رواية خفايا القدر الفصل الرابع عشر بقلم انين الروح
راح ياخذهم جراح البغداد يتعالجون بس لا تحجين لحد
بس ايوب عمتي متخربطه وتريد تعرف شنو الصاير
كوليلها ماكو شي
والولد راجعين بعد اشويه
صار تدلل
رباب .شكو رهف احجي موتي كلبنه
سمعوا ماريد احد يعرف
ازهار .دحجي مسويه حالج باحثه وتخافين علينه
خبر اليوم بفلوس باجر ابلاش
لا موعليج اخاف بس ايوب وصاني ما احجي علمود عمه ام جراح
رضا محتركه يده ورجله واثنين من العمال ايضا محتركين
عزه العزاني اخويه محترك ولج يمه
رباب دخيلج لتحجين غير عمه اذا سمعتج تروح بيها
هسه الولد راح يجون اسكتي
علياء ..يمكن جوي الزلم لان صوت سيارات
دخل جراح وايوب ولد عمهم
ها ايوب خير سولفنه
خير ان شالله خفيفه لا يظل بالجن
وين امي
جوه كاعده يمها النسوان
رهف ابساع حضري جنطه الرضا ملابس انتي ورباب حطيله داخليات وتراكسود نص ردن وبرموده خاف ما يكدر يلبس شي طويل
زين رضا حالته شلونها ...زينه زينه بس استعجليلي فدوه
صار من عيوني ...امشي رباب ابساع
ازهار .اني اروح احضر ملابس جراح
حبيبي شخليلك بالجنطه
جراح .ماريد شي فاركيني وبس ماريد منج شي
هاي اشبيك ليش تعيط علي انه اسويتلك
وخري من جهرتي لا والعباس اطك بيج
وانه شنو قابل انه الحركت المكان
اي لان تعرفين الحريق منو وراه
لا والعباس ماعرف منو وراه
اتغشمين حالج مو بنت قحطان
جراح لاتظل اتلمح بالكلام منو سواها
لج بنت النعل شنو المح
ليش انه خايف منج لو من اهلج العوج
لا تغلط ع اهلي
اشو اغلط واسب وريد اشوف شيطلع وراج
وروحي كولي اخوج الاغبر من يسوي فاينه خل مايترك وراه دليل حتى ماينعرف
بس خل الكفه اله ازوعه حليب امه
ولويش تتهم اخوي منو كلك هو
انه جاي احجي وي مطي مو كتلج تارك اثر ودليل يثبت بأن هو السواها شني انتي دماغج معبه تتن
ازهار فاركيني لا ابتلي بيج
صوتج ماريد اسمعه
اي طبعا صوتي ماتريد تسمعه قابل اني رهف
تعاي تعاي اهنا جريتها من زندها وعتيتها
شنو قصدج برهف ليش جبتي طاري البنيه
شمالك وجعت يدي
وعساج بالوجع ليش حجيتي عالبنيه
جراح انه موثوله شفتك البارحه نص اليل تحجي وياها بسكوت
وجبتها براشدي فر وجها فر بنت الجلبه البنيه فقيره
هي زوجه اخوي نزلت تشرب مي وانه ما ادري شفتها بالمطبخ لاادخلينه ابمواضيع مالها صحه من الوجود لا والعباس انهي ع حياتج
لا تحلف ولا تكول انت اعرف بس انه ان صار الشي الي في بالي صدك ما اسكت
جريتها بقوه ودفعتها عالحايط ولج انتي شجاي تخربطين
شنو اليصير وشنو الي ابالج احجي لا اكسر راسج
ايوب .وينك جراح السيارات تنتظرك
اي ايوب جاي
راح اسكتلج لان مو وكت اكسر راسج بس خل ارجع وانه اعلمج الحجي المعدل يا بنت الجلب
لا تسب ابوي
ابوج يستاهل السب لان ماعرف يربي بنته صح
ادفعتها
وطلعت للولد لكيتهم ينتظروني صعدت سيارتي
وطلعنه البغداد نشوف حاله الشباب شلون تكون
صح رضا اخف منهم بس العمال حالتهم صعبه وخطيه همه اصحاب عوائل اخذتهم حتى نعالجهم
واذا اضطر الامر اسافر بيهم حتى يتعالجون
بلغت ايوب وشهاب وفهد ومرتضى ولد العم يهتمون بالعلوه ويرجعون اعمارها ويتحققون من الموضع
بس عالساكت حتى خاف اكو يد مخفيه مايعرف احنه شناوين انسوي وياه
ام جراح .هاي منو مسوي الغده
زينب .يمه هاي رهف من شافت نسوان العمومه ملتهيات وياج
كامت خطيه طبخت لزلم كالت يردون ويطلبون غده وعيب ماوحده طبخت
روحي صيحيها
صار يمه
رهف تعاي امي تريدج
اي جايه ...خير زينب اكو شي
لا بس امي رادتج
ها عمه اكو شي ...لا يمه بس انه اشكرج ماقصرتي وكمتي طبختي وانتي بهاي حالتج
لا عمه ع مروتج غير طبخت الاخوتي والابويه والج شعندي غيركم غير انتوا اهلي
ازهار ..بله لا تحمين علينه قابل شمسويه انتي طابخه الوليمه
ام جراح .انتي سكتي لا تحجين
المفروض انتي التهتمين بأكل الزلم اليجون
بس انتي الله اعلم وين ملتهيه اكيد جنتي تعاركين جراح
هاي اشبيج عمه شو كلبتي عليه لازم ام السحوره اثر بيج سحرها
رهف .ازهار احترمي حالج اني بنت اصل وفصل وما اتعامل بالسحر
اذا جان هذا ثوبج فهوه مو ثوبي لو كلمن يشوف الناس بعين طبعه
شفتي عمه شتكول عليه بنت بغداد
الحجيه .والله يا ازهار انتي البديتي ليش ماسويتي السوته هي مو انتي جنه البيت الجبيره
عمه والله نسيت وجنت ملتهيه وياكم غير الصابنه ماخله عقل بيه افكر بأكل الزلم
اي شفتي هذا الفرق بينج وبين رهف هي مانست اهل البيت وطبخت الهم وانتي التهيتي ماصدكتي صار كدامج فد خبر حتى تشبعين بي لطم
هاي ليش هيج تكولين عمه اني غير زعلانه من زعلكم وضايجه مثلكم
يله امشينه خل نصب الاكل لاتجي الوادم
علينه
صار عمه
ايوب رحت للعلوه نتاكد منها خاف اكو شي بعده شاعل جتي النجده ايضا ساعدتنه بس ماكو شي يدخل ع فعل فاعل كل الي شفناه هو واير طابك وع اثره كابه النار لان هوه جادح قوي
وبالتحقيق كتبوا اثر تماس كهربائي
كمنه انه والولد الشباب نلم المحروك ونطلعه بره
جبت سياره نحمل بيها حتى نذبه ليغاد لليل كملنه كلشي
ارجعت للبيت من بعد ما نظفنه العلوه وشلنه المحترك منها
دخلت الغرفتي شفت رهف نايمه رحت عليها صحيتها
كومي رهف سويلي شي اكله ميت جوع
كمت باوعت عالساعه جانت بالوحده باليل
تاكل (خاثر) لبن وخبز لو اسويلك شي ثاني
اي جيبي بس مجرد اسد جوعتي
دقايق
دخلت اني اسبح ورتاح
طلعت من غرفتي ورحت للمطبخ خليت القوري عالنار وطلعت من الثلاجه خاثر وخبز
وحضرت الصينيه ودا انتظر الجاي يتهدر
هاااا شو هم كاعده بالمطبخ شعندج تره اليوم ماموجود
منوه
الي تردينه
شهل حجي وشهل خرابيط تره ازهار حيل طوختيها
والله تره راح اوصلها العمي والعمتي والايوب
وصليها احبيبه حتى يطردوج من البيت ويشمروج البغداد
ليش عيني يطردوني فوك ما احجيلهم الصدك
اي لان محد راح يصدكج يعني ممعقوله يصدكوج انتي الغريبه ويكذبوني اني بنتهم
لعد يا ست ازهار اذا همه مايصدكوني لعد انتي تحذرني مني لا اهجم بيتج ع راسج
لشوفيني ساكته عبالج اخاف منج
اني ساكته لان ماحب اسوي مشاكل
وهجوم بيوت
وع كولتج بنات بغداد وكحات ف لتخليني اشوفج الوكاحه ع اصولها
رهف وينج صار ساعه من كتلج جوعان
اي جايه ايوب بس جنت انتظر الجاي يتهدر
التفتت ع ازهار وحجيت وجنت اغطي
( الزباله لان ريحتها فاحت )₩₩₩₩
عفتها وخذت الصينيه ورحت الغرفتي
هاي تفضل حتى جاي حضرتلك
رحمه الله والديج
اكولك اصار من جراح والولد الاخذهم
وصلهم البغداد وهناك راح يعالجهم لان الشباب وضعهم صعب
ورضا ان شالله يتحسن بسرع وكت
زين هو الحريق شلون صار
والله ما اعرف يكولون تماس كهربائي
وناس تكول فعل فاعل وناس تكول من حر الجو
ان شالله انبين الحقيقه المهم انتوا سالمين كلشي يتعوض
اي الحمدلله
زين جراح راح يبقه يمهم ابغداد
اي اكيد
لو ادري رايحه وياه حتى امر ع اهلي
هاي شبيج رهف مو الف مره كتلج اني اروح واجيب اهلج ليش هالملحه ع الروحه لو بس حابه اتعبين انتي والطفل
لا ايوب هاي اشبيك بس كلت هو رايح اروح وياه
زين شلون ترحين وياه و زلم هواي بالسياره
اي صح نسيت ..وتره هسه اني مرايحه ماله داعي اتعصب
غير كلامج العصبني اليسمعج عايشه ويايه بالكوه
لا ليش هيج راح تفكيرك بعيد
اكل عيني ولتفكر بالامر
اول وتالي اشوفهم وانت هم كتلي تروح وجيبهم
اكل وكام
رهف اذا اطلبت منج شغله اتسويها الي
اي كول
والعباس ما اكدر اكوم افرش اسناني تكدرين تجيبين المعجانه ومي بالدولكه وفرشتي والمعجون انه كاعد اهنا وفرش
صدك تحجي
اي والعباس حيلي مهدود
صار راح اكوم اجيبهن
اي فدوه رحتلج
كمت جبت الراده فرش هو كاعد ع حافه الجربايه مضمض وشطف حلكه بعدها كمت لميت كلشي ومسحت الكاع عالسريع وعطرتها وجيت مددت عالفراش
هو اتقرب الي حضني ونام ع صدري
رهف ..
.نعم
لعبي بشعري حتى انام
اني بس دخلت اصابعي بشعره وسمعته شخر
شكد لعد تعبان جسمك الخاطر الله
........................
مرت عليه ايام اصعب من الموت
مغص ابطني ولعبان نفس والنوب مشاكل ويه ازهار وعمتي ملت روحي
عمتي تسمع الازهار وتندار عليه تتعارك ويايه بس اريد اهج منهم اطلع اريد ارتاح وما اسمع شي من احد
صار ع حملي ست شهور بطني كبرت وصارت مشيتي كوه
احس روحي ثكلت حيل والنوب البيت والخطار ورجعه رضا للبيت وناس داخله وناس طالعه صرنه فندق ياهو اليجي يدور خدمه خمس نجوم حتى يكوم
واكو ناس ما ترضه تطلع اله تختمها بعشه يله تتحرك
طلعت روحي
عمتي.. شو ست الحسن اليوم متاخره عالطبخ
لاعمه طابخه وجاهز
جنت طابخه مرك دجاج وتمن
شو خل اضوكه
ويع حشه نعمه الله شني هاي جنه مي حار لاطعم ولا لون
ليش عمه حمسته بالبصل والنومي بصره والبهار
مطيب شنو تعارضيني
لا عمه ع راحتج اذا ميعجب طبخي غيره
اي يبنت الدلال نطبخ ونذب احنه الخاطرج
عمه اذا ميعجبج طبخي خلي غيري يطبخ ماشالله عندج جنه وعندج بنات وهاي من غير بنات العم الجايات بس ياكلن خليهن هن اليطبخن
اي واني ازوج ولدي حتى اكعد اتفرج بس عالجنه
والعمام يخدمن بيج
وليش بس اني شو ماتحجين ع ازهار المكابله غرفتها بحجه ترضع بتها
اي البنيه مكاذبه جاي ترضع بتها
الخاطر الله عمه صارلها بالساعتين بس ترضع
دروحي عليها هسه ودخلي راح تلكيها لازمه تلفونها ودك حجي
وانتي شني مراقبتها
لا العفوا ع شنو اراقبها قحط هي لو قحط
بس صوتها وضحكتها يجيب التايهه ياعمه
خلت وطلعت عمتي من المطبخ حسيت روحي لزمتني الدوخه
شافتني رباب
هاي اشبيج رهف
ماعرف احس روحي راح اوكع
عوفي البيدج وروحي الغرفتج
اي فدوه ديري بالج ع الاكل بعد ما اتحمل فدمره صرت
رحت الغرفتي مددت وصعدت رجلي ع المخاد لان ورمت حيل كالولي صاير عندي زلال ومنتفخات
اشويه ودخل ايوب
حبي رهوف وينج
تعال ايوب
حب حضريلي ملابس بالجنطه اريد اطلع البغداد
صدك ايوب اشوكت خلي اروح وياك فدوه
لا حبي عندي شغل اني رايح
ومناك امر ع اهلج اجيبهم ويايه
صدك ايوب فدوه لتتاخر عليه لان حيل مشتاقتلهم صار ٩ شهور مشايفتهم
وهاي هيج حاسبتلهم احساب
اي والله من كثر اشتياقي الامي راح اموت ع شوفتها صرت احسبلهم ياليوم والشهر والساعه
صار حبي بس يوم يومين ورجع اني وامج
راح انتظرك ع نار لا ع احر من النار
كمت حضرت جنطه صغيره كام ايوب يحضن بيه ويبوس ويشمشم حتى سمعني كلام استغربت منه
جرني حيل الحضنه ظل حاضني طويل ويشم بركبتي
ومغمض عيونه
بعدها كلي
خلي بالج ع حالج وع النونو لبين رجعتي
اصدكين راح اشتاقلكم
استغربت حيل
اشبيك ايوب حاس بشي اذا تعبان لتسافر اليوم
لاحبي مبيه شي ولازم اسافر شغله تستوجب سفري ان شالله يومين هيج ورجع اني ويايه اهلج 😘😘😘😘
شرب استكان جاي وباسني من راسي وطلع بعدما ودعنه كلنه
ظليت متشوقه اشوكت راح يكضي اليوم والبعده
ويجون اهلي واشوفهم روحي طاكه عليهم طك
بس اريد اشم ريحه امي وانام بحضنها وشبع بوس منها اووووف ياريحه امي بيج كل العافيه
اشوكت تجون اشوكت...؟
رهف وينج ..ها رباب اني بالغرفه
هلو شلونج ..هلو حبي تفضلي رايده شي
اي اريدج تسوين كيك عفيه زينب ورقيه جايات اليوم يمنه وجهالهم يحبون الكيك
صار من عيوني هسه اكوم اسوي
اشكرج حبي
كلبه بنت الكلب صوتج صاير عالي وتراددين لج ما خلقت التعلي صوتها بهلبيت هذا
رباب دسمعين ..اي هاي جراح جاي يتعارك ويه ازهار
انتي صدك ادبسز ولج اني عمتج شلون تحجين هجي عليه
ماتستحين ماسمعناها من الغريبه نسمعها منج يارعنه
ولج هاي امي هم جاي تتعارك وياها
امشي خل نطلع نشوف شكو
رهف ..لا عيب شيكولون عليه
ولج شيكولون غير انفاككهم
خرب شوفي جراح كام يعيط ويكسر
لج كحب.......ه اني جايب ابيتي وحده ساقط.....ه ادور علوم
اجيب وتودي لهلها
ازهار ..انت اخر واحد يحجي عن العلوم
طفرنه اني ورباب لان صارت دك كتل وضرب وعياط يجيب التايهه
المشكه اخاف اتقرب لن جايتلي ضربه منهم
رباب ورضا يحاولون يلزمون جراح ويفكون ازهار من يده بس ماكو
وازهار واكعه غلط ومسبه بيهم
كوه رضا فكها من ايد جراح ولزمها
وازهار طلعت تعيط وتغلط
انتي مو عمه انتي نقمه محد خلص من لسانج انتي عكرب صفره جنتي تحجين ع رهف وهسه درتي تحجين عليه ياصفره يامسمومه
انجبي كحب....ه وصخه ام لسان طويل مو صوجج صوجي الخليتج تكونين جنتي وتدخلين بيتي يا ساقط....ه
سوده عليه اخوي ماعرف يربي
اله خلف هيج سكاطه
والله ياعمه ماكو غير ولدج السكط
جراح ...لللللللك بعياط وطفره من مكانه
رضاااااااااااااااااا عوفها خلف اشوفها السكاطه منو هالكحب....ه الماتستحي
لج بنت الجلاب بنت القذرين يوم واحد متبقين بالبيت
لج انتي وحده دايحه بالبيوت انتي يا ازهار طالك
رضا ..لا يا جراح لاتكولها هاي ام بنتك
انعل ابو بنتي باجر اجيبلها الف وحده اصير امها وخدامه الها
ولا تبقه هاي النكسه دقيقه ابيتي وتنام ع فراشي
ام جراح ..فدوه رحت الحلكك يبو الاصول هاي ماتستاهل لحظه تعيش ابيتنه
طلعها رضا
يمه شلون تردين اطلعها شمالكم
جراح .خلها تولي رضا لاتخليني اسكطك عوفها ترد لهلها الجربين
لشوف اخوها الجايف شلون يدبر عيشتها وي زوجته وجهاله
لا ياجراح انت الشهم شلون ترضاها
كتلك لا ادخل حالك هاي ما تستحي اطردها
بره
لا يطردني ولا شي اني طالعه والحالي وبيتكم ما ارده بس انطيني بنتي
جراح ..نخله بالشام الج وماتشوفين بنتج للموت
بس هاي بنتي واني اريدها ماله ذنب
ولج ذنبها انتي امها وحق العباس اله انسيها حتى اسمج
طلعي بره ولا تردين
طالعه بس وحقه للعباس اله اجرجرك محاكم وقسام وعشاير
لج قذره اعله مابخيلج اركبي مو انتي الحافيه جايه عليه انه
لج انه جراح لو نسيتي
ما نسيت بس لشوفك ازهار شسوي
طلعي بررررره احتركت عشيرتج كلها واحد واحد بنت الجلاب
ما اطلع من البيت اله بيدي بنتي
لزمها جراح من زندها وعتها حيل جرها جر من غرفتها للكراج سحلها من شعرها وشمرها ع رضا ويعيط 😡😡😡😡😡
طلعت ازهار اخذها رضا بس ما اخذت الطفله وياها وهي خطيه صغيره ترضع ع صدرها
النوب كامت تبجي وجراح واكف بحلك الباب
مشيت الها حتى اخذها اسكتها
صرت اكباله ..انتي وين جايه
لا موووووووو عليك ضليت اعتعت من الخوف اتكولين بركان واكف اكبالي مو رجال
كوه نطقت
بس الطفله دا تبجي اريد اخذها حتى اسكتها
جراح ..التفت داخل الغرفه وسمع صوت الطفله تصرخ وتبجي بصوت عالي
رجع التفت عليه ..دخلي وسكتيها بس لطلعيها من الغرفه
اي صار
دخلت عالطفله شلتها خطيه فاحطه بجي بس هاي شلون اسكتها وهي مترضع ممه
فكرت اغير الحفاظ وغسللها بلكي تسكت
رحت غسلت وجها وبدلت ملابسها والحفاظ بوترتها سكتت خليتها ع رجلي وظليت اهز بيها
وهناك هم رجعت تبجي
..اكيد الطفله جوعانه شلون ...اروح العمتي اشوف شلون ارضعها لو شلون اسكتها
شلتها وطلعت اروح العمتي
ها مو كتلج لطلعيها من الغرفه
اي بس هي تبجي واريد اسكتها اشوف عمتي شتكلي
امشي وديها تره كوه متحمل صوتها
عمه هاي الطفله جوعانه وهي ترضع حليب امها مو ممه حتى اكدر اسكتها
جيبيها وروحي سوي حليب بالكلاص وجيبي خاشوكه صغيره
الجده ..يمه بدربج صيحيلي جراح
اي بيبي
طلعت رحت لديوان دكيت الباب عالخفيف ماكو رد
رجعت دكيت
منو هاااااي 😠😠 عالباب
بس بيبي تريدك تكول تعال الغرفتي
عفته ورحت للمطبخ احضر الرادته مني عمتي
ورجعت الهم دخلت
الجده .يمه بنتك صغيره وهي ترضع ع صدر امها لو ترجع الطفله الها لو تروح اجيب
الها ممه وحليب
اسمعوني كلكم واليرد يكلي ودي الطفله يقره الفاتحه ع روحه كبل لا يحجي
الطفله ماتروح لمها لو اتموت ازهار انه اجيب حليب الها خل ادز واحد
هاي عمه سويت حليب مثل ماكتيلي
جراح ..هاي شنو ..عمتي كالت اسويلها حليب وتشربها بالخاشوكه
ليش بنت جراح هيج يصير حالها لان الحيوانه عافتها
لا والف لا
ماخليها هيج لحظه وحده راح اجيب الها هسه انه بيدي حليب
شنو المطلوب يمه
حبيبي جيب ممه حجم كبير وحليب طبي وملهي وعضاضه
هاي شنو شو امور اول مره اسمع بيها
اني بس واكفه اباوع عليهم جان افز ع صوته
انتي امشي ويايه جيبي هاي الشغلات الكالت عليها الحجيه
اني ..؟
اكو غيرج واكف اكبالي ..بس لبسي عباتج
رحت لبست عبايه وشال رجعت للغرفه
الجده ..روحي طلعي ... طلع جراح قبلج
اركضت للكراج شفته جاي يفتح باب الكراج
صاح بصوت صعدي
صعدت ليوره ونتظرته ...اجه وصعد التفت عليه بعصبيه 😡😡😡
انتي هي شنو اني اشتغل عند الخلفوج كاعده وره نزلي تعاي اهنا
من صوته اليخوف ارتبكت كمت ماشوف كدامي نزلت اركض وصعدت ليكدام حتى سديت الباب ع عباتي وخفت ارجع افتحها وعدلها من عصبيته 😡😡
نمشي بالطريق واشوف السيارات ع الجهه الثانيه تأشر علينه بس ما افهم الاشاره
انتي لامه عباتج
شنو تقصد مفهمت
يعني الباب مسدوده ع عباتج لو لامتها اكبال رجلج
هااااااااا ...؟
وجعاااااااا ....شمالج ترجفين احجي 😠😠
اي اي الباب مسدوده عالعبايه
وجع وحدتجن مابيها خير بفعالها بس السانها اطول منها تكول ماكله للسان حولي
تعرف بس اترادد الزلم بي
فتحي الباب ابساع ولمي عباتج وسديها
سويت الكال عليه بس شنو قطره دم متلكون بجسمي من عصبيته وحجيه الناشف
وصلنه محل كبير سوبر ماركت نزل هوه صار اكبال بابي
متنزلين شنو جايبج حارس لسياره
بعياط😠😠 يا الله كومه مخابيل عدنه
هااا اسفه نزلت واني اتعثر بالمشي
دخلنه ..روحي جيبي الكالت عليه الحجيه من كلشي اربعه خمسه مو تنسين
اي صار ..اخذت السله ومشيت لميت كلشي لطفله ممات وملهيات حفاظات رجعت عالحليب والله من الخبصه شلت كل انواع الحليب وهو يكلي جيبي و جيبي
ترسنه السياره ترس
ورجعنه للبيت
نزلت الغراض كدام عمتي ونطيتها الممه شو هاي كامت تعيط عليه كدامه
اشبيج يمه ليش اصيحين
مو هاي الغبره كتلها جيبي صدر الممه الصغير الشفاف
جايبتلي هذا البكبر حلكها الجوزي
جراح .انتي ثوله مو كالتلج ابيض شفاف صغير هذا شكبره
لا لا اصبرو جبت النوعين الصغير والجبير حتى نعرف الطفله ياهو ترتاحله
العمه .امشي جيبي ام الصدر الصغير الشفاف
اي
سويت ممه لطفله النوب هاي بس تبجي ومتقبل تاخذ الممه ترفضها
لليل وهي تبجي مسكتت
رقيه جتي هي وجهالها والهوسه اخت ازهار الجبيره ام عباس هم جتي
وما تسمعون غير الصوت العالي بالبيت
طلع جراح منهم يعيط
وحق الزهره اذا اسمعت واحد يحجي ويكول رجع ازهار اله اكتله وكتلها خلاص
اختي اصير مرتي اذا رجعتها
كافي راسي راح يتفجر منكم ومن مشاكلكم وطلايبكم
المن اركض الك ويأشر ع ابوه لو الك ع اخوه لو الكم عالبنات شنو بس اني خلفه جبار
انتوا مو زلم ماعليكم اعتماد شنو سالفتكم حسوا بيه انه هم بشر دم ولحم وعصاب
الجده .يمه شمعت البيت لا تهلك حالك ولك افادي كام يوجعني عليك
يمه هدي اعصابك فدوه راحولك كلهم
ولج جده .محد يحس الكل تريد منك محد ينطيك
اي يمه حقك فديتك بعيوني اطلع يابعد بيتي ارتاح
اني شفته لزم راسه وظل يفرك بكصته حسيته داخ ونفسه صار سريع
مشه وطلع للكراج
اني اركضت ماعرف منين جتلي الجرأة
طفرت اخذت شالي وركضت اله كبل فتحت باب سيارته وصعدت من غير ما احجي شي
باوعلي ..
هاي انتي وين صاعده 😠😠😠 نزلي
محجيت ولا باوعت عليه
مو دا احجي واكل خر......ه وياج ..نزلي
مد يده ع الباب وفتحها ودفعني حتى انزل من السياره
بس اني صرت سباعيه وقويه بقيت ومصره كاعده ارجعت سديتها وقفلتها للباب
انتي شنو حيوانه متفهمين داكلج نزلي اريد اطلع
اني اطلع وياك
اني اريد اروح اكوووووو......د انتي شنو جايه وياي
محجيت
اخر شي مل وطلع بالسياره واني بيها
طلع بكل سرعته والله من كثر السرعه خفت الزكت روحي عالكشن وسحبت حزام الامان ولبسته
كلت هاهيه اليوم موتتنه ع ايد جراح
شفته باوعلي وبتسم 😊 شنو خايفه
الصدك
اي خايفه اصلا ميته بدمي اليوم لابد منها
لان جاي تمشي سريع حيل ولا عبالك اني صاعده وياك
تخافين وانه وياج...؟
انتي اصلا ليش صعدتي 🤔 مو تدرين اني معصب وطالع يمكن اموتج صدك يمكن انتقم منج بطلعتي هاي
هو اني فكرت تروح تكتل روحك بس مفكرت بروحي تروح تكتلها انت
ليش مخبل اكتل روحي لو منو يسوه حتى اكتل روحي
لا بس انت جنت منهار حيل واني الصراحه خفت لان الانسان بساعه تهور كلشي يسوي
وجان امد يدي ع مسجل السياره وشغلته طلع هيثم يوسف اغنيه
اضعف كدامك بس انت
وتمالك نفسي بس سكته
نظراتك تحرجني ونسه
وين توديني يامرسه
ضايع عمري القبلك عشته
كل عمري ضايع انه عشته
رهف اني تعبت والتعبني قريب مني مجاي اكدر انساه دمر كل فكري ونفسيتي الف مره فكرت اعوف البيت وطلع من اهلي وستقر الحالي
ورجع ارجع الخاطر اهلي
بس اني تعبت اريد اهج اريد اطلع بعد ما اتحمل اكثر فهميني
يالهيجتي مواجعي يامرسه راح ترسيني
شنو قصدك 🙁🙁
سكت ماجاوب بعد
وظل هيثم يغني اغنيه وره اغنيه
صار الجو هدوء وكلمن سرح في خياله بعيد عن الثاني
تردين موطه
هاااا ...؟ موطه تردين
اي اريد سوفت حليب وكاكاو
نزل جاب الي واله طبك السياره ع صفحه قريبه عالشط
مانزلنه
انت اتحب تسمع هيثم
اي احب اسمعه لان كله احساس ويخلي اعصابي تبرد
هو صوته وختياراته حلوه
اي عنده احساس عالي وذواق حيل
بس انت هم تسمع قديم
اي اكيد القديم تراث بس شمدريج اسمع قديم
اووووووووو عندي ذكريات متنسي من ..........
منين متنسي
لا هيج بس تذكر السفره من اخذتنه عالشط قبل سنتين او اكثر
سمعتنه اغنيه قديمه والحد الان اذكرها
شنيه ذكريني بيها
يلجمالك سومري
حيييل هاي شذكرج بيها
اني ابد منسيتها
ليش منسيتسها ...؟
ماعرف
رهف احجي لا تسكتين
ماكو شي صدك
انه اذكر هالغنيه اصلا شغلتها مقصوده الها وحاولت احجيها بس هي ما رضت تحجي
شكد يكتلني سكوتها اتمنى اسمع منها فد كلمه تريح كلبي العطشان
اووووف جراح اشبيك شو ما ناسيها
هاي مره اخوك مايصير تحجي هيج انساها يجراح انساها مايجوز بعد تظل تفكر بيها
ظلينه اشويه وبعدها رجعنه للبيت
استقيلتني عمتي اول ما دخلنه
هااا شلونه جراح
زين لتخافين عليه هذا ذيب يكوم ما يناملها
تعاي بويه ...اي عمو جايه
جراح حجالج ليش طلك زوجته
لا والله عمو ماجبنه طاريها
جا ليش رحتي وياه
علمود ميتهور ويأذي نفس
حشه ابني ذيب مايسويها جا مو من مره يأذي نفسه
اي عمو صح كلامك بس اني خفت ع حمايه ومشيت وياه
الجده ..عين العقل بنتي الزلمه من يشوف مره وياه بالسياره يظل خايف عليها لا تتأذه ويكون هو سبب اذيتها زين سويتي يالذيبه انتي هم سباعيه مثله
اشكرج بيبي ...مدي شعجب مدحت بيه 😏😏
لا تكليلي بيبي كولي جده
هههههههه صار جده توني داكول اشعجب ما عطتني بيه
عفتهم ورحت غرفتي
مددت ع فراشي حسيت بالتعب القوي ظهري احسه صار نصين
غمضت عيوني وجفوني ثكال حيل
ماما شنو هاي اجنازه اشوف ناس شايلتها وتمشي وين رايحه هذا مكان مظلم لتفوتين
ماما داشوف شي ابيض محوطني ويركض ورايه راح اختنك الحكيني ااااااخ اسناني توجعني الحكني ايوب ماما اسناني كامت توكع سن سن ماما اسنوني الحكوني الحكوني الحكوني اترجاك لا تكسر ظهري اترجاك
يمه اسم الله😢😢😢 شنو هذا الحلم لا هذا كابوس ياربي شنو هذا الشفته يارب سترك
اني خايفه
فتحت الضوه مال الغرفه شفتها ساعه ٣ باليل ردت اشرب مي ماكو
الخوف سيطر ع كلبي وجسمي
طلعت من غرفتي اروح انام يم رباب
بس طلعت ارجف وتلفت
شفت واحد صار اكبالي عطت ردت اوكع بالكاع هو كبل لزمني
اني بلاشعور دحست نفسي بداخل حضنته وهو حوطني بذراعه اني بس ابجي واكول ابتعدو عني ابتعدو
اشبيج رهف
خايفه خايفه 😖😖😖😖
من شنو ياعمري
اني ارفعت راسي ابساع من صدره وجهت عيوني العينه 🙁🙁🙁🙁 بحاله ذهول
وبتعدت عنه
..اني اسفه متصورتك انت كل ضني عمتي او رباب لان مشفت الممر اظلم
عادي ولايهمج بس كولي اشبيج
ماعرف خايفه راح اموت شفت كابوس وكلبي اختنك
جراح .شنو حلمج
حجيتله الحلم كعدني بالصاله وجابلي كلاص مي شربته
واني اتنفس سريع احس روحي راح تطلع من مكانها
هو يحاول يهدي بيه ويفرك ظهري وراسي و يقره ايات وينفخ بوجهي
كافي رهوف
سؤال عفيه تره تعبت من كثر التفكير بالاخص اليوم
شنو سئلي
ليش كتلي ياعمري
عادي اني اكولها لجميع
لا مسامعتك تكول لحد عمري
اكول بس انتي مسامعتني
ابو يقين ارجوك اكو شي انت ضامه عليه
شكو اشبيج شنو اضم
ماعرف حاسه بيك اكو شي بداخلك الي
لا متوهمه اني الكل هيج اعامله
الحمدلله ارتاحيت هسه
ليش جنتي قبل مامرتاحه
الصدك اي ...لان كل ماتشوفني ازهار تكلي ابو يقين كذا وكذا
ماعليج بيها هاي مخبله وتهلوس بالكلام
انتي مجرد زوجه اخوي واحترمج ماكو شي غيرها
اني اشكرك ...خلي اروح انام يم رباب لان ماكدر انام وحدي بالغرفه
ابويقين ..نعم
عفيه ايوب صارله يومين ابغداد اشوكت يرجع
ان شالله باجر يجي كلي الفجر يطلع
الله عليك اتصل عليه خلي اسمع صوته
الوووو
هله ايوب شلونك
هاي رهف وياك
هلو ايوب شلونك مشتاقتلك اشوكت ترجع
هاااا يعني اليوم تجي ..ومنو وياك ...؟
يعني امي واحمد وياك يجون ...اي
هههه فديتك ياعمري اترجاك تعال ابساع كلبي راح يطك بس اريد اشوفكم 😊😊
اني وطفلي زينين وننتظر جيتك
رهوف
عيون رهوف
اباوع عل درب بلكت تجي وارتــاح
وتبرد نار كلبــــــــي وتهده اشواقي
صرت مدمن ابحبك انــــــي للموت
واذا حبك نسيته مـــــــدونه بوراقي
الله الله هذا الي
اي اكيد
لعد اسمع شردك
تضل جيتك عــزيزه ونتضر ملكاك
واضل طول العمر انـــــي إلك باقي.
سمعي شردج
سمعني
ترى كلمة احبك مـــــو كلام السان
ولا كلمن نطقهه صااااااااار فد راقي
ترى كلمت احبــــــــــك هيه بالروح
يحس بيهه الكلب وســــاكنه اعماقي
فديتك شكرا كلامك حيل حلو
يله عمري انتظرك
راح اجيلج اسرع من البرق
لا فدوه تعال ع كيف اني اخاف عليكم لا تستعجل ايوب
اي حبيبي راح اخذ بالي من الطريق
باي عمري
الله وياك ايوب
غلقته ورجعت الموبايل الجراح وترخصت منه ورحت يم رباب فرشت وتمددت
بس ماعرف ليش مكدرت انام احس روحي مخنوكه اكو شي بصدري ثكيل والنوب بطني كامت توجعني حيل
يقين نايمه يم عمتي خطيه حست ظلت بس تبجي وعمتي ولا حاسه بيها ابد
كمت طلعت رحت الغرفه عمتي المشكله الباب مسدوده استحي افوت لان نايمين عمي وعمتي
كوه مروه فتحت الباب واخذت الطفله حس عليه عمي
ها بويه شجابج اهنا
العفوا عمو بس الطفله جانت تبجي وجيت اخذها من يمكم
هاا رهف اشبيها الطفله
لا عمه جانت تبجي وجيت اخذها يمي
اي زين بويه اخذيها وسكتيها
اي عمو اني اعتذر منكم
جراح ....هااااا شو مانمتي ...فززتني والله حاولت بس مكدرت والطفله بجت جيت اخذها منهم
اشو انت ايضا منايم
ماعرف مختنك وضايج ..اني ايضا حاسه هالاحساس ماعرف اشبيه
تعاي جيبي الطفله .خل ارضعها
مسويتلها ممه ..لا بعدني
جيبيها الي وروحي سويلها وتعاي للهول
اي ثواني ورجع
حظرت ممه ورحت ع جراح ..انطيني ارضعها
لا جيبي الممه ..تره متاخذها بسهوله
حاول جراح ينطيها الممه بس مقبلت وظلت تبجي
هاج هاج شو كضتها بس بجي
اي مو مامتعلمه عليها لازم صبر وياها
اخذيها ورضعيها خلها تنام
راح ارجع للغرفه يم رباب حتى بلكي تنام
ع راحتج
طلعت رهف .وطلع كلبي وياها ياربي نص حيلي انهد
ليش شنو الموعضه من هالامر
ليش جبتها وخليتها اكبال عيني واشوف كل حركاتها واسمع صوتها
ليش انه هم بشر من دم وروح وكلب وكلي احساس
ياربي اتعبت شيلها من كلبي بعد
دخلت للغرفه وبشلعان الكلب اخذت يقين الممه ونامت واني غفيت اشويه حسيت ساعه ٨ الصبح كوه افتح عيوني باوعت الطفله نايمه ارجعت نمت
بين لحظه وثانيه مشت الساعه صارت ب ١٠ الصبح فزيت ع حس عيطه بالبيت كمت مخروعه
طلعت شكو رباب منو عاط
ماكو عيني بس اريد منج تاخذين يقين وتروحين ابيت زينب ويه طارق
ليش اكو شي
لا بس امي تعاركت ويه جراح
طارق وينج رباب صيحي ع رهف... يله رهف ابساع لبسي وخذي يقين
رحت لبست جبتي والشال واخذت جنطه مال يقين وطلعت بس اني اباوع ع رباب والبيت كله يبجي بجي مو طبيعي ومفاهمه شي او شكو
وبصعدتي لسياره
رجعت عمتي وياها جراح وبس تبجي وتعيط وتلطم ع وجها ..ردت انزل شو جراح عاط بيه
😡😡😡😡انتي رجعي لسياره اخذها طارق البيت زينب
اني ماعرف شكو وليش هيج يتعاملون ويايه يعني البيت مبي احد غير رباب واني
ليش دزوني البيت زينب شنو السبب
نزلت ودخلت الزينب بوستني ورحبت بيه ...واكفين ودك تلفونها
هذا جراح يدك عليه .خل اجاوبه
الو هله جراح ..اي يمنه توها وصلت يقين نايمه اي من عيوني ..وغلقته
زينب شنو اكو شي ...لا ليش هيج تحجين ..
.ماعرف احس اكو شي والكل ضام عليه ..
حتى انتي
انه مو يمج يعني شضم عليج هو انه اعرف شكو شنو صاير ابيتنه حتى اضم عليج
فدوه زينب اتصلي ع عمتي وشوفي شكو والله كلبي ديوجعني احس اكو شي بالبيت صاير ومديحجون
ليظل بالج رهوف كعدي خل نطبخ الغده وبعدها اتصل بمي ونعرف شكو
كمنه كلمنه الباميه حتى نطبخها ودك تلفون زينب
الووو .هله رقيه شنوووو ..؟
يمه عز ولطام
اي اي لا يظل بالج مع السلامه
رهف انه طالعه اشوي ورد الج لا تطلعين من البيت
كمت ع حيلي زينب شكو وكعتي كلبي
طبعا اني حاسه اكو شي صار بالبيت بس همه مجاي يحجون
ماكو كلشي لا يظل بالج انه اشويه ورد
طبخي الغده واخذي بالج من الجهال
زينب فدوه اروحلج لتتاخذين عليه تره راح اموت احس روحي جاي تنسلب مني اشويه اشويه
زينب.وصلت البيتنه واشوف
