رواية الطاغية والمغرور الفصل الثاني عشر بقلم يارا الياسري
في كل إنسان هناك ضعف وقوة، شجاعة وجبن،
صمود واستسلام، نقاء وقذارة، فالمخلص يقاوم،
والغادر يخون، والضعيف يتهاوى تحت اليأس، والبطل يقاتل.
تحضرت وماحسيت غير البيبان مقفولة.
اندارت علية تينة وخززرتني وكالت
تينة: غيث أوكف عندومحل جيب أكل حلويات
للطريق .
وكف على كوفي ىمدري مطعم نزل وهي لزمتني
من زندي بقووتها وتحجي بتهديد .
رحيق بلعت ريكي متخوفة منها
تينة: شوفي والله ثم والله اذ طلعتي من ذني
ليدزونهن عليه حتى يلزمن مستمسكة
اسلمج بيدي لشيراز وسهيل هاي اذ ماخليتهم
يذبحوج .
فاحجي أحسلج منو دازج علية
رحيق هزيت راسي يمين يسار لا والله مو منهن بشنو احلفج مااعرف بشنو تحجين
والله اني مظلومة همي لوحيد أخلص من أيدهم .
نظراتي وملامحي تثبت صدق كلامي سبحان ربي ترك بملامحنه كثير امور
تضهر كذب وصدق البشر لو ركزن بيهن كان ماتاذين وأنخدعن .
تينة ووجهه محتد هزت راسها صدقتج بس رفعت اصبعها وعيونها بحدية
أذ وراج مصيبة اعتبريني عايفتج بنص الشارع .
دنكت بأسئ وصمت اجه غيث وانطلقن لبغداد تحت صمت رهيب وتينة
كضتها نايمة وأني بين نايمة وكاعدة والفكر مشغول شكل شيراز بدمه ماراح من راسي تندمت
هوواي تندمت لان سويت هالشي كان مالازم أقتل ومايكون نهاية غضبي من قدري
نهاية جريمة وذنب القتل ذنب كبير .
تنهدددت وطلبت من غيث افتح الجامة لو سمحت
هو ماكال لا فتحها حاووولت أتنفس ماكدددرت حسيت الذكريات كتمت على انفاسي
حجيت بتعلثم اووكف اووكف الله يخليك أوكف
وكف وتينة ككعدت على صووتي فتحت الباب ونزلت على ارض من الشارع شهكت وصررخت
بقووة كعدددت وصرت أـبجي على ضياعي لحضات عجز وعدم فهم حتى لمشاعري
شكد صعب نعيش اشياء ماتخطر ابال شخص ونواجه ونستمر بقووتنا بس هالقوة
ماتعالج الالم لجووتنا ولا الكتم لمخبينه .
جرريت نفس ووكفت وتينة تركتني لحد مارجعت الها اردفت صرتي زينة
أومأتلها براسي بمعنى أي وصعدن انطتني مي شربت .
تينة :غيث سوق على كيفك ماطايرين وخلي الجامات مفتوحة .
بقيت عيوني على الطرريق والسمة والهووة .
تينة : شنو سرج وقصتج يارحيق تدرين ان المرء يصرررخ بأوجاعه يعني وصل من القوة
مرحلة متقدمة أن يقددر يصرخ ويستخرج كتمه موشي سهل .
أوماتلها دون مادور الها:
هناك لحظات يجعل فيها الإرهاق العقلي نطق الكلمات أمراً مستحيلاً.
وسحب الانفاس مجاهدة قووية فلن يكون بيدنا غير صررخات تغرف حملنا .
تينة : كلنا عشنا لحضات كلنا مستحيل تنتهي بس انتهت وعشنا .
رحيق بقينا ساكتات مثلا وجهين لعملة وحدة ربما اقدرانا متشابهه وربما القدر اختارها
لتكون منقذة لي .
بعد عدة ساعات فجر يلوح بالافاق كالنور في العين الزرقاء وضياء ينبثق بالفضاء كما ينبثق الماء
روية الفجرر راحة نفسية وخاص اذ اقترن بصووت قراني جميلة ساعتها اشتهت روحي
تسمع قران دعاء اي ش يمن ذكر برحمانية الله .
رحيق : تينة اريد أسمع قران او دعاء .
تينة : هزت راسها والله خايفة منج لا شوية وتكولين اريد أحج بيت الله .
غيث ضحك لا انوب تكلي اريد تنزلني على مرقد أصلي وين الكالها تربة بهالهيمة ههه
تينة : ههههه انوب تطلعها حية ومانشوف الار حيق تركضضضض
وتصررخ والملائكة تضحك عليها تروح الحسنا ت ونفتشل ويا الملائكة هههههه.
انوب تدمغن الملائكة تفلش روسنا هههه بخت رحيق وحضها هههه .
غيث: هههههه زين اذ على الدمغة خاف تكلب السيارة بينه ونتورط .
تينة :عابت لعد شكد مستهين بالدمغة ههههه .
غيث :متعود ههههه
تينة :على دمغات الملائكة
غيث :لا على دمغات بني اادم هههه
تينة :هههههه كفك بالهوه سووة الكرامة ماخذتلها ركن متبرية منه .
غيث :كرامة ماتتت وشبعت مي ورد بالفتحة الاولى هههههه
تينة :ههههه .
رحيق بقيت بس اباوعلها وأبتسم واني اشوف تينة شلون تحول كل موقف ضحك
ذكرتني بنفسي من كنت عد اهلي احشش وافرفش صحيت على صووت تينة تسالني
تينة : شتحبين تسمعين ياقارئ؟؟
رحيق : المهم قران .
فتحت جهازها وشغلت يويتوب مشتركة على الشريحة ليش ماتشترك وبفلوس المسؤل تلعب لعب .
وصلنا لبغداد بي شالساعة ماسالت ولااتذكر بس اتذكر تنهديتي لطعت من قلب واحساس اني وصلت بر أمان
بعيد عن شيراز وأربيل كملنا طريقنا والي عرفت ان تينة كاعدة بشقة بمنطقة الصالحية .
وصلنا على عمارة نوعا ما حديثة نزلت تينة وبقيت مصفصفة رجعت راسها الي
سيدتي هل ممكن تنزلين امش ينزلي شمنتظرة ابو لهب يجي .
نزلت وشفتها أردفت لغيث توكل روح ارتاح اذ اريد أطلع بسسيارتي
صعدته وصعدت وياها صعدنه من الدرج طابق ثالث ثالث شقتها فتحته وكان الهدوء عارم بالمكان
فتحتها بدون ماتحجي اول مادخلن سطرتني ريحة شي معفن واكو تراب .
تينة : ماكنت متوقعه ارجع ويايه خطار ومن سافرت غفلة مانضفت العاملة البيت
أوماتلها عادي .
الغرفة صااالة كبيرة بيها طقم قنفات جرة وحده بالنص هذا ليجي مثل بمسلسل صبايا جرة وحده
ومن ضفحة مخلية كرسي مدنفشش ومن جهته الحايط طاولة ويمها كرسين مال اكل
.
تينة : باعي راح انام مدري تعبانه شوووية واكعد ونسولف .فاتت لللغرفة بقيت افتر لعبت روحي من الريحة
ومن الواسوس لبراسي كمت للحمام همات وسخ لعبت روحي شفت اكو شامبو .
رحت للمطبخ ادور لكيت سطل وبلشت ادلق بالحمام خلصته اجيت نضفت اصالة وطنستها ومسحتها زين
صارت تلمع رحت للمطبخ هووسة بلشت انضف بي خلصت تنهدت التنضيف بي طاقة تخلصن من السلبيات
فتحت الثلاجة ماكو شي بي حظ ينوكل طلعت بيذانجان وبتيتة طماطمه ولكيت باكة سلك ذبلانه بهيا واشبنت
طلعتهن وكعدت ادور تمن على مالكيت سوويت دولمة وخليتها على النار لعبت روحي من لبسي .
فتت للحمام سبحت بس جسمي وشفت اكو اتراك معلك لبسته .
طلعت وكعدت شغلت البلازمة ساعة اجور على مكان تشغليها ز
دورت القنوات شرقية سومرية اووف يااا الفرات بلكت يذكرون شي شو كلي مااكو
شصاار يالله اريد خبر يريح بالي .
وايدي على راسي وسرحانة افكر فززني صووت تينة
تينة لابسة شورت قصير وبدي صووف طالع كتفها نصه بلون ابيض و شغلت المدفاية
كعدتتت واو واو يااا تنفست شوو هالعطر نضافة على اناقة .
لمساتك للشقة عطتها جماللية
يااي وفوكاها غدة اشم ريحة اكل بيت تتلوكين الي .
رحيق : لا بس ماكدرت انام وبالي ماتوقف تفكير ردت الهي نفسي وماحسيت روحي
الا منضفة وطابخة .
تينة :عوجت حلكها وقوست شفايفها معدلة نتغدة ونتكلم بالمهم كعدت على لطاولة
رحيق : رحت جبت الدولمة حاارة ستوها طفيتها والزلاطة طماطمه وخيار وخبز وخليتهن
تينة :
وفتحت الدولمة اوووفيش رشوووة قوووية لاتقاووم اخذتها منها وبلذه اكلتها من بين
اصابعها وكعدت تاكل بشراهه بينما رحيق
كاعدة على الطاولة وايديها على خدهااا
تينة :فطنت عليها وهي بشراهه تأكل تمضغ وتحجي ليش ماتاكلين ؟؟؟
بس لا حاطتلي سم والج مامستعدة لعزريل ولا الكبر حتى سبح ماسابحة
اروح وسخة بجهنم ههههه .
رحيق: ضحكت ليش تلحكها سبح جهنم وراج غسل الميت .
تينة : عابت دكولي اسم الله عليج عمرج طوويل لا والوجه
يله همزين غيث يدري بيج يتهمج الج دمي مايروح هدر
رحيق : أبتسمت الها
تينة : دتاكل ودك جهازها غلست على ماكملت كامت شالته وشافت اهووو
خير شصاير ؟؟؟
رحيق : بعدني بكعدتي سالتها منوو ؟؟
تينة : وهي تتصل تحاول تتصل مرة ثاني والجهاز مغلق
زوجي عشتوو ماي هازبن .
رحيق :خفت أكيد عرف ويمكن درااا هي طلعتني من أربيل يمه كلبي
لزمني اريد اعرف مااكو خبر خرب حضي المصخم غلست والتهيت ويا غسلة ايديه
غسلت الصحون ومسحت منه ومنه
شووية واجت تينة مبدلة ولابسة ملابسها
تينة : وهي رافعه ايدها على الباب وسويج السايارة بيدها راح اطلع واقفل الباب
من براااا من أرجع نسولف ياويلج اذ نايمة سوالف التركيات مو علية
رحيق: تنهدت لا ماانام أنتظرج خلت وطلعت واني كملت ورحت على القنفة تمددت
وأتذكر شكل شيراز وكلامه وشلون كان هايم بية معقولة غلطت بلي سويته وارجع أبرر لنفسي
لا مو غلطانه يستاهل .
في أحد مستشفيات أربيل
بالمستشفى
سامان وأبهر وبيسان گاعدة تبجي ااخ بابا
حبيبي اااخ منو سووا بيك هيج شلون؟
طاوعهم گلبهم ياذوك ..
وأبهر واقف ويحاول يصبرها
بكراج المستشفى وكفت سيارة جارجر ونزل منها شاب
بكامل أناقته بلبس كاجول انيق وبوت منطي رفعه ازيد لجسمه منسق لبسه
بين الجينز وجاكيت رياضي كمل طريقه وسأل الاستعلامات
ممكن اعرف باي قسم شيراز بعد مامكل واجه أحد حماية والده .
أستاذ أصف وصار يمشي وراه أصف .
أصف بين قلق واعصاب ولامبالاة شنو صار ؟؟؟ شنو وضع والدي
.الحماية ساكتت وهو يمشي ويدلي على الردهه لبيها ابو
أجه أصف
وعبالك جاي بحفلة بدون مايبين مشاعره
غير مبالي .
أصف سلامااات بس لا الاسد أنصاب راح ملك الغابة
وأشتدت علينا الذيابه ههههه.
ساملن ههههه لا لبوة مخرمشته ههههه ومخلية
حالته حرجة .
بيسان بغضب وكفت گااافي ماتستحون أصف
هذا بابا شلون تحجي هيج عنه
وانتةسامان تستهزأ حضرتك لو أحد من اهلك
الكي دموعك تجري .
أصف قررب لبيسان وحضنها لصدره عمرري بيسو
لا تخافين بابا مابي شي متصوره حالة خطرة
واستهزء بس حبيت الطف جو التوتر الي انتم بي
وبعدين العاار مايموت
وابونا أكبر عاار بمززح حجاها وسخرية
بيسان ضربته بعنف انجب أصف وخرر عني
روح كمل سفرتك لويش رجعت حتى
تستهزا بمشاعرنا انت يايوم اهتميت بابا بابا بالنسبة
الك بنك مالي مواكثر .
أصف بملل اهووو هو صوجي رجعت كلت اشاركم
بمشاعري القيمة
أبهر بسخرية سويت فضل علينا نتشكر من حضرتك
اعذرن سببلك ازعاج سيادة الوزيررر
وهز ايده باستهزاء ودار ضهره .
اصف. مسك من كتفه خيررر شايفك هوواي تمادى
وياية سالمين ابن عمي.
غاب القط العب يافار شنو حسبالك تصير انت وبس
والصيت الك .
أبهر :رفع حاجبه باستفزاز ليش مضغوط عزيزي
من يوم يومي مثبت وجودي مامحتاج
اتلوك بس شوف نفسك كاضيها دياحة ومسخرة
حياتك .
اصف : وبدا الغضب يتغلل في. ودفع ابهر بقووة
بااوع زين لاعبالك سكتت على لسويت من فترى
سكت بمززاجي لان ماعاجبني اخرب موودي
بس هالمرة اشوفك لعمرك ماشايفه ترى مصدك
روحك هوواي وشايفها شووفة .
ابهر: كول هيج بعدك شايل بقلبك. على لصار بس
للعلمك عمي هووو لسحب ايده منك
ماراد ينحرج من تصررفاتك الطايح حظها .
أصف :اااه لازم أصدك مو كدامك قشمر ماكو غيرك
لعب براسه عاد هوو شلون مايسمع كلامك .
عنده كلامك وحي منزل .
سامان :شباب صووتكم هنا تصفون حسابكم .
بيسان: عفية شبيكم ابهر حبيبي عوفه ترى
بابا ديصارع الموت انتم تتكافشون .
أبهر: اتنفس بقووة وزفر انفاسه وابتعد عنهم
بصمت
وسامان :سحب أصف لبقت عيونه تتبع أبهر
وخذا كعدوا على الكراسي بيسان بقت واكفه
واستندت على الحايط ودموعها بعينها. .
شووية ورجع الها سامان بيسان اخليهم يفحصون
ضغطج لزمها من ايدها .
وانفجرت بي بعصبيه وخرر عني لا تسوي نفسك
حنون يمي وخررر مني .
وعافت ومشت بسرعة والدموع بعينها
ماسكت لحكها من شافته سرعته مشيتها للمصعد
سامان : ركض وخله رجله للمصعد وصعد
بيسان : كتمت غضبها لحد ماطلعوا لبمصعد صعد
سامان :وقبل لايصعد احد وياهم ضغط علي
بيسان : بحنق المن لحكتني شرايد. حضرتك
تمثل براسي وتشوفهم شكد حباب انت
تخفي نذالتك واساليبك الرخيصة .
سامان بغضب: لزمها من زنودها بقووة مما جعلها
تزيد بحنقها وعقدت حواجبها ااخ شبيك وخر مني
سامان ويكزز على حروف كلماته: وعاقد حواجبه
باعي لج دلعج ولسانج لطول مترين مو علية
اذ داتصرف بحنية واجب انساني وشفقه على وحدة
رخيصة مثلج ماميت عليج .
بيسان دفعته بغضب : مدام رخيصة المن لازك بيه
هااا المن تهدددد؟؟!!
لو حضرت جنابك ماتكدر تعيش بدون حقارة .
سامان باسلوب أستفزازي :واصبعه يضرب ر اسه بكيفي مزاجي
بستي مثل ماتحملتي وغمز بعينه مثل ماتحملتي عمي تحملي خبالي .
دفعته واجت تضرربه لكن انفتح المصعد وكدام ناس عبروا منهم بشكل كلاس
وطلعت لبرااا بيسان تعبانه وخايفة دك جهازها .
رفعته الو هلاو ماما تبجي اي شنوو ؟؟
لا ماما بالعناية مخلينه ماادري بالضبط شنو صااير من نص ساعة وصلت
لا أبهر كان باربيل من واصله خبر سابق للمستشفى وبعدها خبرني
اي مااما اجه أصف كالعادة مامهتم ماااما خخايفة محتاجتج يمي .
ميلاد : لا ماما مااجي
بيسان : شلوون يعني ماتجين مااما هذا بابا زوجج يعني شنوو معنى ماتجين ؟
حطت ايدها ورفعت شعرها بتوتر وعنف تمامااااا لا تجين ابقي تونسي ديري بالج
تخربين نظامج غلقت الجهاز بتعب وخلت بجيب بنطلونها ولزمت راسها بكفوفها عصرته .
سامان : وراها مسكها من كتفها وسحبها لصدره ماقاومت وصارت تبجي بقهرر
وكأن ماكو غيره بشرر يفهمها ويحس بيها ويمسع غضبها لنزل بشكل دمووع ثائرة
بقى يمسد على ضهرها ويلعب بشعرها بموقف رومانسي لو لا سوالف أصف التافهه
أصف لا لا قبل شووية محاضرة بالقلق على الاب واحترام الوضع الراهن وهسه دك وطن
محاضن ورومانسايت عيب يوول عيب مزعطة شبيكم مراهقين كدام عباد الله
سامان : بمزح كيفي حلالي وكيفي مرتي المستقبلية انت بيش الكيلو تحاسبنا
أصف : غير يستقر رانفير سينغ اختي قبل لاتصير مرتك المستقبلية هي خلي تصير
مرتك تالي احجي .
سامان : الله شنووو ماتشوف دك تواقيع وعقد محكمة وهالله هالله ودفعت طن مهر وماتعترف بية
ياوسفة على الشارب لبكصتي .
أصف : بدهشة واسخرية ودم خفيف وين ؟؟؟ هههههه خرب حضي من كد الجذب حتى الشارب طار من
مكانه .
سامان :خربطة بالعنوان نعتذر ههههه .
أصف : اكول بيسان دموعج مانشفن والج فلك مو دموع يكول ماطور مي مايخلص وش وش
لو بيدج تغركين اربيل فوك الامطار لعليهم .
بيسان تشهك دموعي من الهم تنزل .
أصف يااا اخذوا مصاصتج كله هالقهر عليمن بابا هل طلعوا ومابي شي
لعد لو ميت شكد تبجين يمكن تغركين العراق بكبره .
بيسان : مسحت دموعها صدووك تحجي وبفرحة وابتاسمة يعني بابا مابي شي
أصف : كلشي مابي بعج يومين وتلكي يركضضض ويرجع لبغداد مشي .
سامان : مشي ؟؟
أصف : لا ركض ههههه شبيكم تعبير مجازي اعلمكم اساليب اللغة العربية
سامان :غير يستقر سيبوية هههههه راح تكلبها بينه .
أصف : تنهد المهم بيسان روحي يم أبهر وانت تعال ويايه اريد افهم شصاير
وشلون وصل بابا لهالحالة .
بيسان : أبهر كلشي يعرف هو اول من نقلوا حاجي ويه الحماية
والفندق .
أصف خزرها ولعق طرف شفته بعدم قبول وشلي دخل بي ابو لو ابوي
مكتوب بالجنسية أصف شيراز مو أبهر شيراز هو عاجبه يتلوك طبه طووب
اني اريد اعرف منو لتجرء وتطاول على بابا .
سامان بتلطيف للجو : بخدمتك سيادتك أمر حقك تعرف هههه شبيك بابا سالفة معروفة
ليش تشيعها اكثر واطيح ابو الهيبة .
أصف بقت هيبة اذ كح** كدرت على بابا ورادت تفطسه ياهيبة تحجيها حتى فشلة من العالم
شنكول ابوي بغرفة انوب بقميصه رابطه فمه خززي خززي النوم طعنوا ويامن ويا عاهرة من ملهى .
سامان لا كول طاح من الجرباية هههههه .
أصف لو متكسر كلنها شهالطيحة السنترية على سجينه .
سامان : انها سكينة مقدسة ووطيحة انفلاقية ههههه .
أصف : بموقف اختلافي كعادته الاختلافية اكول شو مستهزأ بالوضع هذاا بابا شنو
ماعدك احساس ههههه .
وضحك هوو وسامان الي فهم علي يقلد على بيسان وموقفها ويا هههههه.
بيسان بغضب وافتهمت الحبكة ضربت أصف بكتفه عاابتلكم
عديمين الاحساس والهيبة .
وراحت دخلت وهي تفووور غضب .
بيسان : راحت للجناح البي ابوها أبهرر أبهر شنو نكدر نشووف بابا
أبهر اي أول مايصحى تكدرين تشوفي .
لبيان : شنو وضعه .
أبهر : تمام لاتخافين ماكو شي خطررر الحمد الله الطعنه
ماماضاربة الكلى ولا متعمقة بالاعضاء .
بيسان : الله يبليهم بمرض لغدروا ببابا .
أبهر تنهد واندار بتعب من السهر .
بيسان بحنية : أبهررر زعلت من تصرف أصف .
أبهر ببرود : هههه ابتسم من زمااان بطلت أهتم وادير بال لاصف وتصرفاته
الطايشة .
بيسان : ياريت أصف يتعلم شوية من حنيتك صدك راحي ندم ويعرف
انت اخو سوند اله بس هوو ضاج لان با
أبهر رفع كفه سكتها أعف ليش مايحتاج تكملين وتتبررين بس صدقي مالي علقاه بلسواه عمي
اني شغلي وحياتي تعبت بيها لوحدي والكل يشهد بتعبي ماخذت فلس واحد من عمي .
اذ اني اخاف عليكم مو معناها اتلوك بس اهتم بالعائلة ومبدأ بحياتي
العائلة هي الوجه الاول للحب ان لم نحب عائلتنا لن نستطيع أن نحب شي أخر
وهسه ياكتكوته روحي ارتاحي واني هنااا راح أتصل بالسايق ياخذج .
بيسان : بعناد لا مااريد اروح اول وحدة اريد اشوف بابا .
أبهر براحتج اشوف اذ نكدر نشوف عمي طلعوا من العملية .
بيسان : راح ورجع وكال الطبيب يفضل نبقى للعصر وندخل علي على ما يصحى من البنج .
العصر بغداد
بأحد شقق الصالحية
رحيق الي صافنه من على بلكونته شقة تينة على المارين وراسها يغلي خطط
وأفكار ورجعت شغلت التلفزيون على أمل باهت ان يذكر شي عن أصابة شيراز
لكن مانذكر شي بكل نشرة اخبار طلعت مانذكر شي عنه .
بقت أفكار تاخذني وتجيبني قطع حبل افكاري صووت فتحت الباب بغضب
وصووت تينة الي اخترق مسمعي بنبرة غليظة شمررت بحنق جنطتها وموبايلها على
القنفة
فززيت و واني واكفة متسمرة بمكاني مدهشة بتصرفها .
تينة قربت لي وحجت بنبرة قاسية .
ولزمتني من رقبتي ولكونها لابسة كعب كانت اطول مني
تينة : لج انتي مخبله شمسسوية قااتله حاااولتي تقلتي لشيراز وضربتني باصابعها على راسي
هناااا عقل لو خشبة مافكرتي ولج مسؤؤؤؤل عوفج من يكون بس معارفه تهز من غير ابنه وابن اخو
واقاربه لو مات راح يسكتون والج يخووفون منووو وراج ؟؟؟ احجي من وراااج ؟
يكتلوج وبنص الشارع يذبوج كامت كعدت عدهم .
اني الغبية الي ماعرفت انصح الا وحده مخبلة انوب ضاربته طاعنت شلوون شلوون ؟؟
بس اريد افهم شهالقووة لعدج ماخفتي مارجفتي .
مافكرتي لهرجة واثقة اني احميج .
رحيق انخرطت بحالة من الذعر والمشاعر المريرة وتساؤلات بداخلها : عايشش ؟
شنو وضعه وتحجي بقلق واضح بملامحها وبسرعة اجت كعدت
على القنفة وايديها وحده تفرك بالخ ورفعت ايدها اليمنى وحكت شعرها
بتوتر .
تينة بضحكة وكعدت على القنفة هههههه انتي مثل ليقتل ويمشي بالجنازة
تسألين عنه بعد ماسمطتي سمط .
رحيق : تينة والله لو تعرفين ليش هيج سويت ماراح تلوميني وتندمت بس هوو
هوو السبب باذني هاي سمعت واتفاقه ويا سهيل يردني اله يعني ماافرق
اني شبقالي غير كرامتي والشرف ماكدرت اتقبلها على نفسي واسلمها لشيرازز .
تينة :ههههه ضحكت باستهزاء خلي تفيدج كرامتج ام كرامة من يووكف شيراز و ويطلع
عيونج ساعتها كرامتج تنقذج لو تتوسطلج .
رحيق ورجفه اجتاحت ذراتها وجمدت الدم بعروكها : كعدت على القنفة بعدم
ارتياح ولامبالاة وخفوت بنبرة صوتها
عاادي يريد خلي يموتني بس كاافي استباحة لشرفي كاافي
وتنهدت وانفاسها قووية .
تينة : دنكتها ونزل شعرها على متونها ورفعت راسها وبللت شفتها كللي اني شسوي
أتورطت وجبتج مناك بس فهميني شجاج و وطعنتي مخ ماكووو شلوون تجرئتي
ماخفتي يلزموج ماخفتي اني ماارد من سويتي هالشي ماكلتي وين اروح ؟؟
رحيق : مافكرت جل ماشغل بالي بتلك اللحضات أن راح يستباح جسدي رورحي وتغتصب
للمرة الثالثة غصب عني وعدم قبولي نزلن دموعها المكتومات وحمر انفها تينة لو عرفتي
شنو مريت ماتكولين خافي مريت ببشاعة احداث موتت قلبي وخلت بمكان حجر يوجع كلمن يقربه .
تصدكين اذ كلت اني صرت أخاف من قوتي وشراستي اني صرت اخاف من نفسي على نفسي .
تينة : اوووف اووووووووووف وصاارت تكززز على حروف كلمة أوووووف اني تورطت وياج فاهمة
يكونون عرفوا بيج طلعتي وسالوا واني الي سوابق يعني الي ماضي بتهريب البنات أول وحددة
يتوجه الاصبع عليها اني اني شسوي هسه اذ اجووو ارجال شيراز لو سهيل انطيج الهم وأكعد
أكل اصابع الندم وافكر بيج لو اعاند واشبع رفسات وهمات ياخذوج الله لاينطيحج عافية على هالقووة .
رحيق بضيق وخوف : هوو عايش .
تينة باوعتلها بنص عين :لا ميت ويسلم عليج من اعلى نقطة بالكبر ههههه.
رحيق :لا والله شلون وضعه .
تينة : عايش ومثل الحصان حيل مطي بي
هسه لو ضاربت ضربة عدلة منومته غيبوبة لبيها مجال نشردج ابعد من بغداد .
ادري مدغدات انتي ؟
رحيق : شدراني هووو بي لحم هوواي وشحم تلكين السجينه بنص الشحم انعوجت ماكملت طريقها .
تينة : هههه ضحكت مادام شفتي كرشه والخدود والشحم المن ورطتي السجينه بهالضيم .
رحيق شسوي يعني جربت حضي .
تينة : بحدية والج ياحظ هو انتي وخلقتج هااي لو عدج حظ ماتورطتي هالورطة ماسامعه
حظ الجميلات عاثر .
رحيق : سمعت وعشت وجربت والمجرب لايجرب وحظي مجرب بس اني عدت الكرة بي .
تينة : لعد اتحملي اذ تتحملين هسه شيراز يخلج براسه يلكفج لو دخلتي بخندق داعش وخندق الاحزاب
يلكفج يلكفج ويخليج اصيحين الغوث من واتوبه اذ اطعن بسكين
رحيق : خوفيني خوفيني خااف ناقصني توتر بااعي جسمي يرجف كله .
تينة: شهالعيارة غير مامشغله هيتر ادري الدفو ينزل عليج من السمة .
رحيق : تينة بخفوت ليش مبقيتني اذ اسببللج مشاكل .
تينة : كامت شغلت الهيتر التعليق ورجت لو مااريد اساعدج ماانطيتج رقمي
مساعدتج مثل غيرج ودارت صح اني سوويت هوواي اخطاء وهوواي ذنوب بس
ترى اكو فرق بين المخطئ والشيطان وبني شخص عنده ضمير وجبور وشخص بطمع يتصرف
اني كلتلج وارجع اكولج كنت مثلج اصلا بعمر 14 سنة فتت على هالوحل احمدي ربج بعمرج وعقلج
ورزانتج هاااي دخلتي .
رحيق : ماافتهمت ساعة تعصبين وساعه تكولين اساعدج وتهدددين .
تينة تنهدت : رحيق انتي لو مكاني مايبقى اي أتزان لتصرفاتج بعدين انتي جذبتي علية
ولعصبني ومن صدووك ردت اجي ادوسج بالكعب ماكلتي اجيتي ويايه من اربيل ماكلتي
استغبتيني .
ونقطة ثانية تهديدي حتى اخوفج وابينلج اني مو سهلة .
وهمات خااايفة مثلج ترى ذولة ماعدهم صاحب سطله مال سلاح امن استخبارت بيدهم.
رحيق : ماتوقعت بعد كلشي صار راح التقي بناس طيبة او ناس تساعدني بدون مقابل
ولدرجه مستعدة تتحملين مشاكل علمودي .
تنهدت وتابعت حديثها اول شي تورطت ومش الحال اول وتالي يضغطون على غيث
ويخلون يحجي فلازم اسبقهم واصترف بذكاء وابعدج عني .
رحيق : شنو السبب وشلون ؟؟؟
تينة :ماعليج بالاسباب المهم النتيجة بقائج هنااا يزيد مشاكل كومي ويايه
رحت وياها لغرفتها كانت غرفة حلووة بلون بيج بسيطة وناززكة وكنتورها بيها جامات
فتحت كنتورها وطلعت باروكه الشعر قصة بوب بلون احمر وياها مناضر
بقيت واكفه بالباب واراقبها
اندارت علية
تينة : بتك حاجب عقدته تعالي شمنتظرة لبسي ذني .
قربتلها وكلبت بيهن بعدم اعجاب واستنكاف ونظراتي مشمئزات منهن شنوو ذني .
تينة : شبيج عبالك سحلاية مخلية كدامج شعر ومناضر لبسيهن تمويه تمويه قابل اطلعج هيج
حتى ننفضح للستار موجودة عندي .
لبستهن مااعرف ساعه اخذها يمين وساعة يسار ضربتني على كتفي تينة عابت
شاطرة بالسجاجين وتقتلين الودام ماتعرفين للسوالف النسوان والاناث
وخزرتني وصغرت عيونها بتساؤل .
تينة : اكولج بس لا رجال متحول اانتي ؟؟؟ مثل هيفا ماجك ماادري خشبي ههه .
رحيق : صدوك ضحكت على توقعها هالجمال ومتحول حرام عليج .
تينة : اندري شبيج المتحولين غير صايرين احلى من ألاصل والله الجسم منحوت والوجه
ينكرط انقلبت والله بينه الدنيا .
كملت لبستنياها وراحت واجت جابت شامة سوودة شكبرها سوتها بنص وجهي
باوعت لشكلي ودرت عليها صرختت
تينة: يمااا تخوفين هههه أشاقة هههه. والله لو بيدي احطلج شوراب لزك هههه
بس يله لا نطير الانوثه فرد مرة بالليل تصيرين حامد ابو موسس والصبح شورابج وانتي
لا هاي هية وانقرأ على الانوثه السلام .
رحيق : بقت أنوثه راحت ويا زمن عبد الكريم قاسم .
تينة : انجبي لاتلوثين التاريخ العريق شجابن على عبد الكريم شمعرفج بي
رحيق : امداني عبد الكريم كان رئيس وشيراز وامثاله هسه يحكمون الدولة
تينة : بعد وان دار الزمن فغياب الاسود جعل الكلاب تسود .
رحيق حلوة هاااي :
تينة ههههه جان اكو باشا يجي قبل على زماني ويكولها دائما لصديقة واضحك عليهم .
رحيق : والله ملحكة على زمن الباشوات .
تينة لا مو قديم هستوه صفوا وسجنوا جان امشي شغلهم الاسود يتسمى بس افتروا عليه
الربع واتفقوا علي طيحوا .
رحيق يمعودة حكم وسلطة بيد مطايا فذة
تينة : جبتيها صح بس مجبورين نسايرهم اني لو مو هالمطايا لكيتني بعدني اهزز بملهى سهيل
لعد مثلج اروح اطعنهم لفيت لعيهم واستفاديت .
رحيق كاافي راح تعيريني يعني .
اندك االجرس واهنا اخترعت .
تينة : منووو باعي خليج مكانج لاتتحركين اشوف منوو .
رحيق : طلعت وبقيت اتصنت بخووف واسمعها كاااالت
تينة سهيل شسوووي هناااا
