رواية الرجل الاخر الفصل السابع عشر بقلم جوهرة
ﻛﻌﺪﺕ ﺩﻳﻤﺎ ﻣﻦ ﺍﻟﺼﺒﺢ ﺭﺗﺒﺖ ﺍﻟﺒﻴﺖ ﻣﻜﺪﺭﺕ ﺗﺸﻐﻞ ﺍﻟﻤﻜﻨﺴﻪ ﻧﺎﻳﻤﻴﻦ ﺷﻴﺨﻠﺼﻬﺎ ﻣﻦ ﻓﺎﺭﺱ ﻧﺎﻡ ﻣﺎ ﻣﺘﺄﺧﺮ ﻣﺪﺭﻱ ﺷﺒﻲ ﻛﻌﺪﻟﻬﺎ ﺍﻟﻔﺠﺮ ﻣﺘﺤﻠﻒ ﻫﺠﻢ ﻋﻠﻴﻬﺎ ﻓﺰﺯﻫﺎﻳﺪﻭﺭ ﻏﺮﺍﻣﻴﺎﺕ ﻭ ....
ﻣﻜﺪﺭﺕ ﺗﻨﺎﻡ ﺑﻌﺪ ﺳﺒﺤﺖ ﻭﺻﻠﺖ ﻭﺑﻘﺖ ﺑﻔﺮﺍﺷﻬﺎ
ﻭﻫﺴﻪ ﺧﻞ ﺗﺤﻀﺮ ﻟﻄﻠﻌﺘﻬﻢ ﻟﻠﺒﺴﺘﺎﻥ ﻋﺪﻫﺎ ﻛﺒﻪ ﺑﺎﻟﻤﺠﻤﺪﺓ ﻃﻠﻌﺘﻬﺎ ﻛﻠﺘﻬﺎ ﻭﺧﻠﺘﻬﺎ ﺑﺤﺎﻓﻀﺔ ﻭﺧﺪﺭﺕ ﺟﺎﻱ
ﺧﻠﺘﻪ ﺑﺎﻟﺘﺮﻣﺰ ﻭﻟﻮ ﻫﻨﺎﻙ ﻃﺒﺎﺥ ﺑﺲ ﻳﻼ ﺗﺎﺧﺬ ﻛﻮﻟﺸﻲ
ﻣﻨﺎ ﺍﺣﺴﻦ ﻋﺎﻟﺠﺎﻫﺰ ﺑﺎﻟﻄﺮﻳﻖ ﻳﺎﺧﺬﻭﻥ ﺻﻤﻮﻥ .. ﺳﻮﺕ ﺯﻻﻃﻪ ﻭﻛﺎﻋﺪﻩ ﺗﺤﻀﺮ ﺑﻴﺘﻨﺠﺎﻧﻴﺔ ﻓﺎﺭﺱ ﻳﺤﺒﻬﺎ ﻻﻥ ﻣﻦ ﺗﺴﻮﻳﻬﺎ ﻳﺎﻛﻠﻬﺎ ﻣﻴﺨﻠﻲ ﻣﻨﻬﺎ ﻳﻼ ﺍﻟﻒ ﻋﺎﻓﻴﺔ .
ﺣﻈﺮﺕ ﺍﻟﺮﻳﻮﻙ ﻭﺟﺎﻧﺖ ﺗﻔﺘﺮ ﺑﺎﻟﺒﻴﺖ ﻛﻤﻠﺖ ﻭﺩﺧﻠﺖ ﻟﻐﺮﻓﻪ ﻋﺒﻮﺩﻱ ﺟﺎﻥ ﻧﺎﻳﻢ ﺩﻧﻜﺖ ﺑﻮﺳﺘﻪ ﺣﺲ ﻋﻠﻴﻬﺎ
.. ﻣﺎﻣﺎ
_ ﺻﺒﺎﺡ ﺍﻟﻌﺴﻞ ﻳﻜﻠﺒﻲ ﺻﺒﺎﺡ ﺍﻟﻮﺭﺩ ﻳﺮﻭﺣﻲ ﻳﻼ ﻋﺒﻮﺩﺓ
ﻧﺮﻭﺡ ﺑﺎﻱ ﻭﻳﻪ ﺑﺎﺑﺎ .
ﻋﺒﻮﺩﻱ ﻣﻦ ﻳﺴﻤﻊ ﻃﺎﺭﻱ ﻃﻠﻌﻪ ﻭﻳﻪ ﺑﺎﺑﺎ ﻳﻜﻤﺰ ﻣﻜﻴﻒ
ﺷﺎﻟﺘﻪ ﻏﻴﺮﺗﻠﻪ ﻭﺭﺍﺣﺖ ﺳﺒﺤﺘﻪ ﺑﺎﻟﺤﻤﺎﻡ ﻟﻔﺘﻪ ﺑﺎﻟﻤﻨﺸﻔﺔ
ﻭﻛﻌﺪﺕ ﺗﻠﺒﺴﻪ ﺑﻌﺪ ﻣﺎ ﺑﻮﻃﺮﺗﻪ ﺷﻤﺘﻪ ﺑﻘﻮﺓ .. ﺍﻓﻴﺶ
ﻭﻟﻚ ﺷﻨﻮ ﻫﺎﻟﻌﻄﺮ ﺍﻭﻭﻭﻑ ﻋﺒﻮﺩﺓ ﺣﺒﻴﺐ ﻣﺎﻣﺎ
ﺷﺎﻟﺘﻪ ﺑﻌﺪ ﻣﺎ ﺳﺮﺣﺖ ﺷﻌﺮﻩ ﺑﺲ ﻣﻦ ﻳﻨﺸﻒ ﻳﺮﺟﻊ ﻳﺘﻠﻔﻠﻒ ﻣﺘﻘﺒﻞ ﺗﺤﻠﻘﻠﻪ ﻓﺎﺭﺱ ﻗﺒﻞ ﺍﺳﺒﻮﻉ ﺭﺍﺩ ﻳﺎﺧﺬﻩ
ﻟﻠﺤﻼﻕ ﻣﻘﺒﻠﺖ ﻳﻜﻠﻠﻬﺎ ﺷﻨﻮ ﻣﺴﻮﻳﺘﻪ ﺑﻨﻴﺔ .
ﺗﻮﺳﻠﺖ ﺑﻲ ﻳﻼ ﻗﺒﻞ ﺑﺲ ﺑﻌﺪﻩ ﻳﻠﺢ ﺑﺲ ﻻ ﻳﺴﻮﻳﻬﺎ
ﻭﻳﺤﻠﻘﻠﻪ ﺑﺪﻭﻥ ﻋﻠﻤﻬﺎ .. ﺗﺤﺒﻪ ﻫﻴﺞ ﻭﺷﻌﺮﻩ ﻻﻳﻜﻠﻪ .
ﺭﻓﻌﺘﻪ ﻋﻠﻰ ﺧﺼﺮﻫﺎ ﻭﺭﺍﺣﺖ ﻟﻠﻤﻄﺒﺦ ﺳﻮﺗﻠﻪ ﻣﻤﻪ ﻳﺤﺒﻬﺎ
ﻣﻦ ﺍﻟﺼﺒﺢ ﺧﻠﺘﻪ ﻋﺎﻟﻘﻨﻔﻪ ﻭﺍﻧﻄﺘﻪ ﺍﻟﻤﻤﻪ ﺑﺤﻠﻜﻪ ﻟﺰﻣﻬﺎ ﺑﻴﺪﻩ ﻭﺭﺍﺣﺖ ﺗﺤﻀﺮ ﺍﻟﺤﻤﺎﻡ ﻟﻔﺎﺭﺱ .
ﻓﺎﺭﺱ ﻧﺎﻳﻢ ﻛﻌﺪﺕ ﺑﺼﻔﻪ ﺍﺻﺎﺑﻌﻬﺎ ﻟﻌﺒﺖ ﺑﺸﻌﺮﻩ ﺑﻬﺪﻭﺀ
ﻭﻻ ﺣﺲ ﻋﻠﻴﻬﺎ ﺿﺎﺟﺖ ﺍﻟﺴﺎﻋﻪ ﺑﺎﻟﺘﺴﻌﻪ ﺷﻮﻛﺖ ﻳﺮﺣﻮﻥ .. ﻓﺎﺭﺱ ﻓﺎﺍﺍﺍﺭﺱ
ﻓﺘﺢ ﺗﻚ ﻋﻴﻦ ﻋﺎﻛﺪ ﺍﻟﺤﺎﺟﺐ ﻭﺑﺼﻮﺕ ﻧﺒﺮﺗﻪ ﻋﻤﻴﻘﻪ
_ ﺷﺒﻴﺞ .
_ ﺑﺎﻟﺘﺴﻌﻪ ﻣﻮ ﻋﻠﻰ ﺍﺳﺎﺱ ﻧﻄﻠﻊ ﻟﻠﺒﺴﺘﺎﻥ .
ﻓﺘﺢ ﻋﻴﻮﻧﻪ ﻭﺣﻚ ﺭﺍﺳﻪ .. ﻭﺍﻟﻠﻪ ﺭﺍﺡ ﻣﻦ ﺑﺎﻟﻲ .
.. ﺩﻳﻼ ﺣﺒﻴﺒﺘﻲ ﺍﺳﺒﺢ ﻭﺍﺻﻠﻲ ﻓﺎﺗﺘﻨﻲ ﺍﻟﺼﻼﺓ .
_ ﻣﺤﻀﺮﺗﻠﻚ ﺍﻟﺤﻤﺎﻡ
ﻓﺎﺕ ﺳﺒﺢ ﻭﺻﻠﻰ ﻭﺑﻌﺪﻣﺎ ﺗﺮﻳﻜﻮ ﻃﻠﻌﻮﺍ .
.......
ﺟﺎﻧﺖ ﺍﻟﻄﻠﻌﻪ ﺗﺨﺒﻞ ﺩﻳﻤﺎ ﻭﻋﺒﻮﺩﻱ ﻛﻮﻟﺶ ﺗﻮﻧﺴﻮﺍ
ﺍﻟﺒﺴﺘﺎﻥ ﻣﺎﺷﺎﺀ ﺍﻟﻠﻪ ﺍﺷﻜﺎﻝ ﻣﺰﺭﻭﻉ ﻣﻦ ﺍﻻﺷﺠﺎﺭ ﺍﻟﺤﻤﻀﻴﺎﺕ ﻭﺍﻟﻨﺨﻞ ﻭﺍﻟﻤﺸﺘﻤﻞ ﺻﻐﻴﺮ ﺑﺲ ﺣﻠﻮ
ﻋﺒﻮﺩﻱ ﺍﻭﻝ ﻣﺪﺧﻠﻮ ﻧﺰﻟﺘﻪ ﺑﺎﻟﻜﺎﻉ ﻃﻠﻊ ﻳﺮﻛﺾ ﻛﺪﺍﻣﻬﻢ
ﻓﺎﺭﺱ ﻧﺰﻝ ﺍﻟﻌﻼﻛﻪ ﻭﺗﺮﻣﺰ ﺍﻟﺠﺎﻱ ﻭﺩﺧﻞ ﺧﻼﻫﻦ ﺑﺎﻟﻤﻄﺒﺦ ﻭﺟﺎﻥ ﻣﺸﺘﺮﻱ ﺻﻤﻮﻥ .
_ ﺗﻌﺎﻝ ﻣﺎﻣﺎ ﻻﺗﺘﻌﻮﺭ .. ﺻﺎﺣﺘﻪ ﺧﺎﻳﻔﻪ ﻋﻠﻴﻪ ﻳﻮﻛﻊ
ﻃﻠﻊ ﻓﺎﺭﺱ ﻋﻠﻴﻬﻢ ﻭﺭﺍﺡ ﻳﺮﻛﺾ ﻭﺭﻯ ﻋﺒﻮﺩﻱ ﺍﻟﻲ ﻣﻨﺸﺎﻓﻪ ﻛﺎﻡ ﻳﺮﻛﺾ ﻭﻳﻀﺤﻚ ﺷﺎﻟﻪ ﻭﺷﻤﺮﻩ ﺑﺎﻟﻬﻮﺍ ﻭﻫﺬﺍ ﻣﻔﺮﻓﺢ ﻭﺧﺮﺑﺎﻥ ﺿﺤﻚ
ﺗﻤﺸﻮﺍ ﻭﺩﻳﻤﺎ ﺗﺘﻔﺮﺝ ﻣﺮﺗﺎﺣﻪ ﺷﻮﻱ ﻭﺳﻤﻌﻮﺍ ﺻﻮﺕ ﺭﺟﺎﻝ ﻳﺼﻴﺢ ﻓﺎﺭﺱ ﺍﻧﻄﺎﻫﺎ ﻋﺒﻮﺩﻱ .. ﻫﺬﺍ ﺍﻟﻔﻼﺡ ﺍﺑﻮ ﻋﺪﻧﺎﻥ ﺍﺭﻭﺡ ﺍﺷﻮﻓﻪ ﺍﻧﺘﻲ ﺗﻤﺸﻲ ﻟﻤﺎ ﺍﺟﻲ .
ﺗﻤﺸﺖ ﺑﻴﻦ ﺍﻻﺷﺠﺎﺭ ﻫﻤﺰﻳﻦ ﻻﺑﺴﻪ ﺷﺤﺎﻃﺔ ﻧﺎﺻﻴﺔ
ﺷﺎﻓﺖ ﺳﺎﻛﻴﺔ ﻳﺠﺮﻱ ﺑﻴﻬﺎ ﺍﻟﻤﻲ ﻻﻥ ﻣﺸﺘﻐﻞ ﻣﺎﻃﻮﺭ ﺍﻟﻤﻲ ﺍﻟﻈﺎﻫﺮ ﺍﻟﻔﻼﺡ ﻣﺸﻐﻠﻪ ﻣﻦ ﺍﻟﺼﺒﺢ ﻛﻤﺒﺼﺖ ﻋﻠﻰ ﺭﺟﻠﻴﻬﺎ ﻭﻋﺒﻮﺩﻱ ﺑﺤﻈﻨﻬﺎ ﻣﺪﺕ ﺍﻳﺪﻫﺎ ﻟﻠﻤﻲ ﺗﻠﻌﺐ ﺑﻲ
ﺷﻜﺪ ﺣﻠﻮ ﻣﺨﺘﻠﻂ ﺑﺨﻀﺎﺭ ﺍﻟﻜﺎﻉ ﻭﺑﺎﺭﺩ ﻋﺒﻮﺩﻱ ﻳﻤﺪ ﺍﻳﺪﻩ ﻳﺮﻳﺪ ﻳﻠﻌﺐ ﻣﺨﻠﺘﻪ ﺧﺎﻓﺖ ﻳﺘﺒﻠﻞ
ﺷﻮﻱ ﻭﻓﺎﺭﺱ ﺻﺎﺣﻬﺎ ﻭﻫﻮ ﻳﺘﻤﺸﻰ ﻟﺠﻬﺘﻬﻢ ﻣﺒﺘﺴﻢ
ﻭﺭﺍﻓﻌﻠﻬﺎ ﺗﻚ ﺣﺎﺟﺐ .. ﻫﺎ ﻋﺠﺒﺞ ﺍﻟﺒﺴﺘﺎﻥ .
ﻛﺎﻣﺖ ﻭﻛﻔﺖ ﻭﻋﺒﻮﺩﻱ ﻳﺄﺷﺮﻟﻪ ﻳﺮﻳﺪﻩ ﺍﺧﺬﻩ ﻳﺒﻮﺱ ﺑﻲ
ﻭﻋﺒﻮﺩﻱ ﻳﻀﺮﺏ ﺑﻮﺟﻪ ﻓﺎﺭﺱ .. ﻟﻴﺶ ﺑﺎﺑﺎ ﺷﻨﻮ ﺯﻋﻼﻥ
_ ﻳﺮﻳﺪ ﻳﻠﻌﺐ ﺑﺎﻟﻤﻲ .
ﺣﺎﺟﺎﻩ ﺑﻬﺪﻭﺀ ﻋﺒﺎﻟﻚ ﻳﻔﻬﻤﻪ .. ﻻ ﺣﺒﻴﺒﻲ ﺑﺎﻟﺼﻴﻒ ﺍﺟﻴﺒﻚ
ﻫﺴﺔ ﺗﺒﺮﺩ . ﺭﺟﻊ ﺍﻟﺘﻔﺖ ﻟﺪﻳﻤﺎ .. ﻣﻜﻠﺘﻲ ﺷﻠﻮﻧﻪ ﺍﻟﺒﺴﺘﺎﻥ
_ ﺣﻠﻮ ﻣﺎﺷﺎﺀ ﺍﻟﻠﻪ ﻭﺭﻳﺤﺔ ﺍﻻﺷﺠﺎﺭ ﺗﺨﺒﻞ .. ﻣﻦ ﺯﻣﺎﻥ ﻣﺸﺘﺮﻱ .
_ ﺻﺎﺭ ﺍﺭﺑﻊ ﺳﻨﻴﻦ .
ﺩﻳﻤﺎ ﺣﺒﺖ ﺗﺴﺎﻟﻪ ﺍﺫﺍ ﻳﺠﻮﻥ ﺍﺻﺪﻗﺎﺋﻪ ﻳﺘﻮﻧﺴﻮﻥ ﺑﺲ ﻏﻴﺮﺕ ﺭﺃﻳﻬﺎ ﻻﻥ ﺗﺪﺭﻱ ﻓﺎﺭﺱ ﻳﺘﻌﺼﺐ ﺍﺫﺍ ﺿﺎﺝ .
ﺣﻄﺖ ﺍﻻﻛﻞ ﺍﻟﺠﺎﻳﺒﺘﻪ ﻋﺎﻟﻄﺒﻠﻪ ﻓﺎﺭﺱ ﻛﺎﻟﻠﻬﺎ ﺟﻴﺒﻲ ﺣﺼﻴﺮ ﺗﻠﻜﻲ ﺑﺎﻟﻐﺮﻓﻪ ﺧﻞ ﻧﻜﻌﺪ ﺑﺎﻟﻜﺎﻉ ﺍﺭﻳﺢ .
ﺻﺎﺭﺕ ﻛﻌﺪﺗﻬﻢ ﺟﻮﺍ ﺍﺷﺠﺎﺭ ﺍﻟﻨﺨﻞ ﺑﺎﻟﻔﻲ ﻛﺒﺎﻝ ﺍﻟﺒﻴﺖ .
ﺟﺎﻧﺖ ﺍﻟﻜﻌﺪﻩ ﺣﻠﻮﺓ ﻭﻋﺒﻮﺩﻱ ﻳﻔﺘﺮ ﻣﺎﺧﺬ ﺭﺍﺣﺘﻪ ﺩﺍﻳﺮ ﻣﻴﺪﻭﺭﻫﻢ ﻭﻋﻴﻨﻬﺎ ﻋﻠﻴﻪ
ﺗﻐﺪﻭﺍ ﻭﺍﻟﺠﻮ ﺻﺎﺭ ﺣﺎﺭ ﺷﻮﻳﻪ ﻓﺎﺭﺱ ﻛﺎﻟﻠﻬﺎ ﻧﺼﻠﻲ ﻭﻧﻄﻠﻊ .
_ ﺍﻧﻲ ﺣﺼﻠﻲ ﺑﺎﻟﺒﻴﺖ ﺩﺭﻭﺡ ﻟﻤﺎ ﺍﻟﻢ ﺍﻻﻛﻞ .
ﻃﻠﻌﻮﺍ ﻣﻦ ﺍﻟﺒﺴﺘﺎﻥ ﺑﻌﺪ ﻣﺎ ﺭﺍﺡ ﻃﻔﻰ ﺍﻟﻤﺎﻃﻮﺭ ﺍﻟﻤﻲ
ﻗﻔﻞ ﺍﻟﺒﺎﺏ ﻻﻥ ﺍﻟﻔﻼﺡ ﻋﻨﺪﻩ ﻣﻔﺘﺎﺡ ﺛﺎﻧﻲ .
_ ﻣﺸﻜﻮﺭ ﻓﺎﺭﺱ ﺍﻟﻄﻠﻌﻪ ﻫﺎﻱ ﺭﻳﺤﺘﻨﻲ .
ﺣﺎﻥ ﻳﺴﻮﻕ ﻣﻠﺘﻔﺖ ﻋﻠﻴﻬﺎ ﻣﺪ ﺍﻳﺪﻩ ﻭﻟﺰﻡ ﺍﻳﺪﻫﺎ .. ﺍﺩﻟﻠﻲ
ﻣﻦ ﺗﺮﺩﻳﻦ ﺍﺟﻴﺒﺞ .
*******
ﺳﺪﺕ ﺍﻟﻤﻮﺑﺎﻳﻞ ﺟﺎﻧﺖ ﺗﺤﺠﻲ ﻭﻳﻪ ﺛﺮﻳﺎ ﻭﺧﻠﺘﻪ ﻋﺎﻟﺸﺤﻦ .
ﻛﻠﺒﻬﺎ ﺩﻙ ﺳﺮﻳﻊ ﻣﻦ ﺷﺎﻓﺖ ﻧﺸﻮﺍﻥ ﺩﺧﻞ ﻟﻠﻐﺮﻓﻪ ﺑﻠﻌﺖ ﺭﺑﻜﻬﺎ ﻭﺳﻮﺕ ﻧﻔﺴﻬﺎ ﻣﻤﻨﺘﺒﻬﺔ ﺟﺎﻱ ﺗﻌﺪﻝ ﺑﺎﻟﺠﺮﺟﻒ
ﻧﺸﻮﺍﻥ ﺗﻘﺮﺏ ﻋﻠﻴﻬﺎ ﺻﺎﺭ ﻭﺭﺍﻫﺎ ﺣﻈﻨﻬﺎ ﻣﻦ ﻭﺭﻯ ﻋﺪﻟﺖ ﻭﻛﻔﺘﻬﺎ ﻏﺮﻛﺖ ﺑﺤﻈﻨﻪ ﺩﻓﻦ ﺭﺍﺳﻪ ﺑﺮﻛﺒﺘﻬﺎ ﻭﺷﻤﻬﺎ ﺟﺎﻥ ﻳﻌﻀﻬﺎ ﺑﻘﻮﺓ .. ﺍﻭﻭﻭﻱ ﺷﻨﻮ ﻫﺎﻱ ﻭﺍﻟﻠﻪ ﺗﻮﺟﻊ .
ﻛﺰﻛﺰ ﻋﻠﻴﻬﺎ ﻭﻫﻲ ﺑﺤﻈﻨﻪ ﻭﺷﺎﻭﺭﻫﺎ ﺍﻧﻔﺎﺳﻪ ﺗﻀﺮﺏ ﺍﺫﻧﻬﺎ ﻭﺷﻔﺎﻳﻔﻪ ﺩﻏﺪﻏﻬﺎ .. ﺗﻌﺒﺎﻥ ﺧﻞ ﺍﻧﺎﻡ .
_ ﻫﺰﺕ ﺟﺘﻔﻬﺎ ﻭﻛﺴﺮﺕ ﻋﻴﻨﻬﺎ ﻋﻠﻴﻪ ﺩﺣﻜﺘﻠﻪ ﻣﻦ ﺑﻴﻦ ﺭﻣﺸﻬﺎ .. ﺷﻌﻠﻴﻪ ﻣﺘﻨﺎﻡ .
ﻟﻔﻬﺎ ﻋﻠﻴﻪ ﺑﺴﺮﻋﻪ ﺧﻠﺘﻬﺎ ﺗﺸﻬﻚ ﺩﻧﻚ ﻋﻠﻴﻬﺎ .. ﻛﺪ ﺣﺠﺎﻳﺘﺞ
ﺭﻣﺸﺖ ﺳﺮﻳﻊ ﺟﺎﻥ ﺭﺍﻓﻌﻠﻬﺎ ﺗﻚ ﺣﺎﺟﺐ .. ﻫﺎ ﻣﻌﻠﻴﺞ ﻣﻮ .
ﻣﻨﻄﺎﻫﺎ ﻣﺠﺎﻝ ﻟﺜﻢ ﺷﻔﺘﻬﺎ ﺑﺴﺮﻋﻪ ﺩﻓﻌﺘﻪ ﻣﻌﺘﺮﺿﻪ
ﺑﺲ ﻭﻳﻦ ﺑﻌﺪ ﻓﺼﻞ ﺷﻤﺮﻫﺎ ﻋﺎﻟﻔﺮﺍﺵ ﻭﺻﺎﺭ ﻓﻮﻛﺎﻫﺎ
ﺣﺼﺮﻫﺎ ﺑﻴﻦ ﺭﺟﻠﻴﻪ ﻭﻻﺯﻣﻬﺎ ﻣﻦ ﺍﻳﺪﻳﻬﺎ ﺟﺎﻧﺖ ﻋﻴﻮﻧﻪ ﺗﻠﻤﻊ ﻭﺑﻴﻬﻦ ﻧﻈﺮﻩ
ﺷﻮﻙ ﻭﺍﺿﺤﻪ ﻣﻼﺫ ﻣﺘﺮﻳﺪﻩ ﻳﺘﻘﺮﺑﻠﻬﺎ .. ﺗﻌﺒﺎﻧﻪ ﺭﺟﺎﺀﺍ
ﻋﻮﻓﻨﻲ .
ﻣﺤﺐ ﻧﺒﺮﺗﻬﺎ ﻭﺍﻋﺘﺮﺍﺿﻬﺎ ﻧﺸﻮﺍﻥ ﻓﺨﺎﻣﻪ ﺷﺨﺼﻴﺘﻪ ﻭﻛﺒﺮﻳﺎﺋﻪ ﻣﺘﺨﻠﻲ ﻳﺘﻘﺒﻞ ﻫﻴﺞ ﺗﺼﺮﻓﺎﺕ ﺩﻓﻊ ﺍﻳﺪﻳﻬﺎ
ﻭﻋﺎﻓﻬﺎ ﻭﻃﻠﻊ ﻣﻦ ﺍﻟﻐﺮﻓﻪ ﺭﺍﺡ ﻛﻌﺪ ﺑﺎﻟﺼﺎﻟﻪ ﻓﺘﺢ ﺍﻟﺒﻼﺯﻣﺎ ﻭﻛﺎﻡ ﻳﻜﻠﺐ ﺑﺎﻟﻘﻨﻮﺍﺕ ﻣﺴﻮﻱ ﺭﻭﺣﻪ ﻣﻤﻬﺘﻢ
ﺑﺲ ﺩﺍﺧﻠﻪ ﺟﺎﻥ ﻳﻔﻮﺭ ﻋﻠﻴﻬﺎ ﺟﺎﻥ ﻛﺎﺩﺭ ﻳﺎﺧﺬﻫﺎ ﻏﺼﺐ
ﺑﺲ ﻣﺤﺐ ﻳﺄﺫﻳﻬﺎ ﺑﺎﻉ ﺑﻮﺯﻩ ﻋﻠﻴﻬﺎ ﻣﻦ ﺷﺎﻓﻬﺎ ﻃﻠﻌﺖ ﻟﻠﻤﻄﺒﺦ ﺍﻟﺘﻔﺘﺖ ﻋﻠﻴﻪ ﺧﺰﺭﻫﺎ ﺑﻌﻴﻦ ﺣﺎﺩﻩ ﻭﺭﺟﻊ ﺍﻟﺘﻔﺖ ﻟﻠﺘﻠﻔﺰﻳﻮﻥ .
ﻣﻼﺫ ﺣﺴﺖ ﺑﻨﺪﻡ ﻣﻦ ﺷﺎﻓﺘﻪ ﺯﻋﻞ ﻛﺎﻋﺪ ﻳﻌﺎﻣﻠﻬﺎ ﺑﻜﻞ ﺣﺐ ﻭﺣﻨﻴﺔ ﻭﻫﻲ ﺷﻨﻮ ﺍﻟﺠﺎﻱ ﺗﺴﻮﻱ .
ﺭﻭﺣﻬﺎ ﻣﺎﻋﺖ ﻣﻦ ﺷﺎﻓﺘﻪ ﺧﺰﺭﻫﺎ ﺭﺍﺣﺖ ﺷﺮﺑﺖ ﻣﻲ ﻭﺭﺟﻌﺖ ﻟﻠﻐﺮﻓﻪ ﺩﺧﻠﺖ ﺑﺎﻟﻔﺮﺍﺵ ﻏﻄﺖ ﺭﻭﺣﻬﺎ ﻭﺣﺎﻭﻟﺖ
ﺗﻨﺎﻡ ﺑﺲ ﻣﻜﺪﺭﺕ ﺑﻘﺖ ﺗﺘﻜﻠﺐ ﻣﺘﻌﺮﻑ ﺗﺘﻘﺮﺑﻠﻪ ﻣﺘﻼﻡ
ﺑﻴﻬﺎ ﻋﻼ ﻣﻦ ﺗﺤﺠﻲ ﻋﻠﻴﻬﺎ ﻻﻥ ﻣﺘﻌﺮﻑ ﺗﺘﺼﺮﻑ .. ﺯﻳﻦ ﺷﺎﺳﻮﻱ ﻭﺍﻟﻠﻪ ﺍﺳﺘﺤﻲ ﺍﺭﻭﺡ ﻋﻠﻴﻪ ﻫﺴﺔ ﺷﻴﻜﻮﻝ ﻋﻠﻴﻪ .
ﺑﻘﺖ ﺗﺤﺎﺟﻲ ﻧﻔﺴﻬﺎ ﻟﺤﺪ ﻣﺎ ﻏﻔﺖ ﻭﻧﺎﻣﺖ .
ﻧﺸﻮﺍﻥ ﺍﺗﺼﻞ ﻋﻠﻰ ﺍﻣﻪ ﻭﺣﺠﻰ ﻭﻳﺎﻫﺎ ﺑﻜﻞ ﻫﺪﻭﺀ ﻓﻬﻤﻬﺎ
ﺍﻟﺴﺎﻟﻔﺔ ﻛﻠﻬﺎ ﺣﺘﻰ ﺯﻭﺍﺟﻪ ﺍﻟﺘﻤﻤﻪ ﺍﻟﺒﺎﺭﺣﻪ .
ﻏﻠﻂ ﻣﻦ ﻛﻠﻤﻬﺎ ﺑﺎﻟﻤﻮﺑﺎﻳﻞ ﻛﺎﻥ ﻻﺯﻡ ﻳﺸﻮﻓﻬﺎ ﻭﻳﺤﺠﻴﻠﻬﺎ
ﺑﻌﺪﻳﻦ ﺗﻨﺪﻡ ﻻﻥ ﺗﺴﺮﻉ ﻣﻦ ﺳﻤﻌﻬﺎ ﺷﻬﻜﺖ ﻭﺑﻌﺪﻳﻦ ﺻﺎﺭﺕ ﻋﺼﺒﻴﺔ ﻭﻫﺪﺩﺗﻪ ﺑﻨﺒﺮﺓ ﻷﻭﻝ ﻣﺮﺓ ﻣﻦ ﻛﺒﺮ ﻟﻼﻥ ﻳﻼ ﺳﻤﻌﻬﺎ .. ﺷﻮﻑ ﻭﻟﻚ ﺑﺎﺟﺮ ﺍﻧﺖ ﻳﻤﻲ ﻻ ﻭﺍﻟﻘﺮﺍﻥ
ﺍﻃﻠﻊ ﺍﺟﻨﻮﻧﻲ ﻛﻠﻬﻦ ﻋﻠﻴﻚ ﻭﻟﻠﻚ ﻧﺸﻮﺍﻥ ﻻ ﺗﻜﻮﻝ ﻛﺒﺮﺕ
ﻭﻣﺎﻟﻲ ﺳﻠﻄﻪ ﻋﻠﻴﻚ ﺍﻧﻲ ﺍﻣﻚ ﺍﻓﺘﻬﻤﻤﻤﻤﻤﺖ ﻗﻄﻌﺖ ﺍﻻﺗﺼﺎﻝ ﺑﻮﺟﻬﻪ .
ﺷﻤﺮ ﺍﻟﻤﻮﺑﺎﻳﻞ ﻭﻓﺮﻙ ﻭﺟﻬﻪ ﺑﻴﺪﻳﻦ ﺍﺛﻨﻴﻦ ﻭﺣﻂ ﺭﺍﺳﻪ ﺑﻴﻦ ﺍﻳﺪﻱ ﺑﻘﻰ ﻣﺪﻧﻚ ﻻﺯﻡ ﺑﺎﺟﺮ ﻳﻄﻠﻊ ﻟﺒﻌﻘﻮﺑﺔ ﻳﺪﺭﻱ ﺑﺄﻣﻪ ﺍﻟﻠﻴﻞ ﻣﺮﺍﺡ ﺗﻨﺎﻣﻪ .
ﺑﺲ ﺑﻨﻈﺮﻩ ﺍﻟﺴﻮﺍﻩ ﺻﺢ ﻻﺯﻡ ﻳﺤﻂ ﺍﻟﻨﻘﻂ ﻋﺎﻟﺤﺮﻭﻑ .
ﺩﺧﻞ ﻭﺭﻯ ﻓﺘﺮﺓ ﻳﻨﺎﻡ ﺷﺎﻓﻬﺎ ﻧﺎﻳﻤﻪ ﺟﺮ ﺍﻟﻐﻄﺎ ﻭﺧﻼ ﺭﺍﺳﻪ ﻋﺎﻟﻤﺨﺪﻩ ﺗﻐﻄﻰ ﻭﺣﺎﻭﻝ ﻳﻨﺎﻡ ﺣﺲ ﻋﻠﻴﻬﺎ ﺗﺘﺤﺮﻙ
ﻳﻌﻨﻲ ﺗﻤﺜﻞ ﻧﺎﻳﻤﻪ ﺣﺠﻰ ﺑﺜﻜﻞ .. ﺣﻀﺮﻱ ﺭﻭﺣﺞ ﺑﺎﺟﺮ ﺍﻟﺼﺒﺢ ﻃﺎﻟﻌﻴﻦ ﻟﺪﻳﺎﻟﻰ .
ﻓﻜﺖ ﻋﻴﻨﻬﺎ ﻣﺘﻔﺎﺟﺌﺔ ﻭﻣﺴﺘﻐﺮﺑﺔ ﺷﻮ ﻫﺴﺔ ﻳﻼ ﺣﺠﻰ
ﻣﺮﺩﺕ ﻋﻠﻴﻪ ﻭﻫﻮ ﻫﻢ ﻣﺎ ﺍﻫﺘﻢ ﺟﺎﻥ ﺣﻴﻞ ﺿﺎﻳﺞ .
.......
ﺍﻡ ﻧﺸﻮﺍﻥ ﺗﻔﺘﺮ ﺑﺎﻟﺒﻴﺖ ﺍﻟﻨﻮﻡ ﻃﺎﺭ ﻣﻦ ﻋﻴﻨﻬﺎ ﺗﻔﻜﺮ ﺑﺴﺎﻟﻔﺔ ﻧﺸﻮﺍﻥ ﻣﺴﺤﺖ ﻋﻠﻰ ﺭﺍﺳﻬﺎ ﺑﻴﺪﻳﻬﺎ ..
ﺷﻠﻮﻥ ﺑﻬﺎﻟﻮﻟﺪ ﺷﻜﻮﻝ ﺷﺤﺠﻲ ﻭﺍﻧﻲ ﺍﻛﻮﻝ ﺳﺎﻛﺖ ﺍﺛﺎﺭﻱ ﺿﺎﻣﻠﻲ ﻗﻨﺒﻠﻪ ﺭﺍﺣﺖ ﻛﻌﺪﺕ ﻋﺎﻟﻘﻨﻔﻪ ﺑﺎﻟﻬﻮﻝ ﻭﺍﺩﺭﺩﻡ ﻃﻴﺐ ﺑﺲ ﺧﻞ ﺍﺷﻮﻓﻚ ﻭﺍﺷﻮﻑ ﺷﻠﻮﻥ
ﻫﻴﺞ ﺍﺻﺮﻓﺖ ﻻ ﻭﻳﻜﻠﻲ ﺟﺎﻧﺖ ﻣﺰﻭﺟﻪ ﻳﺒﻮ ﻳﺒﻮﻭﻭ
ﻋﻠﻰ ﺣﻈﻲ ﻫﺎﻟﻮ ﺭﺍﺡ ﻳﻤﻮﺗﻨﻲ ﻭﺍﻧﻲ ﺍﻟﺮﺍﻓﻌﻪ ﺭﺍﺳﻲ ﺑﻲ
ﻭﺍﺗﻔﻴﻚ ﻋﺎﻟﻨﺎﺱ ﻳﺠﻴﺒﻠﻲ ﻭﺣﺪﺓ ﺟﺎﻧﺖ ﻣﺘﺰﻭﺟﻪ ﻭﻻ ﻗﺒﻞ ﻓﺘﺮﺓ ﻳﻘﺸﻤﺮﻧﻲ ﻳﻜﻠﻲ ﺍﺧﻄﺒﻬﺎ ﺍﺍﺍﺍﺥ ﺍﺍﺍﺥ ﻳﺎﻧﺎﺭ ﻛﻠﺒﻲ ﺍﺍﺍﺥ .
ﻟﻠﻔﺠﺮ ﺻﻠﺖ ﻭﺭﺍﺣﺖ ﻣﺪﺩﺕ ﺑﻔﺮﺍﺷﻬﺎ ﻧﺎﻣﺖ ﻗﺮﺭﺕ ﻣﺘﺤﺠﻲ ﺳﺎﻟﻔﺘﻪ ﺍﻻ ﻳﺠﻲ ﻭﺗﻔﺘﻬﻢ ﻣﻨﻪ .
........
ﺍﻟﺼﺒﺢ ﻛﻌﺪﺕ ﻣﻼﺫ ﺳﺒﺤﺖ ﻭﺻﻠﺖ ﻭﺭﺍﺣﺖ ﺣﻀﺮﺕ ﺍﻟﺮﻳﻮﻙ ﺷﻮﻱ ﻭﺩﺧﻞ ﻧﺸﻮﺍﻥ ﻟﻠﻤﻄﺒﺦ ﻣﺒﺪﻝ ﻻﺑﺲ ﺑﺪﻟﺔ ﻋﺴﻜﺮﻳﺔ ﻃﺎﻟﻊ ﺩﻣﺎﺍﺍﺭ ﻫﻴﺒﺔ ﻭﻓﺨﺎﻣﺔ ﺟﺎﻥ ﺷﺎﻳﻞ ﺳﻼﺣﻪ ﺑﻴﺪﻩ ﻛﻌﺪ ﻭﺣﻂ ﻣﺴﺪﺳﻪ ﻋﺎﻟﻤﻴﺰ ﺑﻘﺖ ﺻﺎﻓﻨﻪ ﻋﻠﻴﻪ
ﺑﺪﻭﻥ ﻣﺘﺤﺲ ﻋﻠﻰ ﺭﻭﺣﻬﺎ ﻧﺸﻮﺍﻥ ﻛﺢ ﻣﻦ ﺷﺎﻓﻬﺎ ﻣﻔﻬﻴﺔ ﺑﺲ ﺟﺎﻥ ﻋﺎﻛﺪ ﺍﻟﺤﺎﺟﺐ ﻛﻌﺪ ﻳﺘﺮﻳﻚ ﺑﻌﺪﻫﺎ
ﺷﺎﻝ ﺳﻼﺣﻪ ﻭﺧﻼﻩ ﺑﺠﺮﺍﺑﻪ ﺍﻟﻤﻌﻠﻚ ﺑﺠﺘﻔﻪ .
ﻃﻠﻊ ﻭﻋﻴﻨﻬﺎ ﻋﻠﻴﻪ ﺑﺪﺍﺧﻠﻬﺎ ﺍﻧﻘﻬﺮﺕ ﻻﻥ ﻣﻌﺒﺮﻫﺎ ﻣﺒﻴﻦ
ﻻﺑﺴﻬﺎ ﻭﻻ ﺍﻫﺘﻤﻠﻬﺎ ﻃﻠﻌﺖ ﻭﺭﺍﻩ ﻟﻠﺼﺎﻟﻪ ﻭﻣﻜﺪﺭﺕ ﺍﻻ ﺗﺴﺄﻟﻪ .. ﻣﻮ ﻋﻠﻰ ﺍﺳﺎﺱ ﻧﺮﻭﺡ ﻟﺪﻳﺎﻟﻰ .
ﺍﻟﺘﻔﺖ ﻋﻠﻴﻬﺎ ﻭﺗﻘﺪﻡ ﻣﻨﻬﺎ ﺟﺎﻧﺖ ﻭﺍﻛﻔﻪ ﻣﺮﺗﺠﻴﻪ ﻋﻠﻰ ﺑﺎﺏ ﺍﻟﻤﻄﺒﺦ ﻭﺍﻛﻔﻪ ﺑﻬﺪﻭﺀ ﺣﺎﺿﻨﻪ ﺟﺴﻤﻬﺎ ﺑﺎﻳﺪﻳﻬﺎ
ﺧﺰﺭﻫﺎ .. ﻳﻤﻪ ﻭﺍﻟﻠﻪ ﺧﺰﺭﺗﻪ ﺗﺨﻮﻑ .
_ ﻋﻠﻰ ﺍﺳﺎﺱ ﻣﻬﺘﻤﻪ ﺣﻀﺮﺗﺞ ... ﻃﺎﻟﻊ ﻟﻠﺪﻭﺍﻡ ﺑﻌﺪﻳﻦ
ﻭﺣﺪﻱ ﺍﺣﺘﻤﺎﻝ ﺍﺑﻘﻰ ﺟﻢ ﻳﻮﻡ ﻣﻮ ﺍﻛﻴﺪ ﺍﻧﺘﻲ ﺭﻭﺣﻲ ﻟﺒﻴﺖ ﺍﺧﻮﺝ ﻻﺗﺒﻘﻴﻦ ﺑﺎﻟﺸﻘﻪ ﻣﻔﻬﻮﻡ .
ﺑﻘﺖ ﺻﺎﻓﻨﻪ ﻣﺘﺪﺭﻱ ﺷﺘﺮﺩ ﻋﻠﻴﻪ ﺯﻣﺦ ﺑﻴﻬﺎ .. ﻣﻔﻬﻮﻭﻭﻡ .
ﻛﻤﺰﺕ ﺑﻤﻜﺎﻧﻬﺎ .. ﺍﻱ ﺍﻱ
ﻃﻠﻊ ﻭﺭﻛﻊ ﺑﺎﺏ ﺍﻟﺸﻘﻪ ﺑﻘﻮﺓ ﺧﻠﺘﻬﺎ ﺗﺨﺘﺮﻉ ﻣﻨﻪ .
ﻧﺸﻮﺍﻥ ﻣﻘﺒﻞ ﻳﺎﺧﺬﻫﺎ ﻻﻥ ﻳﺪﺭﻱ ﺑﺄﻣﻪ ﻫﺴﺔ ﻋﺼﺒﻴﺔ ﻭﺧﺎﻑ ﻻﺗﺴﻤﻌﻬﺎ ﺣﺠﻲ ﻭﻫﺎﻱ ﺍﻟﻌﻨﺪﻩ ﻣﺎﺷﺎﺀ ﺍﻟﻠﻪ ﺍﻟﻌﻨﺎﺩ ﻧﺎﻛﻊ ﺑﺮﺍﺳﻬﺎ ﺧﻞ ﻳﺤﻠﻬﺎ ﻭﻳﻪ ﺍﻣﻪ ﻭﺍﻟﺒﺎﻗﻲ ﺳﻬﻞ .
ﻣﺮ ﻟﻠﻤﻘﺮ ﻭﺳﺄﻝ ﻋﻠﻰ ﻣﺎﻫﺮ ﺟﺎﻥ ﻣﺠﺎﺯ ﺳﻮﺍ ﺟﻢ ﺷﻐﻠﻪ
ﺑﺎﻟﻤﻜﺘﺐ ﻭﻃﻠﻊ ﺑﻌﺪﻫﺎ ﺍﺧﺬ ﺍﺟﺎﺯﺓ ﺍﻟﻌﻘﻴﺪ ﺳﻤﺤﻠﻪ ﺑﻴﻬﺎ .
ﺑﺎﻟﺒﻴﺖ ﺍﻭﻝ ﻣﺎﺩﺧﻞ ﺳﻠﻢ ﻋﻠﻰ ﺍﻣﻪ ﺟﺎﻧﺖ ﻣﺎﺧﺬﻩ ﻋﻠﻰ ﺧﺎﻃﺮﻫﺎ ﻛﻮﺓ ﻗﺒﻠﺖ ﻳﺒﻮﺳﻬﺎ ﺣﻈﻨﻬﺎ ﺣﻴﻞ ﻭﺑﻘﻰ ﻳﻔﺮ ﺑﻴﻬﺎ
. ﻫﻤﺎﻡ ﺟﺎﻥ ﻣﻮﺟﻮﺩ ﻣﺮﺍﻳﺢ ﻟﻠﺪﻭﺍﻡ ﻻﻥ ﺍﻣﻪ ﺧﺒﺮﺗﻪ ﻳﺒﻘﻰ ﻋﺪﻫﻢ ﺣﺠﻲ ﻭﻳﻪ ﻧﺸﻮﺍﻥ .. ﺯﻭﺟﺘﻪ ﻃﻠﻌﺖ ﻭﺣﺪﻫﺎ ﻟﻠﺪﻭﺍﻡ ﻭﻫﺬﺍ ﺍﻟﺸﻲ ﺭﻳﺢ ﺍﻡ ﻧﺸﻮﺍﻥ ﺣﺘﻰ ﺗﺎﺧﺬ ﺭﺍﺣﺘﻬﺎ ﺑﺎﻟﺤﺠﻲ .
ﺭﺍﺣﺖ ﻛﻌﺪﺕ ﺑﺎﻟﻬﻮﻝ ﻟﺤﻜﻮﻫﺎ ﺍﺛﻨﺒﻨﻬﻢ ﻣﻦ ﺷﺎﻓﺘﻪ ﺣﺠﺖ .. ﺍﺭﺗﺎﺣﻴﺖ ﺑﺰﻭﺍﺟﻚ ﻳﻌﻨﻲ ﺳﻮﻳﺘﻬﺎ ﻭﺍﺗﺰﻭﺟﺖ
ﺍﻧﺖ ﺷﻠﻮﻥ ﻫﻴﺞ ﺍﺟﺎﺯﻑ ﻻ ﻭﺍﻧﻮ ﺍﻟﻤﺮﻩ ﻣﻄﻠﻜﻪ ﻟﻴﺶ ﺍﻧﺖ ﺷﻨﺎﻗﺼﻚ ﻫﻴﺒﺔ ﻭﻣﺎﻝ ﻭﺟﺎﻩ .
ﺭﺩﻟﻬﺎ ﻫﻤﺎﻡ .. ﻳﻤﻪ ﺻﺪﻙ ﺗﺤﺠﻴﻦ ﺷﺒﻴﻬﺎ ﻭﺍﺫﺍ ﻣﻄﻠﻜﺔ .
_ ﻟﻚ ﻣﺎﻣﺎ ﺍﻧﻲ ﻣﻤﻌﺘﺮﺿﻪ ﻟﻴﺶ ﺍﻃﻠﻜﺖ ﻫﺬﺍ ﻧﺼﻴﺒﻬﺎ
ﺭﺑﻚ ﻫﻴﺞ ﻣﻘﺪﺭﻟﻬﺎ ﺑﺲ ﺍﻧﺖ ﺷﻌﻠﻴﻚ ﻟﻴﺶ ﺗﺮﺑﻄﻬﺎ ﺑﺤﻴﺎﺗﻚ .
_ ﻳﻤﻤﻤﻤﻪ ﻳﻌﻨﻲ ﺍﻻ ﺍﻛﻠﺠﻴﺎﻫﺎ ﺍﻟﺒﻨﻴﺔ ﺟﺎﻥ ﻃﻠﻴﻘﻬﺎ ﻣﻤﺎﺧﺬﻫﺎ ﻭﻻ ﻣﺘﻘﺮﺑﻠﻬﺎ .
ﺍﻟﺘﻔﺘﺖ ﺳﺮﻳﻊ ﻭﺭﻓﻌﺖ ﺣﻮﺍﺟﺒﻬﺎ .. ﺍﺣﻠﻒ
_ ﻳﻤﻪ ﻭﺍﻟﻠﻪ ﺍﻟﺠﺎﻱ ﺍﺣﺠﻲ ﺍﻟﺼﺤﻴﺢ ﺍﻧﻲ ﺭﺩﺕ ﺍﺿﻢ ﻋﻠﻴﺞ ﺳﺎﻟﻔﻪ ﺯﻭﺍﺟﻬﺎ ﺑﺲ ﻫﻲ ﺍﻻﺻﺮﺕ ﺗﻌﺮﻓﻴﻦ ﺗﻜﻮﻝ ﻣﺎﺭﻳﺪ ﺍﺑﻨﻲ ﺣﻴﺎﺗﻲ ﻋﻠﻰ ﺟﺬﺑﻪ .
_ ﺍﺳﻤﻊ ﺍﺟﻴﺒﻬﺎﺍ ﺍﻧﻮﺏ ﻭﻳﺎﻙ ﻭﺭﺍﺡ ﺍﻛﻮﻝ ﻧﺸﻮﺍﻥ ﺧﻄﺐ
ﻭﻋﺮﺳﻚ ﺧﻞ ﻫﻤﺎﻡ ﻳﺤﺠﺰﻟﻚ ﺑﺎﻟﻘﺎﻋﻪ ﻭﻳﺮﺗﺐ ﺑﺎﻗﻲ ﺍﻻﻣﻮﺭ ﻭﻳﺮﺍﺩ ﺍﻟﻐﺮﻓﻪ ﻻﺯﻡ ﺗﻄﻠﻊ ﺗﺸﺘﺮﻱ ﻭﺣﺪﻩ ﺷﻮﻑ
ﺍﻟﺠﻴﺎﻝ ﻋﻨﺪﻩ ﺧﻮﺵ ﺍﺛﺎﺙ ﺍﻟﻐﺮﻓﻪ ﺻﺒﻐﻬﺎ ﺣﻠﻮ ﻣﺼﺎﺭﻟﻬﺎ ﺳﻨﻪ ﻣﻦ ﺟﺪﺩﻧﻪ ﺻﺒﻐﻬﺎ .
ﻫﻤﺎﻡ ﺑﻘﻰ ﻓﺎﺗﺢ ﺣﻠﻜﻪ ﻋﻠﻰ ﺍﻣﻪ ﻭﻧﺸﻮﺍﻥ ﻣﺒﺘﺴﻤﻠﻬﺎ
ﻳﺪﺭﻱ ﺑﻴﻬﺎ ﺟﺎﻱ ﺗﻜﺎﺑﺮ ﺗﺮﻳﺪ ﻋﺮﺳﻪ ﺿﺨﻢ
_ ﺑﻤﻪ ﺭﺣﻤﻪ ﻷﻫﻠﺞ ﺗﻮﺝ ﻣﻌﺼﺒﻪ ﻋﻠﻰ ﻧﺸﻮﺍﻥ ﺷﺒﺴﺮﻋﻪ
ﻏﻴﺮﺗﻲ ﺭﺃﻳﺞ .
_ ﻭﺍﻟﻠﻪ ﺑﻌﺪﻧﻲ ﻣﻤﻘﺘﻨﻌﻪ ﺑﺲ ﺷﺴﻮﻱ ﺍﻟﻨﺎﺱ ﺍﻟﻬﺎ ﺍﻟﻈﺎﻫﺮ
ﻭﺍﻟﺒﻴﻮﺕ ﺍﺳﺮﺍﺭ ﻭﺍﻧﺖ ﻻﺗﺤﺠﻲ ﻟﻤﺮﺗﻚ ﺧﻞ ﻧﺸﻮﻑ
ﻟﻮﻳﻦ ﺗﻮﺻﻞ ﻭﻳﻪ ﻧﺸﻮﺍﻥ .
ﻣﺎﺟﺪﻩ ﺑﺪﺍﺧﻠﻬﺎ ﻓﺮﺣﺖ ﻻﻥ ﺍﺑﻨﻬﺎ ﺍﺗﺰﻭﺝ ﺑﻨﺖ ﺑﻴﻮﺕ
ﻫﻮ ﺍﻭﻝ ﻭﺍﺣﺪ ﺑﺤﻴﺎﺗﻬﺎ ﻭﻫﻲ ﺍﻟﺒﺎﺩﺭﺕ ﺑﺎﻟﺒﺪﺍﻳﺔ ﺗﺮﻳﺪ ﺗﺤﺠﻲ ﺍﻟﺼﺤﻴﺢ ﻣﺘﺮﻳﺪ ﺗﻜﺬﺏ ﻋﻠﻴﻬﻢ ﻫﺬﺍ ﺍﻟﺸﻲ ﺧﻼﻫﺎ ﺗﻌﻴﺪ ﺗﻔﻜﻴﺮﻫﺎ ﺑﺎﻟﺒﻨﻴﻪ ﺍﻣﺎ ﻣﻮﻗﻔﻬﺎ ﻫﻲ ﻣﺘﻌﺮﻑ ﻋﻨﻬﺎ
ﺷﻲ ﻣﺠﺮﺩ ﺷﺎﻓﺘﻬﺎ ﺻﺪﻓﻪ ﺑﺎﻟﻤﺴﺘﺸﻔﻰ ﺧﻞ ﻳﺠﻴﺒﻬﺎ
ﺗﺘﻌﺮﻑ ﻋﻠﻴﻬﺎ ﻭﺍﻟﻠﻪ ﻛﺮﻳﻢ .
ﻟﻠﻴﻞ ﺍﻏﻠﺐ ﺍﻗﺮﺑﺎﺋﻬﻢ ﻋﺮﻓﻮﺍ ﺑﻨﺸﻮﺍﻥ ﺭﺍﺡ ﻳﺘﺰﻭﺝ ﻻﻥ ﺧﺎﺑﺮﺕ ﺍﺧﺘﻬﺎ ﺍﻡ ﺭﺣﺎﺏ ﻭﻣﺎﺷﺎﺀ ﺍﻟﻠﻪ ﻣﺎﻗﺼﺮﺕ ﺑﺎﻟﻤﺨﺎﺑﺮﺍﺕ ﺭﻏﻢ ﺟﺎﻧﺖ ﻣﻀﺎﻳﻘﺔ ﺟﺎﻧﺖ ﺗﺘﻤﻨﻰ ﻧﺸﻮﺍﻥ
ﻳﻘﺒﻞ ﺑﺮﺣﺎﺏ .
......
ﻣﻼﺫ ﻣﺪﺩﺓ ﺑﺎﻟﻔﺮﺍﺵ ﺍﺑﻴﺖ ﻃﻼﻝ ﻭﺑﺎﻟﻬﺎ ﻳﻢ ﻧﺸﻮﺍﻥ ﺣﺠﺖ ﻭﻳﻪ ﺛﺮﻳﺎ ﻛﻮﻟﺸﻲ ﻭﻓﺮﺣﺘﻠﻬﺎ ﻭﺑﻘﺖ ﺗﻨﻄﻴﻬﺎ ﻧﺼﺎﺋﺢ ﻛﻞ ﺷﻮﻱ ﺍﺩﺣﻚ ﺑﺸﺎﺷﺔ ﺍﻟﻤﻮﺑﺎﻳﻞ ﺗﺮﻳﺪ ﻳﺘﺼﻞ ﻳﻄﻤﻦ ﻋﻠﻴﻬﺎ ﻣﺜﻞ ﺫﻳﺞ ﺭﻭﺣﺘﻪ ﺑﺲ ﻣﺎﻛﻮ .. ﻣﺘﺪﺭﻱ ﺗﺤﺲ ﺑﻀﻴﻖ ﺗﺤﺲ ﺭﻭﺣﻬﺎ ﺿﺎﻳﻌﻪ ﻟﻴﺶ ﻣﻦ ﻣﻮﺟﻮﺩ ﻳﻤﻬﺎ ﻣﺘﺤﺲ ﺑﻬﺬﺍ ﺍﻟﺸﻲ ﻭﺍﻟﻠﻪ ﺣﺠﻲ ﺛﺮﻳﺎ ﺻﺤﻴﺢ ﺍﻧﻲ ﻣﺸﺘﺎﻛﺘﻠﻪ ﺑﺲ ﺍﻋﺎﻧﺪ ﺭﻭﺣﻲ ﺍﻱ ﻭﺍﻟﻠﻪ .
ﺯﻳﻦ ﻟﻴﺶ ﻣﺘﺘﺼﻞ ﻳﺮﺑﻲ ﻟﻮ ﺑﺲ ﻳﺘﺼﻞ ﻣﺎﺭﻳﺪ ﺍﻧﻲ ﺍﺗﺼﻞ .
ﺯﻳﻦ ﺷﺴﻮﻱ ﻫﺴﺔ ﻃﺨﺖ ﺑﺮﺍﺳﻬﺎ ﻓﻜﺮﺓ ﻭﺍﺑﺘﺴﻤﺖ
ﺍﺧﺬﺕ ﺍﻟﻤﻮﺑﺎﻳﻞ ﻭﺩﺧﻠﺖ ﻟﺼﻔﺤﺘﻪ ﺟﺎﻥ ﻧﺸﻂ ﻛﻠﺒﺖ
ﺑﺎﻟﻔﻴﺲ ﺷﺎﻓﺘﻪ ﻣﻨﺰﻝ ﻣﻨﺸﻮﺭ ﻭﺟﻤﺎﻋﺘﻪ ﻣﻌﻠﻘﻴﻠﻪ ﺩﻭﺭﺕ
ﺷﺎﻓﺖ ﻣﺎﻛﻮ ﺑﻨﺎﺕ ﺑﺲ ﺷﺒﺎﺏ ﺍﻧﻄﺖ ﺍﻋﺠﺎﺏ ﻟﻤﻨﺸﻮﺭ
ﻭﺍﻧﺘﻈﺮﺕ ﻓﺎﺗﺖ ﺳﺎﻋﻪ ﻭﻣﺎﻛﻮ ﺷﻲ ﻣﻠﺖ ﺷﻤﺮﺕ ﺍﻟﻤﻮﺑﺎﻳﻞ ﻭﺟﺎﻥ ﻳﺠﻴﻬﺎ ﺍﺷﻌﺎﺭ ﻛﻠﺒﻬﺎ ﻓﺰ ﻓﺘﺤﺘﻪ ﻋﺎﻟﺴﺮﻳﻊ
ﺩﺍﺧﻠﻠﻬﺎ ﺧﺎﺹ .. ﺷﻌﻨﺪﺝ ﺗﺘﺤﺮﺷﻴﻦ ﻋﺒﺎﻟﺞ ﻣﺎﻋﺮﻓﺘﺞ
.. ﻳﻤﻤﻤﻤﻪ ﻛﻠﺒﻬﺎ ﻛﺎﻡ ﻳﻀﺦ ﺩﻡ ﻗﻮﻱ ﻭﺍﻳﺪﻳﻬﺎ ﺭﻋﺸﺖ
ﻣﺘﻊ ﻑ ﺷﺘﺮﺩ ﻋﻠﻴﻪ ﺍﺧﺮ ﺷﻲ ﻛﺘﺒﺖ .. ﺷﻠﻮﻧﻚ
ﻭﻳﻦ ﻳﻼ ﺟﺎﻭﺑﻬﺎ ﺧﻼﻫﺎ ﻋﻠﻰ ﺍﻋﺼﺎﺑﻬﺎ .. ﻳﺎﺭﺑﻲ ﺷﻨﻮ ﻫﺎﻟﺜﻜﻞ ﺷﺪﻋﻮﻩ .
_ ﺗﻤﺎﻡ .
ﻛﺘﺒﻠﻬﺎ
_ ﺑﻌﺪ ﻻﺩﺧﻠﻴﻦ ﺻﻔﺤﺘﻲ ﻭﺗﻌﻠﻘﻴﻦ ﻛﻠﻬﺎ ﺿﺒﺎﻁ ﻭﻣﻌﺎﺭﻑ ﻭﺍﺻﺪﻗﺎﺋﻲ ﻟﻴﺶ ﻻﻳﺒﺔ ﺭﻭﺣﺞ ﻋﻨﺪﺝ ﺷﻲ ﺍﺗﺼﻠﻲ ﻣﺒﺎﺷﺮﺓ .
ﻣﻼﺫ ﺣﺴﺖ ﺭﻭﺣﻬﺎ ﻋﺮﻛﺖ ﻣﻦ ﺍﻟﺨﺠﻞ ﻭﺍﻟﻠﻪ ﻭﻻ ﻳﺴﺘﺤﻲ ﻳﻨﻄﻴﻬﺎ ﺑﺎﻟﻜﺼﺔ ﻋﺎﺑﺖ ﻣﻴﻜﻮﻝ ﺑﻨﻴﺔ ﻣﺸﺎﻋﺮﻫﺎ
ﺭﻗﻴﻘﺔ ﺗﻨﺠﺮﺡ .
ﻛﺘﺒﺘﻠﻪ .. ﻣﺸﻜﻮﺭ ﻣﺮﺍﺡ ﺍﺗﺼﻞ ﺑﺎﻱ .
ﻣﺎ ﺍﻧﺘﻈﺮﺕ ﺷﻴﺮﺩﻟﻬﺎ ﺧﻞ ﺗﺘﺸﻔﻰ ﺑﻲ ﻭﺗﺤﺮﻙ ﺍﻋﺼﺎﺑﻪ
ﻣﺜﻞ ﻣﺎ ﺧﻼﻫﺎ ﻻﻳﺒﺔ ﺑﺲ ﺗﺮﻳﺪ ﺗﻌﺮﻑ ﺍﺧﺒﺎﺭﻩ .
ﻣﺘﺪﺭﻱ ﺑﻨﺸﻮﺍﻥ ﺻﺎﺭ ﻧﺎﺭ ﻻﻥ ﻳﻌﺘﺒﺮ ﻫﺬﺍ ﺗﺠﺎﻫﻞ ﻣﻦ ﻋﺪﻫﺎ ﺭﺍﺡ ﻳﻌﻠﻤﻬﺎ ﻋﻠﻴﻪ ﻭﻳﻌﻠﻤﻬﺎ ﺷﻠﻮﻥ ﺗﺤﺘﺮﻣﻪ .
******
