وردج اليه وانتي عاگله وتفهمين انا منوو
وشاكدر اسوي لج
ياااشيخ
سم ياهيله
ماكلتو سم الله عدوك كملت بغضب
انت شيخ واكيد انت تعرف مايجوز لك تخطب فوك خطبه اخوك المسلم
سكت ودحك عليه بغضب تكلمت
اانا مخطوبه لابن عمي وغيرو مااخذ ولو خلو بايدي ذهب الدنيا ماابدلو لشهم
بي
بسج ياهيله
امي لزمتني بخوف هو رد
يولي اانا شيخ شهم من وشجاوبو حدي انا الخير كلو وهو ولا شي
اانت ماتشوفو شي لجن انا اشوفو كل شي وانت كلتها يااشيخ ماانجي حدك
صفن عليه تكلم
وش تقصدين
اقصد انت شيخ روح اخذ وحده من مقامك بنت شيوخ مو فلاحه بنت فلاح وتشتغل بكاعك
سكت وهو يخزر بيه
تندمين ياهيله اذا اخذتي لابن عمج الفگر راح يگتلج بفگرو وتظلين طول عمرج بعوزه الفلس
ابتسمت وجاوبتو
الله سبحان وتعالى يكول
ان يكونوا فقراء يغنهم الله من فضله والله واسع عليم
صدق الله العظيم
ماحجه شي نفض عبايتو بغضب وسرى من يمنا هو وازلامو
ماراح يعوفج خلاج براسو هالشويب
امي حجت بقهر عگبت للدار وهي معي خواتي واكفات بالشباج يدحكن بخوف اله
ريمه سألت
وش به هم حجه بنفس الموضوع
امي كعدت وجهها مخطوف وادحك علينا
رديت من شفت خوف خواتي
لا اجه يسأل عن الحلال
سريت للحمام سبحت اريد اطفي نار غضبي طلعت صليت صلاه الضحى كاعده على السجاده صافنه وافكر بالجاي يصير من شيخ
صگبان رجال شكبرو شايب وشيخ ومايعرف يتكلم ولا يعرف حدود الله يحجي،،،، ويعيرنا بالفگر ومايعرف ربنا بساعه يكدر يغنينا ويفگرو الو
رددت ري روحي
ماهوو خطاك
انك تكبر علينا الخطا منا يوم فوك حجمك عطيناك
حنا على طيب التعامل تربينا والطيب
ماينفع لمثلك وشرواك
🌿🌿🌿🌿🌿
ليان
ايهم اخذني اني وماما ولارا لبيتنا وصلنا وتفاجات بي بيت كلش حلو وبنائه حديث
نزلت اباوع اله باعجاب لارا حجت بضوجه
معقوله هذا بيتج
هو جاوبها مبتسم
اي بيتها ليش مو مصدكه
يعني صدك هذا بيتك وملكك
ههه اي بيتي وبأسمي اشوفج الحجه حتى تصدكين
سكتت وظلت تباوع اله
طبينا البيت نظيف كلش
وكف بصفي وحجه طبي برجلج اليمنى
ابتسمت اله العيون ضحكت جان فرحان بيه كلش ماما حجت
الف مبروك شايفين كل الخير علي
ردت اطب اختي طبت قبلي ووكالت اني سبقتج
مادرت بال طبيت وي ايهم من الاستقبال صفنت عليها تجنن ديكور يخبل وتخم بعده بالنايلون
شوفي اني اخذت كم شغله عجبني وبقى الباقي،عليج
هزيت راسي باي لزم ايدي عضيت شفتي واشرت لماما ولارا سحبتها هو ضحك
مال عليه وكال
مرة اللخ اجيبج وحدج
اابدا
جاوبته مبتسمه عض شفته وصفن بعيوني كال
مااسوي شي والله
درت وجهي منه ماما صاحت
ليان تعالي شوفي المطبخ
امشي خلي اشوفج المطبخ سويته ازرق ملكي
طبينا للمطبخ وصدك جان يخبل عكدت حواجبي من لارا رفعت روحها وكعدت
على الكاونتر رجلها بينت وظلت تهز بيهن حجت
ذوقك يجنن ايهم
انتبهت اله نزل راسه امي خزرتها نزلت وهي تجر بالتنور ليجوه سألني
عجبج ليونه
اي يخبل كلشي مااخذه حلو وانيق
اذا هيج اختاري انت غرفه النوم
خلي نشوف الغرفه
لارا حجت ومشت وهي تنثر بشعرها الغرفه جانت جوه جبيرة وواسعه افترت بيها فتحت الشباج ماانفتح
ايهم راح يريد يفتحه هي ماوخرت ظلت واكفه قريب منه وتحجي ويا
عبالك اليده عاطله
لا جديده بس الظاهر صاير صبغ عليها
هاا اجرها وياك
مدت ايدها سحب ايده وكال
لااا عوفيها بعدين اشوف شبيها اجه يمي عيوني على اختي صارت تباوع علي باعجاب شافتني دارت روحها ماما حجت
البيت يرادله تهويه لان ريحه الصبغ بعدها بي
اي عمه اني يوميا اجي بليل افتح الشبابيج واظل هنا ساعه وبعدين ارجع
اي زين تسوي ليونه شوفي يالون بردات تخلين بالاستقبال لازم نفس لون
التخم
اي ماما
اخذها بعد كم يوم وهي تختار الي يعجبها
اجي وياكم
لارا خلت نفسها ماما جاوبت
اي اني وياج نروح وياهم
انتبهت لايهم تغير وجهه وضاج بس ماحجه شي
من رجعنا طلب من امي ياخذني نشتري حلويات ونرجع لارا خلت روحها بنصنا ماما ماقبلت نزلت زعلانه وطبت للبيت
بالطريق حجيت
ايهم لاتضوج من لارا تره هي متعلمه تشاركني بكلشي
لااا مو ضايج بس يعني اني اريد اطلع وياج وحدنا وانتي جاي تشوفين كلما اكلج
على طلعه اختج تريد تجي ويانا
شاحجي كلامه صدك لارا زودتها كل طلعه لازم تخلي روحها ويانا ماما مرة ترفض
ومرة ادكول عادي اخذيها
وياج
جاوبته بتنهيده
حقك بس هاي اختي يعني هي فرحانه بيه وتريد تشاركني بهل الفرحه
ابتسم وجاوبني
اكلج اني مااريد اي احد يشاركني بيج انتي بس اليه ملكي وصرتي باسمي يعني لا اخت ولا اب ولاا مااعرف منو اريدهم يشاركوني بيج
هههه حبيبي متملك
سكت وصفن عليه حسيت شحجيت وخجلت منه كلش هو جاوب بصوت متغير
والله حبيبج وااحبج واموت عليج كوليها بعد ووج ماتعرفين هاي كعدتج يمي
شمسويه بگلبي
كافي اايهم
هههه ااعلمج ليونه ااعلمج
ابتسمت لان هذا تهديده اليه سكت شغل اغنيه سحر العيون يردد الكلمات وهو مبتسم ولازم ايدي بايده
جان المفروض نزوج بهل الشهر بس اخوته تاخرو بالرجعه واجلنها شهر اللخ رتبت بيتي مثل ما اريد وجنت فرحانه بي كلش وبأيهم اكثر
تعلم يجي يوميا يتعلل يمنا اطب للاستقبال الكي اختي يمه ودك سوالف هي ويا
جنت فرحانه بيهم لان تفاهمو كلش وكام مايضوج من وجودها ويانا،،،،بس
من يشوفني لازم نظل وحدنا مايريد احد يشاركه بيه
اكثر من مرة طلعنا تعشينا بره واخذنا شغلات لبيتنا وبكل مرة يحاول يتقرب مني وارفض جنت اشوف هذا الشي غلط ومو
صحيح ماكدرت انسجم ويا مثل مايريد وهذا الشي خلاه يضوج وتصير مشكله بينا
فصلت بردات لبيتنا اخذناها على اساس يخليها بالبيت ويرجعني لاهلي
يله ليونه انزلي
لاا روح انت خليهن جوه انتظرك هنا
صفن عليه وهو عاكد الحواجب تنهدت كملت
شبيك ايهم
تره هاي مو وضعيه شبيج خايفه مني تره ماراح ااسويلج شي
سكتت وجاوبته وراح لحظه
راح تزعل مني
سكت ما جاوب دار وجهه مني ومبين علي الزعل فتحت الباب نزلت وكتله
يله امشي خلي نخليهن جوة
وجهه ضحك وجاوبني
اي جري عدل
ضحكت وطبينا سوه من اشوف بيتي گلبي يكوم يكمز من الفرحه رحت شايله
جنطه ووهو طبب البقيه
باجر اخلي الولد يعلگوهن
اي ماانسينا شي موو
لاا جبتهن كلهن تعالي شوفي غرفه النوم شديتها الظهر
مشيت ويا للغرفه من شفتها توترت ووكفت
يم الباب
ليان شبيج
هاا مابيه شي خلي نرجع للبيت تره تاخرت هوايه وهسه ماما يظل بالها
تحركت لزمني من خصري بهداوه گلبي كام يدك بجنون خليت ايدي على صدره من جابني علي حجيت بخوف
اايهم عوفني
ماجاوب لزم وجهي بايده دنك يريد يبوسني وخرت منه باس خدي ولمني بحظنه بقوه
سحبت نفسي منه، وما عافني حجيت بتوسل
ايهم حباب عوفني
ليان اموت عليج ووج اريدج بعد مااكدر اتحمل
شالني ليفوك عرفته فقد من قوته صحت بي واني ابجي
عوووفني شكاعد تسووي
من خوفي منه ضربته بقوه
على صدره عافني ووكعت
بالگاع كمت بسرعه اشهك رجعت ليوره صفن علي مذهول تقدم حجه
ااسف والله ماادري شصار
انداريت ومشيت بسرعه واني ابجي واشهك
ايهم
حسيت بروحي شسويت رگضت وره ليان لزمتها من ايدها سحبتها بقوةوصاحت
لااتلزمني
مشت تريد تطلع بسرعه قفلت باب الاستقبال فكت عيونها رجعت خايفه مني
صاحت بيه
اايهم افتح الباب وخليني اطلع
مااسوي شي والله مااسوي ااسمعيني اني اسف والله مااعرف شصار فقدت ليان من شفتج يمي وبحظني
كامت تبجي وتشهك تقدمت رجعت ليوره صحت بقهر
ولج لاتخافين مني اني زوجج والصار شي عادي
لااا مو عادي ايهم لان اني مااازفوني الك بعدني بيت بابا وشوكت مااسلمني الك
الك حق تاخذ الي تريده
سكتت كملت بجي
عرفت ليش مااجي وياك وحدنا لهنا عرفت ايهم السبب خوفي منك شفت شردت تسوي
سكتت وانهارت بالبجي تقدمت اريد احظنها اريد اصلح السويته ماقبلت نفرت مني ورجعت ليوره كررت
اسف اسف بالقران مشتاگ الج موت واريدج ووج افهمي عليه اني ااحبج وشوگي وحبي هم الخلوني اسوي هيج
اريد اروح
ليان ماتروحين وانتي زعلانه
جهازها دك حجت گوة
ماما تتصل وديني ايهم
ليان الله يخليج لاتكبريها تره الصار شي عادي بينا ووج احنا راح نزوج بعد كم يوم
ماجاوبت جهازه رجع دك مسحت دموعها وجاوبت بصوت مخنوك
جاايه ماما بالطريق ماابيه شي.. لاا ماكو شي هسه اجي
سدت الخط وسكتت كملت بخنگه
ليان لاتزعلين
باوعت عليه بزعل وعتب كملت
اذا تحبيني لاتزعلين مني
ايهم الصار غلط
اي غلط وحقج والله اجي ابوس راسج حتى ترضين
ردت الطف الجو واضحكها ماضحكت دارت وجهها مني وجاوبت
اريد اروح
اخذتها لبيتهم وهي ساكته كررت اسفي وماحجت شي نزلت بدون ولا اي كلمه رجعت ضايج ومخنوك من الصار
حبي الها خلاني اتصرف تصرف اعرفه ماراح يعجبها ليان ثكيله كلش وخجوله ماتعرف تعبر عن مشاعرها بس عيونها وشكلها
يحجون هي تحبني وتعلقت بيه بس ردت بعد اكثر من اجي لبيتهم واظل وياها
ردت احظنها بوسه شمه من ريحتها الطيبه بس هي جانت بارده وخجوله ماكو اي تجاوب بهل الشي وكلت
مايخالف نزوج وهي تاخذ عليه صبرت عليها وهذا الشي خلاني اتمسك بيها
بعد اكثر
من رجعت لبيتنا بليل دكيت عليها ماجاوبت كلت زعلانه من الصار دزيت مسج ماقرته رجعت دكيت
ماكو رد
كلت خلي اخابر لارا واشوفها وينها خابرت اختها جاوبت بسرعه
هلو ايهم
هلا لارا شلونج وشلون الاهل
زينين انت شلونك شخبارك
الحمد لله زين اكلج
كول مااكول لاحد
ابتسمت من تشاقت ويايه
ليان وين
ياا ليش تسال عليها شنو مضيعها لاختي
ابتسمت وجاوبت
لا بس هيج صارت شغله
شنوو الشغله بس لا زعلتها
سكتت هي لحت
احجي ايهم صاير شي اني شفتها رجعت مو على بعضها وعبالك باجيه شصاير
تنهدت سمعتني وجاوبت
ااوي اشو تتنهد ااحجي شصاير
كلت خلي احجي الها بلكي هي تحجي وياها وتحاول تصلح الموقف
مااعرف شاحجي يعني تعرفين احنا عاقدين
ووعادي يعني
سكتت لگفتها
ياااا هاي بس لا ردت تلزمها وهي ماقبلت اختي واعرفها معقده وباردة كلش
صفنت على كلامها
راح تتتعب وياها لان هي هيج ومااعرف على شنو هالتعقيد وانت زوجها وعاقد عليها
ماادري لارا اختج كبرت الموضوع وزعلت عليه
عوفها ايهم اليزعل هو يرضى
لاااا مااكدر اعوفها هي وين اريد احجي وياها
جاوبت بنترة
ماادري وينها هسه اشوفها الك يله مع السلامه
سدت الخط وخلتني صافن واردد
هاي شبيها ضاجت شكوو شصار
جهازي دك جانت ليان فتحته بسرعه وجاوب
هلو ليونه
هلو ايهم
تنهدت كملت
بعدج زعلانه عليه
لااا مو زعلانه
جاوبتني بصوت مخنوگ كملت
اسف عمري وداعتج عيونج الاحبهن كرهت روحي لان سويت هالشي
سكتت من اجتني هوايه رسايل على الواتس وخرت جهازي من اذني
جانت لارا
فكيت عيوني من شفت صور الها وهي بالكليه وبملابس مناسبات وجسمها ظاهر ومو مستور
ايهم لارا
