رواية خفايا القدر الفصل السابع عشر بقلم انين الروح
صارت ساعه ١٢ بليل يله رشا والبنات طلعن من يمي
لان جتي رباب وزينب وعلياء بنت عمهم وبنات فطم اصغار خطيه كعدن يلعبن بشعري ويمشطنه
جنت اخطط براسي هاي اخر كعده وياهن بعد ما اشوفهن
وره ما طلعن البنات
كمت غلقت الباب ورحت للكنتور طلعت صندوك خشب صغير بي ذهبي فتحته بي ذهب ثكيل وزين صح مو هواي بس هاي يوفي بالغرض
والنوب رحت ع ستره ايوب عنده ستره دائما يخلي بيها فلوسه
طلعت حسبتهن طلعن ٣٢٥ الف دينار
الحمدلله يكفن وزايد
عندي جنطه حمل صغيره خليت الذهب والفلوس وجنسيتي وبس ثوب واحد
وما خليت شي ثاني حتى متثكل عليه الجنطه
جنت مقرره
اعوفهم واطلع من البيت بدون علمهم لان اذا كتلهم ما يخلوني اطلع واحتمال يحبسوني بالبيت حتى الكراج ميخلوني بعد اشوفه
صح اني تفكيري غلط ميجوز اطلع واسافر من محافظه ال محافظه ثانيه وحدي
والنوب حامل بس بعد كافي طكت روحي ما اكدر اظل اسمع كلام احد
احس الكل ينظرلي نظره اتهام بحق ابنهم
قررت اعوفهم ومشي خل يرتاحون من شوفتي
بالاول جنت مقرر اروح بغداد بس فكرت اكيد اول مكان راح يفكرون بي اني جايه هو بغداد
ف غيرت مساري
راح اطلع الخانقين محد يندل بيت اختي
وهمه اصلا عائله بسيطه ما معروفه يعني بخانقين مراح احد يكدر يوصلي
بس ما جنت ناويه اطلع باجر
لا خلي اضبط الوضع تمام وعرف المسافه بين المحافظتين وشلون اوصل ومنين اصعد يله اطلع
بس هاي الامور كلها لازم اسئل عليها رجال مو مره
لان المره هم متعرف كل هالامور
فكرت اسئل فهد بس لا
هذا صديق جراح الروح بالروح
رجعت فكرت بطارق هم ميرهم مناف وووووو هواي خطروا ابالي اشخاص بس ما يرهمون اسئلهم
خليت راسي عالمخده وفكر يجيبني وفكر يوديني لازم اعرف وندل صح حتى ما ارد ورجع الهم
واني دا اطفي من النعاس مدري شلون خطر ابالي جواد
الي هو حبيب رباب هي خابرته مني واكيد رقمه موجود بالتلفون
كمت ابساع اخذت التلفون ورحت لصادره ادور
لكيت فعلا رقمين
بس حرت ياهو منهن رقمه
لازم ادك عليهن اثنينهن واعرف منو منهن رقم جواد وحاول اسئله وفهم منه الاريده
طبعا راح الكل يكول شنو انتي وين عشتي بالاستخبارات وهيج تفكيرج وهيج اتخططين
لا الحياه العشتها بهلبيت علمتني هواي امور جنت مطفيه عنها او اصلا ما جنت مفكره بيها ابد
اتعلمت من ايوب شلون اكون حذره
ومن جراح شلون اكون قويه ونجره
ومن رضا شلون اكو سياسيه وذكيه
ومن البنات كلشي اتعلمت ولاهم شلون اخطط وتك تك صح بدون ما اترك اثر الي
وتعلمت من استاذتهم ازهار كلشي
اليعاشر ازهار يكون استاذ مو طالب
صبحت كالمعتاد شغل وكلام مسموم وحركه اعصاب
رقيه اليوم يمنه
والحجيه رادت من رقيه تطبخلهم مجبوس دجاج
رقيه ..رهف فدوه عينج عالجدر بين ما اشوف جهالي وينهم شو مالهم حس
وكفت يم الطباخ وراقب الدجاج يحمس
ضكت طعمه ناقصه ملح
جبت ملح ورشيت
يالصفره شترشين بالجدر تردين تموتينه كلنه ما كفاج واحد لاحكتني عالبقيه
كافي عمه تره وصلت حدها انعل ابو الساعه الجيت بيها ودخلت هالبيت
اني اشفت منكم
حتى اهلي من وراكم ماتوا لو مزوجه من ولد بغداد ما جان انكتلوا
بس حضي المصخم الدزكم عليه بهذاك اليوم
اكيد هاي بيدج سم وجاي ترشينه النه
لزمت قوطيه الملح وشمرتها عالحايط انقسمت نصين
روحي ضوكي شوفي شنو هذا وبعدين احجي
حسبي الله ونعم الوكيل
حسبي الله ونعم الوكيل
جني رقيه ورباب وعلياء ونضال وفطم المهم بنات هواي دخلن عالمطبخ يتراكضن ع صوتنه العالي
يمه هاي شكو
رهف شكو ليش هالصوت العالي
والله اسئلو امكم عمتكم شجاها ويايه صار شهر ع موتت ابنها
وكل ما تشوفني تكلي كتلتي
وهسه جنت اخلي ملح للدجاج لان فاهي
تكلي اتخلين سم اتريدين اتكتلينه كلنه
شنو منو كاللكم اني يهوديه وناويه اكتلكم شنو قابل وياكم عندي ثار لو ورث حتى هيج تفكرون بيه
تره ما قاتله قبل وهسه اريد اقتلكم
رقيه ..يمه كافيج تره صدك طوختيها الكل يعرف ايوب ماراح الخاطر اهل رهف
راح جراح دزه وماتوا كلهم ابسبب الانفجار
لا تظلين كل ماتشوفين رهف تكوليلها موتي
تره هي هم ماتلها ام واخ وزوج
الله يساعد كلبها
اي انه هسه اطلعت مو خوش وجاي اتحجج عالبنيه
مو انتم كلكم ماتحسون بنار كلبي
انه من اشوفها واشوف بطنها اموت الف موته لان راح يجي الطفل وابوه ماكو
ما تهنه ولا لحك يسمع كلمه بابا
ليش انتم ما تحسون بنار كلبي الماتطفه
انه ام والراح الي اوليدي
خل وحده منجن ينجرح ابنها شيصير بحالها مو عاد تفقده وهو بعز شبابه
يعني عمه والحل تردين اعوفلج البيت ماعندي اي مشكله
اني اصلا ردت اعوفه وروح ويه اختي بس جراح ماقبل اطلع
شني وين تطلعين خايبه ابنه ما يتربه بعيد عن عيني ما تاخذينه وتطلعين منا اله ع جثتي يبنت بغداد
ترجيه وحطيها بذنج ابني ما يطلع من هذا البيت
وبالج تفكرين تربينه مو يم هله وعمامه
اني هسه وين اروح فهميني
راح البس عباتي وروح البيت زينب حتى تخلصين مني
اخذت عباتي وصحت محسن وعلي يوصلوني البيت زينب
البنات حاولن يوكفني بس ما قبلت طلعت وعفت البيت
وصلت الزينب دخلت وكمت ابجي
😭😭😭سولفتلها عالصار وامها اشحجت
ظلت تواسيني وتهديني
رهف ..عذريها تره الراحلها مو بزون هم ولد شاب وهي ام ما تكدر تنساه
هسه هي تعتقد الكل مذنب ابموته حتى جراح مذنب لان هو دزه البغداد
لازم نتحمل هي فتره وتعدي يارهوف
هسه انتي صيري ابمكانها خلي واحد يأذي ابنج شسوين مو تهجمين ع اليأذي
انتي محاسه لان بعدج ما جايبه
دجيبي وشوفي شلون
يصير ابنج هو اغله حتى من روحج
لاكل احجايه نسمعها من امي نزعل فدوه رهف لاتكونين انتي والزمن ع امي تره هي هم شافت ظيم وعذاب بحياتها
تره ابوي ابشبابه هم ماينجرع ابد جنه جراح
اعصاب ومايتحمل ومايرضه امي تطلع من البيت ولا تروح لهلها
ومايقبل ع كلشي
هاي هسه من كبر وتعب صار ما يحجي بس يعاين لان انطه زمام الامور كلها الجراح
وهذا المسكين هم ابتله ما عاش عيشه حاله حال الشباب
كبر كبل وكته حتى ماحب ولا تزوج ورتاح ولا خلف ولد حتى يفرح بي
متكليلي انتي تضوجين من احجايه الله يساعد كلوبنه شكد سمعنه حجي وشكد تأذينه وشكد وشكد
سكتي خيه لا تهيجين مواجعنه
كمنه تغدينه ونامت زينب اني اتاكدت من نومتها
اخذت تلفوني ورحت للممر حتى اشوف خاف احد يجي ماحود
فتحت التلفون
دكيت ع اول رقم طلعتلي ابنيه ما جاوبتها
ارجعت دكيت عالثاني طلع ولد
مرحبه
اهلا
انت جواد
اي تفضلي
اني الرقم الي ادكلك منه رباب
اي عرفته بس صوتج مو رباب
اي صح اني مو رباب اني كرايبهم وهي تخابر عليك مني
اي شرايده
محتاجه طلب صغير منك عفيه
اي اطلبي
اذا واحد يريد يطلع من البصره يروح محافظه ثانيه وين يروح اول شي
يروح للكراج
اي وبعدين
اكو هواي يصيحون ع اسم المحافظه الترديها
تصعدين وتروحين
زين شنو اسم الكراج وشكد الوقت بين البصره وبغداد
اسم كراج افلان وتقريبا الوقت عشر ساعات او اكثر
زين وديالى
تقريبا ٨ ساعات او عشره هي محافظات بعيده
يااا ليش اديالى اقرب للبصره
اي اقرب تقريبا
زين شكرا واسفه اخذت من وقتك مع السلامه
اوكفي ما كتيلي انتي منو وين رباب
وسديته للخط ما رديت عليه
لازم ابقه اهنا وباجر من الغبشه اطلع للكراج حتى محد يدري ولا احد يشوفني
كمت اتمددت اشويه حتى ارتاح وتاكدت اني جايبه الجنطه وبيها الفلوس والذهب
لساعه ٣ الظهر توني غافيه وسمعت الباب تندك
زينب .رفعت راسها واني ايضا عدلت حالي
زينب .جاي تسمعين الباب تندك
اي اسمع
هذا منو اليجينه هيج وكت فهد لليل يله يجي
كومي شوفي منو
رجعت زينب وياها جراح
اول ما دخل عالهول بدون سلام ولا كلام
انتي شجابج اهنا منو كلج تطلعين من البيت شنو مالج رداد يحكمج
اولا وعليكم السلامه والرحمه
ثانيا اني اطلعت بعد ما امك حجت عليه وطردتني وتهمتني اريد اسممكم وكدام الكل
اني بشر من دم ولحم
الكلام الاسمعه يجرحني ويوجعني
كلشي احنه نعيشه هو قضاء وقدر
الله كاتب ع كصتنه كلشي نشوف وكبال عينه
اذا مات واحد او ازوج او اتمرض او او
المهم كلشي بيد الله الانسان ماله دخل بشي
الله كاتب الايوب يزوج ويخلف ويموت شاب
لا مو بس هو المات وامي واخويه وياه
ليش امك كل ما تشوفني تكلي كتلتي
زين اني شنو يعني ماحب زوجي حتى اريد اكتله واخلص منه
اذا هذا تفكيركم ف انتوا كلكم غلطانين
لوما احب ايوب لا اخلف منه ولا ابقه عايشه وياه
افضل شي واقصر شي للبنيه هو الطلاك
لو ماحابته جان اطلكت منه ومن زمان
كافي بعد اني مليت خلوني اروح الاختي طكت بعد روحي
يله راح ترحين بس مو الاختج
راح ترجعين وياي للبيت
لا ما ارجع اني باقيه اهنا ما ارجع البيتكم
امك من صفحه وجدتك من صفحه و ازهار من صفحه
ازهار شكو
اي طبعا محد يكلك عنها بس اني خل اسوي شي كبل يحجولك
احجي ازهار اشمالها وياج
جتلي البارحه لان ما قبلت اساعدها ونطيها بنتها
تهددني وتكلي تحلمين يصير هذا البيت الج اطردج منه واني الممنونه لا انتي ولا ابنج تبقون
خل تاكل نعل هالبنت الكلب خل توصل بعد للبيت اله اكسر رجلها انه اعلمها بسيطه
يله كومي امشينه
كتلك ما اروح خليني اهنا عفيه بس اليوم والله تعبانه
امشي رهف ماريد اعيد الحجايه
فهد الرجال يجي البيته يريد يرتاح يمدد يصلخ يعيط
يجي ويلكاج شني ماعدنه بيوت وتبقين هينه
خويه عوفها بس اليوم
زينب .لا تخبلوني تره ضغطي صاعد فوك حدي راح تجلطوني انتوا اشمالكم وياي فهمني شو واحدكم صاير يمشي بشور راسه وبس
ما جن عدكم جبير وتاخذون رايه
يله كومي 😠😠😠😠😠😠
زينب ..رهف كومه حبيبتي رجعي وياه وماعليج من كلام الكل دخلي غرفتج وكعدي هاي امي بعد اتعلمي ع اطباعها هي تاخذلها فتره وتنسه فدوه لا تكببيها حرب بالبيت تره كلنه تعبانين اسمعي كلامي انه هم اختج وخاف عليج
صار يله مع السلامه
طبعا طلعت واني الف حسبه براسي شلون راح اكدر اطلع من البيت بعد وهذا مجاي يخليني ابات ابيت زينب شلون ياربي ساعدني فدوه رحتلك ساعدني
انتي ما تمشين شني عاجبج الحر
صعدت واني روحي طافره لستار بس اريد اطفر من السياره واخلص من هالعذاب المزمن
عبالك مرض وجلب بيه
وصلنه ...رهف كافي رحمي حالي لا اتعبيني وياج تره بس انتي الواكفه بزردومي مالي خلك ساعديني يارهف ماكلج غيرها
فتنه جوه صارت امه اكبالي سلمت عليها هي ما ردت بس باوعت عليه بتك عين وفاتت غرفتها
اسمع البنات يضحكون ومتونسات
ااااااي اي بس الضيم والحجي عليه
..شبساع نسيتوا اخوكم المات ماطلع حتى اربعينه
هيج ضحكم طالع صوته
شو واكفه اهنا خيرج
لا هيج بس صارت امك اكبالي وكفت سلمت بس هي ما ردت
ماعليج بحد عليج بس ابنفسج والطفل يله فوتي الغرفتج
رباب وينج تعاي حظريلي الحمام
اني مشيت ودخلت غرفتي وكعدت
وهم سمعت جراح يعيط
كمت طلعت شو رباب ماكو
من كثر اعياطه رحت اني اول مره ادخلت غرفه جراح من بعد ما ازوج
الله شنو من غرفه وله شنو من عطور عالميز وله غراضه ساعته مناظره الشمسيه الغتره اليشمغ حتى السبحه اجنن مالته
رحت للكنتور افتحت الخانه البنص
الله شنو هالملابس القمصان والقوط
الدشاديش شي عجيب فعلا
تقربت ع وحده من دشاديشه لفت انتباهي لونها جان ازرك حلو يلمع ملمسه ناعم وعطرها يكتل
هاي شجاي اسوين ابكنتوري
يمه كلبي 😲😮😮😮😮😧😧😮😮
سئلتج شنو اسوين بكنتوري
اني جنت اريد اطلع دشداشه عود الجراح بس ريحه العطور سطرتني حبيت اشم عطر هاي الدشداشه
واله هو يدخل للغرفه مصلخ بس لاف خصره بالمنشفه وشعره مبلل وينقط مي ع جسمه منظره ما اكدر او ماعرف شنو اوصفه
تجون عليه قطره دم ماكو ابسجمي
اول مره اشوفه بهيج منظر
المشكله اني نحصرت بينه وبين الكنتور ما اكدر اطلع ولا اسوي شي ظليت بس صافنه بعيونه ما اصد ولا ارد
مو دا اسئلج شسيوين اهنا 😏😏😏😏
وتقرب حيل عليه
ردت اوكع بنص الكنتور
شافني ملت ....حوطني بساع بذراعه ورجع سحبني اله صرت ارجف واني ابين اديه
رهف راح اكولها الج والاول مره ينطقها لساني اني .....
عمو هاي يقين بس تبجي منعرف اشبيها
التفتنه اثنينه ع مصدر الصوت
رهف .....اوووووف يالله هاي سحر
شكو عمو اشبيج
هاا يقين تبجي
اي ما تاخذيها الامي العمتها
عمي شني جايه تكليلي الي انه شني ارضعها مثلا
لو اغير حفاظتها
هااا لا عمو بس هي خالتي الحجيه دزتني الك تكول تعال شوفها
اي باباتي طلعي هسه واني ابدل واجي اشوفها
هاااا اي عمو
راحت .وهذا ضحك وكال وجعاه بهالطله الطايح حضها
اي ست رهف وين جنه
هاااا
شنو انتي هم انعديتي منها كل اححايه وهاااا
لا بس اريد اطلع اسمحلي
تفضلي ..
تمشي وعيوني ورها تروح جن غزال وتمشي لا هاي غصن البان يتمايل هي وبطنها الحلوه
دورلي عذر صدكني معذور
اخاف اقربلك اني وبتلي بيك
طول اليوم شاغل بالي وياك
اخطط من اشوفك ابيش احاجيك
وذا اوكف كبالك انسه حروفي ويلف الخجل وجهي لمن الاكيك
وعض شفافي بلليل حسره
مشتاك شوكت الي بيه يصير يعنيك
نهر انت وشحيح مغازلك ليش شنو نفع النهر من ما يرويك
وشنو نفعك وانا بيدك محتاج
وعليه بالعطايه تبخل ادريك
رحيق الورد راوة اطراف الاغصان
ووراقك ترف لمن تغطيك
ذبلت بيدك وصارلي الصار
ولا مره عليه حنيت وبيدك ترويت
لج لو تدرين هذا ❤️شلون يدك من يشوفج
اووف يارهف موتني حبج
فلا صار ولا دار
رحت بدلت وطلعت عالطفله
يمه فتت الغرفتي اتصبب عرك وارجف سريع ما اكدر احس كلبي حيطلع من مكانه
ابساع ابساع
درت ع راسي و صدري مي بارد اريد ارتاح التوتر سيطر عليه ملكني كلي عبالك اول مره اشوف رجل جسمه طالع
اي اكيد اول مره اشوف لان كل الي شايفته هو ايوب
مشايفه غيره
ربي نسيني هالموقف ياربي شجاني وفتت غرفته
الله هسه شيكول عليه
شلون بعد راح اكدر اشوفه ياربي شلون موقف هذا بعمري مراح انساه اوووف
النوب سحر هسه هاي وكتها بله
خليت وطلعت من الغرفه ومن البيت كله ماعرف احس اختنكت وفشلت حيل بعد ما التقي بي ابد ولا اخلي يلمحني
مشيت عالبستان بين الزرع
وصلت بستان جراح
اذكرت كاسير وذكرت من صعدت ع ظهره شلون يمشي حلو
وشلون جراح يركبه ويركض بي سريع
فتحت باب البستان الثاني ودخلت مشيت الحد وصلت للسطبل
فتحت باي السطبل
رحت الكاسر نزل راسه واني مسدتله
اني ما اخاف منه لان اتعلمت عليه وهو ايضا اتعلم عليه ويعرفني
لان جنه دائما اني وزينب او وحده من البنات نجي اهنا ونطلعه نلعب وياه
اخذت السرج والشكمه ولبستهن الكاسر
وطلعته ويايه نمشي اني وياه
اخذته للمجره مال الماي والناعور
الحارس .مني هين اكف حدك لا تخطي لا اطخك بالعيار
اوكف اوكف عمو هاي اني رهف مره ايوب
خاله شعندج اهنا وحدج
والله عمو ضايجه ومقهوره ومخنوكه كلت اجي ع كاسر وامشي وياها
بس بعد عمج..... عمي جراح ما يقبل احد يطلع الكاسر
اعرف عمو اشويه ورجعه والله ما ابقه هواي
زين بعد عمج لا تمشين بي جكثير خاف تتيهين المكان وما تكدرين تردين
لا عمو راح نوكف بس يم هاي الساكيه
اي خوش انه ماشي واي شي تردين بس صيحيلي تردين ادزلج وحده من بنواتي
لا لا عمو اني محتاجه ابقه وحدي فدوه
صار ادللي بعد عمج
اي عمو اني اشكرك
هاي شجاي اسوين هنا
ها عمي انه اسفه تره البت هي جتي وطلع الكاسر
اي ابو عباس هو ياهو اليجي صاير يطلع الكاسر وانت ولا جن يمك اكو احد فايت للبستان يمكن كبرت ومحتاج وياك معين بالبستان
لابويه انه كده بس البت مانعرف منين داخله علينه
عذرك اقبح من فعلك روح انت ابو عباس ..انه باقي يم الكاسر
اي رهيف خاتون وين ما اروح الكاج اكبالي شني سالفتج
ماكو سالفه ولا شي هاك هاي حصانك واني راجعه للبيت
لا تعاي اهنا لزم يدي بقبضه يده وجرني اله التقت اعيونه اثنينه وضلينه ساكتين واحد يباوع ع الثاني بدون كلام اثنينه ابحاله صمت واحدنه في داخله الف سؤال والف عله
🌹صدفه🌹
اجمل مايحصل لشخص عندما يلتقي بشخص صدفه...
لم يكن يعلم الذي يحصل او سوف يحصل مجرد صدفه...
وقد تكون قدر واجمل مايكون عندما يجتمع الصدفه والقدر
في يوم واحد تره شخص فيه الابتسامه الذي تملئ وجه...
والنظره الذي تمتلكها ساحره التي تعبر كل مافي داخلها
ولكن لاتستطيع ان نبقي هذه الاحاسيس في داخلنا
عيناها التي تبين كل هذا بدون كلام
في هذه المشاعر وتعتبر تعبير
لاارادي وتملئ هذه النظرات
من فرح وسعاده التي يخفق لها القلب من الفرحه وتشعر كانها
طائر يحلق في فضاء الحب ولا يرغب في النزول...
لديها صوت فيه كل الرقه والاحساس والدفئ والحنان...
انتي وحدك التي تستطيع انعاش قلب وشاكهوا على التوقف...
لقد اصابت قلبي في صدمه كهربائيه وانعشته من جديد
وبدء ينبض قليلاً فقليلاً وبعدها بدء ينبض في حالته...
الطبيعيه ويارب تكون قادره على الحفااظ عليه
اني غارق في بحر عينيها ولا اعلم لماذا اكتب كل هذا الكلمات...واقولها
بعد لقاء واحد في صدفه وقدر
هي جعلتني ارجع كطفل الذي يحب امه والذي تشعر
فيه وتلبي كل الذي يطلبه دون ان ينطق منها شي
هل تستطيعين معالجه روح وقلب قد اصابها كسر...؟
منذو ان رحلتي وتركتي بصمه مؤلمه مزقت احشائي عندما عدتي لكن لمن تعودي لي عدتي لتكوني لغيري
هل سأجد موطنن انام فيه في قلبك يا مستبده
اي رهف خاتون اليوم كثرت الاسئله بس ما اسمعت اجوبتها
هد يدي عفيه اريد ارجع للبيت
مترجعين ظلي اهنا جاوبيني بالاول
ليش تلحكيني ...؟
اني الحكك 🤨🤨...؟ لا انت متوهم اني ماحب الحك احد
ميخالف اني وياج
جاوبي ليش جنتي بغرفتي
سمعتك اصيح وردت
ردتي اتحظريلي ملابسي مو
لا
ليش لعد داخله
اهووووو هسه شكو هالاسئله عوفني خل امشي
اوكفي عوفي هالسؤال
ليش شميتي دشداشتي
جراح كتلك عوفني
الله الله تدرين هاي اول مره تكولين اسمي واول مره اسمعه بصوتج كله تكوليلي ابو يقين
اي ابو يقين اتركني
اذا تعزيني كولي اسمي مره ثانيه اريد اسمعه من اشفايفج
هدني ولزمت جف يده وحاولت افك قبضته الي بقوه كوه اله عضيت اصابعه بسنوني يله فكني
اني عفته ومشيت ابساع كمت حتى اجبح منا ومنا صرت ماشوف دربي بس اريد اوصل للبيت ماعرف شنو حسيت
يمه عبالك مو جراح اتحول شخص ثاني قبضته الايدي تقوه بكل سؤال ونفسه صار قريب حيل عليه
حسيته راح يبوسني
يمه من اوصلت للبيت يله جريت النفس اتنهدت
وسمعت كابه العيطه بالبيت
دخلت وشفت النسوان وصوت ازهار يعلعل اعرف من بين كل الاصوات
وجان تندار عليه
اي يالكحب.......ه تردين تخطفين رجلي ابو بنتي
ام الزلم ام السحوره ما كفاج ايوب النوب التافيتي ع جراح كحب....ه
ولزمتني من متوني وتريد تضربني
شعندج داخله غرفتنه والزلمه مصلخ كحب....ه
عاجبج جسمه تردين يوصلج
ولج والحسين اموتج قبل لا توصليله
وتهز بيه واني بس اعيط
عوفيني راح اتموتين ابني
😡😡😡😡😡 هاي شكو اهنا ليش ملتمات
ازهار ..تعال يازوجي يا ابو بنتي تعال شعده هاي يمك بالغرفه وانت مصلخ
اجه جراح شافها لازمتني وتهز بيه
لزمها من شعرها وضرب شبعها كتل متعرفين الدم منين يطلع
وكامت ازهار تغلط وتسب ع كل الموجودين وتضرب الكدامها
اخذها من شعرها جر ولزمها وصلها باب االحديقه وشمرها
بنت الكواويد جاي وتعلين حسج ابيتي وتغلطين عالكل بنت النعل لج زين مني ما خلصت عليج من هذاك اليوم
جايه شسوين هسه اهنا ومنو كلج هي فايته غرفتي وجان يسكت
وعاط عيطه
يمه هزت اركان البيت هز
ووووووووووينها هالكحب....ه سحر بنت اقبال
جيبوها ليه
ندور ع سحر ماكو مختفيه يمكن بس رايحه كايله لزهار ومجايه وياها
شوفوا والكل يسمعني هاي الجلبه للبيت بعد مالها دخله واليدخلها وانه ما موجود اله اشكه وصلتين وعلكه لجلاب ياكلنه
والتحجي ويه رهف وتسمعها ححي وحق الحسين ادفنها بكاعها
البنيه يتيمه وما عدها احد غيرنه اختها مزوجه وعايشه حياتها
وهي حامل ببنه
مات ايوب شني نشمر المره بالشارع بعد مالها حاجه عدنه لان رجلها مات لو شنو فهمني
البنيه هي وابنها يبقون اهنا المعاجبه الحجي لا يجي ولا يدخل بيتنه احنه مانريد نشوفه
الحاضر يبلغ الغايب يله طشن كل وحده المكانها وانتي والعباس انت خطيتي وجيتي الهذا البيت بحجه بنتج او حجه ثانيه ما تلومين غير حالج رجليج هذني اكسرهن الج وخلج معوقه طول عمرج سمعتيني يبنت قحطان
وخلي ابالج سالفتج انتي واخوج ما ناسيها بس يرد النه
اله ولا تصورين مجاي ادور عليه لا يحبابه انه هسه مو فارغله بعدين اكضي الشغله العندي وصفاله لا اصفالكم انتوا الزوج يله كومي طلعي بره
انه طالع يجراح بس وحق الحسين
وجرها من ملابسها وطلعها بره البيت وغلق الباب وفات جوه
وهي تعيط بالحوش ما خليك تنول الي ابالك لا انت ولا هي لشوفكم ازهار منو وبنت منو بسيطه يجراح بسيطه يرهف
دخلت غرفتي وغلقت الباب واسمع صياحهم بالبيت الكل متوتر وع اعصابه
اني خليت جنتي جوه راسي وفكر يجيب وفكر يودي
لازم باجر اطلع من الفجريه حتى محد يحس بيه
واروح بعد من اهنا واخلص كافي مذله واهانه والم
شنو احد كايللهم ماعندي اهل
اروح العماتي خليهم يلكولي صرفه
ازوجت ابنهم ومات شنو ابتليت بلوه بيهم
خلوني ارجع البيت اهلي شلكم دخل بيه بعد
اليل كله مكدرت انام ولا لحظه الوب وفكر شلون راح اوصل للكراج
هو بس اوصله...... اني اعبر بر الامان
شفت الساعه اربعه الفجر صارت
كمت حتى اشوف منو كاعد
لان الادري بي جراح وره صلى الفجر يصلى ويكوم يدخل غرفته
انتظرت ربع ساعه وكمت طلعت
