رواية لست غجرية الفصل الخامس عشر بقلم روز الحيدر
واول مادخلت الفرع نسحبت بقوة
من قوة السحبة شهكت.. وعيوني فقعت أكثر ونصدمت من شفت باهر لزمني من زندي وعيونه تجدح...
باهر : شتسوين هنا؟
عيوني جمدت بوجهه ماعرف ارد
ضغط على أيدي بقوة خفيفة
باهر : أحجي وياج
بلكوة بلعت ريگي، ونترت أيدي منه صحت
وردة : تسألني؟.. شسوي هنا!... لو انتَ!
سكت
وردة : مو گتلي مشغول؟ هااا تخوني؟ ولك
مو كافي ماشبعت!
بتوتر
باهر : لاااا والله جوري
وردة : تكلي مشغول واشوف سيارتك صافة يم
بيت متروس بنات شتريدني افكر؟
دفعته بصدره
وردة : انطيتك فرص وكل مرة تخذلني.. ليش هيج
تسوي بية؟
باهر : بمنو احلف حتى تصدكين ورب السماوات السبع
ماخنتج
وردة : اي هو الحرامي اذا كالوله احلف صاح اجاني
الفرج... تصيح ماخنت وانت هنا؟
سكت… باوعلي، واضح مرتبك..
قربتله خطوة عيوني بعينه
وردة : شوف الحلفان شسوت بيك!
لاتعب نفسك أكثر وتحلف
شد فكه، ضايج
باهر : جوري لتفهمين غلط—
قاطعت كلامه بعنف
وردة : غلط؟!
رفعت صوتي
وردة : الغلط أني صدكتك من الأساس!
سكت… عيونه تراقبني بحذر
قربت أكثر، صرت قريبة كلش منه
وردة : تدري شنو المشكلة؟
بهمس حاد مانطيته فرصه
وردة : مو انت الجذاب… لا
المشكلة أني جنت مصدكة واحد مثلك
دفعته بقوة
وردة : تگلي مشغول… واشوفك طالع من بيت مليان
كـ*** وبكل صلافة تكلي لاتفهمين غلط! شتردني افهم
تصلي بهين جماعة!
باهر : والله مو مثل—
وردة : اسكت!
صحت بوجهه
وردة : لا تكمل… لأن كل كلمة تطلع منك راح تخليك تصغر بعيني أكثر
سكت غصب عنه
قربت إصبعي على صدره، أضغط بيه
وردة : باوعلي زين
أني مو وحدة من اللي تضحك عليهم بكلمتين
أني إذا نخنت أهجر…
سكت… عيونه تتهرب
وردة : جاوبني شتسوي هنا؟
ماكدر يحجي التزم الصمت شيكول؟ انقل مخـ**رات!
وردة : لا جواب؟خوش… خلي أجاوب عنك
قربتله، صوتي صار انصى بس أخطر
وردة : جاي دور بديل؟ لو شي أرخص؟
رفع راسه بسرعة
باهر : لااا!
وردة : اي نعم!
دفعته مرة ثانية
وردة : لأن اللي مثلك ما يحب…اللي مثلك يمل ويبدل
وكف مصدوم، ما يعرف يرد
وردة : وتدري شنو الغلط الأكبر؟
قربت وجهي منه
وردة : مو خيانتك…
الغلط أني خليتك تحس نفسك رجال بحياتي
لفيت أريد أمشي.. سحبني من أيدي
وباهر : ولج والله وداعتج ماسويت شي
وردة : أللي نكسر صعب يتصلح... امنت بيك وثقيت
رغم خيانتك نطيتك فرصة... لان ماعندي غيرك سند
شبك اصابعه بأصابعي وسحبني
وردة : ووين ماخذني؟
باهر : امشي شوفي بعينج حتى تبطلين تتهميني
رجف گلبي شلون اذا شافتني سلطانة! خلاص نكشفت
وردة : عوفني.. مااريد اشوف قذارتك كافي لي شفته
شد على ايدي وهو يسحبني
باهر : مو بكيفج... أمشي
وصلنا للباب شفت سلطانة دور علية بس شافتني بأيد
باهر.. ركضتلي مصدمة وكفنا كبالها صارت تبلعم
ترك ايدي.. بسرعة ركضتلها.. لزمت ايدها وغيرت نبرتي
وردة : عمه...اجيت لهنا لان شفت سيارة باهر ولفار
لعب بعبي من كال مشغول وفجأه شفته هنا وهسه
يحلف يكول ماخنتج
رفع عينه يحجي وي سلطانة
باهر : كليلها ليش أني اجيت لهنا؟ مو عندي اجتماع
ويا زلم لو اني غلطان؟
سلطانة بحالة صدمة خفيفه بس ضغطت على ايدها
بخففه.. همست
وردة : لاتخافين ماحجيتله شي.
كدرت تاخذ نفس كالت
سلطانة : ياا ولج عمه تعاي شوفيهم
بحدية
وردة : عمه ششوف وهاي البنات؟
لزمتني تكمل التمثيلية على باهر
سلطانة : عمه هذني عدهن شغل شوية ويرحن
برود
وردة : يعني...
رفعت عيني الباهر كملت
وردة : مو خيانة؟
سلطانة : لا ياعمه شوفي هاي الزلم بالغرفة منتظري
لاتظلمينه.
قرب بأنتصار
باهر : اكو واحد يخون جوريته!
نزلت عيني.. امثل الندم وبصوت ناصي
وردة : مدري... خفت عندك سوابق.. وهل شي حقي
لو مااحبك مااغار
بتسم بصوت مرتاح
باهر : غاري... أحب غيرتج
قربتله وهمست بدلع محسوب
وردة : أريدك ألي وحدي محد يشاركني بيك
بتسم
باهر : مسجل بأسمج
باوعتله بنظرت حب بس بداخلي ودي أجره بزيج
سلطانة : روحي عمه... منا زلم موحلوة وكفتج
باهر : يله اني اوصلج
وردة : لاااا.. يعني لاتعب نفسك راح اروح البيت سهام
هذا ويا قريب.. وارد اتمشي وحدي ختنكت
سلطانة : باهر خليها تروح وحدها.. وروح لزلم ترا
تأخرنا عليهم
لزم وجهي
باهر : جوريتي... نبضي أمني مااريد اخسرج لذلك
ماراح اعيد الغلط
بتسمت
باهر : روحي ومن توصلين طمنيني عليج
وردة : أبهري.. اعذرني
باهر : معذورة واساساً فرحتني غيرتج
صاحت
سلطانة : بسك يله
بتعد عني
باهر : من توصلين تصلي
وردة : صار
طلعت بهدوء وبس عبرت عتبت الباب اسويها ركضه
واتلفت وراي خاف يطلعون
حجيت بصوت لاهث
وردة : نسر تسمعني؟
نسر : صراحة جهزت نفسي حتى اخرب كلشي والي
يصير، يصير بس… مصدوم بكلامج
وردة : گتلك بعد ماعرفت منو ورد جوري
نسر : يله تعاي قربت أكثر
بس طلعت من المكان لي لزمني بي باهر، شفت سيارة
نسر بضوه خافت...
نسر : شفتج
حرك السيارة واجه بتجاهي بسرعة صعدت قبل حتى
مااسد الباب حرك... واني نتهيت من التعب طلع عن
القرية مسافة
نسر : شفتي شلون ينقلوهن؟
رديت بتعب
وردة :سالفة ماتسولف
نسر : شلون؟
وردة : شفت الشيطان كاعد بالزاوية ويدك على راسه
من الصدمة
بنفاذ صبر
نسر : وولج أحچي؟
لفيت جسمي للجهة الثانية، وطلعت الغلاف الصغير
مديته إله بهدوء.
أول ما لمح اللي بداخله.. ضرب بريك قوي لدرجة
السيارة حفرت التبليط ونخضيت .
لف راسه إلي بصدمة
نسر : شنو هذا؟
وردة : مدري..
نسر : لا يعني… شيسوي بأيدج هذا؟
وردة : تعرفه شنو؟
سكت، بس عيونه جاوبت قبله.
نسر : انت تعرفين شنو هذا لو لا؟
رفعت كتافي ببرود
وردة : مدري… جيس عادي، شفتها تعبي وخذته
جمد بمكانه، حتى نفسه صار ثگيل.بصعوبة
نسر : و… وين… تخلي؟
وردة : تشده بخيط… حتى من تريد تطلعه يكون سهل.
غمض عينه بقوة، ولزم راسه… كأنه استوعب المصيبة كاملة... فجأة طلع موبايله، وصوته تغير تماماً.
نسر : سلام عليكم سيدي…
سكت يسمع
نسر : لا، الموضوع تأكد… جهزوا عناصر نسوية، راح أرسل التفاصيل أول بأول… أمرك.
سد الخط فوراً، واتصل مرة ثانية وهو يراقب المكان
بعصبية.
نسر : ها بشر؟ شنو الوضع يمك؟
سكت
نسر : تمام… لا أحد يحاجيهم، خليهم يطلعون بأمان للمكان المطلوب… انسحبوا لا تسوون أي حركة حالياً
سد الخط، ولف جسمه إلي.
نسر : جوري… عندي صديق هنا، عنده منتجع يأجره بالصيف… أخذته كم يوم.
سكت، منتظر ردي… بس خليته يكمل.
نسر : تبقين هناك لحد ما تخلص مهمتنا… ولازم أطلعج من القرية بأمان كم يوم وأصفيهم واحد واحد…بعدها تكونين حرة
وردة : قصدك هسه أطلع؟
نسر : إي
وردة : لا… مستحيل
بعصبية خفيفة
نسر : شنو مستحيل؟ ولج المكان راح ينهجم بأي لحظة!
وردة : أريد أشوف.
نسر : جوري مو عناد! دمارهم صار محتوم!
وردة : إذا هسه أطلع… راح يشكون بيه.
رن موبايلها… اسم باهر.
نسر : لا تردين.
وردة : لا، لازم… حتى مايشك.
نسر : عنادج لوين راح يوديج؟
وردة : اشش…
رديت
وردة : ها حبيبي؟
باهر : ظل بالي عليج، ما اتصلتي؟
وردة : لا، رجعت غيرت ملابسي وهسه راجعة.
باهر : تمام، انتبهي على نفسج.
وردة : صار… دلل.
سديت الخط.
نسر زفر بقهر، عيونه بعيد عني
نسر : وتالي؟
وردة : رجعني.
نسر : مو بكيفج.
وردة : اسمع… بس اليوم وباجر. من تجون تاخذوهم، والله أكون يمك قبلها.
نسر : ما أكدر أخاطر!
وردة : لا تخاف… ما يأذوني. بس لو عرفوا يطلعونني
من تحت الأرض. أعرفهم.
نسر : گلبي ما ينطيني… هذولة مجرمين، وسلطانة ما ترحم.
وردة : أدري.
بعصبية خفيفة
نسر : وإذا تدرين… ليش تعذبيني وياج؟
رفع عينه إلي… ونبرته هدت
نسر : خايف عليج.
وردة : وانت يمي… ماراح تروح؟
لف وجهه بضيق
نسر : لا حول ولا قوة إلا بالله…
وردة : نسر…
نسر : والله مو مرتاح أرجعج.
وردة : يومين بس.
نسر : مالهن داعي…
رن موبايله، رد فوراً بنفس الجدية
نسر : نعم سيدي…
باوعلي
نسر : إي، يمي… اسمها ورد جوري…
سكت
نسر : أمرك… إن شاء الله.
سد الخط، باوعلي بنظرة مختلفة
نسر : أمني عليج.
وردة : وين يعرفني؟
نسر : ما أخطو خطوة بدون علمه… ومن شف حركتي
ظافر حجيتله عنج وعن الخطة.
واليوم كال: لو أظفر من أضافرها تضرر…تتعاقب مو
بس مسؤوليتك صارت مسؤوليتي هم.
ابتسمت بخفة
وردة : زين… حتى إكله اكو واحد نافش ريشه وكل
مرة يگلي افر راسج فر
لزم أيدي بخوف
نسر : لاترجعيني... بروح بيبيتج
وردة : گتلك اليوم وباجر أني يمك وين تريد أخذني
ترك أيدي مأيس
نسر : تمام... هسه وين ترحين؟
وردة : رجعني للدار
لتفت مستغرب
نسر : تبقين وحدج!
وردة : لازم اتعود
نسر : ليش ماترحين يم البنات
وردة : لا استحي يومية يمهم...هم عدهم ولد يردون
ياخذون راحتهم... بعدين الوقت تاخر فشله ادك الباب
نسر : تبقين بالسيارة.
نزلت عيني وهزيت راسي بنفي
نسر : والله مااحجي وياج
وردة : لا بس الى متى.. خلاص حبوبتي عافتني لازم
اتعود مااريد استند على غيري و....
سكتت وكملت بحسرة
وردة : تاليتي انكسر
نسر : والله وداعت أمي ماأذيج بحرف
بتسمت بأستهزاء لفيت وجهي على جامه كتله
وردة : رجعني لداري
ماحجى شي شغل السيارة.. وطول الطريق ساكت
لما دخلنا القرية طفى ضوه السيارة ولف خلف الدار
قبل مانزل طلبت بخجل
وردة : عادي تدخل دور وياي خاف واحد خاتلي
نسر : صار.. وزين تسوين هيج
نزلنا
وردة : حبوبتي علمتني
نسر : الله يرحمها
بحسرة
وردة : بس ماعلمتني على غيابها
فتحت الباب الخلفي.. مدري منين طلع سلاح بأيده
ولزمه بطريقة ملفته مثل الي اشوفهم بالأفلام....
باوعلي
نسر : شبيج
رفعت عين عن السلاح
وردة : تفضل
شغلت الاضوية.. صار يدور الغرف حتى الكنتور فتحه
فتش البيت تفتيش... وطلع صعد على حايط شاف
السطح.. وجيت
نسر : مالله يهديج؟
وردة : لازم اروايهم وجهي باجر اذا اختفي ويلزموهم
يشكون لا والله هم يتأكدون
نسر : هاي هيَ.. واني ماعوفج
بتسمت
وردة : تعبتك
نسر : أبد.. لولاج ماسويت شي قدمتي الي وللوطن
خدمة
وردة : يمعود لاتكبر راسي هسه تصعد عندي الوطنية
واصيح بالدم بالروح نفديك ياعراق
ضحك... واني ضحكت لضحكته نزلت راسي بخجل
نسر : ااا.. على اقل الو تضيفيني چاي
رفعت راسي
وردة : هاا!
نسر : لا اشاقه وياج رتاحي
بتوتر
وردة : لا.. يعني اي اكعد هسه اسويلك واني هم اريد
نسر : يله بين مابعد السيارة وارجع
هزيت راسي وطلع.. واني احس طرت من الفرح چن
الله يعرفني أخاف ونطقى... أني حبوبتي جانت يمي
وانام بحضنها والليل يمر علية بهم..
بس طلع بسرعة شمرت
الحطب بالدفاية ورجعت ترست القوري ماي وحبات
هيل وخليته
على نار...شفت عندي عجين زايد ومختمر اكثر منفش
صايرة تجنن...
سمعت صوته رحتله
وردة : نسر
رفع عينه بوجهي
نسر : ها؟
وردة : تاكل اذا اسوي خبز دواكه بالدهن؟
بتسم وهو ينزع قمصلته
نسر : اويلييي سوي.. سوي صار كومه مماكلها
وردة : صار..
رجعت للمطبخ.. غسلت أيدي جهزت الطاوة والعجينة
بين مايحمى الدهن.. خبزت اول خبزة اجه يباوع لكل
تفصيله بالدار
نسر : صح صغير وبسيط بس مرتب ونظيف
بتسمت
وردة : وبرأي هذا أهم شي...
تدري جدة لو جنت اسوي چاي على طباخ وكع بثل
قليل تصيح ولج خايسة وطباخج خايس
ضحك
نسر : لا والله كلش يلمع
كلبت الخبزة للجهه الثانية حتى تستوي وتكسب
وردة : بعد هي علمتني من الصغر وصار عندي طبع
نسر : مهما يكون النظافة وترتيب تفوز ويبقى احلى
طبع
قرب صوبي وكف
نسر : عادي اجرب اخبز وحدة؟
وردة : اي عادي
رفع كمامه وغسل أيده واخذ شنكه صغيرة يصفكها
بايده ضحكت على فهاوته يجيبها منا ويرجعها منا
نسر : ترا ماعرف بس حبيت اجرب
وردة :يخوي جاي تتماطل وياها
رفع عينه ضحك
نصيت النار وخلاها بالطاوة.. وزرفها بالخاشوكه
نسر : امي هيج جانت تسوي
وردة : نسر
رفع عينه
نسر : هاا
نزلت راسي بخجل
وردة : اعذرني.. يعني لان هيج ضيفك.. بس ماكو
شي اسوي..
نسر : يمعودة كولي غيرها اصلاً اموت عليها والله
زين منج سويتيها
وردة : من يوم لعافتني لليوم ماطبخت شي مالي
واهس اكعد أكل وهي مو كبالي
نسر : واضح وجهج صاير أصفر ويومية واكعة بس
لازم تشدين نفسج لو جانت تشوفج ترضى هيج
تسوين؟
هزيت راسي بنفي
نسر : لعد قوي نفسج الخاطرها لاتقهريها عليج
يكولون الميت يعلم بأحبابه
سكتت وهو يحرك الخبزة للجهه الثانية
نسر : تدرين صار كومه مشتهيها ومحد يسويها ألي
وردة : بس خلاص اول مايصير عندي بيت واستقر
اسويلك الي يحبه گلبك
رفع عينه
نسر : شنو الي يحبه گلبي؟
وردة : مدري كول شنو تحب واني أطبخلك
نسر : تعرفين طبخين؟
وردة : مو ذاك الزود بس اتعلم
نسر : الخاطري؟
وردة : تستاهل
حسيته فرح او خجل بس بتسم وبانت حفرة خده
بوضوح
وردة : طلعها لاتحترك
طلعها وسوه الثانية...
وردة : خليني اهدر الچاي.. كملها بين ما اجي
نسر : صار
رحت خليت بثل وهدرتا على دفاية ورجعت له
وردة : ها بشر؟
نسر : لا طلعت ماهر بالمطبخ
وردة : هههه بيها الخير
سويت البقية صارو خمس خبزات جهزت الصينية
خليت بيها كلاصين
نسر : هاا چايچيه؟
وردة : أي راسي مايصحى له بگلاص چاي مهيل
تحب بگلاص لو ستكان؟
نسر : طبعاً گلاص.. هم يله يصحيني
هو اخذ الصينية من ايدي ورحنا كعدنا يم الدفاية
صبيت الچاي
نسر : مبين خوش چاي
ضحكت
وردة : تدري ماجنت اعرف اسوي چاي ولو اسوي
خفيف لو اسوي يدبك بالحلك ثكيل
عيونه مركزة بية مستمعلي بجدية واني اسولف
وردة : مرة من المرات اجت مراة تخطبني وجدة
كالت سوي چاي وهي كعدت يمها
نسر : شكد جان عمرج؟
وردة : 17لو 18.. كمت سويت الچاي وقدمته وجان
جدة تاخذ الستكان وترفعة بالضوه كدام المرأة وتكول
(محشوم) يااااع ولج وريدة چايج چنه بول بعير
ضحكنا
نسر : رفعته بالضوه حتى يبين خفيف اكثر
وردة : هههههه أي وتفشلت ذيج الفشلة
نسر : فشلتج كدام أم الخطيب
وردة : بقيت صافنه لااخذ ولا انطي خطيه المرأة
صارت تلتمها.. لا لا خوش چاي احنه نحبه خفيف
وشربته وهي ساكته
اخذت شكر رشيت على خبزة
وردة : ارشلك؟
نسر : لا..
بدينا ناكل
نسر : احمم .. وليش ماتزوجتي؟ ليكون بسبب
الچاي؟
وردة : جؤ.. جدة كالتلها بعدها صغيرة عاد المرأة
اصرت وينها صغيرة وچبيرة.. بس جدة رفضت
تنهدت
وردة : حتى وان وافقت.. باهر بحياتي مايقبل
واني...
نزلت راسي بخجل
وردة : جنت أحبه
بسرعة غير الموضوع
نسر : تدرين اليوم نصدمت بذكائج.. شلون فريتيها
عليهم
وردة : هههههه شسوي
نسر : وبطل صفين لزمت گلبي بأيدي گلت خلاص
كشفها واذا ماكشفها من اخذج السلطانة.. هاي هي
سحبت اقسام وقربت ورا البيت.. كلت بس اسمع
كشفوها اهجم عليهم
وردة : الحمدلله عدت على خير
بتسم
نسر : بفضل ذكائج.. ارفعلج القبعة واخذلج تحية
بتسمت بخجل نزل راسي
وردة : لاتبالغ ماسويت شي..
نسر : لا والله سويتي اكثر مما تتوقعين هواي كلش
هواي سويتي بقصد ومن دون قصد
وردة : شنو بدون قصد؟
بتسم رفع حاجبه
نسر : ماعرف بس...بالنسبة ألي اشوف هواي سويتي
شغلات وكل افعالج بالهدف.. يعني مثل اليوم طلعتي
منهم مثل الشعر من العجين
وكشفتي سر جان موكف المكافحة على تك رجل بس
نريد نعرف شلون يتم النقل
وردة : هسه شراح يصير؟
نسر : هسه يستلمها غيري واول شي اسوي كتلج الزم
راس الجبير
وردة : عرفته؟
هز راسه بأيجابية، رفع عينه بعيني
نسر : اهممم.... بفضل.. لي حرك السيارة
بالعت ريكي غيرت الموضوع
وردة : وباهر وسلطانة؟
نسر : هذول مجرد ادات ناقلة.. اليوم الفجر راح يتم
اعتقال اهم واحد بيهم وبعدها أبهرج وسلطونة
وردة : باهر ينسجن؟
رفع حاجبه بنزعاج
نسر : ليش ماتردي ينسجن؟
وردة : لا بس مهما يكون نقهرت عليه لان مشى بهيج
طريق دمر حياته
نسر : السجن اهون له
وردة : وظافر؟
نسر : ماعرف القاضي شيحكم عليه وهو روحه رايحه
بس مصعب هم وياهم
وردة : هاا
نسر : اي والله هو من جان ويا ابو ومن ستلمت امه
صار وياها
وردة : يمتى تعتقلهم؟
نسر : اول شي عزيز گلبج
سكت ثواني
نسر : حتى أبرد گلبي بي
وردة : يمتى؟
نسر : لو باجر لو عگبه.. ليش؟
وردة : بيوم الي تاخذهم اخذني وطلعني منا
نسر : بعيوني
وردة : تسلم
واني اكل حسيت شي باذني تحرك.. فتحت عيوني
صحت
وردة : السماعةةةةة وگعت بأذني
نسر : لحظة لاتتحركين.. اشوف
قربت
نسر : لا موجودة هسه اوخرها
كملنا أكل وغسلنا قربتله
وردة : يله نسر
بتسم. ومدري شطلع من جيب القمصلة
نسر : تعاي
قربت أكثر وأبعد بشعري
وردة : حباب ديربالك
نسر : لاتخافين.... هااا اهاا طلعتها
بتعدت
وردة : اييي الحمدلله گلت على ركض الركضته
دخلت للجمجمة
نسر : لاتخافين ماسوي شي يضرج
سكتت تحمحم
نسر : شعرج حلو وعطر الجوز تارسه
وردة : دائماً اخلي يوالم شعري
سكتنا ثواني نهض، نهضت ويا
وردة : هاا؟
نسر : اروح.. وعاشت أيدج اكلة جنت مشتهيها
وردة : الف عافية
اخذ قمصلته لبسها.. اني واكفه مقابيله.. تقربلي
رفع أيده مررها على ضفيرتي مابتعدت بس راقبت
حركت أيده من المسها وعينه عليها..
بعدها رفع عينه
نسر : جوري.. بس النهار ألج راوي وجهج وتصرفي
طبيعي بالليل أجي اخذج
سكتت
نسر : مااريد أعتراض فهمتي؟
هزيت راسي بأيجابية..بعده مركز بوجهي
نسر : والله أعوفج بس عقلي يمج.. خايف عليج
وردة : أي شي يصير اتصل بيك
نسر : راح انام بالسيارة
وردة : و. وباهر شلون.. قصدي خاف يجي يشوفك؟
بتسم
نسر : طمأني باهر ماراح يرجع... ومحد يشوفني لان
اخليها بمكانا
وردة : اهمم
نسر : جوري
رفعت عينه له.. اني لابسه الوشاح على صدري ابد
مانزعته.. حتى مايبين شي احترام النفسي هسه
يكول تغيريني او يفكر بية بغير تفكير
اشر على صدري
نسر : خليج لابسته.. لان بي جهاز تتبع لاسامح الله
اذا صار شي وان شاءلله مايصير.. أكدر اوصلج بسهوله
هزيت راسي
نسر : راح اروح
حجاها وبقى واكف واني هم صافنه اخر شي بتسم
نسر : على اقل بالجذب كولي ابقى مابقى ساعتين
ويصير الصبح
سكتت… شفت بعينه شي مختلف، مو شقى هالمرة
صدگ يريد يبقى.
نزلت عيني وابتسمت بخفة
وردة : إذا اگلك ابقى… راح تبقى؟
قرب خطوة، صوته واطي
نسر : لو طلبينها صدگ… ما أتحرك من يمج
رفعت عيني له، للحظة حسيت الأمان كله واكف كدامي
وخاصه لما وصى رئيسه وكله بامانتك حتى سلوبه تغير
بس هزيت راسي بخفة
وردة : لا… روح
انطفى شي بعينه، بس تماسك
نسر : تمام… مثل ماتريدين
لف حتى يطلع…
وفجأة!
صوت صياح قوي شك الليل… صوت مو طبيعي
مو صياح واحد… هوسة كاملة رجت المنطقة رج
نسر بدون تفكير سحب سلاحه
بخوف
وردة : سمعت؟
نسر : اي… خليج مكانج
الصياح بعده مستمر.. أقرب...و أوضح
تقدم للباب، وأني وراه و رجولية ترجف
وردة : نـ..ـسر… نكشفنا؟
استدار بسرعة، لزم وجهي بجفوفه، نحنى إلي
همس
نسر : اهدي… أني يمج
همس اسمي
نسر : جوري… بس اهدي
إيدي ترتجف لزمها بإيده وضغط عليها
نسر : لا تخافين
هزيت راسي غصب عني
طلع بسرعة وصعد على الحايط، عيونه تدور بالمكان
الصياح بعده... نزل
نسر : لا… ماكو شي انكشف
وردة : زين شني هذا؟
نسر : ما أعرف…
قبل لا يكمل—
فتحت الباب بسرعة
نسر : ويننن؟!
وردة : أشوف شكو
لزمني قبل لا أطلع
نسر : جوري!
وردة : لا تخاف.. دام ماكشفونا اشوف شكو وارجع
سكت لحظة… غصب عنه تركني
نسر : تمام.. بس انتبهي المبايل وياج؟
وردة : لا…
ركضت جبته ورجعت
نسر : ما أتحرك منا لحد ما ترجعين… فهمتي؟
وردة : دقيقة وأرجع
نسر : ديري بالج على نفسج
هزيت راسي وطلعت
الشارع كله طالع ناس تركض… ناس تصيح كل واحد يسأل الثاني
: شنو صاير؟
گلبي يدگ بسرعة… مشيت بين الزحمة
قربت من بيت سلطانة… الهوسة وناس
ملتمه قبل لا أوصل، لزمت وحدة من البنات
وردة : شكو؟
البنية وعينها مصدمة
: ظافر مات…!
كلشي سكت
الصوت… الناس…الدنيا كلها اختفت
بس جملة وحدة.. تعيد نفسها براسي
"ظافر مات"
ضحكت
وردة : لا… مو صدگ
تقدمت… دفعت الناس بدون وعي
شفتهم… شفت الجثة ممدودة ورند
تصيح وتلطم
صدگ مات.
وكف جسمي… بس داخلي؟
شي انفك… شي انكسر… وشي ارتاح بنفس
الوقت رجعت أركض… أنفاسي متقطعة
فتحت الباب بسرعة
بارت بصوت يلهث
وردة : نسر!
طلع فوراً، سلاحه بإيده
نسر : شكو؟!
ركضت له وبدون تفكير كمزت عليه وحضنته
بقوة رفعني عن الأرض، استوعبني بين إيده
نسر : شبيج؟!
ضحكت… ودموعي نازلة بنفس الوقت
وردة : مااات…مااات
نزلني ببطء، بس إيده بعدها على خصري
نسر : منو؟
رفعت عيني له وابتسامة غريبة على وجهي
وردة : ظافر…
سكت لحظة
وردة : فطس… وأخيراً
مسح دمعي ببهامه
نسر : الله حق.. لاتبجين
لزمت أيده بعدتها عن خصري وبتعدت خطوة
وردة : زين رجعت وله جنت محرومة من هل خبر
تقدم خطوة
نسر : جوري.. لهنا وكافي بالليل اجيج ونطلع منا
بدون رجعة
وردة : اي هاي هي خلاص.. ظافر مات وسلطانة
بالسجن هذا اعظم انتصار
نسر : الانتصار الحقيقي من طلعين منا بخير وسلامه
وردة : ان شاءلله.. اليوم اروح ابين وجعي وبالليل
تعال اخذني
نسر : مااوصيج بعد خليج نبهه
هزيت راسي راد يروح ولتفت
نسر : احمم... هسه حضنتيني.. وماصارلج شي!
نزلت راسي
وردة : اعتذر والله من فرحتي
نسر : لااا لاا تعتذرين… زين تسوين
ارتبك شوي وضحك بخفة
نسر : أقصد… يعني… من نفرح لازم نعبر
رفعت عيني له بسرعة، ابتسمت بخجل
نسر باوعلي، صوته نزل
نسر : بس إذا تفرحين… وتريدين تعبرين
آني موجود.
حسيت وجهي حمر، لفيت عيني عنه
وردة : يمعود روح هسه
ضحك، وبعدين فجأة رجع جدي
نسر : جوري… انتبهي زين والله گلبي مامرتاح
وردة : يعني بعدنا بخطر؟
قرب خطوة
نسر : دام أنت هنا؟ اي
تنفست بعمق
وردة : تمام… أمثل دوري اليوم
وبالليل نخلص
نسر : بالليل ماكو تراجع
وردة : ماكو
ظل يباوعلي لحظة… كأنه يريد يحفظ ملامحي
نسر : إذا صار أي شي… قبل الليل
اتصلـي فوراً
وردة : حاضر سيدي
ابتسم رغم التوتر
نسر : ديري بالج على نفسج…
لف حتى يطلع مشى كم خطوة وبعدين وكف بدون
ما يلتفت
نسر : جوري
وردة : ها؟
نسر : لا تخليني أندم خليتج هنا
دگ گلبي بقوة
وردة : ماراح تندم… أوعدك
هالمرة طلع فعلاً… واني هم اخذت مبايلي وطلعت
لكيت بس البنات واهل النطقة كعدت يم سمر وسهام
بينما الشمس نورت بنورها... رجعوا وصارو يواسونها
واني كاعدة بس مااكدر أبجي..
غطيت راسي بالوشاح وكمت اضرب على رجلية ساعة وساعةصدري واهز بنفسي... بعدين بللت اصبعي من ريكي وخليته تحت جفني.. عود ادموعي
وبعدت الوشاح.. خشمي صار احمر من كد ما سحبته
على اساس من البجي... بعد ما دفنو ورجعوا شفت
سلطانة...
خطية على غيابة العين حزنانة وتهمل دمعها سلمت
عليها وبهذا وضعها ألتفت عليه منكبه كالت
سلطانة : الزلمه عصب من ماشافج
سكتت..
هسه هي بيا حال؟
سلطانة : شلون لكفج ابهر؟
بلعت ريكي بخوف بس سيطرت على نفسي
وردة : رحت ادور عليج بعدني بالباب وشافني عتني
من ايدي بس طلعت كلت خاف ينتبهون على صواتنا
سلطانة : عفية زين تسوين
وردة : اي وبعدي من تهمته سحلني ألج
سلطانة : يله خليها اليوم لو باجر بالليل يجي ياخذج
وروحي
وردة : صار عمه
هزت راسها واجن نسوان سلمن عليها اني نسحبت يم
البنات وموبايل رن برقم مامسجل غريب ستغربت بس
مارديت الثانية، الثالثة رديت كلت خاف نسر
وردة : الو
اجه صوت باهر مقهور خايف متوتر
باهر : جوري حبيبتي
وردة : أبهر شبيك؟ ليش خطك وين؟
باهر : جوري اسمعيني ماعندي وقت احجي اكثر بس
جهزي نفسج اليوم بالليل رح اجي اخذج
وردة : شكو؟ وين؟
باهر : خلاص اني نتهيت ومابقالي امل بالحياة غيرج
سكت صوت تعبان بشكل
باهر : اخذج ونروح البيتنا.. ومناك نطلع شهر عسل
التركيا.. تمام ياوجع گلبي
وردة : خوفتني عليك صاير؟
باهر : لا تخافين وممنوع تحجين شي بالليل انتظريني
من أخذج افهمج كل شي
وردة : يله منتظرتك
باهر : جوري أحبج
وردة : واني هم... منتظرتك
باهر : تمام مااتأخر
سد الخط.. وبقيت بقلق سحبت نفسي من بينهم واتصلت
بنسر.. حجيتله كل شي صار
نسر : اي طبيعي يخاف لان الاساس نلزم وباهر عرف
جاي نتبع جهازة لذلك غير الخط
وردة : يعني عرفك؟
نسر : لا بس مااتواصل وياي
وردة : هسه شسوي؟
نسر : لاتسوين شي خلي يجي للقرية حتى اجهز له استقبال يليق بي لان اجه دوره
وردة : وسلطانة؟
نسر : اجت؟
وردة : اي هنا ليش؟
نسر : تمام
وردة : شكو؟
نسر : تفرجي وبس.. ونتبهيلي على نفسج هواي
وردة : ان شاءلله
سديت الخط.. وبعد ساعة بالضبط او ساعتين من
اتصالي بنسر وصلت قوات
أمنية من شفتهم گلبي رجف خوف من هول المنظر
ونزلتهم من السيارات وهمه بأيدهم الاسلحة ولي
ملثم ولي لابس خذوة
بس واحد منهم ملثم جان يدور بعيونه بين الناس
يدور على شي ومن شافني ستقر ومارفع عينه عني
دخلو مع عناصر نسوية شحطن سلطانة شحط وكل
الموجودين بحالة ذهول
: شكو؟ صار؟ ليش؟
محد عرف شنو سبب اخذنها الشرطيات صعدنها
وكعدنها بالنص ورند هنا نهارت ابوها بالگبر وامها
بالسجن
اول مرة بحياتي اعيش الفرح واحس هم ونزاح من
صدري...
طبعاً مصعب من المقبرة وكالو اختفى محد يعرف
وين راح، وبس رند بقت لازم تستلم مكانة وعمل
أمها
شفت نسر اتصل طلعت بعيد عنهم ورديت
وردة : دريت اجت الشرطة اخذو سلطانة
نسر : ولو شلون ماادري؟ ماگلتي شلوني بالزي
العسكري؟
وردة : شلون؟
نسر : جنت وياها
وردة : اااااااا.. لابربك؟
نسر : هههههه اي وربج مو بقت اباوعليج
وردة : وشمدريني اشم كفى أيدي؟
نسر : اي شلوني؟
وردة : يرعط رعط
قهقه
نسر : ااااااا.. لابربج؟
وردة : نسررر لا تقلدني
نسر : وبطل صفين تخبل من تحجيها ااااااا لا بربك؟
ضحكت وسكتت
نسر : شنو الوضع يمج؟
وردة : كاب كلها ناس تسولف هاي لي تكول لان دعارة
وهاي تكول خاف كاتلة
نسر : مصعب اختفى بس تلمحي اتصلي
وردة : حاضر سيدي
نسر : وجهزيلي نفسج بعد المغرب اجيج
وردة : صار ماعندي شي بطرك ثوبي اطلع
نسر : تمام.. واي حركة خابري
وردة : صار.. الله وياك
ودعته وسديت الخط ورجعت يم البنات الي نسوا
الميت وصارت سالفتهم سلطانة عفتهم وطلعت
اتمشى للمكان اللي نكعد بي قبل اني وحبوبتي...
شفت الشمس نزلت ورا الجبال وبدا الليل يسير
نهضت نكثت ملابسي ورجعت للدار بقيت اشمشم
بملابس حبوبتي واودع كل ذكرى عشتها هنا..
فجأة والباب نربد ربد بطريقة مرعبة تفزز الگلب
طلعت خايفة من طريقة الدك ومطمأنه لان سمعت
صوت سمر تصيح
سمر : ولج وردددد ألحكي
فتحت الباب مرعوبة
وردة : شكوو؟
ماتكدر تاخذ نفس تلهث، تلهث وتأشر بأيدها
لزمتها البنية مصفرة وترجف
وردة : ولج أحجي شكو؟
بلكوة كالت
سمر : أشردي.. أشردي.. ولج ورد عرفو بيج حركتي
ظافر...
فتحت عيوني.. كملت بصوت يلهث
سمر : سمعت رند ومصعب كالها أريد اغـ**بها وهي
تكله جهز التيزاب وشوه وجها
حسيت گلبي وگع بالكاع
وردة : شـ..شـلون عرفو؟
سمر : ظافر جايته صحوت موت وحجالهم هذا لي
سمعت رند كالت المصعب
وردة : تمام
سمر : بسرعة طلعي من القرية
هزيت راس،هي طلعت تركض ورجعت اخذت مبايلي
وكل عظم بجسمي يرجف بلكوة طلعت رقم نسر اتصلت
من اول رنة رد
نسر : جوري جايج بالطريق
بصوت مرعوب
وردة : ألحك... نسر ألحگلي عرفوا أني..حركت ظافر
بقلق
نسر : يله ثواني لاتخافين اني قريب
وي كلام نسر ندفر الباب ودخلت رند
رند : ولج سـاقطة تحركين أبوي؟ لقيطة
المبايل بأيدي وارجع للخف وهي تتقدم واسمع نسر
يحجي يصيح بس مافهم شنو يكول.. ماكدرت احجي
شي اللساني نربط
رند : أمج ذبتج ولفيناج وحسبناج من عدنا تالي
تفلين بالماعون التاگين بي!
هزيت راسي والتفت على صوت الباب الخلفي دخل
مصعب بأيده قوطية نحصرت رند منا ومصعب منا
مصعب : وين يحلووو..
قربلي لزم شعري
مصعب : من زمان مخـ** عليج بس باهر واكف
بطريقي وله سويتج..
من الخوف والموقف الي صار حسيت راسي نضغط
لزمني عتني من أيدي
صحت
وردة : نســــــــررر ألحگللييييي
أجت رند سحبت المبايل وشمرته بالكاع بقوة تفلش
رند : عوفها خليني اشفي غليلي بيها هل كـ***
لزمتني من شعري فرت راسي فر مصعب ربط أيدي
ورجلي ورند تولتني راجديات مابأيدي بس اصيح
وأبجي رجعت شدت حلگي....
اكدر انزل العصبة من حلكي بس ماسويتها خفت
يرجعون ايدي ورا ظهري
رند : گلج خلك وحدة نغلة بت حرام.. اجيتي
وحضيتي بهتمام الكل... أني؟ صادقتج لأن كلها
جانت تشوفج احسن وحدة
مو غجرية بس حتى الركص كسرتيني بي موكافي
اخذتي حبيبي مني
هزيت راسي بنفي وبس دموعي تنزل ضربتني
رند : ولج قبلج جنت أحب باهر بس ماشافني رغم
جمالي مالتفتلي حتى.. بس انت من أول مرة كدرتي
وخليتي يقبل بيج وبعيوبج نغلة، لاأصل ولافصل
بجيت أكثر شدت شعري بقوة
رند : وكل هذا ماقبل له ياخذج بالحلال ولج أمج
ولدتج بالحرام شلون أخليج تاخذيني حبيبي مني!
نهضت
رند : جيب التيزاب خليني اشوهه هل وجه الي
حرمني من حبيبي
مصعب : عوفيها ألييي بعدين أني اشوهاااا
رجعت دفرتني
رند : ترديني تحافضين على نفسج وتبقين بنية؟
هههههههه لااااااا
باوعت لمصعب
رند : أأريدك تشـ**** وبعدين تشوها وجها اهمشي
كون تحركه حرك
أجه شالني بين أدي وبس ادفر اريدها افلت نفسي ماكدرت قلص عليه وطلعني من الباب الخلفي شمرني بالسيارة ورجع صعد ورند صاحت
رند : اذا ماتشوها أشك ***
مارد عليها شخط السيارة واخذني للدار الي سلطانة
طبب بي بنات رجع نزلني وشمرني بغرفة من الغرف
طلع جيس ابيض عرفته مخـ**رات وطلع اني بين
ما طلع نزلت العصبة من حلكي وفتحت
ربطت أيدي بسنوني ورجلي وسحبت الخنجر لي
رابطة بفخذي من كرابة
دخلته بمعصم أيدي ورجعت الفيت الحبل بأيدي
ورجلي چن بعدني مربوطه...
رجع دخل وكف كدامي أنفاسه ثكيلة وعيونه مو ثابتة
مرة يباوع علية… ومرة يغمض كأنه يقاوم شي داخله
سحب قميصه ببطء وشمره بالكاع
تقدم خطوة… خطوة…
بصوت مبحوح
: تعرفين شكثر انتظرت هل لحظة؟
نهضت رجعت لورى، ظهري طخ بالحايط
بصوت يرجف
وردة : لاتقرب… مصعب أترجاك
ضحك ضحكة خفيفة بس بيها وجع وغضب
مصعب : أترجاك ؟ هسه تترجيني؟
من جنت أسمع ضحكتج وي باهر… محد سمعني
وكف مقابيلي تمام، قريب هواي
حسيت أنفاسه على وجهي مد إيده.. لمس خدي
جسمي كله قشعر
مصعب : كلشي بيج يستفزني.. حتى خوفج
غمضت عيوني… بس دموعي نزلت غصب
شمأزيت من قربه بس لزمت نفسي أفكر…أي
حركة غلط تعني نهايتي
هو قرب أكثر
مصعب : اليوم… يا أاخذج… يا ما أخلي شي
بيج سالم
قرب أكثر.. ومد إيده مرة ثانية وهنا سحبت الخنجر
ببطء من ردني... لحظة وحدة بس... وغرسته ببطنه
بكل قوتي
شهك.. عيونه توسعت بصدمة
مصعب : أأنت…؟
سحبت الخنجر ولفيته مرة ثانية الدم نزل على إيدي
حار تراجع خطوة وهو لزم جرحه
أنفاسه تكطعت طاح على ركبته وهو يباوعلي
مو مصدك… مو مستوعب دفعته وكع بالگاع
بصوت مكسور وغاضب
وردة : محد يلمسني غصب وبالحرام
جسمه يرتجف… وصوته اختفى وأني واكفـة فوكه أتنفس بسرعة إيدي ترجف… بس عيوني ثابتة عليه
عفته طلعت من الدار... اركض والخنجر ينگط دم
ماوكفت لحد مابتعدت عنه الدار مسافة وكفت الهث
وصوت رند يرن براسي
"امج جابتج بالحرام"
"انت القيطة"
"نغلة لاأصل ولافصل"
"صادقتج لان جانت كلها تشوفج احسن وحدة"
حسيت الدم يفور براسي... اني خلاص نتهيت شنو
يصير أكثر من الصار بعد؟
ودام كتلت واحد خليني أكمل واكتل رند حتى ماتصير
مثل امها وتستغل البنات وتستعبدهم
من ابعيد شفت رند دخلت للدار.. رجعتلها أركض
دخلت للدار... ولازمة الخنجر بقبضه قوية توجع
الأيد ولازال الدم ينگط...
شفتها واكفه وبأيدها المبايل... بس شافتني فتحت
عيونها مصدمة
رند : ماغتـ**
اجت بتجاهي تريد تضربني
ماجاوبت
كلشي براسي كان يدور… كلامها… نظراتها…لقيطة نغلة…" تقدمت خطوة
لزمتها من شعرها بقوة واحجي بقهر مكبوت
وردة : أعتبرتج اختي.. ومن خنتيني على مود ***
ماحجيت وتركت الزبالة للزبالة
رند : والله أشوه وجهج
ضحكت بقهقه مخيفة.. وبالخنجر كصيت شعرها
صحت
وردة : بعدج تشوفين نفسج أحسن؟
صاحت
: لاااااااااا
تخبلت صارت تصيح لزمت راسها وضربته بالحايط
مرتين بقوة نتهت وكعت بالكاع بس مافقدت
وردة : هذا موحساب خيانتج الي لااا ابد بس هذا
حساب فعلج وياي هسه
كل تصرفاتي جانت بعدم وعي صح اشوف واسمع واذكر
بس مو اني الي سويت هيج جنت أضحك بشكل هستيري
وبقوة مخيفة
مررت الخنجر على وجها وخليت أثر بخدها...هي جانت بين الوعي والعدم
رجعت خطوة…بديت أستوعب شوي شوي بس بسرعة
رجع كلشي براسي صحت
وردة: راح ترجع تسويها… راح تأذي غيري
التفت للدار وركضت شفت مصعب بعده بالكاع مطروح
سحبت اللي بجيبه… بدون تفكير
رجعتلها…لزمت وجهها
وردة : ما أريدج تصيرين مثلها
إيدي تتحرك…
وكأني مو المسيطرة رشيت الباودر بخشمها والباقي
خليته بصدرها
حتى لي يجي ينقذها يعرفها تتعاطى ويخبر عليها
هي بالكوة تفتح عيونها
بهاللحظة… سمعت صوت الشرطة تجمدت بس
ادركت الخطر ونهضت بسرعة…
لزمت الخنجر وركضت بدون ما أباوع وراي نزعت تنورتي... لفيت وجهي بيها وكملت ركض أنفاسي
تتكسر... من بعيد..شفت سيارات الشرطة....
وشفت سيارة ثانية…
تمشي ببطء… مطفية اضويتها
همست
: باهر…
وكفت بالنص
باوعت لإيدي… دم
إذا أرجع لنسر… انتهي ويطبق القانون براسي
وإذا أروح لباهر… يمكن أضيع أكثر بس يتحملني
ويحميني
الناس طلعت على صوت الشرطة
دگ گلبي بقوة غمضت عيوني… وركضت بتجاه
السيارة.....
