رواية علي الهامش الفصل الحادي عشر بقلم جمانه السعيدي
اسامه...بليل دزتلي رساله وجدان
انت متأكد مازن راح ينقل ونخلص منه
اسامه...اي متأكد لان ماعنده غير حل اذا ثبتت علي هاي
راح ينفتح ملف القضيه القديمه
وهاي الحاله راح ينفصل من التربيه يضيع علي الراتب وسنوات الخدمه
وجدان....تمام انت اعرف مني بهاي السوالف
اسامه....ممكن اسئلج سؤال واذا ماتردين تجاوبين علي براحتج
وجدان...اعرف شراح تسئل وراح اجاوب عادي ماعندي اي مشكله ماعندي شي اخاف منه رب العالمين يعرف
اني مامسويه شي موزين كل عمري
انحطبت خطبه تقليديه
الواحد كلنا انغشينا بي اني وأهلي
من الضاهر انسان ماكو منه ومن عائله غنيه
والناس كلها تعرفهم
بحيث اني من تقدملي ماجنت مصدكه نفسي
وكل صديقاتي والاقارب حاسدين علي عائلته واصله ومعروفه
تم الزواج على خير اول ست شهر كنت طايره من السعاده
بيت وحدي ومستوى مادي عالي وسياره
يعني كلشي على أعلى المواصفات
حتى طلب مني اعوف الدوام لان ما محتاجين الراتب
كال اني انطيج الراتب ضعف بس عوفي الدوام
بس اني ما قبلت لان هو مشغول طول النهار
وابقى وحدي
بس العيب الوحيد كان يطلع يسهر ويا جماعته ومايرجع اله وجه الصبح واخطر شي اكتشفته بعد الزواج طلع يشرب
من زمان بس اني ماعرفت هذا الشي قبل الزواج جان رفضته
الحد مابدا يجيب أصدقائه للبيت يسهرون
بلبدايه الموضوع جان بلنسبه اليه عادي هو واصدقائه
يتونسون اني ليش اعترض احسن مايطلع من البيت وابقى وحدي
بس الموضوع بدا يتكرر بشكل مو معقول والسهره اطول للصبح يشربون مشروبات كحوليه
والبيت يصير لا يطاق ريحة مو طيبه وتدخين ونركيله
زعلت علي لان هذا الشي مو صحيح
ياسر...شبيج كالبه خلقتج
وجدان....هذا وضع بيت لو خماره مايصير هيج
ياسر...وانتي شكووو تردين تعلميني
هاي حياتي من زمان جايه انتي هسه ماعاجبج
وجدان....ترا هذا بيت بي عائله مو مال هيج سوالف
ياسر...اس مااسمع صوتج
ليش ما تجين تسهرين ويانا
وجدان....يااا انت تخبلت الخمر لحس عقلك
ياسر...شكو بيها تخدمينا تحضريلنه المزه تتونسين
وجدان...انت ماعندك غيره اني زوجتك شلون تريدني اطلع على جماعتك السكاره ما تستحي
ياسر...شكد متخلفه الخاطر الله شوفي النسوان
يبقن للصبح سهرانات بلكوفيهات والبارات
وجدان...ذني بدون اخلاق بدون اهل بدون تربيه
اذا عاجباتك روح ازوج منهن
ياسر....اي عاجباتني مو مثلج معقده
جمانه السعيدي
وجدان...جاي تسمعني استاذ اسامه
اسامه...اي اسمعج كملي
وجدان...بدا يضغط عليه اطلع على جماعته واني مااقبل
بعدين جاب بنات ويا جماعته ودخل عليه
ياسر...اطلعي جبت بنات حتى لا تكولين وحدي
وجدان...انت واحد حيوان وبلا اخلاق شنو تقارني بنات اليل ماتستحي ذني كل شويه ويا واحد تقارني بيهن
باجر اروح اشتكي عليك اذا ماافضحك فضيحه
اني اعلمك اني شلون انغشيت بيك
ياسر...انجبي اني الي انضحك عليه انتي وين من اي عصر
وجدان...ياسبحان الله الي يشوفكم من برا يكول ماكو هيج عائله مثاليه وانتم من جوه جيفه
طفر عليه ضربني استمر يضربني واني اعيط
دخلو جماعته للغرفه وخلصوني منه
زوجي المحترم يضربني وجماعته السكاره يخلصوني من عنده
سحبو طلعو خارج الغرفه واني قفلت الباب عليه
كطع شعري ووجهي ازرك حلكي يخر دم
ايدي انخلعت شصار بيه اني ماعندي بس امي وابوي مقعد مايتحرك وعندي خوات ثنيين اكبر مني مزوجات
ماردت اتصل على اهلي بوقت متأخر واخوفهم
انتضرت يطلع الصبح واروح بيت اهلي
اما زوجي وجماعته استمرت الهوسه للصبح
بس طلع الفجر اخذت جنطة ملابسي وطلعت من البيت
رحت بيت اهلي
اني طول هاي الفتره ماحجيت اي شي عن ياسر الاهلي
ماردت اخرب صورته الحلوه بعيونهم
جنت اكول بلكت يتعدل فترة طيش وهسه يبطل
كعدت وحجيت كلشي الابوي بس سمع هذا الحجي انصدم شلون هاي العائله تبين هيج محترمه وابنهم
هاي تصرفاته
وجدان...اهله يعرفونه كلش زين هما الي غشونا بي
بقيت شهر بيت اهلي لا سئل عني ولا اجا صالحني
ولا حتى اهله اتصلو عليه
بيوم طلعت من المدرسه ولكيت صديقه المقرب ينتظرني باب المدرسه من شفته استغربت
بعدين كلت ايجوز جاي يصالحنا بلكت عرف غلطه
جمانه السعيدي
حميد...شلونج
وجدان...الحمد لله
حميد...موكافي زعل وترجعين البيتج
وجدان...مو انت الي تحجي هذا الكلام
حميد...مو ياسر دزني عليج لحظة عصبيه انتي ليش مكبره الموضوع
وجدان...وهو برائيك مو جبير يضربني علمود سوالف تعبانه لو اطلعين تكعدين ويانا لو اغلط واضرب
حميد...هسه شنو مابيها مجال ترجعين
وجدان...يجي يحجي وياا اهلي ونخلي علي شروط
اذا وافق ارجع ويااا
قابل اني ارضا على خراب بيتي
وجدان...بقينا واكفين بلشارع تقريب ربع ساعه نحجي
بعدين عافني وراح
اليوم الي بعده من طلعت من المدرسه لكيت صديقه ينتظرني
تعرفون هوسه والطلاب طالعين
كال اصعدي اريد احجي وياج
اني ماقبلت بس هو بقى يلح كلت خل اصعد وياا
ايجوز صدك ياسر نادم وهو يريد يصلح بينا
ماجنت اعرف هاي خطه خبيثه بينهم ثنيينهم
حتى يشوهون سمعتي كلشي جاي يتصور بلحظه ويتوثق فديو وصور
وكفتنا كدام المدرسه قبل بيوم
وصعدتي ويا بلسياره
المهم حميد مارجعني للبيت وكفنا كدام مطعم اني ويا
وجدان....وين وكفت رجعني للبيت
حميد....تعاي نحجي بعيد عن الناس وراح اتصل على ياسر يجي واحجيله كلشي
ترا هو حيل ندمان جان شارب مو بوعيه
دخلنا للمطعم واني واثقه بكلامه وكعدنا طلب اكل بس اني مااكلت بقيت منتظره ياسر يجي
اتوقعت حميد فعلا فاعل خير طول الكعده وهو كل شويه يتصل على ياسر
بعدين كال اني اسف مايجي ياسر
يكول على باجر باجر يجيكم للبيت ويعتذر من اهلج
وجدان...خير انشاء الله
رجعت للبيت امي سئلتني ليش اتاخرتي
حجيتلها كلشي صار بيني وبين حميد وكتلها ياسر
يكول باجر يجي يعتذر
اذا اجا اول شرط افرضه علي يبطل شرب
وبعد ماكو تجمعات بيتنا اذا مايقبل ننفصل
اني مااكدر اتحمل هيج وضع
امي...اي اني مستحيل اقبل ترجعين اذا مايغير طبعه
وجدان بعدها بيوم طلعت هم لكيت حميد منتظرني برا
حميد...هلو وجدان شلونج
وجدان...الحمد لله تمام
حميد...هاج احجي ياسر منتظرنا بلمطعم حتى تتفاهمون
وجدان...وليش مااجا هو
حميد....اني اريد أصلح بينكم شكو بيها تحجين ويااا
فعلا اتصل على ياسر اني ماقبلت احجي ويااا
بس سمعته يكول منتظركم
بعد اني اطمنت ليش مااروح ويااا
رحنا النفس المطعم بس ياسر ماكوووو
اتصل علي حميد كال انتظروني هسه اجي
جمانه السعيدي
وجدان...اتصلت على امي كتلها اني بلمطعم منتظره ياسر احتمال نجي اني ويا للبيت
امي كالت هاي هيه منتظريكم
بس ياسر مااجه كعدنا اكثر من ساعه وهو ماكووو
وجدان...اني ارجع للبيت الضاهر يضحك عليه لو ناوي على صلح فعلا جان اجا
ليش يضحك عليه عيب اني مو زغيره يخليني انتظر
صمم حميد يرجعني للبيت بسيارته
دخلت وحجيت الامي كالت عوفي بعد لا ترحين وتجين الاي مكان هو اذا يريد صلح يجي هنا يحجي ويا ابوج
بعدها تفاجئت رافع عليه دعوة طلاق ودعوة خيانه
وخال اكبر محامي
بس حتى يطلكني واطلع من هاي الزواجه سمعتي
زفت خاف احجي علي واكول يشرب ويطلب مني طلبات
موزينه قرر يتغده بيه قبل لا اتعشى بي
المشكله حميد حضر المحكمه وشهد عنده علاقه وياي
وكنت التقي بي من زمان
ومتفقين اني وياا اطلك من ياسر ونزوج حلف على كتاب الله جذب
واكيد الفديوات الي طالعين بيهن اني ويا سوه اكبر دليل على هذا الحجي
ابوي كال عليمن هاي الفضايح اذا مايريدج جان طلك بستر
ليش يشوه سمعتج
اكيد يشوه سمعتي يريد يسبقني خاف احجي علي وعلى تصرفاته يخاف على سمعت اهله
اكيد اني بعد مااكدر احجي اي شي عنهم
محد راح يصدكني اذا حجيت ااني انسانه من عائله فقيره وهما عائله واصله وعدهم فلوس
الاقوى هو الي يربح
الناس ابد مارحمتني وخاصه بلمدرسه لان الكل جان يشوف حميد يجي ياخذني من باب المدرسه بسيارته
لو نوكف نحجي كدام الناس
تمرضت هلكد ما انصدمت بياسر وحميد
وكعت مريضه ماعندي اي تبرير ومنو راح يصدك حجيي
شهرين واني ماواصله باب المدرسه
بعدها طلبت نقل المدرستكم حتى اخلص من كلام الناس
طلعلي مازن صفح رجع يطعن بيه وبشرفي
وماخاف من رب العالمين
اسامه....الله يساعدج هاي مصيبه مو قصه
وجدان...ماتشوف مابقت عندي ثقه باي احد اخاف من الناس كلها اذا أقرب واحد اليه زوجي طعن بشرفي
اسامه...هسه فهمت
وجدان....مو كل واحديسمع قصتي يصدك بيها
اسامه...ترا الانسان الزين مبين مايحتاج يحجي عن نفسه
وجدان...انت الي طيب وما تقبل بلضلم وصدكتني
اسامه ثاني يوم من رجعت الضهر للغده
لكيت امي تبجي
اسامه...خير شكو ليش تبجين
امي...عبير تعاركت هيه واحسان وأخذت علاوي وطلعت زعلانه
اسامه...وانتي ليش تبجين
امي....ابجي على علاوي ابد ما مفاركته
اسامه...يومين وترجع مراح تكدر تتحمل العيشه بيت اهلها
حسره عليهم الاكل يومين وترجع لا تخافين
