رواية ليتني واجهتك الفصل السابع عشر
طلعت من. الاربعين وصارلي اشكد كن اهملت علي خطيه
خليت ماري عند عمتي بعد مانومتها ورضعتها وخابرت ام الصالون تجيني لبيت هيا كل مااحتااجها تجي تعرفني وتعرف عمتي عاد اتامن....
كملت كل شغلها
تسلمين حياتي تعبتج
تدللين عيني والله انتي امينه واجي عليج غير ناس اخاف ادخل بيتهم
لاتخافين حبيبتي والله نحنا معروفين
امبله والنعم منكم
اتفضلي حبيبتي اكعدي بل هول بين ماغسل واجي
طلعت هيا هم غسلت وكعدت بل هول يم عمتي واني هم دخلت غسلت ع سريع اشون ماكان وطلعت
رحت طلعت قواطي ببسي وكيك وخليت كدامها وكدام عمتي ودخلت الغرفه سحبت سبعين الف
جان علي ابد ماكن خصصلي فلوس شهري جان كلشي يستلم من الجمله يخلي بل صندوك صغير مال ذهبي ويكول لي اشكد ماتريدين اخذي بدون ماتكولي بس الجزدان لاتاخذين من عندو ممنوع
جان يضوج اذا احد يلعب ب جيبو واني هم عرفت طبعو كبل اتعلمت من احتاج فلوس لكلية او بانزين السياره مصروف شي وارجع اكولو علي سحبت هلكد فلوس جان يكولي لاتكوليلي بل عافيه عليج
فتره حملي جنت ماسوق بل سياره عمتي ماتقبل اتخاف لايغمى عليه او ادوخ
كمت اروح مع لؤي وارجع اخذت فلوس وانطيتها لام الصالون وشويه كعدت وراحت دخلت سبحت ونشفت شعري
رحت سويت عجينه بيتزا وكعدت احضر اغراض مواد البيتزا علي وعمي يعجبهم بل لحم واني ولؤي يعجبنا بل دجاجه وعمتي عادي الاثنين
كملت اغراض ورحت غسلت انتظر العجينه تختمر
شفت ماري تبجي رحت اخذتها بحضني وارضعها
وادحك عليها واتلمس شعرها قبان عيون بنتي اشكد حلوه
كملت رضعتها كامت تبجي يعني ماشبعت
عمتي وعمي جانو يصلون المغرب وعلي طالع ولؤي بغرفتو
نزل لؤي من فوك ينطز ع الدرج ويغني
سدره؛؛ لؤي لؤي صوتك ماري نايمه
لؤي ؛؛. بنت الكلب اشكد احبها
جان علي يفوت كبل وسمعو
علي!؛ زمال ع منو كلب
لؤي؛: ها ماعليك ع سدره
سدره؛؛ هههه انت كلت كلب
علي؛؛: مطي مايفيد معاك وينها بنتي حبيبتي
لؤي ياشرلي اني اعلمج ههههه
جا علي اتقرب ع ماري باسها واخذها مني يرضعها بل ممه
اني ضليت ادحك علي ولاكالي شلونج حبيبتي
علي؛: كولي بابا بابا قبان بنتي اشكد حلوه شنو هل جمال بنت الكلب طالعه ع امج الغيوره ترى دا اشوفج سدره
لؤي؛:هههههه اتغارين من بنتج ثول
سدره؛؛ انت دا اتشوفو من دخل حتى ماسلم كبل جا ع بنتو
علي؛: نسيت والله عيني اعذريني شلونج حبيبتي
سدره؛: بعد وكت بنتك حبيبتك اشبع بيها
كمت من يمو واني ضايجه وهو ولؤي يضحكون عليه
رحت لمطبخ اشوف العجينه بعد يردلها تختمر جت عمتي وبيدها السبحه اتسبح
ام علي؛: ها امي سدره اش امسويه عشه
سدره؛ سويت بيتزا يوم
ام علي؛؛ عاشت ايدج بنتي وطلعي معاها ببسي هم سوي جاي لان تعرفين عمج مايحب الببسي
سدره؛: تدللين امي
ام علي؛؛ الله يرضى عنج بنتي
وكفت اشويه بل مطبخ وبعدين راحت جا علي لابس البرنص وحضني
شلونج حبيبتي زعلانه
ماجاوبتو
عفتو ورحت كعدت ع كرسي ودرت وجهي صفح من جنت صغيره من نتعارك جنت اسوي هاي الحركه ويجي يبوس خدي حتى اضحك وتبين الغمازه ويكرصني منها
جا من شافني هيجي كن درت وجهي صفح وزعلانه جا باس خدي وضحكت وبينت الغمازه وكرصني
هههه اخخ زين بعدك تذكر
هو اني انسى ذكرى وحده منج انتي معايا واشتاقلج سدروتي
مسكتو من خدودو
اتروحلك فدوه سدورتك قربان الله اشكد احبك اووي اووي
وماسكتو من خدودو واسحب بيهم وهو يضحك عليه
ههههه ولي خدودي راحو
هههه
يالا حبيبي كومي سبحيني
ما مالي دخل
بله بكيفج من تزوجنا الي حد الان ماكدر اسبح اذا مانتي اتسبحيني يالا كومي سدره
تدلل يروح سدره انت
كمت واني اتميل بجسمي وشعري واشر ب ايدي ع عيوني
دخل لحمام واني دخلت معا نزعتو البرنص وكمت اسبحو
حبي خلصتي من الاربعين
نو
ديلا عاد خمه اش صار ترى اشتعل اهل اهلي صارلج اربعين يوم
اي طلعت من اربعين بس ماخلصت بعد
اشكد باقيلج
مادري احتمال اسبوع عشر ايام ماعرف
حتي ارميج من فوك شقه محمد
هههه
سبحتو ولبستو البرنص وطلعت لكيت لؤي امخلي ماري بحضنو ونايمه
وي لؤلا ماري نايمه
لؤي... اي اش اسوي انتظرت تطلعين
جان خليتها ب تختها
لؤي... لايابا شلون ادخل غرفتج
ابد ابد مايقبلون يدخلون غرفتي ولاغرفه ميس ولاحتى غرف امهم وابوهم يستحون حييل ومن جانت هدير بنت مايدخلون اذا مايدكون الباب
اخذت ماري لتختها وغطيتها وطلعت ملابس علي بدل وكعد يلعب بل موبايل واني رحت لمطبخ احضر العشه كملتو ولؤي ساعدني وكل اشويه يضربني ب كمخه ع راسي اخر شي لحكت خلفو بل شوبك مال عجين
سدره... هههههه امشي ولي من يمي راسي راح
لؤي... هههه غير اختي واحبج
سدره.... حبتك حيه الله عليك روح جيب جنات والله ضوجه
لؤي... هسا اروح
سدره... ها وجيبنا ببسي معاك
لؤي... تدللين بعد
سدره.... تعليله
لؤي....مثل شنو اجيب
سدره.... جبس وبقلاوه وحلويات اريد اخسرك
لؤي... بعيني
سدره... انطيك فلوس لو عندك
لؤي... تنجبين لو اجي اخليج تنجبين
سدره... ههههه انجبيت
لؤي.... عفيه
مخبل ضحكت عليه راح واشويه ورجع
لؤي... سدره البسي عبايه وتعالي معاي
سدره.... مو البيتزا بل فرن روح انت وجنات
لؤي.... لا دا امشي اني وجنات كن بزعنا من طلعه وحدنا امشي هلمره انتي معانا
سدره... اكف بس اكول لعلي
رحت ع علي
سدره...حبيبي اروح مع لؤي بل سياره ع المحل
علي... روحي باباتي
لبست عباتي وصيت عمتي ع البيتزا وطلعت
جنات كاعده من كدام ولؤي يسوق واني جيت كعدت من ورى
ها جنو شلونج
هلا حب الحمدالله
يالا لؤي بساع نرجع
اوكي يابا
شغل المسجل وعلى صوتو
الي ماتصفك انزلها ب نص الطريق
جنات؛: ههههه تدلل كلووووششش
لؤي كمخ جنات ع راسها
كتلج صفكه مو هلاهل ابوج دا يتزوج
جنات : لا حبيبي دا ادرب حتي يوم زواجي اهلهل
سدره؛؛ عمه بعينج جنات راح تفضحينا شنو اتهلهلين
جنات : والقران اهلهل وهسا اتشوفين بس اصبري
سدره؛؛ والله عيب
جنات : ابد ماعيب عليش عيب حبيبي وراح اخذو وشكو بيها بعد
لؤي يدحك ع جنات ويضحك رحنا لمحل اخذنا اغراض وبعدها طلعنا لابو المرطبات لؤي اشترى موطا عائليه واخذ اثنين مفرد الي ولجنات
هو ماراد كال دا اسوق ماكدر اكل
مشينا بل طريق وجنات ع اساس الموطا(ايس كريم) الها
ماسكتها ل لؤي ياكل منها
لؤي... كاافي بابا ماريد اكلي انتي
جنات... انت اكل هيا تنزل بكلبي
لؤي... اروح فدوه لقلبج بنتي
سدره.... هههههه احم احم نحنا هنا
لؤي وجنات... هههههه
اكلت جنات من الايس كريم
جنات... اممممم لؤي
لؤي... شنو حبيبي شبيج
جنات... تجنن
لؤي... اي هذا حيييل طيبه المرطبات مالته
جنات... لؤلا ياابو المرطبات تجنن صارت لان انت اكلت منها صار طعمها يخبل
لؤي وسدره.... هههههههههه
سدره... مجنونه وربي
جنات.... والله صار طعمها يخبل من لؤي اكل منها
لؤي... ههههه الف عافيه يابا هههه
نضحك اني ولؤي ع جنات الخبله هههه
ورجعنا لبيت قبل مانزل من السياره
يم شفت جنات اثر موطا لؤي بيده مسح اثر الموطا من شفتها واكلها
جنات... لؤي ليش ماخليتني امسح بل كلينس
لؤي.... كلينس شنو هاي الي ع شفتج اطيب من مرطبات الموصل كلها
الكل.... هههههههه
نزلنا و صبينا العشه اني وجنات
تعرفين جنات اشكد حلو لو ابوج يقبل تزوجين هسا واني وانتي هيجي سوى
وي سدره اتمنى بس اخاف مالحك وبعدين الحمدالله انتي عندج علي يشتغل اني اضوج اذا عمي يصرف علينا
صح حقج بس ترى بيت عمتي ماعندهم هذا الشي يعني كلهم جيب واحد هسا حتى حمودي صح عازل بس يجي راس الشهر يخلي الراتب ب يد عمي بس عمي ماياخذ يكولو اني عندي راتب ليش اخذ منك
امبله والله بس اني تنبل بس افوت بحضن لؤي انسى الدراسه وابو الدراسه هو اني ولؤي هسا كاتلين روحنا بس انريد انكمل حتى نتخرج ونزوج
ههههه حياتي الله يتممها ع خير يارب
امين
اخذنا العشه وكعدنا كلنا ملتمين وعمي والويلاد يشاقون ويضحكونه
ابو علي؛: هليوم شنو من الايام
احد هليوم
ابو علي؛؛ باباتي جنات تكدرين اتكملين شغلج لجمعه
جنات؛؛ شغل شنو ياب
ابو علي؛؛ شغل الخطوبه
جنات؛: ها ماعرف بكيفكم بس اماني شلون
ابو علي؛: عجل راح اتصل بابو صهيب واتفاهم معا وانتي واماني هم اتفاهم بينكم
لؤي؛: واني وصهيب من جيس الدائره
الكل؛؛ ههههههه
ابو علي؛: مو انت اش عندك ب ساعتين اتكمل كلشي
لؤي؛؛ هم صحيح بكيفكم يابا
كملنا عشه واني وجنات غسلنا المواعين ونظفنا المطبخ وحضرنا تعليله وكعدنا سوالف وضحك واكيد ملك التحشيش لؤي وبس يضحكنا
خطفت نفسي وفتت لغرفه بدلت الفرشه مال التخت وخليت ورد ع التخت وجبت شموع خليت ع ميز ويم التلفزيون وشغلتهم وكفت جددت مكياجي لان جنت ضاربه قبلها طلعت فستان مال نوم جديد اخذتو وشلتو حتى من اطلع من اربعين البسو
لبستو وعدلت شعري شعري كلش طويل وعلي مايقبل اكص من عندو لو شعره وحده مايقبل ابد
اشويه وسمعت صوت ماري تبجي جا علي وجابها
ضل يدحك
شنو هذا الجمال باباتي
دنكت خجلانه
فدوه لخجلان اني
احم خلي انوم ماري
اني انومها لو ترضيعها
لا راح ارضعها
اوكي حبي هاج
اخذت ماري من عندو ورضعتها ونامت الحمدالله من صار عمرها 20 يوم نومتها احسها احسن من قبل احسها صارت فقيره وحبابه
خليتها ب تختها وعلي كاعد يراقبني ويراقب حركاتي وامشي واتعمد اتميل ب شعري وخصري
اخخخ مشتاقلج سدره
التفت وحاوطت اركبتو
واني هم مشتاقتلك يروحي
ههههه حبيبي ترى جنت اتشاقه معاك اني خلصت
لاتجذبين
هههه والله
هليوم انعل يومج
كام يعض بيا ويكرصني
ليش هيجي اتسوين ها كولي توبه
ههه اتشاقه معاك والله توبه
هههه علي اخجل
هسا اشوفج الخجل شلون يصير تعالي
هههه
اذن الفجر ونحنا بعدنا كاعدين وباجر عندو اول يوم دوام
من الصبح
علي حبيبي خلي انام دمرتني ترى كافي
فتح ايدي وخلى راسو ع صدري
اريد انام بحضنج العبي بشعري
كمت العب ب شعرو ونام
علي نمت
يبوو بس واحد يلعب ب شعرو ينام من شفت نام اني هم نمت
كعدت الصبح وكعدت علي استغفرت ربي راحت مني صلاه الفجر
علي علي كوم راحت من عدنا صلاه الفجر
همم
دكوم ياعيني اخاف تاخر ع دوام
اي كمت
كام اتعدل ويستغفر الله
استغفر الله شلون فاتتني صلاه الفجر
اي والله فاتتنا هو اذن ونحنا نمنا
مسكني كام يدغدغني واني اضحك
كلو منك ياحلو ومن جمالك الي موتني
ههههه يالا كافي حبيبي كوم
صار ياعيني الحكني ع الحمام
تدلل
هو راح لحمام واني اخذت البرانص البرنص مالتي عبالك دشداشه بي سحاب وطويل لان علي مايقبل اطلع بل عادي من الحمام كمت سويت من هذا
لفيت شعري ولبست البرنص وطلعنا من الحمام
اني سشورت شعري ع السريع هو وملفوف ولبست تراكسود
ورحت احضر ريوك حضرت الريوك ورتبتو ع الميز كعدت عمتي صبحت وبستها من ايدها دائما متعوده لو ابوسها من خدها هيا ماتقبل احد يبوس من ايدها
بعدها عمي كعد رحت اشوف علي كمل لكيتو واكف يمشط حضنتو من ضهرو وبست ظهرو
ربي لايحرمني من عندك حبيبي
ولامنج كلبي ادعيلي
الله يوفقك ياايامي واسنين
اندار عليه كرص حنجي وباس الكرصه اخذت العطر وبخيتلو عطر
يالا حبيبي تعال الريوك كملتو
اي كلبي بس اصلي الفجر قضاء
يالا اصلي معاك
تعالي حبي
صلينا وكملنا وجيت ع بنتي اشوفها لكيتها كاعده
يمه قربان عيون بنتي اصير اني قربان العاقل تعالي حياة ماما تعالي
طلعت ايديها من القماط وشلتها بحضني وطلعنا بره
تباح الخيل نحنا جينا يعني صباح الخير هههه
ابو علي؛: ول يابا ول يابا بنت ابني جيبها بحضن جدها
انطيتها لعمي
حياة جدو شلون الحلوين
عمي يحجي ويلعبها
جبت القوري مال جاي وصبيت كدام الكل
ابووعلي؛: يابا ابو ماري هليوم ماشفتك صليت معانا الفجر
علي؛؛اي والله يابا فاتنني صليت قضاء
ابو علي؛؛ الله يتقبل
جانو قبل يدكون الباب علينا ونطلع اني وعلي انصلي الفجر معاهم مره عمي يكف امام مره لؤي مره علي ونحنا وراهم انصلي لان الوضع جان مو زين مو مال واحد يروح ع الجامع الفجر حتي باقي الاوقات جان عمي من يشوف الوضع يكول صلو بل بيت انكوم كلنا انصلي جماعه
اشكد منفتحين وعمي اسبورتي بس ابد مايتركون صلاه
محمد نفس الشي يكعد ميس وويلادو ع الصلاه ويصلون سوى هيجي اتعلمو من عمي
كمل علي باس ايد امو وابو
رضاكم عليه
عمي وعمتي ؛: الله يرضى عنك
جا باس راسي
يالا حبيبي محتاجه شي
سلامتك كلبي
سلم وطلع ولحكتو لباب الحوش اني وبحضني ماري باس ماري من ايدها وخدها وراح
دخلت جوى رضعت ماري وبدلتها وانطيتها ب يد عمتي عمتي جانت اتحب تشتغل بس اني مايعجبني تشتغل اكولها بس امسكي ماري واني اكمل شغل البيت يوم الي عدنا دوام تجي مره تساعدها وتنطيها عمتي فلوس
طلعت القناة الي راح علي يطلع بيها
بل 9 الصبح جان يطلع البرنامج مالتو وكعد علي يقدم برنامج جان مو نشره اخبار جان برنامج ع الصباح وروتين
كعدنا اندحك اني اشتغل واسمع عمي طلع يكعد بل جمله من طلع تقاعد صار يكعد بل جمله
ولؤي مايكعد الى الغده
يوم شنو انسوي غده
بكيفج انتي حبيبتي
اسوي مقلوبه لو دولمه
جيبي اغراض الدولمه وتعالي هينا انسوي كدام التلفزيون وبعدين كملي شغل البيت
اي يوم صار بعيوني
رحت جبت اغراض الدولمه وفرشت سفره بل هول وكعدنا اني وعمتي وندحك ع علي
جان كاعد يقدم ومعا مذيعه وجانت المذيعه كل ماتريد تحجي ادحك ع علي وتبتسم وترجع تحجي
شبيج بابا كاعد بس تمضحك شكو
هههه اتغارين
اي والله يوم اغار ليش تضحك
همه هيجي من يريدون يحجون يبتسمون بعدين
سدره؛؛؛ يوم الله عليج علي اشكد حلو
ام علي؛: الله يحميي يارب قربان ويلادي
لفينا الدولمه اني وعمتي وكمت كملت شغل البيت ونومت بنتي البيت صار يلمع شطفتو من جوى ولباب الحوش ومن وصلت انطيت الصونده لعمتي طلعت تشطف لان عيب البنت اطلع راسها من باب الحوش
شفت ماري نايمه اخذت البرنص ورحت سبحت لان الدنيا صيف واحد يعرك
سبحت وسشورت شعري وسحبت خصل من خلف اذني وشديتو بل طوقه
ولبست دشداشه واتمكيجت ورحت ع ماري بدلتها ورضعتها وخليتها بل كركوت وصليت الظهر
وطلعتها بره بل صاله نزل لؤي من فوك
لؤي.. صباحو
سدره... ياصباح ساعه ١
لؤي.... اني عندي صباح جاوبني لابوكس
سدره..... هههه صباح النور
لؤي... هههه خبله
طلعت لسان اعيب عليه ويرجع هو هم يعيب
لؤي..... اكولج سدره جوعان والله وين امي
سدره... جانت تشطف باب الحوش ويجوز راحت على بيت عمك
لؤي.... جوعان اش امسوين غده
سدره.... دولمه
لؤي... سويلي لفه مال اي شي بين مايجون ابويا وعلي
سدره.... تدلل بعيوني
لؤي..... الله يعمي عيونج اقصد يسلم عيونج
سدره.... وعيونك خبيث
هههه
رحت لثلاجه وهو كعد يحجي مع ماري ويلعبها عبالك عمرها سنه
شفت الثلاجه لكيت بيها لحم مفروم مطبوخ طلعتها ورحت احميها
سدره... لؤلا هاي حشوه مال كبه اخلي بصحن لو اسوي لفه
لؤي.... بكيفج يالا خلي بصحن ويمو طماطه عفيه
سدره.... تدلل اخويا
رحت لكاونتر اطلع الصحن وسمعت صوت واحد كالي
شلونج سدره
من سمعت صوتو وكع الصحن من ايدي وانكسر التفتت على عبدالله اشجابو
جا لؤي يركض من سمع صوتو
عبدالله ... ها كواد
لؤي... هلا بل ضلع
واحد يحضن بل ثاني واني واكفه بمكاني كلبي يدك سريع احس كل مايجي جايب مصيبه معا
هو ولؤي يسالمون واحد يسال عن اخبار الثاني
دنكت الم الكزاز وجرحت ايدي
اخخخ
عبدالله كبل كال
الله ع كيفج خمه اتاذيتي سحب ايدي دا يشوفها جريت ايدي كبل
لؤي ضل مستغرب ع عبدالله الي سوى عبود ماجان طبيعي ولؤي استغرب من هذا الموقف .....
مابيا شي
رحت خليت ايدي جوات الماي ولحظتها دخل علي
علي... هاي منو هينا عبدالله الجلب
عبدالله... لا ياجلب انت
هههه
اثنينهم كامو يضحكون واحد يحضن بل ثاني وتسالمون
علي؛اي عبود شخبارك اشدعو طولت هاي الغيبه
عبدالله؛: والله شغل
علي؛: الله يرزقك شلونج عيني شبيج
سدره؛:؛ها هيجي جرحت ايدي بل صحن
راح لؤي طلع ضماد مال جرح وخلى ع ايدي وهمس
لؤي.... شبيج
سدره... ها
لؤي.... بعدين
علي؛: خمه جثير ابويا
سدره؛: لا عيني ماجثير بس انت اتاخرت ليش من زمان خلص البرنامج
علي؛: ضليت مع جماعتي تعال عبود فوت اشوفك بنتي
عبدالله؛: صحيح ع خير ماجاكم
علي حضن عبود من كتفو ودخلو جوى يشوف ماري لؤي اتقرب عليه
لؤي... شبيج مع عبدالله
سدره... اني؟
لؤي.... اي انتي سدره ماعجبتوني اثنيكم
سدره... لؤي شنو تقصد بكلامك ممكن اتوضحلي
لؤي... كلامي واضح من شفتي عبدالله خفتي وهو من شافج انجرحتي خاف عليج
اتعصبت بوجهو
سدره... لاتنسى يالؤي عبدالله صديق الطفوله وحال حالك افتهمت ونع... اخوك مابدلو بل دنيا كلها
مشيت وعفتو
لؤي.... تعالي انتي افتهمتي غلط
مشيت وبدون ماجاوب دخل لصاله لكيت عبدالله شايل ماري
عبدالله؛؛ تشبهج سدره
هزيت براسي
علي؛: عيوني حضريلي ملابس
رحت حضرتلو ملابس وهو دخل لحمام سبح وكمل وطلع جت عمتي وعمي والويلاد ماخلو عبدالله يروحو صبيت الغده
علي؛؛ والله الدولمه عشق
ام علي؛ الي يحب الدولمه يحب مرتو
علي؛: طبع احب مرتي
تركتهم يتغدون واخذت ماري ارضعها كلهم كالو اتغدي بعدين كتلهم ماري خطيه
رضعتها وشفت لؤي دزلي رساله
سدره اريد احجي معاج ماجان قصدي شي
عفتو ماجاوبتو
رضعت ماري ونومتها ونمت بصفها
كعدت ع حركه علي دا يشيل ماري من يمي
سدره. حبيبي وين شلتها
علي.... اخليها بتختها ليش ماتغديتي
سدره... هسا اشويه الخ اكوم مو جوعانه
خلى ماري بتختها وجا نام يمي حضني ويلعب بشعري
شفتو نام واني جعت وخرت ايدو وكمت رحت لمطبخ خطيه عمتي شايله المواعين وكن غسلتهم ونظفت المطبخ وامخليتلي جدر صغير من دولمه
جبت ملعقه وطلعت طرشي ماحب احمي الاكل وخليتو ع الميز وكعدت اكل جا لؤي شافني
لؤي... ها سدره
ماجاوبتو
لؤي.... سدره اريد احجي معاج انتي افتهمتني غلط
سد باب المطبخ سحب كرسي وكعد يمي واني مدنكه اكل
لؤي.. اذا تجين لصراحه اني ماعندي ثقه بعبدالله مثل ماعلي عندو ثقه بي وشفتج من شفتي عبدالله خفتي ع مود هذا كلت يجوز امسمعج حجي سدره انتي حلوه والمره جمالها فتنا وعبدالله اني اعرف بي ماراحه اذا امسمعج حجي او شي كوليلي اني اوكفو عند حدو وماخلى احد يعرف صدكي اني اخوج اساعدج سدوره
ذبيت الملعقه من ايدي
سدره.... عبدالله صح عندو سوالف ومو خوش بس معانا ماكو مثلو
وبعدين اني هليوم جفلت لان فات كبل ومن انجرحت عادي اخ خاف ع اختو مصار شي
لؤي... اكيد سدره سدره اني لؤي اشكد تشوفين اضحك واتشاقه بس من ادحك ع مقابيلي اعرف شكو بي وافتهمها هيا و طايره
سدره....لؤي كتلك ماكو شي صدك وعبود ابد ماكن سمعني حجي ولاشي
لؤي.... براحتج لان اني شفتو مره يدحك عليج وصار شك عندي اشويه
سدره... بطل شكك لؤي
لؤي.... هسا زعلانه من عندي
سدره.... هوو اني اكدر ازعل منك
كرصني من خدي وكام راح لغرفه
ياريت لو كدرت اكولك يالؤي وياريت لو كن حجيتلك واجهتك انت اني استاهل الي صار بيا كلو من ايديا ياريت الله شل لساني قبل ماكتلك عبدالله ماكالي شي بس بعد ماتنفع الريت....
ب يوم من الايام جان علي بل دوام وعمي بل شغل وعمتي ولؤي ماخذين جنات وامها وطالعين يشترون ذهب
ضليت وحدي بل بيت خلصت شغلي وكفت اشطف الكراج
وصلت لباب الحوش طلعت بس ايدي من باب واشطف ماحسيت غير واحد سحب الصونده من ايدي
عبدالله..... انتي اشعندج مطلعه ايدج 1000ابن كلب جا من كدام الباب ويشوفج
سدره.... وانت شعليك ابن عمي رجلي اخويا شكو
فات جوى وسد باب الحوش كمت ارجف
سدره.... شتريد عبدالله ليش سديت الباب
عبدالله.... اممم شكل البيت مابي احد
كمت ارجع لورى وعبدالله يتقدم عليه
سدره... شتريد
عبدالله.... صار وكت انتقامي من علي غير هاي فرصتي حبيبي سدره خلي نتونس اشويه محد حس ومحد يدري
كمت ابلع بريكي واهز براسي
مستحيل مستحيل اموت روحي وماخليك تلمسني
عبدالله.... انشوف ياعسل هليوم
ركضت جوى وهو لحكني ردت اقفل الباب بس جان اقوى مني دفع الباب ودخل جوى حصرني ب زوايه وصرت ادفع بي واضربو
سدره.... ابتعد عني عبدالله اموت روحي والله اذا لمستني
عبدالله.... ليش ليش يروحي ترى هيا شغل ربع ساعه وبعدها كانما مصار شي
مسكني قوي من ايديا ب يد وحده ومسك وجهي ب يدو الثاني وقربها ع وجهو ويصك ع اسنانو ويحجي
عبدالله.... عبالج نسيت عبالج انساج ترى انتي متوهمه سدره حيييل كتلج مستحيل اخليج تعيشين مرتاحه مع علي كتلج يجي يوم واسوي عيشتج جحيم اذا اصريتي تاخذين علي
صار يصرخ بوجهي
عبدالله..... نام معاج علي اتونس بيج؟؟؟؟ باس هاي الشفه جاوبني ليش ساكتتتتته لييشششش دمرتني بحبج اطلعلي من حياتي
رجع يصيح واني ارجف ميته من الخوف وبس ابجي وماسكني من وجهي بطريقه مايخليني اكدر احجي بيها
اطلعي من حياتي سدره الله ينعلج وينعل الساعه الي جيتي تعيشين ب بيت عمي الله ينعلج وينعل ابويا الكوا.... اطلعي من حياتي لااااا مستحيل ماعوفج لعلي ماخلي يتونس بيج الي حصه بيج اني مثل ما هذاك الكواد نمتي بحضنو راح اتنامين بحضني .....
