رواية بديلة اختي الفصل السادس عشر بقلم خاتون الكعبي
تذكير
اوتار بصوت مختنك : ء.وخرر..مح.مد فدوة... حموت.. اشد.تحجي ..وءالله مكايلة ..الوحدة ...عن .اي ..شي
محمد بصوت جهوري : لعدد ومرسلين هاا
اوتار : اباوعلة صار مثل الوحش اعيونة تجدح شرار وجهة صاير نار معافني الحد محس بية راح افقد الوعي يلة دفعني وطلع من المطبخ كعدت بالكاع اكح وافرك بركبتي ودموعي ع خدي احس وجع قوي صار بكلبي مسحت ادموعي واني احاول بية ما بية اكوم كمت بصعوبة وغسلت وجهي ورجعت الشال علة شعري ورحت الغرفتي دخلت وبدت الافكار تهاجمني ليش وشنو سبب السوى يمكن صار شي مو زين ويا لو متعارك وية واحد جنت
اسئل نفسي وجاوب يمكن جنت
احاول الاكيلة مبرر او عذر ع الي سوى بهاي اسئلتي بس ماكو التمعت الدمعة بعيني واني اذكرة كال اخر شي اسم مرسلين
وكمت بسرعة للشباك المطل
ع الحديقة وخرت البردة اشوية وشفت مرسلين واكفة وشاهين واكف كدامهة وكامشهة من فكهة زين معقول محمد لهيج عصب كلت هيج واني التفت ع باب الصالة واشوفة واكف ويباوعلهم واعيونة ناطة من العصبية واضحة الغيرة علي غمظت اعيوني بيأس واني احاول احبس ادموعي ههه تركتة ورفضتة واجة ذب حركتة
وعصبيتة بي وطلعني اني اصوج بس فعلاً صوجي مو صوجة صوجي اني الذليت نفسي الة وحبيتة بس بعديش كلت هيج واني اعصر كلبي بقوة احس نار نارر وملتهة بكلبي شي ينغزني بي وكأنو يكلي دك للشخص الغلط وحب وضحة للشخص الغلط بس اني الغبية اي اني مجان لازم اذل نفسي الة مجان لازم انزل كرامتي الة ومجان لازم من البداية احب شخص كلبة مو الي
كلت هيج واني اوخر من جهة الشباك وامسح ادموعي بعنف خلص اوتار القديمة انتهت كافي ارخص نفسي وكرامتي الة بلة حب وبلة اكلان تبن خل اركز بدراستي ومستقبلي احسلي واكيد ربي حيعوضني بالي احسن منة كلت هيج واني امسح اخر دمعة نزلت ع خدي و...........
___________
مرسلين
مرسلين بعصبية : شهل حجي شنو عاجبني صدوك انتة واحد مو محترم وقلي.. ما كملت كلامي واني احس بفكي ينعصر بيدة بقوة وانفاسة الحارة صارت تضرب بخدي وهوة مدنك راسة ويهمس بحدة
شاهين : اااشش ما اريد اسمع صوتج مفهووم
مرسلين بوجع : ااه وخرر ولا ممفهوم وخر مني لا اصيحلك جدو وبابة اباوعلة ابتسم بستفزاز وكال
شاهين : بيج خير وصيحيلهم
مرسلين برجاء : شاهين وخرر فدوة والله دتوجعني اباوعلة ملامحة لانت وابتسم بخفوت بس خفة ابتسامتة وخر مني بسرعة استغربت ع تصرفة وحركت راسي بوجع وكلت
مرسلين : شاهين
باوعلي بمعنة احجي اتحمحمت بتوتر وكلت
مرسلين : اشوكت اطلكني
شاهين برود: بمزاجي
مرسلين بنرفزة ؛ شنو يعني بمزاجك مفهمت ترة هذة طلاك مو لعبة حتة بمزاجك اشوكت متريد اطلكني وشوكت متريد تبقيني يمك واني هم بشر حالي من حالك اريد اشوف مستقبلي حياتي خو ما اظل معلكة بيك بعقد لا اني ولا انتة معترفين بي مجرد شي شكلي كدام اناس
شاهين : لازم شايفتلج واحد
مرسلين برود: لنفترض فعلاً شايفتلي واحد مثل مكلت بشنو حيهمك هل موضوع
شاهين وهوة راص ع اسنونة : يعني شايفتلج واحد
مرسلين : ههه تتوقع مرسلين اسويهة وتحبلهة واحد من ورة ظهر اهلهة
شاهين برود: ليش لا ما الجبيرة سوتهة اباوع ع اعيونهة امتلن بالدموع بس رغم هيج ما بجت ورفعت عينهة بعيني وكالت
مرسلين : انتة كلت الجبيرة مو اني يلة اترخص كلت هيج وعفتة ودخلت جوة احس صارت مثل الغصة ابلعومي من ورة كلامة الحقير
شافني بابة وكام اترخص من جدو والكل وكامت وراه امي وطلعنة شفت شاهين بعدة واكف بالحديقة ايدخن دنكت راسي وصرت ورة مامة حجة وية بابة اشوية وراهة رجعنة البيتنة واول موصلنة صعدت كبل الغرفتي دخلت واني اسب واغلط ع شاهين و شمرت جبتي وشالي و......
___________
محمد
حيدر (صديق محمد) : تثبت مو دوختني يا رايح يا راد وبعدين حقهة البنية ترفضك جا اكو واحد عاقل ايسوي اسوايتك فايت عليهة جفت احبج وهية اصلاً بعدهي ما مطلكة رسمي من هذة ابن عمك
محمد بحدة : حيدر يا تحجي شي بي خير يا اتسمعني اسكوتك
حيدر : اشو ما تنجب شتريدني مثلاً اصفكلك ع السويتة
محمد بعصبية : لعدد شترريدني ااسوي هااا مو انتة الكلتلي اعترفلهة بحبك واخلص من هاي اسالفة قبل لا تخسرهة مرة ثانية
حيدر : صح كتلك هيج بس ما كتلك روح كول للبنية وهية بعدهي ما مطلكة من ابن عمك وبعدين بت عمتك اشدخلهة حتة رايح وذاب الوم عليهة هاا لو بس كدرك ع هل مكرودة لأن تعرفهة راح تسكتلك مثل كل مرة وتعبرلك ياهة
محمد بعصبية : هية راس البلة وبسببهة رفضتني مرسلين لأن عرفت بيهة تحبني
حيدر : بشرفك انتة مقتنع بحجيك هذة
محمد : باوعتلة صفح وسكتت شكدر اكلة مثلاً اني بهل لحظة معرف شنو اريد وشنو جاي احجي
حيدر : شوف خوية كتلك ورجع واعيد مرسلين مجرد اعجاب من الطفولة وانتة واهم نفسك انه حب لأن لو فعلاً اتحبهة مجنت راح ترضة ايعقدولهة ع ابن عمك ولا تكلي جدي ولا عمي وبت عمتك احسب نفسك من هذة اليوم انتة خاسرهة ومستحيل ترجع تخليهة تحبك بعد كل يلي سويتة بيهة
محمد بسخرية : هه شوف ممكن حجيك بكلشي صح ومضبوط الة بشغلة اوتار لأن مستحيل اخسرهة
ومتأكد بس ارجع الاكيهة منتظرتني حتة تعتذر مني مثل كل مرة
حيدر : انشوف
محمد برود: يلة لعد اترخص تصبح ع خير
حيدر : مرخوص بوية اجمعين
محمد : رحت ركبت سيارتي ورجعت للبيت واني متأكد بأوتار منتظرتني بالحديقة حتة تعتذر وصلت وصفيت السيارة كدام الباب ودخلت اباوع الحديقة فارغة ظليت اتلفت بعيوني بكل مكان بس ماكو عكدت حاجبي بستغراب
وباوعت ع شباك غرفتهة ظلمة معقول نامت بس بعدهي الساعة حتة مصايرة اثنعش كلت هيج ودخلت جوة واني اتلفت بعيوني بصالة والمطبخ بس هم ماكو وما معقولة اروح الغرفتهة بنص الليل عفت السالفة للصبح واني اكول اكيد نامت وباجر حتجيني من الصبح تعتذر كلت هذة الكلام واني احاول اقنع بنفسي بعد ما الشك دخل العقلي وصعدت الغرفي و..............
____________
شاهين
تمارة بدلع : اشبي الباشا اليوم مو ع بعضة كلت هيج واني ادفن راسي بركتبة واهمس بصوت خافت
تمارة : اشتاقيتلك اسبوع كامل وانتة ماكو مختفي
شاهين برود : جان عندي شغل
تمارة بمكر وهية تحرك اصابعهة ع دكم قميصة : زين صدوك انتة مكلتلي شنو شغلك اباوعلة نتر ايدي وكال
شاهين بحدة: ملج علاقة
تمارة: رجعت راسي ع صدرة واني اكول خلص حبيبي اسفة مو قصدي اعصبك اباوعلة دفعني وكام عدل قميصة واخذ تليفونة وسويجة وهويتة عقدت حاجبي بستغراب وكتلة
تمارة : شنو حتروح
شاهين برود : اي
تمارة : اباوعلة حط افلوس ع الميز وعافني وطلع شطت من العصبية
اسبوع كامل واني منتظرتة يرجع حتة انفذ يلي ابالي واليوم من الصبح كاعدة
اعدلة ورتب وتاليتهة عافني وطلع ادري اكو وحدة شاغلة بالة واذا ما اعرفهة ما اسمة تمارة ابتسمت بمكر واني اكوم اخذ الفلوس و..............
___________
اوتار
كعدت من وكت واني احس بخمول غريب بجسمي كمت سبحت وصليت ولبست بنطرون بيجي وقميص زيتوني وشال بيجي وحطيت حمرة خفيفة ومسكارة واخذت جنطتي ونزلت جوة شفت الكل كاعد من ظمنهم محمد الي اول مدخلت رفع راسه علية صبحت عليهم ابرود وكعدت اتريك يم اخوية عادل ورة فترة كام محمد وكال
محمد : استعجلي منتظرج بالسيارة
اوتار : ماكو داعي تنتظرني اريد اليوم اروح وية عادل شتكول عدولة
عادل : ههه تدللين عندي اشكم اوتار اني
محمد بحدة : عادل ماكو داعي اتعب نفسك روح الشغلك واني اخذهة وياي
عادل ببتسامة : لا خوية اني اريد اوصلهة اليوم
اوتار : اباوعلة كال ابراحتك وخزرني وطلع كلبت اعيوني بعدم اهتمام ورجعت كملت ريوكي وصلني عادل للكلية دخلت القاعتي وشفت فجر سلمت عليهة وكعدنة انسولف بموضوع خطبتهة الحد مدخل الدكتور وخلصت المحاضرة الأول بشكل عادي واول مردنة نطلع من القاعة اجت صديقتنة سحر بسرعة وكالت
سحر : اوتار الدكتور محمد ايريدج ابسرعة ابمكتبة بس ديربالج مبين عصبي
اوتار : هزيت راسي ابرود وكلت الفجر تسبقني للسنتر ورحت المكتبة دكيت الباب وانتظرتة الحد مكال ادخل يلة دخلت وباوعتلة ابرود وكلت
اوتار : تفضل حضرتك طالبني
محمد رفعت حاجبي ع تصرفاتهة واشرتلهة ع الكرسي الكدامي وكلت : اكعدي
اوتار : شكراً دكتور بس عندي محاضرة
وصديقتي منتظرتني
محمد بحدة: اووتارر
اوتار ؛ نعم
محمد : كللت اكعددي
اوتار : واني كلت عندي محاضرة وص.. قاطعني وهوة يضرب الطاولة بيدة بقوة ويكوم رجعت بخطوات بطيئة ليورة واني اشوفة يتقرب علية الحد ما طخيت بصدرة ودنك علية مرر ابهامة ع خدي وهوة يكول بصوت اشبه بالهمس
محمد : ليش ما اجيتي وياي
اوتار : توترت من لمست ايدة ع خدي ونترتهة بسرعة وكلت
اوتار : وخر مني لا تقرب وهاهية بعد مو كلت ما احبج ومستحيل بيوم احبج قررت اطلع من حياتك مثل مردت و.. قاطعني وهوة يحرك ايدي ع لحيتةويحجي بمكر
محمد : يعني بعد متحبني مو
اوتار بسخرية : تكدر تكول هيج يلة اترخص دكتور عندي محاضرة كلت هيج وطلعت قبل لا انكسر منة مرة ثانية وابين ضعفي و.........
___________
مرسلين
فزيت من الصبح ع صوت اعياط امي كمت بسرعة ورحت غسلت وصليت ولبست ملابس المدرسة واخذت جنطتي ونزلت صبحت ع بابة واخواني وتريكت وياهم وحسين كال اني اوصلج لأن متأخرة ابتسمت بفرح وكمت غسلت ايدي وركبت ويا ومرينة ع بيت تقى اخذناهة ويانة ورحنة للمدرسة دخلنة وتوالت علينة الدروس بشكل عادي الحد مدك اجرس رحت للمغاسل نكتت صدريتي من التراب ورجعت صعدت الصفي لكيت تقى منتظرتني اخذت جنطتي وطلعنة اني وياهة للبيت وصلت تقى البيتهم واشرتلهة بمعنة باي ورحت البيتنة واول مدخلت الفرعنة شفت حيدر واكف بالباب وبيدة سامر خفت من منظر وجهة الي مبين علي التعذيب وشعرة مزين صفر فعلاً جان شكلة مثل خريج السجون اترددت اسلم علي لو لا الحد مشجعت روحي اول ممريت من يم بابهم وكلت
مرسلين : السلام عليكم
حيدر : وعليكم السلام
مرسلين بخوف : الحمد لله ع سلامتك
حيدر بحقد : الله ايسلمج وماكو داعي اتخافين ابن عمج مقصر وياي وسوة الازم
مرسلين : فتحت اعيوني بصدمة معقول هوة السوة بي كول هذة هزيت راسي بنفي وترخصت منة ورجعت البيتنة ع السريع دخلت وسلمت ع امي والبنات وصعدت فوك غسلت ولبست دشداشة قصيرة وردية وبيهة رسومات كارتونية ورفعت شعري ذيل احصان ونزلت جوة اتغديت وياهم وسويت جاي صبيتة البابة والولد واخذتلي كوب ورجعت الغرفتي دخلت وطلعت كتبي طشرتهن بالكاع وبديت ادرس منا للأربعة ونص يلة خلصت اقراية واول مردت الم كتبي صاحتني امي من الدرج عقدت حاجبي بستغراب ونزلت جوة دخلت للصالة وما اشوفلك غير شاهين بوجهي حسيت بتوتر والأحراج بنفس الوقت من اعيونة الي كصتني كص من اول مدخلت ومن لبسي كمت احاول انزل بالدشداشة واغطي رجلية واني اكول برتباك واضح
مرسلين : السلام عليكم
شاهين برود : وعليكم السلام
ابو مرسلين : تعالي ابنيتي اتقربي ابن عمج ايريد يحجي وياج وتتفاهمون سوية
مرسلين : هزيت راسي بخجل ورحت بصف بابة لزكت بي واني احاول اجر. بدشداشتي ورة فترة بابة اترخص وطلع هوة ومامة الي باعوتلهة بترجي وتمنيت لو واحد من الولد موجودين بس اشرتلي بمنعة اسكت وطلعت برطمت واني احس الدمعة صارت بطرف عيني حتة ما اريد اباوع بجهرتة كلت هيج واني ادنك راسي وافرك ابيدي بتوتر ورة اشوية هوة اتحمحم وكال
شاهين برود : اجيت اليوم حتة نتفاهم ع سالفت ال.. قاطعتني وهية تكول بسرعة
مرسلين : ماكو شي نتفاهم علي كتلك ورجع واكول اريد اطلك مستحيل ارتبط بيك
شاهين بحدة : لا تقاطعيني واني جاي احجي انتي مو جاهل ولا زعطوطة حتة كل ساع ناطتلي طلاك وطلاك
مرسلين : خلص اني جاهل وزعطوطة هم واكيد حضرتك مراح ترضة ترتبط بوحدة زعطوطة بكد بنتك فحسن حل الي والك هوة الطلاك
شاهين برود : احسن حل بنسبة الج مو الي
مرسلين بتعب ؛ شاهين فدوة خلص بعد شتريد مو اتريد تنتقم من اختي هاي انتقمت ورجلهة وعذبتة بعدد شترريدد
شاهين بمكر : اختهة
مرسلين : زين اشعرفك بيهة مو يمكن هم اتحبلهة واحد وتخونك نفس الجبيرة مسوت
شاهين بخبث : انتي كلتيهة الجبيرة مو هية
مرسلين : باوعلتة بحقد وكمت طلعت من الصالة وصعدت فوك فعلاً مستفز وحقير ايحاول يستفزني ابأي طريقة بقيت حابسة نفسي بالغرفة الحد مصار المغرب رحت صليت ونزلت جوة اباوع ع مامة اتباوعلي وبدهة تكوم تكتلني يمكن الأستاذ شاهين كايللهم شي مهتميت ورحت سويت عشة وية البنات وتعشينة وظليت كاعدة وياهن انسولف الحد مطفيت من التعب وصعدت انام و............
____________
تقى
كاعدة اباوع ع التلفزيون وعيني ع مسلم الي اصلاً محاس بوجودي من ورة التليفون من العصر واليجاي وهوة ولازم التليفون ويراسل بي ويضحك
الفضول كام يقرة الف عندي حتة اعرف ديراسل بمنو بس ابد مذبة وكل متسئلة عمة ع شي يهز ابراسة ويضحك الحد ما طفى وصاح ع زينب اصبلة عشة وباوعلي وكال
مسلم بستغراب : اشبيج صافنة
تقى : مبية كلت هيج ورجعت عيني ع التلفزيون ورة فترة دخلت عمتي وهية لازمة تليفونهة شافت مسلم وكالت ببتسامة
ام مسلم : استوهة خابرتني بيبيتك وكالت اهل البنية راديلهم خبر وموافقين وباجر حيروحون خوالك وجدك الهم ايطلبوهة رسمي وخالك ايريدك اتروح ويا
مسلم : ان شألله
تقى : اباوع ع عمة كعدت وبدت تحجيلة عن اهل البنية وامهة اشون زينين وبناتهم امعدلات الحد ممسلم قاطعهة وكال
مسلم : يوم من الأخير كولي اشرايدة
ام مسلم ببتسامة : وليدي انتة كبرت والبكدك هسة جهالهم ابطولهم ليش متخليني اخطبلك اخت العروس اشو معدلة وحلوة وهم ازغيرة بالعمر وتلوكلك
مسلم :افكر
تقى : ..............
_____________
مرسلين
نايمة واحس مامة تهز بجتفي وتعيط بصوت عالي وتكول
ام مرسلين بعصبية : لجج مرسلين كوومي اتأخرتي مو كلتي مدرستج ينسد بابهة بثمانية لعد اشوكت توصلين مرسلينن
مرسلين : فزيت من مكاني بسرعة وباوعت ع الساعة بسبعة وثلث طفرت من افراشي وركضت غسلت ولبست ملابس المدرسة ونزلت بسرعة صبحت ع البنات وسئلت ع واحد من اخوتي حتة ايوصلني بس كالن طلعو من زمان ع حظي المصخم اخذت مصرف بسرعة من امي وطلعت بسرعة من البيت واني امشي بخطوات اشبه بركض شفت عماد واكف ابابهم دنكت راسي وردت افوت بسرعة لأن اعرفة اذا شافني حيلزكلي واول مأجيت امر صاح علية عماد وكال
عماد : يابة السلام الله
مرسلين بحراج : السلام عليكم
عماد : وعليكم السلام شبيج طايرة لازم متأخرة ع دوامح
مرسلين : اي والله ويا دوب الحك اوصل
عماد: تعالي ركبي وياي خل اوصلج
مرسلين : ................
___________
اوتار
كاعدة بالحديقة مال كلية والشمس تصكع ابراسي هذة اليوم تقريبن اسوء يوم داومت بي الست فجر ممدوامة ومحمد كول ساعة وعايط بية كدام الطلاب لأن صارلي يومين واني اجاهلة وما احجي ويا احسة ايريد يتقرب مني ويحجي بس كبريائة يمنعة لهيج حاط حركتة وعصبيتة بية اشكم مرة ومرة حرجني كدام الطلاب واخر شي الحقير طردني لأن حجت وياي صديقتي
وهسة صارلي فوك النص ساعة كاعدة ومنتظرة حضرتة ايشرف وكل ما ادك علي يرفض اتوقع عندة اجتماع او محاضرة فركت وجهي بتعب من هل شمس الحركت وجهي واخذت بطل المي شربتة ورجعتة بجنطتي واول مرفعت عيني حسيت الصدمة والستغراب يحتلني واني اشوف نسر واكف اكبالي ويبتسم كمت وكفت بسرعة بتوتر وكلت
اوتار بستغراب : نسر
نسر : السلام عليكم
اوتار بأحراج : وعليكم السلام
نسر : اشلونج
اوتار بتوتر : تمام الحمد لله
نسر بتبرير : جنت جاي بواجب البغداد وشفتج اهنا كلت لازم اجي اسلم عليج
اوتار بشك : الله ايسلمك متقصر
نسر : شمكعدج اهنا ع حد علمي خلص دوامكم
اوتار : اي صح بس محمد بعدة مأجة اتأخر علية يمكن عندة اجتماع لو بعدة بمحاضرتة
نسر : زين قابل تبقين كاعدة اهنا تعاي وياي خن (خل ) اوصلج
اوتار بتوتر: لا خوية مشكورة م.. قاطعهة وهوة يكول بأصرار
نسر : لا بوية ع شنو وبعدين اذا ما واثقة بية اتصل بجدج هسة واكلة اني راح ارجعج
اوتار : باوعتلة بأحراج ورجعت عيني ع باب الخروج وهزيت راسي بأي ومشيت وراه اشرلي ع سيارتة ركبت بيهة وهوة هم والطريق كولة واني متوترة وافرك بأصابعي وهوة خطية ايحاول ايهديني ويفتح مواضيع وياي حتة مأتوتر اشوية ودك تليفوني طلعتة من الجنطة وباوعت ع الأسم لكيتة محمد باوعت ع نسر بتوتر ورجعت عيني ع شاشة التليفون فتحت خط بتوتر وجاوبت بصوت خافت
اوتار : الوو
محمد بتعب : وينج انتي صارلي ساعة ادور عليج
اوتار بتوتر : احمم شسمة رجعت للبيت
محمد بستغراب : رجعتي للبيت ويا منو
اوتار : وية نسر
محمد : ................
