رواية حبيبتي وضل الاسود الفصل الخامس عشر بقلم مرج البحر
غير محلل الاقتباس او نشر القصة دون ذكر اسمي
نورهان ....وصلنه لبيت لسيد حسين .... طبينه وكعدنه وره شوية اجه السيد ...
سلم علينه وجان يكول شلونكم شخباركم شصار وياكم بعد ماشفناكم من يوم الي جنتوا هنا اخر مرة ..
سلطان ... بخير سيدنا ربي يحفظك ويعلي مقامك ... وحقك والله صحيح ماجينه ولا سئلنه عليك بعد ... بس ماتدري والله شصار بينه ...
السيد .. خير ان شاءالله شصار بيكم .
سلطان ... من اخذت نورهان وطلعت من يمك وديتها للمستشفى ... فقدت الوعي ودخلت بغيبوبة لمدة 3 اشهر وهاي صارلها كم يوم ياله صحت ... الله باوع ع حالنه ورجعها النه والحمدلله والشكر هسه زينه طبعا بفضل الله وفضلك ..
السيد ... الحمدلله والشكر ان شاءالله اسويلها تحصين من كل سحر لان الضاهر عدها اعداء خطية ومراح يعوفوها بحالها ...
نورهان ... من حجه هيج السيد صابني رعب وخفت يعني شنو هم راح يرجعلي هل ظل اوووف ياربي ماتحمل بعد والله ... سترك ياربي 😭😭
السيد .. هسه احجولي خير ان شاءالله شجابكم اليوم خو ماكو شي ..
سلطان ... لا سيدنا اطمأن ماكو شي الحمدلله نور صارت زينه وماعاد اتشوف اي شي بعد ....
بس اجيناك علمود حلم ديتكرر ع نورهان واحنه قلقنه كلنه اخاف اكو شي صاير ومندري بلكت تعرف اتفسره النه رحمه ع اجدادك ....
السيد .. اي احجي بنتي اسمعج شنو الحلم ..
نورهان ... حجيتله الحلم بالتفصيل ... وجان يكول .. امج وين بنتي ... كتله اتوفت من قبل 18 سنة 😔😔 ..
السيد ... شلون ماتت
نورهان .. ع الولادة من جابتني اتوفت ومن كبرت عرفت من خالي ومرته لان همه الي استلموها ودفنوها بذاك الوكت ...
السيد .. وابوج شاف جنازتها يعني شافها ميته بعينه ...دفنها وياهم
نورهان ... ها !!؟ لا .. لان بابا مرة كلي وصلني خبر وفاتها واني جنت بالعراق وحتى ماحظر الدفنه من اجه بس راح ع قبرها هناك بتركيا دفنوها وكتها انقهر واتأذه هوايه لان جان يحبها بشكل مو طبيعي ....
السيد .. امممممممم
شوفوا خلي اكولكم تفسير حلمج والله اعلم طبعا .. بس اعتقد بنتي امج بعدها ع قيد الحياة ... احتمال كولش كبير انو امج ماميتة امج عايشه لحد هذا اليوم ...
نورهان وسلطان .. هاااااااا 😳
السيد .. مثل ماكولكم ... لان ابوج ديوصلج رسالة ان امج دتتأذه ومخنوكه واحتمال واكعة بشدة ويريدج توكفيلها ومن كالج مداكدر اوصلها معناتها هيه مو بعالم الاموات هيه موجودة بعالمنه بعدها .. ومن هاي مديكدر يوصللها ومن هاي اجه عليج حتى تساعديها ... الله العالم بيا ارض هيه وبيا مكان وشنو صاير وياها وابوج عنده علم بالي بيها واجاج حتى تنقذيها .....
نورهان ... من سمعت كلام السيد جسمي لزمته رجفه وانهد حيلي حسيت مثل الصاعقة وضربتني ع راسي ... ممعقولة الي داسمعه ويمكن مستحيل هم ..... لان امي ماتت شلون يكول عايشه بعدها ... اووويلي الله شديصير ويايه ليش هيج منو اله مصلحه بكل هذا راح اتخبل 😭😭 ...
سلطان ... اهدئي حبيبي خلينه انفكر عدل هسه احنه اول شي لازم نحجز ونرجع نسافر لتركيا بس لازم هل مرة اعقد عليج حتى اطلعج بصفتج زوجتي .... وانروح هناك انشوف شكو وشصاير ...
نورهان ... كمت ابجي متحملت يعني امي عايشه وحرموني كل هل سنين منها اووووف شنو هل ظلم ... حظني سلطان وكلي كافي حبيبي لتسوين هيج بنفسج ... بعدنه ماعرفنه شي خلي نروح والله كريم ...
السيد ... الله يسهل طريقكم ويفتحها بوجهكم وينكشفلكم كوول الي تريدون تعرفوا ...
سلطان ... اشكرك سيدنا والله منعرف شلون انجازيك افضالك كثرن علينه وسوينه زحمة عليك رحمه الله والديك ....ماقصرت والله ........
السيد ... رحمة ان شاءالله ويرحم اموتكم ...
سلطان ... سلمنه ع السيد وطلعنه رجعنه لبيت جدنه وحجينالهم ع الي صار وكنالهم لازم نروح لتركيا انشوف هل خبر صحيح لو مجرد حلم ....
وكتلهم لازم نعقد المهر عسريع حتى نسافر خلال هل اسبوع .....
نورهان ... طبعاً اتفقت ويه سلطان مانسوي لاحفلة ولا شي نعقد يم السيد والمحكمة ونطلع ومن نرجع ان شاءالله نسوي حفلة كبيرة ...
هوه اقتنع بس بشرط ...
كتله شنو كال من جنتي بالغيبوبة نذرت نذر اني ..
نورهان .. وشنو هل نذر
سلطان ... نذرت اول متكعدين من الغيبوبة نروح نعقد بضريح ابو فاضل سلام الله عليه ..
نورهان ... سلام الله عليه ... اكييد اوافق شعدنه بعد الله غيرهم همه سفينة النجاة للامة ...
وفعلا اجه ويانه جدي وابو سلطان وطلعنه لكربلاء وصلنه اول شي زرنه قبر سيدنا الحسين ابا عبدالله عليه السلام ... صلينه ورحنه لصحن الامام العباس سلام الله عليه وشفنه سيد معمم كاعد يسئلوا العالم اسئله شرعية وكذا حجه ويا سلطان وكله هيج وهيج السالفه ونذرت اعقد بضريح الامام .....
كله ماشي تعالوا اتفضلوا جوه بالغرفه كعدنه ع الكرسي واحد مقابيل الثاني وهوه كعد ع الكرسي بنصنه وجدي وابو سلطان انتظروا بره ....
حظر ورقه وقلم وبده يلقنه صيغة الزواج اني كمت ارجف
مادري شصار بيه وسلطان يباوع عليه ومكيف بس عوزه يشيلني ويركص هههههه كملنه العقد وكال مبروووك وقعوا هنا ... وقعنه و وقعوا شهود 2 واخذنه الورقه وطلعنه ....
شاوفونه جدي وابو سلطان ... باركولنه وفرحولنه .... وراها طبينه للضريح ... بعدني بالباب و وكعت ع العتبة مالته وظليت ابوس بيها واتشكر منه لان مارد طلبنه ... وگصدناه وماقصر دخيلك يا ابو فاضل اروحلك فدوة خليني افرح بشوفة امي واشتم عطرها حرموني منها الميخافون الله 😔😔 بقيت لازمه الشباك واناشغ وابجي .....
وراها صليت وقريت الزيارة و ودعت الامام وطلعت .....
اتلاكينه يم الباب الرئيسية شفتهم واكفين منتظريني .....
طلعنه رحنه للمطعم اتغدينه ورجعنه لمدينتنه ...
وثاني يوم اتحظرنه رحنه للمحكمة صدقنه ورقة الزواج مال السيد وتم العقد مال المحكمة وهل شغل كله سلطان بفلوس سواه حتى عسريع يكملوها النه ...
وجان عنده عرف بالجنسية والجوازات طلعلي جنسية متزوجه وجواز هم حتى نكدر نسافر سوه بصفتنه متزوجين .....
وراها قدمنه ع فيزا بالسفارة و وره اسبوع طلعت الحمدلله اخيرا خلصنه 😴😴 ..
عاد راح سلطان حجزلنه تذكرتين طيران لتركيا كال حظري نفسج باجر بالليل تطلع طيارتنه ...
اني انتابني الخوف والقلق ....والتفكير اكل راسي يعني اذا امي عايشة شراح اسوي شلون راح اقابلها شلون احظنها شلون ابوسها ماعرف محاسه بهل احساس لان ربيت يتيمة أم .... وعمري متعرفت ع امي او نمت بحظنها 😔😔 ...
وصار موعد الطيارة اخذني سلطان بعد ماودعنه اهلنه وصلنه للمطار وصعدنه بالطيارة وطرنه لتركيا ....
ورحنه لفندق لان جان دنيا ليل كلنه الصبح نروح لبيت اهلي .....
طبينه للغرفة رتبت ملابسي وكتله اروح اخذ دوش لان تعبانه ....
سلطان ... ولج انتظري اجي وياج وديري بالج تحجين انتي هسه مريتي وحلالي اموتج 😠 ..
نورهان .... بس سلطان هذا الشي مو وكته اني ممستعده لهل شغلات بالي متشوش ومو صافي اعذرني 😔😔..
سلطان ... حبيبي متكوليلي شوكت وكته لعد ... مو حموت والله شبيج ليش متحسين بيه 😟 .
نورهان ... بس خلي الگه امي ذاك الساع كلي الك وشيعجبك اتسوي بيه سوي مامنعك والله ... اما هسه صعبة اتجاوب وياك اترجاك اصبر
سلطان ... اوووووف امري لله يله روحي طبي سبحي حتى اطب وراج شسوي 😒😒
نورهان ... تسلملي بعد عمري 😘 ..
طبيت سبحت وطلعت لبست دشداشة قصيرة كيمونه وهوه هم سبح وطلع بقه بملابسه الداخلية مالبس شي غيرهن هههههه ....
شال التلفون مال الفندق اتصل ع الريسبشن طلب عشه لان متنه من الجوع ....
جابلونه العشه اتعشينه وراها اتمددنه ع الجرباية ....
طبعا ادري بي ميتحمل وماعنده صبر ولازم يتحرش هههههه....
جرني نيمني ع صدره واني جنت بغير عالم جان فكري شلون الاگي امي وانقذها اوووف يا امي وينج ...
جان ع غفلة يلزم وجهي ودنك عليه بقه يبوس بشفتي ع كيفه اشو هذا اتخبل اصخام 😱😱 ..
شمرني ع ظهري ونام فوكايه وبقه يبوسني من رگبتي مثل الواحد الفاقد مديحس ع نفسه خرررب يومك وخرر سلطان شبيك شتفقنه احنه ...
سلطان ... هسسس خليني ولج مشتاقلج شبيج ..
نورهان .. عن جد طوختها ابتعد عني ... بكل قوتي دفعته وگمت وگفت گتله انت شبيك ليش متحس بيه يعني عندك كوولشي الشهوة وبس ... ماعندك غير شي تفكر بي فهمني .... اني اجيت هنا حتى ادور امي وبس مجيت امارس وياك هل شغلات .... خلي نفسك بمكاني شلون راح تتصرف وانت مضيع امك وعمرك مانمت بحظنها ولا شفتها وحسيت بحنانها .... اني اجيت حتى ادور عليها عندي امل حتى لو 1% االمهم عندي امل الكيها افهمني ... يعني متصدك تختلي بيه حتى تستفرد بيه ليش شنو اني بنظرك بس تفرغ غريزتك بيه كافي مو كرهت حتى نفسي ...كعدت بالكاع طكيت بجي شفته ضاج وانقهر من كلامي كام بدل ملابسها وراد يطلع ....لزمته وكتله اوكف وين طالع
سلطان ... ضاگ نفسي اختنكت اروح اشتم هوه شوية واجي ..
نورهان ... خررب ... اسفه حبيبي والله مجنت اقصد ائذيك بكلامي بس والله مو بيدي اعذرني فدوة اروحلك ....
سلطان ... لا عادي مصار شي .... واوعدج ماتقربلج بعد روحي نامي يله عن اذنج ..
نورهان ... طكيت بجي ليش هيج حجيت عليه ادري ميستاهل اووف خررب حظي شسويت اني .... كتله فدوة اروحلك لتزعل مني والله اني احبببك وامووت عليك .... بس البيه نااار مشتعلة بصدري من وكت العرفت امي عايشة اتخربط حالي مداعرف شسوي 😭😭😭
سلطان ... ولج والله مزعلان شبيج .. بس يمكن ضجت من نفسي شوية لان كلامج جان صحيح ومالازم اتصرف هيج وياج وانتي بهذا وضعج يمكن جنت اناني زيادة عن اللزوم .... وفكرت بس بغريزتي وبنفسي وبس .... بس والله من كثر حبي الج ماتحمل اشوفج وماحظنج 😔 ...
نورهان ... ادري والله ادري اعذرني يروحي انت غالي عندي واغلا حتى من روحي عليه ... اضحك بداعتي ماتحمل اشوفك هيج 😔
سلطان ... هههههه يله لتهتمين حبيبي المهم نلكي امج ان شاءالله ويرتاح گلبج اني اني عندي اهم شي سعادتج واشوفج فرحانه والله ....
نورهان ... اميين ياربي ... يله امشي نام بصفي ماخليك تطلع اخاف ابقه وحدي هههههه
سلطان ... حياله هههههه يله امشي اتمددت واجتي نامت ع ايدي للصبح .....
صار الصبح شفته نايم بقيت اباوع عليه وصفنت ع جسمه المعضل وجماله ومديت ايدي وتلمست لحيته فدووة اروحلك شكد احبك ... جان ع غفلة فتح عيني خرعني 🙊🙊...
سلطان ... ها ولج شبيج صافنه عليه خرعتيني
نورهان .. هوه اني الخرعتك لو انت الخرعتني ...فتحت عينك شكبرهن جنك جني 😅
سلطان ... اني جني مو دتعالي لعد ... جريتها وبقيت ادغدغ بيها واعضعض بيها وهيه خربانه ضحك هههههه فدوة لگلبج يابعد عشيرتي كلها عسى دووم هاي الضحكة 😘
نورهان ... فداك الكون يابعد اهلي وناسي 😘..
يله حروح اغسل وابدل بين ماتطلبنه الريوك حتى نطلع نروح لبيت اهلي ..
سلطان ... صااار تدللين دقايق ....
كملنه الريوك وبدلنه وطلعنه ورحنه لبيت اهل امي وصلنه للبيت اتخبلنه لا يالله هاي شنوو 😱😱😱😱 ...
شنو توقعاتكم شبيهم انصدموا 🤔🤔🤔
