رواية الرجل الاخر الفصل الثالث عشر بقلم جوهرة
******
طول الوقت ساكته ما احجي رغم محاولة نشوان يسحبني بالكلام وياه واني مزاجي قافل ، يحاول يسولف وياية واني ما انفهلة بكلمة صار ساعات من طلع من الغرفة وكاعد بالصالة ، عفته يتفرج عالشاشة ورحت للمطبخ ،
بعد فترة رن جرس الباب شوي ودخل للمطبخ بيده علاكه ذبها
عالميز حجى وياية بثكل يمكن ضايج لأن ما اسولف وياه / هذا العشا حظري لان جعت
وراي علاج أخذه
ﻣﺘﺮﻳﺪ ﺗﻌﻠﻜﻬﺎ ﺍﻟﺠﻮ ﻣﻜﻬﺮﺏ ﻛﻔﺎﻳﻪ ﻓﻜﺎﻣﺖ ﺗﺤﻀﺮ ﺑﺼﻴﻨﻴﻪ ﻟﻜﺘﻬﺎ ﺑﺼﻒ ﺍﻟﻜﺎﻭﻧﺘﺮ ﺟﺎﻳﺐ ﻣﺸﺎﻭﻱ ﺭﻳﺤﺘﻬﺎ
ﺍﺟﻨﻦ ﻭﻣﻘﺒﻼﺕ ﻭﺧﺒﺰ ﺣﺎﺭ ﺑﻠﻌﺖ ﺭﻳﻜﻬﺎ ﻻﻥ ﻓﻌﻼ ﺟﺎﻋﺖ ﻣﺪﺕ ﺭﺍﺳﻬﺎ ﻟﻠﺼﺎﻟﻪ ﺷﺎﻓﺘﻪ ﻳﻜﻠﺐ ﺑﺎﻟﺮﻳﻤﻮﻧﺖ
ﺳﻮﺕ ﻟﻔﻪ ﺧﻠﺘﻬﺎ ﻋﻠﻰ جهة ﻭﺷﺎﻟﺖ ﺍﻟﺼﻴﻨﻴﺔ ﺣﻄﺘﻬﺎ ﻋﺎﻟﻄﺒﻠﻪ ﺍﻟﻜﺪﺍﻣﻪ .
_ ﺗﻌﺎﻱ ﺍﻛﻌﺪﻱ ﻧﺎﻛﻞ ﺳﻮﺍ .
ﺧﺰﺭﺗﻪ ﺑﻌﻴﻨﻬﺎ ﻭﺭﺟﻌﺖ ﻟﻠﻤﻄﺒﺦ .. ﻣﺠﻮﻋﺎﻧﻪ
ﺿﺎﺝ ﻻﻥ ﻣﻌﺒﺮﺗﻪ ﺻﺎﺡ ﺑﻴﻬﺎ .. ﻣﻼﺍﺍﺍﺍﺫ
ﺟﺎﻧﺖ ﺗﻮﻫﺎ ﺗﺮﻳﺪ ﺗﻌﺾ ﺍﻟﻠﻔﻪ ﺍﻟﺴﻮﺗﻬﺎ ﺭﺟﻌﺖ ﻟﻔﺘﻬﺎ ﺑﻮﺭﻕ ﺍﻟﻄﺒﺦ ﻭﺳﻮﺕ ﺭﻭﺣﻬﺎ ﺻﺎﻓﻨﻪ
_ ﺗﺎﻟﻲ ﻭﻳﺎﺝ ﺗﻌﺎﻱ ﺍﻭﻛﻠﻲ .. ﺟﺎﻥ ﻭﺍﻛﻒ ﺑﺎﻟﺒﺎﺏ
ﺭﻛﺰﺕ ﺑﻌﻴﻨﻪ ﻭﻧﺘﺮﺕ .. ﺷﻨﻮ ﻣﺠﺒﻮﺭﺓ ﺍﻛﻞ ﻭﻳﺎﻙ ﻫﺎﻱ
ﻫﻢ ﻣﺜﻞ ﻣﺎﺟﺒﺮﺗﻨﻲ ﺍﺟﻲ ﻭﻳﺎﻙ .
ﻧﺸﻮﺍﻥ ﻛﻮﻩ ﻣﺼﻴﻄﺮ ﻋﻠﻰ ﺭﻭﺣﻪ ﻣﻴﺤﺐ ﺍﺣﺪ ﻳﺤﺎﺟﻴﻪ
ﺑﺘﻌﺎﻟﻲ ... ﻭﺍﻟﻠﻪ ﻟﻮﻣﺎ ﺍﻟﺠﺮﺡ ﺍﻟﻤﻘﻴﺪﻧﻲ ﻻﺷﻮﻓﺞ ﻣﻨﻮ ﻧﺸﻮﺍﻥ .
ﺍﺑﺘﺴﻤﺖ ﺑﻐﺮﻭﺭ ﺧﻼ ﻳﺸﻴﻂ .. ﻋﺮﻓﺘﻚ ﺯﻳﻦ ﻫﻪ ﺑﺲ ﻛﻼﻡ
... ﺭﺍﺩﺕ ﺗﻜﻤﻞ ﺑﺲ ﺳﻜﺘﺖ ﻣﻦ ﺷﺎﻓﺘﻪ ﺗﻘﺪﻡ ﺧﻄﻮﺓ
ﻭﺍﻳﺪﻩ ﻋﺎﺻﺮﻫﺎ .
_ ﻳﺼﻴﺮ ﺧﻴﺮ .. ﻋﺎﻓﻬﺎ ﻭﺭﺟﻊ ﻟﻠﺼﺎﻟﻪ
ﻣﻬﺘﻤﺖ ﻫﻲ ﺍﺻﻼ ﺗﺮﻳﺪ ﺗﺤﺮﻙ ﺍﻋﺼﺎﺑﻪ ﺟﺮﺕ ﺍﻟﻠﻔﻪ ﻭﻛﻌﺪﺕ ﺗﺎﻛﻞ ﻣﻤﻬﺘﻤﻪ ﻛﻠﺒﻬﺎ ﺧﻠﺺ ﻣﻦ ﻭﺭﺍﻫﻢ ﺍﻟﺰﻟﻢ ﻣﺎﻭﺭﺍﻫﻢ ﺑﺲ ﻭﺟﻊ ﺍﻟﻜﻠﺐ ﻭﺍﻟﺮﺍﺱ .
ﺍﻛﻞ ﺷﻮﻳﻪ ﺍﻧﺴﺪﺕ ﻧﻔﺴﻪ ﻋﺎﻑ ﺍﻻﻛﻞ ﻭﺭﺍﺡ ﻏﺴﻞ ﺍﻳﺪﻩ
ﺑﻌﺪﻫﺎ ﺍﺧﺬ ﻋﻼﺟﻪ .
ﺭﺍﺣﺖ ﺷﺎﻟﺖ ﺍﻟﺼﻴﻨﻴﻪ ﻭﺭﺟﻌﺖ ﺍﻻﻛﻞ ﻟﻠﺜﻼﺟﻪ ﻏﺴﻠﺖ ﺍﻟﺼﻴﻨﻴﻪ ﻻﻥ ﺍﻻﻛﻞ ﺟﺎﻥ ﺑﻤﻮﺍﻋﻴﻦ ﺳﻔﺮﻱ ﺭﺍﺣﺖ ﺣﻄﺖ ﺍﻟﻘﻮﺭﻱ ﻋﺎﻟﻨﺎﺭ ﻭﺩﻭﺭﺕ ﺍﻟﺠﺎﻱ ﻣﻠﻜﺘﻪ ﺑﻘﺖ ﺗﻔﺘﺢ ﻭﺗﺴﺪ ﺑﺎﻟﻜﺎﻭﻧﺘﺮﺍﺕ ﺿﺎﺟﺖ ﻣﺘﺮﻳﺪ ﺗﺴﺄﻟﻪ ﻃﻔﺖ ﺍﻟﻨﺎﺭ ﻭﺭﺍﺣﺖ ﻟﻠﺼﺎﻟﻪ ﻛﻌﺪﺕ ﻋﻠﻰ ﺟﻬﺎ ..
ﻧﺸﻮﺍﻥ ﺟﺎﻥ ﻣﺪﺩ ﻋﺎﻟﻘﻨﻔﺔ ﻳﺘﻔﺮﺝ ﻋﺎﻟﻘﻨﺎﺓ .
ﺟﺮﺕ ﻧﻔﺲ ﻭﺫﺑﺘﻪ ﺣﺎﻟﻬﺎ ﻣﻴﻌﺠﺒﻬﺎ ﻛﺎﻋﺪﻩ ﻟﻼﻥ ﺑﻤﻼﺑﺴﻬﺎ
ﺗﺮﻳﺪ ﻏﺮﻓﻪ ﺗﺮﺗﺎﺡ ﺑﻴﻬﺎ ﺗﺎﺧﺬ ﺭﺍﺣﺘﻬﺎ ﺗﺮﻳﺪ ﺗﻔﻮﺕ ﺣﻤﺎﻡ
ﻭﺍﻻﻓﻨﺪﻱ ﻭﻻ ﻣﻬﺘﻢ .
_ ﻳﻌﻨﻲ ﺷﻠﻮﻥ ﺍﻧﻲ ﺍﺑﻘﻰ ﻫﻴﺞ .
ﻧﺘﺮﺕ ﺑﻲ ﻭﻛﻮﺓ ﻣﺴﻴﻄﺮﺓ ﻋﻠﻰ ﺍﻋﺼﺎﺑﻬﺎ .
ﺍﻟﺘﻔﺖ ﺑﺮﺍﺳﻪ ﻋﻠﻰ ﺟﻬﺘﻬﺎ .. ﺷﺒﻴﺞ .
_ ﻻﺍﺍﺍﺍ ... ﺗﻐﺸﻢ ﺭﻭﺣﻚ ﻣﻮ ﻫﺬﺍ ﺍﻟﺤﺎﻝ ﻣﺎﻳﻌﺠﺒﻨﻲ
ﻛﺎﻣﺖ ﺍﺧﺬﺕ ﺟﻨﻄﺘﻬﺎ ﺟﺎﻧﺖ ﻋﺎﻟﻄﺒﻠﻪ ﻃﻠﻌﺖ ﺍﻟﻤﻮﺑﺎﻳﻞ
ﻭﻧﺸﻮﺍﻥ ﺻﺎﻓﻦ ﻋﻠﻴﻬﺎ .
_ ﺍﻟﻮ ﺷﻠﻮﻧﺞ ﺛﺮﻳﺎ ..... ﺗﻌﺒﺎﻧﻪ ﺧﻞ ﻃﻼﻝ ﻳﺠﻲ ﻳﺎﺧﺬﻧﻲ
... ﺳﻴﺎﺭﺗﻲ ﺑﻜﺮﺍﺝ ﺍﻟﻤﺴﺘﺸﻔﻰ ﻳﻼ ﺣﺒﺎﺑﻪ .......
ﺳﺤﺐ ﺍﻟﻤﻮﺑﺎﻳﻞ ﻣﻦ ﺍﻳﺪﻫﺎ ﺑﻘﻮﺓ ..
_ ﺷﻠﻮﻧﺞ ﺍﺧﺘﻲ ﺍﺳﻔﻴﻦ ﻋﺎﻻﺯﻋﺎﺝ ﻭﺍﻟﻠﻪ ﻫﺎﻱ ﻣﻼﺫ ﺗﺪﻟﻞ
ﺳﻠﻤﻴﻠﻲ ﻋﻠﻰ ﻃﻼﻝ .
ﻗﻔﻞ ﺍﻟﻤﻮﺑﺎﻳﻞ ﻭﺍﺧﺬﻩ ﻳﻤﻪ ﺭﻓﻌﻠﻬﺎ ﺍﺻﺒﻌﻪ ﻳﻬﺪﺩ ﻻﺟﺮﺑﻴﻦ
ﻏﻀﺒﻲ ﺗﺮﺍﻧﻲ ﻣﺨﺒﻞ ﺍﺫﺍ ﻃﻜﺖ ﺑﺮﺍﺳﻲ ﻻﻋﺒﺎﻟﺞ ﻣﻨﻴﺮ
ﺍﻟﺠﺎﻥ ﻳﺴﻤﻌﻠﺞ ﻭﻳﺪﺍﺭﻱ ﻣﺸﺎﻋﺮﺝ ﺟﺠﺞ ﻣﺘﻮﻫﻤﻪ
ﺫﺍﻙ ﺗﻤﺜﻴﻞ ﻛﻼﻭﺍﺕ ﺣﺘﻰ ﺍﻭﺻﻞ ﻟﻼﺭﻳﺪﻩ .
ﻣﻼﺫ ﻫﻨﺎ ﻓﻘﺪﺕ ﻻﻥ ﺍﻟﺠﺎﻱ ﻳﺼﻴﺮ ﻭﻳﺎﻫﺎ ﻣﺘﺘﺤﻤﻠﻪ
ﻛﺎﻣﺖ ﺗﺼﺮﺥ ..
ﻭﻟﻚ ﺍﻧﺖ ﻣﺘﺨﺎﻑ ﺍﻟﻠﻪ ﻋﻮﻓﻨﻲ ﻓﻚ ﻳﺎﺧﻪ
ﻣﻨﻲ ﺗﻮﺭﻃﺖ ﻃﻠﺒﺖ ﺗﺴﺎﻋﺪﻧﻲ ﻣﻦ ﺳﺎﻋﺔ ﺍﻟﺴﻮﺩﺍ
ﺍﻟﺸﻔﺘﻚ ﺑﻴﻬﺎ ﺍﻣﺪﺍﻱ ﺍﻱ ﻭﺍﻟﻠﻪ ﻋﺎﻟﺪﻛﻪ ﺍﻟﺴﻮﻳﺘﻬﺎ .
ﺟﺎﻧﺖ ﻣﻨﻬﺎﺭﺓ ﻭﺗﺮﺟﻒ ﻣﻦ ﺍﻟﻌﺼﺒﻴﻪ ﺗﺤﺲ ﻭﺭﻃﺖ ﺭﻭﺣﻬﺎ ﻭﻳﺎ .
ﻧﺸﻮﺍﻥ ﻣﻦ ﺷﺎﻓﻬﺎ ﻓﺎﻗﺪﻩ ﺗﻘﺪﻣﻠﻬﺎ ﺑﺨﻄﻮﺍﺕ ﺳﺮﻳﻌﻪ ﺭﻏﻢ ﺍﻻﻟﻢ ﺍﻟﻨﻐﺰﺓ ﺑﻈﻬﺮﻩ ﺟﺮﻫﺎ ﻣﻦ ﺟﺘﻔﻬﺎ .. ﻭﺯﻣﺦ ﺑﻴﻬﺎ .. ﻛﺎﺍﺍﻓﻲ ﺗﺨﺒﻠﺘﻲ ﺍﻟﻌﻤﺎﺭﺓ ﻛﻠﻬﺎ ﺳﻤﻌﺖ ﺻﻮﺗﺞ
ﺧﺮﺱ ﺍﻥ ﺷﺎﺀ ﺍﻟﻠﻪ .
ﺩﺣﻜﺖ ﺑﻮﺟﻬﻪ ﺑﺤﻘﺪ ﻭﻛﺰﺕ ﻋﻠﻰ ﺳﻨﻮﻧﻬﺎ ﺑﻘﻬﺮ .. ﺧﻞ ﻳﺴﻤﻌﻮﻥ ﻭﻳﺠﻮﻥ ﻳﺸﻮﻓﻮﻥ ﺣﻘﻴﻘﺘﻚ ﺧﻞ ﺍﻓﻀﺤﻚ .
ﺭﻓﻊ ﺭﺍﺳﻪ ﻓﻮﻙ ﻭﺗﻨﻔﺲ ﺑﻘﻮﺓ ﻭﺭﺟﻊ ﺧﺰﺭﻫﺎ .. ﻣﻮ ﺍﻧﺘﻲ
ﺍﻟﺘﻔﻀﺤﻴﻨﻲ ﺍﻟﻜﻞ ﻳﻌﺮﻓﻮﻥ ﻣﻨﻮ ﻧﻘﻴﺐ ﻧﺸﻮﺍﻥ
ﺟﺮﻱ ﻋﺪﻝ ﻻ ﻫﺬﺍ ﺍﻟﺨﺸﻢ ﺍﻛﺴﺮﻩ ﺟﺮﻫﺎ ﻣﻦ ﺧﺸﻤﻬﺎ
ﺑﻬﺪﻭﺀ ﻋﻜﺲ ﻋﺼﺒﻴﺘﻪ .
ﺍﺑﺘﻌﺪﺕ ﻋﻨﻪ ﻣﺠﺎﻱ ﺗﺎﺧﺬ ﺣﻖ ﻟﻮ ﺑﺎﻃﻞ ﺟﺎﻱ ﻳﺪﻭﺧﻬﺎ
ﻳﺮﻳﺪﻫﺎ ﺗﻌﻴﺶ ﻭﻳﺎ ﺑﺲ ﻫﻲ ﻣﺘﻜﺪﺭ ﺍﻛﺜﺮ ﻣﻦ ﺳﻨﺘﻴﻦ ﻋﻮﺩﺕ ﺭﻭﺣﻬﺎ ﻋﻠﻰ ﻭﺿﻊ ﺟﺎﻥ ﺑﻮﻛﺘﻬﺎ ﻭﺿﻌﻬﺎ ﻋﺎﺟﺒﻬﺎ
ﺑﻌﺪﻳﻦ ﺑﺪﺕ ﺗﻤﻞ ﻻﻥ ﻣﺎﻛﻮ ﻋﻼﻗﻪ ﺣﻘﻴﻘﻴﺔ ﺗﺮﺑﻄﻬﺎ
ﺑﻌﺼﺎﻡ ﺍﺍﺍﺥ ﻣﻨﻚ ﻋﺼﺎﻡ ﺑﺲ ﺷﻜﻮﻝ ﺍﻟﻠﻪ ﻳﺮﺣﻤﻚ
ﺟﺎﻥ ﺩﻻﻟﻪ ﺍﻟﻬﺎ ﻓﻲ ﺳﺒﻴﻞ ﻻﺗﻔﻀﺤﻪ ﻭﺷﻨﻮ ﺍﻟﻔﺎﻳﺪﻩ
ﻛﻮﻟﺸﻲ ﻣﺤﺼﻠﺖ ﺑﺲ ﺍﻟﻘﻬﺮ ﻣﻘﻬﻮﺭﺓ ﻋﻠﻰ ﺭﻭﺣﻬﺎ ﻟﻴﺶ
ﻣﻮ ﻣﺜﻞ ﺍﻟﺒﻨﺎﺕ ﺷﻨﺎﻗﺼﻬﺎ ﺑﺲ ﺍﺍﺥ ﻣﻦ ﺍﻟﺤﻆ ﺍﻻﻏﺒﺮ
ﻃﻴﺤﻬﺎ ﺑﻌﺼﺎﻡ ﺍﻟﻴﺸﻮﻑ ﺭﺟﻮﻟﺘﻪ ﻭﻛﺸﺨﺘﻪ ﻳﺤﺴﺪﻫﺎ
ﻋﻠﻴﻪ ﻭﻫﻮ ﺑﺲ ﻣﻈﻬﺮ ﻣﻜﺪﺭ ﻳﺜﺒﺖ ﺭﺟﻮﻟﺘﻪ ﺑﺰﻭﺍﺟﻬﻢ
ﺧﻼﻫﺎ ﺗﻜﺮﻩ ﺍﻟﺰﻟﻢ ﺭﻏﻢ ﺟﺎﻥ ﻳﺤﺎﻭﻝ ﻳﺴﻌﺪﻫﺎ ﺳﻔﺮﺍﺕ
ﻭﻫﺪﺍﻳﺎ ﺑﻌﺪﻳﻦ ﺑﺪﺍ ﻳﻤﻞ ﻣﻦ ﻋﻼﻗﺘﻬﻢ ﻭﺑﻘﻰ ﻣﺴﻴﻄﺮ ﻋﻠﻴﻬﺎ ﻻﻥ ﺟﺎﻧﺖ ﻣﻄﻴﻌﻪ ﻣﺤﺠﺖ ﺣﻘﻴﻘﺘﻪ ﻭﻣﺎﺕ ﻭﺍﺧﺬ
ﺳﺮﻩ ﻭﻳﺎ ﻭﻫﺴﻪ ﻧﺸﻮﺍﻥ ﻳﺮﻳﺪﻧﻲ ﺑﻔﺮﺍﺷﻪ ﻳﺮﻳﺪ ﻳﺜﺒﺖ
ﺭﺟﻮﻟﺘﻪ ﻭﺍﻧﻲ ﻣﻤﺘﻘﺒﻠﺘﻪ ﺷﻠﻮﻥ ﺍﺧﻠﻲ ﻳﻠﻤﺴﻨﻲ ﻭﺍﻧﻲ
ﻛﺮﻫﺖ ﻫﺎﻱ ﺍﻟﻌﻼﻗﻪ ﻛﺎﻓﻲ ﺑﻌﺪ ﻛﻠﺒﻲ ﻣﻴﺘﺤﻤﻞ ﺣﺘﻰ ﻳﺤﻜﻤﻪ ﺭﺟﺎﻝ ﺛﺎﻧﻲ .
ﻋﺎﻓﺘﻪ ﻭﺍﻛﻒ ﻭﺭﺍﺣﺖ ﻟﻠﻤﻄﺒﺦ ﻛﻌﺪﺕ ﻋﺎﻟﻜﺮﺳﻲ ﻭﺧﻠﺖ
ﺍﻳﺪﻫﺎ ﺟﻮﻩ ﺭﺍﺳﻬﺎ ﻣﻨﺘﻬﻴﻪ ﺗﻌﺒﺎﻧﻪ ﺍﻟﺠﺎﻱ ﻳﺼﻴﺮ ﻳﺴﺒﺒﻠﻬﺎ
ﺍﺣﺒﺎﻁ ﻛﻄﻊ ﻋﻠﻴﻬﺎ ﺍﻻﻣﻞ ﺑﺮﻭﺣﺘﻬﺎ ﻟﺒﻴﺖ ﻃﻼﻝ ﺍﻧﻮﺏ ﻫﺬﺍ ﻣﺪﺭﻱ ﺷﺒﻲ ﻣﻦ ﻋﺮﻑ ﺑﻤﻮﺕ ﻋﺼﺎﻡ ﻭﺣﻘﻴﻘﺘﻪ
ﺻﺎﻳﺮ ﻣﻴﺘﺤﺎﺟﻰ ﺍﺗﻌﺲ ﻣﻦ ﻗﺒﻞ ﺍﺧﺎﺑﺮﻩ ﻳﺤﺠﻲ ﻛﻠﻤﺘﻴﻦ
ﻭﻳﺴﺪﻩ ﺍﻧﻲ ﻫﻢ ﺑﻌﺪ ﺍﺗﺼﺮﻑ ﺑﺮﻭﺣﻲ ﻛﺎﻓﻲ ﺧﻀﻌﺖ ﻫﻮﺍﻱ .
ﻻﺯﻡ ﺗﻘﻮﻱ ﺭﻭﺣﻬﺎ ﻣﺘﺨﻠﻲ ﻳﺄﺛﺮ ﻋﻠﻴﻬﺎ ﺭﺍﺣﺖ ﻟﻠﺼﺎﻟﻪ
ﻫﺬﺍ ﻛﻞ ﻋﻘﻠﻪ ﺑﻌﺪﻩ ﻛﺎﻋﺪ ﻣﺘﺮﻭﺡ ﺗﺮﺗﺎﺡ ﻳﺤﻈﻲ . ﺗﻘﺮﺑﺖ ﻣﻨﻪ ..
_ ﺍﺭﻳﺪ ﺍﻧﺎﻡ . ﺣﺠﺘﻬﺎ ﺑﻬﺪﻭﺀ
ﺭﻓﻊ ﺗﻚ ﺣﺎﺟﺐ ..
ﺷﻠﻮﻥ ﺩﻋﻮﻩ ﺣﻠﻮﺓ ﻫﺎﻱ .
_ ﺳﺎﻟﻤﻴﻦ ﺍﺭﻳﺪ ﺗﻌﻮﻑ ﺍﻟﻘﻨﻔﻪ ﻣﺤﺘﻠﻬﺎ ﻣﻦ ﺍﻟﻌﺼﺮ ﻳﻼ ﻧﻌﺴﺖ ﻭﺭﺍﻱ ﺩﻭﺍﻡ ﺑﺎﺟﺮ .
ﺳﺤﺒﻬﺎ ﻋﻠﻴﻪ ﻭﻛﻌﺪﻫﺎ ﺑﺼﻔﻪ ﺣﺎﻭﻟﺖ ﺗﺒﻌﺪ ﻋﻨﻪ ﺑﺲ ﺣﻈﻨﻬﺎ .. ﺍﻫﺪﻱ ﺍﻫﺪﻱ ﺗﺮﺍ ﺭﺟﺎﻝ ﺟﺮﺣﻲ ﺍﺧﻀﺮ ﺍﻃﻤﻨﻲ
ﻣﺮﺍﺡ ﺍﻓﺘﺮﺳﺞ .. ﺩﺣﻜﺖ ﺑﻌﻴﻮﻧﻪ ﺷﺎﻓﺖ ﻧﻈﺮﺓ ﺍﻃﻤﺌﻨﺎﻥ
ﻭﺻﺪﻕ ﻳﻄﻞ ﻣﻦ ﻋﻴﻮﻧﻪ ﺍﻟﻤﻈﻠﻤﻪ ﺑﺴﻮﺍﺩﻫﺎ ﻭﻏﻤﻮﺿﻬﺎ
ﺟﺎﻫﺪﺕ ﺭﻭﺣﻬﺎ ﺣﺘﻰ ﻣﺘﺼﺪﻙ ﺑﻬﺎﻱ ﺍﻟﻨﻈﺮﺓ ..
ﺑﻠﻌﺖ ﺭﻳﻜﻬﺎ ..
ﻣﺎ ﺍﺩﺭﻱ ﺍﺣﺘﻤﺎﻝ ﺗﻜﺬﺏ ﻋﻠﻴﻪ .
ﺗﻨﻬﺪ ﻭﺷﺪﻫﺎ ﻟﺤﻈﻨﻪ ﺍﻛﺜﺮ ﻟﺪﺭﺟﻪ ﺳﻤﻌﺖ ﺩﻛﺎﺕ ﻛﻠﺒﻪ
ﺗﺪﻙ ﻳﻢ ﺍﺫﻧﻬﺎ .
ﻧﺸﻮﺍﻥ ﻳﺤﺲ ﺑﺮﺍﺣﻪ ﻭﺷﻲ ﺣﻠﻮ ﻟﺬﻳﺬ ﺣﺎﺿﻨﻬﺎ ﻭﺭﺍﺳﻬﺎ ﻋﻠﻰ ﺻﺪﺭﻩ ﺻﺢ ﻣﺘﻌﺒﺘﻪ ﺑﻌﻨﺎﺩﻫﺎ ﻭﺗﻤﺮﺩﻫﺎ ﻣﻴﻬﻢ ﻫﻮ ﻳﺮﻳﺪﻫﺎ ﻳﺤﺐ ﺍﻧﻮﺛﺘﻬﺎ ﻳﺤﺐ ﺟﻤﺎﻟﻬﺎ ﻛﻮﻟﺸﻲ ﻳﺤﺒﻪ ﺑﻴﻬﺎ
ﻣﻦ ﺍﻭﻝ ﻣﺮﺓ ﺷﺎﻓﻬﺎ ﻛﺎﻋﺪﻩ ﺗﺘﺮﻳﻚ ﺑﺎﻟﻤﻄﺒﺦ ﻣﺎﺧﺬﻩ ﺭﺍﺣﺘﻬﺎ ﻣﺤﺎﺳﻪ ﺑﻲ ﻋﺠﺒﻪ ﺷﻜﻠﻬﺎ ﺑﺸﻌﺮﻫﺎ ﺍﻻﺳﻮﺩ ﺍﻟﻨﺎﻋﻢ ﻭﺧﺪﻭﺩﻫﺎ ﻣﻦ ﺗﺨﺠﻞ ﻧﺼﺒﻎ ﻭﺭﺩﻱ ﺣﺐ ﻛﻮﻟﺸﻲ
ﺑﻴﻬﺎ ﻭﻣﻦ ﻋﺼﺎﻡ ﻃﻠﺐ ﻣﺴﺎﻋﺪﺗﻪ ﻣﺎﺭﻓﺾ ﺣﺲ ﻫﺎﻱ ﻓﺮﺻﺘﻪ ﻳﺘﻘﺮﺑﻠﻬﺎ ﺑﺲ ﺷﻐﻠﻪ ﻭﺍﻟﻤﻬﻤﻪ ﺍﻟﻤﺮﺗﺒﻂ ﺑﻴﻬﺎ
ﺧﻠﺘﻪ ﻳﺒﺘﻌﺪ ﻋﻨﻬﺎ ﻻﻥ ﺍﻟﻮﺍﺟﺐ ﻓﻮﻙ ﻛﻮﻟﺸﻲ ﺑﺲ ﻫﺴﺔ
ﻫﻲ ﺑﻴﻦ ﺍﻳﺪﻳﻪ ﻭﻣﺴﺘﺤﻴﻞ ﻳﻌﻮﻓﻬﺎ ﺧﻞ ﻳﺪﻛﻠﻬﺎ ﻧﺎﻋﻢ
ﻋﺴﻰ ﺭﺍﺳﻬﺎ ﺍﻟﻴﺎﺑﺲ ﻳﻠﻴﻦ .
ﻣﻼﺫ ﺧﺎﻧﺴﻪ ﺑﺤﻈﻨﻪ ﻛﻠﺒﻬﺎ ﻳﺪﻙ ﺳﺮﻳﻊ ﻭﻫﻲ ﺗﺤﺲ ﺑﻌﻀﻼﺕ ﺻﺪﺭﻩ ﻭﺍﻳﺪﻳﻪ ﺍﻟﻤﺤﺎﻭﻃﺘﻬﺎ .
ﺣﺎﻭﻝ ﻳﻌﺪﻝ ﻭﺿﻌﻴﺔ ﻛﻌﺪﺗﻬﻢ ﺟﺎﻥ ﻳﺼﻴﺢ ﺑﺄﻟﻢ ﺣﺲ ﺭﻭﺣﻪ ﺷﺎﻏﺖ .. ﺍﺍﺍﺍﺍﺥ
ﺑﻌﺪﻫﺎ ﺳﺮﻳﻊ ﻭﻟﺰﻡ ﻇﻬﺮﻩ ﻣﻜﺎﻥ ﺍﻻﺻﺎﺑﻪ ﻭﺑﻴﻦ ﺍﻻﻟﻢ
ﺑﻤﻼﻣﺢ ﻭﺟﻬﻪ .. ﺍﺣﺲ ﻧﻐﺰﺓ ﺑﻈﻬﺮﻱ .
ﻣﻼﺫ ﺭﺍﻗﺒﺘﻪ ﻭﺟﻬﻪ ﺍﺻﻔﺮ ﻭﻛﺼﺘﻪ ﻋﺮﻛﺖ ﻭﺍﺟﺒﻬﺎ ﻛﻄﺒﻴﺒﻪ ﺧﻼﻫﺎ ﺗﻬﺘﻢ ﺑﺲ ﺩﺍﺧﻠﻬﺎ ﻛﻠﺒﻬﺎ ﻧﻐﺰﻫﺎ ﻭﻋﻠﻠﺖ ﻫﺬﺍ ﺍﻟﺸﻲ ﻻﻥ ﻫﻮ ﻣﺮﺑﺾ ﺍﻫﺘﻤﺖ ﺑﻲ .. ﺧﻠﻴﻨﻲ ﺍﺳﺎﻋﺪﻙ
ﺗﻤﺪﺩ ﺑﻔﺮﺍﺷﻚ ﺍﻛﻴﺪ ﻛﻌﺪﺗﻚ ﻃﻮﻝ ﺍﻟﻮﻛﺖ ﺳﺒﺒﺘﻠﻚ
ﻫﺬﺍ ﺍﻟﺸﻲ ﻻﻥ ﻋﻤﻠﻴﺘﻚ ﺍﻟﺤﻤﺪﻟﻠﻪ ﺗﻤﺎﻡ ﻭﺍﻟﺠﺮﺡ ﻣﻠﺘﺌﻢ .
ﺳﺎﻋﺪﺗﻪ ﻳﻮﻛﻒ ﻟﻒ ﺫﺭﺍﻋﻪ ﻋﻠﻰ ﺟﺘﻔﻬﺎ ..
ﻣﻼﺫ ﺣﺴﺖ ﺑﻄﻮﻟﻪ ﺍﻟﻮﺍﺿﺢ ﻫﻲ ﻳﺎﺩﻭﺏ ﺗﻮﺻﻞ ﻟﺠﺘﻔﻪ ﻣﺸﻰ ﺑﺨﻄﻮﺍﺕ ﺑﻄﻴﺌﺔ ﻣﺪﺩ ﻋﺎﻟﻔﺮﺍﺵ ﻭﺍﻧﻄﻰ ﻇﻬﺮﻩ ﻟﻤﻼﺫ
ﺍﻟﺠﺎﻧﺖ ﺗﺘﺼﺮﻑ ﺍﺑﺮﻭﺩ ﻻﻥ ﻫﺬﺍ ﺷﻐﻠﻬﺎ ﺭﻓﻌﺖ ﺍﻟﺘﻲ ﺷﻴﺮﺕ ﻭﻣﺪﺕ ﺍﻳﺪﻫﺎ ﻓﺘﺤﺖ ﺍﻟﻠﺼﻖ ﺍﻟﻄﺒﻲ
ﺭﺍﺣﺖ ﺟﺎﺑﺖ ﺟﻨﻄﺔ ﺍﻻﺳﻌﺎﻓﺎﺕ ﺍﺧﺬﺕ ﻣﻌﻘﻢ ﻭﺑﺪﺕ
ﺗﻤﺴﺢ ﺍﻟﺠﺮﺡ ﺟﺎﻥ ﻣﻜﺎﻧﻪ ﻭﺭﺩﻱ ﺑﺤﻤﺎﺭ ﺑﻌﻨﻲ ﻣﻤﺘﻠﻮﺙ
ﺣﺴﺖ ﺑﺤﺮﻛﺘﻪ ﻭﺗﻘﻠﺺ ﻇﻬﺮﻩ ﺟﺎﻥ ﻭﺍﺻﺢ ﺟﻮﻩ ﺍﻳﺪﻫﺎ
ﺩﺣﻜﺖ ﻋﻠﻰ ﻭﺟﻬﻪ ﺩﺍﻓﻦ ﺭﺍﺳﻪ ﺑﺎﻟﻤﺨﺪﻩ ﻣﺒﻴﻦ ﻛﺎﻋﺪ ﻳﺘﺄﻟﻢ ﻏﻴﺮﺕ ﺍﻟﻼﺻﻖ ﻭﺭﺟﻌﺖ ﺍﻟﺘﻲ ﺷﻴﺮﺕ ﻛﺎﻣﺖ
. ﺍﻟﺤﻤﺪﻟﻠﻪ ﻃﺎﻳﺐ ﺑﺲ ﻣﺜﻞ ﻣﻜﻠﺖ ﺍﻧﺖ ﺍﺟﻬﺪﺕ ﻧﻔﺴﻚ
ﺑﻜﻌﺪﺗﻚ ﻟﻔﺘﺮﺓ ﻭﻫﺴﻪ ﺭﺍﺡ ﺍﺟﻴﺒﻠﻚ ﻋﻼﺝ ﺗﺸﺮﺑﻪ ﺗﺮﺗﺎﺡ
ﺍﻛﺜﺮ .
ﺳﻨﺪﺗﻪ ﺑﻬﺪﻭﺀ ﻭﺍﻧﻄﺘﻪ ﺍﻟﻌﻼﺝ ﺷﻜﺮﻫﺎ ﺑﺼﻮﺕ ﺗﻌﺒﺎﻥ ﻭﻋﻴﻮﻧﻪ ﻋﻠﻴﻬﺎ ﺑﻨﻈﺮﻩ ﺑﻴﻬﺎ ﺍﻟﻢ ﻭﺍﺿﺢ .
_ ﺍﺷﻜﺮﺝ ﻣﻼﺫ .
ﻛﻠﻤﺘﻪ ﻭﻧﻈﺮﺗﻪ ﻣﺘﻌﺮﻑ ﻟﻴﺶ ﻃﺮﻗﺖ ﺑﺎﺏ ﻛﻠﺒﻬﺎ ﺭﺩﺗﻠﻪ
ﻣﺘﻘﺼﺪﻩ .. ﺷﻔﺖ ﺷﻠﻮﻥ ﺍﻧﺖ ﻣﺤﻈﻮﻅ ﺯﻭﺟﺘﻚ ﺍﻟﺴﺎﺑﻘﻪ
ﻃﺒﻴﺒﺔ .
ﺍﺑﺘﺴﻢ ﺗﻚ ﺧﺪ ﻳﺪﺭﻱ ﺑﻴﻬﺎ ﺗﻌﺎﻧﺪﻩ .
ﺭﻓﻌﺖ ﺍﻟﻐﻄﺎ ﻋﻠﻰ ﺟﺴﻤﻪ ﻏﻄﺘﻪ ﺗﺮﻳﺪ ﺗﺮﻭﺡ ﻟﺰﻡ ﺍﻳﺪﻫﺎﻭﺑﺘﻮﺳﻞ ﻭﺍﺿﺢ ﺑﺼﻮﺗﻪ ﻭﻧﻈﺮﺓ ﻋﻴﻮﻧﻪ ..
ﺍﺑﻘﻲ ﻳﻤﻲ
ﺩﺣﻜﺖ ﺑﻌﻴﻮﻧﻪ ﺑﻴﻬﺎ ﺗﺮﺟﻲ ..
ﻛﻌﺪﺕ ﻳﻤﻪ ﻋﻠﻰ ﺣﺎﻓﻪ ﺍﻟﻔﺮﺍﺵ ﻭﺑﻘﻰ ﻻﺯﻡ ﺍﻳﺪﻫﺎ ﺍﺑﻄﻦ ﺍﻳﺪﻩ ﺑﺪﺍﺧﻠﻪ ﺍﺣﺴﺎﺱ
ﺣﻠﻮ ﻳﺪﺭﻱ ﺑﺮﻭﺣﻪ ﻭﻛﻊ ﺑﺤﺒﻬﺎ ﺗﻐﻠﻐﻠﺖ ﺑﺪﺍﺧﻠﻪ ﺭﻏﻢ ﻣﻈﻬﺮﻫﺎ ﻭﺍﻧﻮﺛﺘﻬﺎ ﺑﺲ ﺑﺪﺍﺧﻠﻬﺎ ﻗﻮﺓ ﻭﻋﻨﺎﺩ ﻳﺤﺐ ﺍﻟﻤﺮﺓ
ﺍﻟﻘﻮﻳﻪ ﺑﺸﺨﺼﻴﺘﻬﺎ ﻭﻣﻼﺫ ﻛﻮﻟﺸﻲ ﺑﻴﻬﺎ ﻳﺠﺬﺑﻪ .
ﻣﻼﺫ ﻛﻌﺪﺕ ﻻﻥ ﻣﺮﺍﺩﺕ ﺗﺤﺮﺟﻪ ﻭﻫﻮ ﻳﺘﻮﺳﻞ ﺑﻴﻬﺎ ﺑﺲ ﺟﺎﻱ ﺗﺤﺲ ﺑﻀﻌﻒ ﻣﻦ ﺗﺒﻘﻰ ﻗﺮﻳﺒﻪ ﻋﻠﻴﻪ
ﻫﻲ ﻣﺘﻌﻤﺪﺓ ﺗﻌﺎﻧﺪﻩ ﻭﺍﺿﻮﺟﻪ ﺣﺘﻰ ﻳﺒﻌﺪ ﻋﻨﻬﺎ ﺑﺲ
ﻛﻞ ﻣﺤﺎﻭﻻﺗﻬﺎ ﻋﺒﺚ ﻭﺍﻟﺪﻟﻴﻞ ﻛﺎﻋﺪﻩ ﻗﺮﻳﺒﻪ ﻭﺍﻳﺪﻫﺎ ﺑﻴﺪﻩ .
ﻻﺣﻈﺘﻪ ﻏﻔﻰ ﺳﺤﺒﺖ ﺍﻳﺪﻫﺎ ﺑﻬﺪﻭﺀ ﻭﺭﺍﺣﺖ ﻃﻠﻌﺖ ﻣﻼﺑﺲ ﻣﻦ ﺍﻟﺠﻨﻄﻪ ﻻﻥ ﺭﺟﻌﺘﻬﻦ ﺍﺧﺬﺕ ﺗﺮﺍﻙ ﻟﻮﻥ ﺭﺻﺎﺻﻲ ﻭﻭﺭﺩﻱ ﻭﺷﺎﻣﺒﻮ ﻭﻣﻨﺸﻔﻪ ﺩﺧﻠﺖ ﺗﺴﺒﺢ
ﺣﺘﻰ ﺗﺮﺗﺎﺡ ﻣﺪﺍﻡ ﻧﺸﻮﺍﻥ ﻧﺎﻡ ﺗﺎﺧﺬ ﺭﺍﺣﺘﻬﺎ ﺍﻛﺜﺮ .
*******
ﻓﺎﺭﺱ ﺣﻴﺎﺗﻪ ﻣﺴﺘﻘﺮﺓ ﻭﻳﻪ ﺩﻳﻤﺎ ﻛﻤﻠﻠﻬﺎ ﺍﻟﺠﻮﺍﺯ ﻭﺍﺧﺬﻫﺎ ﺑﺼﻤﺖ ﻭﺍﺳﺘﻠﻤﻪ ﻗﺮﺭ ﻳﺴﺎﻓﺮﻭﻥ ﻟﻌﻤﺎﻥ ﺑﻌﺪ ﻓﺘﺮﺓ ﻋﻨﺪﻩ ﺷﻐﻞ
ﻣﺘﻌﺎﻗﺪ ﻋﻠﻰ ﻭﺟﺒﻪ ﺳﻴﺎﺭﺍﺕ ﻣﻴﺮﻳﺪ ﻳﻌﻮﻓﻬﺎ ﻻﻥ ﻛﺎﻟﺘﻠﻪ
ﺍﺫﺍ ﻳﺴﺎﻓﺮ ﻣﺘﺮﻭﺡ ﻳﻢ ﻋﻤﺘﻬﺎ ﻳﺪﺭﻱ ﺑﻌﻤﺘﻬﺎ ﻟﺴﺎﻧﻬﺎ ﻣﺘﺒﺮﻱ
ﻣﻨﻬﺎ .
ﺩﺧﻞ ﻟﻠﺒﻴﺖ ﻭﻛﻠﺒﻪ ﻳﻨﻔﺘﺢ ﻣﻦ ﻳﺪﺧﻞ ﺍﻟﻨﻈﺎﻓﻪ ﺗﺸﻊ ﺍﻟﺒﻴﺖ ﻳﻨﻜﻂ ﻭﺭﺩ ﻭﺍﻟﺮﻳﺤﻪ ﺍﻟﻄﻴﺒﻪ ﺩﻳﻤﺎ ﻣﻘﺒﻠﺖ ﻳﻮﺻﻲ
ﻋﺎﻟﻤﺮﺓ ﺍﻟﺘﺠﻲ ﻛﻞ ﺍﺳﺒﻮﻉ .. ﻫﻲ ﻗﺎﻳﻤﻪ ﺑﺎﻟﺒﻴﺖ
ﺩﺧﻞ ﻣﻦ ﺑﺎﺏ ﺍﻟﻤﻄﺒﺦ ﻭﺳﻠﻢ ﺟﺎﻧﺖ ﻭﺍﻛﻔﻪ ﻋﺎﻟﺴﻨﻚ
ﺗﻐﺴﻞ ﺍﻳﺪﻫﺎ ﻭﻋﺒﻮﺩﻱ ﻳﻠﻌﺐ ﺑﻤﻼﻋﻴﺒﻪ ﻛﺎﻋﺪ ﻋﺎﻟﺰﻭﻟﻴﺔ
ﻣﻦ ﺷﺎﻓﻪ ﻛﻤﺰ ..
ﺑﺎﺑﺎ
ﺷﺎﻟﻪ ﻭﺭﻓﻌﻪ ﻓﻮﻙ ﻭﻋﺒﻮﺩﻱ ﻣﻜﻴﻒ ﺭﺟﻌﻪ ﺑﺤﻈﻨﻪ ﺑﻮﺳﻪ
ﺑﺨﺪﻭﺩﻩ ﻭﻭﺭﺟﻊ ﺧﻠﻪ ﺭﺍﺳﻪ ﺑﺮﻛﺒﻪ ﻋﺒﻮﺩﻱ ﺷﻤﻬﺎ .. ﺍﻭﻭﻭﻑ ﺷﻠﻮﻥ ﺭﻳﺤﻪ ﻃﻴﺒﻪ ﺭﺍﺡ ﺍﻛﻠﻚ ﻫﻤﻴﻴﻪ ..
ﻭﺫﺍﻙ ﺍﻟﻔﻄﻴﺮ ﻳﻜﺮﻛﺮ ..
ﻓﺎﺭﺱ ﻣﻮﻫﻠﻜﺪ ﻭﻳﻪ ﺍﻟﺠﻬﺎﻝ ﺑﺲ ﻣﻦ ﺷﺎﻑ ﻋﺒﻮﺩﻱ ﻛﻮﻟﺶ ﺗﻌﻠﻖ ﺑﻲ ﻭﻋﺒﻮﺩﻱ ﺍﺑﻴﺾ ﻣﺪﻧﻔﺶ ﻭﺧﺪﻭﺩﻩ ﺗﻔﺎﺣﻪ ﺍﻛﺜﺮ ﺷﻲ ﺷﺒﻬﺎ ﻋﻠﻰ ﺍﻣﻪ ﺧﻼﻩ ﻳﻨﺠﻦ ﻋﻠﻴﻪ ﻭﻫﻮﻣﺤﺒﺐ ﺑﺮﻭﺣﻪ ﻳﺘﻠﻜﺎﻩ ﻣﻔﺮﻓﺢ .
ﺍﻟﺘﻔﺖ ﻋﻠﻰ ﺩﻳﻤﺎ ﺍﻟﺠﺎﻧﺖ ﻣﺮﺗﺠﻴﻪ ﻋﺎﻟﺴﻨﻚ ﻣﺘﺨﻮﺻﺮﺓ
ﺗﻚ ﺍﻳﺪ ﻭﺍﻳﺪ ﻋﻠﻰ ﺣﺎﻓﻪ ﺍﻟﺴﻨﻚ ..
ﻫﺎﺍﺍ ﺑﺎﺑﺎ ﺷﻮﻑ ﺧﻄﻴﻪ
ﻣﺎﻣﺎ ﺗﻐﺎﺭ ﺗﺮﻳﺪﻧﻲ ﺍﺑﻮﺳﻬﺎ .
ﻓﻜﺖ ﻋﻴﻨﻬﺎ ﻭﺣﻠﻜﻬﺎ .. ﺿﺤﻜﻠﻬﺎ .. ﺍﺍﺥ ﻻﺗﻔﻬﻴﻦ ﻭﺗﻔﺘﺤﻴﻦ
ﺍﻟﺤﻠﻚ ﻫﺎﻱ ﺍﻟﺸﻔﺎﻳﻒ ﺍﺟﻲ ﺍﻣﺮﺩﻫﻦ ﺗﺮﻯ .
ﺑﻠﻌﺖ ﺭﻳﻚ .. ﻳﻮﻭﻭﻭ ﻓﺎﺍﺍﺭﺱ ﺍﻟﻮﻟﺪ ﻳﻠﻘﻂ ﺳﻮﺍﻟﻔﻚ ﻭﺍﻟﻠﻪ ﺷﻮﻓﻪ ﺷﻠﻮﻥ ﻳﺪﺣﻚ ﻋﻠﻰ ﺣﻠﻜﻚ .
_ ﻫﺎ ﻋﺒﻮﺩ ﺑﺎﺑﺎ ﺍﺑﻮﺱ ﺷﻔﺎﻳﻒ ﻣﺎﻣﺎ .
ﻋﺒﻮﺩ ﻣﻴﺪﺭﻱ ﺷﻨﻮ ﺑﺲ ﻳﺴﻤﻊ ﻛﻠﻤﺔ ﻣﺎﻣﺎ ﻳﻜﻮﻡ ﻳﺼﻔﻚ
ﺑﺎﺳﻪ ﺑﺨﺪﻩ ..
ﻋﻔﻴﻪ ﺍﺑﻨﻲ ﺍﻟﺴﺒﻊ ﻳﺪﻭﺭ ﺭﺍﺣﺔ ﺍﺑﻮﻩ .
ﻧﺰﻟﻪ ﻭﺗﻤﺸﻰ ﺑﻬﺪﺍﻭﺓ ﻋﻠﻰ ﺩﻳﻤﺎ ﺣﻈﻨﻬﺎ ﻭﺭﻓﻊ ﺭﺍﺳﻬﺎ
ﻗﺮﺏ ﺷﻔﺎﻳﻔﻪ ﻭﻟﺜﻤﻬﺎ ﺑﻘﻮﺓ ﺑﺎﺩﻟﺘﻪ ﻭﺍﻳﺪﻫﺎ ﺭﻓﻌﺘﻬﺎ ﺣﺎﻭﻃﺖ ﺭﻛﺒﺘﻪ .. ﻫﻬﻬﻬﻪ ﻓﺎﺭﺱ ﻳﻤﻌﻮﺩ ﻋﺒﻮﺩﻱ ﻳﻨﺘﺒﻪ
... ﻓﺎﺭﺱ ﻳﺒﻮﺱ ﺑﻴﻬﺎ ﺍﺷﺸﺸﺸﺶ
ﺩﻳﻤﺎ ﺧﺪﺭﺕ ﺑﻴﻦ ﺍﻳﺪﻳﻪ ﻳﻮﻡ ﻋﻦ ﻳﻮﻡ ﺟﺎﻱ ﺗﺘﻌﻠﻖ ﺑﻲ
ﻭﻫﻮ ﻳﻌﺮﻑ ﺷﻠﻮﻥ ﻳﺪﺍﺭﻳﻬﺎ ﻭﻳﺨﻠﻴﻬﺎ ﺗﺘﻌﻠﻖ ﻳﻬﺘﻢ ﻫﻮﺍﻱ ﺑﻴﻬﺎ ﻭﻫﻲ ﻫﻢ ﻣﻤﻘﺼﺮﺓ ﻛﺎﻣﺖ ﺗﻌﺮﻑ ﻃﺒﻌﻪ ﻣﺮﺍﺕ ﺗﺘﻌﺠﺐ ﺷﻠﻮﻥ ﻛﺪﺭ ﻳﻘﻨﻌﻬﺎ ﺷﻜﺪ ﺟﺎﻧﺖ ﺍﺿﻮﺝ ﻣﻨﻪ ﻫﺴﻪ ﺗﺘﺨﺒﻞ ﻋﻠﻴﻪ ﻭﻣﻦ ﻳﺪﺧﻞ ﻋﻠﻴﻬﺎ ﻟﻠﺒﻴﺖ ﺭﻭﺣﻬﺎ ﺗﻔﺮﻓﺢ ﻋﻠﻴﻪ ﺑﺲ ﻣﺘﺒﻴﻨﻠﻪ ﺑﺲ ﻫﻮ ﻳﻌﺮﻑ ﺷﻠﻮﻥ ﻳﺎﺧﺬ
ﺣﻘﻪ ﻭﻳﺨﻠﻴﻬﺎ ﻣﻄﻴﻌﻪ .
ﺷﺎﻭﺭﻫﺎ ﻭﻫﻰ ﺑﻐﻴﺮ ﻋﺎﻟﻢ ..
ﺷﻠﻮﻥ ﻫﺴﻪ ﻭﻫﺬﺍ ﺩﺣﺪﻭﺡ
ﻛﺎﻋﺪ ﻫﻬﻬﻪ
ﺍﻟﺘﻔﺘﺖ ﻟﻌﺒﻮﺩﻱ ﺍﻟﻤﺎﺧﺬﻩ ﺍﻟﻮﺍﻫﺲ ﺑﺎﻟﻠﻌﺒﻪ .
ﻭﺭﻯ ﺍﻟﻐﺪﺍ ﻧﻮﻣﺘﻪ ﻫﺴﻪ ﻧﺘﻐﺪﻯ ﻭﺍﻧﻴﻤﻪ .
ﻋﺼﺮﻫﺎ ﺑﺤﻈﻨﻪ .. ﺩﻳﻮﻣﻪ ﻣﻨﺘﻬﻲ ﻭﺍﻟﻠﻪ .
ﺿﺤﻜﺖ ﺑﺨﺠﻞ ﻫﻬﻬﻬﻬﻪ ﺍﺻﺒﺮ ﺷﺒﻴﻚ ﺭﻭﺡ ﺗﻮﺿﻰ ﻭﺻﻠﻲ ﺑﻴﻨﻤﺎ ﺍﺻﺐ ﺍﻟﻐﺪﺍ .
ﺧﺰﺭﻫﺎ .. ﺍﺍﺍﺥ ﻣﻨﺞ .
ﻋﺎﻟﻐﺪﺍ ﺩﻙ ﻣﻮﺑﺎﻳﻠﻪ ﻣﻦ ﺷﺎﻑ ﺍﻟﻤﺘﺼﻞ ﻋﻜﺪ ﺣﺎﺟﺒﻪ ﻭﺍﻧﻄﺎﻩ ﺭﻓﺾ ﻭﺭﺟﻊ ﺩﻙ .
ﺩﻳﻤﺎ ﺍﻧﺘﺒﻬﺖ ﻋﻠﻴﻪ ﺑﺲ ﻣﺤﺠﺖ .
ﻓﺘﺢ ﺧﻂ ﻭﺑﻘﻰ ﻳﺤﺠﻲ ﺑﺜﻜﻞ ﺳﻠﻢ ﻋﻠﻴﻪ ﺑﺲ ﺍﻟﺴﻤﻌﺘﻪ
ﺧﻼﻫﺎ ﺗﺮﻣﺶ ﺧﺎﻳﻔﻪ ﻭﺣﻈﻨﺖ ﻋﺒﺪﺍﻟﻠﻪ ﺍﻟﺘﻔﺘﺖ ﻓﺎﺭﺱ
ﻋﻠﻴﻬﺎ ﻭﺷﺎﻓﻬﺎ ﻣﻄﻜﻜﻪ ﻋﻴﻮﻧﻬﺎ ﻭﺿﻌﻬﺎ ﺗﺨﺮﺑﻂ .
ﺳﺪ ﺍﻟﻤﻮﺑﺎﻳﻞ ﻭﺷﻤﺮﻩ ﻋﺎﻟﻘﻨﻔﻪ ﺍﻟﻮﺭﺍﻩ ﺟﺮ ﻧﻔﺲ ﻭﺫﺑﻪ
.. ﺍﻟﺤﻤﺪﻟﻠﻪ ﻋﺎﺷﺖ ﺍﻳﺪﺝ ﺍﻟﺘﺒﺴﻲ ﻛﻮﻟﺶ ﻃﻴﺐ .
ﻃﻠﻊ ﻣﻦ ﺍﻟﻬﻮﻝ ﻳﻐﺴﻞ ﻭﺑﺎﻟﻪ ﻣﺸﻐﻮﻝ .
ﺩﻳﻤﺎ ﺍﺧﺬﺕ ﻋﺒﻮﺩﻱ ﺗﻐﺴﻠﻪ ﻻﻥ ﻭﻛﻠﺘﻪ ﺷﻮﺭﺑﻪ ﺟﺎﻧﺖ ﻣﺴﻮﻳﺘﻬﺎ ﻋﻠﻤﻮﺩﻩ .
ﻭﺭﺟﻌﺖ ﺷﺎﻟﺖ ﺍﻟﺼﻴﻨﻴﻪ ﻭﺩﺗﻬﺎ
ﻟﻠﻤﻄﺒﺦ ﻋﺎﻓﺘﻬﺎ ﻋﺎﻟﻤﻴﺰ ﻭﺭﺟﻌﺘﻠﻪ ﺟﺎﻥ ﻛﺎﻋﺪ ﻋﺎﻟﻘﻨﻔﻪ
ﺻﺎﻓﻦ ﻋﻠﻰ ﻋﺒﻮﺩﻱ ﺍﻟﻜﺎﻋﺪ ﻳﻢ ﺭﺟﻠﻴﻪ ..
ﻓﺎﺭﺱ ﻛﻠﺒﻲ ﻣﻤﺮﺗﺎﺡ ﺍﺧﻮﻙ ﺧﺎﺑﺮﻙ ﻣﻮ .
ﺩﺣﻚ ﻋﻠﻴﻬﺎ ﻭﻫﺰ ﺭﺍﺳﻪ .
ﺗﻘﺮﺑﺖ ﻋﻠﻴﻪ ﻭﻧﺘﺮﺕ ..
ﺷﻴﺮﻳﺪ ﺑﺲ ﻻﺗﻜﻠﻲ ﻳﺮﻳﺪ ﻳﺸﻮﻑ ﻋﺒﺪﺍﻟﻠﻪ .
ﺭﻓﻊ ﺗﻚ ﺣﺎﺟﺐ ..
ﺻﻮﺗﺞ ﻟﻴﺶ ﺗﻨﺘﺮﻳﻦ .
ﺩﻳﻤﺎ ﺭﻭﺣﻬﺎ ﻃﺎﺭﺕ ﺷﻨﻮ ﺍﻟﻔﻠﻢ ﺑﺲ ﻻﻳﺮﻳﺪﻭﻧﻪ ﻭﺍﻟﻠﻪ ﺗﺘﺨﺒﻞ .
_ ﺳﺮﻣﺪ ﻋﺮﻑ ﺍﻧﻲ ﺗﺰﻭﺟﺘﺞ ﺑﺎﺭﻛﻠﻲ ﻭﻋﺰﻣﻨﻲ ﻳﻜﻮﻝ ﻋﻜﺐ ﺑﺎﺟﺮ ﻋﺎﻟﻐﺪﺍ ﻣﻌﺰﻭﻣﻴﻦ ﻭﻳﺮﺩﻭﻥ ﻳﺸﻮﻓﻮﻥ ﻋﺒﻮﺩﻱ .
ﺩﻳﻤﺎ ﻭﺟﻨﻲ ﺗﺮﺑﻊ ﺑﺮﺍﺳﻬﺎ ﻋﺎﻃﺖ ﺑﻘﻬﺮ .. ﻻﺍﺍﺍﺍ ﻣﺎﺭﻭﺡ
ﻟﻮ ﻳﻤﻮﺗﻮﻥ ﻣﺎﺧﻠﻴﻬﻢ ﻳﺸﻮﻓﻮﻥ ﻋﺒﻮﺩﻱ .
ﻋﺒﻮﺩﻱ ﺍﺭﺗﻌﺐ ﻣﻦ ﺻﻮﺕ ﺍﻣﻪ ﻭﺑﺮﻃﻢ ﻻﻥ ﺧﺎﻑ ﻣﻦ ﺷﺎﻓﻬﺎ ﺗﺤﺠﻲ ﺑﻌﺼﺒﻴﻪ .. ﻣﺎﻣﺎ ﻣﺎﻣﺎ ﺭﻓﻊ ﺍﻳﺪﻩ ﻳﺮﻳﺪﻫﺎ
ﺑﺲ ﻫﻴﻪ ﺟﺎﻧﺖ ﻓﺎﺻﻠﻪ .. ﻳﺎﺍﺍﺭﺑﻲ ﻟﻴﺶ ﻫﻴﺞ ﺟﺎﻱ ﻳﺼﻴﺮ ﺑﻴﺎﺍﺍﺍ ﺗﺤﺠﻲ ﻭﺗﺄﺷﺮ ﺑﻴﺪﻫﺎ ﻻ ﻻ ﻣﺎﺧﻠﻴﻬﻢ ﻳﺸﻮﻓﻮﻧﻪ
ﻫﺴﻪ ﻳﻼ ﻋﺮﻓﻮﻩ ﻭﻳﻦ ﺟﺎﻧﻮ ﻋﻨﻪ ﻓﺎﺭﺱ ﻋﻔﻴﻪ ﻣﻨﺮﻭﺡ
.
_ ﻭﻟﺞ ﺻﻮﺗﺞ ﺗﺨﺒﻠﺘﻲ ﺷﻮﻓﻲ ﻋﺒﻮﺩﻱ ﺧﺒﻠﺘﻲ ﺟﺮ ﻋﺒﺪﺍﻟﻠﻪ ﺍﻟﻜﺎﻡ ﻳﺒﺠﻲ ﻫﺪﺍﻩ ﻭﻛﺎﻡ ﻋﻠﻴﻬﺎ .. ﺩﻳﻤﺎ ﺷﻨﻮ ﻫﺎﻟﺨﺒﺎﻝ ﻋﻤﺎﻣﻪ ﻳﺮﺩﻭﻥ ﻳﺸﻮﻓﻮﻧﻪ ﻋﻴﺐ ﻫﺬﺍ ﺍﻟﺘﺼﺮﻑ
.. ﺩﻳﻤﺎ ﺣﺴﺖ ﺑﺨﻮﻑ ﻭﻣﺸﺎﻋﺮﻫﺎ ﺗﺨﺮﺑﻄﺖ ﻻﻥ ﻣﺎﻋﺪﻫﺎ
ﺛﻘﻪ ﺑﻴﻬﻢ .. ﺍﻧﺖ ﻣﺘﺪﺭﻱ ﺷﺠﺎﻧﻮ ﻳﺴﻮﻭﻥ ﺑﻴﻪ ﻧﺴﻮﺍﻧﻬﻢ ﻳﻜﺮﻫﻨﻲ ٣ ﺍﺷﻬﺮ ﺷﻮﻓﻮﻧﻲ ﺍﻟﻀﻴﻢ ﺣﺘﻰ ﺍﻟﻮﻟﺪ ﺟﺎﻧﻮ
ﻣﻤﺘﻘﺒﻠﻴﻦ ﻭﺟﻮﺩﻱ ﺑﻴﻨﺎﺗﻬﻢ ..
ﺩﻣﻌﺖ ﻋﻴﻮﻧﻬﺎ ﻭﺑﺪﺕ ﺗﺒﺠﻲ ..
ﻳﺪﺭﻭﻥ ﺑﻴﻪ ﺣﺎﻣﻞ ﻭﺟﺒﺖ ﻭﻟﺪ
ﻭﻣﺤﺪ ﻛﻠﻒ ﺧﺎﻃﺮﻩ ﻳﺴﺄﻝ ﺍﻗﻠﻬﺎ
ﻋﻠﻰ ﺍﺑﻨﻬﻢ ﺷﻔﺖ ﺍﻟﻮﻳﻞ ﻭﺗﺤﻤﻠﺖ
ﺿﻴﻢ ﻋﻤﺘﻲ ﻭﺗﺤﻜﻤﻬﺎ ﺑﻴﻪ ﻓﻲ
ﺳﺒﻴﻞ ﺗﻠﻔﻴﻨﻲ ﺍﺑﻴﺘﻬﺎ..
ﻭﺍﺷﺘﻐﻠﺖ ﺑﺼﺎﻟﻮﻥ ﺣﺘﻰ ﺍﻋﻴﺶ
ﺍﻧﻲ ﻭﺍﺑﻨﻲ ﺧﻴﺮﻫﻢ ﻣﻐﺮﻛﻬﻢ ﻭﺍﺣﻨﻪ ﻧﺎﺑﺬﻳﻨﻪ ﻟﻴﺶ ﻭﺗﺮﻳﺪﻧﻲ ﺍﺭﻭﺣﻠﻬﻢ ﻫﻪ
ﺍﻻ ﺍﻛﻮﻥ ﻣﺨﺒﻠﻪ ﻳﻼ
ﻧﺘﺮ ﺑﻴﻬﺎ ﻻﻥ ﻳﻌﺮﻑ ﺧﺒﺎﻻﺗﻬا
ﻭﻋﻨﺎﺩﻫﺎ …
_ ﻛﺎﺍﺍﻓﻲ ﺳﺪﻱ ﺍﻟﻤﻮﺿﻮﻉ ﻭﻓﻮﺗﻲ ﺳﻮﻳﻠﻲ ﺟﺎﻱ ﻻﺗﺨﻠﻴﻨﻲ ﺍﻃﻠﻊ ﺷﻴﺎﻃﻴﻨﻲ ﻋﻠﻴﺞ ..
ﺩﻳﻤﺎﺍﺍ ﻻﺗﺨﺘﺒﺮﻳﻦ ﺻﺒﺮﻱ .
ﻏﻤﻀﺖ ﻋﻴﻨﻬﺎ ﻭﻃﻔﺮﺕ ﺩﻣﻌﻪ ﻋﻠﻰ ﺧﺪﻫﺎ ﻣﺴﺤﺘﻬﺎ
.. ﻓﺎﺭﺱ ﻭﺍﻟﻠﻪ ﺗﺨﺴﺮﻧﻲ ﺍﺫﺍ ﺭﺟﻌﺘﻠﻬﻢ .
_ ﺍﻧﺘﻲ ﻋﻘﻠﺞ ﺑﻲ ﺷﻲ .. ﺣﺠﻰ ﻣﺘﻨﺮﻓﺰ ﻭﻫﻮﻳﺄﺷﺮﻟﻬﺎ ﻋﻠﻰ ﺭﺍﺳﻬﺎ ..
ﺫﻭﻝ ﻳﺒﻘﻮﻥ ﺍﺧﻮﺍﻧﻲ ﺭﻏﻢ ﻣﻮ ﺫﻳﺞ ﺍﻟﻌﻼﻗﻪﺑﻴﻨﺎﺗﻨﺎ ﺑﺲ ﺍﺧﻮﺍﻧﻲ ﺩﻣﻨﺎ ﻭﺍﺣﺪ ﻻ ﺗﻔﻜﺮﻳﻦ ﻣﺠﺮﺩ ﺗﻔﻜﻴﺮ
ﺍﻧﻲ ﺍﺗﺨﻠﻰ ﻋﻨﻬﻢ
ﺟﺠﺞ ﻏﻠﻄﺎﻧﻪ ﺍﻟﺮﺟﺎﻝ ﻣﺠﺮﺩ ﻋﺰﻣﻨﻲ
ﻳﺮﻳﺪ ﻳﺘﻘﺮﺏ ﻻﻥ ﻋﻼﻗﺘﻨﺎ ﻣﻮ ﺫﺍﻙ ﺍﻟﺰﻭﺩ ﻓﻼ ﺗﺒﻘﻴﻦ ﺗﺨﺮﺑﻄﻴﻦ ﺑﺎﻟﺤﺠﻲ .
ﻃﻠﻌﺖ ﺩﻳﻤﺎ ﻭﻛﻠﺒﻬﺎ ﻧﺎﺭ ﺷﺎﺑﻪ ﺑﻲ .
*****
ﺭﻥ ﻣﻮﺑﺎﻳﻠﻪ ﻋﺪﺓ ﻣﺮﺍﺕ ﻣﺎﺣﺲ
ﻋﻠﻴﻪ ﻧﺎﻳﻢ ﺑﻌﻤﻖ .
ﻣﻼﺫ ﺗﺮﻭﺡ ﻭﺗﺮﺟﻊ ﺍﺗﻌﺎﻳﻦ ﺍﻟﺸﺎﺷﺔ ﻳﻈﻬﺮ ﺍﺳﻢ
ﺍﻟﻐﺎﻟﻴﺔ ﺍﺣﺘﺎﺭﺕ ﺑﺎﻻﺳﻢ ﻳﺠﻮﺯ ﻋﻨﺪﻩ ﺣﺒﻴﺒﺔ ﻟﻮ ﻣﺘﺰﻭﺝ
ﺷﻤﺪﺭﻳﻬﺎ ﺑﻲ ﺻﺎﺭ ﻭﺍﻫﺴﻬﺎ ﺑﻤﻮﺑﺎﻳﻠﻪ ﺗﺮﻳﺪ ﺗﻌﺮﻑ ﻣﻨﻮ ﺍﻟﺘﻠﺢ ﺑﺎﻻﺗﺼﺎﻝ ﻣﺎﻓﺘﺤﺖ ﺧﻂ ﺷﻌﻠﻴﻬﺎ .
ﻃﻠﻌﺖ ﻟﻠﺼﺎﻟﻪ ﻭﺭﻯ ﺷﻮﻱ
ﺳﻤﻌﺘﻪ ﻳﺤﺠﻲ .. ﻳﻌﻴﻮﻥ
ﻭﻛﻠﺐ ﻭﺭﻭﺡ ﻧﺸﻮﺍﻥ .
ﻣﻼﺫ ﻭﻷﻭﻝ ﻣﺮﺓ ﺗﺤﺲ ﺑﺸﻌﻮﺭ ﻏﺮﻳﺐ ﺿﺎﺟﺖ ﻋﺒﺎﻟﻬﺎ
ﻳﻐﺎﺯﻝ ﺣﺒﻴﺒﺘﻪ ﺑﺲ ﻣﻦ ﺳﻤﻌﺘﻪ ﻛﻠﻠﻬﺎ ﻳﻤﻪ ﻭﻋﻴﻮﻧﺞ ﻫﺎﻻﺳﺒﻮﻉ ﻧﺎﺯﻝ ﻟﺪﻳﺎﻟﻰ ﺷﻌﻮﺭ ﺑﺎﻟﺮﺍﺣﻪ ﺳﻴﻄﺮ ﻋﻠﻴﻬﺎ
ﻳﺮﺑﻲ ﻟﻴﺶ ﺟﺎﻱ ﺍﻓﻜﺮ ﻫﻴﺞ ﺍﻧﻲ ﺷﺪﺧﻠﻨﻲ ﻭﻳﺎﻩ
ﻓﺎﺗﺖ ﻟﻠﻤﻄﺒﺦ ﺗﺸﺮﺏ ﻣﻲ ﻭﻫﻲ
ﺗﻔﻜﺮ ﺑﻌﻼﻗﺘﻬﺎ ﻭﻳﻪ
ﻧﺸﻮﺍﻥ ﺷﻠﻮﻥ ﺭﺍﺡ ﺗﻨﺘﻬﻲ ﻭﺍﺫﺍ ﺍﻃﻠﻜﺖ ﺷﺮﺍﺡ ﺗﺴﻮﻱ
ﺷﻌﻮﺭ ﺑﺎﻟﻀﻴﻖ ﺭﺍﻭﺩﻫﺎ ﺧﻼﻫﺎ
ﺗﺮﻛﻊ ﺑﺎﺏ ﺍﻟﺜﻼﺟﻪ
ﻭﻃﻠﻊ ﺻﻮﺕ ﻗﻮﻱ ﻓﺰﺯﻫﺎ .
ﻟﻠﻴﻞ ﺭﻥ ﺟﺮﺱ ﺍﻟﺸﻘﻪ ﻭﻃﻠﻊ ﻧﺸﻮﺍﻥ ﻳﻔﺘﺢ ﺍﻟﺒﺎﺏ ﺟﺎﻧﺖ ﻛﺎﻋﺪﻩ ﺑﺎﻟﻤﻄﺒﺦ ﻭﺳﻤﻌﺖ ﺻﻮﺕ ﻣﻮ ﻏﺮﻳﺐ ﻭﺍﺻﻮﺍﺕ
ﺟﻬﺎﻝ .
ﺭﺍﻗﺒﺘﻬﻢ ﻋﺮﻓﺘﻪ ﻣﺎﻫﺮ ﺻﺪﻳﻘﻪ ﻭﻳﺎ ﻭﻟﺪﻳﻦ ﺻﻐﺎﺭ ﺍﻋﻤﺎﺭﻫﻢ ٤ ﻭ٥ ﺳﻨﻮﺍﺕ
ﺩﺧﻞ ﻧﺸﻮﺍﻥ ﻳﻤﺸﻲ ﺑﺜﻜﻞ ..
ﺣﻈﺮﻱ ﻋﺼﺎﺋﺮ ﻣﺎﻫﺮ ﻭﻭﻟﺪﻩ
ﺑﺎﻟﺼﺎﻟﻪ ﻭﻻﻃﻠﻌﻴﻦ ﺍﻧﻲ ﺍﺧﺬﻫﺎ ﻳﻼ ﺣﻈﺮﻱ ﻋﺎﻟﺴﺮﻳﻊ .
ﺣﻈﺮﺗﻠﻪ ﻭﻫﻲ ﺳﺎﻛﺘﻪ ﻭﺍﺧﺪﻫﺎ ﻭﻃﻠﻊ .
ﻛﻌﺪﺕ ﻋﺎﺍﻟﻤﻴﺰ ﻭﺧﻠﺖ ﺍﻳﺪﻫﺎ ﻋﻠﻰ ﺧﺪﻫﺎ ﺍﻟﺠﺎﻱ ﻳﺼﻴﺮ
ﻛﺎﻋﺪ ﻳﺴﺤﺒﻬﺎ ﺷﻮﻱ ﺷﻮﻱ ﻟﺤﻴﺎﺗﻪ ﻭﻋﺎﻟﻤﻪ .
