رواية تحت ظل السعف الفصل الثامن عشر 18 بقلم ميار

‏:الكلب سلمته بيده ورده منه

وحال الشتله حالي ورده منه

اجتني بيوم صوغه ورده منه

طبت بعد ما ضل كل مرض بيه

ـــــــــــــــــــــــــــ♛ـــــــــــــــــــــــــ

-كتلتني الملامه ظليت افتر بالهول شفت

ابوي مخلي موبايله على معرض الي بالهول اخذت وظليت

حايره مدري اخابر لو لا طلعت اسمه وظليت متردده توه

ادوس على الاتصال يرن واحس گلبي دكاته خانكتني توه

رد وفزيت... 

-شجاي تسوين 

فاطمه:: يمه فزيت فزه ما صايره من شفت جهاد وراي

عصرت الموبايل بيدي وهو سوده علي من شافني خفت

حاير شسوي جسمي كله يرجف كعدني جهاد على القنفه

جهاد:: اسم الله الرحمن شجاج يا خوي 

فاطمه:: شجاني غير انت جفلتني شبيك جهاد هو هيج

يما اخذت روحي شكعدك من الصبح ماصار ساعه من نمتو 

جهاد:: شبيج فاطمه غير عندي دوام ساعه سبعه ونص

-مسحت وجهي حيلي كله يرجف الموبايل ظل جو رجلي

خفت يسألني عليه ردت اكوم وسحبني صافن بوجهي گال

جهاد:: شنو فاطمه جنتي تبجين شبيهن عيون مورمه

-ارتبكت كتله لا شبجي شبيك بس جنت اشوف مسلسل 

مدري تركي مدري شنو وانقهرت على البطله ماتت وبجيت

دحك عليه شبه ما مقتنع بس ما لح عليه يلا اروح انام تريد

شي تحتاجني لو اروح يمه وجهه يكول كاشفج تجذبين 

جهاد:: فاطمه تعاي اسألج 

فاطمه:: ادحك عليه وبگلبي اكول ان شاء الله يدك موبايل يكول تأخرت خاف يسألني على فرات لو شچنت اسوي بموبايل ابوي سحب ايدي بين اديه ويدحك عليهن يرجفن

جهاد:: فاطمه لا تجذبين عليه اختي واعرفج ليش

خفتي من شفتيني مو انا الي اشك بيج ولا بفرات

بس وضعكم اثنينكم ما عاجبني احجيلي لا تضمين عليه وتاليها تخرب بينه ساعة الي ادري من غيركم

-مدنگه راسي شريد اكوله سحبت موبايلي ودخلت على رسايل فرات وانطيته اله اخذه يقره وايده الثانيه تعصر

ايدي عافها وكام يفتر ويرجع يقره كلامه وكوه مصبر روحه

ما يصيح وكفت يمه والكلمه تطلع كوه كل شويه اكول هسه يهفني براشدي... 

-جهاد اسمعني ما ردت ارد عليه بس هو هوو راد يحاجيك

بس يعني هو جان خايف ارفضه بس والله ما حجينه شي

جهاد:: لا صايرلي الجواهري عجل يتغزل بعيونج نسيتيها شوفي اسنين واني اذا اشوفج تبچين بسبب

الجلبب بسااام الوم فرات لان بسبب طلاكج منه تزوجتي هلل جلبب بس مال يجي ويحاجيج لا ما اعبرها 

فاطمه:: بعد ما طالع واندك الباب يمه بس لا فرات والله 

يذبحه طلع جهاد ونار وشرار تذب عيونه ركضت وكفت وره

الباب اسمع فرات يحاجيه بس وين جهاد ينتر نتر حطيت 

عيني من زرف الباب ادحك عليهم جهاد لازم فرات ويعت بي

دفعه فرات وگاله

فرات:: كافي جهاد كافي ادري بروحي غلطان بس 

وراس ابوي نيتي صافيه وناوي اجي واحاجيك واطلبها

بس عرفت ردها و رد اهلك ما يختلف عمي اطلع جلب

ابن.. استغفرالله عمي اخذها من لا عليه بيها ولا احاجي نعله على گلبي بيوم فكر يناسبكم خوش 

-عافه وراح وظل جهاد يغلط عليه ويصيح تالي گال

جهاد:: حلفانك باطل احلف بشي زين حالفلي براس

ابوك وراية ابو الحسنين عندي راس البصل اغلا منه

فاطمه:: ما صد ولا رد عليه عفته ورجعت ركض لفراشي

خفت انوب يرجع عليه تمددت وغطيت حتى راسي 

❀ريام ❀

بديت بتجهزات العرس عمتي امنه وعمي محمد ما اعرف 

شريد احجي عنهم ما خلو شي ما اشترو الي من ذهب 

وملابس وحتى فرش سوتلي وجرجف للجربايه اثنين وبطانيات خطيه الولد يوميه واحد منهم يودينه ويرحون

يعاونون جهاد بشغل البيت كملت تقريبا ما بقى غير البدلات والصالون وجم شغله راحن فاطمه وعمتي اني

تعبت ما ظل بيه حيل اروح خاصه لان صايمه واكفه

اطبخ الفطور ويا رباب وريتاج هم عندت الا تروح هي

تشتري فستانها بس اني ورباب بالبيت اندك الباب

اخذت منها الجفجير رباب انتي افتحي ما الي خلك خاف عمي 

رباب:: خوش بس عينج على الشوربه

-راحت واني عيني عليها من الشباك فتحت الباب وصارت

وراه شفت عماد واكف مدري شحاجها طبقت الباب وجت

تركض خوفتني عليها ذبيت الجفجير وجيت يمها افتهم منها

-شبيج رباب شگالج

رباب:: خلي يروح يتأمر عليه 

-شتأمر ولج طبگتي الباب بوجهه مو عيب

رباب:: ما ما عليه ترضين گتله تفضل يكولي ووجع ليش فاتحه انتي الباب والله مو صوجه هو صوجي احترمه 

ريام:: ظلت ادردم عليه رجع اندك الباب بقوه دارت عليه

گالت

رباب:: والله ما افتح يغلط عليه 

ريام:: عفتها ورحت اني صرت وره الباب فتحته 

-تفضل خويا 

عماد:: السلام عليكم 

-عليكم السلام 

عماد:: خيتي شسالفه ما اكو واحد غيرجن يفتح الباب 

ريام:: لا والله خيي ما اكو احد تفضل محتاج شي 

عماد:: تسلمين خويا بس جبت هاي الغراض ابوي

دزهن لعمي بس حظرت جنابها ما انطت مجال نحجي

-اي خويا دخلهن اهناي واحنه ناخذهن 

-هااا عماد شسوي ولكك

ريام:: سمعت صوت جهاد جيه وكف يم عماد وهذا ضايج

وجهاد گضبه تحقيق شعندك وشتريد تالي ضاج وگال

عماد:: عمي شبيكم انت وفرات لو بيكم خير جان

حجيتو ويا عمي ينطيني مره بس كلمن حاير بروحه

جهاد:: انجب شني السالفه ويا عريس كلها عرست

حسين:: هااا خيررركم يمنه 

جهاد:: اني جاي على مرتي بس عماد يريد منك..... 

عماد:: شغله اريد منك شغله بس هسه تعال دخل

الغراض وانت جهاد خليك محضر خير لا تحرك بينه

حسين:: شو ما مرتاح منكم وانت جهاد امشي من

وجهي شكوو جاي ومن شوكت عندك مره يمنه 

عماد:: اني هم اكول وكت ما تحطها بيت عود كول مرتي ما تستحي شايفنه ما نستحي لو مكورنين

جهاد:: مرتي وغصباً عليكم والبي زود يحجي 

حسين:: لا حول ولاقوة الابالله عمي لا تخليني اضربك

لا تغثنا مناي للعيد ممنوع تشوفها ولا عندك مره يمنا

جهاد:: خوش عجل يلا جدامي امشو كملو بيت اختكم

عماد:: شني السالفه جهاد شو نازع المستحاه شنو نجهز بيت اختنا والله فلا تستحي وين اكو اخ يجهز

لعرس اخته يلا في امان الله حير بروحك انت

ريام:: ظليت واكفه واتصنت على عركتهم بس ما فاد دحكت عليهم سلحهم سحل بتجاه بيتهم دنكت اريد

اشيل العلاكه ما كدرت شثگلها مدري شبيها عفتها

ورجعت للمطبخ كملنا الطبخ وعمتي وريتاج للمغرب 

يلا دخلن حطينه الغراض على صفحه ودرنه الفطور

✧تبارك✧

هاي الفتره التهينه بعرس جهاد الي ابوي حدده ثالث يوم العيد رغم ما عجب جهاد بس ما ناقش امي من نحجي وياها ونقنعها زينه بس لو عمتي ابتهال تجي لو مرت عمي 

حاكم تنگلب لا جهزت لا طلعت حتى لبيت جهاد ما راحت

كاعده گبال بوفيتي احظر ملابس للعيد ما ظل غير يومين 

واشتريت محبس ذهب شكد عزيز عليه لان اني اشتريته

بفلوسي رجعت المحبس وسديت البوفيه وطلعت للحوش

لكيت فاطمه لازمه عبايته وتحجي هي وجهاد واني بدون

نقاش ركضت سحبت العبايه وطلعت ركض وكفت يمهم

فاطمه:: خيرج وين 

-وياج غير 

فاطمه:: اني رايحه للصالون انتي شكو امشي ولي

تبارك:: والله اروح ما عليه خلوني اتونس فدوه جهاد 

جهاد:: خليها تروح وياجن على واهس 

تبارك:: فاطمه ظلت ترمش ما مصدكه والله حتى اني 

انصدمت يا الله بدأ تأثير ريام عليه هو من شافنه صفنه

بوجهه مشى وخلانه لبسنه العبي ولحكناه لبيت خالي 

طلعت ريام اول مره اشوفها تطلع بدون الثام سلمت 

علينه وصعدنا جهاد يودينه درت عليها وگتلها. 

-خيه بعدج ما تزوجتي وطلعت عينج ذابه الثام 

ريام:: بعد شسوي بيه ولا شتكول جهاد 

جهاد:: تسأليني لو تاخذين رأيي 

ريام:: الاثنين سوه

جهاد:: ههههه خوش اني اشوف الثام احسن 

ريام:: لا اعذرنه عمو گال بعد ممنوع اتلثم 

جهاد:: هاي هي يابه حكم القوي على الضعيف ها يابه نتوكل 

فاطمه:: توكل بعد گلبي ما عليك بسوالف ريام 

تبارك: ظلت ريام عود تخوزر بيهم وجهاد يدابل بيها ساعه

تعصب ساعه عود ما مهتمه وكل مت تريد تنرفزه اتگوله

ريام: -انت لعبة بعقلي ولا اني بنيه فقيره ما اباله هاي السوالف 

جهاد:: هجم بيت عدوج شوكت لاعب بعقلج محد فقير بكدي تره يبنات تجذب عليجن هي جانت ادز عليه للبستان وانت تعرفني اخوجن ما عنده هيج سوالف مو بالله تبارك شفتيني يوم رفعت عيني على مره

تبارك:: يااا سوده بوجه ريام بعد گلبي انت وين اكو

مثلك وراس ذاك السبع جد امي فلا اكو بأخلاق اخوي

ريام:: طبعاً عيني اخوج منو بكسر بأخو اني فاطمه وياي 

فاطمه:: ولج تبارك لا تصيرين ويا واحد منهم تره

هذول واحد ساند الاخر وتالي احنه انصير المو خوش

-هههههههه 

تبارك:: ضحكو واني باقيه مثل الثوله ما مصدكه والله هذا اخوي ولا ويتغزل ويشاقي وهو يگوللها

جهاد:: يابه فدوه لضحكته مريتي شعندي غيرها 

ريام:: ياا جهاد استحي هههههههه 

جهاد:: امبين عليج يروحي تستحين

-هههههههه 

تبارك:: صدك جذب هذوله من شوكت هيج دحكت 

على فاطمة تضحك وياهم جنها شايفتهم هيج يتغازلون وصلنا الكراج حط سيارته ونزلنه للسوك

جهاد وهو وريام جدامنه يتمشون سحبت فاطمه 

-وج فاطمه شفتي جهاد شحجه گبل شويه

فاطمه:: هههههههه اي بعدج ولج غير يتصلون بيه

مكالمه جماعية وعود على الاساس تشكي منه وتالي

يبقون يتغزلون حتى اني انصدمت من شخصيه جهاد

- اي ورايتهم صدمني 

جهاد:: شبيج شكو تتبسبن بنص الشارع

-دحكت عليه بنظره ثاقبه عمي گبل شويه جنت رومنسي شو بس علينه تصيح صدك لو گالوو 

جهاد:: دمشي هسه وبعدين نفتهم شكالو

- وصلنا للصالون وراح هو يشتري ملابس بدن سمكره

بريام واني كاعده وادحك على هل نسوان التحف والتصبغ

شناقصنه ما نحف ما نصبغ اكو بنيه بعمر فاطمه گصت شعرها مدرج يابه شطلعت حلوه وانوب هيه بيضه والعيون

عسليه تذبح حطيت عيني اريد بس اشوف ايدها لابسه حلقه كمت بحجة اشوف ريام ودحكت اي لابسه عمي منو 

يخليها غير صلاوات على محمد عود شكد بنياته حلوات

ما يلحكنها وام الصالون تضحك وتسولف وياها كملتلها

بس لبست الحجاب ودفعت الفلوس وطلعت واني ظل بنفسي اكص شعري مثلها بس ست فاطمه بس ما رضت

ظلينه ننتظر بين ما كملت شغل لريام من حف وصبغ

بدون ما تكص شعرها مدري ليش ما رضت كملنا وطلعنه

✿ريتاج✿

ابد مثل خبصتنه بعرس ريام وجهاد ماكو ويا خبصت العيد

امي كملت تجهيزات ونص الغراض ودتهن لبيتهم بقن بس 

جنطتين ادحك على امي سوده علي كوه مصبره روحها 

ما تبچي تكول ريام راح تسافر مو بيتها ما يبع دقيقتين من يمنه وتركض وره ريام تريد تختلي بيها حتى تنصحها وهاي

تنهزم بس ما فاد كمشتها بغرفتهم واني وكفت اتصنت 

ورباب تغم بيه وحت تسحبني ما تريدني اسمع دفعتها وكفت 

اسمع امي تنصح بريام والله تمنيت اشوف وجه ريام شلونه 

امنه:: يمه ريام المره مالها غير بيت رجلها سندها وسترها ويا يمه اهم شي زلمتج انتي بيتج وحدج 

وعمتج والله يمه گلبها طيب بس بعدها ما تعرفج

وريومه ابنيتي اسمعي وعبري اهم شي زلمتج زين

عليج محد دايم لاحد واني امج شوكت شتحتاجين 

بس كولي واهتمي ابيتج وزلمتج شيريد غير الاكله

والكلمه الطيبه وملبسه نظيف واني ادري بيج يمه

ما تحتاجين توصيه من هاي الناحيه بس گلب ام واخاف عليج وحتى باجر عگبه هم ما تكولين ما نصحتج خوش يمه تره ماكو مره ما شافت مشاكل

بس وداعتج كل ما تصبرين انت تنالين بالاخير خوش

ريام: اي عمه ان شاء الله 

امنه: الله يسعدكم يا يمه والله جن ماخذين گلبي 

تعالي بحضني يبعد عمري والله بغلاة البنيات انتي

ريتاج:: عفتهن ورحت يم رباب اثنينه ساكتين كعدنه

بالحوش اليوم اخر يوم رمضان باجر عيد بيت خالي 

مخبوصين واصواتهم الولد يمنه ادحك رباب عيونه 

مغورگه واني بس تخيلت اكعد الصبح ريام ماكو خنكتني

العبره وتگابلنه اني ورباب اثنينه نبچي حتى بهاي الساعه

جهاد كرهته راح ياخذها من عدنه مسحت دموعي ودرت

وجهي من طلعت ريام ادور علينه وهي بس شافتنه نبچي

ما تحملت كمنا اثنينه حضناها ونبجي حتى لو قريبه بس

تعودنه كل شي نسوي سوه بعدنه ناصبات المناحه وانفتح

الباب ودخلت فاطمه خطيه مستغربه ادحك علينه عيونه

مورمه جت تركض عبالها بينه شي وكفت يمنه تسأل بينه

فاطمه:: خير بنات شبيكم ليش اتباچن وكعن گلبي 

رباب:: ما بينه شي بس صعبه عليه طلعت ريام 

-گالتها ورجعت تبچي رباب حيل متعلقه بريام وفاطمه استلمتها لان تبچي وبچت ريام سحبتهن للبيت ترزل بيهن

فاطمه:: ولجن كافي ادري خما رايحه للمريخ

تره بيها گبالكم عجل الله يساعد الي تتزوج بغير محافظه شتكول كل سته لو اربعة اشهر يلا تجي

ريام:: يمه والله لا اتحمل اني تعودت على بيت عمي 

فاطمه:: اي شوفي عجل بعد لا تكولين لعب بعقلج

هاي حتى تبقين قريبه على بيت اهلج شوكت تشتاگين تجين يلا عاد امسحن دموعج حتى نروح

نحجز البدلات الي كالت عليهن خابرتها واصلات

ريتاج:: صدك صورنهن الي اشوفهن ما اتحمل انتظر

ريام:: اي خوش ادللي 

-راحت ريوم ويا فاطمه واحنه وكفنا نسوي الفطور ويا امي

الي هي هم مختنگه بس عود تصبر روحها ما تبچي للمغرب

جت ريام والتمينه على فطور حتى ابوي ما يكدر يدحك على

ريام يابه شكد طلعت صعبه طلعت الاخت والله حتى لو قريبه الولد ما رضو يفطرون يمنه اخذو فطورهم وفطرو

بالمضيف وحدهم كملنا شغل وره الفطور وكعدنا نحظر

ملابسنه وملابس الولد كوي لان ما نلحك بعد لان ثاني يوم

حنة ريام الظهر وجهاد بالليل لل11يلا كملنه نكسر ظهري

❀مهى❀

مصباح العيد كعدت على صوت التكبيرات صوت يدخل

الفرح للگلب كمنا سوينه الريوك وكفنا ننتظر ابوي وعمامي

يجون من الصلاة وره الصلاة جو بيت عمي محمد وتعادينه

وكفنا نحظر بالصياني اهلنا متعودين من زمن جدي ريوك

العيد ثريد لحم گبل جانن امي وعماتي يطبخن بس صار 

جم سنه گامو يجيبون زلمه من عمامنه هو يطبخ شويه 

والتمن الحبايب بيت عمام ابوي وبيت عمتي سهام وبيت

عمي احمد صارت اللمه تخبل كل وحده لازمه من البنات

ويتسولفن جاي احظر بالستكاين حتى وره الريوك بس انصب الچاي وكفت يمي فاطمه تساعدني دارت عليه 

فاطمه: مهى عادي اسألج بس يبقى بينه 

-استغربت منها.. اي فاطمه اكيد تفضلي 

فاطمه:: لو معاذ تقدملج توافقين وشوفي حتى دراسه

هم يرضى والله ما يبطلج واذا على جهاله اني يمهم و...

مهى:: لا تكملين فاطمه شنو هذا الحجي حطي نفسج

امكاني توافقين على فرات واذا على جهاله اني مو من وراهم 

فاطمه:: تره يختلف ليش تربطين نفسج بيه يعني.... 

-لا يعني ولا شي لو اني معاذ يحبني حب فرات الج ما اتردد

بس معاذ ما يحب معاذ ما انجبر مثل ما فرات انجبر يطلگج

وانت تعرفين السالفه فاطمه ومع ذاك من رجع حجه وياج

رفضتي وبدون سبب اني احبج ما اريدج تزعلين مني بس 

هسه اني زواج ما اريد اتزوج الله كريم لوقتها عود الي الله 

كاتبه يصير يلا هاي حو الولد خلي انطب جوه يم البنات

فاطمه:: خوش گلبي الي يريح سوي من رخصتج

مهى:: ما قصدي اقرها بس من شفت فرات ذاك اليوم شكد مقهور رغم جهاد ما زعلان منه بس لان رفضته مقهور

التمو الزلم دخلو ابوي وعمامي عمي وكفنه نعايدهم

وريام عايدت ابوي من بعيد وراحت على عمي محمد 

باست ايده وعايدته وهو جرها جدام الكل وحظنها وظل

حاضنها ويعايد البقيه واحنه كلنه عايدنه عمي حمدان 

الا ريام ولا صدت عليه وهو من وره الكل موجود ما حجه

بس امبين عليه صار نار حتى وجهه اختنگ سلم وطلع

♔مروى♔

فرحتنا بعرس جهاد هي الي خلت العيد يصير عيدين

اتفقنا العصر انروح يم ريام ونسوي حفله امي بالاول ما

رضت لان هو باجر حنتهم بس ابوي قنعها بس غديناهم

اخذنه البنات ورحنه بقت بس فاطمه بالبيت لان بيتنه

متروس نسوان اكبار والشابات حن ويانه استقبلتنه

عمتي دخلتنه وراحت لبيتنه واحنه استلمناها بس دخلنه

هلاهل وتبارك شغلت الاغاني وريام الوجه طماطيه سحبناها بالنص والتمينه حواليها ونصفك ونردح وكملت

فرحتنه من جت فاطمه هزينه هز ما صاير وصوت هلاهلنه

وصل للمضيف خابر جهاد يهدد عود اسكتن بس سكتته فاطمه بهلهوله رنانه خلته يسد الموبايل بوجهه وهي تضحك عليه تدري بي هم يستحي وهم يكره صوت المره

العالي للمغرب وخابرنه معاذ يزرل لان عايفين امي وحدها

سلمنه على البنات وقسم منه طلعن گبلنه للبيت ظلينه

اني وفاطمه ومهى جاي يلبسن العبي وصار بوجهنه حامد

ارتبك كوه سلم علينه ردينه السلام نريد نطلع وصاح بينه

حامد:: يابه وين وين رايحات

فاطمة:: على البيت والله تعرف بيتنه متروس خطار

حامد:: وحدجن؟ 

مروى: شتشوف بعدين وهو ايانه خطوتين

حامد:: لا ما يصير الساحه متروسه زلم امشو اوصلكم اني شلون رهمتوها ترحن وحدجن

مروى: مشى جدامنه البنات تلفلفن بالعباه وحتى وجهن

غطنها بس اني امشي بدون ما اغطي وجهي وهو كل شويه

يلتفت يدحك عليه امبين ما عاجبه بس ما حجه بس وصلنه

وراح دخلنه البيت وبس ذبينه العبي گبل على شغل العشه

كملنه العشه وشغل اغاني وكلها استطفت يدبچن ويا دخل 

جهاد وتلگنه عماتي واحنه خواته بالهلاهل وهو من يستحي

يمسح بوجهه ومدنك گوه يرد عليهن دخلو معاذ ومن فرحتهم بيه صاحو على ولد خوالي وصارت سحبو جهاد 

ويدبچون عماتي وخالتي سهام هم لزمن ايدين الولد 

ويدبچن ادحك جهاد يدبج وعينه على امي من شافها 

دحكت عليه نزل عينه منها وهي حست عليه وفاطمه

مدري شحاجتها وراحت امي على جهاد حبته راد يوخر 

وهي سحبت ايده وگامو يدبچون سوه الولد كلها واكفه

ما عده فرات ما دخل وعماد وعمر شويه وطلعو واخوتي 

حسو عليهم طلع جهاد وراهم والكل طشت لبيوتهم 

تعب العيد وتأخر الوكت واحنه لمينه البيت ورحنه انام

♛فاطمه♛

من الصبح لملمنه البيت وبنات عمامي وبنات خوالي هم

جن ويا البنات واني من 9 اخذت ريام وطلعنا للصالون لان

حنتها الظهر تبدي فهمت البنات يكملن ويرحن لبيت خالي 

يحظرن للحنه وصلنا زياد وراح وخطيه ام الصالون بس 

وصلنا بدت بيها لل11 كملت شغل كامل صلاوات غير 

صارت لعابه شكد ردت منها تلبس بدله بالصالون ما رضت

كلنه بس تكمل مكياج وتسريحه وبالبيت تلبس البدله

وكفت يمها اسألها

-هاا ريوم اخابر يجونه

ريام:: اي خلصت 

فاطمه:: ادحك عليها الخجل محليها تسريحتها شالت

قسم من شعرها وحطتلها التاج شي بسيط ومكياجها

هم ناعم طالعه اميره عفتها و وكفت على صفحه اخابر 

-الووو جهاد 

جهاد:: هلا يابه هاا بشري خلصتو 

-اي بس دكيت على زياد ما رد عليه خلي يجي يرجعنه

جهاد:: اي خوش هسه ادزه الكم

فاطمه:: سديته ورحت كعدت يم ريام متوتره تفرك بيدها

لزمتها احاجيها... شبيج ريام لا توترين خليج طبيعيه اليوم

يومكم وتونسي وافرحي هذا احلا يوم بحياتكم يبقى اجمل ذكرى وخاصه ويا شخص الي تحبينه لا تفكرين بشي ابد

ريام:: مدري شو خايفه گلبي يوجعني 

فاطمه:: صلي على النبي ماكو شي هاي كل بنت هيج تحس

ريام:: اللهم صلي وسلم على سيدنا محمد 

فاطمه:: مدري ليش اني هم خفت وتأخرو وادك عليهم

ما يردون وين يلا دك جهاد جاوبته بس كال اطلعو رحت

على ريام وهي جانت لابسه متحظره طلعنه تفاجئت بجهاد

وفرات واكفين بس كلمن وسيارته وفرات بس شافنه عاف

جهاد وراح لسيارته صعدنه ويا جهاد مستغربه جيته هو

-خير جهاد شو انت جيت يمعود لا تسويلنه سالفه عيب تجي انت وين راحو الولد والله هسة نصير عجل بحلك خالي 

جهاد:: اشش فاطمه تره واصله حدها 

- سكتت وريام عينها على جهاد من توترها وعصبيت جهاد

اني هم خفت مشينه وياما وصلنه شارع الترابي مالت القريه وما نحس غير سياره چفتت جدامنه زين ما گلبتنه

وگف جهاد السياره لان وكفت جدام سيارة جهاد ساده

الطريق ويا ما نزل جهاد دحكت نزل فراس ابن خالي حمدان من سيارته دگ گلبي بخوف وفرات وكف گباله

وظلو يتصايحون واحد يغلط على الثاني وفرا گوه لازم جهاد 

حتى لا يضرب فراس بس ذاك السانه زفر ما خله غلط ما غلطه وظلو ناس تعت بناس لحد ما فراس مدري منين 

جاب المسدس ورفعه على جهاد وگع گلبي من صارو يتلاوون ويا حتى ياخذون المسدس سحبت ريام لحضني

من شفتها ترجف وتشاهك ما اريدها تشوف شي فزينه

اثنينه على صوت طلقه ثارت........