رواية الضابط فهد ومريم الفصل الثالث عشر بقلم مجهول
فهد: جنت دامشي طبينة للكافترياا واشوف ملاك شسوي هناا وليش لابسةة مال نادلين كعدنة وشافتني نصدمت ضلت تباوع مريم جانت كاعدة يمي ردت اقهرهة واوصللهة فكرة محد يموت ورة اححد اخذت ايد مريم ولزمتهة بكلل فخرر
مريم: طبينة للكافتريا كعدت يم فهد جاا غير رجلي وين اكعد ولله شوية وماحس غير فهد لازم ايدي باوعت علي شفتة يباوع ع وحدة مبين عليهة نادلة نهضمت هاذة شديسوي تخبلل يمكن
مريم: فهد فهد هد ايدي
فهد : باوعت عليهة شفت عيونهاا مدمعة يمكن شافتني من اباوع ع ملاك شسويت اني داكحلهة عميتهة
مريم: منوو هااي فهد
فهد: منوو
مريم: فهد داكلك منوو هاي احجي لتخليني اعيط هناا
فهد: ملااك
مريم: من كال ملاك مادري شصار بية حسيت غصة بلاعيمي تمنع النفس يعني ديسوي هيج حتة بس يخليهة تغاار هوة محابني ولزم ايدي علمود مصلحتة يعتبرني خدامة وهسة خلاني اداة للعشك مالتة سحبت ايدي ودنكت وكعن دموعي بدون ماحس
فهد: شفتهة شلون انصدمت وضلت تباوعلي بنضرات تمنيت اموت وماشوفهة اني شسويت ياا اللهي ساعدني
علي: مريم شبيج
مريم: رفعت راسي واحس نفسي اختنكت اريد اتنفس ماكوو كمت اشهك وعصرت ايد فهد حسيت روحي طلعت رخة جسمي وبس اسمعهم يصيحون علية غمضت عيوني وستسلمت
فهد : دنكت عرفتهة دتبجي كرهت نفسي بذيج اللحضة سمعت علي يكللهة مريم شبيج رفعت راسهة وكامت تشهك اني هناا تخبلت صرت من المخبلل اكمز واصيح اريدهة ترجع ماكوو شفتهة غمضت وعفتهم شلتهة ورحت طلعت بيهة للسيارة ولعالم كلهة التمت تباوع علينة ماهتميت ل ايشي اريدهاا بس ترجعع اخذتهاا ل اقرب مستشفى علية طول الطريق وهية تشهك امشي بكلل سرعتي زين وصلنة وماسوينة حادث طببناهاا حطوهة ع السدية واخذوهة اسمعهم يصيحون دكتور قلب جيبوو دكتور قلب شنوو قلب احجي شبيهة
الممرض: اخوية المريضة كلبهة مشوف حلكهة شلون ابيض
فهد: كلبهة شنوو منشوكت لييش مادري اجة الدكتور طلعنة كلنة وضلل نص ساعة وطلع
الدكتور: شتصير منهة
فهد: زوجهاا انيي زوجهاا
الدكتور: ممكن تهدئ المريضة عدهة فتحة ب القلب ومقهورة من شيي لذلك هاي الشهكة بيهة شنو انتوو مرايدين حياة البنية لييش هيج منهارة اعصابهة
فهد: دكتور عوف هلحجي هسة شلون صارت
الدكتور: الحمدلله تكدر تشوفهة بس لتقهرهة
فهد: شكراا دكتور
الدكتور: هذاا واجبي
فهد: طبيت لكيتهة تباوع للسكف وبس دموعهاا تنزلل
مريم: فهد اطلعع ماريد اشوف وجهك
فهد : الله يخليج خليني افهمج
مريم: روح فهد روح اخذهاا موو هااي الحبيتهة ع شنوو تفهمنيي هاا اني مجرد خدامة انتة موجبتني خدامة ليش تفهم خدامة روح عليهة هية من مستواك دارسة وفاهمة اني منوو حتة تفهمني شكراا ماريد شيي منك الله يسامحك
فهد: انتي موخدامة مريم انتي مرتي هية باعتني انتي الوكفتي وياي موهية انتي صرتيلي سند لتحجين بدون متفهمين هية دارسة بس ماعدهة عقلل اهم شي عدهة تتفاخر بنفسهة هية تحبني بس وافقت ع ابن عمهة حتة تتفاخر بي لائن دكتور
مريم: ميهمني ماريد اسمععع شييي اطلع فهدد
فهد: اهدي مريم اهدي راح اطلع طلعت شفتهم كلهم جايين وينتضروني
علي: هاا بشرر شلون صارت
فهد: الحمدلله زينة
علي: الحمدلله
سيف: شبيهاا ليش هيج انهارت
فهد: كلة بسببي الله ياخذني
علي: فهد شسويت شنوو بسببي احجي
فهد: حجيتلهم كلشي ضلوو بس واكفين ومصدومين
همام: فهد انتة اعمى لوو شنوو
علي: اهدئ كلشي ينحلل همام اسكت
فهد: خلي يحجي لييش يسكت ماحجة شيي غللط
علي: كوم خوية كوم نسوي ورقة خروج
فهد: رحنة للدكتور كال تكدرون اطلعوهاا بس بدون حجي يقهرهة طلعنة وصلنة للبيت امي شافتهة كامت تصيح
سعاد: يمة بنيتي شبيهة احجوو شسويت فهيداان
فهد: يمة رحمة الربج عوفيني بضيمي فهيداان فهيداان شصااار هلفهيدان
سميرة زوجت امين: يمة استهدوو ب الرحمان شصار احجوو
علي: يمة ماكوو شيي بس مريم صار عدهة هبوط وختنكت اخذناهاا للمستشفى حطولهاا مغذي ورجعنة ماكوو شي لتكبرون السالفة
مريم: طبيت جوة كلتلهم اخذوني لغرفة زينب فهد اعترض باوعتلة بنضرة خليتة يروح وميحجي شي رحت وية زينب للغرفة ضليت ابجي وزينب تحاول تحجي وياي تهديني ميفيد طلعت شوية وطب فهد
فهد: طبينة كالتلهم اريد اروح لغرفة زينب كلتلهة امشي وياي باوعتلي بنضرة كلهة عتب وحقد خلتني اروح بدون ماحجي شيي رحت للغرفة ضليت ادخن نص ساعة واجتي زينب تركض تكلي مريم راح ترجع حالتهة متقبلل تسكت رحت ركض بدون ماجاوب طبيت لكيتهة تبجي رحت حضنتهة واهمس بكلمات تهديهة بس هية كامت ادفع بية
مريم: فهد روح اكرهك ياا ضالم اكرهك #ڪــڔٰا̍ڕ
فهد: ميخالف اكرهيني بس اسكتي كافيي بجيي الله يخليج مريم وداعت عيونج فهمتيني غللط بشنوو احلفلج بعد افهموني عاااد
مريم: سكتت وضليت ابجي بهدوء باوعت علي وكلتلة
مريم: چاا هوة اليحبك هيج يتعب
ضلل يباوع ومصدوم حقة بعد كلل السواا بية اخرر شيي يتوقعة مني هللشي بس اني غبية اني دوم غبية دائماا ربي يخليني اعيش وية نااس ضالمة شوكت اخلص من الضلم شوكت اعييش
فهد: مريم عيديهاا
مريم: لتفرح كرهتك فهد كرهتك انتة انسان ضالم عندك بنات الناس لعبة انتة راح تضلل طول عمرة ضالم
فهد: تمام اني هيج بس اهدي وناميي
مريم: فهد رووح
فهد: مثلل متريدين بس بداعة كل شخص غالي ع كلبج لتبجين
مريم: من كلي هيج هدئت ونمت كعدت الساعة 11 بليل لكيت فهد كاعد يمي وحاط اكلل يمة
فهد: صح النوم يلاا كومي اكلي
مريم: موكتلك ماريد اشوف وجهك
فهد: كومي اكلي مريم
مريم: ماريد كوم
فهد: كومتهاا وكمت اسويلهاا لفات واوكلهاا
مريم: بسس شبعت
فهد: اخرر لكمة يلاا
مريم: اكلتهاا وشفتة جاب علاج واجة انطاني علاج وضلل كاعد يمي
شكوو تباوع كمت تتخيلني ملاك
فهد: تسوينهة
مريم: ايي واضح اصلاا
فهد: انتي شايفه روحج من تغارين
ابوس خربطة كلامج حرف حرف.
مريم: مححد يغاار وهلموقف مراح انساا طول حياتي يفهد
فهد: يعني هلموقف بدون متفهمي حجيتي هيج ولله لوو تدرين شحجيت وية نفسي من لزمت ايدج مسوين هيج وتعتذرين هم
مريم: مو كل المواقف نكدر نسكت عليها ، ولا كل المواقف نكدرنتحملهاا ونمشيهاا مو كل المواقف نكدر نكمل وراهاا مثلل الاولل . ولاا كلل المواقف تروح بدون ما تترك أثر دائما المواقف تخلينة نشوف شي اول مرة نشوفة اول مرة نحس بي خيانة ع استخلال شتريد اسوي اشوفك شلون تباوعلهاا واسكت لزمت ايدي بس حتة تخليهة تغاار استخليتني فوك كلشي فهد انتة راح يجي يوم وتتندم بي وصدك ماسامحك
فهد: الايام تثبتلج عفتهاا وطلعت وحسيت بشعور اول مرة احسة لأول مرة احس گلبي انطفى حرفياً
مريم: راح فهد كمت توضيت وفتحت سجادة وكعدت سامحني يالله اذا . بكيت على قضائك ونفذ صبري وضاقت نفسي ، اللهم إني أعوذ بك من ضيق يؤلمني وفكر يقلقني ، اللهم اني اعوذبك شعور لا يشكى ولا يزول ثقله ربي اجبر قلبي وخاطري فـ ليس لي سواك يالله ضلت دموعي تنزلل ماوكفت حسيت نفسي رتاحيت من شكيت لربي اجتي زينب وشهد كعدن يمي حاولن يواسني
زينب: ولجج مريوم لسوين هيج بنفسج صدكيني فاهمة غلط فهد يحبج لتضلمي
مريم : من كالت لتضلمي ذكرت كل الضلم الشفتة وياا كل الاهانات ولحجي ولضرب كمت اصيح ياا ضلم دتحجين علي صار هوة المضلوم هسة واني الغلطانة اني الي شفت الضلم كلة وية فهد اني الي نهانت ونضربت بيوم عرسهاا زينب بيوم عرسي انضربت ونهانيت ونكسرت بيوم جان المفروض احلاا يوم بحياتي كلي انتي جبتج هناا خدامة بيوم عرسي جان يخابرهة ويتغزلل بيهة كدامي جان يضربني ورة ميخلص حجي وياهااا لييش لائن اكلة شنوو ذنبي انيي انضرب لهاذ السبب منوو المضلوم هسة احجي زينب
زينب: اسفة مريم ماجنت ادري بكلل هااذ
مريم: حقج حجالكم كم كلمة صدكتوو خلاكم تنقهرون علي حقج هاذة ضالم لتنقهرون علي ميهمة غير نفسة وهااي الي اسمهاا ملاك بس هية احلاا مني لائن عيونهاا خضرر يحبهاا عادي اغير لون عيوني شعرهاا اصفرر اصبغ نفسة اغير نفسي حتة ينساهاا شسوي
زينب: مححد يستاهلل تغيرين نفسج علمودة مريم اهتمي بنفسج وبس محد يفيدج غير صحتج صدكيني
مريم : التفكير زينب التفكيرر دمرني شمسوية بحياتي وهيج نضلمت لييش ولله ماستاهلل كل هااذ هلضيم ميحملة كلبي موحملل هلضيم
زينب: مثلل ماقهرج اقهري اهتمي بنفسج سوي نفسج مامهتمة اضحكي احجي لسوين هيج بنفسج لتكسرين صيري اقوة من الضروف.
مريم: اجتني فكرة اقهرة بيهاا وهوة محذرني ماسويهة ادلل يفهد
