رواية قيود العوف الفصل الثاني عشر بقلم ريتا
و صَوت النواعِي يلوحّنِي و يلّتم بيديّه
الصَوت بي ريحَة عيوني
و بَي هَلي
و وَحشة مِسية
هَلي يامَن ضيّعوني .
شبابات صوتوا دوسوا علىٰ النجمَة 🤏🏻
<_______________________>
صافنَة بالزواية وصَوت القران الي تخلل صُوتَه مسَامعِي
الصَوت الي يغذينَي وتَرتاح اله روحِي بين كلَمات الله وصَوت القارئ
العَذب بكُل كلمَة بالقرآن يرتاح قلبي وتهدأ روحِي بيَها
وصل القارئ بسورة القصص الىٰ اية
(وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ )
تلقائياً لگيت نفسَي مبتسَمة ابتسامة واسَعة وروحي هادئة وكأنما
چان لازم أسمعها لازم تتسلسل الىٰ مسامعي هذي الاية وهذي الكلمَات
انتبهت علىٰ لون الأثاث كله لون بيجَي عقدت حاجبي وضحكت معقولة هَو مختار الألوان وبهلدقة والترتيب ؟
فززتنَي رغد من اجتي گعدت يمَي وضربت بأيدها علىٰ رجلي واني فزيت وگلت
-جُمان: يييمة اااخخ
-رغد: ياااا فلك طرني نسيت جسمج مورم
مسحت علىٰ رجلي وگالت
-رغد: داهية براسك قاسم سودة عليه نسيت
-جُمان: ههههههههه عاادي راح الوجع بس من الحركة اذتني
-رغد: مااا تنعاد وروح حبوبتي جميلة
اثنينة باوعنة علىٰ الحجية مثل عادتها چانت گاعدة تسبَح بالسبحَة
قلصت عيونها وباوعت لرغد وگالت
-جميلة: ولچ أنتِ ليش تحلفين بروحي چذب
-رغد: اااافا عليج انه احلف بروحچ چذب هاي روحچ العزيزة عندي احلف بيها چذب امدااننييي اذا صدگ
-جميلة: شسولف وياچ اخوج قويسم
-رغد: وشبي قويسم عيني جميلة
-جميلة: لا والنعم يمة منه وليدي هذا
علىٰ طاريهم يمة شو ماكو مالهم حَس ؟
-رغد: عندهم شغل حبوبة
أنتبهت الها تحچي بالمبَطن وما تريد تجيب طَاري شغلهم ولا تسَولف بيه بسرعة غيرت الموضوع ودخلت بموضوع ثاني وي الحجيَة
ماا اللومهم شيعرفون عني انعم الله عليَهم ومدخليني بيَتهم وجايبين اهلهم يمَي غيرهم مايسَويهاا
اتنهدت بحسَرة وعضيت شفتي وين ما اكون احَس هذا مو مكاني
وهذا الجو مو جَوي ولا النَاس ناسِي حتىٰ لو مابدر منَهم شيء غلط
بس هذا الاحسَاس مايعوفني
لأن جبَت عمري كُله عيَني بعين امَي وما چان عنَدي كثرة إفراط بالعلاقات الاجتماعية ولا الجو المُزدحم بين الجامعة والناس الي امَي ومنَار
باوعَت الهن چانت رغد بحَضن الحجية وتسَولف ويَاها
عقدت حاجبي واستغربت ما فتحوا وياي الموضوع غير مَرة وحدة
وچان كلام الحجية بس حتىٰ رغد ما جربت تحجي وياي بيَه ولا تفتحة
ولا حتىٰ استفسرت عنَه اخذت نفَس بيَه راحة هذا الشيء هم خفف عنَي وخلاني أتخطىٰ الرد عن الاسئلة والمواقف المُحرجة والمؤذية الي صارت الي بَهذاك المكان
اندگ البَاب وگالت رغد
-رغد: هذا لو قاسم لو عَوف
-جميلة: گومي يمَة فتحي الباب
گامت فتحتَة واجاهَا صوت قاسَم دخل وسَلم علىٰ الحجية وسَلم عليه وگال
-قاسم: خوية شلون صرتي ؟
اتلبكت بالكلام ورديت واني خجلانة
-جُمان: الحم ... الحمدلله احسن
-قاسم: الحمدلله اخذتي العلاج عَوف گال لا تنسَاه تاخَذة ورة
كل وجبة حتىٰ يلتَم جرحها هيچ گال اله الدكتور
ابتسمَت وگلتلة
-جُمان: اي اخذته خَوية
باوع لرغد وگال الها
-قاسم: المن اخذتي شهادتج ما تشتغلين
-رغد: اهووو هم رجع فتح الموضوع
-قاسم: يعني درستي هاي السنين كلها وتاليها تضمينها بالكنتور !
-رغد: ماا اريد اشتغل ماا الي خلگ
-قاسم: الشغل يغسل همومَج
-رغد: شنو حمام لو شغل
-قاسم: من تشتغلين تنسَين تلتهيَن بشغلج مايبقىٰ وقت تفكرين بيه
چان يحچي ويَاها ويحاول يقنعها وهَي رافضة رفض تام وبَس فتح الموضوع وياها تأزمت حالتهَا بسَرعة بس عقدت حاجبي من گال الها
-قاسم: موتي روحج وأبقي بين اربع حيطان وخلي التفكير ياكلج هيچ ما تنسين ولا يصير براسج خير
-رغد: اهوو ينراد الك گلب ميَت أنتَ
-قاسم: رغد لشَوكت
-رغد: صوتك يلعب النفَس ماجاي اتحملة تدري
-قاسم: ترحيلة فدوه
سكتت ودارت وجهَة عنَه ظل يبَاوع الها وساكت
حسَيت عندهم موضوع عائلي ومديگدرون يحچون بيَه واني بنصَهم گمت وگلت الهم
-جُمان: اني اترخص
-جميلة: وين يمة
-جُمان: تعبانة شويَة بيبي اريد ارتاح
ابتسمت الي وهزت راسَها دخلت الغرفة واتمَددت
زفرت وگلت لازم احاچيَه علمود امَي اني لازم اشوفها
علىٰ الاقل اسمَع صوتها وأعرف اخبارها اووووووووف لشوكت ياربي
شَوي وسَمعت صوتَهم صار عَالي وچانَت رغد تعيَط وتحچي
-رغد: ماااا ارييييددد گلتلك مااا ارييييييييددد
-قاسم: شبيچ كاتلة روحج عليَه بس هَو الرجال الوحيد الي بالدنيا
كفخج تكفخ وذلج ذل شوفي حالج موگفة حياتج كلها علمودة
عاطت بيَه وگالت
-رغد: اااااانه موووو علمووووودة موو علمودة انه مالي نفس اشتغل ولا اشوف ناس ماااا اريد اشوف رياجيل گداميييي تلعب نفسسسسيييي منهمممم ماااا اريييييد خليني بين اربع حياطين احسن اليييي
غمضت عيَوني واتنهدت اكيد عندها شيء صاير ويَاها قوي
لدرجة واصلة لهايَة المرحلة بس شنو الي صايَر ويَاها وصايرة هيچ
چان اكو دفتر بالغرفة ويمَة قلم اشتَهت نفسي اكتب شيء هههههههه والله وكت چنت لعبانة نفسَي من الكتاب وماا اريد اقرة شيء من التراكمات والامتحانات وهسَة رجلي اخذتني علىٰ الدفتر حتى اكتب بيَه شيء
فتحتَة چان فارغ فرحت همزيين اخذت القلَم وبَديت اكتب بيَه
لكيت نفَسي كاتبَة كُل شيء صار اليَ هنَاك علىٰ كُل كلمَة چنت محتاجة احجيها بس خجلي وترددي منعنَي علىٰ كُل موقَف من افكر بيَه بيني وبيَن نفسي انهضم شلون من احچي لأحد
أكتب ودمَوعي تنَزل علىٰ خدَي وتحرگني مثَل الجمر كُل موقف يأذيني اكتبَة واشهگ بيَه من وجعه ومرارتَه
شگد عنَدنا كلام نحتاج نحچي بس ما نگدر لأن المفروض ما ينحچَي
بس تريد تحچَي لأن بَاقي مثَل العظَم بالبلعَوم
لو تطلعَة وتتحمَل وجَع طلعَتة لو تبلَعة وهَم تتحمَل وجعَه
بالحالتيَن أكو وجَع وبالاختياريَن أكو نغَزة وتوجَع حيَل
أصعب شَيء يمَر علىٰ الإنسان إنه يضَطر يعيَش حزنه لوحَدة ومحَد يشاركة بيَه ولا يطبَطب علىٰ ظهرَة ويگُلة ميَخالف راح تعَدي
كلام بسَيط بس أثرة عظَيم أثر الكلمة يبقىٰ للأبد ماينسَي وخصَوصًا بالمواقَف الي نحتَاج بيَها ولو كلمَة بسيَطة تهَدي من الضَجة الي صايرة بداخلَك
من هَوسة الأحداث من وجَع الفقدان من حسَرة الوحَدة من شهگة التعَب الي تطَلع وتشَگ صَدرك شهگة تحمل كُل شيء مؤذي اتحملَتة النفَس
بالحَياة وبَظل الظروف الي نواجهَة بيَها مسَتحيل الأنسان يگدر يواجهَة لوحَدة مهَما كانت طَاقة الأنسان قَوية لكن تَجي فتَرة وتنتهي وتضَعف طاقتة بيَها
الأنسان لو يمتَلك صَديق واحَد حقَيقي وواضح يكفيَه ويغنيَه علىٰ مجموعة من الأصدقاء يكتفَي بيَه وبصَداقَتة تشكَي الي صَار الك ويهَونهَا
ويشَكي الك الي صَار اله وتطبطب عليَه وتهونهَا وتستمَر الحياة بالمثَل
لكن بالنهَاية أكو مَن تروح الَه وانتَ حامل هموم الدنيَا علىٰ كتفَك وترجَع اخف منَك ماكو
اخذت نفَس وسَديت الدفتَر ومسَحت دمَوعي الدمَوع الي صَارت روتيَن بوضَعي غمَضت عيَوني وحَطيت راسَي بين رجَلية صَافنة باللا شيء
فززنَي صوت البَاب من فتحتَة رغد دخلت وگالت
-رغد: جُمان حبيبتي ليش گاعدة وحَدج هنا ؟
ابتسَمت الها وجاوبتَها
-جُمان: ردت ارتَاح شَوية واتمدد
-رغد: ولچ انه گلت بيَها شيء صار الج ساعَات هنَا حبوبتَي خافت عليچ گالت روحي شَوفيها شصار بيَها تعَالي يمَنا شَوي
ابتسَمت الها وگمَت خلَيت الدفتر علىٰ الچربايَة وطلعت ويَاها
لگيتهم گاعديَن كُلهم بالصَالة وحَاطين كليچة وعصَير وكرزات
وعَوف بأيدة اوراق ويكتَب ويحچي ويَ قاسَم
سلمَت عليَهم وصاحتَني الحجية گالت
-جميلة: يمَة تعاي يمَي گعدي
ضحكتلها ورحت گعدت يمَها اجت رغد بأيدها گلاصات تخوصرت وگالت
-رغد: هااا شنو انوخذ مكاني
ضحكت الحجية واشرتلها من الجهة الثانيَة وطبطب علىٰ الگاع وگالت الها
-جميلة: مكانج يمَي يمة ما يتغير
-قاسم: كليچة تمر وعصير اليَوم مو يطگنا سهال اليوم يطگنا ابو سهيلان
ضحكنا اني والحجية اله عَوف چان يبَاوعلة بنَص عين وعاقد النونَة ورغد گالبَة وجهة عليَه رجع گال قاسم
-قاسم: شو رغد صايرة حمَوضة
-رغد: يمتىٰ تفك مني ؟
-قاسم: چا المن انطي وجهي اذا افك منج
-رغد: انطيي للطلييييان انطيييي للصخول بـس فكنييي يييمة
-قاسم: شقصدج الگاعدين صخول وطليان حتىٰ ادور وجهي منج وانطي الهم ؟
باوع للحجية وگال
-قاسم: حجية سوتج صخلة هَاي
رفعت عكازتهَا وضربَته بيها علىٰ أيدة وگالتلَة
-جميلة: ولك قويسم يمتىٰ تعوف الفرخة
-قاسم: هاي مابيَج حيل وطگتج توجع لو بيج حيل تكسريني
-جميلة: عوفها ولك عوفها لحد ما الله يهديها
تخوصرت رغد وگالت
-رغد: چا اانة مسودنة ويهديني حبوبة اجيتي تكحلينها عميتيها
-قاسم: حجية ماتريد رجل هاي شتحَطلها وتطيَب
گالت تعَال يمي تدنَة يمي اجة يمَها وحطَت حلگها بذانة عود تحچي علىٰ كيف واحنَة كلنا سمعناها تگلة
-جميلة: يااع يمة هو الرجل ينراد بالبرد چذابة اخيتك
طگها قاسم بضحكة وضحكنا ويَاه اله عَوف چان لازم الاوراق وصَافن بيهن وسَاعة يعقد حواجبَة سَاعة يلَوي شفتة ويمَشي القلم عليَها
چانت تلقائياً تجي عيَني عليَه ليش مديضحك ؟ واصلاً مو ويَاهم ولا يم السَوالف شنو هايَة الاورق الي عندَة
گام واخذ الاوراق ويَاه وفات للغرفة عقد حاجبي .. شنو شغلهم هذول مسحت وجهي بإيدية وگلت اني شعليَه
چانوا يضحكون رغد وقاسم گالت الهم الحجية
-جميلة: عليمن تضحكون وين سمعتوا
-رغد: حبوبة انتِ ماتسمعين عبالج تحچين بصوت ناصَي ماتدرين حتىٰ الجيران سمعتج
-قاسم: خل يسمعون هسة ياهو مهتملج
-رغد: لا تشاقيني روحي طالعة
-قاسم: گومي حجية
-جميلة: وين يمة
-قاسم: نرجع روح رغد الطالعة
-رغد: ماكو هيچ بشر حموضة يااااااااا الله
-قاسم: وعلي لعبان نفَس
-رغد: بصغرك راضع ليمون بالممات بدال الحليب
-قاسم: شنسوي بوكتي الحصار كتلنا
-رغد: هو هذا الفگر
-قاسم: راح اشيل الرتبة من علىٰ چتفي واعلگها بالباب بعد
-رغد: حتى الكليچة وغفت علىٰ صدري من وراك
-قاسم: والله الگعدة وياج تسد النفس زر*** بالوضعية
-رغد: گوم مناااا جعصت راسييييييي
گام وگال
-قاسم: انتهت حلولي الأمر متروك للن*** منا ورايح
گرصتة وهو ضحك وطلع
-جميلة: شمالكم جهال يمة
-رغد: حبوبة يدوس بالبطن
صرت احَوس واني بمكااانييي اريد احچي وياه اريد اگلة يوديني لأمي علىٰ الاقل بس اشَوفها صار الي اسبَوع اني هنا وكُل ما احچي ويَاه يگُلي سهلة بسيطة محلولة ان شاء الله
بس لشوكت طفت روحي واريد اسمَع صوت امي لو اشوف وجهة
گلت بعد مابيَها مجال وهايَة فرصة موجود صار اسبَوع مداشَوفة بس يتصل علىٰ رغد ويحاچي الحجية ميوصل بس اليَوم اجه
اتنهدت واخذت نفسسسسس وگمت فركت ايديَة وحچيت
-جُمان: اريد احچي وية عَوف عن امي
-رغد: بالغرفة موجود جُمان
هزيت راسَي ورحَت
دگيت البَاب وگال اتفضل
دخلَت عليه چان گاعد بالگاع والاوراق موزعهن علىٰ كل مكان ويمَة لابتوبين وموبايلات عقدت حاجبي وبقيت صافنة هاي شكو ؟
طگ اصبعَة وباوعتَلة وگال
-عَوف: اي ؟
-جُمان: اريد اشوف امي
جاوبنَي وهو يشتغل باللابتوب وگال
-عَوف: تشوفينها ليش مستعجلة
رديت عليَه واحس نار شبَت براسي من برودة
-جُمان: مستعجلة ؟ اشهررررر انييي ماشايفة امي ومسامعة صوتها وتگُلي مستعجلة !!!!
لوىٰ شفتة وگال
-عَوف: ليش تصيحين ؟
-جُمان: مداصيح
-عَوف: يعني هذا صوتج الطبيعي ؟
-جُمان: غمضت عيوني واتنهدت اني وين وهَوة ويَن
رجع گال
-عَوف: مابقىٰ شيء گتلج سهَلة
-جُمان: اريد اسمع صوتها علىٰ الاقل بس صوتها
نكت الاوراق من أيدة وگام تقرب صار قريب مني دنگ الي وعيَونة بعيَوني وگال
-عَوف: تدرين هاي الغرفة من افوتها محد يفوت وراي بعد ؟
صرت ارمش بسَرعة اتوترت من قربة بلعت ريگ وبقيت ارمش واني ساكتة مجاوبتة
-عَوف: ومن اشتغل الإبرة ماا اريدها تطيح بالگاع لأن اسمعها من الهدوء وصارلج سَاعة واگفة تصيَحين علىٰ راسَي شتردين بالضبط ؟
حطيت عيَني بعينَة وگلت اله
-جُمان: اريد امي وديني الهااا
رفع اصبَعة بوجهي وگال
-شوفي أكثر شيء اكرهة بالحياة الملحَة لا تلحيين لأن راح تضوجيني وراح تشوفين شيء مايعجبج ياجُمان افتهمتي ؟
-جُمان: مدالح داگُلك رجعني بلهبسَاطة رجعنييي مالك علاقة بيَه بعد حتىٰ لو يخطفونييييي رجعنييييي اريييد امييي انييي !!!
ضرب الميز برجلة واني نزيت من مكاني وگال بعصبيَة
-عَوف: لو حاچي وي الحايط چاااااااان افتهمممم وانتِ مَا تفتهمييييين
عجيييييييييييببببب ليشششش تلحيييييينننن
دمعت عيَوني واشر بصبَعة علىٰ الباب وگال
-عَوف: امششششييي طلعييي برااااا
