رواية تحت ظل السعف الفصل الخامس عشر بقلم ميار
اعز من رُوحي اعزك
وانتِ اعز مني
يَحسبه عُمر خَاويتهه مِن صباي ؟
بطلُت صفنتي وما بطِلت مني،
__♕___
مروى: طلع جهاد واحنه بقينه نلوب ما مفتهمين شي تالي
فاطمه خابرت على موبايل عمتي امنه ونص ساعه اريدها
بس تحجي شكو ادحك عليها وجهه صار احمر وعيونه غورگن بس گالت لرباب اتروح وياها بس تلبس عبايتها
سدته وراحت للغرفه واني وراها گتله شكوو شصاير
- ريام بالمستشفى
-شلوون ليش شبيها
فاطمه:: ما ادري والله هسه رباب گالت امشي هسه اطلعي
عبايتي خلي اكول لابوي حامد راح يودي ريتاج اروح وياهم
- گلبي وجعني عليها معقوله من وره حجي امي انقهرت
وصار بيها شي ظليت على وكفتي. دخلت فاطمه وظلت تحجي عليه لان ما طلعت عبايتها اخذتها وطلعت ركض
♕♡♕
فاطمه
انطيت خبر لابوي وطلعت لكيت حامد واكف اشرلي
رحت امشي سريع ما انتبهت منو وياهم صعدت سلمت
ومن رد السلام يلا انتبهت فرات صاعد هو يسوق بس
ما خلتني حتى اركز ريتاج لان من صعدت صدت وجهه
مني ضجت منها ما حاجيتها درت وجهي لحامد وسألته
-خويا حامد شكو شبيها ريام المغرب عفتها ما بيها شي
حامد:: لا خويه ماكو شي شويه صخونه ويجوز هبط ضغطها لا تخافين ان شاء الله ما كو شي
ريتاج:: لا والله اكو روحي اسألي امج كله من وراها
-امي شدخلها شتحجين انتي
-اي والله سوو نفسكم ما تدرون
حامد:؛ ررريتاااج
فاطمه:: على كيفك خويا خليها تحجي شبيها امي ريتاج
اكو شي احجي لا تظلين تشمرين تشمر امي حاجيه شي
ريتاج:: اي والله هي خربت فرحة ريام وتدعي عليها لان
رضت بأخوج وتكوللها تريد تشمره مثل ما سوو بأمها
- انصدمت من حجيها بس امي شدخلها بام ريام تره
دخت دارت وجهه ريتاج واني ظليت مثل بلاع الموس
بس دموع تصب امي شنو ناوي تخرب فرحة جهاد
بس وصلنا نزلت ريتاج تركض وحامد نزل يركض
وراها نزلت وكفت وين اندل اني رفعت راسي من
شفت فرات وكف گبالي واشرلي براسه امشي وراه
مشيت وامسح بدموعي خفت هسه يحجون على جهاد
وكفنا بالممر وفرات يمشي وكل شويه يلتفت عليه وصلنا
الطوارئ لكينه وسام گبالنه عفت فرات ومشيت عليه اساله
-هاا وسام وين ريام شلون صارت
-ضحك مدري شبيه هذا حك راسه وكال
وسام: لا خويا فطوم ماكو شي سلامات خفيفه فوتي
يمها
فاطمه:: عفته ودخلت لكيتها متمدده ومشگليلها المغذي
تقدمت يمها وهي بس شافتني كامت تبجي لزمت ايدها احاجيها.. شبيج ريومه صدك جذب يروحي ليش تبجين
اريد بس تسكت تشهك وتبجي على صوت بجيها دخلو
الولد كعدت بسدها وجريتها لحضني وعيني على عمتي
الي ولا اهتمت لجيتي درت وجهي على جهاد الي واكف على
صفحه وريام شكد ما شهكت فجئه كامت تگح مختنگه وفرات سحبني منها وحطلها جهاز الاوكسجين ويحاجيها
فرات:: اشش خويا كولي يا الله اسحبي نفس ارتاحي
كافي تبجين مو زين عليج اسحبي نفس من خشمج
-ما تحملت اشوفها هيج واحس وجوهم كلها تتهمنا اني
وجهاد بسبب وضعها حتى خالي وجه ثجيل منه وتالي گاللنه
محمد:: جهاد اخذ اختك وارجعو للبيت ما يحتاج
هسه شويه ونرجع ما يحتاج كلها ملتمه وانت حامد
هم اخذ ريتاج شكو ملتمين هينه ما بيها شي بنيتي
سباعيه والي تريده يصير جم ريام عندي وازعلها ولخاطر منو يلا بنيتي هسه ترتاحين ونرجع للبيت
فاطمه:: بقينا اني وجهاد ندحك واحد بوجهه الثاني وما
مفتهمين شي بس عرفناها طرده واني گضيتها بس ابجي
سحبني جهاد وطلعنا واريد الحك بي يمشي ركض واني
مچلبه بيده ولا يمه عرفته تعصب واسمع فرات يصيح
ورانه بس ولا اهتم طلعنه من المستشفى وصعدني
وصعد هو وحرك السياره حرك والطريق كله ساكتين
♕♡♕
ريتاج
من شفت فاطمه شكد بجت خطيه وابوي طردهم وهمه
امبين ما مفتهمين السالفه تندمت حاجيتها هيج وفرات
سووه العمايل لان ابوي هيج حاجه جهاد بس ابوي مقهور
على ريام وما الومه من شفناها وره ما خلصت الحفله وهي
خطيه تبچي وحجت لابوي ولامي شحاجيه عمتي عليها
ظلينه ساعه وطلعنه اخذت ايد ريام امي تعبانه كوه تمشي
وصلنه سيارة ابوي وصعد حامد ويانه ووسام راح ويا فرات
وبس حرگ السياره حامد وطفرت سيارة فرات جدامنا
حرك السياره بس العجاجه وراه وابوي ظليت يحجي عليه
محمد:: ابن الـ..... تخبل امشي وراه لا يسويلنه قدر
بهليل هذا لان جهاد زعل يتخبل والله فلا واحد بيهم صاحي
امنه:: وانت هم قسيت بجهاد وفاطمه شدخلهم
محمد:: سكتي سكتي عجل هذا حجي واخوج جدام
الكل گال اذا بيوم احد غثها عاتبني بعدها ابيتي وبچوها
ريتاج:: سكتنا كلنه لان ابوي مفور حتى ريام بطلت تبجي
وصلنا للبيت تلگونه حسين ورباب بالباب يسألون بينه
حسين:: هاا بشرو هاا خويا ريام شلون صرتي
ريام:: احسن تسلم
امنه:: يلا يمه اخذن اخيتجن ترتاح مو وكت سوالف
-اخذنه ريام للغرفه تمددت ادحك عليها غطت راسها عرفتها
راح ترجع تبچي وشلون صخونه صخنت هي دحكت على الساعه ب3 شمرت عبايتي وسحبت فراشي ونمت متنه تعب
كعدتني رباب الصبح رفعت راسي ادحك ب10 العب اول مره
انام لهيج وكت كمت دحك ريام ماكو شلت فراشي ورحت
يمهم كاعدين بالهول المبرده هوى بارد حطيت راسي على
رجل امي توه اريد انام وشهكت من رفعني حسين من شعري
حسين: اي كافي نوم تنبل مال نوم ما تكومين تعينين اختج وحدها تفتر من الصبح كوميي ولج
ريتاج:: تزوج وتأمر عليها وخليها تساعد اختك يلا تحاجيتي
والله يا الله بس عليه گادرين باجر عگبه حريمتك ادللها
وسام: استلم بعد شيخلصك اذا جبتلها علج تعيرك بي سنين الله لا يوكع عبد بشر بلسانج وتعالي ولج حيوانه
شلون البارحه هيج تحاجين فاطمه ولج شعليها البنيه
-ما ادري جنت مقهوره هسه تخابرها ريام وتعتذر منها
ريام:: واني شكوو هو انتي الي حجيتي اني ما عليه
ريتاج:: ام المصلحه مصلحتج يمها عمي نعتذر منها عود
يلا خلينه نكوم نغسل حتى اتسمم بس تحجون عليها عبني فقيره ومن اهل الله هاي لو نسوانكم ما تحجون كدرتكم علينه..
وسام:: موو اگوملج سدي حلگج لا اجيج اگطعه الج
-سكتت مو خوف منهم بس لان تعبانه تربعت وجاي اكل وندك
الباب كام حسين يفتح وغير زرف گلبي يلا جيه وگال لابوي
حسين:: يابه خالي وجهاد بالمضيف ينتظرونك
-كام ابوي واني كمزت اريد اتسمع عليهم ما احس غير
نجريت من ملابسي رفعت راسي وسام لازمني من ياختي
وسام:: والله يا ريتاج اذا اشوفج واكفه يم الشباك
الا اعلگج بالبنكه امشي ولي كملي ريوك وساعدي رباب
-حل ملابسي واني بقيت اكمز اريد اسمع شيحجون
الخبله ريام كاعده ولا يمها عفتهن وطلعت وهو حلف
يم الشباك اني اكف بسد الباب غير اموت اذا ما اعرف شكو
وكفت يم الباب سادينه وفاتحين باب الخارجي خرب حظي
انوب من وره المبرده ما اسمع شيحجون غميت الباب ورجعت للبيت ريام مدده وامي جاي تصلي الضحى واني كعدت اكمل ريوكي وبداخلي ما خليت غلط يعتب عليه
وسام
من كعد خالي احمد وابوي واضح عليه الزعل حتى سلامه
بارد دزيت رساله لفرات وجيه كعدنا عود خالي جاي يتفاهم
ويا ابوي ويحددون العرس بس فاجئهم ابوي خلانه كلنه مصدومين من گال..
محمد:: لا تحدد ابو جهاد البنت ما انطيها وخلي ابنك يطلگ بعدها ابيتي وبچوها تريدها يمكم شتسوون بيها
-طفر جهاد متعصب وهذا بدون كل شي ما يتفاهم
جهاد:: والله ما اطلگ تضحك عليه خالي ما صار يومين من گطعنه مهر تريدني اطلگ والله لو تذبحني
محمد:: احترررم جهاد مو بكيفك اني ما جايز من بنتي ليش ما حجيتو امك اخخ من امك ولك وييين
اكو عمه تحاجي بنت اخوها هيجج لو تموت ما انطيها
احمد:: ابو وسام الحجي بالهداوه اكعد جهاد خلي
نفتهم من خالك وابو وسام اسمعني هسه والله كريم
نتافهم ان شاء الله البنت وبيتها وحدها وام جهاد ما
تقصد وانت ادرى بوضعها وشگالت هي ودعائها ساعة غضب
محمد:: موشغلة غضب ما واحد بيكم يقبل على بنته
هلحجي يوم فرات جان گاطع مهر على بنتكم مو لان
مرت ابوه حجت عليها جبرتو يطلگ وزوجتها لابن اخوك وانت وولدك تعرفون فرات رايدها واني بنفسي جيتك وگتلك لا تشيل خطية الولد ماله ذنب شگلت هاا شگلتلي گلت البيت الي ينحجي بي على بنتي ما انطيها الهم عجل احنه هم ما نقبلها على بنتنا مو زايده عليه واشيلها واذبها بنص عايله ما يردونها
احمد:: لا تخبط شغلت فرات بزواج جهاد تره ما گايله
شي يخليك تفقل هيج هي ما گايلتلها شي يزعل
هي بس گايلتلها ما راضيه بزواج جهاد منها اكو شي ثاني ما ندري بي ابتسام وانا اعرفها گلبها طيب بس عبنها بعدها مهضومه على بُعد خالد وبقى بگلبها عليه
وسام::ضحك ابوي بقهر وخالي تفاجئه من تصرفه وحتى
جهاد بقى ساكت وعينه على ابوي مسح وجهه بقهر وگاللهم
محمد:: سالفة خالد ما اريد افتحه توجع گلبي بس الظاهر
محد گالك حرمتك الي هي اختي شگايله لبنت اخوها بس
اني اگولك وخصم الكلام امك يا جهاد وليلة خطوبتك مو
بس دعت على ريام لا تهددها تخليها خدامه جوه رجلك
بس وحگ ذاك العزيز وغلاته وسفه اشم الهوى وبنته تنهان
لا والله وروح ابوي لا انت ولا غيركم يكدر يمس بنت اخوي
بعصبيه... موووو انييي بنتت اخوي الي تاخذها تتونس
بيهااا وتذبهاا تريدني انطيهااا الكك وامك وابيتي تكوللها
اخذج لابني يتونس بيججج تخسسيي ويخسس كل واحد
يفكررر يلمس شعررره من بنت اخووي ريام بنت خالد الاشرف من الشررف ولللك اني ردت أمن عليهااا بيددك
جهاد:: على كيفك خالي ماكو هيج حجي انت مفتهم غلط مستحيل امي تحجي هل حجي خلينا نتافهم
محمد:: ماكووو لا نتفاهم ولا هم يحزنون اطلگ وروح
منين ما تريد تاخذ اخذ يمي مالكم مره وانتهى الكلام
احمد:: ابو وسام انت متأكد من هلحجي ابتسام
ما يطلع منها هذا الحجي وسالفة الطلاك مو حلوه منك خلي نتفاهم عمي شتريدون احنه راضين
جهاد:: بس والله ما اطلگ خالي اسمعني خليــ.....
محمد: اشششش ولا چلمه بعد طلاگ وطلگ
خلاص عگب هضيمتها ما تاخذها مازالني اشتم الهوى
جهاد:: خالي شتريد اني حاضر لا اطلع خبالي وانت
تعرفني شتحجي حگك وشتأمرني اني حاضر واذا
على كلام امي ما اكدر اكولك اجيب امي وتعتذر منكم
بس هاي جدام اخوتي وابوي اني اعتذر منك وحگك
على راسي واذا على ريام اني مستعد اعتذر منها والي
تريده تاخذه من هلـ رگبه وشتطلب اني حاضر وتأمر
وسام:: توقعت ابوي يهدء عگب كلام جهاد وخاصه ابوي
يعزه حيل بس ما توقعنه رد ابوي صفنه من گاله لجهاد
محمد:: اني ما اريد اعتذارك بس تعتذر وجدام الكل هسه
من ريام واذا رضت اني ارضى وشتطلب انت تنفذ بدون كلام
جهاد:: خوش ما عندي مانع صيحوها اعتذر منها واني الممنون والي تريده يصير وسام روح يصيح بنت عمك
محمد:: لا اكف اني اروح اجيبها واجي
-طلع ابوي واحنه واحد يدحك بوجه الثاني وين ابو راس
اليابس يعتذر حسيت جهاد متوتر بس لا صدك وتطلب
الطلاك غير ينجلط دحكت على خالي احمد ما راضي بتصرف ابوي بالاول كلنه جنه ويا جهاد بس كلام عمتي
محد يتقبله راح ابوي وبقينه ننتظر شويه ودخل وهو وريام
ريام
جنه كاعدين اني وعمتي والبنات وبالي يم جهاد ما اعرف
شجاي يحجون وعمي متعصب حيل توه مددت ودخل
عمي وجهه ما يكصه السيف كمت كعدت وهو صاحني
محمد:: تعالي بابا ريام البسي عباتج وتعاي وياي
-وين عمو
-تعاي وما عليج ارد حگج مو اني الي اخلي بنت اخوي تنهان
-كمت لبست عبايتي وادحك على عمتي والبنات محد بينا
يكدر يحجي لزم ايدي وطلعنا تفاجئت من دخلنا للمضيف
كلها موجوده ولد عمامي وجهاد وابو واخوته استحيت منهم كوه طلعت كلمة مرحبا مني ردو عليه رفعت راسي
وعيني صارت بعين جهاد حسيته مدري مقهور ما اعرف
متوتر بقيت واكفه وما اعرف شكوو وليش عمي جابني يمهم
محمد:: تعاي عمي
-كعدت يمه ادحك عمي يدحگلهم بتحدي وفاجئني من گال
محمد: جهاد يلا يابه هاي بنت خالك جدامك اعتذر منها
وان قبلت فأني رضيت وراها شتطلب وشتفصل انت تلبس
ريام:: ادحك على عمي ودرت على جهاد ابتسم بوجهي
وتقرب وكف گبالي گمت وكفت ما اريده يعتذر ما غلط
هو ادحك عليه حسيته مستصعبها عبن الولد كلهم وكاعدين
توه راد يحجي قاطعته وهو رفع حاجبه مستغرب درت
على عمي وگتله...
-عمو اني ما اريد جهاد يعتذر مني ما سووه شي حتى يعتذر
محمد:: يعتذر عن غلط امه وسبب هضيمتج
-عمي اني ادري شكد تحبني و وگفتك وياي ومساندتك الي
تكفيني صح وما اجذب كلام ام جهاد الي هي عمتي حيل
أذاني وهضمني وهانتني بلا سبب بس هذا الشي ما يعني
احمل جهاد مسؤلية غلط غيره وحتى لو كانت امه بلعكس
جهاد ما شفت منه غير كل خير و يبقى من اعزاز ابوي
جهاد:: ريام اعتذاري منج ما يقلل من شأني لا بلعكس انتي هسه محسوبه عليه واحترامج من
احترامي والله ما ادري بحچي امي والي تردي
مني تاخذي من عيوني بس شغله عذريني طلاگ ما
اطلگ اني رجال ردتج وجيت وطلبتج من عمج واذا
على امي فـ ما يحتاج بيتج وحدج والي صار بعد ما يتكرر اني اضمن الج وهاي جدام الكل الي تردي ينتفذ
-واني اريد الطلاگ
-واني ما اطلگ
احمد:: شنو لعب جهال شو صارت مسلته ما تحجي محمد تره مو حجي هذا عمي سالفه وصارت مالها
داعي نكبرها واذا على ابستام اني كفيلكم مالها دخل
بعد واذا شفتو منها شي عاتبوني شو ناس تجر وناس تعر
جهاد: اني الي عندي گلته طلاك وراس خالي الغالي
ما اطلك هسه لو يطلع خالي من گبره هم ما اطلگ
ريام: لا تحجي هيج بطلت اني ما اريدك شنو گوه
جهاد:: وشسويت لحضرت جنابج ما تريدين شنو لعبه وبطلتي منها هسه لو تطلع نخله براسج والله ما اطلگ
ريام:: تعصب واني ضجت واحد يدحك على الثاني بتحدي
ادحك الولد گوه كامشين ضحكتهم حتى عمي محمد يريد
يضحك انوب من شفتهم هيج احس نفسي غديت نار دحكت
عليه والعبره بزردومي گوه كامشه دمعتي لا تنزل گتله
-جهاد
جهاد:: نعم يابه شبيج ريام اذا على سالفة امي
اني اسف واعتذر على كلامها وحگج عليه بس لا تبجين
ريام:: ما تحملت عفتهم وطلعت لكيت عمتي والبنات
واگفات ذبيت روحي بحضن عمتي وهي شبكتني بقوه
وتمسد على راسي واني ما تحملت بجيت وفرغت الي بداخلي والبنات على بچيتي يبجن عفتهن ودخلت للغرفه
تبارك
كاعدين وجديتي تلف بچكارتها وما نحس غير اندفر الباب
ودخل جهاد فاير يخوف گباله الطبله دفرها وفات يصيح
جهاد:: يماااا وييينجج
-طلعت امي تركض من غرفتها ما مفتهمه شي
ابتسام: هاي يمه شبيك ليش تصيح صاير شي
جهاد:: يمه بس گوليلي مستحسفه بيه الفرح صارحيني
كولي ليش هيج تسوين هاا احجي مقتنعه بالي حجيتي
ابتسام: هاا يمه شحنتك عليه بعدنه بسم الله ودزتك
حتى تكاوني هاي تاليها يجهاد تعيط بوجهي لخاطره مره
-لا حول ولاقوة الابالله العلي العظيم يمه صدك تحجين
-اي عجل شتفسر تصرفك ولا وابوك واكف وساكت
احمد: ما سكتني غير تصرفج شستفاديتي من اذيتي
بنت اخوج هذا تصرف صحيح برائيج تقبليها على بناتج گدرتج على هليتيمه مو هاي حوبتها تكسر ظهورنا وعلى الاقل لخاطر خالد ما معقوله ما يستاهل
ابتسام:: لا دخلون خالد اي اني ما اريدها بنت هلچلبه امها حرمتني من اخوي وهسه بنتها
تريد تحرمني من ابني لا والله ما اقبل ولا اريدها
-ادحك على جهاد وجهه راح يطگ من العصبيه وحتى
امي متوتره امبين ومروى الدموع تجاره وكف جهاد
گبال امي ومسح وجهه بقهر يريد يهدء روحه وگاللها
جهاد:: تريد شكد صغرتيني اليوم جدام الولد حسيت
نفسي هلكدوتني جدامهم انتي مو بس هنتيها انتي هنتيني ونزلتي من قدري وقيمتي جدام خالي والولد
ليش يمه جيتج وكتلج رايدها وكتلج لخاطري يا يمه
هيج خاطر ما عندي يمج هيج اني بنظرج ما اسوى شي
ابتسام:: لا يمه والله بس اني...
جهاد:: بس شنووو يمه بس شنوو مسويتني فد واحد
ادبسز العب باعراض الناااس تگوليلها تخليني اتونس
بيهاا انيي اتونسس بيها هيج طلعتيني ما عندي اخلاق
احمد:: كاافييي امشي لغرفتك راح تنجلط ولكك
جهاد:: عسانيي متتت وخلصت بس المووت يريحنيي
-جهاااااد
تبارك:: عافنه وطلع جهاد ولحكو الولد وامي كعدت بالكاع
تبجي واول مره ابوي يشوفها تبجي يمشي ويخليها وهي
من شافته هيج كامت ولحكته على الغرفه واحنه ظلينه
مثل الاطرش بالزفه ولليل كلها ضايجه وحتى عشه محد
تعشه جديتي من العصر راحت لبيت خالي محمد ومارجعت
كاعدات كل وحده ضاربتله صفنه انفتح الباب ودخل جهاد
وهو گبل جيه وكف گبال مروى وهاي الفطيره گامت تبجي
جرها لحضنه وهي شبكته وخرها ومسح وجهه من الدمع
وگال..
جهاد: مروى اسألج سؤال واذا ما ترديني ازعل منج تحجيلي الصدك انتي سمعتي حجي امي شكالت لريام
مروى:خفت مدري احجيله لو لا دحكت على فاطمة بس
هي هزت رأسها مأيدتني احجي توتررت افرگ ايد بيد وبديت احجيله حجيت كل الي سمعته وهو كاعد ويسمعني
واول مره اشوف جهاد بهذا الموقف من كثرة المستحاه
ونفس الوقت القهر عافنه وكام بدون ما يحجي شي بقينه
اني والبنات شابعات قهر تمددت انام وهاي اليومين كلام
امي ما يروح من بالي غمضت بس اريد انهزم من التفكير
مر اسبوع وبيتنا متوتر جهاد قليل يتواجد يا بوظيفته لو
بالگاع بدو يحصدون والجو يصمط صمط وما بقى غير
يومين لرمضان تسوك معاذ وهذا هم شو وضعه ما يعجب
كاعده وألف كبه ويا فاطمه ودخل معاذ امبين عنده سالفه
تربع وكعد گبالنه وعين على الباب وعين علينه تالي گال
معاذ:: اكول فاطمه يعني انتي ومروى يعني
هم سامعات سالفه على بنت خالي جاسم
فاطمه:: عزاا يا سالفه يا ستار
معاذ: فاطمه بس لا تلطمين لا تخافين مو سالفه
يعني شوفي شفت بيت خالتها يمهم وشو ابنها
سمعت يكول لحسين هلا بعديلي شنو منطينها
فاطمه:: ما ادري ما جابن طاري بس خوش احسن
خطيه تطلع وتخلص من اهلها اووي امها ما تنطاق
مروى: اخوي وين وهاي وين وادري بيها تقاصد بي حتى
تشوف ردت فعله وهو عافني وكام شويه ورد يمنه گاللنه
معاذ:: بنات والله وداعت جهالي الي تخرب وتخلي مهى ترفض هذا الزواج الا اخذها للسوك ولابو الذهب
شتريد تشتري الي بنفسها بس كون تقنعن مهى ترفض هاا فطومه شتكولين اخيتنا الجبيره ام گلب
الطيب تساعديني اخيج اني من اروح فدوة لهلوجه
فاطمه:: صدك تحجي لك معاذ عيب عوف البنيه تطلع
بفالها والله امي ما تخليك تاخذها ولا جاسم ينطيها الك
معاذ:: لا تظلميه فاطمه هسه الي مثلجن يگفن
ويا اخوهن انتن بس تأكدن هسه شفت مرة جهاد
جت من يمهم اسأليها ولا اكول مروى انتي خابريها
مروى:: دحكت على فاطمه هزت رأسها كمت غسلت
ايدي وجبت موبايل فاطمه ودكيت على عمتي امنه يرن
وما ترد واخوي غير محترك توه يريد يفصل ردت ريتاج
ريتاج:: هلااا ستت فاطمه
فاطمه:: هلا بيج خيه شلونج
-زينه الحمدلله متصله تسألين عليه لو على جنتكم
فاطمه:: هو اريد اسالج اكول ريتاج شنو بيت خالي
جاسم منطين مهى وما گايلين شو ماجابن طاري
ريتاج:: اي خيه غير اليوم جايين يطلبونها بس فرات
رافض كايل لو وره العيد اذا قبلت البنيه ننطيكم
فاطمه:: يعني ما منطينها؟
-لا هي طرده بس بحترام من اخونا الفاضل فرات
-هههههههه ديلا عجل بس ردت اسألج يلا حبيبه سلميلي
-هلا بيج الله يسلمج
مروى:: ادحك معاذ ارتاح وبس حب راس فاطمه وطلع
وبقينه نضحك عليه ولليل كلها ملتهيه وره العشه كاعدين
احنه وجهاد ظهره يوجعه مدد راسه على رجل فاطمه وهي
تمسد على شعره ويسولفون على تجهيزات البيت والعرس
فاطمه
ما عاجبني وضع جهاد وريام ما جاي تقتنع ومچلبه تريد تطلك
بس طبعاً الحجي بس بيناتنه العمام محد يدري بالسالفه
-زين جهاد روح حاجيها فهمهما تره ما بقى بس شهر رمضان شوكت تكمل صبغ البيت والغراض كومه شغل
جهاد:: والله ما ادري فاطمه كل ما اريد اشتغل بي اخاف
هاي صدك تحجي انوب خالي مطاوعها لا اكدر احجي وياها
-احجي اني ويا ريام وهم اكدر افهم منها خاف ما تكدر تحجيلك بلچي تقتنع وانت ما عليك كمل شغلك وعوفها عليه اذا ما رضيتها عود عاتبني هي خايفه من وره دعاء امي
تبارك:: اني اگول ليش ما تاخذلها موبايل وهيج تحجي
وياها وهم تعرفك اكثر احسن ما ظال هيج وخالي ما يرضى تشوفها هسه ابنهم حسين مو يخابر خطيبته
جهاد:: والله تفتهمين تعالي هاج الف هديه مني الج
فاطمه:: گلبت وجهه ما يعجبها الالف هاي خمسات عشرات تموت عليهن ظلينه نسولف ونقترح افكار
لجهاد غيرنا من نفسيته ونخطط لعرسه وخرب مخططنه
زياد من دخل وراه معاذ هم مگلوب وجهه كعدو وزياد من
كعد بسد جهاد عرفناه اكو سالفه ظل يتحرمص تالي گاله
جهاد:: سولف لا تظل تحرمص شعندك يمي لو تريد فلوس
زياد:: عيب عليك ابو الجود اني اريد فلوس خمطت من ابوي
-عجل بعد شكو
زياد:: قررنا اني وحسين وعمادو نروح لبيت سيد محمد تعرف شكد صار ما شايفهم اريد اتبرك بيهم
وهم يدعولي انحج تعرف اني الا بدعاء سيد محمد
يلا انجح وو يعني حبيبي جهاد انت تعرف امي ما ترضى
جهاد:: اي واني شكوو روح انت قنعها بعدين هو بس باجر
عگبه صيام وين مولين عود على غير مره انت تحب اخر غده گبل رمضان وهمه تعرف ورانه يصومون ليش تحرجهم
زياد:: انت گلته باجر اخر غده هسه غير نشوف الگمر يلا نصوم صح مو صومو لرؤيته واني شلون اصوم گبل لا اشوف
سيد محمد وسيد كرار وهمه بالنسبة الي الگمر لازم اروح
جهاد:: صح اقنعتني بس سيد محمد كره الساعه الشافك بيها عمي اعتق الزلمه ما صار شهر من شفته شنو يوميه
زياد:: اي هو اني بس اروح اشوفه حتى اصوم
جهاد:: لا حول ولاقوة الابالله قافل امشي ولي لا اطيح حضك
فاطمه:: طنگر زياد وتربع بنصنه واشرلنه نسكت شال موبايله واتصل ما نعرف على منو ظلينه صافنين بي
-الووو
زياد:: هلا يابه هلا بالسيد
-هلا ومية هلا بوليدنه شلونك
-لا تسألني شلوني واني مشتاگ اشوفك وما يخلوني
-هههههههه جا غير انه انتظرك گتلهم باجر غدانه مرگة
شجر على لحم مثل ما وليدنا زياد يريد وما اتغده الا تجي
زياد:: سيد تؤمن انو الصيام لرؤية الگمر
-اكيد ما بيها شك
زياد:: اي واني گلت لجهاد گمري وساكن.... شلون
اصوم واني ما شافيه انت گمرنا سيد وما اصوم اذا ما اشوفك
فاطمه:: ضحك الزلمه وجهاد يضحك على ضحكته تالي
سيد محمد حاجه جهاد وحلفه يدز زياد باجر يمهم وهذا
مكيف سده وكام راح حظر جنطته ويخابر بالولد ورجع يمنه
زياد:: ما تجون الا بالعين الحمره جهاد حايره بمرته رووح
روح رضي مرتك وعوفني اروح يم احبابي ورايتهم ما اكدر بدونهم وانت اخونا الارمل شبيك گالب الجهره خلي جهاد
يحاجي دكتورر فرات ينطيك اخته مخربه حياتكم النسوان
جهاد:: اگووول فاطمه چني احس اكو واحد جلده يحكه
صار فتره محد كاتله لو مرزله حبيبي زياد لا تخليني اكوملك
زياد:: عيب عليك اني اخوك الكفو ركصت وغنيت بخطوبتك
جهاد:: وشتريد هسه
زياد:: هههههههه حبيبي سلامتك اروح انام ورانه طريق چاو
-راح ينام والولد هم كامو على غرفهم واحنه هم تمددنه انام تبارك فرشت گبال المبرده ونامت ظليت اتگلب ما
جايني نوم اخذت موبايلي دخلت على واتساب وصار رقمه
يمي اخذته من موبايل ابوي وادحك حاط صورته هو وعلي
ابتسمت صورتهم حلوه بعدني بمحادثته وتفاجئت من شفته طلع يكتب.. احس جسمي كلو يرجف طلع سريع
وذبيت الموبايل ارجف عبالك صار گبالي مو بالتلفون
سمعت صوت الاشعار مالت الرساله وبقيت حايره اشوفها
لو اعوفها يمه حتى نفسي ضاق جريت نفسي واهفي على
وجهي واخذت الموبايل فتحته دخلت على محادثه كاتب
-شيسوي رقمي يمج؟
-ضجت من اسلوبه كتبتله مثل ما يسوي رقمي عندك
-رجع كتب
فرات:: فاطمه
كتبتله نعم ابو علي
-الله ينعم عليج
-بقينا اثنينه ساكتين لا هو كتب ولا اني عفته وتمددت
ما كدرت انام كل شويه ادخل للمحادثه بلچي داز شي
بس ماكو ولل 3 واني انتظر ما اخذت عيني نوم تالي
مسحت المحادثة ومسحت رقمه وحطيت راسي ونمت
ريام
عمتي من الصبح كعدتنا ما خلينه شي ما سويناه غسلنه البيت ورباب خبزت واحنه من شغله شغله باجر اذا الله
راد اول يوم رمضان واني متوتره وخايفه ما بقى شي للنتائج
ويا اذان الظهر يلا كملنا شغل البيت شحلاته من انغسل
ورغم يوميه ينغسل بس ما اعرف فرحة رمضان غير بين
ما كبيت اسبح ومشطت بالحمام وطلعت لكيت البنات
صابات الغده بعدنه ما متغدين ودخلت جديتي سلمت
وكعدت توه مديت ايدي جاي اتغده وما احس غير لزمت ايدي بقوه جرتها حيل ما افتهمت شبيها ما افتمتها الا من
حجت..
حسنه:: هاي شنوو
-شبيج جده غير حلقه
-وانتي هيج عين صلفه ما تستحين من عمج وولده لابسه
الحلقه وتفرفرين بالبيت على ابو اني مخطوبه ما تستحين
وسام:: هههههههه شسالفه جده شنو ما ندري بيها
مخطوبه تره مو سالفه هاي واذا ظلت لابسته الحلقه
حسنه:: انجب ولك من شوكت بناتنه يلبسن حلقاتنهن ببيوت اهلهن بس العتب على امك
ما علمتها جيبيها شووو ممنوع تنلبس غير بعرسج
ريام:: فشلتني جدام الولد وسحبتها من ايدي بقوه وحطتها
بجيبها انقهرت ما مكتوبلي افرح وهل خطوبه ما بيها ذكرى
وحلوه كوه اكلت لكمتين وكمت حظرت الجاي وسام طلع
اخذتلهم الجاي ورحت تمددت وحدي جن البنات يسولفن
على جديتي بس ما الي خلك حتى احجي لفيت راس ونمت
ما كعدت الا على ايد تضرب بوجهي فتحت عيوني وضحكته
الحلوه گبالي علوش ضحكت جريته ابوس بي وهو بس يريد
يفلت نفسه وخر مني وحطت ورقه بيدي وطلع يركض غطيت راسي وفتحتها جوه البطانيه متوتره جان كاتب...
السلام عليكم ريام يابه انطيني فرصه احاجيج
صار اسبوع اجي لخالي وما يقبل اشوفج تجين
اليوم انتظرج ب 12ونص يم النخله لا تتاخرين
جهاد
-ما اعرف اروح لو لا بس قررت اروح احجي وياه وهم
افتهمت منه امه ليش هيج حجت ولازم انهي السالفه
وره العشه كامن البنات غسل المواعين وكل وحده
راحت وتصت وصلينه العشه والتراويح والبنات نامن
من وكت حتى يكعدن على السحور وتعبن اليوم بس
اني ظليت عبرت 12 ونص يلا كمت اخذت شماغي وطلعت
ويا ما وصلت النخله شفت جهاد گبالي بعدني ما واصله يمه والتفتت من سمعت صوت وراي........
