رواية دخيله الشيخ زين العابدين الفصل الثامن عشر بقلم أوتار حزينه
زين العابدين
مثل ماراد ابويه سويت كمنا نطلع دوريات نفتر
حوالين الديره حتى نأمن مايصير شي
واحنا غافلين
سريت بليله انا ووربعي
اسمع سامري وناسي نفسي مع الكلمات
يابعد حي والاجدادي ارحم الي صابتو عله
وان ذبحني يااعرب عادي من يحاسب
ياعرب خله
ذبيت حسره
ولهان يااشيخ
فزاع تكلم مبتسم
لااا ليش تسأل ياخي
مدري احسك هيج
احساسك غلط يبن العم
هههه مااظن من صفنتك هاي
ابتسمت ورديت
حدر بينا وصلنا حد الوادي
راد يعگب صفن للبعيد وتكلم
يااشيخ ذاك فارس شعندو بهل الليل طالع
ركزت بنظري دحكت للبعيد حجيت
گرب علي خلي نشوف وش كاعد يعمل هينه
وحدو
گرب المسافه قصرت عكدت حواجبي
من عرفتها وكفنا كلنا وهي
مسافه عنا فزاع نزل وصاح بها
🌿🌿🌿🌿
هيله
عرفتهم ذوله تبع شيخ شعلان من سياراتهم
واحد حدر من سياره صاح بيه
شعندج طالعه بهل الليل
ماجاوبت سريت بمهرة وكف جدامي وسد
الدرب رد سال بغضب وبلهجه امر
ااسالج ردي شطلعج بهل الظلام ووحدج
مهره توترت من الاضويه ولمتهم حوالينا
ضربت برجلها بالارض سريت ماخلاني صحت
به
مااخصك يبن الناس بطلعتي ووين اسري
نتر بي
اسالج يبنت وش طلعج هساع والوضع
ماهو بخير
تگرب كلش رفعت مهرة ليفوك عگب ليوره
صوت صاح
عگب يافزاع انت والوياك
عكدت حواجبي من عرفتو برق الشر دحكت
الو نزل ملثم ومتحزم بالسلاح
گرب عليه عيونو بعيوني
سال
وش جابج هينه يبنت العم
مارديت واحد صاح
جااوبي الشيخ
اشر الو بايدو سكت وخر اللثام من وجهو عاكد
الحواجب تكلم
الوضع ماهو بخير يابنت عمي ومايجوز
تطلعين وحدج بالبريه ان جان ماخفتي من الكاعد
يصير خافي من الهوام الي تلفي
بها من يحل الظلام
يازين انت تعرفين مااهاب شي وتعرف
انا من وشاكدر اسوي
سكت تگرب صار يم رگبه مهرة
صفن بعيوني ورد بهمس
لااا تهابين يااهيله وتخافين بعد
عرفتو وش يقصد من وكفت اتوسل به
ماياذي شهم مارديت هو كمل
عگبي يابنت العم وبعد لاتطلعين بهل
الليل اخافن يلفاج بله من الكاعد
يصير
البله جدام عيوني الله يجفينا شروو
جاوبتو بغضب ملامح وجهو تغيرت وانطعنت
مارد نغزت مهرة اريد اسري بها بلحظه شد
اللجامه بقوه ومن گوته نزلها للگاع
على رگبها
حدرت بسرعه منها صحت به
هدها يااااالهامل
اااحترمي روحج ولج هذا الشيخ زين
العابدين ولد الشيخ شعلان
واحد انهد بيه مادرت بال عيوني
بعيونو هدها والغضب تارس ملامحو وغادي
احمر رديت بحقد
شيخكم انتم ماهو بشيخي
جريت لجام مهره عتو من ايدي خزرني
وخزرتو تكلم بصوت مخنوك
يجي يوم ياهيله واكسرو لخشمج هذا
الشايلتو عليه
ابتسمت اشرت باصبعي على خشمي
وجاوبتو من نفضتو بوجهو
بعيد عن خشمك يااا
سكتت وكملت بهداوه
ياااشيخ
رفع حواجبو من شاف حركتي رد ليورة وابتسم
عتيت لجام مهرة هدها صعدت عليها
بسرعه الحجه وياي اول مرة
سالو
من هذه ياشيخ
ابتسم صفن عليه رد
هذا هيله بنت العرب
زين العابدين
سرت من يمنا والكل يدحك لها واحد سال
وش عدها بهل الساعه
عرفت قصدو خزرتو انهديت به
هذه هيله بنت مله حميد اخو الشيخ الماجبتو
جدتي
الكل عرفو فزاع تكلم
والنعم منو رجال نشمي ومن اهل الله
وبناتو ينشهد لهن بالتربيه والاخلاق
ولكم هاي رابعه العدويه تقري خواتي
قران بالجامع
ابتسمت من عوض حجاها باعجاب
فزاع تقدم دحك لها وكال
هذه حرمه والعدنا حريم
ظليت ادحك لها تسري بمهره
تقدم جدامي يدحك لها ومانزل عيونو منها
تكلمت بضوجه
عگب وش بك لافاك بله الصفنه
ههه يله يبو صاابر ااسري
عوض تكلم بضحك فزاع ابتسم وتكلم
معي
ماهي صحبه معك
مارديت عيوني راحت لها مبتسم من حركتها
السوتها على خشمها
🌿🌿🌿🌿
ليان
صديقاتي تمارة وروان اجني عليه بالمستشفى بعد ماعرفنا من ارؤى شصار بيه
كاعدات يمي بيت اهلي وهن مو مستوعبات السوته
لارا بيه روان حجت
ليان لازم تنسين الصار وترجعين
توكفين على رجليج
ابتسمت بالم
اي انسى بس كولي شلون انطيني شي
ينسيني الصار بيه
سكتت باوعت لتماره حجت بقهر
صعبه تنسين لان جرحج جبير كلش
اي جرحي جبير ومن منو اجاني من اختي
دموعي نزلت روان مسحتها وكالت بغضب
لاااتبجين من ورة بشر مايسوه الله خلصج
منه لان طلع واحد ساقط ودايح
وااختي
صحت بوجع وقهر
سكتت ماجاوبتني كملت بدموع
واختي روان هم ساقطه ودايحه موو
ماردت هزيت راسي باي ورددت بجنون
ااي اني اكلكم اختي وحده ساقطه وكحبه
دنت نفسها على رجلي شفتها شلون تباوع
عليه شفتها شلون جانت تاكله بعيونها
من يجي رادته رواان وواخذته
وكسرت گلبي
اختنگت واخذت نفس طويل
ااسكتي لخاطر الله لايصير بيج شي
صار وانتهيت
بجيت بشهگات طلعت بوجع من داخل روحي امي طبت وخالتي وياها اجتي ليمي حجت من
شافت وضعي
ليان ماما اذكري الله كولي يالله
يالله اخذني يارب اخذني يمك
حتى مااظل اتذكر السوته اختي بيه
امي ردت وهي تبجي
ووج والله ادكول هو اعتدى عليها
رديت بخبال
بعددددج ماما تصدكين بيها لهاي الساقطه بنتج
واني سمعتها شكالت وشحجت
سكتت وهي تبجي رددت
كالت اله ااني احبك ايهم ووسلمتك روحي
لاتظلمني لااااتظلمني
لحد هسه كلامها يدك بهل الراس
ضربته بقوه خالتي لزمتني هي وروان يبجن
على حالتي كملت بصياح
كله منج ااانتي ماما كتلج الف مرة بنتج
مو راحه وتصرفاتها غلط وي
اايهم كتلج وماااسمعتيني
طلعت تبجي من يمنا روان غسلت وجهي
وخالتي تردد
وولج كافي راحت تموتين
انهاريت ليوره ابجي واشهك هي كالت
ليونه ماما يوسف نبي وغدرو اخوته
ووج نبي وماسلم من الغدر احنا
شنو
ااني موو نبي موو نبي خاله ولا عندي
صبرهم
الكل سكت لان ماعدهم جواب ولا كلام
يكدر يواسيني وينسيني الصار
بيه
لم يمسني الضر يالله بل أحتضنني
بكل ما أوتي من أذرعه
يكولون الايام تشفي الي يصير بالبشر
وينسى الصار بي بمرور الوقت بس اني مانسيت ولا كدرت انسى الم الخيانه والغدر الصارت بيه
تركت اثر وعميق بجسدي وروحي
بداخلي نار مشتعله ماجاي تطفى لا دموع
ولا ادويه ولا كلام المواساة ولا اي شي
كدر يخليني اتجاوز الصار بيه
اعتزلت الكل وظليت ايام طويله ابجي وادعي
عليهم اثنيهم يضگون من نفس الكاس
الي شربت منه
بس بابا واخويه رغم الصار ماعافوني وظلو وياي
يحاولون يهونون عليه الوجع الترس صدري
حاولو باي طريقه يخلوني انسه الصار بيه ويطلعوني
من السجن الي حبست بي روحي من وره
الظلم الصار بيه داسو على نفسهم لخاطري
رغم صدمتهم بالسوته لارا هي ايهم وفضيحتهم
الي كسرت ظهرهم وظهري
بيوم فاجأوني
من اجوي العصر لغرفتي
ليونه بابا كومي ويانا عدنا مفاجأه كلش
حلوه الج
كومي ليونه
وسيم حجه لزمني سالت
وسيم مالي خلك اطلع
دتعالي شوفي شجبنا الج
ماما اجتي وتوسلت بيه
ليان ماما تعالي شوفي ابوج شجاب الج
مااريد كلشي خلوني كاعده بغرفتي
جاوبتهم بتعب بابا باوع عليه وكال
بتوسل
لخاطري بابا كومي وياي
باوعت علي شكله تعبان وصاير فد مرة
ويريد بس يرضيني باي شي
كمت لخاطره كادني وطلعنا من غرفتي
شوفي ابوج شجاب للغاليه
وكفت بالكراج صفنت على سياره لونها
بنفسجي صغيره وناعمه وسيم
شغلها بالسويج وكال
هاي ذوقي عجبتج موة
درت راسي علي ابتسم بس
باهته وكمل
مو علمتج على السياقه وعندج اجازه
هاي سياره اجتي ليمج حتى
تروحين وتجين براحتج
وين اروح ماظل بيه حيل اروح واجي
جاوبتهم گوة
استغفر الله يارب
بابا حجه و كادني ورجعني للصاله كال
اكعدي بابا
كعدت امي كعدت تباوع عليه بقهر وسيم
كعد بصفي خله السويج بايدي بابا
حجه وياي بتوسل وقهر
بابا ليونه طيبي حتى اني اطيب
صفنت علي عيونه مغوركه ويريد يبجي
كمل
بنتي اطلعي وروحي لشغلج لاتظلين حابسه روحج
بغرفتج
ماجاوبت نزلت راسي اني ودموعي وشهكه
صدري وسيم حظن جتفي وكمل
ليان سمعتي الدكتور شكال لازم تحاولين تنسين
وترجعين لحياتج الطبيعيه
باوعت اله بدموع جاوبت
شلون انسى وسيم انت كلي شلون اكدر انسى
السوه بيه اكو شي اخذه حتى انسى
السوته بيه اختي هي واا
ماكدرت انطق اسمه غمضت عيوني
بس دموعي تنزل وتعلن انهزامي بهل الحياة
انكسرت وكسرتي مالها دوة
لزم ايدي فتحت صفنت عليها بين ايده
رد بصوت مخنوگ
صعبه تنسين وصعبه ننسى بس هسه اني اريدج
انتي اريد اختي الوحيده
كال هيج وامي كامت تبجي وتشهك كمل
بدون مايدير بال الها
ااريدج توكفين على حيلج اني سندج والله
اني سندج بهل الدنيا واني اخوج
وحبيبج وصديقج
بجيت وغطيت وجهي بايدي حظني ردد بقهر
وغضب
لاتبجين وتحرگيني تره والله بصعوبه لازم روحي
حتى مااروح اقتلهم اثنينهم
المن تقتل بابا اختك ماتت وانتهت من يمنا
هاهيه اني بعد ماعندي بس انت
وليان ومااريد اخسرك
او اخسرها
بابا حجه بقهر وكمل
ااني اريدج انتي هسه اريدج تطلعين
من هذا السجن وتشوفين حياتج
اابو وسيم والله حلفت اا
ااااش
صاح بامي بغضب واعصاب سكتت تبجي
كمل باعصاب
ااسكتي رباب لو صدگ صاير هذا الشي بيها
جان اجتي وكالت فضحته
لذاك العار بس لا هو حجه ولا
هي ليييش سكتو اااانتي فهميني
وسيم كام ووكف يمه حجه بخوف
بابا ضغطك لايصعد
ااضحكي على روحج بهل السالفه قنعيها
رباب حتى،،،،،صوة بنتج ماتخرب
بعيونج بنيه يصير
بيها هيج ومن منووو من رجل اختها
مااتجي ماتحجي الصار الج
ماادكول ،،،،ليش سكتت وعرسهمر
بعد كم يوم
ماعدها جاوب حجيت بغص ودموع
ماما ليش ادافعين عليها وانتي تعرفين اختي
شنو وشجانت تسوي
قصدت مصعب الي لزمتها ويا باب الشارع
افتهمت نزلت راسها
وسيم صااح
هاااا خير لاازم اكو شي ماانعرفه ااحجن فااجاني بمصيبه ضاميها عليه
اخويه جان كاعد على نار ولازم روحه بصعوبه
من وره بابا ووضعه وومن ورايه
ماردت يسمع ويحترك بعد اكثر ماردته يخسر
نفسه من وره بشر مايسوه
جاوبته بخنگه
لاااا
مااقتنع وظليت ايام اسمعه يهدد ويتعارك
وي امي لان هي انطت مجال هوايه لاختي اسمعه يلوم بيها بقسوه وحتى كام يلوم بابويه الجان مريض وضغطه دائما
صاعد
اصفن على حالنا شلون تغير بين يوم وليله
وكله من ورة شهوه ورغبه ايهم وغيرة اختي
مني غوته وخلته ياخذها حتى
يعوفني
دموعي تنزل واكول ماجان يحبني
لو حبني صدك جان رفضها ضربها طردها من
بيتي جان مانام وياها بفراشنا
بس هو اثبت هو يحب الشكل بس
وجوهر الانسان مايهمه رادني لان حلوة حب ماحبني
لان لو حبني جان صرت بين عيونه جان
اجيت باله وتصرف صح
اصفن ،،،،،، على حالي واردد هم اثنينهم
دمروني وخلوني مريضه ليش اني
اجي وادمرها بالزايد من
وره كعدتي بالبيت
ليش اظل اقهر بروحي واعيش بعالم كله الم
وقهر ودموع اني ماراح انسى السوه
بيه وراح يظل طول العمر وياي
لان غدرهم جان جبير واذاني
كلش بس لازم اسند نفسي بنفسي وارجع اقوه من
قبل كلت هيج بس تراجعت لان حسيت بس اطلع بره العالم كلها ادكول هاي الي اختها باكت رجلها منها ونامت ويا بيتها
وسيم مااعافني اجه وره ايام الصبح
طب عليه للغرفه كال
يله ليان كومي بدلي
صفنت علي وسالته
ليش
عندي شغله وياج
وسيم شتريد مني
دكومي وانتي تعرفين
مالي خلك
لا الج خلك كومي بداعتي عليج
اخويه غالي عليه ومااكدر ارده صفنت عليه
اشر براسه
يله بدلي انتظرج بسيارتج الجديده
تنهدت وهو طلع
كمت وره دقائق بدلت شلون مجان
رحت للمرايه باوعت على شكلي عبالك اول مرة
اشوفه تعبانه بشرتي وضعفانه كلش
صفنت بعيوني غمضت
من تذكرت ايهم جان يتغزل بلون عيوني
دمعتي نزلت سندت ايدي
على الميز
جسمي كله رجف فتحت جراره دورت
على منظار طلعت سوده ولبستها كرهت لون
عيوني وكرهت كلشي بيه باوعت لشعري
هوسه ومنثور لميته بقراصه
وكلامه يتردد بعقلي
هوسه شعرج ومسوي هوسه بگلبي
بجيت بقهر بجيت دم على كل لحظه جمعتنا
سوه وجانت كلها كذب
رجعت ليوره شعري بعده منثور منا ومنا
باوعت للجراره الاخيره رحت فتحتها دورت بيها
لكيت توربان جابته اليه روان وكالت
جبته الج بلكي تقتنعين وتتحجبين
لبسته وضميت شعري كله ماما طبت صفنت
من شافتني بهل الشكل ماحجت
شي بس القهر مرسوم
بوجهها حجت بخنكه
يله ماما وسيم يريدج
مشيت وراها واي نفس ماعندي للطلعه سيارتي
بره طلعت انتبهت البيت الي
بصفنا ديصبغون بي
وصايره هوسه يمه
رحت كعدت يم اخويه صفن
عليه وكال
طالعه حلوة كلش
ماارديت
يله خلي نننطلق
اعرف اخويه مثلي جاي يموت من جوة
بس ساكت ودايس على روحه لخاطري مرات
يفقد اعصابه ويتماسك من ورايه
وين رايحين وسيم
هسه تشوفين
من صار بالشارع الي يودي للمشتل
مالتي عرفت هو ماخذني اله
وصلنا شفته مفتوح والزرع تارس الرصيف
ويخبل روان طلعت هي وتماره
شايلات زرع وبابا وياه
اخويه نزل وكال
يله انزلي
نزلت صافن عليهم صديقاتي اجني
علي بوسني روان حجت باعجاب
يخبل عليج التوربان
مارديت بابا اجه عليه وكال بحنيه
تعالي بابا شوفي شلون رتبتلج المشتل
اني والبنات
طبيت افر براسي علي نسيته من ورة الصار
بيه ومن حجي البنات عرفت هن خطيه
ظلن يجن على المشتل ويعتنن
بالزرع
بابا جان جايب اشكال والوان وتارسه
زرع وسيم حجه
اريدج ترجعين تفتحي للمشتل وتوكفين
بي مااريد مشروعج التعبتي بي
يروح من ايدج
صفنت علي اسمعه يشجعني هو وبابا
وصديقاتي وهذا الصار
رجعت فتحت اقحوان ولهيت روحي
بالشغل الايام غيرت بيه هوايه شغلات هدؤي
تحول لغضب كمت مااتحمل كلمه من احد
اليحجي وياي يبتلي على
عمره ارده بعشره
غضب وتوتر وسرعه عصبيه وحزن ترس
وجهي وعيوني كلها انتبهت لهذا
الشي الصار بيه وقلب
شخصيتي
🌿🌿🌿🌿
مالك
مابقى شي للبيت ويخلص بقت جم شغله اكملها
واتحول بيه رحت عليه اريد اشوف
الصبغ مثل ماردته وصلت
الصبح ساعه عشرة
وكفت بسيارتي يمو
انتبهت لسياره رجعت عليه بتقربت زايد دكيت هورن
جانت حرمه
باوعت عليه بالمرايه تقدمت ليكدام وردت رجعت
هم رادت تضربني دگيت هورن
نزلت ورگعت الباب بقوه
واجتي عليه
نزلت وصاحت بيه
شبببيك انت كلما ارجع ليوره ادك
هورن
وخرت االمناظر بهدؤ وجاوبت
ردتي اطخيني ودكيت هورن
اشرت بغضب للمسافه بيني وبينها
صاحت
ااعمى ماتشوف المسافه
عكدت حواجبي وجاوبت بغضب
اگضبي لسانج ولج
ولاتغلطين عيب عليج انتي حرمه
واني زلمه
خزرتني بعيونها وانتبهت عيونها لونهن
اخضر ردت بغضب
عينك لا اجيك افسگهن
اااش ولج شو انتي ماتحترمين صوتج عالي
وتجسرين
ماالك
بشير طلع من البيت الاخذته وحجه
وياها
ست ليان شكو شصاير مالك هاي بنت حجي
مصطفى
صفنت عليها ماميزتها جانت لابسه
حجاب مال هلوكت واصلا اني مااشايف
ملامحها زين لبست منظارها
بعصبيه رددت
اسف بس انتي يعني ردتي تضربين سيارتي
وعساااها بالكسر محد كلك اوكف
يم بابنا
سالمين يابه تره اني واكف يم
بابي مو يمج ولا واصال يمكم
ماللك يمعود
بشير صاح بيه بصوت مكتوم
رفعت تك حواجب دحكت عليه من فوك
ليجوه وبعدين لسيارتي حجت
بغضب
الظاهر انت من ذوله العدهم فلوس بس
ماعدهم اخلاق
لميت قبضه ايدي وخزرتها بشير لزمني
من جتفي وحجه بسرعه
ست ليان اسفين ونعتذر مالك مو قصده
قصده موو قصده كله بعد لايجي ويوكف
يمنا
لاااا اكف خاتون لان هذا بيتي
والشارع للكل مو بس الج
صفنت عليه والغضب تارس ملامحها ردت
هو وين ماكو واحد بلا اخلاق اجه وكعد
بهل الشارع
جاوبت
لازم انتي منهم
تقدمت عليه وصاحت بيه
ااانجب حيوان ادبسسز
عضيت شفتي اريد اروح ابتلي بيها بس
كلت عيب مرة ابوها طلع صاح
ليان بابا شبيج
وكفت وخرت المناظر تخزر بيه وتنهد من
الغضب
مالك ابني خير صاير شي
بشير حجه كلشي اله دحك الها وعتب
مو هيج الحجي بابا عيب هذا جارنا
مو هيج نتعامل وي الجار
بابا هو تجاوز عليه بالاول
ماتجاوزت الا انتي كمتي تغلطين عليه
رديت بحده خزرتني وهم صفنت بلون عيونها
لبست المناظر عيوني راحت
لخصلات شعرها طلعت حمر نار
اسف ابني احسبها عليه
لا عم اني اسف اذا غثيت بنتك بجلمه
دحكت عليه بغضب مشت من يمنا رگبت
سيارتها ،،،،طلعت بيها ابوها
صفن عليها انتبهت لشكله مقهور ردد
اعذرنا ابني بنتي شويه عصبيه
لا عم لاتعتذر احنا راح نصير جيران واهل
هلا بيك ابني كل الهلا
ترخص ورجع لبيت بشير حجه
ااخ ولك هاي غير غضب ولسان
اكلك انت متاكد هاي جان مريضه
سمعت ماادري بعد
يمعود فوت جوه اني المريض مو هي
تعال شوف ابو الكهرباء شلون مسوي الدرج
يخبل
طبيت لبيتي وصدك طالع تحفه ويخبل
بالعافيه عليك مقدما بس هاا مطلوب عزيمه بي
بس تستقر
ابشر وراح اشويلك طلي بعد شتريد
هلا هلا وهو هذا المطلوب
وره ايام اثثته اثاث جديد وانطيت اثاث بيتي
ذاك على روح لميس لعائله محتاجه
وهم كمت كل شهر اخلي
فلوس بدار ايتام
على روحها
نوار اجتي هي وتاليا واستقرينا بيتنا
الجديد واكف بالسطح اسوي
بالنانو حتى اشغل
النت بالبيت
باب بيتونه بيت الحجي انفتحت طلعت
ام شعر احمر ماانتبهت عليه لابسه
دشادشه قصيره وبيها هاي البطه السوده
التلغي جثير شعرها منثور وصاير كفشه فريت ايدي وكلت وي روحي
ماكو مشط ماكو مسرح شبيج ياحظي
كفشتج جنها كفشه العبد
رجلي فلتت من الدرج ولزمته بسرعه صحت
خرب بالحظ جان وكعت وتكسرت
عدلت روحي صعدت انتبهت الها ادحك
عليه بخزرة
سالمين نوار شبيج تره ااني بيتي
حجيت بضوجه ودرت وجهي منها رجعت
ورگعت باب البيتونه بقوه
الله وكيل هاي البنيه مو صاحيه ابد
خبله هم يكولن ابو الشعر الاحمر خبل وعصبي
الظاهر هاي منهم
كملت النانو نزلت لجوه نوار تفتر بتاليا
تريدها تنام
ها نامت
اني نمت وهي لاا
جاوبتني بضحك
جيبها لبعد ابوها
اخذتها ،،،،كعدت وهي بحظني صفنت عليها
بنتي تشبه امها بكلشي بيضه
والعيون وساع وشعرها اسود طوخ عبالك
لعابه اختي وامي اعتنو بيها كلش
ودنفشت صارت دبودبه تبجي بستها
ضاجت وزادت بالبجي
ماااالك شواربك يمعود
شااسوي ازينهن يعني
ههه غير تطلع تلعب النفس
ابتسمت وجاوبت اختي
يولي طالع لسانج
كعدت بصفي مالت عليه ردت
امون موو
هزيت راسي باي اخذت تاليا مني
خلتها بحظنها سكتت كلت
ها ولج بنت الجلب اشو سكتي يمها
ههه شفره بيني وبينها
اي الظاهر هيج
سكتنا هي سالت
مالك منو جيرانه منا
اشرت على بيت الحجي
جاوبت
بيت حجي مصطفى ابو وسيم
ههه وسيم
ردت بضحك جاوبت
اي وسيم شبيج تضحكين
ههه ماادري اسمه غريب
لااا مو غريب بس انتي متعلمه تسمعين اسامي
خشنه
ههه اي مثلك مالك فهد يعني هيج اسماء
اكيد هسه هذا مايع
ابتسكت رديت
لا زلمه خشن بس اسمو مايع
هههه
ضحكت كملت
نوار مااريد اي صله بيهم
عكدت حواجبها صفنت عليه سالت
ليش مالك
سالفه صارت عدهم مااريد احجيها يعني
عليهم سمعه من ورة بنتهم
هاا
اختي افتهمت والتزمت الصمت كملت
ابوها خوش رجال واخوها هم وامها
بس هي طايحه حظ ونزلت راس
اهلها بالگاع
منو هاي ام التوربان
لااا مو هاي غيرها هاي هم فليته ولسان
مااريدج تختلطين بيها ولا تحجين
وياها جلمه
صار ادلل اصلا اني مااطلع بره اغسل
الكراج واطب بسرعه لهااي
الحلوه
كانت تبوس بتاليا وذيج تناغي
الها ابتسمت وكمت اسوي جم شغله بالبيت
تتعشه مالك
بس اكمل جم شغله
براحتك
🌿🌿🌿🌿🌿
ايهم
يوميا اطلع قهري بلارا يوميا اتعمدت اهينها واغلط عليها وبس تفتح حلگها بكلمه اطلع قهر گلبي بيها ومايفگها غير اهلي من ايدي ويوميا ورة الدوام اروح اوكف بالجهه الثانيه
من الشارع من بعيد اباوع للمشتل الي ليان رجعت فتحته كاعد بسيارتي عالك اغنيه بجن عيوني وصافن للمشتل هناك روحي و گلبي هناك فرحتي الي ضيعتها من ايدي اخذت نفس طويل من جگارتي
تقربت من شفتها طلعت بره تحجي وي زبونه وكفت يمها تختار زرع ابتسمت وخلت الگلب يدك بالم
رجعت ليورة سندت راسي على المسند واني صافن عليها عيوني غورگت رددت
شضيعت من ايدك ايهم
سكتت عيوني عليها سلمت على المرة بايدها ووكفت ترتب بالزرع تمشت للاسواق الي بصفها طبت نزلت بسرعه عبرت الشارع بدون وعي ماادري شلون ما اندعمت وصلت للاسواق وكفت من اجه كلام ابويه براسي
ايهم مااعليك بعد بليان البنيه ضربتها ذبحه
من السمعته والي عرفته لاتروح عليها ولااا
تشوفها خلقتك خاف تضربها مرة االخ وتروح من ايد اهلها كافي السويته
بيها عوف البنيه ساتره على
روحها وعلى اهلها
لميت ايدي باعصاب ظليت اباوع للاسواق سمعت صوتها
ااي عمو عندي سماد كلش زين للجوري
درت روحي واني مخنوك عبرت بصعوبه وصلت
سيارتي سندت روحي عليها واني خانك الهوه بصدري
باوعت الها طلعت وهي شايله بطل مي
وراحت للمشتل ذبيت النفس
صعدت سندت راسي على الستيرن كمت
اون بصوت مخنوك
رفعت راسي صافن على المكان الي هي بي
ردت انساها ردت امسح الي عشته
وياها ردت الذكريات
تروح من دماغي لان راح تخبلني ردت
انسى السويته وي اختها وشلون دنت نفسي
عليها وخليتها تضحك عليه بجسمها وحركاتها
سلكت درب جنت اكرهه واموت منه وماجنت
افكر بيوم اني راح امشي بي بديت
اشرب واطوخ الما انصطر
بمكاني هم علگت المشاكل بيت اهلي
ومادرت بال مادام شفت بي راحه مؤقته
وخلاني انسى كم ساعه السويته بروحي وبليان
بيوم رجعت دايخ ومصطور طبيت
للبيت محد اكو الكل نايمين بالصاله كعدت
راسي يفتر رجل صارت كدامي
رفعته باوعت والعيون
تغوش
اايهم كوم
سمعت صوت وايد حظتني كمت ساند روحي
ومااميز منو الي ساندني ايد
نزعتني ملابسي
شفايف باست شفتي ابتسمت
كلت بضياع
ليان
مااعرف شصار بعدين كعدت الصبح
راسي يوجعني كلش وعيوني
مغوشه فتحت سديتها بقوه
الرؤيه رجعتلي عكدت حواجبي من شفت روحي مو بغرفتي فزيت من الفراش
مثل المخبل وكفت بنص الغرفه
اباوع لروحي بطرك الشورت
صحت
اني شجابني هنا
لبست كلابيه بسرعه اريد اطلع
الباب انفتح طبت لارا مبتسمه حجت
صباح الخير ايهم
اااني شجابني هنا
فزت ورجعت ليورة رحت عليها
بسرعه لزمتها من شعرها وصحت بجنون
جااوبي ولج اني شجابني هنا صاار
شي ولج ااحجي تره راح اگبرج
اااي عوفني مااصار شي
ااحجي گحبه سااقطه هم لعبتي عليه
ووولج هم خليتني انام وياج
وااااذا صار اني مرتك هسه
تخبلت من عرفت روحي هم دنت نفسي
عليها فقدت وكتلتها كتله مال موت
امي تعيط وتجرها مني هي
واختي ابويه جتفني يله فكوها من ايدي
هديت روحي منه وكسرت شكو
شي كدامي ابويه
صاح
كاافي ولك
بلحظه لزم گلبه
ووكع ليوره صحت وامي كامت تعيط
هي وافنان ردنا يكعد ماكو شلته فاقد بسرعه
للمستشفى واني اردد بخبال
ابويه مات من ورايه
بالطريق خابرت اخوتي لحكوني للمستشفى
جان ضغطه صاعد كلش وضاربته جلطه خفيفه
كعدت اكباله اسمع الملامه من اخوتي لان تعبته كلش بمشاگلي كلت بس
يطلع من المستشفى اسوي نقل لغير محافظه ابتعد عن هاي
الساقطه وعن بغداد والساكنه بيها
وهذا الصار بس كام ابويه سويت نقل
وانقلت كل اجازه اروح اگابل مشتل ليان
واظل اباوع الها من بعيد
🌿🌿🌿🌿
شهم
الجيش كلو دخل انذار من ورة اخبار ماتسر
وماكدرت انزل لاهلي الا انطيت فلوس
يله انطوني اجازه يومين
عگبت لديرة هلي وصلت الظهر دحگت
لگاع بيت عمي اريد المح هيله
ماشفتها ولا لمحت خيالها
عبالي احدر لهم لجن
شكر شافني من بعيد وكام ياشر لي
سريت لبيت اهلي لان اعرف امي اذا سمعت انا
رحت بيت عمي قبل لااا اجي
عليهم راح تزعل وتسمعني كلام يغث
اخويه اجه بسرعه عليه حظني
وكال
هلا ياشهم الحمد لله على سلامتك
طولت ياخويه
انذار ياشكر والكل داخل به
سريت معه للبيت دشيت امي كاعده
تثرد بالمنسف شافتني هلت بيه
هلاا يايمه هلا بوليدي
رحت حبيتها من راسها ومن ايدها
هلا يمه شلونج عساج طيبه
طيبه يمه من شفتك عش هالغيبه يايمه
طولت هالمرة
انذار يمه ودوخه راس
ريح هساع يجي ابوك من يم
الجامع
زتيت الجنطه وكعدت بالگاع على جدوليه
غيث وينو
وي ابوك بالجامع
ابتسمت ورديت
هذا بس لايطلع مثل عم حميد مله
امي ماردت سالتني
شلون عافيتك صحتك
بخير يمه
ابويه طب كمت بوجهو سلمت علي
الله يساعدك يابه
هلا ياشهم هلا بولدي شلونك
يابه وشلون صحتك
بخير يابه مادامك بخير
غيث هم سلم وراها غسلت
وتغدينا لفيت راسي ونمت لان جنت تعبان كلش
فايت العصر كعدت اشرب جااي والكل يمي
امي تكلمت
قبضت يايمه
اي قبضت وعبالي احجي وياكم
بسالفتي اني وهيله
يمه خلها هساع البنيه مو طايرة
صفنت عليها من ردت هيج دحكت لابويه
كمل بضوجه
ياوليدي الدين للهامه خل افضو وبعدين
تزوج
يابه اني ماريد غير اعقد عليها واسد
الحلوك التحجي بيها البنت راح تروح من ايدي
مااتروح وين تريد تولي ذيج كاعده بدارهم
عكدت حواجبي من امي تكلمت هالكلام
رديت
يمه ماهيج الحجي
لاا هيج يبن بطني ابوك افرض منها ومنك
ماكاايل شي انا ابويه على راسي لجن انا اريد
اگضبها بعقد وبعدين اتزوج بس
افض دين ابويه
يابه شهم تعقد منا تزوج منا غير هالحجي
ماعندي
ابويه تكلم بحزم وكام طلع من يمنا
امي ردت بغضب
ابوك زعل عليك ياشهم
يمه فهميني شااسوي وشااعمل
انتو تعرفون كلش زين العيون
على هيله واولهم عيون ذاك الردي بن
الشيخ شعلان
اكلك يبن بطني هي مو تعرف هو تكلم بها
ورادها عش تروح للمزرعه وتتغده بيتهم
ولاا تكف معه بنص الزرع وتتكلم
معه
فگيت عيوني وصفنت عليها اشرت بايدي
شنو يمه انتي شكاعد تحجين
شكر انهد بها
يمه وش بلاااج تريدين بس تذبين سالفه
براس هيله حتى تخلين اخويه
يهدها
اانا ولك انا اذب سالفه براسها وانت
الي اجيت وكلت شفتها ويا
بالزرع
يمممه هو وكفها عگب ماوصل بيت
عمي للگنطرة
ااي كلي عش توكف معه وهو مجاتل مع
اخوك ورايد يجتلو عش تروح للمزرعه وهي
تعرف هو هناك
استغفر الله يارب اهلها كلهم راحو شتريدين
تظل وحدها وانتي تعرفين الشيخ
صگبان وو
اخويه سكت وبلع السالفه صحت به بغضب
شبي هذاااا ااحجي عش بلعت السالفه
ماحجو شي صحت به
وولك مااتحجي صاير شي ورايه وانا مدري
ماكو شي شهم سالفه ماتسوه
اخويه رد امي كملت بتردد
ماكوو شي هيج سالفه صارت وراحت
فزيت كامو معي امي صاحت
وين رايح
مادرت بال طلعت اهف من كاعنا للكاع بيت
عمي سريت بالنص اريد اصل
وافهم شكاعد يصير
من ورايه
ياشهم عگب مااصار شي من البالك
شكر لزمني نفضت ايدو وصحت
به
عگب لاااكبرك
هدي يااخويه وعوف سوالف امك
تره ماتريد لك هيله وذيج مبينه مثل عين
الشمس
مادرت بال الو سريت بسرعه ووكفت
من شفت بنات عمي يم الشاخه وهي معهن
حدرن لجوه يم المي سريت
لها اريد افتهم منها الديصير من
ورايه
🌿🌿🌿🌿
هيله
عرفت من ابويه برق الشر هو وولد من اهلو
ومن الديره بدو يطلعون بالفله يفترون
حوالين ديرتنا
ومن شفتو هو وياهم جان طالع بدوريه ماحجيت الصار بيني وبينو لاحد كلت ابويه اذا سمع تهاوشت معو راح يزعل عليه
ويسمعني كلام يغث
دشينا بشهر الخامس بسرعه
جان المفروض تجي الحاصوده
وتحصد الحنطه لجن
خلفو جلمتهم معه وراحو لغير گاع واجلونا
للاسبوع الجاي
گريب المغرب واكفه يمو اندحك لگاع
الشيخ شعلان الكل تشتغل وكاعدين يحصدون
الحنطه تكلم
مابقى شي ويحصدوها كلها
ااي يابه وظلينا بس احنا ماحصدنها للحنطه
من ورة بخلو للشيخ صگبان
حجيت معه كتلو ياشيخ اشتري حاصوده
حالك حال الاوادم الهنا لجن هو عيل
يقبل
تاخرنا جثير يابه والحر لفانا وانت تعرف
الوضع مااهو بخير واخاف يصير
شي على الحنطه
عيلي خير وانا ابوج مايصير شي باذن الله
سكتت وظليت ادحك لهم شلون فضو
الحصاد بسرعه عيوني راحت
للشاخه ريهام وساريه يمها يدورن بيض
سريت لهن خايفه لا هم
تغرك اختي الصغيرة
وصلت حدرن حجيت
ياساريه لاتروحين زايد خاف
تغرگين
لاااا يااهيله مااروح بس الم البيض
من يم الگصب
نزلت يمهن يلم وهنه يسولفن ويضحكن
ههه شوفي ياهيله شكثر لمينا
ابتسمت من شفتها خالتو بسله
جابها ابويه لها ولريهام
اي خير من الله
نزلت يم المي غسلت ايدي ووجهي
سمعت واحد يخوض بالمي درت راسي على
الگنطرة عكدت حواجبي من شفتو
برق الشر ينتل بنتاله ويتصيد
سمج ساريه صاحت
شلونك ياازين
ابتسم لها عيونه عليه ورد
هلاااا يبعد عيني ورمشاي
گرب علينا يسحب بها
طلع سمجه وخواتي كامن يكمزن يمي
من شافنها جبيرة كلش صحت
ااسرن بسرعه
دفعتهن
ياازين سويها شوي طيبه تطلع
هو هم هيج
ريهام تحجي معه وانا ادفع بيهن رفعت
راسي شفت شهم واكف يم حد الشاخه
وهو يخزر بيه
عكدت حواجبي من شفت ملامحو دار بصرو من
عندي ودحك للبرق الشر
خزرو وذاك هم خزرة
صعدت بسرعه تكلمت
هلاا ياشهم شوكت عگبت
بسرعه رفع ايدو وضربني راجدي بقوه
