رواية دخيله الشيخ زين العابدين الفصل الثاني عشر بقلم أوتار حزينه
زين العابدين
نفضت ايدي بقوه وانا غادي نار
گوة الله عزمك ياشيخ
سمعت صوت درت روحي ابتسمت
من شفت شهم جدامي وواحد ويا واحد اسمو غانم
رديت مشو من يمي يريدون يرحون للگنطرة
حتى يعبرون صحت
ااحاجيك يااشهم
وكف اندار عليه كملت
تعال جاي عندي سالفه معك
شهم
انا من زمان مااود زين العابدين من ورة صيتو الردي ولانو مغرور وشايف روحو على
خلك الله وصاحب مشاكل
ويچاتل بالاوادم بالباطل
من صغرو لفه وي شله تعبانه مثلو
حمد ابن خالو وصعب وابن خالتو ساكن بغداد وكمنا نسمع عنو وعنهم سوالف ماهي بزينه
شرب ونسوان وطمسو بالمنكر والحرام
ابوه بعدو عن الديره وعبالو خلص من شرو
لجن هو زاد مانقص وتزوج وطلك
والسبب منو لان عرفنا
من الاوادم البنت ماردتو من ورة اخلاقو
الشينه وفوك شينو طلع يضربها وياذيها لان ما قبلت بالحرام الكاعد
يسوي
عگبت انا وغانم بعد ماتعللنا يم ربع النا
كريبه من گاع الشيخ شعلان جزينا كاعو
دنعبر الگنطرة شفتو واكف
يم الماطور سلمت والسلام لله رد سريت
صاحني رفيچي تكلم
راح اسري قبلك ياشهم
هساع الحكك بس اشوفو شيريد
عگبت الو جان مبتسم ومااعرف ليش
تكلم
شلونك ياشهم
الحمد لله بخير ياشيخ
سكت دحك لگاع الشيخ صگبان وركز بنظرو
درت وجهي لمحت هيله يم حد االشاخه
هي وخواتها
اسالك
خير وش تريد تسأل
ليش ماتزوجت لحد هسه
هذا شي جان يخصني انا هو ماخصو به
جاوبتو
ظروف ياشيخ
هاا
عكدت حواجبي من جاوبني باستهزاء
وهو مبتسم كمل
كول ياشهم ماعندي فلوس حتى اتزوج
رفعت راسي رديت بضوجه
هذا شي يخصني مايخص احد
تقدم عليه والابتسامه مافارگت وجهو
رد
احاجيك انا وانفعك بهل السالفه
كول اسمع
دار وجهو لكاع الثانيه اشر بايدو على
هيله وكمل
عوفها لهيله وشتريد انطيك
فگيت عيوني من تكلم هالكلام وجاوبتو بغضب
وش كاعد تتكلم انت
مثل ماسمعت هدها لبنت عمك وانا اغنيك
والي تريدو انطي الك من المليون
للمليار
جزيت على سنوني ولميت قبضه
ايدي تقدمت علي وصحت به
تسااااومني على بنت عمي يااازين
ضحك وجاوبني
زين يااشهم وين راح الشيخ
ماانت بشيخ عگب السمعتو
جاوبني بغضب
غصبا عنك انا شيخ ان رضيت ولا
مااارضيت
رديت بصياح
لاااا والله ماانت بشيخ عگب هاي سالفتك
الرديه
تقدم يهدد
يوول لاتخليني امد ايدي عليك
تقدمت عليه وصحت باعصاب
اذا انت زلمه تعال وشوف شراح اسوي بك
هد وانا هديت علي تلازمنا وتلاويت
ويا
هيله
شكر لفه يمنا هو وغيث طلعنا معهم
من رادو يتعلوون بره يم الشاخه الجو كسر
والهوه صار طيب طلعت معهم ادور
عن شهم لان مالفه معهم
شكر حس وكال
شهم راح وي غانم يتعللون يم بيت نسيبو
سكتت جزينا الزرع ورحنا كعدنا يم الشاخه
وره ربع ساعه غانم لفه يمنا غيث
سالو
عجل شهم وينو
واكف وي الشيخ زين العابدين
خير وش يريد منو
مدري كلو احاجيك بسالفه وعفتهم براحتهم
عكدت حواجبي من سمعت شهم يم
زين كمت لحيلي اهوجس خاف يتكلم بالصار ويعيبني جدام ابن عمي
سريت،،،، حد الشاخه دحكت للبعيد
واكفين اثنيهم ويحجون
ركزت بنظري من اندار واشر علينا سريت
ادحك لهم بلحظه تلازموو صحت بخوف
شكرر الحك اخوك
رحت ارگض بدون وعي وعيوني عليهم واحد يضرب اللخ والجساره بينهم والغلط عبرت الكنطرة بسرعه وصلت ليهم
گضبت شهم ودفعني بقوه وكعت ليوره تلاكيت الگاع بايدي انلوت وطكت صحت
بسمادرت بال كمت شگر اجه بسرعه گضب شهم وغانم گضب زين الي نفضو وهد على شهم شكر دفعو لجن هو گوي ضربو وگعو بالارض.. كرار صلاح قصص وروايات عراقية
شهم هد علي غانم وغيث لزمو وشكر وياهم غلط علي ساااقط عااار الزلم ماظل بس انت تحجي
بعرضي وتساومني علي
زين رجع ليوره وجهي غادي دم بلحظه سحب سلاح من وره ظهرو وسحب اقسام
صحت بجنون
لااااااا
زين العابدين
علت على شهم وانا ناوي اخلي يتكلم ويتجاوز عليه ردت حجه حتى اذبحو واحرگ گلب هيله عليه
تلازمنا وواحد ضرب اللخ فگونا وهو جسر عليه كلت ردتها واجتي ليمي سحبت سلاحي عليه بلحظه هيله صارت جدامي صاحت
لااااا
صارت جدامو وحمتو بروحها وهي فاتحه
ايدي وتصيح بدموع
لااااا يازين لاتجتلو دخيل الله لاتذبحوو
رجعت ليوره تحمي بروحها مني تقدمت اريد اسويها اريد اجتلو جدام عيونها وابجيها واحرگ گلبها صاحت بتوسل وهي تبجي
ااذبحني اانا اخذ ثارك مني انا عوف
شهم يازين مااسوالك شي
ووووخري
صحت بجنون شهم تقدم جرها
وصاح
خله يذبح ااگتلني يازين ااا
نفضت ايدو وحمتو بروحها رددت تبجي
وتشهك
دخيل الله لاتذبحوو
سلاحي لاول مرة رجف بأيدي ردت اچتلها
واجتلو ردت اذبح روحي من
السوتو وشافتو عيوني
يااازين حدك يبن الشيخ
صوت ورايه صاح ماتحركت عيوني عليها
عم حميد صار جدامي هو وابو شهم وجم زلمه
حجه بهدؤ
حدك يابه وش تريد تسوي تذبح ابن اخويه
وانا عمك وبحسبه اخ لابوك
عيوني على هيله ظهرها داك بصدر شهم
وهي تبجي وخايفه علي
درت روحي عم عايد صاح بخوف
وش به ابني وش سوالك ياشيخ
رجعت دحگت لها بعدها نفس وگفتها
شهم وخرها وماقبلت ظلت
حاميتو بروحها
خزرتها بقهر
سريت بسرعه من يمهم محد لحكني منهم
امشي وجسمي يرجف من الغضب
والاعصاب
شلون وصلت للدار مااعرف دشيت غادي
نار ومبلل بالعرك وطعم دم
بحلكي
خير ياشيخ وش بك
مشعل صار كدامي صفنت علي
والقهر مارد گلبي حجيت بصوت مخنوك
مااچتلتو
فز بخوف وجاوبني
من ياشيخ
مااااااخلتني يامشعل
رجع ليوره من شاف وضعي والسلاح
بايدي سال بتردد وخوف
ياشيخ وش بك من معك اخابر عمي
الشيخ
اااااخ
صحت وضربت راسي بالسلاحه بهدواه
عكس الاعصار الي بيه
على هونك يااشيخ لاتأذي روحك
دحكت له احس روحي راح تطلع
هي بين عيوني حاميتو بروحها وخايفه
علي وتبجي دمعتها العنيده نزلت بس شافتو
راح يروح من ايدها جان المفروض
افرح يبرد گلبي لان
كسرت گوتها وخليتها تبجي لجن الصار
مااعرفو شنو روحي اختنكت من
شفتها شسوت
يااشيخ
سريت بسرعه وعفتو صافن عليه
هيله
انهاريت بالگاع عكب الصار ماظل اي
حيل بيه كلت الردي حجه الصار وعابني جدام ابن عمي وتعارك ويا كوة كمت وعگبت وي
اهلي واهل شهم
لدارنا
ايدي توجعني كلش وجان صوابها
قوي لزمتها بايدي الثانيه واكول هساع شهم
يتخبل عليه من السمعو هو وابويه
يحور يمنا وابوه
يرزل به
وش بلاك وي الشيخ زين العابدين وشلون
تمد ايدك علي تخبلت انت شلون
تخلي راسك براسو
اااخلي يابه واكسرو مادام وكف يساومني
على هيله
صارت صنطه الكل دحك الو صفنت عليه
ابويه سالو
وش تحجي انت
مثل مااسمعت عم يكلي عوف هيله
وشتريد انطيك من المليون للمليار
عزه العزاني صدك تحجي انت
امي صاحت وهي مذهوله خالتي تكلمت
متفاجاه
شنو السالفه كثرانه خطاطيبج ياهيله
لااا وهالنوبه من زين وحيد الشيخ شعلان
شهم صفن على امو وسال
ليش اكو غيروو
سكتت دحك عليه سال بغضب
من بعد ياهيله احجي تكلمي وش ضامين
عليه
ماكو شي ياشهم تعرف البنت مثل الكنطرة
ياهو الجاي يعبرها
من ياعم من رادها بعد
جاوب ابويه عمي هز رسو بلاا
محد وانا عمك هي لك وانت تعرف هذا الشي
ابويه ماحجه اي شي لان عمي
اشرلو بلااا وهم لان الحديده
حاميه وخفنا لا هم يجاتل
الشيخ صگبان
ساريه مالت عليه وطخت ايدي صحت
ااخ
وش بلاج ايدج بها شي
كمت اتجنب ادحك الو اجه وكف جدامي
سال بقلق
وش بها ايدج تاذيتي
صفنت علي كدمه جو عيونو ودم يم
خشمو درت وجهي منه وكتمت دموعي امو انهدت
به
ياااخايب بيمن اندكيت بابن الشيخ
شعلان ولك هذا ثارو مااينام عنو وشوفو شراح
يسوي بك
خلي يسوي الي يريدو مايهمني
لا هو ولا الراح يسوي
يابو هيله خبر رفيجك خبر ابوه خله يعرف
ابنو شسو انا مو جايز من ابني من
وره سالفه ماتسوه
ماااتسوه يابه هيله عرضي والردي اجه
يساومني عليها
كولو لاااا عش تضربو
امو انهدت بيه وكملت بغضب
اذا صار بك شي انا شااحصل من هيله
شااحصل لو متت يابن الخايبه
من ورة نسوان
امي دحكت لابويه ماحجو شي
عمي چملها وكلو
عگب باجر لاتظل هينه خاف يرد ويجتلك
هذا غدار وطبعو طبع ذيب ماينام
على ثارو زين ونعرفو من هو
وشيكدر يسوي
ابويه تكلم
على هونك يبو شهم مااظن يغدرو وهو
يعرف هو بن من وشيصير لي
تضمنوو ياااحميد
عمي صاح بابويه سكت كمل بغضب
مااتضمنو لبرق الشر ولا انا ولا ابوه يكدرلو
وانا مو جايز من ابني يعكب ويجفي شروو لابن رفيجك
مااعكب يابه وشيريد يسوي خله
يسوي
تكسر جلمتي ياااشهم
عمي انهد به سكت ظل يدحك عليه امه
تكلمت بغضب
عكب واسمع كلام ابوك ولاتجيبلنا سالفه
احنا مو كدها
سريت من يمهم صاحني ماجابتو امي لحكتني
هي وخواتي دشيت غرفتي الوب
من وجع ايدي ومن الهبطه
الي اكلتها من ورة
شهم والراد يسوي به زين
يارب شكاعد يصير بينا
امي تكلمت بقهر لزمت ايدي وردت كالت
وج هاي مفصوخ خل ابوج يردلها لج
قبل لاتبرد
ريمه راحت علي تاخرت ردت هي ويا
سال بقلق
وش بها ايدها لهيله
مفصوخه يااحميد
سهله يابه سهله هسه اردلها لها
اخوك وعيلتو وينهم
عكبو لجن شهم ظل بالهول جالس
مدي ايدج يابه
مديتها له وعضيت شالي كال يالله وسحبها بقوه
سمعت صوت الطگه غمضت عيوني
بقوه وانا اون
رجعت يمه
امي تكلمت وكملت وي ريمه
مي جيب مي لاختج
سرت وعگبت به شربت شويه عيوني
راحت لشهم تگرب وبعيونو قلق
ابويه شافو طلع من يمي
وتكلم
مابها شي امشي معي
سرى وي ابويه امي سالتني وش صار
وشلون تاذت ايدي خواتي حجن
لها الصار سكتت والقهر
ترس ملامحها تكلمت
وره لحظه
يارب وش كاعد يصير منا الشيخ
صگبان شاد ويانا وهساع جملها زين وطبك
ويا
غمضت عيوني بتعب ريمه كالت
يمه خلها تنام وترتاح وجهها غده اصفر
تمددت بدون اي كلام غطوني وطلعو من
يمي ظليت وحدي واردد بگلبي
اي يازين الي ماكدرت تسوي لي
بالحرام اجيت هساع تريد
تسوي بالحلال
زين العابدين
مانمت ولا غفت عيوني كاعد على
الكرسي والمشروب جدامي شربت جثير
وانا اريد انصطر وماانصطرت ظلت
بين عيوني شلون حمتو
وهي تبجي
روحي اختنگت كمت احور بالغرفه احاجيها
مااقهرتج يولي ماااقهرتج انتي القهرتيني
من فديتي بروحج اانتي ياهيله
ذبحتني بالسويتي
وكفت صفنت على روحي بالمرايه
حالي حال وجهي وعيوني حمر دم شكلي مهوس
ومبين عليه القهر بملامح وجهي المطعونه
تقدمت احاجي روحي
وش بلاك يازين مو قهرتها لهيله مابجيت
عيونها ماخليتها تتوسل بك حتى تعوفو
لحبيب الگلب
وكفت قريب من الميز انعاد الصار بالمرايه
شفتها شلون واكفه وتحمي بروحها
شفت دموعها توسلها بيه
گريبه علي وظهرها داگ بصدرو
حيلي راح
لزمت الميز بايدي الاثنين غمضت عيوني
بقوه وهناك هوجاس صار بعقلي
وصوت تردد
انت تحبها يازين
فتحت انهد بذهول رجعت ليوره لزمت راسي
بايدي الاثنين صحت بصوت مكتوم
مااحبها اكرهها ووش كاعد تهوجس يااازين
من تحب ولك هاااي هيله الي
هانتك جثير هااي
سكتت وتردد الصوت بعقلي
الي ذبحتك من سوت السوتو
جريت زيج التراك اريد افكو
اريد اتنفس اريد اشم هو وينو ليش ماكاعد
اشمو ليش انااا مخنوك ومقهور
ليش هوجاس صار
براسي يدك
ويردد
انا احب هيله
ضربت راسي بجنون سريت بالغرفه وانا
مدري وش بيه وكفت يم الميز صفنت على
المشروب صحت به بقهر
ولك طفي ناري الشبت بصدري اريد انصطر
ادوخ انام بلكي اكعد وانا صاحي
من الكاعد اهوجس به
تخبلت وگلبت الميز شلوتو ورگعتو بالارض
مشعل لفه وصاح
خير وش بك ياشيخ
اااذلف من يمي
فز ورجع ليوره سرى من يمي كعدت على الجربايه
ومااعرف وش بلاني ظليت افكر بالجاي
احس به ووهي بين عيوني شلون
حمتو وتبجي وتتوسل بيه مااذبحو وجه الفجر انصطرت وغفيت كعدت على صياح
وينو هذااا
كمت من الفراش ابويه دش الغضب
تارس ملامحو وكف دحك للهوسه تقدم عليه
وصاح بغضب
وش عامل ولك
ماجاوبت صاح
كاعد اااسالك رد
مارديت وكف قريب عليه وكمل بغضب
انا ماكتلك شيل هيله من راسك هي
مو لك ولا راح تصير لك وانت تعرف السبب
جاوبتو وانا كلي اصرار
وانا اريدها ولو هي لو مااتزوج
صفن علي والغضب تارس ملامحو
انت وش بلاك مااتفهم الجاي تسمعو مني
اكلك البنت ماااهي لك عش
تروح تعارك ابن عمها وتشيل سلاحك علي
عش تعيل على ابن اخو حميد
وتصخم وجهي جدامو
ماهوو ند لها مااهو بالزلمه الي يكدر يصون هيله
ويسويلها الي انا اكدر اسوي لها
تخبلت انت عقلك به شي ولك مااتريدك
اافهم ماااتطيق شوفه وجهك
وانت تعرف هذا كلش
زين هي هاويه ابن عمها وهو هاويها
واااانا اهاوها واريدها ولو هي لو ماا ازوج
تلوي ذراعي يازين
لا حشه شيخ مااسويها وانا ولدك لجن
انا اريدها هي تصيرلي حرمه
سكت وعيونو افترت على وجهي
ابتسم باستهزاء رد
ماظنتي انت عاشكها مثل ماتكلمت
درت وجهي منه جرني من هدومي جابني
علي تكلم بغضب
تريد تكسر خشمها يالهامل
ماجاوبت عتني بگوة وصاح باعصاب
وش مسوي يازين ااحجي تكلم شعاامل
للبنت وشمسويه بك حتى تلح عليها
وانت تعرف هي لمن ومنو
رايدها
سحبت روحي منو وجاوبت بغضب
مااسويت شي ليش تظن بيه السؤ
خزرني تقدم وكفت بمچاني تكلم بصياح
تجذب عليه يالهامل تجذب عليه وانا عرفت انت مسوي شي ردي
مااااسويت شي ااا
صحت وانتبهت لروحي على صوتي سكتت
وكف بمكانو يخزر بيه
صاح بغضب
ماراح اكلك احلف بالله لان انت ماتعرفو
لجن احلفك بهل الشوارب الي بوجهك
اذا انت زلمه يبن ظهري احلف
بيهن وكول ماسويت
شي ردي لهيله
لميت قبضه ايدي بقوه جزيت
على سنوني ماااحلفت والتزمت الصمت
بسرعه ضربني بعصاتو على
جتفي درت وجهي وضربني
اللخ براسي رديت ليوره
ورجعت بمچاني
الدم حدر من على وجهي ماخليت
عيوني بعيونو اندار وضرب العصا بالحايط
وهو يجسر عليه انكسرت بايدو
من ضرب مره اللخ
الحايط صاح
بخبال
اااذلف من وجهي ياالردي ولي يااازين
من الله لايرضى عنك ااطلع من
كاااعي ولاتشوفني وجهك
ابد
مشيت بسرعه جزيت الحرس
الي طبت علينا ووكفو مذهولين من منظري
رگبت سيارتي وطلعت بها بشحطه
مسحت الدم بهدومي وضربت
ايدي بالكشن اكثر
من مرة
القهر ترس گلبي وكمت مااشوف دربي
سريت بسرعه وانا انهد من الغضب عقلي جمد من السواه بيه كلت كالت الو عرف
منها انا وش سويت
بها
مالك
ماقبلت ارجع لميس ولا رحت ابرر لاهلها
الصار كلت طز بيها وبيهم
هي جابتها لنفسها من تهمتني هالتهمه وجذبت
على الكل وعافتني وانهزمت بروحها
وماكلفت روحها تتصل على اهلي وادكول الهم
الصار
ملتهي بالشغل بالمكتب امي اتصلت
ماجاوبت لان نفس الشي
راح اسمعو احجي
وي ابوك واعتذر روح رضي مرتك ورجعها
للبيت سويت جهازي صامت
ومادرت بال لاي احد
يتصل من طرف الخاتون مرتي
مالك
ها بشير
وصلتالخريطه مال كاع حي الجامعه
واخيرا
اي يمعود الا كتلهم راح اسحبها منكم
يله اشتغلوها النا
ورثت جگاره جهازي ضوه رساله من لميس تجاهلتها كمت لبشير دحگت بالحاسبه للخريطه حجيت
اي مثل مااريد طلع العمال خلي يخطوون
الخارطه ويبدون بالاساس
اي هي هم هيج
شلت السويج والجگاير
ها وين رايح
اكو بيت معروض بزيونه اريد اشوفه
سال
لقطه
اي بس خلي اشوفه واجيك وضعو
تمام بس لا يغلبوك
ههه منو يغلبون اني
ههه لا والله اني انغلب وانت لااا
ضحكت ومشيت من يمه طلعت رگبت
سيارتي شغلت مشيت مسافه فتحت
جهازي بشير اتصل فتحت الخط
هاا خير شبيك
ولك شلون نسيت اخلي الساتر بين الگاع
وبين بيت الحجي
ااي اعرف كل شغلك ناقص تعلمني
بيك
ههه دروح اخذ ساتر وخلي بين الكاع والبيت لان باجر راح يبدون الشغل
خلي هم يخلوه انا طالع بشغل
كلتهم كالو احنا نجي على شغلتنا ماعلينا
بهيج سوالف
طاح حظك وحظهم
ههه مقبوله منك ابو تاليا
دروح خلي ارتب الشغل
يله رايح
سديت الخط انداريت اريد ارجع للحي
الجامعه جهازي دك لميس
خليتها ادك الما فصل رجعت دكت
ولا اهتميت رسايل اجتي
مافتحتها ولا شفت
شنو هي
اخذت ساتر من محل مال انشائيه
وصلت وره ساعه من وره الازدحامات الي
تلعب النفس نزلت الغراض يم الكاع
انتبهت بيت الحجي
يشتغلون يم الحايط الثاني من جهه الشارع
اللخ ابنو طلع شايل مي شافني
سلمت
الله يساعدك
هلا اخ مالك
جاوبني تقدم عليه سلم باليد مد
ايده بالصينيه وكال
تفضل
اخذت كلاص مي وحجيت
جبت الساتر حتى اخلي بينا وبينكم
اي تسلم وبارك الله بيك هسه تخلي
اي والله لان باجر راح يطلعون العمال
هاا لازم نزله من السطح لجوه كاعكم
اي هو هم هيج
باوع لسطحهم وكمل
تفضل وياي خلي نزله من فوك لان تعرف
الحجي مايكدر يسوي وياي وانت
مو جايب احد وياك
لا اني اسوي وياك بس سويلي درب
ترخص وطب جوه رجع وكال
تفضل
شال وياي الغراض مشيت وراه الحديقه
جانت حلوة وكلها ورد وعمال
جاي يشتغلون بباب ثاني
تفضل مالك
طبيت من المطبخ المرة نفسها شفتها
سلمت
الله يساعدج خاله
هلا عيني تفضل
عيوني افترت باعجاب على البيت
اثاثه حلوة وانيقه كلش ونظيف الزرع بكل
مكان ويزهي لونه صعدت وره وسيم
للقاط الفوك بالصاله باب انفتح
طلعت نفس البنيه
اخوها خزرها طبت بسرعه ابتسمت
وي روحي
تفضل منا
ااي
صعدنا للسطح العالي اشتغل ويا سالت
لازم جاي تخلون باب ثاني
اي والله الحجي راد يخلي بذيج الجهه
حتى الباب الفتت منه يظل بس
للسياره
هاا زين ماسوه
هاي راح تثبت
اي تثبت لان براغي وشغل مرتب مو دك
بسامير
جاوبته ووخرت الادريل ضبطت الساتر ونزلنا
وكع بالكراج وكال
راح اشمره على الگاع
اي
كملنا لميت العده ونزلت وراه فتت من يم
غرفه بابها مفتوح شفت باالمرايه
صوره بنيه ماميزتها لان مشيت بسرعه
صوتها وصلني
اي ايهم جاايه
نزلت وراه وطلعنا بره شمرنا الساتر على
الگاع طلعت من يمهم شفت سياره
برادو سوده وحديثه واحد كاعد
بيها وسيم سلم
شلونك ايهم
نزل علي سلمت ومشيت من يمهم رتبت
الساتر وثگلته بالطابوق مشيت انفض ايدي
من التراب جانو بعدهم واكفين
يحجون صعدت سيارتي
شغلت باوعت بالمرايه بنيه طلعت لابسه
فستان مشجر جوه الرگبه وشعرها
هوسه بس حلو واحمر نار
وكفت صفح يم الولد
مبتسم وصافن عليها عرفتها العروس الشفتها
قبل فتره وهذا خطيبها حرگت وطلعت
بسيارتي
ليان
زوجنا تأجل للمرة الثانيه من ورة اخوه
ايهم لان ماكملو المعاملات مال ولدهم جانو
يدرسون هناك بتركيا ومااستلموهن
بوقتهن
ايهم ضاج وكال خلي نزوج لان ماظل عندي
صبر ابوه ماقبل ولا امه اني هم
ماقبلت لان ردت اخوته يحضرون هم وزوجاتهم تعرفت عليهم وحبيتهم كلش بنات
حبابات وينحبن
علاقتي صارت قويه بيهن بهل الشهرين
وصار بينا اتصالات ايهم حب
هذا الشي وظل يردد
هو منو المايحب ليونه خلقه واخلاق
اضحك علي لان يقلد امه وهو يضحك
ويجاوبني
تضحكين عليه
هههه لا والله بس صوتك مثل ماما من تحجي
جنت اسمي امه ماما لان حبيتها كلش
هي وافنان
اي اضحكي واني مشلوع گلبي
سكتت تنهد كام من الكرسي اجه ليمي ماوخرت
جنا بالمشتل بليل همس
تره تعبت
تنهدت وماجاوبت
تحسين بيه موو
عضييت شفتي هو ضحك
صرتي ورد جوري احمر
لزمت خدودي خله ايده على ايدي سحبها
بهدؤ باسها سحبتها منه حجيت
ايهم احنا بالمشتل
ذب حسرة وجاوب
ماكو احد الكل عزل وبطل يشتري زرع بس العبد الفقير يريد يشتري بوسه وصاحبتها
بخيله
كمت وهو وياي قريب مني شلت جنطتي
وحجيت
يله مانروح
تنهد وجاوب
اي نروح
طلعت انا ويا قفلت المشتل ركبت يمه حرك حجه
اكلج راح اخذ عشه وواتعشه يمكم شدكولين
لا ليش تاخذ تره اكو خير من الله
اعرف اكو خير من الله بس اجه براسي
اكل لفات صاج لحم شدكولين
براحتك
انتي مشتهيه شي
ااممم اكلك بس ماتضحك
ابتسم وجاوب
لااا مااضحك كولي
ههه اريد شعر بنات
صفن عليه وعلى شعري ضحكت وكملت
هااا لازم شفته بشعري
هههههه
خرب ضحك وكال
قريتي افكاري
هههه اي من نظرات عيونك قريت بشنو فكرت
اااجيبه الج وويا بوسه
اايهم
من خدج والله لو ايدج
سكتت مبتسمه وجاوبته ورة لحظه
صير عاقل
غير لو اكدر بيج كهرباء تجذب
هههه ديربالك خاف انتلك
مال عليه وجاوب
راضي اتكهرب والله الزميني خلي اشوف
خجلت منه وسكتت ضحك بصوت
وردد
ااعلمج ااعلمج
كافي ايهم
ههههه
ضحك بصوت وكف السياره نزل يم مطعم
حجه وياهم وتمشى ليم اسواق طلع وره
دقائق شايل شعر بنات اثنين
جابهن اليه وكال
واحد الج واحد لاختج خاف تغار منج
ابتسمت وجاوبته
شكرا
ادللي حب شعندي غير ام عيون حلوه
غمز ورجع للمطعم ظليت صافنه علي
واكف ويباوع عليه مبتسم
اخذ العشه ورجعنا
لبيت اهلي
طبيت اني ويا وكف بره رحت
بسرعه للمطبخ حجيت وي ماما
هلو ماما
هلا ليونه
خليت العشه على الميز
هاي شنو
لارا سالت
عشه ماما ايهم بره خلي افتح باب الاستقبال
ااني افتحه
اختي جاوبت مشت صحتها جانت لابسه
تراك ضيق كلش مفصل جسمها
مادارت بال
مشيت وراها فتحت الباب حجت
بضحك
تفضل ايهم
طب صافن عليها جانت وكفتها مو تمام
سانده روحها على الباب وتضحك اله نزل
راسه من شافني وهي سدت
الباب وحجت بنعوصه
بردت موو
اي عبالك برد الجو
انتبهت علي يباوع الها وينزل راسه
حجيت بهدؤ
لارا شوفي امي شتريد منج
شتريد هسه جنت يمها
خزرتها واشرت بعيوني على لبسها مادارت
بال كعدت اكباله وسالته
بله شجبت عشه
لفات صاج
جاوبتها ورحت كعدت يمه ابتسم اليه
حجه
وشعر بنات
الله جبتلي
اي هناك بالمطبخ خليته
شكراا ايهم
العفو
جاوب وظل يباوع عليه ابتسمت اله
سالت اختي واني ضايجه من تصرفاتها
وين بابا ووسيم
ماما طبت كعدت يمها
بابا ووسيم راحو بشغله هسه يجون
هاا
امي سالت
شلون الاهل ايهم
الحمد الله كلهم زينين ويسلمون
الله يسلمهم
لارا كامت شالت سله الجگليت قدمت
اله اخد وحده وثانيه وانطاها اليه
وااني
حجت بزعل باوع الها مد ايده وانطاها وحده
باوعت لماما عكدت حواجبها وحجت
لارا روح سوي زلاطه
مو هسه ماما بعد وكت
روحي هسه ابوج على جيه
طلعت كالبه الخلقه ماما انسحبت من يمنا
وعافتنا وحدنا حجه مبتسم
بس نزوج ااحبسج شهر بالبيت
صفنت علي مبتسمه كمل
شهر عسل بعد هم كولي شغل ومشتل
مو الزرع يموت خطيه
ههه عوفج منه اني الخطيه
نزلت راسي رفعه بايده صفنت بعيونه
حجه بصوت متغير
هذني شكاعد يسون بيه ليونه
لزمت ايده ورجعت ليوره تنهد وظل حابس
ايدي بين ايده ردد
احبج هوايه ليونه
جاوبت
واني هم ايهم
تعشه يمنا واسمعه يضحك ويشاقه وي
ابويه ووسيم ولارا تريد تصير محور الحديث وتحاول تجذب اهتمامه باي وسيله.. كرار صلاح قصص وروايات عراقية
يحجي وياها ويشاقه وهب تنطلق ويا تشوف نظره وسيم تسحب روحها وتسكت ظليت هيج عايشه ايام حلوه وكلها حب وي
ايهم الي يوم عن يوم يزيد حبي اله
اخوته كالو بعد عشره ايام نجي وصمم اشتري بدل عرس ماااجر اشتريت وحده تجنن تخبل تمارة وروان شافني بيها وظلن يرددن
وج ليونه عبالك انتي طالعه من مجله مال ازياء تخبلين وشكلج تحفه اوكفي خلي
اصور صورت كم صوره هي وتماره ماما كامت تبجي
من فرحتها بيه اخذت البدله والاكسسورات
ورجعت وي اخويه للبيت لان ايهم جان بالدوام
ايهم
اني بالدوام خابرتني لارا جاوبت
هلا لارا
سمعتها تبجي صحت بخوف
خير شبيج تبجي ااحجي ليان بيها شي
لاااا مابيها شي ااني البيه اني ايهم
سكتت وهي كملت ببجي
ايهم راح اموت عفيه الحك عليه
ولج شبيج ااحجي شصااير
مااكدر احجي بالتليفون اريد اشوفك
وين انتي
بالبيت بس موو هنا اريد احجي وياك
بره ايهم عفيه والله راح اسوي بروحي شي
اذا ماشفتك وحجيت الك الجاي
يصير بيه
عبالي صاير شي جبير بيها جاوبت
جاايج اني جايج
بيتك ايهم احجي اخذني لهناك راح
اطلع بره براس الشارع خابرني من توصل
تمام تمام
سديت الخط اخذت زمنيه وطلعت بسرعه
ركبت سيارتي ردت اخابر ليان
كلت لااا خلي افتهم شبيها وشصاير
يله اخابرها
وصلت خابرتها طلعت لراس الشارع اخذتها
وهي تبجي وتشهك سالت بقلق
فهميني شبيج وشصاير
ايهم جاااي اموت اني
سكتت وهي ظلت تبجي وتشهك كلشي ماافتهمت
منها كلت اوصلها لبيتي وبعدين
اجيب اختي افنان
تجي يمي وافتهم منها شبيها
وصلنا نزلت فتحت الباب طبينا
سوه وهي تبجي وتردد
ايهم تعبانه من الجاي يصير بيه
لارا ظلي هنا هسه اروح اجيب افنان واجي
لاااا ماريد احد يجي
بابا ماايصير وحدنا بالبيت هسه
اروح اجيبها واجي
لااا ايهم مااريد احد يسمع الي راح
احجي
صاحت اجتي بسرعه لزمتني من هدومي
ورددت بتوسل
مااريد احد يعرف اااني
وخرت منها رجعت ليوره سالت
انتي شنوو فهميني لاراا
تقدمت عليه جاوبت بدموع
اني احبك ايهم
فگيت عيوني رديت بذهول
انتي شنوو
ااحبك احبك ايهم واموت عليك
ووج شجاي تحجين انتي
اافهم اني احبك واموت عليك وراح اموت
اذا اخذت ليان
ولج اني رجل اختج
لااتحجي هيج مو رجلها ولا راح تصير
لارااا عيب هذا الحجي اصحي لروحج
وااعقلي
ايهم عوفك منها اسمعني هاي معقده وراح تعبك
اني احبك واموت عليك شوفني اني احلى منها بهوايه واصغر نزعت العبايه صفنت عليها لابسه فستان
ضيگ كلش ومو مستور تقدمت علي تبجي وتتوسل لزمتني من قميصي كملت بدموع
احبك ايهم واموت عليك
وخرتها جلبت بيه بقوه لزمتها من زندها
وحجيت بغضب
لاراا اصحي عيب الكاعد تسوي بااختج
موو اختي هي ولااريدها تاخذك ماراح
ترتاح وياها راح تعبك اختي بارده
ثلج مااتطيق احد يلزمها
مووو مثلي هي
اني احبك وااريدك ايهم اريدك
ااريدك افهمها عاد
جمدت بمكاني من السمعته ذبت روحها
عليه حظتني من خصري وهي
تبوس بركبتي وتردد
احبك واريدك
سحبت روحي اجتي لحظني بسرعه
جلبت برگبتي باستني منها
وحجت
ااريدك ايهم
مااعرف شصار دخت وگبت بيه حرارة
رجعت ليورة جلبت بيه ورفعت
روحها باستني من شفتي
ردت اوخر ابتعد منها بس من بدت تسوي حركات جريئه الشيطان صار بينا ونسيت نفسي وياها
سويت الي رادته واخذتها وخرت
منها واني مااعرف
شصار
لمت الجرجف على روحها حسيت على
روحي شسويت نمت وي اخت مرتي اخذتها
ونسيت نفسي وياها
كمت من يمها ارجف وصافن عليها
بذهول صحت مخنوك
ووج هاااي شسوينا
مااسوينا شي اني احبك وانت تحبني
لاادكول مااحسيت بشي وياي
شفتك شلون فقدت
عليه شفتك شسويت ايهم لادكول
بعدك تحب ليان
تخبلت اريد اشوف دربي ماكوو عميت
ضربت راسي بقوه واني اريد اذبح روحي
من السويته افتر يمها واني شبه فاقد للعقل
واكرر
ووج لييش انطيتني رووحج شسوويتي
بيه شجاابج عليه خرررب بيج خرب
بالساعه السوده من سمعتج
وجبتج هنا
وكفت لزمت راسي بايدي الاثنين
صخت بخبال
شسوووويت ولج شسووينا شراااح
اكول لليان ضااااعت
تخبلت وكمت اكسر بالاخشاب
صاحت بخوف رحت عليها جريتها
من الفراش صحت واني فاقد
وووج شسويتي بيه وووولج ليش لارااا
ليش واني زواجي من ليان بعد عشره
ايام
مااتزوجها مااتاخذها ايهم انت صرت اليه
واني الك
لزمتها هزيتها بعنف واني اردد بجنون
ووج ،،،، ضاااع كلشي وانتي
السبب ااانتي ياااكحبه يااساقطه
وكعتني وخليتني اخذج
ضربتها راجدي واللخ ردت اگبرها
ردت اموتها واموت روحي وياها لمت روحها
تبجي وتشهك
كوومي ولج ااطلعي من وجهي ااطلعي
راح اقتلج واقتل روحي وراج
كامت تستر بروحها كعدت بالگاع
صفنت بجمود عقلي ضرب كمت مااشوف اي
شي مااعرف شوكت طلعت من يمي
ضربت راسي اكثر من مرة
واني مامستوعب السويته صحت
بخبال واني ابجي
وولك ايهم شسووويت شلون نسيت
روحك وياها شلووون
ضااع كلشي ولك راحت ليان
من ايدك
