رواية لست غجرية الفصل الثاني عشر بقلم روز الحيدر
قرب يريد يرجع الكشن، وجهه صار بوجهي بلع ريگه
لمس شعري عيونه ضاعت بعيوني
نسر : عيونج
وردة : شبيهن؟
نسر : جسرات..
دفعته
وردة : شني ساباتك؟
هز إيده
نسر : اي هاي هيَ واحد از***من الثاني
وردة : شلونه اليخرخر اخلاق، صارلك ساعة مستغلني
1 تع
فتح عيونه بدهشة
نسر : هاااااا... اني مستغلج؟ ولج بيش ستغليتج؟
وردة : شفتني دخت كمت تحجي عيونج، وصفر وسور ودور
نسر : هاا مو انتِ لبديتي، غمازتك، وانتَ حلو
وردة : يعععع…اضحك عليك وينك وين الحلا لا تصدك
هزيت أيدي
وردة : صورة جرجوبة
نسر ابتسم نص ابتسامة، عيونه بيها لعب
نسر: يعني مو حلو؟
قرب أكثر شوي، نزل صوته
نسر: والله؟
وردة: اي
مد إيده بسرعة خربط شعري
نسر: إذا مو حلو ليش تتغزلين بيه؟
دفعت إيده
وردة: عوف شعريي!
ضحك
نسر: عصبية… واضح متأثرة
ضربته بخفة على كتفه
وردة: متأثرة من شنو؟ منك؟!
نسر: اي… ليش لا
وردة: لا والله… بس مضطرة أتحملك
نسر: مضطرة؟!
بظرت تحدي
نسر: ديري بالج لا تتعودين
وردة: على شنو أتعود؟
مد إيده مرة ثانية، حاول يخربط شعري
وردة: لاااا!
لزمت إيده بسرعة
وردة: اذا تعيدها… اكسرها
ضحك بصوت
نسر: كسري… أشوف
شديت إيده شوي، وهو تمثل بالألم
نسر: آآخ ولج صدك قوية!شنو هاي القوة خارقة
سكتت لحظة،بعدين دفعتة بخفة
وردة: تعوفنيي
ضحك وسند راسه على كشن
نسر: لا تخافين… بعدني عاقل
وردة: واضح!
نظرلي
نسر: لا… لو مو عاقل جان هسه الوضع غير
2 تع
سكتت والفار لعب بعبي …شنو يقصد بالوضع غير!
هو بسرعة غير الموضوع
نسر: يله… كعدي عدل خليني أرجع الكشن
وردة: لااا خليني هيج مرتاحة..
نسر : ليش نامي
خزرته احجي بگلبي
: عزاا هذا هم يريد يستغلني نوب يكلي نامي
هز راسه
نسر : خير ان شاءلله، يعني ستفرغتيها الحباية؟
وردة : اي يمكن بس مانتبهتلها.. وهذا الخدر لصار
يمكن بسبب اثرها
نسر : أممم
باوعت لمكان مگطوع، خفت أكثر اني شلون أمنت بي؟!
حكيت راسي
وردة : ااا.. عادي اتصل بـ باهر يجي؟
عقد حاجبه
نسر : شتاقيتي؟
وردة : لا..
نسر : شنو..لا؟
لفيت عليه
وردة :تريد الصدك؟
نسر :أي
وردة : خايفة منك
هدأت ملامحه فجأة،بنبرة بهدوء
نسر : وليش خايفة؟ نسر ما يأذي الوردة اللي بيده.
نزلت عيني
وردة : لأن وردة مامتعلمة تثق او تأمن بشر... طلعني
من هل مكان احس روحي تطلع
هز راسه
نسر : حقج... صار
شغل السيارة
نسر : بس رجعة لهناك ماترجعين
وردة : اييي لان عصافير بطني تصيح بسببك
فرغت معدتي
نسر :كلها تهون ولا سوايت سلطانة
ضحك، صعد السيارة على شبهه جبل ارض مرتفة
وبيها حديقة نزلنا، طلع جرجف ومخدة واكو بطانية
نسر : مرات شغلي يستوجب انام بالسيارة
هزيت راسي
اخذ الجرجف فرش على أرض وخليت الاكل بس
قبل مااكعد اخذت مي غسلت ايدي وجهي ورجعت
نسر : اشوفج صحيتي؟
وردة : اي الحمدلله
نسر :متأكدة؟
وردة : شكوو؟
نسر :هاي فرصة عندي هواي اسأله أريد تسولفيلي
فتح الاكل
نسر : تفضلي
وردة : عشت
نسر : عوافي
قدم البيتزا
نسر : اكليها قبل لتبرد
فتحتها مقطعة، وهو رتب الاكل وخلا كدامي
بدينا ناكل
وردة : امممم حبيت
بتسم
نسر : عافيات
سوالي لفه من اكله قدمها
نسر : ضوكي
اخذتها اكلتها، قدمت البيتزا
نسر : مااحبها
وردة : ااا.. ليش؟
نسر : احسها خبز وجبن
ضحكنا
وردة : اموت على جبن مالتها
اخذت قطعة قدمتها
وردة : أله تاكلها كلهاا
ضحك اخذها
نسر : امرنا لله
وردة : كلهااا
سواها لفه وعضها عضتين، ضحكت... صفن بوجهي
نسر : اي طلعتي مو غجرية
برطمت شفتي
وردة : طلعت الاسوء
نسر : منو يكول؟
وردة : لاتذكرني بقرفها خليني أكل
نسر : أمج؟
بحدية
وردة : لا تكول أمج.... أني أمي ميتة
نسر : تمام.. أهدي
تركت من أيدي
نسر : اعتذر والله.. كملي أكلج
وردة : نسدت نفسي
نسر : لا هيج تزعليني منج.. بروح بيبيتج أكلي
وردة : لا تكول أمج بعد.
هز راسه
نسر : غلطة ماتنعاد... بس أكلي
رجعت أكل وهو كل شوي يسوي لفات ويحلفني
أكلها بعد ماكملنا
نسر : هسه اريد چاي حتى تحلى السوالف
وردة : اي والله.. شتاقيت الچاي حبوبتي
نسر : الله يرحمها.. كومي خلي ندور چاي على
حطب
نهضت وشلت الفراش
وردة : حلو المكان هنا
نسر : امشي هسه.. شفت مكان يعجبج
وردة : وين؟
نسر : يله بس أعدل راسي بستكان چاي
مشينا للسيارة رجعنا الغراض وصعدنا...
وردة : نسر
لتفت
نسر : أمري
وردة : لو ترجعني.. خاف يدورون علية ومايلكوني
نسر : اذا ارجعج سلطانة تشوفج مابيج شي وماتأثرتي
احتمال تسوي أكثر.. حتى لو تبينين نفسج متأثرة ممكن
تستغلج شتسوين؟
تنهدت وسكت، سندت راسي على جامه، والدمعة صارت
بطرف عيني
نسر : لهذا الدرجة مزعوجة من وجودج وياي!؟ يعني
تفضلين ترجعنين وتعرفين كلش زين شنو نيتها وشنو
رادت تسوي
مسحت عيوني بسرعة ولفيت وجهي
وردة : لا وروح حبوبتي مو هذا قصدي.. موضايجة
بالعكس لولاك جان هسه سلطانة محققة أمنية عمرها
تكسر وردة
هز راسه، بحدية
نسر : ممكن افهم قصدج؟
نزلت راسي
وردة :مااريد أحملك مسؤوليتي، واخرب شغلك
انتَ، اجيت لهنا وعندك غاية مااريد تفشل بسببي
رفعت راسي له
وردة : ماعرف شكول اذا رجعت وسألوني وين جنتي؟
وباهر مااريدة يفكر بية بغير شي
نسر : ليش هيج مهتمه الباهر وتخافين شنو يفكر؟
ليش هو مافكر بيج؟ ليش اساساً مخليتله اهميه
سكتت، كمل كلامة بنفس الحدية
نسر : ما راح يخرب شغلي بسببج ولو صار ونكشفت
قبلها لاتخافين اكو خطة بديلة
وردة : اعتذر منك
عينه على طريقة رد
نسر : لاتعتذرين، كل ماتعتذرين تصخميها
فتحت عيوني
وردة : هااا اني؟ شمصخمه؟
نسر : وجهي
وردة : ها شوف مو اكلك مااريد احملك مسؤوليتي
عوفني اني اشد نفسي بنفسي
نسر : هاا واخليج بأيد سلطانة موو؟
وردة : لا اتزوج باهر واكعد وانجب.
ضرب الاستيرن بأيده
نسر : اي اي.. تزوجي حتى فندقكم على حسابي غرفة خمس انجوم بالسجن
1 ت
هز راسه وعينه على طريق
نسر : اي... تاخذون راحتكم عرسان
1 تع
وردة : أني و باهر ماعلينا بشي.
نسر : صمي حلكج لا اضربج ضرية افر راسج فر
قسم بالله أخري محلامح وجهج..
عفطت، وغلطت عليّ لزم بريك يمكن شلع التبليط
من القوة.. اني جمدت بمكاني اراقب حركته بخوف
لف علية وعيونه فاقعه من الجمجمة من الصدمة
نسر : شگلتي ولج؟
بلعت ريكي
وردة : يعني..
لزمني من اراسي من اسفل شعري غمضت عيوني
وردة : مو رجال وماعنده غيرة لي يمد أيده على
مراة
نسر : ولج هم حاسبة نفسج مراة؟
2 ت
فتحت تك عين اشوف وجهه ينضح نار من العصبية
وردة : انثى رقيقة
2 تع
هز راسي
نسر : انثى؟ ولج بس شكل انثى أما أفعالج افعال ولد
مامتربي
2 تع
شد بقوة
نسر : هذني شعرايتي؟ ضفيرتج تارسه أيدي
وردة : حباب لاااا
نسر : تغلطين بعد؟
وردة : لا بس لاتحجي وياي هيج واحترمك
نسر : شحجيت ولج؟
وردة : احس ركبتي نشنطت بس هدني حتى احجي
نسر : ماهدج له تكولين توبة ماغلط بعد
فتحت حلكي
وردة : اااا لا والله ماتوب اني لساني ماسيطر علية
يعني دوس بطني وتريدني اسكت؟.. لا والله اجذب
عليك انت كتلي اضربج واني اموت من رجال يرفع
أيده على مرأة
شد اقوى
نسر : تردين تزوجين باهر مو؟
وردة :لاااا يولي ..
عليك الله ولك ركبتي نشنطت
هدني، ودفع راسي بقوة
وردة : كون كسر
خزرني
وردة : مو عليك على كل واحد يعامل الانثى بقسوة
نسر : جري عدل
صميت حلكي، كمل طريق ماحجيت شي ابد راسي
على جامه عيني متروسه دمع..
خلاف حبوبتي صفيت
ضايعة، وكل شوية كافش شعري،.. صف يم واحد يبيع
چاي، نزل اخذ كلاصات ثنين ورجع..
نسر : نزلي.. عيني حقج وجودي كاتم على نفسج
نزلت بدون مااحجي، كعدت على رصيف وحضن رجلية
الصدري والچاي بصفي، حاولت أبجي بدون مايشوفني
نزلت راسي وأبجي بحركه گلبي..
واردد
: ليش عفيني مافكرتي وردة تضيع من دونج!
والله تعبت بغيابج.. حيلي نهد حبوبه .. صار بية
بغيابج ياهو اليجي ويضربني
1 تع
رفعت راسي على صوته
نسر : اعتذر
مسحت عيوني
وردة : لا تعتذر حقك.. أني مو مؤدبة بس مو ذنبي
لازم أكون هيج بيئتي المؤدبة وتستحي تنوكل بسهولة
كعد جنبي والچاي بأيده
نسر : ماتنلامين... بس مرات دوسين بالغلط
منزله راسي
وردة : اعتذر
نسر :ماعدنا بنية تغلط وتعفط
وردة :انتم ناس محترمين حرام تقارن نفسك
بية.... ان شاءلله اغير تصرفي وياك وانت كذلك
لا تحاول تتحكم بية
نسر : شمسوي؟
وردة : ولا شي
نسر : جوري..
صحت بقهر وامسح دموعي
وردة : كافي كتلك اعتذر، بس مااسمحلك تهيني
او تمد أيدك علية
نهضمت اكثر ورجف صوتي
وردة : شفتني ماعندي أحد ستكويت كل مرا تجر
شعري واني ساكته
2 تع
رفع حاحبه بدهشة
نسر : ساكته؟
وردة : اي ساكته
نسر : ولج كل كلمة تذبيها أكبر من راسج أول مرا
بحياتي اشوف بنية تغلط هيج غلط وتعفط!!
وردة : لا يعني... تضريني وابقى ساكته مادافع عن نفسي ؟ سويتلك؟ هي عفطه شنو نقصت رجولتك؟
1 تع
نسر : لحظة وين ضربتج بس حجيت يعني بس فكرت ماحس له...
سكت
وردة : هسه شتريد؟
نسر : ماريد عمي سلامتج. اني هم اعتذر
وردة : امم..واصل الراس الشارع
ضحك
نسر : شنوو؟
اخذته بأيدي
وردة :اييي.... زحمة الحياة مرَ والشراب مر!
تنهد
نسر : هم صح
شفطت الچاي شفط، نظرلي وضحك
نسر : وين الانوثة بالموضوع؟
2 ت
سكتت
نسر : اكلج شي
رفعت كتافي بحركة سريعة
وردة : بكيفك تريد تكول كول
نسر : شنو بعدج زعلانة؟
وردة : هئ.. بس احجي وياك باحترام
1 تع
ضحك وعض شفته
نسر : اسمعي... مره من المرات أبوي يسولفنا
بزيت الچاي من حلكي على ملابسه وغصيت
نهض بسرعة
1 تع
رفعت راسي
وردة : كول والله هيج سوت؟
نسر : دشوفي سويتي بية
وردة : يله هو چاي شامرة تيزاب!.. تعال كمل
رجع كعد
وردة : كول والله
نسر : أي والله ليش مستغربة؟ وللعلم أمي عدها
خوان لو تشكيلهم يكسرون ضهره
شفطت الچاي بصوت، ضحك
وردة : وبعد صار؟
نسر : من ذاك اليوم لليوم مارفع أيده عليها وكل ما
يذكرها يكول لو مشلولة ولا ضاربها.. يعني خلته يندم
طول عمره لان ضربها
وردة : امممم واني اكول عليمن طالع على ابوك عبالك
النسوان كلهن امك!
1 تع
نسر : لا عمي أمي ماكو مثلها، بس اكلج ماعدنا مرا
تتجاسر
وردة : الله يحفضها ألك.
نسر : مشكورة
وردة : لا تخليني بكف المقارنة ويا غيري...
تنهدت نزلت راسي
وردة : ألي يعيش بغابة يفرق عن الي يعيش بيئة
محمية
نسر : ان شاءلله تخلصين من هل غابة وتعيشين
مثل ماتردين
وردة : عود صدك؟
نسر : ليش لا!
وردة : ماعرف جنت اشوفها سهله هسه احس بخوف
نسر : مهما يكون الخارج خطر ماراح يكون اخطر من
الي عايشة بي
وردة : يمكن ماعرف الدنيا شضامة
كمل الچاي، نهض
نسر : كومي
نسر : أراضيج
وردة : مازعلت.. بس حسيت نفسي مكسورة ماحب
احد يقلل مني ويمد أيده علية
وردة : ردت تضربني!
نسر : لان ردتي تزوجين باهر
وردة : واذا تزوجته؟
نسر : مااسمحلج
عقدت حاجبي
وردة : ليش؟
نسر : لان باهر مو مثل ماتتصورين مايستاهلج
سكتنا. مد أيده
نسر : كووومي يله
خليت أيدي بأيده سحبني بقوة، ضحكت
نسر : امشي
وردة : وين؟
نسر : اششش... شكد تسألين
دخلنا للحديقة بيها مراجيح، ضحكت فلتت ايده
ركضت كعدت بيها وأضحك مرجحت نفسي بقوة
هو واكف يباوعلي من بعيد ومبتسم
صاح
نسر : ديربالج لاتوكعين
وردة : علية العين همالة؟!.. يمعود حتى الوكعة بيها
حلوة
ضحك تقرب، اشرتله
وردة : تعال هنا؟
نسر : لا فشله
وردة : حباب تعال
تقرب وضحك وهو يباوع للمرجوحه
نسر : خاف اكسرها
وردة : اذا كسراها نعوفها ونشرد
ضحك كعد
نسر : بسم الله
ميلت راسي
وردة : هاااا حلوة؟
نسر : هههه خايف اكسرها
وردة : لا تذب ثگلك كله عليها شوية شوية أستقر
نسر : تمام
وردة : اهزك؟
نسر : لا يمعودة ستري عليه الله يستر عليج
ضحكت ورجعت امرجح نفسي بنفسي والهوا بارد
يضرب وجهي
وردة : ويييييي هههههه
نسر : نتبهي يمعودة
وكفت وبقيت اهزها بخفه
نسر : اااخ لو يشوفوني
وردة : منو؟
نسر : اصدقائي الله وكيلج مانزل من حلكهم سنة
وردة : تلكه بنفسهم يصعدون بس يستحون
نسر : صح كل احنا داخلنا طفل..
نظرلي
نسر : وهسه شفت طفلة فرحت بيها
لتفت
وردة : وينها؟
ضحك
نسر : انتِ
تنهد
وردة : تعال خلي احجيلك
نسر : وين أجي؟
وردة : لا... يعني خلي فكرك وياي
بتسم
نسر : اممم.. وياج كولي
وردة : شوف اذكر جنت صغيرة كلش كلش يعني
بعمر سبع سنوات ماجنت اشوف المرجوحه له بالعيد
وتصير هوسه..
نسر : أي
وردة : شوف حبوبتي الله يرحمها ويوسع قبرها
1 ت
نسر : أمين
وردة :جانت تمشطلي ضفاير ثنين وتخليلي شكالات
شكل فراشه من امشي تكول طايرات لان بيهن سبرنك وتبدلي جانت دائماً تشتريلي ملابس بالعيد واطلع الزم
سرا على مرجوحه بحيث كل وقت لعيد بس حتى اصعد
بيها
نسر : دااتخيل شكلج
نهضت وكفت
وردة : شوف هيج جنت اوكف
خليت اصبعي بحلكي واهز بنفسي، رفع حواحبه
نسر : شنو هل برأءة فدوة لله.. ولا تكول العرمة
ضحكت ورجعت كعدت
وردة : والله جنت فقيرررة بشكل ماتتخيلة
نسر : هههههه طبعاً ماممكن اتخبلج أنتِ فقيرة!
وردة : أي والله حبابه وفقيرة وأسمع كلام حبوبتي
شنو تكول ماارفض جنت اخاف عليها..
نزلت راسي، وصوتي نكسر، ماتحملت بجيت
وردة : اخاف يجي يوم وأفقدها واجه هذا اليوم
ضميت وجهي وبجيت، اجه كعد كدامي
نسر : جوري... كافي
رفعت راسي
وردة : من فاركتها لليوم الدمعة مافاركت عيني
شهكت
وردة : من جانت موجودة ماابجي ومااهتم للي
يحجي علية... هسه مدري شجاني كرسني فراكها
مسح خدي
نسر : كافي الخاطري
مسحت دموعي
وردة : مشتاقتلها.. أخذني ألها
نسر : دنيا الليل ومايصلح دخلين المقبرة.. الصبح
اخذج
هزيت راسي
نسر : أمرجحج؟
وردة : لا أريد ازحليكه
ضحك
نسر : يله
نهضت لفيت عليه واني امسح ماتبقى من دمع بخدي
وردة : بس هاي لاتحسبها طلعة علية كتلي اخذج
المدينة ألعاب
نسر : بعيوني والله
وردة : رحم الله والديك
ضحك واني ركضت اكمز صعدت بالزحليكه ماتزحلكت
صحت
وردة : نسر عليك الله حباب تعال نطيني دفعة
نسر : هههه ولج هاي مالت صغار
صعد الدرجات ونطاني دفعة، طيرني لو عندي جناح
وردة : ووووي كتلك دفعني ماكتلك كسرني
نسر : على كيف دفعتج
عفتها ماصعدت بعد، شفت اكو لعبة حدايد والزم بيها
نسر : هاي ما ولد
وردة : مو تكول انتِ ولد بس تربيت شارع!.
نزل راسه وقرب خطوة
نسر : جوري قبل شوية قهرتيني
وردة : عادي.. عادي يمعود اشكال الكلام الي يسم
النفس سامعته بقت عليك!؟
1 تع
عفته ورحت لزمت بالحديد وامشي بس رجلي نازلات
بالهوا ، شفته نزعج من كلامج..
بتسمت وصحت
وردة : احب اشوفك ضايج
نسر : لأنج وحدة عرمة
وردة : هااا شوف أنت علت بية
نسر : لا وين اوصلج
وردة : تعال جرب هاي ألك
اجه صار مقابيلي بدون مايكمز لزم بالحديدة ومشى
قربلي
وردة : يااا شلون اعبر مو هيج امشي لوف
بتسم وعينه بعيني
نسر : بعقلي شي بس الله يعلم بي
وردة : شنو؟
نسر : هيج مو يمج.. يله نزلي
ترك الحديد ونزل للكاع، اني هم نزلت
وردة : وين؟
نسر : الجو برد كافي شوفي وخشمج صار احمر
وردة : لا زين بروده قليلة بس حلوة
تنهد
نسر : اي والله.. مال اتلفلف ونوم
وردة : تعبتك مو؟
نسر : لا أبد بس صدك بردت امشي نشرب شي دافي
ونكعد بالسيارة
مشيت صعدت وهو رجع جاب چاي وكرزات وكيك
وردة : شتسوي بي؟
نسر : ألي يسهر لازم ياكل
وردة : بيش الساعة؟
نسر : هستوها بالوحدة
قدم الچاي، اخذته تنهدت
وردة : برأيك شنو صاير هناك؟
نسر : تحبين اتصل باهر؟
وردة : هو ماتصل بيك؟
نسر : جؤ
وردة : لا عوفهم طبهم طوب
بتسم، وقدم قطعة كيك
نسر : بما ان الليل بعده بأوله وانتِ وعدتيني تحجين
قصتج ويا باهر
ضحكت
نسر : ها شو تضحكين!
وردة : أبجي؟
نسر : لا.. سمعتي اسمه تبسمتي
وردة : ذكرت اول مره شفته بيها
نسر : اممم هيج حلوة ذكرى خلتج تتبسمين مجرد
ماتذكرينها!
نظرته بأستغراب
وردة : شبيك؟ شفتهمت؟
نسر : لي فهمته مجرد ماذكرتي ضحكتي
وردة : هههههه ياااااا شبيك؟ واذا ضحكت!
رفع عينه بوجهي،مباشر وسأل
نسر : تحبين باهر؟
سكتت ثواني، هو منتظر جوابي بتركيز
! هزيت راسي بايجابية، رفعت عيني له
وردة : جنت... باهر أجه الحياتي مثل ماجنت راسمته
بخيالي شفته بالحقيقة نفسه باهر.
نزل عينه هز راسه
نسر : شلون بديتو؟
وردة : جنت صغير اصغر من هذا عمري ماعرف شنو
يعني حُب غير بس حُب حبوبتي
جان يوم ممطر الدرجة وحبوبتي مريضة.. طلعت
من دارنا أركض مرعوبة خايفة يصيرلها شي اريد
اروح الاهل سهام يساعدوني اخذها للطبيب..
طلعت من شارعنا بدون مالتفت واشوف شكو منا
ومنا
الدنيا تزخ مطر واني اركض مانتبهت له ضاربتني
سيارة كعدتني بالكاع..
ونزل منها ذاك الشاب.... طول وكاريزما وجمال واناقة شافني بالكاع لازمه رجلي ركضلي كعد كدامي اخذ
يريد يشوفها سحبتها بسرعة
وردة : لا عوفني
رفع عينه بوجهي صفن ثواني صحت
وردة : شبيك!!!
باهر : اخذج للطبيب؟
وردة : لا حباب تكدر تاخذ جدة مريضة
هز راسه
باهر : وينها؟
وردة : بالدار
باهر : كومي دليني.. تكدرين؟
هزيت راسي نهضت اكزل من رجلي صاح
باهر : تعاي صعدي
باهر : هااا اسف، اسف.. انتِ امشي واني الحكج
بالسيارة
مشيت وهو وراي وصلت للدار انكط ماي صحت
وردة : جدةةة جيت
لتفت لباهر
وردة : اتفضل
دخل للدار سلم ورحت كومت جدة هو اجه ساعدني
سندها بالكوة تمشي صعدها بالسيارة لتفت علية
باهر : هيج تبقين تتمرضين
وردة : مابية شي حباب بس اخذنا للطبيب
باهر : لاتخافين مابيها شي
صعدت يمها وطلع للمستشفى طول الطريق مانزل
عينه عني واني ابجي وابوس بجدة...
وصلنا وكمل كل اجرءات والفحوصات اجه يمي
باهر : شنو اسمج؟
وردة : ورد جوري
هز راسه
باهر : لازم احزر الاسم من الشكل
1 ت
بعدها جدة تحسنت وتشكرت منه هواي ورجعنا للدار
وصار يتردد علينا بحجت يطمأن على جدة لحد ماخله
جدة تحبه
وللصراحة اني هم حبيته لان شفت بي المواصفات الي
راسمتها بعقلي اتجاة شريكي... طلبني للزواج من جدة
وهي مو وافقت، لا.. كيفت لان شافت بي منقذ
واني هم وافقت وقررنا بعد اسبوع العقد فمرا لزم أيدي
وراد يبوسني ستفرغت مثل ماصار اول ماشفتك
نسر هز راسه
هنا جدة حجتله عن الي صار وياي وما جان عنده اعتراض
وقرر ياخذني برا هل قرية، رسمت ويا حياتي حتى دار للي نعيش بي وماجان يرفضلي طلب
واكبر غلط ممكن سويته بحياتي لما حجيت للي اعتبرها
اختي كلت تفرحلي شنو جان يصير اروح ملهوفة اسولفها
لحد ما صارت كل مايجي باهر هي لازم تكون موجودة
وصارت تسوي اشياء موحلوه كدامة
وللأمانة مايرفع عينه عليها
نسر : مثل شنو؟
وردة : تكعد وطلع رجليها، لو مره لبست كيمونه وبرموده وتكعدت تهفي بايدها تصيح
قلدتها
وردة : اوووييي حاررررة
نسر : وسويتي؟
وردة : ماسويت شي ابقى اباوع الباهر مدنك وهاي
عريانه على نص تحاول تغري مرات يعوفنا ويطلع
نسر : ماتغارين؟
وردة : ويعع اني اغار؟ لاا ابد مااغار من وحدة جدة
دائماً جانت تكول حبوبه اذا تغارين يعني عندي نقص
وحياتج مو كاملة لذلك تغارين... الحمدلله جانت عندي قناعة ولا زالت.
نسر : بعدين شلون كشفتيهم؟
وردة : اول شي رند صارت ماتحجي وياي بدون سبب
ولو رادت تحجي بس عن باهر، وأخر شي صارت تحجي
عن علامة بجسم باهر..يعني أني اكون حبيبته وخطيبته
وماعرف عنه شي ولا شايفه جسمه هي شلون شافت؟
نسر : سويتي؟
رفعت اكتافي
وردة : نسحبت بكل هدوء مو طبعي اتعارك على شخص
واكول لاا هذا الي.. جدة تكول لو ألج ومقسوم يعبر ابحر
وانهر وحبال ويصير ولو مو ألج لو تعاركين بأيدج ورجلج
مايصير دام الله ماكاتبة
وردة : خليته حاير بزمانه بس يريد يعرف السبب
برودي ورفضي أله
هز راسه
وردة : بس أخر شي صار الفيديو صارت حجتي اقوى
نسر : طلعت ماعرف شي عن أبهيرج.
وردة : هاي بختصار
سكتت
نسر : يعني...
رفع عينه بعيني
نسر : بعدج تحبي؟
مارديت بسرعة خليت عكسي ع تجوه لي بينا سندت
راسي على ايدي
وردة : مو حُب حبيبي... أحب اشوفه بخير ومامتأذي
هز راسه
نسر : ليش أكو احسن من هذا الحُب؟
وردة : لان أعرف باهر شكد يحبني . بس الي يغلط
وياي مره ماعندي خلك انطي فرصة.. وأنتظر يغلط
مره ثانية واعاتبة ماتسوه، خلاص غلط وياي بسرعة اخلي عليه علامة أكس وانسحب بهدوء حتى لو جنت
أحبه
1 تع
طلعت ضفيرتي من ورا ظهري صار طرف على تجوه
لزم طرفها يباوعلها وكال
وردة : اهااا شلون؟
رفع عينه بعيني بتسم
نسر : وحدة عرمة بس الله يكدرلها
رفعت حواجبي وبرطمت شفتي ضحك
نسر : وحدة مظلومة
وردة : اااخ گسرت گلبي
نسر : هههه وطفلة تحب الحياة وتبجي بسرعة
رمشت بعيوني بسرعة هو ضحك
نسر : وانثى جميلة واعية
عيني بعينه
وردة : وشو اكثر شخصية حسيتها حلوة؟
نسر : كلهن حلوات بس العرمة شوية متمردة
وردة : افضل
بعده ماهد طرف ضفيرتي
نسر : زين سؤال بس لاتضوجين؟
وردة : كول
نسر : المرأة
وردة : شبيها؟
نسر : ماتفكرين تتصلين بيها تعرفين ليش هيج سوت؟
وردة : هئ... ماتستاهل اوسخ الساني بذكرها واذ تسأل
ليش هيج سوت؟ واضحه اكيد واحد ميخاف الله ضحك
عليها بأسم الحب وهي مثل الحيوانة سلمت نفسها وهذا
اخذ لي يريدة وعافها.. ماصايرة؟ وانت بالشرطة وتعرف
وردة : ماعرف شلون ينجرن ورا شهوتهن وتالي يذبها
ويدوسها مثل الحشرة.. هم خانت أهلها وهم عاشرت
بالحرام
سكتت
وردة : غبيات عبالهن الحب بس...
نتبهت النفسي الي كاعد كدامي شاب، كل مرا انسى نفسي
واسولف وي البناات.. سكتت
نسر : هواي هيج بنات يرحون ضحية
وردة : ضحية؟ لا هاي غبية تتبع شهوتها حالها حال
الحيوانة والتيس الي وياها عقلة بـ
سكتت
نسر : اي وخاصه هسه دخلت الموبايلات المشاكل زادت
وكأن احنه ناقصين
نسر : بيوم شفتج؟
وردة : اممم
نسر : زين هسه… لو رجعلج؟
ضحكت بخفة
وردة : باهر؟
نسر : اي… وگالج ندمت
هزيت راسي
وردة :عاد هو ماراح حتى يرجع...و الندم مايصلح شي انكسر.
سكتنا لحظات،ترك ضفيرتي
نسر : جوري…
وردة : همم؟
نسر : تخافين تحبين مرة ثانية؟
3 تع
سكتت… هالسؤال مو سهل
وردة : ما أخاف من الحب… أخاف أختار الشخص
الغلط مرة ثانية
قرب شوية، بس بدون ما يتجاوز
نسر : مو كل الناس نفس الشي
وردة : أدري… بس مو كل مرة الحظ يساعد
نسر : مو حظ… اختيار
نظرتله باستغراب
وردة : يعني؟
نسر : يعني هالمرة تختارين بعقلج مو بس بگلبج
ابتسمت بخفة
وردة : واذا الگلب غلب؟
ضحك
نسر : نكسره ونرجعه لمكانه
لف جسمه سحب لغطا من الكشن الخلفي
واني نزلت الكشن.. نمت وفتحت ضفيرتي
نسر : ليش تفتحيها؟
وردة : مو ماانام له ادلك شعري حبوبتي
عودتني.. دائماً هيج تنيمني
فتحت شعري وغطاني بهدوء
نسر : هيج أحسن
ابتسمت بدون ما أحس
وردة : نسر؟
نسر : ها؟
وردة : انت شتريد مني؟
سكت لحظة… كأنه يفكر
نسر : أريدج تكونين بخير… واطلعج من القرية
وانفذ وصيت بيبيتج الله يرحمها والباقي بعدين
نزلت عيني، وابتسمت بخفة
وردة : جواب ذكي
نسر : لا… صادق
هم نزل الكشن ونسدح.. مديت كفي له
نسر : شنو؟
وردة : مفتاح السيارة
نسر : شتسوين بي؟
وردة : حتى ماتغير المكان وتخطفني واني نايمة.
نسر : يامكسور رگبة يخطفج يبتلي على عمره.. بعدين
على حورج؟
1 تع
وردة : أي طبعاً على حوري فديتي ورد جوري وين أكو
مني...يله جيب.
سحبه خلا بأيدي
نسر : هاااج
ضحكت واخذته
وردة : لا هنّاك
ضحك
وردة : غمض عيونك ودير وجهك
نسر : ليش؟
وردة : تيله تسأل على نغل منو ابو
2 تع
نسر : لا حول ولاقوة الابالله
لف وجهه على جهه الثانية
ضميت المفاتيح بصدري ونزلت شعري، ورجعت راسي
نسر : ضميتيهن؟
وردة : اهمم
نسر : خوش مكان دافنتهن... بدفو
وردة : وين؟
نظرلي
نسر : يم گلبج
عدلت ولفيت نفسي
وردة : لا تباوع هواي…عيب
ضحك بخفوت، بس نظرته ما انكسرت
نسر : عيب؟ لو لأن المكان…حساس؟
1 ت
سكتت، وشديت الغطا أكثر
وردة : نسر…
نسر : خوش مكان دافنتهن…مو أي واحد يوصل له
بلعت ريگي، ولفيت وجهي عنه
وردة : ماعليك نطمر
نسر عض شفته، وعينه نزلت ورجعت ببطء
نسر : المشكلة مو بالمفاتيح…
سكت لحظة
نسر : المشكلة بالمكان اللي اختارتيه
وردة : نام…
ما سكت، صوته صار أوطى
نسر : إذا كلشي مهم تحطينه يم گلبج...أخاف يجي
يوم أصير أغار من مكان المفاتيح
1 تع
سكتت… وماعرفت أرد
وردة : جؤ.. أبهر كسرة
1 ت
تنهد
نسر : اممم...أبهر
وردة : نسر…كافي لا تتمادى
ضحك بخفة، بس نبرته بعدها ثقيلة
نسر : ده أحاول ألزم نفسي..
سكت ثانية
نسر : لأن لو لا… جان طلبت أشيلهن بنفسي
تجمدت بمكاني،
وردة : راح انزل انام بالشارع... مو خلصت من
سلطانة اوكع بيد سلطان
لفيت ردت افتح الباب، لزم شعري
نسر : جذب ولج أشاقه وياج.. مونعسان واريد
اسولف
وردة : ولك شعررري يا***
هدني لفيت عليه، اكو علبة على دشبول يمكن معطر اخذتها
وردة : أفتح راسك نصين اذا تلزم شعري بعد فهمت
نسر : اني ***
وردة : لا تخرخر اخلاق...بنص الغجر ومسويلي روحك
شريف
1 تع
نصدم هز أيده
نسر : والله العظيم شاخطه ماكو عقل براسج
وردة : خليت العقل ألك يلفهيم...لو باقية يم باهر
ولا يمك
فتح عيونه
نسر : عمي سلام الله على عرمة ماتوصلج أنتِ عرمة
متطورة
رفعت حواجبي وضحكت بسخرية
وردة : اي طبعاً… وانت ملاك منزل من السما
نسر : لا…بس مو مثل ما تتخيلين
وردة : شنو؟ محترم؟!
نسر : اي…وياج غصباً عني
سكتت لحظة، وبعدين برطمت
وردة : لا تمن علية
نظر
نسر : مو منة … هذا واقع
قاطعني بسرعة
نسر : تضربين؟ اضربي، تغلطين؟ اغلط
سكتت نزلت أيدي
نسر : بس لا تخلطين…
رجع نظره ألي
نسر : بين واحد يريدج غلط.. وواحد دايخ شلون يقرب صح
حاولت أبين قوية
وردة : كلكم نفس الشي
هز راسه، ابتسم بس مو ضحك
نسر : لو نفس الشي…جان ما عفتج تگولين هالحچي
كله وتسكتين
تنهد
نسر : جان شفتي وجه ثاني
عيوني بعينه
وردة : ليش؟
نزل نظره لحظة، وبعدين رجع رفعه
نسر : لأنج تستفزين شي مو سهل ينضبط
تجمدت بمكاني
وردة : نسر…
نسر تنهد ولف وجهه
نسر : كافي… تعبت منج
نزلت راسي
نسر : نطمري.. واني نازل
رفعت راسي
وردة : وين تنطمر؟
نسر : ماانطمر ابقى كاعد
اخذ مبايله يريد ينزل
وردة : تعبتك و ضوجتك؟
بدون مايلف
نسر : مايتعبني... غير السانج الزفر
نزل وسد الباب، بهدوء
وردة : كلعت مردي ... والهوا شرچي
لفيت نفسي وحضنت أيدي الصدري بقيت كاعدة
أغفي، باوعتله يروح ويجي طلع مبايله، برطمت
: مسوي روحه شريف ابن الشريفة
نعست بس مو كادرة انام، خليت أيدي بشعري ادلك
وذكرت جدة وبجيت لحد ماعيوني ثكلت والنوم غلبني
حسيت لمست أيد ببطء بعدت شعري عن وجهي فتحت
عيوني ببطء..
نسر نايم بمكانه وجهه علية بعد شعري وهو يتأملني
بسرعة جفلت فتحت عيويني
وردة : وين اني...
نسر : أسم الله
فركت عيوني اصحصح باوعت للمكان نفسه الحمدلله
نسر : صباح الخير
وردة : صباح النور
فتحت الباب نزلت
نسر : وين؟
وردة : اغسل چهرتي
اخذت بطل ماي وسديت الباب رحت على صفحه
غسلت وجهي، نزل بأيده كلنكس.. بدون مايحجي
اخذته نشفت وجهي
نسر : يله نرجع
وردة : لا... اخذني للمقبرة أصبح على محبوبتي
هز راسه ومشى طلعت المفاتيح
وردة : هاك
لتفت اخذهن وكمل طريقة سمعته يتمتم
نسر : خوش نامن نومة.. نوب دافيات
6 تع
ماحجيت شي، نقهرت على نفسي الدنيا سوت بية!!
وخلتني يم هذا السربوت!
صعدت، شغل السيارة وتحرك... اني ساكته، صف يم
مطعم نزل جاب ريوك لفات وچاي قدم
1 تع
اخذتها
وردة : مشكور خوية
ضحك وهز راسه
نسر : شبيج؟
هزيت راسي، وبلكوة عضيتها وشربت چاي ماكلت
لگمتين وتركتها
نسر : كمليها
وردة : الحمدلله شبعت
نزلت ذبيت نفسي على ترابها
وردة : شنو ماشتاقيتي؟ وردتج نذلت بغيابج.. كافي
نوم تعبت اني مو كد الفراك...
أبوس بترابها وأبجي
وردة : ليش هيج تعوفيني؟ على اقل تعاي اخذيني
وياج ألمن باقية؟
نسر : كافي
كعد صار يقرأ قرآن، اخذت ماي سكيت الورد على
قبرها ورجعت كعدت بالكاع بس دموعي تنزل ونار
بصدري ماتبرد
كمل قرأ القرآن
وردة : مشكور لان كل ماتجي تقرالها.. أني ماعرف
نهض
نسر : يله كومي
لمست ترابها
وردة : حتى لو اروح أرجعلج يومية أجيج ماخليج
بست ترابها ونهضت
صعدت بالسيارة متوجهين للقرية
نسر : جوري، هل مره كدرتي تخلصين من سلطانة
مره ثانية ممكن تعيدها خليج نبهه
هزيت راسي
نسر : ممنوع تاكلين وتشربين يمها احتمال تخلي ألج
وانتِ ماتدرين
هزيت راسي ومارديت
نسر : واذا سألوج كليلهم مااذكر صار
وردة : نزلني هنا
نسر : ليش؟
وردة : مااريد باهر يشوفني وياك
نسر : امم... صح تتأذه مشاعره
ماعندي خلك اناقشة التزمت الصمت، صف على جهه فتحت الباب قبل ماانزل التفت
وردة : مشكور الله يجزيك على كد نيتك
نسر : دللي ماسويت شي هذا واجبي
وردة : مع سلامه
نزلت سديت الباب صاح
نسر : راح اتصل عليج خلي الخط مفتوح اريد
اسمعهم
هزيت راسي ومشيت كعدت بالمرجوحه هو راح..
اتصلت باهر
اول رنه رد بصوت ملهوف
باهر : جوووري.. وينج حبيبتي صاير وياج؟
ماعرف ليش نهضمت وصوتي طلع متكسر
وردة : تعالي
باهر : وين انتِ...
وردة : يم المحل الي بداية القرية
باهر : أجيت
سد الخط.. رجع اتصل نسر رديت
وردة : الو
نسر : تصلتي باهر؟
وردة : اي
نسر : خلي الخط مفتوح
وردة : تمام
كمت خليته بجيب البنطرون.. ماكو دقيقة واجت
سيارت باهر بس التراب وراها... من شافني نزل
بسرعة يركض حتى ماسد باب السيارة
باهر : جوووري
وكفت بسرعة حضني بقوة رفعني عن الكاع
نزلني يبعد شعري عن وجهي
باهر : والله عقلي طار خفت صاير وياج شي
سكتت، رفع وجهي بإديه
باهر : نبضي.. أحجي صاير وياج؟
وردة : ماعرف
بأستغراب
باهر : شلوون يعني متعرفين؟ ليش طلعتي؟
وين رحتي ليش ماتردين ع اتصالي؟
وردة : ماعرف كل الي اذكره راسي جان يوجعني
و.. وسلطانة كالت اني اجيبلج حب وجع راس
ينسيج الوجع
عقد حواجبه
باهر : ايي.. واخذتيهن؟
هزيت راسي
وردة : أي اخذتهن وبعدين ماحسيت على روحي
له بالشارع
سحب راسي الصدره ضمني بقوة
باهر : لاتخافين والله لندمها ألج
بعدت رفعت راسي له
وردة : ليش؟
باهر : ماكو شي لاتهتمين... هسه أنتِ زينة تحسين
بشي
وردة : اي زينة
طبع بوسه على جبيني، بعدت
باهر : يله امشي
مشيت صعدت بالسيارة ورجعني للدار.. نزلت
من السيارة وكلهن طلعن.. البنات ركضو يطمنون
عني اما سلطانة ورند واكفات يخزرن بية، باهر
شبك أيدي بإيده ومشينا
سلطانة : وين رحتي؟
نظرلها بحدية
باهر : حسابج وياي.. معليج بيها
رند : ها اخذوج ضحكو عليج؟
باهر اجه يردها لزمت أيده منعته
قربت عليها رغم تعبانه رديت
وردة : ليش هيج سوو وياج؟
خنست، تعديتها ورحت للغرفة،سمعت
باهر :خلوها ترتاح.
سمعت صوت الباب طلعو، تأكدت من الفلوس
والذهب بعدهن بمكانهن.. دك باب الغرفة
باهر : حبيبتي
وردة : تعال... صاير مؤدب دك الباب بعد ماجنت
تجفت للدار
دخل يضحك
باهر : أحترم وضع مدللتي
وردة : اممم.. راحوا؟
بتسم
باهر : اي كلهم بس اني وياج وثالث الشيطان
وردة : اعوذ بالله منك انت الشيطان بذاتك
باهر :معقول مثلي شيطان؟
وردة : اممم... هو هم حلو مثلك
عيونه ضاقت
باهر : هم؟
رفعت عيني إله بثبات
وردة : اي… بس الفرق… هو ما يخون
تقدم خطوة
باهر : قصدج تقارنيني؟
وردة : لا… المقارنة ظلم... لأن ماكو مقارنة أصلاً
حاول يضحك بس ما ضبطت
باهر : انت ليش معقدتها؟
ضحكت
وردة : اني؟ لو انت الي خرب كلشي؟
رفع صوته شوي
باهر : كلتلج أكو سبب!
وردة : وكلتلك… السبب ما يبرر الخيانة قصص ماي هوبس
باهر : جوووري لا تخليني أندم...
رفعت حاجبي بتحدي
وردة : تندم؟ لو تخاف؟
باهر : الاثنين.. خاف احجي واندم... وأخاف اسكت واخسرج
وردة : احجي
سكت وطول سكوته ماراد يحجي
لزمت الفلوس اشرت عليهن
وردة : شعجب ماسألتني منين؟
نزل راسه
باهر : أعرف بدون سؤال
فتحت عيوني قربت
وردة : يعني تعرف باهاي القذرة تكون أمي؟
رفع راسه مصدوم
باهر : ليش عرفتي؟ شلون؟
صحت
وردة : ليش انتَ تعرف؟ من شوكت ؟!
قرب لزمني من اكتافي هاول يهديني بعدته
وردة : أحجي..
باهر : اهدي حتى تسمعيني للأخير
وردة : هاديةةة احجي
باهر : أي اعرف
وردة : يمتى عرفت؟
باهر : يعني.. هواي صار..
وردة : منو كلك؟
نزل راسه
باهر : رند
فتحت عيوني
وردة : عشيقتك تعرف؟ شلوون؟
بلع ريكه بصعوبه
باهر : حطتني بين خيارين... واحد أوصخ من الثاني
سكت ثواني.. لزمت راسي من الصدمه
ياهر :طلبت اما ****** لو تجي تحجيلج الحقيقة
