رواية زوج اختي والماضي الفصل الثاني عشر بقلم مجهول
راح دخل جوه المطبخ وادعي بقلبي صدك تغير مثل مكالت انفال وره فترة قصيرة اذن كمنا صلينا كلنا بالهول هالمرة
مرحت فوك اصلي مثل كل مرة
اخذت الاحتياط اخاف يطلع جاي يمثل ويظم مكايد بداخله تجاهي وتجاه هند ويحاول ينتقم منه الله اعلم
بعد هو مبي ذره أمان
كملنا الصلاة مدوا السفرة وحدة بالاستقبال كلها كعدت سوه نسوان وزلم واني مامتعودة اكعد اكل على سفرة وحدة
وي زلم غربة وحتلوه أقارب
ياربي شلون هسه اكل ؟ اجت كعدت
بصفي سارة همست
سارة _ حب ادري بيك تستحي فـكومي خل ناكل بالمطبخ
زهراء _ لا عيب نكوم بعد شيكولون
سارة _ بكيفج بعد
زهراء _ ايي عيب ماكوم أنتِ ابقي يمي فدوة
سارة _ باقيه قلبي
فرحت من اجت كعدت بصفي وكبالي اجه كعد حمزة بلعت ريجي شلون اكل هو كبالي كاعد بالشوا اكل وأني اكل
شوي شوي من الخجل رفعت عيني باوعت
على حمزة هو جان يباوعلي من شافني اباوعله نزل
عينه وصار ياكل كلت بيني وبين نفسي
_ ربي بس لا دا يمثل هو إنسان صالح صاير
كملت اكل قبل الكل كمت وصاحت بي ام سيف
ام سيف _ وين كايمة كملي اكل
زهراء _ بالعافية خالو شبعت
ام سيف _ شبسرعة كملتي وأنتِ شكلتي اكعدي
وكملي لا تخجلي احنا اهل
زهراء _ الحمدالله شبعت قابل ليش استحي ماكو احد غريب
ام سيف _ براحتج بنيتي
رحت عالصالة اغسل نزل من فوك الدرج رامي
من شافني أبتسم وكال
رامي _ هاا زهورة
زهراء _ هاا رامي ليش منزلت اكلت عالسفرة
رامي _ مالي نفس والله
زهراء _ خير اخاف بيك شي
رامي _ مابي شي بس هذا طبعي ما اكل هواي مو
تشوفين جني ابو بريص من الضعف ههههه
زهراء _ هههه والله عندك سوالف رامي
رامي _ اكلج زهراء شوكت تخلصين من الحوزة
زهراء _ يمكن بشهر شعبان نبلش امتحانات ان شاءالله
رامي _ ان شاء الله هي بس سنتين مو
زهراء _ ايي
رامي _ اقريلي قصيدة
زهراء _ استحي
رامي _ شنو تستحين أنتِ مو ملاية راح تصيرين !
زهراء _والله اعرف بس مكدر ارد كبال أحد
رامي _ يابه حاولي تغيري اطباعج علمود
تنجحي بشغلة مو تفشلي
زهراء _ ان شاء الله اغير
حمزة _ ابو طبع مايغير طبعة غير الجفن عاد زهراء
ماتتغير لو شيصير لا تحاول تنصح
زهراء بسرعة التفتت بس سمعت صوت حمزة يرد على رامي وكع قلبي بين رجليه من الخوف
رامي _ وليش ؟
حمزة _ اعرفها شنو
بلعت ريجي هو اجه بتجاه المغسلة خليت المنشفة
بمكانها ومشيت كم خطوة
حمزة _ صدك زهراء شخبار هند ؟
زهراء _ الحمدالله
حمزة _ شبيج مرتعبة شفتي شبح شي هنا ؟
زهراء _ مامرتعبة
رامي _ صح مرتعبة صوتج تغير خير شبيج ؟
زهراء _ غلطانين بس صوتي بح
حمزة _ عندج بحه من تخجلي تطلع وتخرب الصوت مو
رامي _ وين اكو هيج
حمزة فتح المي وكام يغسل وكال "
اكو هواي عالم هيج رامي ...
تكدري تمشي زهراء
مشيت ميته من الخوف صدك ارتعبت من شفته اجه وراي مباشرة هذا شبسرعة ياكل دخلت جوه كعدت
عالكرويتة دخل حمزة
كعد على الكرسي اخذ الريمونت وكام يقلب بالقنوات التلفزيون عافة على قناة كربلاءاستغرب هذا صاير متدين لو شنو ؟ لا يالكعبة هذا صدك متغير هو من شوكت يتابع قنوات دينية من يوم يوما اغاني مسلسلات تركية مدبلجة بالعربية
افلام اجنبية وغيرها اليوم صدك شفت التغير عليه
صح متطابق مثل مكالت انفال
كلها كامت من السفرة كمت ساعدت البنات بالشغل غسلنا الماعين اني وسارة رشا جهزت روحها تريد تروح البيت
أهلها كملنا غسل ماعين دخل رامي
رامي _ تروحون بالليل للمول
سارة _ ايي والله نروح
رامي _ زهراء هم تروحين ويانه
زهراء _ والله مدري بكيف حسين وامي غير
رامي _ اذا يرحون لبيت أهل ريتاج ماراح
تكدرون تروحون للمول
زهراء _ يلا خيرها بغيرها
رامي _ اي والله خل نروح العصر نفتر شتكولون
سارة _ وانطيهم علم وخل نطلع فدوة
دخلت ريتاج وكالت "
نطلع ليش لا والعصر قبل الآذان
نروح البيت أهلي
رامي _ عفيه ريتاج
سارة _ هم تجين ويانه ؟
ريتاج _ لعد ربي واحد ما اجي
سارة _ كلت اخاف متطلع بدون رجلها
ريتاج _ حسين أكيد جاي ويانه
رامي _ بعد احسن يجي رجلج وياج
ريتاج _ كملتوا غسل الماعين
زهراء _ ايي كملنا
ريتاج _ امشي لعد خل ننام تعبانة أكيد
زهراء _ اي والله تعبانة كلش
رحت نمت وي ريتاج بغرفة الوحدنا وامي وبيبي وام سيف ناموا بالهول الدنيا ظهر جانت بس الجو حلو جان لأن بنهاية شهر الثالث كعدت من النوم لكيت ريتاج دا
تبدل باوعتلي بضحكة
ريتاج _ عدلي نفسج علمود نروح نفتر شوي
زهراء _ ان شاء الله
كمت وكفت كدام المراية خليت مرطب الوجهي ...
ريتاج _ هههه غسلي بلآول يمعودة
زهراء _ مبي حيل اغسل
ريتاج _ شكد عجوزية هههه
زهراء _ حيل والله العجز كاتلني
ريتاج _ حت لبسي عباية ؟
زهراء _ طبعاً حـ لبس
ريتاج _ عبالي مراح تلبسي
زهراء باوعتلها صفح مستغربه "
و ليش مراح البس شيختلف
عن هناك وهنا
ريتاج _ مايختلف شي
زهراء _ لعد اسكتي
ريتاج _ براحتج عيني أني نازلة تعالي وراي
زهراء _ ماشي
طلعت سدت الباب وراها عدلت الحجاب رشيت عطر جنت جايبته وياي اخذت العباية منفوك الطبلة جانت موجودة بالغرفة طولها متر مصنوعة من كزاز
بنص مخلين مزهرية مالت ورد باللون الأبيض والذهبي حلوة جانت الغرفة بيها جرباية وكنتور ماعرف هاي لمن
الغرفة المهم لبست العباية وطلعت
امشي بالصالة صار كبالي حمزة يخابر من شافني كال
حمزة _ بعدين اخابرك باي
نزل الموبايل سد الخط باوعلي "
واني امشي بتجاهه هو هم يمشي
بتجاهي خفت حيل منه
صار كبالي بعد مترتين ماعرف وين انطي وجي وين اروح بروحي هذا يباوعلي ويضحك
حمزة _ امج تريدج جوه
زهراء _ هاا
حمزة _ لا تخافين ماكو شي حمزة القديم مات وهذا احد ثاني
زهراء بلعت ريجي ماعرف ليش مدا اصدك بي
مرديت ردت اكمل طريقي وكال
حمزة _ أسف
زهراء وكفت. مصدومه آول مرة بحياته يكول كلمة أسف وانوب لمنو لي أني مصدك بقيت اباوعله بصدمه !؟
حمزة _ زهراء شبيج مصدومه
زهراء طلعت من شرودي "
شتكول ؟!
حمزة _ أسف على كلشي سويته وياكم بالماضي أنتِ وهند
زهراء _ احلف بغلات امك ماعندك شي ... ودا
تكول الحقيقة أنت تغيرت
حمزة _ هه ماتصدكين إلا احلف
زهراء _ حتلوه تحلف ماصدك بيك
حمزة _ ماعرف شلون اخليج تصدكي أني
تغيرت وبطلت سوالف مكسرة
زهراء _ وأني هم معرف شلون اصدك بيك
حمزة _ راح تصدكي بي مع مرور الأيام القادمة زهورة
غمزلي عين ومشى بطريقة بقيت اباوعله من
يمشي التفت بضحكة وكال
حمزة _ ادري بروحي حلو ههههه
بعدت انظاري عنه كملت طريقي مصدومه احجي وي روحي طول الطريق مصدك بي والله يجذب هذا يتغير بهل السهولة ويتنازل ؟ لا مستحيل اني اعرفه
شنو ومنو حمزة ! والغمزة شنو معناها ؟ هذا اكبر كذاب لا تصدكين بي زهراء ديري بالج منه ذئب متربص مايتأمله هذا
نزلت جوه رحت دخلت بالاستقبال جان موجود حسين امي وبيبي سارة رامي ام سيف انفال
بيبي _ هاا زهورة
زهراء _ ايي بيبي
بيبي _ نمتي
زهراء _ ايي وهسه كعدت
بيبي _ يلا روحي وي اخوج ومرته افتروا
زهراء _ ان شاءالله
طلعنا بره فتح الباب رامي طلعنا بره بالشارع صرنا اجه محمد صاعد بموطور أحمر من طراز الحديث لابس جان تيشيرت
نص اردان زيتوني وبنطرون أسود
وكف كبالنا وكال
_ السلام عليكم
ردوا عليه _ وعليكم السلام
محمد _ شلونك حسين
حسين _ زين الحمدالله وانت شلونك
محمد _ على الله شلونج ريتاج أخبارج
ريتاج _ الحمدالله زينه انت شلونك أخبارك وين ماوين
محمد._زين وين قابل من الأستوديو التصوير للبيت
وهسه اجيت على حمزاوي
ريتاج _ لعد وين تروح
محمد _ قابل اطير للمريخ ههههه
ريتاج _ ههههه
زهراء شفت اخوي ضاج كلش من حجت ويا ريتاج وضحكت بالشارع وجه صار أحمر مايتفسر رامي
لاحظ عليه وكال
رامي _ ديلا عاد امشي وفضنه
محمد _ أسف على الازعاج وكفتكم بالشارع
حسين _ ماكو أي إزعاج عزيزي
محمد._ في امان الله
_ الله وياك
رامي _ لحظة حمودي وين تروح أنت وحمزة ؟
محمد شغل الموطور وكال بضحكة "
وأنت شعليك زعطوط
رامي _ منو زعطوط ولك
محمد _ اكو غيرك زعطوط
حرك شكد ...فرحت من حرك وراح وكف كبال البيت ينتظر حمزة بره بالشارع واحنا نمشي بالمنطقة حلوة جانت
كلش المنطقة وناس طالعة تتمشى
واللبس غير شكل هنا اغلبية حجاب ماكو واللبس حالهن حال الولد احنا .. هناك بالنجف ماكو هيج أبد كلها عبي لواللبس مستور وطويل هنا _وين بابا تركيا !
صايرة بالعراق ومندري شنو احنا متفونين بالحياة ؟
وصلنا للسوق جان قريب عن بيتهم حسين كال اخذوا ليعجبكم ماخذت غير شالين واحد لي واحد لهنودي دومي اذكرها وتذكرت أمي وعمتي كلت خل اجيبلهم
شي وياي مبي حيل
اخذتلهم شيشه عطر لوحدة سعرها ٥ ألف حسين اخذ البيبي عطر غالي بسعر ٢٥ ألف يمه هنا المحلات نار شكد
غالية سارة كالت
سارة _ لو ندخل للمول المنصور نار جهنم لأسعارعدهم
رامي _ اي والله المول كلش غالي
ريتاج _ غالي بس البضاعة حلوة
رامي _ والله ماكو فرق عن المحلات بس هناك بشكل حلوة ومعدلات ماكو فرق ترى بس الأسعار هنا رخيص
وهناك غالي
سارة _ ابد مامغلوبة أني
رامي _ نغطيت بقميص ٣٠ ألف واجيت هنا لكيته ب ١٠ ألف والله
حسين _ هههه عادي يمعود لا تنقهر كلها تنغط
ريتاج _ هههه حيل وأبو زايدك بيك
سارة _ جنت ويا بوكتها هو اللوكي كام يتلوك كبال
صديقاتي واخذه عود ثكيل
رامي _ انجبي ولج
زهراء _ هههههه
خربنه ضحك عليهم طول الطريق يتناكرون وهاي سارة مخلت شي ....لما طلعته على رامي هو فطير خطيه بس يضحك
بعده صغير شكد احبهم توأم يخبلون
يكولون البنية ولولد مايتوالمون ويتفاركون من يكبرون هذولة واحد لازك بالثاني مايتفاركون ولو لحظة وحدة احبهم كلش
هل الاثنين مثل ما هم يحبوني
هند "اجت علية اخذتني فاطمة نزور الأمام بس معرف ليش ؟ اجت اخذتني جان تكدر تروح وي زوجها عباس جايبة
الجهال كالت أبقى على العشة
رحنا سوه نمشي بحضني سجى وبايدها علي مكاوته وسألتها..
هند _ فاطمة عليج الله اكو شي ؟
باوعتلي بحزن
فاطمة _ اي طبعا اكو شي لعد عليش اجيت عليج
هند _ شكو
فاطمة _ خل نزور بلآول واحجيلج كلشي ماشي
هند _ ماشي
وصلنا للأمام زرنا دعيت إلي والزهراء الله يزول عنه كول الهموم والمشاكل ويفتح الطريق الحلو بوجهنا لأن كول
البواب مسددة على كولت أمي وعمتي
حتى القسمة مالتنا مسدودة عبالك مسوين عمل شيطاني اعوذ بالله طلعنا .... من الامام كعدنا بالصحن كاعدة
كبالي وتمضحك سجى بحضني
ابتسمت _ فطوم شكو ولج
فاطمة _ سويت لج والزهراء مال فتح قسمة
هند _ مفهمت ؟
فاطمة _ مسوين عمل شيطاني الجن ومتفون بالمقبرة اعوذ بالله من هذني أمهات السحورة وخربات البيوت
هند_ الله ياخذهن ان شاءالله
فاطمة_ اللهم أمين يارب العالمين
هند _ هاي شوكت سويتي ومنو كالج عليه مسويلي سحر ؟
فاطمة _ علوية يمنه مجربة وحجيها مضبوط والله كل مرة اروحلها وصار أسبوع وثلاث أيام من رحتلها
هند _ ايي
فاطمة _وسوت الجن كم دعاء تسبحن بي وتزورن الأمام العباس عليه السلام لأن سببجن بي
هند_(ع) اموت واعرف منو هاي ؟
فاطمة _ خيه معروفة منو
هند _منو ؟
فاطمة _ واضحة مثل عين الشمس شيضمها أم فتول
أم السحورة على كولت بيبي
هند _ أم حازم مرت ابوج !
فاطمة _ لعد منو يكرهكم ويضدكم ماكو غيرها هي ماتريد الخير لكم والله وحدة حية الله ياخذ ها ان شاءالله تبين حوبتجن بعزيز قلبها ناخيه أبو الحسنين عليها
وان شاء الله ياخذ حيفجن منها
هند _ ان شاء الله.. الله ينتقم منها ماتخاف من الله
تعمل اعمال شيطانية أعوذ بالله
فاطمة _ هي سوت سحر أسود لابوي واخذته من أمي وخلته مايدير عين لاولادة هاي تردينها تخاف من الله هاي شيطان بعينه أعوذ بالله منها ومن أمثالها
هند _ تفوو ابد بعد ما أمن بيها ولا اكل واشرب يم
بيت عمي توبه والله توبه
فاطمة _ديروا بالكم منها والله تدمركم هي كعدت حسين جانت مسويتله عمل وسادة قسمتة والحمدالله بس سويتله مال فتح قسمة يم هاي العلوية خلال عشرة أيام خطب
والحمدالله هسه ازوج واستقر
هند _ عود صدك جان ارفض فكرة الزواج وبهاي
الفترة بسرعة قبل بدون تردد
فاطمة _ شعبالج هند السحورة تدمر بني أدم الله
يجيرنة منهن ان شاءالله
هند _ ايي والله
ورة ربع ساعة رجعنا عالبيت امي مسويه العشة كعدنا نحجي بالمطبخ لمة فاتت زهورة عابتلها اشتاقيتلها
كوماات برغم الصبح راحت
بالليل ورة العشة كمت بعد ما اجه عباس ياخذ فاطمة رحت كعدت بالغرفة امي فوك الجرباية بايدي التلفون
دكيت على زهراء انتظرها ترد
زهراء كملنا العشة صدك خجلت مناك اخوان ريتاج دك التلفون رفعته شفت هند المتصل مكدر ارد عليهاكبالهم ف انطيتها رفض
خليت الموبايل على الصامت قتربت مني
ريتاج وكال بهمس
ريتاج _ منو دك ؟
زهراء _ هند
ريتاج _ خطيه مشتاقتلج تلكيها
زهراء _ ايي
رجعنا على بيت ابو سيف على الساعة بال ١٠ بالليل سيف ورشا بايتين بيت أهل رشا حمزة ماكو طالع وي محمد رامي نايم هو وسارة من وقت لأن عدهم دوام
رحت كعدت يم انفال بالمطبخ جانت دا تسوي اكل لروحها طماطة ولحم واكفه عالطباخ
زهراء _ مامتعشية اليهساج ؟
انفال _ ماشتهيت اكل على العشة اشو هسه اشتهيت
طماطة ولحم عود اكلي وياي
زهراء_ تريدين الصدك ميته من الجوع
انفال _ ادري بيج تستحين تاكلين لذالك
حسبت حسابج وياي
زهراء_ فدوة اخيتي
كملت الطماطة خلتها بالصينيه كمت صبيت الجاي ونزلت الخبز كعدنا بالكاع ناكل جانت اكو مدة مفروشة بصف الكاونتر
كملنا أكل كمت غسلت الماعين
انفال _ تنامين
زهراء _ ايي والله نعسانة
انفال _ تعالي نامي عندي بالغرفة
زهراء _ لاا ما انام عندج اروح انام يم أهلي
انفال _ براحتج
رحت كعدت بالغرفة بيها كنتور وبوفيه فارشين بيها فراش بيبي نامت قبل لكول وامي كاعدة تحجي هي وام سيف
بموضوع أني مهتميت رحت بفراشي
كعدت. اراسل هند على الفيس بوك تذكرت معندي الرقم السري مال الراوتر ندك الباب الغرفة
صاحت ام سيف _ منو
حمزة _ اني يمة
ام سيف _ دخل يمة اجيت
فتح الباب ودخل من عتبة الباب كال
حمزة _ اي يمة اجيت خالتي تسلم عليج وتكول
خل تتصل بي هسه
ام سيف _ الله يسلمها خير شعدها ؟
حمزة _ والله مكالت شتريد خابريها واعرفي شتريد منج
امي _ حاجيتي هند ؟
زهراء _ لا والله بعدني
امي _ شعجب
زهراء _ معندي الإنترنيت والرصيد متهيه المدة مالته
امي _ غير تكولين معندج رصيد
زهراء _ والله مدري لأن ما احجي بالخط هسه يلا دريت
امي _ اخذي تلفوني حاجيها بي
حمزة _ ليش مدخلولج رقم السري
زهراء _ لاا
دخل جوه وكال "
انطيني الموبايل خل ادخلج الرقم
كمت انطيته اله _ تفضل
أخذه وانظاري عالكاع سجل الرقم وكال
_ صعد الإنترنيت تفضلي
اخذت التلفون _ شكراً
حمزة _ العفو .. تردون شي
ام سيف _ سلامتك يمه روح نام وراك كعدة الصبح
حمزة _ تصبحون على خير
_ وانت من أهل
طلع سد .... الباب وراه كعدت بفراشي اشتميت ريحة طيبة وقوية كلش شتميت ريحة الموبايل جانت ريحة عطره
خررب لعد شكد يصرف عطر هذا
حتى الغرفة صارت كلها ريحته ضحكت امه
_ اووف حمزة دوما يخلص شيشة العطر من يطلع هههه
امي _ عطره قوي ترس الغرفة
ام سيف _ هذا هو من يوم يوما يحب العطر القوي
بقوا يحجون عليه وعلى بطولاته واني اتذكر كل بطولاته من أيام الجامعة شلون جان نذل وقليل الأخلاق وامه تكول ماكو منه ومن اخلاقة ذره مالت ذهب
حمزة وابد مايكسر بكلمتي من بين أخوته هم كالت انفال هواي يحب امه ويحسبالها ألف حساب راسلت هند
_ مساء الورد هنودي
شافت ومردت علية ضحكت
_ ههه زعلانة العوبة
_ هنودي زعلانة لا تزعلي حبي مو بقصدي أرفض
المكالمة والله جنت كاعدة يم أهل
ريتاج عاد ردت
_ اي زعلانة بس هسه عذرتج شلونج شخبارج
_ الحمدالله بخير ...وأنتِ شلونج
_ زينة ولج عندي أخبار لج حارة ناار .
_ أخبار حارة ناار شنو هاي ؟
_ تعالي عود واكولج هسه مو وكتها
_ ماشي
_ صدك شخبار حمزاوي ؟
_ ماتصدكي صاير ملاك
_ لا تكذبي
_ والله العظيم مجاي اكذب يتعامل وياي كني وحدة من اخواته
_ نزل عليه الوحي
_ يمكن ههههه
_ تصدكي بي هذا أكبر محتال هسه تلكي ملاك
وساعة شيطان ديري بالج تأمني
_ لا ما أمن بس متغير حتى انفال تكول
_مدري بعد بس لدري بي واحد حيوان
_ احبج والله
_ عزززة بعينج خجلتيني
_ من شوكت تخجل هنودي
_ من هسه مشتاقتلج كوماات ونبي
_ أني هم والله
_ تعرفي منو جان عدنا اليوم على العشة
_منو ؟
_ أختج فاطمة وجهالها
_ شعجب اجت
_ شنو شعجب ضايجة ورحنا أني وياها للامام
زرنا وسولفنا شوي
_ اي شكو بيها
ثاني يوم الصبح كعدت على صوت الموبايل جنت ضابطة المنبه علمود اكعد على الصلاة الفجر كعدت بيبي وأمي كمنا رحنا توضينا ورجعنا نصلي
انتظرت أمي كملت صلاة وصليت وراها كملت الصلاة امي لافة راسها ونايمة هههه شبسرعة نامت بيبي بعدها تصلي
رحت كعدت بفراشي
مايجيني نوم كملت بيبي عافت المصلاية فوك
الطبلة اجت تمددت بفراشها
_ ماتنامين
_هسه أنام
نامت انطتني .ظهرها تمددت بفراشي ايد عيوني افتح مايجيني نوم شسوي قابل كعدت قبل أمي وبيبي على صوت انفال رحت عليها لكيتها بالمطبخ دا تسوي ريوك
_صباح الخير
_صباح النور كاعدة قبل الكل
_اي والله مانمت بعد وره الصلاة
_ هاا تعالي اكعدي خل اسويلج ريوك وي حمزة
_ إكعدي أنتِ أني اسوي الريوك
_لا وين اكعد
لزمتها من اكتوفها كعدتها على الكرسي
_ أني راح اسوي وين بيج حيل بطنج واصلة خشمج
_واذا ..
_ اششش خل أشوف شغلي
_ هههه شوفي شغلج يابه
خدرت الجاي وكمت اطك بيض سمحت صوت
حمزة خل للمطبخ
حمزة _صباح الخير هاي منو دا يسوي الريوك
انفال _ صباح النور زهورة منو
التفتت سحب الكرسي وكعد كبال انفال وصار كبالي تماما
زهراء_صباح النور
حمزة _ صار الريوك
زهراء _ بعد
انفال _ هههه جوعان
حمزة _اي والله جوعان
انفال _ هسه زهورة تكمل وتاكل
حمزة _ اممم نتظرها
زهراء توترت خررب هاي شلون ورطة اسوي ريوك
الحمزة هو كامت انفال اجت لعندي
انفال _ انطيني أني اوديله أدري بيج تستحين
زهراء _ ماشي
قدمت الأكل اله كام ياكل عالسريع
انفال كعدت كباله تاكل _تعالي اكلي زهورة
زهراء _ بعدين اكل وي بيبي
حمزة _ اكعدي اكلي ويانه
زهراء _بالعافية اكلوا انتو اني بعدين اكل
حمزة _ براحتج
بقيت .....واكفه بصف الطباخ انتظره يكمل ويكوم يطلع كمل طلع الموبايل وصار يلعب بي كعدت سارة ورامي
وأبو سيف دخلوا للمطبخ كعدوا
_صباح الخير
_صباح النور
أبو سيف _ هاا يابه زهراء كاعدة
زهراء _ متعودة اكعد من وقت
أبو سيف _ عفيه عليج معدلة بعد عمج
خجلت ضحك حمزة ورامي وسارة خجلت
حيل ويلي حتى مرديت
أبو سيف _ شبيكم تتمضحكون
حمزة _ مو وياك يابة
سارة _ ماكو شي بابا
رامي _ وين أمي خل تسوي الريوك راح نتأخر على الدوام
حمزة _ أني اخذكم وياي عالدوام
سارة _ الخط شنو شغلة
حمزة _ اذا تأخرتوا قصدي
رامي _ مراح نتأخر
سارة _ خل اكوم اكعدها
زهراء _ إكعدي أني أسوي بدالها خطيه تكعدوها
انفال_ وأني هم اساعدج
زهراء _ مو اكول إكعدي أنتِ أني أسوي هو شنو قابل
أبو سيف _ سباعية زهورة
زهراء ..كمت اسوي الريوك وتجي سارة تقدم بس هذا حمزة بقى لازك بمكانه يمكن ما ناوي يكوم الحمدالله كام طلع ارتاحيت بهالحظة لأن يباوع
طلب مني اكعد أكل وياهم أبو سيف ماكسرت كلامه
كعدت اكلت وياهم دخل حمزة
حمزة _ انفال تعالي
انفال _ جايه
بقيت احجي وي أبو سيف إنسان كلش طيب ياريت لو حمزة ماخذ شوي من اطباعه الحلوة والحميدة كمل وطلع
طلعوا وراه رامي وسارة كعدوا
اهلي وام سيف حمزة راح على الدوام بيت سيف اجوي ماراحت على الدوام مرته هو راح على شغله عندة
محل مال مواد كهربائية
رجعنا عالبيت يفرحتي راح ارجع لبيتي ولهند ام خبالات وصلنا عالبيت عالساعة بال ١٠للعصر اجت هند علية اخذتها ورحنا نزور للأمام شكد مشتاقتلها عبالك مو يوم كامل عفتها سنوات
كعدنا نحجي وي بعض بالصحن حجتلي عن سوالف خالتي مرت أبوي بالسحورة وشلون مسويتلنا سحر
انصدمت من سمعت بهذا الحجي
لأن صدك هند أي شخص يحاول يقترب منها تتخبل وأني كذالك من أسمع بطاري الزواج اتخبل والصدمه الاكبر الي
صارت من كالت جانت
مسويه سحر الحسين منقبل شكد كرهتها والله برغم هي جانت مكروهة وحقيرة بس كلت عادي تبقى زوجت أبوي ولازم احترمها لخاطر والدي
بس هيه لاا مستحيل اتقبلها بعد وراح اكرهها ومصدك بيها ولا أكل وشرب يمها كالت هند من نروح للبيت
اجيبلج الأغراض سويهن
جاي نحاول نمشي تونه ردنا نكوم اجه شخص كعد كبالنا متخفي الشكل قميص رصاصي بنطرون اسود
لابس شفقة سودة كمادة سودة
بس عيونة مبينه زرقة ...
ريان _ السلام عليكم
هند_ عززة العزاك دا تسوي هنا امشي كوم ولك كووم
زهراء _ ريان شسوي جاي ؟
ريان _ اشش مناك العالم جيت احجي وي هند
هند _ كومي زهراء معندي شي احجي ويا كومي
ريان _ اكعدي هند ولا تختبرين صبري
زهراء _ عيب عليك تكعد بنص بنات غربة اذا
شافوك احد من اقارب شيكول
ريان _ شيكول خل يكول مايهمني المهم احجي
وي هند اليوم وهسه
هند _ والله معندي شي ينحجي كومي زهراء
جريت زهراء من ايدها اريد اكوم هو عصب وكال
ريان _ آخر مرة اكول اكعدي
هند _ ماكعد كومي ... شبيج لازكة
ريان _ اذا كمتي وتجاهلتيني راح اسوي شي
ميعجب كبال العالم والزوار
زهراء _ ريان تخبلت
هند _ هو عاقل علمود يتخبل
ريان _ ماتعرفيني بعدج منو أني وشكدر أسوي فـ لا
تستهيني بي واكعدي خل احجي لعندي
زهراء خفت منه لزمت ايدها هي كايمة جانت
_ هند اكعدي واسمعي شيريد فدوة
هند _ خل يحجي هسه أسمع واني واكفة
ريان _ اكعدي
هند _ ماكعد
ريان _ لا إله إلا الله ...شلون وياها هاي
زهراء _ هند اكعدي
باوعتلي بنفاد صبر اعرف بيها خبله واخاف من هذا يتخبل عليها ماعوزي مشاكل وفضايح منك العالم
والزوار الغرب
زهراء ـ فدوة اروحلج اكعدي وجفي الشر
هند كعدت وكالت "
وهاي كعدت احجي يابه وفضنه ترى
روحي لهنا صايرة
ريان _ بس اريد اعرف على منو هيج عناد
هند._على بيبي ارتاحيت
ريان ـ هههه تعترف فوكاها
زهراء _ وج اسكتي عيب
هند_ وليش عيب دا اكول الصدك احجي شبيك تضحك؟
ريان _ أستغفرالله العظيم ...يابه راح احجي
هند ـ أسمع
ريان ــ أبن خالج قاسم بعده يحوم وراي
هند ــ احلف #ڪــڔٰا̍ڕ
ريان ــ وهاي أني بالصحن الامام علي ﴿ع﴾ ومستحيل
اكذب ودا اكول الصدك
هند._شيريد من عندك؟
ريان ــ يكول عندك علاقه وياها والا افضحك وافضحها وأني ما اخاف على نفسي أني رجال وماينخاف علية بس
أنتِ بنية ومن كلشي ينخاف عليج
هند ــ مفهمت؟
ريان ـ باعي هند أني راح احجي لمصلحتج ولمصلحتي هماات لذالك راح أكول شي لا تضوجي ولا تعصبي
هند ـ كول وخلصني
ريان ــ أريد اتقدملج واخطبج هيج اسكت أكب
ر لسان يحجي عليج وعلية
هند _ شش شتكول
ريان ــ اعتقد.كلامي واضح
هند ــ امم...
ريان ــ ماريد جواب هسه فكري براحتج وأني انتظر
جوابج بيى وقت تردي
هند ــ أنت داتضحك علية أعرفك أني حق المعرفة تكول هيج علمود تخوفني واقبل بيك مو
ريان ــ لا والله
هند ــ ليش ضحكت لعد؟
ريان ــ بشرفج شدراج ضحكت وأني لابس كمامة....
وو وإذا ضحكت يعني ؟
هند _عيونك يكولن ضحكت والضحكة وقت الكلام
معناها شر و مكيدة
ريان _ اموت واعرف شلون عقلج يفكر ويخلق
أحداث مو طبيعية
هند ـ والله دا تكذب
ربان ـ وج لا تحلفين بالله عمري مكذبت على أحد ولا راح
اكذب علمود اوصل اللشي اللي اريده
هند ــ مصدك بيك
زهراء ــ آسفة ريان بس شوكت تواصل وياك قاسم؟
ريان ــ البارحة بالليل شفته بالكهوة
هند ــ وجه إلى وجه
ريان ــ ايي والله واسئلي اخوج أحمد اذا اكذب شوفي شيكولج
هند.ـ شكال لاخوي؟؟
ريان ــ محجه شي وي أحمد بس اجه علية لغة زايد وراح واني اجيت انطيج علم علمود لا تتفاجئ براح
يصير وياج بلأيام الجاية
هند _ شراح يصير قابل خليولي
ريان _ كلشي يصير الرجال متحمل عليكم ماعرف ليش ؟ ويمكن ينزل لمستوى قذر
هند _ مايسويها بطرك الحجي
ريان _ يسويها والله واضح متحمل
كام ريان هند تباوعله بشك
هند _ تخاف منه
ريان _ ههه من أكبر واحد ما اخاف بس أخاف من الخالق واخاف عليج يابنت الناس
هند _ لا تخاف علية ماراح يصير بي شي
ريان _ اللي يحب دوما يخاف على محبوبة ...في امان الله
زهراء راح ريان باوعتلها ضحكت ضربتها بكتفي
_ هاا تضحكين جذابة
_ اضحك عليه واحد جذاب
_ امم امم جذاب هي المرة خركانة بالعشق وتستحي تكول
_ اووي ياعشق هذا هو هذا ينحب
_ كامت تهنبل براسي عليمن ولج عليمن تغشمرين أدري
بيج من زمان تحبين ريان بس متكولين
_ لاا
_ ايي كومي خل نرجع عالبيت ونحجي هناك اليوم عندي تباتين
_ وليش ابات عندج
_ علمود اكدر اقنعج خاتونه
_ على ريان
_ لاا على قاسم ياخذج فوك مرتة علمود تصير من المكافش امشي كومي عوبه امشي
_ اووي عوزي لو اخذ قاسم الحيوان
_ لعد اخذي ريان وانجبي
_ ولا ريان
_ لعد اخذي اخو ريتاج وانجبي للأبد
_ شنوو هذا شجابه بالنص
_ بالبيت اكولج كلشي وليش اجه بالنص
كامت _ شضمين علية زهراء؟
_ بالبيت اكولج والله
رجعنا عالبيت دخلنا جوه كعدنا بالغرفة سوه سدت الباب هي واجت كعدت بصفي على جرباية بيبي
_ احجي شكو
_ أخو ريتاج يريد يتقدملج بهل الآيام
_ منو كال ؟
_ أمه كايله لأمي
_ هاي شوكت وليش معندي علم
_ قبل فترة طويلة وتريدين الصدك الولد مايفيدج
_ شبي ؟
_ سكير يمشي بدرب محمد وحمزة
_ عزززة منو كالج ؟
_ حمزة كايل لأنفال وهي كالتلي عليه وأبو نسوان ترى
_ هو اللي يمشي بدرب حمزاوي شترجين من عنده
_ كلشي ارجي والله
_ أرفض بس يجون
_ عمي هم كال هيج
_ أبوي شعلي أني ارفض وخلص
_ مراح يقبلون والله راح يكولون قدرونا وانطونا مره ماراح نخجلهم راح نقدرهم وننطيهم
_ منين تجيبين هاللكلام ؟
_ هذا كلام عمي وأني اعرف عمي شنو وأنتِ بته
وتعرفينه أكثر من عندي بعد
_ وشنو الحل
_ الحل الوحيد اقبلي بريان واسكتي الولد يحبج وشاريج بالحلال وين تلكين هيج انسان عوبه
_ اووف ريان أبد ما اخلص منك كلما اخلص تطلعلي
من جدة وجديد بسالفة شكل
_ القدر يرجعه الج لأن يريد يجمعكم سوه
_ تردين الصدك زهراء
_ ايي
_ أخاف من ريان والله يطلع كذاب
_ امده حظي الولد صارله أكثر من سنة يركض وراج وطلب ايدج أكثر من مرة وتكولي يضحك علية
_ ماعرف ؟
_كولي ياالله واقبلي يمعودة مابينه حيل فضايح منورة ابن خالج المسودن ومشاكل ويه أهل ريتاج
_ اهل ريتاج شعليهم
_ راح يزعلون اذا ما قبلتي ويكولون مقدرونا
_ طزز بيهم
_ شكد سهل باللسانج الطزز بس صعبة عند حسين وريتاج
_ ريان مال اشرب من دمك أنت والحيوان قاسم
_ ازوجي واشربي من دمة
_ زهيرة
_ ههههههه اروح أكول لبيبي يردون يجونج خطاب
بيت المحامي ابو يونس
_ اذبحج والله
_ والقرأن راح اكوللها
_ زهراء عليج الزهرة لا تكولين خل نفضها أني وياج وج والله أخاف منه أخاف ارحمي بحالي زهراااء
_ تخاف مو يكول الرجال مصاص الدماء لو وحش زومبي راح ياكلج اشو جنه شمامة ويخبل على كولت بيبي تذكرين
بيبي من شافته هذاك اليوم شكالت
_ كالت هنيالها لتاخذ هيج ملاك
_ عفيه عليج اروح اكوللها الملاك يريد هند في أمان الله
هند ركضت قبلها وكفت كبال الباب فاتحة ايديني
اباوعلها بعصاب
_ طلعة ماكو زهيرة تكعدين وتسكتين كلمة وحدة
متطلع من لسانج مفهوم
_ هههه لاا والله الا اكول بيبيي
_ حيوانة اسكتي.
_ ولج بيبي بييي تعاللللي
_ انعل ابوج يابو الخلفوج انجبيييي
_ شتمين مو بيبيييي
صاحت بيبي صوتها جنه رعيدة
بيبي _ وزقنبووت شبيج
زهراء _ ردت ههههه
هند _ والحسين راح اكتلج اسكتي فدوة رحتلج زهراء
زهراء _ ماكو بيبي تعالي هنا بيبي
هند واخرت من الباب رحت عليها ...
_ تعالي خل اطبطبج وانعل أبو الخلفوج تعالي
هي اجت علية رادت تضرب انفتح الباب بيبي دخلت وكالت
_ وسم وزهر شكوو تصيحين مناك العالم شكوو
زهراء _ بيبي تعالي اكولج شي
بيبي _ شكو
هند_ كلشي ماكو بيبي
زهراء _والله أكو بيبي
هند لزمت زهراء من زندها كرصتها كل قوتي ردت
اكتلها هي جبانه كامت تصيح عليج
بيبي _ طاح حظجن لاصغر منجن مزوجه وعدها أطفال وأنتن تتعاركن تفووو عليجن وعلى الخلفوجن
زهراء _ اااه وخري حيوانة
زهراء دفعت هند ورحت على بيبي
_ والقرأن جذابه اكلج ليش صحت عليج
هند تعض بايدها وتهدد من بعيد بالحركات تخاف _وأني مصرة اكول بعد ما اسكت أبد مبينه حيل فضايح
منورة ابن خالها وريان
زهراء _ بيبي يردون يجونها خطاب وهي متقبل والله
بيبي _ صدك
زهراء _ والله العظيم
بيبي _ منو ؟
زهراء _ ريان ابن اخو أم عباس تذكرين الولد الشكر الشفناه هذاك اليوم يم حسين بالشارع
بيبي _ اي اتذكره هو
زهراء _ اي هو يريد يجيها خطاب وهي متقبل
هند كامت تضرب على وجهها بايدها من الخجل واعصاب والله اليوم موتي على ايدها أكيد
بيبي _ وليش متقبل ؟
زهراء _ اندري خوب الولد ابن ناس وعالم ومتدين
ونعرفهم حق المعرفة
بيبي _ ونعم من أهله بس شمدريج أنتِ
زهراء _ بنت خالته كالتلي قبل ساعة شفتها بلامام
وكالت نريد نتقدم الهند الريان شتكولون
بيبي _ هاا وج ليش متقبلي
هند _ ميعجبني بيبي
بيبي _ بحظج بختج تاخذين هيج ولد حلو يخبل جنه ملاك مهزوم من الجنة عوبه بنت العوبه شتريدين
لعد مراد علم دار ؟!
زهراء تفاجأت بيبي تحجي هيج اركض ورة بيبي هند عطبت
زهراء _ اي والله بيبي خوش أدمي وحلو على كولتج
هند _ والحلو يوكل خبز
بيبي _ بنت النعال هم حلو وهم زنكين شتريدين بعد
تردين ابن خالج العافج بيوم الخطبة
هند _ طبعا لاا بيبي هو أحلى مني مترهم
بيبي _ هاج عباس أحلى من فاطمة بألف مرة وعايشة أحلى عيشة ويا وانتِ تقبلي وغصبا عليج فتهمتي
هند _ هاا
_ وجع
زهراء فتحت ايديني كلت "
شكراً ربي بيبي طابكة وياي هههه
هند _ أني اعلمج زهيرة
بيبي _ زين سوت زهيرة بس أني أدري قبلكم
بشنو ...
بيبي _ أم الولد جايه على فاطمة وعباس البارحة
بالليل وكايلتلها يردون يتقدمون
زهراء _ وشكتولهم ؟
بيبي _ اليوم وره العشة اروح البيت عمج واحجي
ويا وان شاءالله خير
هند _ بيبي اروحلج فدوة لاا
بيبي _ مو من اجي اكسر راسج بهاي العكازة شتريدين
لعد تردين حفار قبور
زهراء _ يمكن ههههه
بيبي _ اضحكي أنتِ الثانية هم يجي دورج
طلعت بيبي خربت ضحك على مظهر هند العوبة بس ماتريد تبجي من كل عقلها دا ترفض الولد انشلع قلبه
من وراها وهي ولا هامها شي
_ هههههه
_ أني اعلمج زهيرة أني اعلمج
_ أني شعلي هم كايليلها قبل طلعوا مصممين عليج يول هههه
_ ان شاء الله تاخذين واحد ماتردينة
_ اللهم آمين علمود أعيش قصة حب حرب ويا وبلاخر
اجت علية موتتني كتل حتى عضتني من ايدي بقوة طلعت الدم واني اعيط بيبي تصيح من الاستقبال تكول امداجن بعد اكبرن بس يجي مجدي هم انطيجن اله
اجت أمي خلصتني من بين ايديها خررب بحضي مبي حيل اتعارك وياها ولا اكدرلها خوب أني اضخم منها
شكد فاهيه اني طلعت
بس ......عادي مايهمني الكتل المهم كلت البيبي وان شاءالله تنطيها واخلص منها ام خبالات
الحمدالله مجانت موجودة ريتاج رايحة البيت أبوي ويه حسين معزومين على العشة أمي مقابلة تروح ولا بيبي واني جنت طالعة ف مدري على أساس
وره العشة قبل لا يجي حسين رحت أني وبيبي البيت عمي لكينا بس عمي موجود وهند عمتي مدري وين هي وأحمد
؟ كعدنا قدمت مي هند
بيبي _ وين امج
هند _ بيت خالي معزومة على العشة
بيبي _ شعجب ؟
هند _اندري بيبي
عمي _ خير يمه اكو شي ؟
بيبي _ كل الخير يمه
كعدت هند بصفي تكرص بي _وأني الوب من الوجع مكدر اعيط ولا احجي أخاف من بيبي واستحي من عمي
بقيت اعض شفايفي
عمي _ ان شاء الله خير
بيبي _ أني اليوم جايتك خطاب مو جايتك بمثابة أمك
عمي _ خطاب ؟ لمنو
بيبي _ دازيني ناس على بنتك هند يردون يتقدمولها
عمي _ منو هذولة
بيبي _ بيت أبو يونس لابن اخو ام عباس عرفتهم
عمي اخذ صفنه مدة ثواني وكال
_ شلون ماعرفهم خوش ناس وعالم وأبو يونس محامي معروف وطيب بس لياهو من ولده ؟
بيبي _ ريان الأصغر واحد بولده
عمي _ ريان مو هذا الاشقر أبو عيون الزرق
زهراء ضحكت همست الهند
زهراء _ عمي هم مثلج طلع ههههه
هند _ حيوانه انجبي فضحتينه مناك أبوي
بيبي _ اي هو عرفته
عمي _ شلون ماعرفه أربعة وعشرين ساعة يم بيت
عمته وي ولد عمته ام عباس
بيبي _ اي وهسه شتكول
عمي _والله تجي امها واخوها ونفكر بالموضوع والله كريم
بيبي _ الله كريم
بقوا يحجون سوالف عادية هند تحجي وياي كلام عادي أحس بيها ضايجه يمكن تسرعت أني يجوز صدك البنية
ماتريده اخذتها ورحت
بالغرفة مالت اهلها سديت الباب بقت واكفة
زهراء _ هند شبيج ضايجة
هند _ ماضايجة
زهراء _ مقابلة بريان ؟
هند _ ريان ماله علاقه خطيه الولد صارله فترة طويلة
يركض وراي وأني غبية جنت مامعبرته
زهراء _ يالله قنعتي هسه
هند _ أني قانعة بي من زمان والله بس اخاف
زهراء _ من شنو تخافين
هند _ جنت قبل اخاف يطلع يكذب علية ويحاول ينتقم مني وطلع هو بريئ ماله أي ذنب وهسه خوفي من أبن خالي اذا قبلت بريان راح يكول صدك جانت
عندي علاقة ويا
زهراء _ طزز بي خل يحجي بكيفه المهم تكونين سعيدة بحياتج وتخلصي من المشاكل والفضايح
هند _ والله مدري زهراء حايرة
زهراء _ الله يحير عدوج ان شاءالله فكري زين واسمعي كلامي الولد خوش ولد ويحبج واذا رفضتي اخاف يسوي
شي موزين وياج بالمستقبل
وثاني شي أخاف ابن خالج يطلع بسالفة ويكول لاهلج عندج علاقه وي ريان ويفضحج هسه أنتِ بين نارين واكعة
والخلاص هو الموافقة
هند _ الله كريم ان شاءالله خير
زهراء _ الله كريم
صاحت بيبي _ زهراء بيبي تعالي هم يلا نرجع
زهراء _ جايه بيبي ... فكري بكلامي زين هند
وعوفي الخوف يولي اوك
هند._ اوك
زهراء رجعنا على البيت حسين جان جاي هو وريتاج بيبي حجت وياوكالتله جايين خطاب على هند ملامح
ريتاج تغيرت وضاجت _وأني ادري بيها
تريدها لاخوها بس معرف ليش كذبت على هند وكتلها واحد سكير وأبو نسوان هو خوش ادمي وماكو مثلة
وحالته المادية زينة بس
اني اريدها الريان ساعدنا هواي وكف ويانه بكلشي وشنطلب منه ينفذ بدون مقابل وفوك كلشي يحبها ويريدها
واني اخاف كلش من سوالف الحب
وأكثر مخاوفي من الماضي اخاف تزوج واحد غيره ويطلعلها بالماضي الزلم مبيهم أمان بلاخص اذا جان يحب بنية ويريدها وهي ماتريده يحاول ينتقم
هواي أشخاص دمروا حياة بنات بعد الزواج وهاي دا تصير بالمجتمع كل يوم ثاني يوم اجت مرت عمي وكالت
موافقين خل يجون لعدنا
ويلي طرت من الفرحة الكاع مالامتنه عبالك اني العروس مو هي وأخيرا راح اشوفها وي ريان سوه حلو جان عندي والحمدالله تحقق هند ما اجت اعرف بيها تستحي من عندي والله الا اخبلها اخبال راح اخليها للعصر ماراح اروح للبيت واشوفها بيبي خابرت فاطمة وكالتلها
راحت ...مرت عمي كمت أسوي الغدة جان علية والعشة على ريتاج الحمدالله مقسمين الشغل مواعين الغدة علية
والعشة عليها والريوك على أمي
راحت أسوي الغدة اجت يمي ريتاج ارتجت
على المجمدة باوعتلها
ريتاج _ منو هذا ؟
زهراء _ على منو تحجين ؟
ريتاج _ الولد اللي راح يجي خطاب على هند
زهراء _ هاا ريان ابن اخو جوارينه ام عباس تعرفيها أنتِ
ريتاج _ ايي اعرفها بس معرف الولد
زهراء _ وين تعرفينه قابل
ريتاج _ اي صح شنو شغلة
زهراء _ متخرج واعتقد يشتغل وي اخوه
ريتاج _ هاا أنتِ تعرفينه لأزم
زهراء _ ايي اعرفه جان ويانه بالجامعة وبنفس القسم
ريتاج _ حلو حمزة هم يعرفه
زهراء _ طبعاً يعرفه
ريتاج _ حجي بيني وبينج هند عندها شي ويا
زهراء _ لاا كلشي معدها ويا أصلا معدها هيج سوالف
ريتاج _ عبالي
زهراء _ لاا
عافتني وطلعت حتى هاي عبالها عدها علاقه وي
ريان شبيها هاي العالم ؟ ياالله
للعصر كالت فاطمة راح يجون يشوفون البنية وهي هم تجي وياهم رحت وي بيبي وامي وريتاج ما اجت كالت مبي حيل وشوي مريضة دخلنا البيت عمي لكيت هند
خايفة مرتبكة كاعدة بالغرفة
كعدت يمها على جرباية
_ هند شبيج ترجفي
_ مدري زهراء احس روحي راح تطلع من جسمي
_ كولي يا الله يمعودة هو شنو وتخافين
_ مدري صابتني الرعشة والرتباك من هسه بين عندي
لو يجون شلوون زهورة
_ كومي اشربي كلاص مي وهدي ولا تفكرين بشي أبد هو ريان وانتِ متعودة عليه ليش الخوف بعد
_ ريان هذاك غريب جان وعادي هذا جاي يخطب
يختلف والله ويجون اهله
_ ههههه ريان يخوف صار ههههه اليوم حفلة
للصبح عليج ههههه
_زهراء شبيج دا تزودين علية بسوالفج
_ هند عليج الله سؤال
_ كولي وخلصيني
_ تحبين ريان ؟
_ دولي هذا هم سؤال
_ أفضل سؤال أسئلة كولي الصراحة ولا تخجلين
كامت باوعتلي _ شتكولين أنتِ أحبه لا
_ من ناحيتي اي تحبينه بس تكابرين وتغشمرين روحج
_ نكول أحبه بس هو شلون يكون شعور الحب
_ صدك متعرفين شنو شعور الحب
_ والقرأن معرف ولا اعرف أميز الحب عن الاعجاب
يجوز معجبه بي من فترة قصيرة
_ لحظة الاعجاب يكون حاله عادية وتفكرين بي باليوم اربع مرات او مرتين أما الحب أربعة وعشرون ساعة شاغل بالج وكل شخص تشوفينه يذكرج بي ومن تنامين بس تفكرين بي لما تغفه عيونج على المخدة ياهو منهم
عندج تجاه ريان
_ هاا فهمت هسه شلون الحب
_ جاوبي شلون
_ أفكر بي أربعة وعشرون ساعة بس صارلي عشرة أيام
من دا افكر بي هيج والله
_ ياا ملعونة واكعة بالعشق وماتكولين هاا هاا
_ اووي زهراء اتورط اذا حجيت حجايه كبالج
تبقين تتغشمرين علية
_ يعني بديتي تحبينه من يوم بيبي شافته
وكالت هنيالها التاخذه مو
_ ايي والله ههههه
_ كلام بيبي هيج المشاعر اللي بداخلج وحولها للحب
_ اظن غرت ورته بس لي
_ والله العظيم من زمان تحبينه بس ماتكولين اعرفج وحده كبرياء ومو بسهولة تعترفين بالشي
_ لاا جديد شبيج
_ بعيد
_ جديد
اندك الباب طلعت فاطمة دخلت سدت الباب وراها
فاطمة _ هلاو عيني
زهراء _ هلاوات شلونج فطوم
هند _ هلا فطومة شوكت اجيتي
فاطمة _ اجيت ويه أهل العريس أني وعباس
زهراء _ هم اجوي
فاطمة _ ايي قبل ثلاث دقائق تقريبا شلونكم اخباركم شلونج هنودي والمعنويات شلونها
هند _ الحمدالله المعنوايات هابطة للاخر
فاطمة _ زهراء جيبي كيبل الشاحن الموبايل خل نشحنها هههههه
زهراء _ ههههههه
هند _ فاطمة شنو هاي
فاطمة _ شوي حشش عليج عوبه وينج ولج لسانج
طوله مترتين وين راح
زهراء _ انبلع هههه
هند _ شدراني وين راح
فاطمة _ من اجاج ابن خالج مصار هيج وياج هسه شبيج ترجفين جنج سعفه ها هاا هاا
زهراء _ مدري شبيها خايفه أكثر من لأزم
فاطمة _ طبيعي هذا الشي هذا شخص غريب وآول مرة تشوفه ابن خالها جان من الاقارب ومتعودة عليه مو
زهراء _ اي
فاطمة _ يلا جهزي روحج خلي مكياج خفيف مو
مال عرايس احمر واخظر اوك
زهراء _ اوك
فاطمة _ زهراء أنتِ عوفيلها بسرعة بلشي صارلكم
ساعات شسوون بلا
هند _ مريد مكياج اطلع طبيعي احسن
فاطمة _ راح انزع لبرجلي واكطعه على راسج مكياج هسه تعوفين وهذا اللبس يتغير بسرعة اني طالعة ماشي
هند _ شبيج
زهراء _ ماشي اطلعي وماعليج
فاطمة _ كلت بعد واذا طلعتي مبهذلة كبالهم
راح اذبحج والله مفهوم
زهراء _ اني اختج هنا اطمني
فاطمة _ مطمنه من ناحيتج
طلعت فاطمة . هند معندة تكول هاي شبيها عبالك هي العروسة مو اني كتلها غير تريدج تطلعي معدله وحلوة خوب تطلعي مبهذله ويجوز تعرف العالم شنو
هي يمهم عايشة وتعرف بطباعهم وعيب تطلعي هيج عوبه شجاج اليوم أنتِ ام الكشخات
_ اندري شجاني نثولت والله نثولت
_ عادي هذا الحب
_ ياحب
_ ريان هههههه
بدلت بلآول لبست نفنوف طويل باللون السمائي وشال أسود كعت اخليلها . مكياج براحتي كملت بسرعة اني سريعة
بسوالف المكياج اضحك عليها هي
مو هند هذيج ام مشاكل واللسان الطويل دخلت
فاطمة وكالت
_ يلا تعالي اطلعي
هند _ هسه
_ لا باجر اطلعي امشي جبانة امشي
_ استحي والله فاطمة
_ هههههه آول مرة تستحين صدك جذب ام لسان
صارت تستحي مصدك ههههه
_ والله العظيم راح اموت من الخجل معرف ليش
_طبيعي يابه أني هم مثلج جنت استحي بس بلأخر تعودت وصرت مستحي أبد واشحطه شحط بالغرفة
هههه يلا اني طالعة قبلج
_ فاطمة اوكفي لتطلعي خل اطلع وياج
_ تعالي لعد
هند رحت وي فاطمة واني ارجف جني سعفه مالت نخله ارجف رجف قلبي دمام يمكن راح يغمي علية بهالحظة ماعرف
الحب هيج يسوي خررب بالحظ
ليش وافقت يالله والله تورطت شلون راح اكعد كبالة واني البارحة متعاركة ويا هسه يكول تريدني دخلت فاطمة
دخلت وراها كلت _ السلام عليكم
_ وعليكم السلام
رفعت راسي شفت نسوان تلاث من ضمنهم أم عباس وامه وهاي معرفها بعدها بنية صغيرة بعمر فاطمة وياها طفل بعمر علاوي وأبوه وعباس وريان كاعد بصف امه
باوعلي أبتسم ردت اتخربط والله ماتحملت رحت سلمت وكعدت بصف بيبي على الكرويتة ميته من الخجل
بيبي همست وكالت
_ أسم الله شبيج بيبي خايفة
_ مدري بيبي
_ صلى على محمد وكولي يالله
صليت على محمد وكلت يالله بس بعدني مرتبكة اخذت نفس أسمع بيهم يحجون كلت خل أشوف شكل ابوه
شلون يشبه ابنه لا
رفعت راسي باوعت على ابوه كاعد على الكرسي بصف أبوي مجان يشبه ريان أبد شكله كشخه وحلو رجعت أنظاري
على أمه راسن نزلت أنظاري
جان يباوعلي شنو هذا مايشبع مني شوف أبد وهاي البنية حلوة ماتشبه ريان بشي منو كالت بيبي
بيبي _ كومي ادخلي جوه
فرحت حيل من كالت هيج راسن كمت راحت للغرفة
دخلت اخذ نفس زهراء تضحك علية
_ هههه بشري
_ خل اخذ نفس بلآول
_ هههه شكلج يخرب ضحك والله
_ خررب بيومج زهراء تغشمرت
_ كولي شكو وشصار
كعدت على الجرباية _ جايه امه وام عباس وبنية بكد فاطمة وياها طفل بعمر علوش وأبوه وعباس كعدت يم بيبي وره دقايق بييي كالت كومي
_ هاا شفتي ريان
_ عابتله بس يباوع
_ هههه صدك ولج
_ اي والله منوراه ردت اموت من الخجل
_ طبيعي هذا الشي غير يباوعلج ويشوفج هذا
زواج مو لعب جهال
_ لاا خطيه اللي يسمع أول مرة يشوفني اشو هو فاتح برج مراقبة علية أربعة وعشرون ساعة كبالي يطلع
_وهسه شبيج معصبه
_ مو معصبه خجلانه هسه يكول هي تريدني
جانت منقبل وماتكول
_ ههه صدك تحجين
_ اي والله فشله جبيرة
_ امداج اي والله شكو بيها لو حبيتي وهاي حرام
لو عيب وهسه هو جاي خطابة عليج
هند سمعت صوت هلاهل
_زهراء شصار
_ هاهيه قروا الفاتحة
_ شبسرعة غير يأخذون رأيي
_ ههه المي مشه من جواج ههههه
_ شبسرعة
_ خير الأمور عاجلها
كعدت بصفها _ هند ترى الولد هواي متحمل عليج
صارله فا اكيد بسرعة راح يخطب
_ والله يستر بعد الزواج شلون
_ مدري هههه
_ اضحكي أنتِ هم يجي دورج
_هههه
ندك الباب انفتح دخلت فاطمة وأمي وام هند والنسوان سلموا علينا وباركوا الهند كالت ام ريان
_ ان شاء الله باجر العصر نجي نكطع مهر سيد
ام هند _ هلا بيكم
البنية عرفت على روحها وكالت "
أني جنتهم مرت يونس كوثر
_ هلا وسهلا بيج
_ وبيكم أكثر
وراها طلعوا هند الخدود حمرة طماطية كاعدة بصفها خربانة ضحك أتذكر العرايك بالجامعة وعرايك لهنا مصدك
كل هذاك الكره تحول الحب
سبحان الله مغير الاحوال من حال إلى حال غير حال هند بسرعة وخلاها تبادله نفس الشعور ونسد حلكها للأبد
صدك لو كالوا اذا اجت القسمة تسد
أكبر الحلوك بعد..ماراحوا رجعنا على البيت تلكتنا
ريتاج هي مراحت ويانه البيت عمي
ريتاج _ بشروا
زهراء _ قرينه الفاتحة وباجر يكطعون مهر
ريتاج _ بهالسرعة غير يسألون عن الولد مو
رأسن انطوه البنية
بيبي _ الناس نعرفهم منقبل ماكو داعي نسأل وهم دازين علينا قبل يوم وأخذوا موافقة من أهلها
ريتاج _ هاا بيها الخير تستاهل هند
زهراء _ الخير بوجج حياتي
رحت.بدلت ماعرف ليش اجاني شعور غريب بأنه ريتاج ضايجة كلش حتى ما اجت ويانه البيت عمي بقت واحدها بالبيت
بس أني .طايرة من الفرحة وأخيرا الله ستجاب الدعوات ريان ودعواتي وصارت هند من نصيبه خطيه الولد هواي تعب منوراها ومنورة الحب
هذا هو الحب الصادق يتحلى بالصبر والانتظار والله سبحانه وتعالى ماينسه اجر الصابرين بالليل خابرت انفال وكتلها على خطوبه هند خطيه طارت من الفرحة وكالت
_ حمزة يريد يحجي وياج
من كالت حمزة يريد يحجي وياي بكت طن هوى قلبي كام يدك سريع من الخوف ماعرف شعنده وياي ؟! ...
_ شيريد ؟
_ اندري كال أريد احجي وي زهراء بشغلة ضرورية
_ شغلة ضرورية افتحي مايك خل يحجي أني اسمع
سمعته كال _ لا أريد احجي وياها على انفراد
انفال _ زهراء فدوة احجي وياي وفضيها
زهراء _ اوك انطينياه
انفال _ حمزة هاي زهراء وياك على الخط
حمزة _ اطلعي بره انفال
انفال _ ماشي
حمزة _ الوو... شلونج زهراء
زهراء_ الحمدالله ... تفضل احجي اسمعك ؟!
