رواية ليليان الفصل الثالث عشر 13 بقلم زينب نور

ليليان .. 

                                

- انتي شنو كاعدين تحجين، شنو البقيه بحياتي ؟؟ انتي جذابه لسه عايشات لا تكوليهه فدوه الج، هنه الدنيا الي كلهه 

- عفواً اني لازم اروح بس ردت اخبرج وتكولين لأهلهن يجون ، مع السلامه 

- الله وياج 

                                

سديت المكالمه وخليت ايدي ع حلكي ..

شهكت وبدت تنزل  دموعي ..

                                

اباوع حولي كأنو الحياه متوقفه ..

وبس اني بيهه ..

سديت عيني ..

                                

ليش هيج ياربي بعدهن كليه مامخلصلات ليش اخذت روحهن ، ليش هنه مو اني .. 

هنه يستاهلن يعيشن واني لا ..

                                

نفسي انكطع ، فتحت عيني ..

حسيت احد لازم ايدي ..

                                

سامي .. 

اباوع عليهه ، غلقت التلفون والدموع بدت تنزل ..

مغمضه عينهه وخاله ايدهه ع حلكهه ..

                                

اريد اعرف شبيهه ، اسئلهه ماجاوب ..

اعلي صوتي هم ماكو فايده ..

                                

كمت وتقربت يهه ولزمت ايدهه ..

                                

- شكو شبيج ، احجي شصاير ؟!! 

- راحن 

- منو ؟!

- بلكوه نطقت اسمائهن ،، اماني.. شهد ..

- الله يرحمهن 

                                

جاوبتني صديقاتهن ماتن ..

خطيه بعدهن بعمر الورد ..

شلون ماتن !!

                                

- ليليان ،، اني شلون راح اكول لهلهن ؟ 

- سامي ،، انطيني الرقم اني اتصل ..

                                

احسن هو يخابر ، مالي قدره اكولهم اني ..

انطيته الرقم وراح بعيد يخابر ..

                                

ضليت صافنه ع الحياة ..

حياة مو عادله ابد ..

                                

تاخذ بس الزين والي نحبهم ..

شبقيتي يا حياة بينه ، كافي عاد ..

                                

كمت رحت اغسل ..

ماعرف دموعي من المي ..

                                

اووف اريدهن هسه بجانبي ..

ليش رحتن وعفتني ،، اثنيناتكم . 

                                

سامي،، خابرت اهلهن ، ماعرف شلون تحملت هلموقف ..

اتكول لشخص ،، عزيزك مات ..

                                

رجعت الهه لكيتهه ماكو ..

دورت عليهه ماكو وين راحت ..

كعدت بنفس المكان ..

لشوي اجتي ..

                                

- وين جنتي عبالي رحتي ؟

- لا جنت اغسل 

- حجيت وياهم وهسه راح يرحون للمستشفى

- اني لازم اروح هم 

- لا راح ترجعين للبيت 

- وانت منو حضرتك ؟!!

- مراح تكدرين تستحملين ، صدكيني 

- لا اكدر ،، اريد اشوفهن 

- ليليان .. انتي مراح اشوفيهن للابد ، ماتفرق اذا هسه شفتيهن او لا 

                                

ليليان ،، خليت موبايلي بلجنطه وشلتهه ..

كتله واني داروح ..

                                

- انت معليك واني رايحه ..

                                            

                                              

                                                    

سامي ،، هاي البنيه مخبله ..

حتروح بعدهه هناك ..

                                

- رحت وراهه ،، اوكفي .. دقيقه ...

                                

ليليان ،، ضل وراي يمشي سريع ويناديني ..

عفته وكمت اسرع .. 

شبي ويايه ،، عوفني ..

                                

وكفت ع الشارع انتظر تكسي ..

وكف يمي ، كالي ..

                                

- ياربي ، شسمي هذا ؟ 

                                

ماجاوبته ..

                                

- امشي اني اوصلج !

                                

-انداريت عليه وكتله ، عفواً انت شبيك ويايه ليش ماتعوفني ،، اذا ع التحليل الي سويته الي فكتلك اني مسامحتك وخلص ..

                                

- سامي ،، فوك مداسوي زين اني ، عمي راح اروح صوجي والله ..

                                

صدك ناس ماتستحي ..

شبيه اني ، ليش ماعفتهه ..

                                

ضوجتني من الصباحيات ..

ولج اني هستوني خابرت اهل البنات ..

وسويتلج معروف ،، ناس ناكرة الجميل ..

                                

طلعت ويا اصدقائي ..

ورجعت للبيت بليل ، انوب اسوء بلزايد ..

بس طبيت تعاركت امي ويايه ..

ع شنو مادري ، اعتقد ع اسيل ..

                                

صعدت فوك واجتني ايه ..

فتحتلهه الباب ..

                                

- شبيهه امي ؟!!

- امم كتلي شتريدين اني حاضر ..

- جذب !!

- لا صدك احجي ،، اني ايه شلون مادبرهه 

- ولج انتي شيطانه ،، قصدي ملاك من السماء ..

- معليه بلكلام اني عليه بلمصاري والفعل ، هههه 

- هههههه يدلل الحلو ، شتردين اني حاضر 

- بعدين نتفاهم عود 

- يعني هسه صدك خلصت من اسيل 

- اييي 

- بس شلون ، شكلتي شسويتي ؟؟!

- هذا سر 

- مو مهم ، امي ماتعاركت وياج 

- من الصبح  ، ماظنيت هيج بسرعه راح تفسخ اسيل عبالي صدك تحبك

- جذابه ، جنت مخدوع بيهه ولو مامتوقع منهه شي

- ايي زين خلصنه منهه ..

- يله روح خلي انام 

- ماشي ، تصبح ع خير

- بستهه من راسهه ،، وانتي من اهله ..

                                

ايي راح انام واني ارتاح ..

لا ليليان ولا اسيل ..

                                

وامي خلصت عركتهه ..

بقه ارجع للشغل ، لازم اقنع ابويه ..

وهاهيه نعيش عيشه سعيده ..

                                

صدك البنات ماوراهن شي بس مشاكل ..

همزين خلصت منهن ،، اني اخطب بعد واكول اريد ازوج ..

                                

كعدت ثاني يوم من الصبح ..

غسلت وبدلت ،، نزلت جوه يتريكون ..

                                

- صباح الخير 

                                

جاوبوني مرتضى وهديل ..

                                

- صباح النور

                                

امي ضايجه مني ..

بس ابويه ماعرف ..

                                

لازم اكله ع الشغل ..

شعندي كاعد بدون شغل ..

ومخلص كليه وتعبان بلدراسه هههه ..

                                            

                                              

                                                    

كملنه اكل ، ابويه طلع بلحديقه ..

رحت وراه ..

                                

- بابا اريد احجي وياك!

- خير !!

- اريد ارجع للشغل ، صدكني اني اخذت درس 

- راح اشوفلك شغل بأحد مختبرات معارفي 

- شكراً بابا الله يخليك النه ،، كمت بسته من راسه ..

- سامي انت بعدك ماكبرت ولا راح تكبر اذا اضل ع سوالف 

- يا سوالف هاي بابا ؟

- انت ماخذت درس ولا عبرت ،، ولا تكدر تكون عائله ومو كد المسؤوليه 

- ليش هيج ماخذ عني نظره ؟

- اسيل فسخت الخطبه والجمعه نروح الهم 

- انت كلت بنفسك هيه فسخت مو اني 

- بس انت هم ماتريدهه وقبل فتره ردت تفسخ 

- ايي لان موتتني ، كلسع اتشك بيه واني ماعندي شي ، تخابرني واني تعبان وسوالفهه تعبانه ، مليت منهه

- هاهيه هسه انتهت بعد ، ان شاء الله تلكه احسن منهه والي تريدهه انت تختارهه 

- ان شاء الله ..

                                

بعد اسبوع لكالي ابويه شغل ..

وكمت اشتغل بمختبر هواي ناس عليه ..

                                

اغلب وقتي اكضي هناك ..

طلعاتي قليله ويا اصدقائي ..

                                

ومن ارجع للبيت اكضي شويه وقت ويا جهال اخويه ..

يونسوني هوايه ..

                                

ليليان ماعرف عنهه شي ولا رحت بعد للجامعه ..

وهاي حياتي ظلت لأشهر ..

                                

ليليان ...

                                

اخذت تكسي  ورحت للمستشفى ..

دخلت الباب الرئيسية ..

رجلي ماكدر احركهه ..

                                

خفت من شعوري وكت اشوفهن ..

عرفت ماتحمل ..

خابرت روان اخت اماني ..

                                

- هلو روان ، البقيه بحياتج

- حياتج الباقيه حبيبتي 

- كتلهه بصوت مخنوك ،، شلونج ؟

- شحالي ، اختي ماكو راحت 

- الله يساعدج ، هنه هم جانن عزيزات عليه ومدينه الهن بحياتي 

- كله بيد الله ، الله يرحمهن

- الله يرحم الجميع ، اني لسه ماعرف شصار وياهن ؟

- ابو الخط ما اجه الهن الصبح وراحن تكسي سوه وصار حادث وو ..

- هذا قدر الله شنسوي 

- ايي راح نروح اليوم ندفنهن بلنجف

- اووف ،، شوكت حته اروح وياكم ؟

- ماعرف

- عفيه كوليلي ، اني لازم اروح وياكم 

- ان شاء الله 

- اخذي راحتج مع السلامه 

- الله وياج ..

                                

يا ربي شلون حيدفنوهن بلكبر ،، وحشته منو يتحملهه..

عوضتني بيهن ليش رجعت اخذتهن مني ..

احبهن قطعه مني واكثر من اخواتي ..

                                

رجعت للبيت ، طبيت بدون كلام ..

كلت لميان تنتبه للموبايل ، اذا اتصل عليه احد او روان ..

نمت للمغرب كعدتني ميان ..

                                

- كعدي هاي وحده اسمهه روان ، شنو نجف شنو دفنه ، مال منو؟؟

- وينهه ، انطيني الموبايل ..

                                

اخذت الموبايل واتفقت وياهه ..

بدلت ونزلت جوه ..

                                

- ماما اريد احجي وياج ..

- كولي بنتي..

                                

بديت ابجي وخليت راسي بحضنهه ..

الله يساعد الفاكد عزيزه والي يحبه ..

                                

- اماني وشهد ،، الله يرحمهن 

- شنوووو!!

- اني لازم اكون حاضره دفنتهن 

- وين بنتي ، هسه؟

- اي راح يرحون للنجف

                                

- جود ،، وين بهليالي ؟

- لعد شلون ، هنه خواتي 

- جود ،، ماكو روحه

- ماما بابا ، احجوا وياه ، هو شعليه 

- بابا ،، بنتي دنيا ليل ،، والنجف بعيده منو يروح وياج ميصير 

- مامااا!!

- بنتي انتي بعد ماتكدرين اسوين شي ، اترحميلهن ، ادعي صلي اقري قران الهن ، هذا كافي والي يحتاجنه ..

                                

اخذت ميان وصعدت ..

ابجي واحجيلهه عن ذكرياتي وياهن ..

ما صار هواي من التقيت بيهن بس اعرفهن اكثر من روحي ..

                                

لثاني اليوم العصر رحت للفاتحه ..

اني وامي وميان ..

شويه يم بيت اماني ، وبيت شهد ..

                                

طبيت لغرفتهن وشبعت بجي وقهر ..

هنا جانن ينامن ويقرن ويكضن وقتهن ..

اووف اثنينهن راحن بدون رجعه ..

                                

مشت الايام ورجعت داومت ومرات اخذ ميان ويايه ..

جمانه هيه المنفذ الوحيد الي ..

الله يحفظهه الي ، بقت بس هيه ..

                                

صعب الدوام ، والوقت بطيء ..

اغلب الايام ماداوم ، بكل مكان اشوفهن ..

اذكر هنه ويايه ..

ودرجاتي ابد مو زينه بس نجحت ..

                                

وره شهرين ازوج مراد ..

حاولت اتأقلم ، وافرح بس مو بيدي .. 

                                

عزتهن بروحي ، مو بسهوله انسى او اعيش اعتيادي..

هنه السبب ، اني عايشه ، بدونهن ماجنت اعرف اني مابيه شي ..

                                

مشت الأيام ..

مرات نطلع نفتر ..

                                

لو انروح لكراييه محافظات ..

ومرتين رحنه لاربيل ..

                                

جنه ابيت جدي ، اهل امي ، بلكوت ..

كاعدين يسولفون بلحديقه ..

                                

حديقتهم جبيره كلش  .. 

تخبل ، كلهه زرع ، و ورود ..

                                

دنيا ليل ، الجو حلو صيف ..

بي نسمه هواء حلوه ..

                                

حاطه سماعات بأذني اسمع اغاني ..

واني ع المرجوحه ، اباوع عليهم ..

                                

اجتي رساله غريبه ، هههه من معجب سري ..

مع اني ماتوصلني رسايل ..

بس من جمانه ..

                                

"" لا يسعني التفكير الا فيكِ  ..

أتمنى ان تتقبلي هديتي إليكِ ..

ستجدينها عند الباب ، اُعدت فقط لكِ .. ""