رواية دخيله الشيخ زين العابدين الفصل الرابع عشر بقلم أوتار حزينه
وسيم
تفاجات من شفت اختي لارا وي ايهم
ووحدهم الوضع ماادري شبي
ليان صافنه عليهم
شكلها مصدومه من شي
صحت
لاراا شعندج هنا
سمعت شهكه ليان باوعت عليها
وجهها صار اصفر ردت ليورة لزمتها بسرعه
وكعت بحظني وفقدت الوعي ايهم
صاح
لياااان
اجه عليها اخذها من ايدي كام يضرب بوجهها
ماكو اختي ماادري شصار بيها وذيج
طلعت تركض وعافتنا گلبي هبط من شفت
اختي ازرگت تخبلت صحت
ووخر
شلتها طلعت اركض
بيها وهو ورايه خليتها بسيارتي ليوره صعد
يمها اخذها لحظنه وهو فاقد ويصيح
ليان اااكعدي فتتتحي عيونج
باوعي ااكعدي ولج والله مو بااايدي الصار
دست بسيارتي واسمعه يخربط
بالحجي ويدعي على روحه وعلى لارا
ماافتهمت شي ولا ليش هي يمه ردت الحك على
ليان الي ماااعرف شصار بيها
وصلنا لاقرب مستشفى هو نزل شالها وكع
هو وياها اخذتها منه واني اصيح
الحكوني يمعودين
ممرضين جابو سديه خليتها عليها ركضو
بيها للطوارئ دكتور فحصها فزيت
من صعد على السديه وكام يضغط
بقوه على صدرها رجعت ليوره من خوفي
واني مصدوم عرفت اختي
گلبها توقف
لااا ليان لاااا
ايهم تخبل وكام يضرب بروحه ويصيح
عيوني على اختي وخر منها فحص گلبها وخله
حبايه جوه لسانها صاح
بسرعه حولها للانعاش البنيه ضاربتها ذبحه
حيلي انهد من سمعت الكاله
رگضو بيها للانعاش شالوها كدامي واني
لاحول ولا قوه ربطوها بالاجهزه وهي ولااا انطت
رده فعل افتر يمها مثل المذبوح واشوفهم شلون
يريدون يرجعوها للحياه
لزمت الدكتور سالته بصياح وشبه فاقد
دكتور شبيها اختي
مااكدر هسه اكلك اي شي بس اشك
ضاربتها ذبحه قويه
ايهم وكع بالگاع لزم راسه سالت بخوف
يعننني شنوو راح تعيش گلي دكتور اختي راح
تعيش مووو
كول يالله احنا تلاحكنا الها والباقي يم الله
عافني وراح الها سدو الباب اسمع ايهم يردد
بصوت مخنوك
ااااني السبب الله ياخذج لاراا
كوووم
صحت بجنون وجريته من هدومه صحت بي
اااحجي شصاااير اختي طبت مابيها شي
وطلعت من يمك ضاربتها ذبحه ااحجي
ولك لارا شجابها عندك وشسمعت
ليان وصارت هيج
اخويه موو هيج انتو بمستشفى
ممرض حجه وياي والامن اجوي من بعيد
ايهم سحب روحه مني ومشى بسرعه
لحكته ولزمته بره صحت بي
ولللك ااحجي شمسووي اختي ليش جانت
يمك ااايهم ليااان ليش ضربتها
ذبحه
جر روحه بقوه مني مشى ردت الحكه
ممرض صاحني
ااخي تعال يريدوك جوة
صحت بخوف
اااختي صار بيها شيي ااحجي دخيل
الله كلي ماتت
مااكو شي لاتخاف بس لازم تسوي طبله
وتعرف بعد الاجرائات
مشيت ويا طلعت جهازي خابرت ابويه
جاوب
هلا وسيم
بابا تعال للمستشفى الكرخ الاهلي
خير شكوو شصاير
جاوبني بخوف جاوبته گوة
تعال وانت تعرف
وولك مااتحجي شصاير
وكفت بنص الممر وجاوبته بصوت مخنوك
ليان ضربتها ذبحه
شنووو
صاح امي اخذت الجهاز حجت بسرعه
وسيم شصاير
ماما جيبي بابا وتعالو للمستشفى
ليان موو زينه ضربتها ذبحه
يممممه
امي عاطت وصارت هوسه يمهم ابن خالتي
علي حجه وياي فهمته وكال هسه
جايين
سديت الخط سويت الي رادو مني
مشيت لاختي نايمه بالانعاش ممرضات
يمها سالت بخوف
اختي شلونها
وحدة جاوبتني
انت منو وشصير الها
اني اخوها
صفنت علي وجاوبت
الدكتور هو يكلك حالتها
الله يخليج احجيلي كول اي شي يطمني
عليها
هي ضاربتها ذبحه يعني ماادري شلون اجتها
وهي عمرها صغير كلش مقهوره احد
قاهرها قهرة قويه
سكتت وهي كملت
لااتخاف ان شاء الله عدت
طلعت لازم راسي بايد الاثنين لاراااا
ووج شمسويه انتي وذاك وووشعندج وياا
وحدج شسمعت ليان وهيج
صارت
طلعت جهازي دكيت عليها مااتجاوب اكثر من مرة
دكيت وماكو رد اخر شي انغلق
اااخ االزمج واعرف شمسويه
ايهم
رجعت هايم على وجهي مااشوف
اي احد ولا اسمع كلام شلون وصلت للبيت ماادري اردد بجنون
راحت ليان من ايدي وراح تموت
بعد السمعته
وصلت بيت اهلي طبيت بالكراج امي واكفه باب المطبخ رگضت عليه وصاحت بغضب
هااي شمسوي ووولك شمصخم لارا اجتي
وتحجي كلام ماادري شلونه
ابويه طلع من الاستقبال صاح بغضب
فوووت جوة
طبيت للاستقبال
الدنيا مگلوبه الكل صاير اعصاب
الحجي صاح بيه
ااايهم السمعته من اخت مرتك صدك
صفنت علي ماجاوبت
زهير صاح بغضب
صدك اانت معتدي عليها
صفنت من كال معتدي عليها ماجاوبت
ابويه تقدم بسرعه وضربني راجدي واللخ امي صاحت وكعدت تلطم على وجهها اياد لزم ابويه قصص وروايات عراقية
الي ظل يصيح
ساااقط عااار هاي عمله تعملها تعتدي على اخت
مرتك وووانت عاقد على ااختها ووولك
شلون دنت نفسك عليها شلووون
مااعتديت هي انطتني نفسها
صحت بي وكملت بجنون
هيي خاابرتني وكلتي عندي مشكله جبتها
لبيتي وذبت روحها عليه
وليييش تجيبها لبيتك لهاي الادبسسز ليش
ااايهم صخمتها وانت تعرف هي منوو وشصير
لمرتك لك ليش يمه موو انت عاقل
امي صاحت ببجي شفت
لارا اجتي وكفت يم الباب الداخلي صاحت
بي وهي تبجي
لاااتجذب ايهم انت خابرتني وكلت راح اجي
اخذج للبيت حتى تساعدين اختج
بترتيب البيت
فكيت عيوني اشرت على روحي
ااني ولج
ااي انت وهناك اعتديت عليه
هديت عليها اخوتي لزموني صحت بخبال
ساااقط كحبه ووولج انتي الي اتصلتي
ااانتي الي وكعتني اانتي لاراااا
ذبيتي روحج عليه
فلتت من اخوتي ولزمتها من شعرها نسوان
اخوتي كامن يعيطن سحبوني منها
وشعرها بين ايدي
ضربتها برجلي وكعت ليوره فشرت عليها
فشار مو صاااير
وووولك كاافي اانفضحنا من وراك
زهير واياد كعدوني بالقوه افز بخبال ويلزموني
صحت بجنون
طلعووووها منا لهااي الساقطه ولك
اااياد خليها تولي منا هسه اقتلها واقتل روحي
وياها
ااكعد وكااافي تصيح انت الغلطان
شلون خليتها تضحك عليك شلوون ايهم
زهير صاح بيه اياد كمل بعصبيه
المن نصدك الك الها انت ادكول شي وهي
ادكول غير شي،،
ابويه كعد مهدود حيله جاوبه بقهر
ولكم راح تنگلب الدنيا علينا من وره السواه
اخوكم
مالك
رجعت للبيت بليل طبيت
شفت الكراج مغسول عرفت لميس رجعت
فتت من باب المطبخ واكفه يم
السنك وتغسل فواكهه
ماحجيت شي مشيت اجتي عليه
حظتني من ظهري جسمي تشنج وحجيت
ووخري مني
اسفه مالك من قهري منك هيج سويت
وخرت ايدها من عندي انداريت
باوعت عليها التزمت الصمت خزرتها نزلت
راسها وكرررت
اسفه والله اتخبل اذا وحده تباوع عليك
عيب السويتي لميس تهديني واني متعارك
وتخليني ادور عليج واني عبالي
صار بيج شي
فرحت وجاوبتني
تخاف عليه مالك
شلون مااخاف عليج انتي مرتي وام بنتي
ابتسمت ولزمت بطنها وكالت
تاليا راح تشرف بعد كم يوم ماظل شي
وتنور هذا البيت
تريد تغير الموضوع حتى مااظل الوم بيه
سكتت هزيت راسي باي سالت
متعشي
لااا
مسويتلك عشه يخبل
خلي هسه اغسل وانزل نتعشه
ادلل من عيوني
رحت للغرفه غسلت وطلعت لابس كلابيه
خاله العشه على الميز كعدت اجتي باستني من خدي
وكالت
سويت مخلمه وكباب عروك وطماطه لاجعه اعرفك
تحبها
عاشت ايدج
كعدت يمي تاكل وتحجي سوالف عاديه
اسمع واهز راسي كملنا جابت
الجاي للصاله كعدت بصفي ومالت عليه
حظنت خصري وخلت راسها
على صدري حجت
خالد راح يخطب
يالله واخيرا انفكت الجبسه مالته
ههه اي كلها ادكول هيج
وخرت مني مدت رجلها عليه سالت
منو هي
وحده بالدوام مالته بس شنوو مالك
تخبل تجنن حلوه وشكرة
ابتسمت،،،، سكتت وظلت ادحك عليه
كملت بضوجه
بس اني احلى منها
هزيت راسي باي وجاوبت
اي عمي انتي احلى وحده بالعائله كلها
ههه صدك مالك
هزيت راسي باي اجتي ليمي وحجت
بضحك
صايره ثگيله كلش من ورة بنتك
ماظل شيي وتجيبين وتخلصين
صفنت بعيوني ابتسمت وكملت
خير عيوني بيهن شي
لااا بس اشتاكيت الهن انت مااشتاكيت
اليه
اخذتها لحظني وجاوبت
اي اشتاكيت لميس
كاعد يمها على الجربايه
نايمه ،،،صافن على بطنها افكار دارت براسي
وكلت خلي ابطل كلشي لان راح اصير
اب الم مرتي وبنتي واعوف
هذا الدرب الماشي بي
ماردت تاليا تفتح عيونها على
المشاكل بيني وبين امها ولا ردت تعرف ابوها
جان واحد سكير ويدور نسوان كلت
هاهيه مالك عوف كلشي واصلح حالك حتى لاينهجم بيتك
زين العابدين
جان لازم ارضي الشيخ ومااخلي
زعلان عليه بنفس اليوم العصر رحت له
نزلت من سيارتي دشيت للمضيف كلت
هناك اسلم علي اعرفو ماراح يردني من ورة الاوادم الكاعده
السلام عليكم ياالربع
هلااا اشيخ
ابويه دحك عليه بخزرة مشيت الو دنكت حبيته
من راسو ونزلت على ايدو بستها كمت
اشر براسو اكعد
كعدت جنبو صبو الگهوة شربت وهزيت
الفنجان خال مهنا حجه
شلون يا زين
الحمد لله ياخال انت شلونك وشلون جدتي
عساها بخير وعافيه
بخير وتسال عليك
تسأل عليها العافيه امر لها واسال
هلاا بك
جان وكت غده صبو بالمضيف تغديت وابويه
ماحجه معي ولا جلمه
الاودام ترخصو وفرغ المضيف جنت واكف
معو بره من سرو دحك لي بغضب
نفض عبايتو وسرى لدارنا
مشيت وراه دشينا
من الاستقبال امي تلكتو والهنوف جانت
هناك لان خبرتها برجعتي ذب
عبايتو وكف خله ايدو
وره تكلم بهدؤ لجن ملامح
وجههو تنطق بالغضب
عش عگبت ولك
يااابه السموحه منك غلطت وعرفت غلطي
امي ماجان عدها علم بالصار خليتو بيني
وبين اختي حجت بتوسل تريد
تهدي الوضع مثل كل مرة
ياابو زين
مااااااانا ابو زين كولو ابو شين ابو
سواد ابو بله
انهد بها الهنوف تدخلت
يابه زين غلط لجن عرف غلطو واجه يطلب
السماح منك
عكب يول عگب سودت وجهي مع البنت
من الله يسود وجهك
سكتت الهنوف اجتي يمي وكالت
يااشيخ سبحان الما يغلط والبنت مابها شي
حد يخبرني بالصاير
امي سالت الهنوف اشرت لها سكتت
خبرك امك وش عامل تكلم يبن ظهري يلي
كسرتو بعملتك هااي الشينه
ااحجو وش عامل زين
امي حجت بخوف ابويه رد وهو ياشر
عليه
ابنج يااافضه راد يصخم بنت حميد
امي لطمت خدها
فكت عيونها دحكت عليه سالت بذهول
وش راد يعمل
سمممعتي الكلتو ابنج سود وجهي جدام البنت
تجذذذب البنت ابني ماايعملها
صاحت ابويه رد
لا عملها ياام الولد
هي كالت لك
سالتو بخوف صاح بها
اااانا شيخ وااعرف الجذاب والردي من
عيونو اعرف يافضه الغريب اذا عملو عمله رديه
مااااعرف ابني شسوو وشعمل وانا اعرف
طبعو الردي
الكل سكت كمل بغضب
البنت ماااتكلمت ولا فگت حلكها لجن
انا عرفت ابنج وش عامل من لح عليها وراح
يريد يجتل ابن عمها
صفنت علي جان اظن بها هي حجت وفضحتني
جدام ابويه وطلعت ماحاجيه الو
تقدم صار جدامي
امي تقربت وهي خايفه عليه
منوو
خله عيونو بعيوني نزلتها تكلم بغضب
سمعت ولك
البنت ماحجت شي لجن السويتو بابن عمها
فضحك يازين انت فضحت روحك
من رحت تهاوشت معو
وردت تجتلو
جدتي اجتي ووكفت ادحك علينا
ابويه كمل
ردت تكسرها يازين ومااكدرت ورحت
تريد تاخذ ثارك منها من تذبح ابن عمها جدام عيونها حتى يبرد گلبك موو
يابه غلطت
دك على صدري بايدو بقوه وجاوبني بصياح
ووي هيله يااازين وي بنت اخويه
الماجابتو امي شبيك تخبلت لفه بله بعقلك
وخلاك ماتعرف الشريفه من الكحاب
الي تعرفهن
جدتي تكلمت بغضب
حميد عرف
ماااعرف يمه مااعرف لو عارف جان اجاني
جان بلغني الرجال ماحجه شي
غير من هذا راد يجتل
شهم
تقدمت علينا گربت نغزتني بصدري بالعصا
وسالت
اسالك وش تريد من البنت انت مو تعرف بها
مخطوبه لابن عمها وتريدو ويردها
عش كاعد تسوي هالسوالف
تريد تذبح البنت وابن عمها
وش بلااك عقل
ماظل براسك ماتعرف انت من وابن من
عشكتها يامصخمه وكاعد تجيب البله
لروحك والنا
امي تكلمت بقهر درت وجهي منها
ابنج ماايعرف يعشك يافضه هذا الكاعد
يسوي كلو انتقام لان وكفت بوجهو ومااخلتو
يكسرها ماادنت روحها الو وهذا الي
كسر خشمو لابنج وخلاه يعمل
هالعمايل
الهنوف تكلمت بتوسل
يابه لخاطري سامحو مايهون هذا الزين
هذا ولدك الوحيد
يهووون يااالهنوف مادام وطة راسي
بالارض بهاي عمتلو الشينه
سكت خزرني بغض اشر بايدو
بوجهي
عكب مااريدك تلفي بالديره ولااا اريد
اشوف وجهك جدامي
هيله
جان المفروض شهم من ينزل باجازه يعقد عليه
لجن هو مااسوه الكال علي حدر علينا
بليل وحدو سلم ووجهو مطعون امي ظلت
ادحك عليه ابويه ماجان موجود
رايح وي عم عزام بشغله
يم ناس امي سالتو
وش بك ياشهم
دحك عليه ذب حسرة جاوب
ابويه ياخاله طلع لي بسالفه لا على البال
ولا على الخاطر
خير وش هاي السالفه
سكت وبعدين كال
ابويه واكع بدين جثير ومطلوب لعالم فلوس
ولازم اسددهن له
يااا وليش انطلب وهو يشتغل بالگاع مال
رفيجو ويجي خير من الله
شااحجي ياخاله ابويه متداين من هينه وهين
فلوس ومشتري كاع الي صايرة
بصف الوادي
امي تفاجأت وكالت
شنوو هاي متى اخذها
قبل فتره ماهي بطويله والاوادم تريد فلوسها
والي جمعتو بهل جم شهر انطيتو الو
حتى يسد حلوگهم
امي دحكت لي وبين القهر بوجهها كمل وياي
بصوت مخنوك
ياهيله لاتزعلين هذا ابويه
ماازعلانه ياشهم وزين ماسويت هذا ابوك
ولازم تبرو والرسول يكول انت ومالك
لابيك يعني مافضلت علي
بالعكس هو افضالو عليك جثيرة
وجهو تغير للفرح وكمل وي امي
خاله اصبرولي جم شهر وانا وعهد الله
اعقد عليها بس الم جم فلس
كمت هو كام بفزه ودحك علي بخوف
عش كمتي
اروح اخدر جاي
مشيت من يمو ورحت للمطبخ ريمه هناك
تغسل بالمواعين حجت من خليت
القوري جوة المي
اجلها موو
ماجاوبت هي ردت
بحظي وبختي خالتج ماتريدج
خزرتها بغضب وجاوبت
عش هيج تتكلمين ومنين جبتي هالسالفه
نفضت المي من ايدها بضوجه وجاوبتني
من علااا هي حاجيه لامها وكايله لها انا مااريد
هيله ولا اريد اخذ بنت من بنات اختي
خلفتها بنات واخاف اذا
شهم اخذ هيله راح تجيب له بس
بنات مثل امها
صفنت عليها مذهوله من السمعتو كملت
بغضب
عبالي تجذب لجن اختها اكدت هالشي
وحلفن بالقران هي هيج حاجيه
ااسكتي ياريمه
يااهيله شهم امرو مو بايدو بايد امو وابوه
واحنا امرنا هم بايد ابونا وامنا مو بس هوو
احنا بنوات ياهيله لجن هو زلمه جبير المفروض يتكلم يعترض يتحرك بعد الشافو من
زين والسمعو
يولي اسكتي البيه كافيني
يااخيه اني اريد صالحج
جاوبت بعصبيه
وين صالحي احجي
سكتت بعدين تكلمت
زين صح به جثيرا عيوب لجن شيخ ابن شيوخ
وغني وعكب ماشفتو شسوو وشراد
ينطي لشهم حتى يعوفج
كلت هذا يحبج ويودج
ابتسمت باستهزاء وجاوبت
ريمه اسكتي انتي ماتعرفين اي شيادكولين برق الشر يحبني،،،اكلج اي يحب لجن يحب نفسو قصص وروايات عراقية
وبس مغرور وشايف روحو على خلگ الله وانتي تعرفي كلش زين
هو شنوو
سكتت ماجاوبت كملت بضوجه
صبي الجاي بس يخدر
طلعت من يمها سمعت صوت ابويه
يحجي بالهول
تهون يابه وبالخير على ابوك الگاع
ياعم هو ماخبرك
ابويه سكت وجاوبو بعد لحظه
لااا يابه ماخبرني يجوز نسى معذور الدنيا
ماخذتو بهل الشغل وتعبو
شهم سكت ابويه سالو
راح تظل هينه جثير
لااا عم اعكب عكب باجر الوضع مايبشر بخير
ااي اسمع الاخبار
سريت لغرفتي مقهورة من السمعتو جنت اعرف
خالتي ماتريدني لشهم لجن السبب
ليش وشنو هوو وعرفتو
طلع من وره خلفه
امي للبنات
تنهدت ظليت ادحك لخواتي يلعبن يمي
بالغرفه بلعابات امي خيطتهن الهن وحشتهن
صوف كلت وي نفسي
الرسول الصلاه والسلام عليه
خلفتو بنات وجان يحبهن ويموت
عليهن يضحك اذا ضحكن ويحزن اذا صابهن بله
ليش الاودام مااتاخذو قدوة وتتعلم منو
هالشي وهو اكرم الناس خلقا
صفنت ورددت
البنات حسنات والبنون نعمه وانما يثاب على
الحسنات ويحاسب على النعمه
وسيم
كاعد بره ردهه الانعاش ولازم راسي بأيدي
حيلي راح بعد الصار باختي وعقلي
كام يودي ويجيب لارا ليش يم ايهم وشسمعت
ليان وهيج صارت وليش
مااجاوب عليه شصاير حسيت اكو شي
جبير صاير بينهم الثلاثه بس
شنو هووو مادري
وووسيم شبيها ليان
كمت على حيلي من شفت
اهلي اجوي الوجه مخطوف بابا كوة يمشي
ولازمه رسول وعلي ووياهم خالتي
ورجلها
ولك ااحجي اختك شبيها
تنهدت وجاوبت
ضربتها ذبحه
ابويه كعد بسرعه وامي ملخت وجهها خالتي
لزمتها صاحت
وينها ولك وينها ااختك
عيني مايصير هاي الهوسه هنا هاي ردهه
انعاش يعني مو زين الكاعدين تسو
على المرضى
بنتي وين اريد اشوفها
راحت للممرضه الطلعت من الردهه جاوبتها
بهدؤ
خاله بنتج نايمه خليها ترتاح لان وضعها
بعده مو مستقر
امي وكعت بالكاع لزمتها اني ورسول
كعدنها يم ابويه الي يون بصوت مخنوك
شجااها ولكم شجاها بنتي مثل الورد
شلون ضربتها ذبحه وهي صغيره
وماتشكي من اي شي
يارب الطف بحالها ولكم بنتي عروس وعرسها
ماظله شي شلوون يصير بيها هيج
ولييش
امي صاحت بصوت مكتوم وخالتي
جاوبت وهي تبجي
اذكري الله رباب شبيج ادعي الله
يكومها من هاي الشده
ولك وين ايهم اختك وين مااسمعو
امي صاحت بيه باوعت لرسول اشرت اله
مشيت اني ويا حجيت كوة
رسول امشي وياي
وين ايهم وين تريد تروح
علي لحكنا حجيت ويا
ابقى هنا هسه نرجع
هز راسه ورجع مشيت اني وابن خالتي
طلعنا بره سال من ركبت يمه
خير وسيم صاير شي
اامشي ووديني لبيتنا
طلع بيه لبيتنا ادك على لارا ماكو مغلق
وصلنا طبيت دورتها بكل مكان مالها اثر
طلعت بسرعه ركبت وصحت
برسول
وديني بسرعه لبيت اهل ايهم
ولك دكلي شصاير فهمني
صحت بي بخبال
رسوووول حرك ااني موو مفتهم شي
اريد ارووح هناك افتهم شصاير
صفن عليه وهز راسه وحرك دليته
بيت اهل ايهم وصلنا دكيت الجرس طلع
زهير اخوه الجبير شافني ارتبك
حجه
هلاااا وسيم
وين ايهم
سكت اخوه طلع وراه هو وابوه سلم
الله يساعدك وسيم
هلا عم ايهم وين اريده بسالفه
ابني طب جوة وخلي نتفاهم
طبيت للاستقبال ماكعدت ولا رسول اشوف
الوجوه متوتر وواحد يباوع للخ
ووين ايهم خلي يجي يفهمني اختي لارا
شسوي عنده ووحدهم بيته وليان
من شافتهن شسمعت من
كلام حتى تضربها ذبحه
امه صاحت وانهارت على القنفه
ااسمعني وسيم الصار بعد صار
شنوووو الصار فهموني انتو اني كلشي
مو مفتهم
صحت بجنون ايهم طب حاله حال
صحت بي
تعااال فهمني اختي ليش يمك وليان
ليش هيج صار بيها
سكت ابوه لزمني واخوته نفضتهم ورجعت
ليوره رسول حجه
احجوو صاير شي احنا ماانعرفه
ابني شااحجي ياربي ولكم ماظلي وجهه
بين العالم
ابوه حجه فكيت عيوني الجنت خايف
منه وگلبي ناغزني من وراه طلع
صدك
باوعت لايهم حجه كوة
الصار مو بايدي اختك هي ذبت روحها
عليه
ووووولك عااار لعبت بشرررفي
هديت علي اريد اگتله اخوته لزموني رسول
هد علي وتلازموو فلتت من عافني
زهير وراح علي
هديت علي جريته اريد اخنكه لزموني
اخوته هوسه صارت
يمنا والعالم التمت علينا فشرت
علي واني انفض روحي
منهم اريد اكتله
واكتلو روحي اختي جابتلي العااار نزلت
راسنا بالطين ووي منووو وي
رجل اختها
دم صار بين عيوني اريد اگتله بيتهم واغسل عاري
اهد ويلزموني غلطت عليهم
كلهم وماسلم حتى ابوه
جروني بالگوة من يمهم رسول كعدني بالسياره
وصاح بيه
كااافي بالقران مااانعوفه
صاح بابوه واخوته
ااابنك مهدور دمه هو وياها
صعد وشغل وطلع واني اضرب براسي
وبروحي دمعتي طفرت وبجيت
صحت بجنون
ووولك رسول انفضحنا وولك لارا جابتلنا
العاار
تنذبح هي،،،ووويا والله مااخليهم طيبين
وووولك ااخ
ضربت الكشن بوكس وصحت بخبال
سمعتهم سمعت الجانو ضامي علينا
وضربتها ذبحه وووولج لارااااا كحبه ساااقطه شسووويتي بينا وباااختج من الله
لاينطيج الله لااايوفقج
نزلتي راسنا بالطين
ايهم
هديت اريد اگتل لارااا الي ضمت روحها يمنا
اخوتي ماخلوني سحبوني بالكوة من
يمها حبسوني بغرفه امي ضربت الباب
بجنون واني فاقد للادراك فقدت كلشي ضاع كلشي
عرفو وانتهى قصتي
وي ليان
فرحتي راحت والسبب هي واني
خليتها تضحك عليه بجسمها وكلامها الحلو
مشيت ورة شهوتي ورغبتي سلمت روحي
للشيطان وخلاني اغلط غلطه راح ادفع ثمنها
طول عمري
افتر بالغرفه مثل الطير المذبوح اضرب روحي
واني اريد الموت اختنگت وواذني
وشت راسي ثكل بلحظه طك خشمي
دم سندت روحي على
الباب صحت بصوت مخنوك
اافتحو الباب
وكعت يمه اسمع صياح امي واختي
الباب انفتح اخوتي طبو والكل صار يمي
انتهيت تمددت بالگاع اسمعهم يصيحون
ردت اموت اخلص من السويته
حتى ارتاح شالوني بسرعه
للمستشفى ضغطي
صاعد 19/12 ابرة ومغذي وظليت تحت المراقبه
للصبح الوب من الصار بيه والسويته
بليان
طلعت الصبح اترنح واخوتي سانديني
كعدت بالسياره صافن وفاصل
عن كلشي
اخوتي الهم كاتلهم ويباوعون عليه بقهر
بس محد حجه منهم رجعوني
للبيت وصلت سيارات واكفه بالباب زهير
حجه
عمامي اجوي هم وولدهم
اي لازم يجون السالفه جبيره ومااعرف شلون
راح تفض
ودوني لبيتي
وين تريد تروح اكعد واسكت لايجون اهلها
لهاي الساقطه الي بليت روحك بيها
وبليتنا وياك ويگتلوك مااسمعتهم
هددوك انت وياها
خليهم يجوون خلي يكتلوني اني وياها
استاهل لان دنت نفسي على وحده
كحبه
اااي هسه عرفتها كحبه الما وكع الفاس
بالراس
زهير انهد باخويه
ااياد اسكت لخااطر الله وخلي ننزل
نزلت گوة مااكدر ارفع راسي ليفوك ثكل
بي وعلى جتفي ترنحت ،،،،،،زهير لزمني
ولد عمي اجوي عليه وبعيونهم الف سؤال
وسؤال
زين العابدين
عگبت لاربيل وكعدت هناك بشقتي دلع يمي
تحاول تفهم شبي وليش ضايج خلگي ومالي نفس
الها مثل قبل سوت ريوك وجابته
ليمي بالصاله خلته على
طبله وكالت
تريك يله
مااشتهي صبيلي بس جاي
صفنت عليه وسالت
زين شبيك صارلك فترة مو طبيعي واحس صاير
شي جبير وضامه عليه
ماجاوبت ورثت جكاره اخذت نفس
مدت ايدها تريد تاخذها مني خزرتها سحبتها
مني كعدت سالت
ااي دكلي شبيك خليني افتهم شنو المكدر
حببيبي ومخلي هيج لا ياكل ولاينام
ماكو شي لاتلحين
جذب عليه زين اعرفك من تضوج تظل
هيج زعلان على الاكل وبس ادخن
جاوبت بغضب
يولي اسكتي وجفي شري
سكتت كامت تكلمت بضوجه
اريد اروح لماما نرجس
هاا لازم حنيتي لگارج دلع خاتون
لييش هالحجي زين تعرفني بطلت كلشي
من اخذتني يمك
ضحكت باستهزاء وجاوبتها
روحي اصلا اني بعد مالي نفس بيج
صفنت عليه بذهول وجاوبت بسرعه
اااي احجي هيج كول شايفلك وحده غيري
احجي زين منو هي ااحجي
انطق منو الي ضحكت عليك وخلتك تصير
جوة ايدها
فزيت من مكاني لزمتها من شعرها
وصحت بخبال
ااانجبي سااقطه اااني الشيخ زين العابدين
منوو تضحك عليه اني اضحك عليج
وعلى عشرة مثلج
عوووفني جاااي تاذيني
سحبتها من شعرها عليه جزيت
على سنوني وكملت بخبال
ااكسرج ولج اذبحج اذا تكلمتي بعد وياي
بقله ادب ااافتهمتي
هديتها بقوه وكعت بالگاع تبجي صحت
بها
ااذلفي منا ااطلعي مااريد بعد اشوفج
منوو هي زين منو الاخذتك مني
صفنت عليها واجه خيال السمره بين
عيوني رديت بقهر
وحده اشرف منج بنت بيوت شيييخه البنات
لو كالت اي شيييخه گلبي تصير
بگلبي كملت
لجن مراح تصير لي هيله حرة واصيله والحرة
ماتخون خيالها
شهم صار بين عيوني الغضب ترس صدريت
گبيت بها بصياح
اااذلفي ووولي من جددامي لااااذبحج
واطلع قهر گلبي بيج
كامت من يمي تبجي وراحت للغرفه طلعت
وره مشوار شايله جنطه يم الباب
وكفت وتكلمت بغضب
ماانساها الك زين وهسه تشوف شراح
اسوي بيك
ااااي هي ماظلت بس الكحاب تهدد بي
هزلت والله انا اتهدد ومن من من وحده بايعه
شرفها بفلوس
سكتت كمت اخزر بيها كملت
اااطلعي يولي لاااشوفج وجهي الثاني
وانتي تعرفي كلش زين وماراح يعجبج الي
راح يطلع منوو
طلعت ورگعت الباب وراها فركت رگبتي
بقوه وكعدت ورثت جگاره واخذت
نفس طويل ضجت من اربيل
وكلت خلي اعكب للمزرعه وشيريد
يصير خله يصير وهذا
السويتو عگبت
لديره هلي
هيله
كمت اطلع بمهره وره اذان العصر واعكب
قبل اذان المغرب من وره البرد وهم قصر النهار
عكبت مثل كل مرة لدارنا وكفت بها يم
الشاخه من شفت سيارات الشيخ صگبان واكفه يم الشارع اليودي لدارنا
هو وي ابويه ياشر بغضب للگاع وزرعو
جنا طاشين حنطه خير من الله
وابويه عاف وصله كاع لان صبخه مااينزرع
بها اي شي الريح جابت صوتهم
اسمعو يصيح
علي
عش مااطشيتها كتلك ازرعها يااحميد
ماايجوز ياشيخ انت تعرف الگاع
صبخه ماينبت بها العاكول شلون تريديني
ازرع بها حنطه
تنزرع تنزرع ياحميد لجن انت هونت وكمت
ماتنطي حك الكاع ولا حگي
انا ياشيخ تعرفني زين انا اخاف الله
ومااهون شي يخصك
هونت يااحميد وانا هذا الشغل ماعاد
يعجبني
ابويه سكت تقدمت بمهره لمحني اشر
براسو روحي شيخ صگبان جان منطيني ظهرو
اندار شافني وكف يدحك عليه اجه
باتجاهي وابويه لحكوو
ماتحركت ولا نزلت ظليت واكفه بمهره
حده الشاخه تگرب وعيونه عليه
حجه بوجه يضحك
شلونج ياهيله
هلااا ياشيخ
ظل يدحك لي باعجاب انا ومهره تگرب
لزم رگبتها نفرت منو ورجعت
ليوره حجه بضوجه
انتي هم براسج عناد مثل صاحبتج
يااشيخ هالسالفه سدينها من زمان
انت سديتها يااحميد لجن انا لاااا
عكدت حواجبي من انهد بابويه بصياح
شديت لجام مهره بقوه رفعت روحها علي رجع
ليوره الغضب ترس گلبي وتحول لها
افترت داير مدايره وهو فزع
ابويه صاح
يااهيله اگضبي مهره
ماادرت بال جريت اللجام مره
اللخ رفعت روحها وهو انهزم يم الحرس الي اجوي
علي نزلت بها تكلمت بغضب
حسك عااالي ياشيخ وفزعت منوو مهره
يااعم حميد
درت راسي من سمعت صوت برق
الشر واكف بهايل صهل ورفع روحو مثل مهره حجه مبتسم وباستهزاء
ياااشيخ صياحك عبر لگاعنا وكدر هايل
ااسري يبن شعلان
خزروو بعيونو وجابو بهدؤ
وان مااا سريت شراح تسوي ياااصگبان
سرى بغضب وازلامو معو للگنطره جانو مسلحين
وهو وحدو تگرب بهايل وصار بنصها
وصاح
گرب وشوف شراح يصير
يااازين عگب وانا عمك عگب يا ولدي وجفي
الشر
ابويه توسل به وبعدين حجه وي
شيخ صگبان
ياشيخ عگب وتذكر عهدك وي القاضي
بعيوني شفت تردد الشيخ صگبان عكب
يخزر به وذاك مبتسم تكلم يهدد
به
هينه يبن شعلان يجيك يوم
هههه انتظره منك
سند روحو على السرج وكمل مبتسم
مااظنتي راح يجي تعرف ليش
الشيخ صگبان ماجابو تكلم باستهزاء
لان عمرك ماظل به عمرا يسوى كبرت يااشيخ
لجن عقلك بعدو صغيرا
ازلامو تقدمو علي،،، ابويه وكف بصدرهم
وذكرهم بالعهد وهو خايف على زين
دحك عليه ابتسم وصاح به
ياااشيخ هيله تخصني ااانا اليگرب
منها هي وعم حميد مااااراح ارحمو
ابويه اندار علي وصفن
شيخ صگبان صاح به بغضب
تهدددني ولك
ااي اهدد
جاوبو بهدؤ وهو يخزر به شيخ صگبان دحك اليه ولابويه والو عرفت نظراتو صحت
يااازين انا مااخص احد غير ابويه
ولااتهدد الاوادم من ورايه وتجيب البله لك
ولنا
صفن عليه وملامح وجهه ماتغيرت
جاوب بهدؤ
اجيبو ياهيله وهلا بالبله ان جان منج
سكتت ابويه صاح بيه
عگبي يااهيله
صفنت بعيونو واكف بنص الكنطرة
ولا هامه شيخ صگبان ولاا الحرس الي يردون
بس جلمه من شيخهم حتى
يذبحوو
اااسروو
صاح بيهم وعگبو للسيارات سرو من يمنا
وزين واكف يدحك الهم مبتسم
ابويه ماتحرك من الگنطره خايف
علي وينتظر ذولاك يعبرون
للشارع دار وجهو عليه تكلم بغضب
عش واكفه ااسري عگبي للدار
زين رفع هايل ليفوك
وهو مبتسم خزرتو بعيوني
عكبي ياااهيله
ابويه تكلم بعصبيه درت مهره وسريت
للدار سمعت صهيل هايل درت راسي شفتو
يطرد به للوادي
ابويه عكب بسرعه ورايه نزلت يم المحصر
صاح بيه
صااايره مااتسمعين الجلمه يبنت ابوج
حشى يابه جلمتك على راسي لجن هوو
خله روحو بنصنا سمعت شتكلم وشكال وجان
لازم اردو جدام الشيخ صگبان
حتى ماايتكلم ويكول احنا شادين
ظهرنا به
ااانا اجاوبو اانا عندي لسان اردو
اول مره ابويه يصير عصبي عليه ويصرخ
بي سكتت امي طلعت هي وخواتي
سالت
خير يابو هيله حسك عالي وش صاير
دحك عليه بغضب وكمل وهو ياشر بايدو
بوجهي
مااعليج بزين ومااريدج بعد تحجين
ويا اي چلمه ااافتهمتي
ياابه هو يعيل
يعيييل انا اتصرف
صرخ بيه امي اشرت لي اسكت ماتكلمت
هو كمل بغضب
شفتي الصار بينو وبين شهم شفتي يااهيله
شلون راد يجتلو شتريدين يبنت ابوج
يسمع ابن عمج هم مجاتله ويا
ويتذابح معه من وراج
نزلت راسي ومارديت هو كرر
استغفر الله استغفر الله
هدأ ،،،كمل بوجهه مطعون
رووحي من وجهي
مشيت من يمو وسريت
لدارنا امي ظلت يمو خواتي لحكني للغرفه
ريمه حجت
وش صار ياهيله
لاااحد يسالني
صحت بها وسكتت كملت بغضب
عوفني وحدي
كعدت مقهوره من الجاي يصير بيه من وره برق الشر ومن هالشايب العايب الي تكلم وخله ذاك هم يتكلم بنفس السالفه رددت بضوجه
يارب منين اتلكاها من هذا الشايب لو من ذاك
الي يريد يكسر خشمي عگب السويتو
به شااسوي وشلون راح تفض
وياهم ماادري
اجه بين عيوني ،شلون يتكلم بهدؤ عكس
كل مرة جان يتكلم معي بغضب والكره
تارس ملامحو كلشي تبدل
به غيرو دربو معي وعبالو راح اصدك به هو
شال الكره والحقد من گلبو وصار
بدالو حب
ابتسمت باستهزاء ورددت
اعرف،،،، شكاعد تسوي يازين واعرف
شتريد لجن بعيد عن خشمك الي تريدو
موو انا الي تكسر خشمها يالهامل مو انا الي ينضحك عليها بالكلام الحلو
ومن منو من برق الشر الي الكل تعرفو هو شنو ومن اي طينه مصبوب
واحد مايحب غير نفسو وبس
سكتت وكملت بضوجه
لجن راح اسكت عن التعملو لخاطر
ابويه ولخاطر شهم حتى مايصيبو بله منك
لليل ظليت بغرفتي ماتعشيت من وره القهر وكلام ابويه وصياحو عليه
امي اجتي ليمي وكالت
كومي اعتذري منوو حاله مكدر ومالو
خلك
كمت وياها ورحت علي للهول كاعد
يسبح بالسبحه امي تكلمت
ياابو البنات
وفع راسو شافني رحت علي بست
راسو وايدو وخنكتني العبره
حجيت كوة
السموحه يابه
لزم راسي
ماازعلان منج يبعد ابوج لجن مااريدج
بعد تتلاطشين مع زين العابدين
هزيت راسي باي هو كمل
هو ابن اخويه ياهيله وشهم ابن اخويه
يوجعني گلبي اذا صار لهم شي
من وراج
بعد ماخصني به حتى لو عال عليه
اذا عال عليج انا اردو
هزيت راسي باي
زين ظل بكاع ابوه
تجنبت اطلع بمهره للوادي
لان اعرفو هو هم يسري لهناك بيوم،مهره شدت وضاجت لان صارلها فتره مو طالعه اخذت الاذن من ابويه وكال
روحي لجن مااريدج تتلاطشين مع زين
يتكلم معج تجين عليه انا اتصرف
معو
كتلو اي وطلعت بها مرة ومرتين بهل الاسبوع شفتو يدحك لي بس،،،،، مااحجه ولا جلمه
كلت اكيد ابويه حجه معه وجر خاطر
الو
ورة جم يوم سرجتها وطلعت بها سريت للشاخه وكفت من شفت،،،، الشيخ شعلان كاعد يم
ماطور المي شافني وحدرت له
كام لحيلو وجهو ابتسم
وفرح لشوفتي صاح
حي الله هيله
حي الله قدرك ياشيخ
رديت علي ووكفت يمو انا ومهره سال
شلونج ياهيله ماعاد اشوفج مثل الاول
من اسري يم ابوج
لاهيه بهل الشغل ياعم
الله يگويج يابنيتي
سكت وسال
ابوج ماهوو
دورت بعيوني علي شفتو محدر من گاعنا
وجاي علينا
ذاك ياعم جاي ومحدر علينا
دحك له هز راسو دار وجهو عليه
ركز بعيوني وتكلم
يااهيله السواه زين امسحي بهل اللحيه
عكدت حواجبي وكلت ماهي سالفه شهم
لان عرفتو تجاتل مع زين من وراه
كلت عرف بعمله ابنو الرديه
محشوم يااشيخ لجن ماافتهمت شتقصد
تفهمين قصدي يبنت العرب
يااشيخ ماافهمت قصدك
ماردت احجي ولا چلمه اريد السالفه تنسد
لان لو سمع ابويه راح يتخبل عليه لان ماحجيت
له الصار بيه الشيخ افتهم
انا مااريد احجي اي شي عن هاي السالفه
سكت من كرب ابويه وعبر
الگنطرة
گوة الله عزمك ياشيخ
وعزمك يابو هيله
انا واكفه يمهم
مهره صهلت رفعت روحها ليفوك
سمعت صوت صهيل
دحكت زين محدر بهايل وجاي علينا
عكدت حواجبي ردت اسري
لجن الشيخ لزم رسن
مهرة وتكلم
تسابك مهرتج
ااي تسابك يااشيخ
زين كرب يمنا وحدر من هايل سلم
الله يساعدهم
هلاا يازين
راح لابويه باسه من راسو كمل معو
شلونك ياعم عساك مرتاح
بخير ياولدي مادامك بخير
تجنبت ادحك الو ابوه انطاني
الرسن كلت
من رخصتكم
سريت بها مسافه هايل لحكها وهي وكفت
اسري يااامهره
حجيت بغضب زين لحكو ولزمو
تكلم
مهرتج عاشك هايل
دحكت له مبتسم كمل بصوت متغير
وبهمس
لااا والله هو العاشگها
خزرتو لان عرفتو شيقصد بده يدك
ناعم حتى يكسر خشمي مارديت
احترمت جلمه ابويه وبلعت الكلام الي ردت اكله
له
مهرة افترت عليه وصرت گريبه علي
هو صار ظهرو على هايل
بلحظه طگت جيله بالجو وگريبه علينا
مهره فزعت وانهزمت وهايل معها
زين صاح
يااهيله حدري
جرني من زندي وثارت اللخ
فكيت عيوني من شفتو
رد ليوره دحك عليه والدم
يفلت من جتفو وگع وتلگيتو بحظني وانا مذهوله من الصار سمعت صوت ابوه صاح
لاااااا يازين لاااا
